4	GEN 1:4	Ma lalalaina i ʼnanai da i ai. Ma lalalaina ma gimtona i vilamonei.
10	GEN 1:10	Ma doa alalana i ḡorei, Dobu ma waira i vivitagogieia i ḡorei, Boga. Ma i ʼnanai da i ai.
12	GEN 1:12	Ma dobu, modu ma ai anatapui i vigogoi. Ma i ʼnanai da i ai.
18	GEN 1:18	da marai ma waguvara ita vibadei ma lalalaina ma waguvara ita vilamonei. Ma i ʼnanai da i ai.
21	GEN 1:21	Ma sia ḡaeḡae ma sia tapuna ma tapuna, boga au orana maemaei ma kiu tapuna ma tapuna maiteni i vitupui. Ma God, i ʼnanai da i ai.
25	GEN 1:25	Ḡamoḡamo nununai anatapui i vitupui ma taui ina vinatuna da me taui nanare. Ma i ʼnanai da i ai.
31	GEN 1:31	Aiwai anatapui i kaukaueia i ʼnanai da i ai kaua ma i vinuaiai. Ma au bigai i nae ma ubaubanai i nei, aupom vi-six-na.
62	GEN 3:6	Ma wavine i ʼnana da ai uana aniam aiaina ma inanana i ai kaua, ma i ḡoei da ita ani da nuaulaula ita vaini, lamna aubaina tauna ai uana i vaia da i ani. Ma ḡelauna awana au ririvana i mamae i verei da i ani.
143	GEN 6:5	Ma Bada i ʼnanai da rava anatapui au dobu ai ḡoʼapoapoe i rata kaua ma aiwai i viogatarei ma i vinua-notenotei anatapui apoapoei.
144	GEN 6:6	Bada i ʼnanai ma orana i viara kaua ma i vinuabola da aiwai aubaina rava i kauei.
146	GEN 6:8	Wate Bada Noah i ʼnanai ma i vinuaiaiei.
147	GEN 6:9	Noah ma ana epaepaeia ai virarautua wenanare. Noah natunatuna nelarai tonuḡa: Shem, Ham ma Japheth. Noah ana ḡoʼapoapoe eḡa, tauna ainelana rava aiaina eḡa me aiai ḡelauna nai au marana. Ma God maiteni i bababani nonoa ma ana au viaiaina i mamae.
149	GEN 6:11	Rava ai ḡoʼapoapoelei dobu i viapoapoeni God au matana ma vigaigaiawa dobu i oai.
150	GEN 6:12	Ma God i ʼnanai da rava ai ḡoʼapoapoe i rata kaua ma lawana apoapoena i maemaelei.
151	GEN 6:13	Ma God Noah i riwei, “Rava pupunana a vivinua-notenotei. Aubaina rava ai ḡoʼapoapoe dobu i oai, lamna aubaina rava ma dobu anatapuna ana vipupui.
329	GEN 13:10	Anina ma Lot matana i tawanei da waira Jordan wapuna ma Zoar melagaina au paratana. Ma i ʼnanai da waira i maḡa ma doa maumaurana me Bada ana peipei, me doa maumaurana au Egypt. (Nai marana Bada eḡa Sodom ma Gomorah ita vipupui.)
332	GEN 13:13	Ma mai Sodom ai lawana i apoapoe kaua ma ḡoʼapoapoe i kaukauei Bada au matana.
376	GEN 15:15	Ma mai Amori ai ḡoʼapoapoe ina rata guratana, ma nai maranaina ana kovoḡi ma ana viaḡaḡana-opunei wei au dobuna. Ma lamna aubaina am epaepaia eḡa ina nei laḡilaḡinai da kimta au vi-four-na. Wate tam, Abram ma magura kaua ma ana nuaubam ma iraḡe ma ina doboim.”
427	GEN 18:2	I taepai ma nelara tonuḡa i ʼnanai i maimairi. Maranai i ʼnananai i ruba da au naoi i mae-ḡaira ma i raudune.
441	GEN 18:16	Maranai nelara tonuḡa i vomairi da ita nae, Abraham taui maiteni i nae da au etanai ita tuterei. Ma taui i ʼnana ḡaira au Sodom,
445	GEN 18:20	Ma Bada Abraham i riwei, “Tau, vikaruwaḡawaḡa maḡamaḡaui a nonori da Sodom ma Gomorah melagaii ravai ai ḡoʼapoapoe i rata guratana.
451	GEN 18:26	Bada i riwa i pa, “Mepa da rava 50 aiaii ana nelaḡai au Sodom, dobuna ana voterei taui ai ḡoʼaiaii aubaina.”
