57	GEN 3:1	Yomuyomu kidagimai Yave Guyau i fufunisiya sinesiyai mwata tanake tovikanononoonaona. Mwata gumayogu i nutonidadaniya i bwaduwa, “Venemokena Guyau i iyavimiya muka uwa kwana ka kaisima baguna sinenei?”
435	GEN 18:10	Tamokaḡa sinesiyai i bwaduwa, “Venemokena, nofe tovanama maise noko manamananama ana makavinikuwa nenei kawau Sena natuu namoḡa ina vinatuniya.” Atu Sena o vada kana kawa muninei i vanevaneneiya.
562	GEN 22:14	Noko nenei eketa kabainama i weniya Yave Ina Venita. Nofe tovasima nenesiyai namoḡa yasi kafa tanatutuna si bwadubwaduwa, “Yave yana koyai ina venita.”
689	GEN 25:30	Eketa Isowa Yakobo i iyaviya i bwaduwa, “Vitanona i kanamunumokikuwa. Nofe tova nubudana yabeyabenina simo ku veneiku a kawa.” (Noko nenei keta kana wava venuwana si weniya Edomu.)
690	GEN 25:31	Keta Yakobo i iyaviya i bwaduwa, “Vikinuna kana vitovisime nofe tova ku vitamanei nenekuwai ebe yo nubudana ana veniwa.”
691	GEN 25:32	Isowa i iyaviya i bwaduwa, “Ei, i kanamunumokikuwa! Vikinuna kana vitovisime o avana kana dewadewana!”
790	GEN 28:16	Yakobo i kenoviniya na yana matuta keta i bwaduwa, “Venemokena gewa Yave o nofemai i fakwafakwa eatu muka ata sanamanei. Kabaḡa nofe a vimaimatumatuta. Nofe o Guyau yana kabaḡa keta abama kana ketakawana.”
1234	GEN 41:38	Eketa tufomu i iyavisiya i bwaduwa, “Venemokena, Guyau kanununa o namoḡa nofe nenei, yota muka tamo namoḡa tonuwatasuyasuya venemokena yo tana nisaḡai maise tanake.”
1828	EXO 12:11	Yami kamokena o nofemaise. Kwana kanibubuna-vaḡata, kami kaevatakutakuna kwana vivaneina, eketa kiwana nimamiyai kwana givikaviniya, atu kwana venukakawa. Nofe o Venuvisinatana Kana Ka, Iyau Yave kaku vimogumogu fasinei.
1831	EXO 12:14	Manamana tamokatamokaḡa sinenei nofe kuyadayadanama nenei Venuvisinatana Kana Ka kwana fufufuniya yami kafa tuku, Iyau Yave avana a saviviniya fasinei. Nofe kami kwenava kwana kitavikaviniya tova matatafuna si nenemiya nenesiyai.’”
1838	EXO 12:21	Eketa Mosese Isineni tokawakawa matatafusi i vakukusisiya keta i iyavisiya i bwaduwa, “Kwana niya keta sifi o gouti mwanavauna kwana gibokiya eketa ugunimi fasimiyai kwana munuya Venuvisinatana Kana Ka fasinei.
1839	EXO 12:22	Vanekuwe dadana kwana nufwafwa keta ufaufa na bobonusi nenesiyai kwana nukutuva keta kawa kuniniusi be kuetasi kwana nuvidaodaoḡona. Muka tamo aitevana numai ina kikinomana kana nivaniva nuwabuni.
1841	EXO 12:24	Nofe Venuvisinatana Kana Ka kwami keta natunatumi kwana kitavikaviniya kami kwenava fakwafakwa-vaḡasina.
1844	EXO 12:27	kwana iyavisiya kwana bwaduwa, ‘Nofe o Venuvisinatana bwanaosena, Yave kana vimogumogu fasinei. Manatuwaina Itifita sinenei noko nuwabunanama nenei, Yave yata numa i venuvisinatana. Itifita fiyagenagena namoḡa kayeu i nuvimatisiya eatu natunatuta i ofafafisiya.’” Tovanama Mosese i nusifufukooḡa, namoḡa matatafusi si koduwa keta Yave nenei si kodukoduwa.