459	GEN 19:1	Ma raviraviai anela ruaḡa au Sodom i ḡeta, Lot melagai au metaetana i kiakiala. Maranai Lot taui i ʼnanai, i vomairi da i nae awarii ma i raudune.
486	GEN 19:28	Ma i ʼnana ḡaira Sodom ma Gomorah ma wapuna ana taputapuna ma kampa bau potopotona i ʼnanai i ḡeḡae.
523	GEN 21:9	Ma Sarah Ishmael i ʼnanai Isaac i vivinamei. Ishmael lamna Abraham natuna ḡelauna, ana taunola Hagar Egyptei i ḡuniḡunia.
552	GEN 22:4	Taui au pom tonuḡa i babara ma Abraham i taepai ma gabu aueia i ʼnanai.
561	GEN 22:13	Abraham i taepai ma sipu orotona i ʼnanai, donana ai raḡaraḡai potopotona au orana i tapaiei. Ma i nae ma sipu i viraḡeni ma sia taputapuna i apui ana pulo God awarina, natuna epaiana.
688	GEN 25:29	Mara tagogi Jacob gwada i vivitavi ma Esau i aroaro da i nei ma inina i garigari ma am i ʼraḡe-kaua.
786	GEN 28:12	Ma i rauboni da tete i ʼnanai, karena au dobu ma damona au mara ma God ana anela i ḡeḡae ma i ḡaiḡaira.
1030	GEN 35:18	Wate Rachel iʼrairaḡe ma ana lavutu au damona ma tevera i viwavai “Ben-Oni.” Wate amana i viwavai, “Benjamin.”
1031	GEN 35:19	Ma Rachel i ʼraḡe ma eta e nenae au Ephrath (marina wavana Bethlehem) au ririvana i doboi.
1088	GEN 37:4	Maranai tuatuana i ʼnanai da amai Joseph i ḡoana-guratei eḡa me taui, ma ai ora-apoapoe ai tevera awarina i rata ma eḡa ita bababani kaua awarina.
1098	GEN 37:14	Amana i riwa i pa, “Ma nae tuatuam ma ḡamoḡamo ma i ʼnanai, taui anina bo eḡa, ma ma nememei da ma riweu.” Ma Joseph i paritawanei. Hebron wapuna i netawanei ma i nae. Maranai au Shekem i ḡeta,
1099	GEN 37:15	ma kampa au wapu i kwavikwaviviro ma oroto tagogi tauna i ʼnanai ma i riwei, “Aiwai e baibaiei?”
1102	GEN 37:18	Maranai tuatuana matai i tawanei ma Joseph i ʼnanai i nenei ma i aramanei da tauna. Muriai da ita ḡetai taui ai oga i tarai da tauna ita viraḡeni.
1109	GEN 37:25	Ma taui i kiala da i amam ma i taepai da dam mai Ishmael i ʼnanai au Gilead da i nenae au Egypt. Taui ai gimara lam anitavidagiai ma bunama mur au kamel i vigerui.
1113	GEN 37:29	Muriai Reuben i nememei da au dogo i ʼnana ḡaira, ma Joseph kampa eḡa ma i vinuabola kaua ma ana gara i sikai.
1117	GEN 37:33	Amai gara i ʼnanai ma i riwa, “Anina wei tau natu ana gara. Ḡamoḡamo ḡaḡaiawai natui i vunui. Oo natu! Ḡamoḡamo natu i uta-sikasikai.”
1153	GEN 39:3	Potiphar i ʼnanai da Bada Joseph i mae-ratui ma i voagui da aiwai anatapuna i kauana-kauei,
1157	GEN 39:7	Kampa eḡa ita mae-pora ma ana bada awana Joseph i ʼnana rauoḡarei ma i riwei i pa, “Ma nei tana matave.”
1158	GEN 39:8	Wate Joseph i geduai ma wavine i riwei i pa, “Ma i ʼnana, tau au bada weka i tereu da a vivipaipai ma lamna aubaina tauna eḡa aiwai numa au orana ina vinuabolei. Tauna ana purapura anatapuna au urau i terei.
1163	GEN 39:13	Wavine i ʼnanai da Joseph i ruba-opu ma ana gara au urana i voterei,
1179	GEN 40:6	Ma ubaubanai maranai Joseph i nei awari ma i ʼnanai da taui eḡa ita vinuaiai.
1189	GEN 40:16	Ma palawa tauapuina i ʼnanai da Joseph nuaiai riwana i vieḡai ma i riwa, “Tau nanare a rauboni. Palawa irigana tonuḡa au kolau a terei.
1201	GEN 41:5	Ma i matave me ma mara viruaina i rauboni da witi aina tagogi ma rovei 7 aiaii ma dododoi i ʼnanai.
1260	GEN 42:7	Joseph taui i ʼnanai ma maratagogi i aramanei da taui aiavoi ma i kauana-melei da apamina taui eḡa ita aramanei. Ma riwa bagibaginei i vitara-virevirei, “Taumi meiei o nei?” Taui i paribelei, “Tauai Canaanei a nei da lam ata gimarai.”
1261	GEN 42:8	Joseph tuatuana i ʼnanai da i aramanei, wate taui ai tevera i vinua-nainei.
1274	GEN 42:21	Ma taui i babani vivira, “Nai maranaina ata tevera ana ora-viarana agu i toutouei awarita ma, eḡa tata rau-nuʼapoapoelei. Tauta ata wavu lamna kovoḡana marina ta vaivaia.”
1386	GEN 45:27	Wate taui aiwai anatapuna Joseph i ririweia amai i pariverei. Ma Joseph ana anigeru i paritawanei da Jacob ita vigerui da ita naiei au Egypt. Maranai wei i ʼnanai, Jacob ana nota i nememe.
1469	GEN 48:17	Wate maranai Joseph i ʼnanai da amana aiwai i kaukauei ma tauna eḡa ita vinuaiai; ma amana urana Ephraim au kolana ita vaitawanei ma Manasseh au kolana ita terei.
1507	GEN 49:33	Ma Jacob natunatuna awarii i babani vorovei, ma tauna ana au animatave i rauvirai ma i ʼraḡe.
1522	GEN 50:15	Ma maranai Jacob i ʼraḡe, Joseph tuatuana i rovo ma i riwa, “Mepa da Joseph amlona ina ḡaiḡai ma ina raubiwa, kaua apoapoena awarina ta kauei aubaina.”
1524	GEN 50:17	‘Joseph wenanare ona riwei, “Tuatuam kaua apoapoe kaukauana awarim i kauei. Wate a ḡoei da ai kaua apoapoe ma nota-tawanei.” “Tauai amam ana God a vovoepaepai, ma a vivibaḡa-guratem da ai ḡoʼapoapoe ma nota-tawanei.” Maranai Joseph wei riwana i nonori tauna orana i viara kaua ma i tou.
1538	EXO 1:5	Jacob natunatuna ma ḡoḡoḡana nelarai, anatapui ai maḡa 70 i ḡaira, Joseph au Egypt maemaena maiteni i ʼavi.
1539	EXO 1:6	Muriai Joseph ma varevareina ma nai kimtana i ʼraḡe-pai,
1557	EXO 2:2	wavine i raumanawa ma natuna orotona i ḡuni. Ma wavine i ʼnanai da natuna inanana aiaina i tupua, ma natuna i tere-govaḡi da nawaravi tonuḡa i kwa.
1560	EXO 2:5	Ma Pharaoh natuna gugunina i ḡairai da ita toa. Ma ana taunola waivinei waira au adana i bababara-nae. Pharaoh natuna iriga i ʼnanai modu au orana ma ana taunola i paritawanei da irigana ita neiai.
1561	EXO 2:6	Maranai Pharaoh natuna iriga i votawanei ma tevera i toutou i ʼnanai, nuanuana i bolai ma i riwa, “Wei mai Hebrew natui.”
1566	EXO 2:11	Maranai Moses i vilaraga, ma i nae da ana rava oina ita raugenari, ma i ʼnanai menanare mai Egypt ana rava i egari da i nolanola ma i rau-iviapoapoelei, ma i ʼnanai Egyptei Hebrewei i vunuvunui.
1567	EXO 2:12	Moses i ʼnana viravira ma eḡa aiai ita inanai, anina ma Egyptei i viraḡeni ma au bubu i doboi.
1568	EXO 2:13	Ma marana i tom Moses i naeme, da ana rava ruaḡa i viḡaiḡaiawa i ʼnanai ma ḡaiawa tauvikareina i riwei, “Aiwai aubaina turam Hebrewei e raviravi?”
1582	EXO 3:2	Kampa Bada ana anela Moses awarina i eḡa, inanana me ai menamenana, ai rugurugui au orana da i ḡeḡae. Moses ai i lebalebara i ʼnanai wate aina ruguruguna maiteni eḡa ita ararai.