1860	EXO 12:43	Yave Mosese keta Anoni i iyavisiya i bwaduwa, “Venuvisinatana Kana Ka kana ketaketa nofemaise. Muka tamo avi tene wagawaga ina kawiyei.
1863	EXO 12:46	Venuvisinatana gevagevana numanama sinenei kwa gidewadewiya, kwana kaniya. Muka tamo viyona kwana kikinomanei menanai. Yota muka tamo seḡana kwana kotoviya.
1864	EXO 12:47	Isineni kami matatafu Venuvisinatana Kana Ka kwana kawiiya.”
1902	EXO 14:12	Yawane Itifita ta fakwafakwa nenei ka iyaviwa ka bwaduwa, ‘Ku teneiki be ka fakwa naki ka vivikaetoḡa Itifita namoisi nenesiyai.’ Vikaetoḡa o dewadewamataina yo vikamatemate wanakikaoḡowai.”
1960	EXO 16:12	“Fiyao Isineni yasi odo a nowaniya. Ku iyaveisi, ‘Vanavana kusibanina nenei nao gevageva kwana kawa eatu nuwabuni nao kabwaga kwana kasiyuwa. Nokomai nuwatami ina kanabunabuya vitana Iyau o Yave yami Guyau.’”
2010	EXO 18:10	Yeteno i bwaduwa, “Yave a daviya uḡuna i gifafafanimiya Itifita namoisi keta tufomu nenesiyai. Venemokena! Fiyao Isineni i gifafafanisiya Itifita namoisi nimasiyai.
2204	EXO 25:8	Yave Mosese i nusifufuwiya i bwaduwa, “Namoḡa yaku Vada Tafutafuna sina yoniya ebe kasi kawasasai ana fakwa.
2205	EXO 25:9	Vada Tafutafuna kwana yoniya na kana nogonogo matatafuna yaku nuwanuwai ana visawaveniwa maise.”
2428	EXO 31:7	Yaku Vada Tafutafuna, dedeni kana koni keta koni kana gudu koni etanei, eketa yota yaku Vada Tafutafuna kana nogonogo matatafuna
2531	EXO 34:34	Tova matatafuna tovanama Mosese ina kanakanasuna Vikaninisaḡa kana Vada nenei be Yave nukusi sina nunusifufuwa, tafaki kana dawanafafana i kakikakiya. Eketa tovanama ina kikinomana, fiyao Isineni i iyaiyavisiya Yave yana visime.
2710	EXO 40:2	“Manamana kiouna kuyadayada kana kafa viuḡu nenei, yaku Vada Tafutafuna kuna vimisiniiya.
2713	EXO 40:5	Eyo kafa guvimamadi kana didiḡa vigonudina, kuna teniya dedeni kana koni naunei eketa nuya kuna nuvitanuniya Vada kana kawai.
2714	EXO 40:6	Kafa vikanakooḡa bwanaosena kana didiḡa kuna teniya Vada kana kawa naunei.
2715	EXO 40:7	Kaboma nakasina kafa katumimi kuna teniya Vada keta kafa vikanakooḡa bwanaosena kana didiḡa kasi sinefouwai, eketa ukowa kuna vininiwatotoiya.
2716	EXO 40:8	Vada keta kafa vikanakooḡa bwanaosena kana didiḡa kuna sifafifiniya keta nuya kuna nukanekaneneiya wasiketa kana kawai.
2717	EXO 40:9	Eyo muniyai givikanatafu kana bubu kuna viya keta Vada etana be iba matatafuna sinenei kuna vitowisiya. Kuna tenesiniya fasikuwai ebe ina vitafuwa.