1584	EXO 3:4	Maranai Bada i ʼnanai da Moses i nenei au ḡereḡere da ita tuvirevirei, God ai menamenana au orana Moses i ḡorei, “Moses! Moses!” Ma i paribelei, “Ee, Tau weka.”
1847	EXO 12:30	Waguvara au pouna Pharaoh ma ana gabemani babada ma mai Egypt anatapui i vomairi. Numa tagotagogi ava au Egypt tevera tagogi i ʼraḡe, ma tou ma tarakwatu ḡaeḡaena i ḡae.
1900	EXO 14:10	Maranai Pharaoh i tuturiai, mai Israel i taepai da i ʼnanai ma i rovo kaukaua da orai i sisi, ma Bada awarina i garara agu aubaina.
1914	EXO 14:24	Ubaubanai boiboḡi Bada apau maimairina ma ai tuatuana araratana au orana ma i ʼnana ḡaira ma mai Egypt i viaiḡoaḡoai.
1921	EXO 14:31	Maranai mai Israel i ʼnanai da Bada wei kauana vivirewapanana i kauei mai Egypt awarii, taui Bada i vivirana-kauei ma i vitumaḡanei ana taunola Moses maiteni.
1963	EXO 16:15	Maranai mai Israel wei purapurai i ʼnanai ma i vinuanaina ma i vitara-viravira vivira i pa, “Wei aiwai?” Ma Moses rava i riwei, “Wei aniam Bada i veremi.”
1966	EXO 16:18	Wate maranai i ruvai ma i ʼnanai da rava anatapui ruva i vaia da tagotagogina, Taui da ruva ḡaeḡaena i tami eḡa aiwai ita mae-terei ma taui da aburuna i tami ma i nelaḡai da lamna tagotagogina taui aubaii. Numa nununai ravai lam ruvaruvana i vaia.
2014	EXO 18:14	Maranai Jethro i ʼnanai aiwai anatapuna Moses i kaukauei rava aubaii. Tauna i vitara-viravira i pa, “Wei aiwai rava awarii e kaukauei? Aiwai aubaina ainelam wei e kaukauei, ma wei ravai e maimairi pompom da am riwa ita nonori?”
2147	EXO 23:2	Eḡa patara ma ḡovaivaitei ma ḡoʼapoapoe ma kaukauei. Maranai au numa etara e maimairi eḡa moruei ḡoʼapoapoe patarai ma voagui.
2185	EXO 24:7	Ma parivainuaḡana bagibagina bukana i vaia ma rava awarii i ʼavi. Taui i paribelei, “Tauai aiwai anatapuna Bada i ririwei ana kauei, ana babani ana voteletelei.”
2195	EXO 24:17	Mai Israel i taepai ma ola au tepana Bada ana boruma i ʼnanai me ai arata ḡaeḡaena ai menamenana ma bauna potopotona.
2216	EXO 25:20	Ma Cherubim papei au aidamo ina viloloi, ma ina vinao vereverena, da ḡoʼapoapoe tauvaitawaneina uḡuna ina gagaloei.
2440	EXO 32:1	Maranai rava i ʼnanai da Moses barana i uama au ola, taui i nei Aaron awarina ma i riwei, “Ma nei ma god ma voai da ina painita. Wei ravana Moses, Egyptei i neiaita weka, eḡa ata aramanei aiwai i tupua awarina.”
2443	EXO 32:4	Tauna i vaia ma ai au menamenana i apui da i wanagwadai ma bull natuna kokoitauna i voai. Maranai rava wei i ʼnanai ma i riwa, “Oo mai Israel wei ami god, Egyptei i tere-opunemi.”
2444	EXO 32:5	Maranai Aaron wei i ʼnanai ma pulo aniapuna i voai bull au naona ma i vinolanola i pa, “Au maratom tana torela Bada aubaina.”
2458	EXO 32:19	Maranai Moses i turiai mepa rava i rauḡaravu ma bull natuna goldei i ʼnanai i maimairi ma rava i arara i ʼnanai. Tauna meji orana i oai ma ḡaima dabadabai ruaḡa i viorereni au doa. I viaigimagimai ola au karena.
2464	EXO 32:25	Moses i ʼnanai da Aaron eḡa tagotagogina da rava ita vibadei, ma ana ḡavia ai anivinama i kauei.
2469	EXO 32:30	Ma maratomna Moses rava i riwei, “Taumi ḡoʼapoapoe ḡaeḡaena o kauei wate ana ḡae Bada awarina da ana kauana dadanei da ami ḡoʼapoapoe ina nota-tawanei.”
2471	EXO 32:32	Wate marina Bada a vivibaḡaim da ai ḡoʼapoapoei ma nota-tawanei ma mepa da eḡa lamna avena ma wavau am au buka ma boa-tawanei.”
2472	EXO 32:33	Ma Bada Moses i paribelei, “Aiavoi ḡoʼapoapoei i kauei awariu, Tau wavai au buka ana boai.
2473	EXO 32:34	Marina ma nae, rava ma naiei dobu a ririweia ma au anela ina ravenim. Wate mara ina ḡeta da ana kovoḡa, taui ai ḡoʼapoapoe aubaina ana kovoḡi.”
2504	EXO 34:7	Au nuavaina maemaena ina mae au rava awarii da kimta tausan ina kwa ma kaua apoapoe, mae-ḡaeḡae ma ḡoʼapoapoe ina nota-tawanei. Wate tauna eḡa kaua apoapoe taukauei ita inana-tawanei, natunatui ma ḡoḡoḡai, amamai i kaukauei kovoḡana e vaivaia da kimta vitonuina da vi-four-na.”
2506	EXO 34:9	I riwa, “Au bada mepa da riwa kaua da tam nuanuau u vaia, a vivibaḡaim da uta vinao ma tata nae. Wei ravai orai badobadoi, wate ai kaua apoapoe ma ai ḡoʼapoapoei ma nota-tawanei, ma ma vai-meleiai am buderi.”
2527	EXO 34:30	Aaron ma Israel patarai i ʼnanai da Moses naona i lalalai ma awarina naena i rovoei.
2532	EXO 34:35	ma mai Israel, i ʼnanai da Moses naona i lalalai. Lamna maranai Moses naona i puru-melei da ina rui me da Bada awarina ina babani.
2750	LEV 1:4	Ma uram ḡamoḡamona au kolana ma terei, wei e vivimataira da ḡamoḡamo i raviepaiam da ina iraḡe am ḡoʼapoapoe ina oḡa-tawanei.
3247	LEV 17:11	Aiwai anatapui da lawalawaii ai lawana au tarai e mamae ma lamna aubaina Bada i riwa da tara pulo au aniapuna ona voiwaiwaḡi da rava ai ḡoʼapoapoe ina vaitawanei. Tara lamna lawana, ma lamnei ḡoʼapoapoe e vaivai-tawanei.
3274	LEV 18:22	—Eḡa aiai orotona, oroto ḡelauna ina viawawanei, me oroto waivine e viawawanei, wei lamna ḡoʼapoapoe kaukauana God au matana.
3299	LEV 19:17	—Eḡa oram ina raviapiai kaua apoapoena ravana awarina, wate maiteni ona kiala da kaua ona tere-vaijijimani, da eḡa ḡoʼapoapoe ona kauei.
4143	NUM 14:34	Aupom 40 dobuna o tuvirevirei lamna aubaina ana kovoḡimi da madeḡa 40, au pom tagogi maiana madeḡa tagogi. Ami ḡoʼapoapoei aubai au kovoḡa malana ona vaia.
4144	NUM 14:35	Tau Bada, A riwa! Tau wei ana kauei taumi ḡoʼapoapoe ravami anatapumi awarimi. Ami rava maiteni o vitagogiemi ma o viḡavieu. Taumi anatapumi au mutulua ona kwa, taumi weka ona iraḡe.
4313	NUM 20:1	Nawaravi au vouna mai Israel anatapui au mutulua Zin i ḡeta ma au Kadesh i rauḡaravu. Weka Miriam i ʼraḡe da i doboi.
4340	NUM 20:28	Moses Aaron ana pirisi garai i votawanei ma natuna Eleasar i vioteni. Ma kampa ola au tepana Aaron i ʼraḡe. Ma Moses ma Eleasar i ḡaira memei.
4341	NUM 20:29	Maranai patarana i aramanei da Aaron i ʼraḡe ma i touei da au pom 30.
4347	NUM 21:6	Ma Bada mota ḡaiḡaiawai i paritawanei awari ma maḡamaḡaui i ani ma i ʼraḡe.
4348	NUM 21:7	Rava i nei Moses awarina ma i riwa, “Tauai ḡoʼapoapoena a kauei maranai Bada ma tam a parivireviremi. Ma raupari da Bada mota ina vaitawanei.” Ma Moses i raupari rava aubaii.
4349	NUM 21:8	Ma Bada Moses i riwei i pa, “Mota ḡaiḡaiawana kokoitauna ma kauei ma ai au damona ma raḡini. Maranai mota, rava aiai i ani ma i taepai da mota kokoitauna i ʼnanai, ma tauna ina lawana.”