2720	EXO 40:12	Anoni na natunatuna kuna kanasunisiya Vada Tafutafuna kawanei keta ukowa nenei kuna vitowisiya.
2723	EXO 40:15	Bubu nenei amasi ku vitowiya maise, tasike kuna vitowisiya ebe sina vitovibwanaoseya be sina vikaetoikuwa. Vitowanama nenei tasike be susukwasi si nenemiya, tova matatafuna sina vivitovibwanaoseya.”
2725	EXO 40:17	Eketa yamayamana kana kafa viuḡu manamana kana vinuwa nenei keta yamayamananama kana kuyadayada kafa viuḡu nenei, Vada Tafutafuna si vimisiniiya.
2727	EXO 40:19	Muniyai kafa dawanafafana nenei, Vada seḡaseḡanaḡa nenei i teweiya. Eyo kafa dawanafafana yomuyomu kwafinisiyai si fufunisiya nenei, etanei i teweisiya naki maisemoka Yave i visimeiya.
2729	EXO 40:21	Muninei dedeni kana koni i kanasuniya Vada Tafutafuna sinenei keta kafa dawanafafana kana nuya i nuvitanuniya eketa dedeni kana koni i tenefotiya, naki maisemoka Yave i visimeiya.
2730	EXO 40:22	Yota sonama i una-kanasuniya Vada Tafutafuna sinenei keta bomatu kuweyaina i teniya, Totomu Tafutafumokena kana kafa dawanafafana kana nuya kwaunei.
2736	EXO 40:28	Eketa dawanafafana i nuvikaneneiya Vada kana kawa nenei.
2737	EXO 40:29	Kafa vikanakooḡa bwanaosena kana didiḡa i teniya Vada kawanei ebe etanei yawane yomuyomu be kausibi ina vibwanaoseiisiya, naki maisemoka Yave i visimeiya.
2738	EXO 40:30	Vada keta didiḡa kasi kawasasai, kaboma nakasina i vimisiniiya eketa ukowa i vininiwiya kafa katumimi.
2740	EXO 40:32	Tovasima yasi kanasuna Vada sinenei o yasi nai kafa vikanakooḡa bwanaosena kana didiḡa nenei, tututausi sina gonisiya, naki maisemoka Yave i visimeiya.
2741	EXO 40:33	Vada keta kafa vikanakooḡa bwanaosena kana didiḡa i sifafifiniya keta nuya ina nukanekaneneiya wasiketa kana kawai. Eketa Mosese bunanige matatafuna i nusafuya.
2742	EXO 40:34	Eyo muniyai busibusi Vada Tafutafuna i sowiya keta Yave yana mayesina matakikikwanena i vimaiya.
2743	EXO 40:35	Busibusi i nuvitoiya Vada etanei keta Yave yana mayesina matakikikwanena i vimaiya eketa Mosese muka kana fata be ina kanasuna Vada sinenei.
2744	EXO 40:36	Tova matatafuna tovanama busibusi Vada ina teweiya atu ina kanakasiya, nao fiyao Isineni si misimisiniya keta si niniya tamo menana nenei.
2746	EXO 40:38	Tova matatafuna Isineni yasi toḡavenudadananama kana kawasasa nenei, kuyadayadai Vada etanei Yave yana busibusi si kitakitiya. Eatu nuwabuna nenei, nao kai atai i nununuḡa busibusi sinenei Isineni namoisi matatafusi si kitakitiya.
22634	JON 3:7	Yana visime si otamatamaniya Ninive namoḡa kana matatafu nenesiyai. I bwaduwa, “Visime nofe o iyau yami tufomu keta yaku tovisime nukusi nenekiyai. Namoḡa matatafumi eketa yami yomuyomu nakanakasisi be musumususi nukusi muka tamo aviyavana kwana kaniya o kwana yumiya.
22645	JON 4:8	Tovanama vanavana i vaneya, Guyau fonimana inainana gagasei i gikikinomaniya keta i siveya. Vanavana Yona debabouna i guwaniya eketa kabegomokena ita sasana. I yawikosiya nuwanuwana be ita mateya eketa i bwaduwa, “Naki mate dewadewamokena nenekuwai yo ana fakwa na yawasiku.”
24346	MRK 2:17	Tovanama Yeisu i nowaniya, i iyavisiya i bwaduwa, “Aviyaonana muka vivisafwavinaisi o muka ita nufotaisi sina nai togivibwina nenei. Vivisafwavinaisiḡa kasi nufota sina niya togivibwina nenei. Iyau a nemiya o muka aviyaonana si vivinuwadadana tasike toeyaeyana fasisiyai eatu aviyaonana si sanamaniya tasike togo'yona fasisiyai.”
24355	MRK 2:26	Tovanama Abiata tanake tovibwanaose kasi toviketanuneina yana tovai, Deivida i kanasuna Guyau yana Vada Tafutafuna sinenei keta i vikokoniya maneka fasinei. Eketa i veniya eatu noko manekanama o gigivitafuna eketa tovibwanaoseḡa kasi nufota sina kaniya. Eatu Deivida tunina i kaniya yota aviyaonana si kwafuya tunina maneka i venisiya.”
24770	MRK 12:28	Visime kana tovisawavenena tamokaḡa i nemiya keta i nowanisiya Yeisu keta Sadusi si vivikawabwadubwaduwa. Tovanama i nowaniya Yeisu yana nufata kana dewadewana, i nutoninuvenuveiya i bwaduwa, “Guyau yana visime nenei, avi visime o nakatamataina?”
24771	MRK 12:29	Yeisu i nufata i bwaduwa, “Visime nakatamataina o nofe, ‘Isineni kwa vaneneḡa! Tuveka o yata Guyau eketa kana kisimokena Tuveka.
24810	MRK 13:24	“Noko tovasima nenesiyai tovanama kuvavana nakasina ina kakaviya. ‘Vanavana ina vikumanovana keta yota yamayamana muka ina tafa.
24824	MRK 14:1	Naki kuyadayada nuwesimoka muniyai yo Venuvisinatana keta Maneka Muka Nakana Nutuva Kana Ka ina nisaiya. Tovibwanaose nakanakasisi keta visime kana tovisawavenena ketaketa si nuwasa be Yeisu sita givikavina-samwagauwiya ebe sita nuvimatiya.
24835	MRK 14:12	Maneka Muka Nakana Nutuva Kana Ka kana kuyadayada kafa viuḡu nenei, sifi mwanavausi si munumunuwa Venuvisinatana Kana Ka fasinei. Na kuyadayadanama nenei Yeisu kana tomuniyeina si nutoninuvenuveiya si bwaduwa, “Namao nuwanuwau Venuvisinatana Kana Ka kata gidewadewai fasiweu?”
24837	MRK 14:14	eketa avi numai ina kanasuna, toninuma kwana iyaviya kwana bwaduwa, ‘Tovisawavenena i bwaduwa, “Nama totomunama nenei kaku tomuniyeina nukusi Venuvisinatana Kana Ka kata kawiyei?”’
24839	MRK 14:16	Yeisu kana tomuniyeina si noḡokawawa eketa si niya Yenusanema avana Yeisu i iyavisiya maisemoka i kikinomana keta si gidewadewa Venuvisinatana Kana Ka fasinei.
24901	MRK 15:6	Manamana tamokatamokaḡa Venuvisinatana kana Ka kana tovai, tova matatafuna Fainato finisina tamokaḡa deniyai i vivikikinomaniya namoḡa yasi nuwanuwai maise.
24936	MRK 15:41	Nofe vivinesima o nauna Yeisu Ganini nenei si muniiya keta yota si okakikakiniya. Vivine yota yagwanisi nukusi nokomai si misiniya atu Yeisu si tonetoneiya. Vivinesima o Yeisu kaena si kwafuya eketa si niya Yenusanema.