4350	NUM 21:9	Ma Moses mota bronzei i kauei ma ai au damona i raḡini. Maranai mota aiai i ani ma ravana i taepai da mota i ʼnanai ma i lawana!
4378	NUM 22:2	Ma mai Israel aiwai i kauei mai Amori awari, Zippor natuna Balak anatapuna i ʼnana-pai.
4399	NUM 22:23	Ma maranai donki Bada ana anela i ʼnanai ana sodna au etanai i maimairi ma i tawana-ruiei au ririva. Balaam donki i kwakwapui da ita opu me au etanai.
4401	NUM 22:25	Maranai donki Bada ana anela i ʼnanai ma ita deḡa lamna Balaam aena au gari i viairaturatui. Ma Balaam donki i kwapu-melei.
4403	NUM 22:27	Maranai donki anela i ʼnanai, i mae-ḡaira da i kiala, Balaam amlona i ḡaiḡai kaua ma ana jiḡonei donki i kwapui.
4407	NUM 22:31	Ma Bada Balaam matana i vikalai da ana anela i ʼnanai ana sodna i maimairi au etanai. Ma i mae-ḡaira au doa ma i raudune.
4409	NUM 22:33	—Mara tonuḡa am donki i ʼnanaiu ma mara tonuḡai i deḡeu. Mepa da eḡa, lamna tau ata viraḡenim ma donki ata voterei.”
4479	NUM 25:7	Maranai Aaron ḡoḡana pirisi wavana Phineas wei kauana i ʼnananai, boru i voterei ma pawasi i lavui,
4858	NUM 35:11	melagai ḡelaui ona vinei da rava ai aniḡaḡalo. Maranai rava turana i vunu-boai da i ʼraḡe, taui weka ina ruba da ina gagaloei.’
5154	DEU 8:15	I taravaina-naiemi au mutulua ḡaeḡaena ma viʼnirovorovona mota ḡaiḡaiawai ma tanara ai dobu. Dobu paipairana ma eḡa waira. Wate i kauei da kira i ravi ma waira i ruba-opu taumi aubaimi.
5402	DEU 18:16	Aubaina taumi wei lamna o vivibaḡei maranai o vitagogiemi ola Horeb au karena ma o riwa, “Eḡa Bada ponana tana nonori bo ai ḡaeḡaena menamenana tana inana-melei da tana viʼraḡeraḡelana.”
5846	DEU 34:5	Muriai Moses urana Joshua, Nun natuna au kolana i terei ma i viaiaini ma nuaulaula orana i ruini. Ma lamna aubaina mai Israel Joshua i voteletelei Moses i ririweia nanare. Ma Bada ana taunola Moses, i ʼraḡe mai Moab ai au dobu, Bada i ririwei nanare.
5854	JOS 1:1	Maranai Bada ana taunola Moses i ʼraḡe; ma Joshua, Nun natuna ma Moses ana tauagu i riwei,
5855	JOS 1:2	“Au taunola Moses i ʼraḡe. Marina mai Israel maiteni ona vokaukaua ma Jordan ona damani da dobu a vereveremiana kampa ona ḡeta.
6554	JDG 2:7	Mai Israel Bada i viborumei maranai Joshua lawalawaina i mamae ma i ʼraḡe ma kimtana magumagurii biaḡa i mamae i ʼraḡe-pai, wei ravai Bada kaua ḡaeḡae i kauei i vimatematei.
6555	JDG 2:8	Nun natuna - Joshua Bada ana taunola ana madeḡa 110 ma i ʼraḡe.
6566	JDG 2:19	Wate maranai taurauetara i ʼraḡe, rava, Bada i mae-puputei ma i apoapoe kaua eḡa me amamai nanare ma god ḡelaui i vitaunolei ma i raudunelei. Taui i geduai kaua da ai kauai apoapoei ma ai ora pota ita voterei.
7226	1SA 1:12	Ma i raraupari Bada awarina ma Eli tauna ipirina i ʼnainanai.
7292	1SA 3:14	Riwa bagibaginei a ririwa da Eli ana numa ravai ai ḡoʼapoapoe eḡa melanai ana nota-tawanei. Avena da pulo ina apui awariu.”
7430	1SA 10:10	Maranai Saul ana taunola maiteni au ola Gibeah i ḡeta, peroveta borui i ʼnanai i nenei awarii. Anina ma God Aruana Saul i ruini ma i vibadei da tauna maiteni God ana babani i garagaraei.
7431	1SA 10:11	Maranai ravai Saul i araramaneia Saul i ʼnanai peroveta au borui i jimajima taui orai i auepai ma ai rava i ririwei, “Riwa kaua bo aiwai i tupua Kish natuna awarina? Saul i viperoveta bo?”
7581	1SA 15:19	Aiwai aubaina Bada eḡa uta voteletelei? I riwem da eḡa purapura i ʼrairaḡe-tawanei ona tami, wate tam vipurapura u ḡoei ma u vai-labalababai da u nuanei, wei lamna kaua apoapoe Bada au matana.”
7597	1SA 15:35	Samuel eḡa Saul ita inana-melei da i ʼraḡe wate Saul i vinuabolana-maelei. Ma Bada nuanuana i bola-kauei da Saul i terei mai Israel ai gulau.
7603	1SA 16:6	Maranai taui i ḡeta ma Samuel Jesse ana natuevou Eliab i ʼnanai ma ana au nota i riwa i pa, “Wei teverana e maimairi Bada au naona lamna anina ana vinevine.”
7684	1SA 18:6	David oroto Philistiei ḡaeḡaena ma inanana viʼnirovorovona i viraḡeni ma i nenememei ma waivine taon anatapuiei i nei ma ketaketara ma gita i vikalokaloei ma i arara ma gulau Saul i nebelei.
7687	1SA 18:9	Ma lamna aubaina tauna David i unurana-kauei ma i ʼnana-vaitetei.
8016	1SA 31:4	Ma Saul ana apia tauavaraina i riwei, “Am sodei ma viraḡeniu. Eḡa ata ḡoei da Philistia-eteni ina vijiboḡiu ma ina virageniu.” Wate tauna i rovo da viraḡenana i kauana-avei. Ma Saul ana sod i lavui da au manawana i tonei ma au tepana i peu da i ʼraḡe.
8017	1SA 31:5	Maranai ana apia tauavaraina wei i ʼnanai ma tauna nanare ana sod au tepana i peu ma gulau au ririvana i ʼraḡe.
8264	2SA 11:2	Mara tagogi aubigai David i matave-vomairi ma ana au poewa vatavatarana i bababara-nae. Ma i ʼnana damana da wavine i ʼnanai i toatoa, i oḡaoḡa-melei aubaina marina ana nawaravi doriana i kwa, wavine inanana aiai kaukauana anina ma David, rava i paritawanei da ita aramanei tauna aiai. Ravana i ḡeta memei ma i pariverei i pa, “Wavine wavana Bathsheba, Eliam natuna ma Uriah Hitti ei awana.” Ma David ana taunola i paritawanei da wavinena i neiai awarina ma tauna maiteni i matave ma i nae me au numa.
8288	2SA 11:26	Ma Uriah awana riwana i vaia da awana Uriah i ʼraḡe ma i touei ma i moguei.
8307	2SA 12:18	Aupom 7 au murina tevera i ʼraḡe ma ana numa babadai i rovo da David eḡa ita pariverei. Taui ava i babani vivira i pa, “Maranai tevera lawalawaina David eḡa ita rautaniḡaneta ma marina menanare tana riwanei da natuna i ʼraḡe? Mepa da ina viapoapoena-melei!”
8308	2SA 12:19	David i ʼnanai ana taunola i pari-ararava ma i aramanei da natuna i ʼraḡe. Ma i paridadana, “Tevera i ʼraḡe bo?” Ma taui i paribelei, “Ee tauna i ʼraḡe.”
8310	2SA 12:21	Ana numa babadai i baiei ma i riwa, “Maranai tevera lawalawaina, tam u uji ma u mogu, ma tevera i ʼraḡe, tam u vomairi da e amam!”
8312	2SA 12:23	Wate marina i ʼraḡe aiwai aubaina ana u uji? Ana neiana-meleai bo? Amapo ana nae awarina wate tauna eḡa ina nei awariu.”
8838	1KI 3:19	—Ma waguvara tagogi wavine natuna i matave-jijini da i ʼraḡe.
8840	1KI 3:21	Ubaubanai a vomairi da natu ata viḡuḡui, lamna a baei da natu i ʼrairaḡena. Ma mara i tom kaua ma ata inana-kauei lamna eḡa tau natu.”
9086	1KI 10:4	Sheba ai gulau i aramanei da Solomon nuanuana i ulaula kaua ma; i ʼnanai ana gulau-numana, vigulauna i voai,
9139	1KI 11:28	Jeroboam oroto araramanina ma maranai Solomon i ʼnanai da tauna i nola kaua, ma i terei da Joseph noinoii dam Ephraim ma Manasseh, ai taunola i vibadei.