24950	MRK 16:8	Tovanama nokomaise si nowaniya, vivinesima si mayaḡa keta na yasi akikinikuna vatunuma sinenei si kikinomana-nemiya keta si vikadibwadibwana si niya. Si matuta eketa muka tamo aitevana sita iyavei avana namoḡa tufunakasina i nusifufuwisiya. [Tunisi Naumokena Viginiwa Muka Sita Katukanasunei 16:9-20.] [
27038	ACT 2:20	Vanavana ina kumanovaniya yota yamayamana ina yabeniya maise ufaufa, eyo muniyai, kuyadayada nakasina keta kaikaiwabuna ina kikinomana nenei, Iyau Tuveka ana nemiya.
27135	ACT 5:7	Vanavana kana bai tonusi muninei Ananaiyasi kawana si kanasuna namai Fita i fakwafakwa nenei eatu aviyavana i kikinomana o muka yasi sanamana.
27229	ACT 7:44	Yota Sitiveni i bwaduwa, “Waḡawaḡata Vada Tafutafuna si unadadaniya tovanama si fakwafakwa fwayafwaya nunumonumonei. Namaise Guyau Mosese koya Sainai etanei i gisawakedaniya, naki maisemoka i fufuniya.
27230	ACT 7:45	Yota si tenetamaniya waḡawaḡata nenesiyai Yosuwa yana tovai, Guyau yana ovivitai be fwayafwaya nofe si viya mani namoḡa nenesiyai. Eketa Vada Tafutafuna si nemiiya nofemai i fakwa kana nivaniva tufomu Deivida yana tovai.
27277	ACT 8:32	Guyau fonakitunanama i giginaḡanaiya nenei o nofemaise i bwaduwa, “Vitana maise sifi si niiya be kayona sina kanibasiya eketa vitana maise sifi mwanavauna utuutuna kana tanakakanu fasinei naki i numananavamoka. Maisemoka tanake muka tamo kayona.
27410	ACT 12:4	Tovanama Fita deniyai si teniya, Enoda yoko nufunina tonuaviya i tenisiya be sina kitavikaviniya. Yoko tamokaḡa sinenei tonuaviya nasi nufunina ebe yo yasi tovatovai Fita sina vivinanuya. Enoda nuwanuwana be Venuvisinatana kana Ka muninei, namoḡa matatafusi matasiyai atu ina nutonikuekuiya.
27494	ACT 14:11	Tovanama namoḡa si kitiya avana Fauno i fufuniya, Naikoniya tututausi fonasiyai si bwaubwauwa, “Ei, Vivinuwa si vinamoḡamoka eketa si sobunemiya nenetiyai!”
27623	ACT 17:31	Uḡuna tanake tova naki i tenesiniya keta i vinuwadadaniya avi tovai venemokena nenei namoḡa ina nuvisita. Namoinama naki i gibokiya be ina nuvisiya kana matanabobotai. Visawavenemokena kana kiyakiyaya i fufuniya tovanama namoḡanama mateyai i sinaviyawasiya.”
27766	ACT 21:34	Sabuveka sinesiyai namoḡa tunisi iba tamo fasinei si vivikafinafina, eatu namoḡa tunisi o naki si vivikafinafina-kaokaoḡowa. Vikafinafina i vikatumataiya eketa tonuaviya kasi toviketanuneina muka kana fata vidagedage kana uḡu ina sanamanei. Na fasinei yana tonuaviya i visimeisiya ebe Fauno sina kanasuniya numa fakinina nenei.
27811	ACT 23:9	Vikawabwadubwadu i nakata, eketa tunisi visime kana tovisawavenena Fanasi kunumisi nenei si misiniya eketa si numanimaniniya si bwaduwa, “Namoḡa nofe muka tamo goyona ita fufuniya. Kana kita kamo tamo kanunu o tamo Guyau kana kaetoḡa abamei i nusifufuwiya.”
27932	ACT 27:9	Yama dibwana wakai nubwayoumataina eketa Go'yona Kana Vibwanaose kana kuyadayada nakasina naki i kakaviya. Nofe tovasima nenesiyai o gibo i sakasakanunuwa. Na fasinei Fauno i misiniya eketa yasi nona i kakiniya.