9151	1KI 11:40	Solomon i ḡoei da Jeroboam ita viraḡeni, wate tauna i ruba au Egypt, ai gulau Shishak awarina ma kampa i mae da Solomon i ʼraḡe.
9170	1KI 12:16	Maranai Israel patarana i ʼnanai da gulau taui ai babani i parivirevire, ma gulau i riwei i pa: “Tauta eḡa Jesse natuna David ana damei! Eḡa ana dam ravai! Oo Israel ona naeme me ami au numa Oo David am dam oina ma inanai!” Anina ma mai Israel i nae ai au numa.
9184	1KI 12:30	Wei lamnei i ḡoʼapoapoe; aubaina rava ḡelaui uama ḡaeḡaena i naeni da au Dan da burumakauna i voepaepai.
9316	1KI 16:30	Omri natuna Ahab, ana ḡoʼapoapoe i rata guratana Bada awarina eḡa me gulau anatapui au naona i vivibada nanare.
9317	1KI 16:31	Tauna i notai da lamna kaua labalababa da i ḡoʼapoapoe me Nebath natuna Jeroboam i kaukauei nanare. Wate tauna i kauana-guratei maranai mai Sidon ai Gulau Ethbaal natuna Jezebel i ravaḡi ma i vikarei da ai god Baal i raudunelei.
9330	1KI 17:10	Ma Elijah i nae au Zarephath. Maranai i ḡetai taon ana au anirui, ma kaiababa i ʼnanai ai i ḡunaḡuna, ma i riwei, “A vivibaḡaim da waira aburuna uta neiai da ata uma!”
9337	1KI 17:17	Muriai kaiababa natuna i doria ma ana doria i vovoguratei anina ma i ʼraḡe.
9338	1KI 17:18	Ma wavine Elijah awarina i riwa, i pa, “God ana taunola, Aiwai aubaina wei u kauei awariu? U nei weka da au ḡoʼapoapoe uta vieḡai ma natu uta viʼraḡeni bo?”
9340	1KI 17:20	Anina ma ponana i rata ma i raupari Bada awarina, “Oo Bada au God, aiwai aubaina kaua apoapoe kaukauana u kauei kaiababa awarina? Tauna i taravainiu da ana au numa a mamae, ma u kauei da natuna i ʼraḡe?”
9361	1KI 18:17	Maranai tauna Elijah i ʼnanai ma i riwa, “Wei tam bo, mai Israel rauaḡaiḡaii amai?”
9382	1KI 18:38	Maratagogi Bada ana ai marei i ḡairai ma pulo bull, ai, ḡaima ma doa i aragibui. Ma waira i ʼwaiwaḡia i ḡuḡuva-pai.
9383	1KI 18:39	Maranai rava wei i ʼnanai taui i mae-ḡaira au doa da i matave-taitaina ma i garara Bada awarina, “Bada anina God! Bada ainelana anina God!”
9396	1KI 19:6	I ʼnana viravira ma i matamatave lana au kolanei palawa apuapunana ma waira aniuma. I am ma i uma ma i matave me.
9558	2KI 2:3	God ana peroveta borui au Bethel maemaei i opui Elisha awarina ma i riwei i pa, “Tam u aramanei da Bada am bada amadodo awarim ina vaitawanei?” Elisha i paribelei, “Ee a ʼramanei, wate lamna eḡa ona babaniei.”
9560	2KI 2:5	Ma God ana peroveta borui kampa au Jeriko maemaei i opui ma Elisha i nebelei ma i riwei, “Tam u aramanei bo da Bada am bada amadodo awarim ina vaitawanei?” Elisha i paribelei, “Ee a ʼramanei, wate lamna eḡa ona babaniei.”
9567	2KI 2:12	Elisha wei i ʼnanai ma i garara, “Amau! Amau! Mai Israel taugagaloeina vivirewapana! Tam u nae!” Ma Elijah eḡa ita inana-melei. Nuanuana i bola-kauei ma ana kwama au pouna i sikai.
9570	2KI 2:15	Jeriko ai peroveta boruna 50 au weia ma i ʼnanai aiwai i tupua ma i riwa, “Elijah ana rewapana i damana Elisha awarina.” Ma i nae da ita nebelei ma i mae-ḡaira au doa ma i raudune.
10134	2KI 21:11	“Gulau Manasseh kaua maḡamaḡaui vinuamedamedai i kaukauei, ma tauna i apoapoe kaua eḡa me mai Amori, taui wei dobuna i maeni muriai da mai Israel. Ai kokoitau miramirai awariei mai Judah i raveni da i ḡoʼapoapoe.
10137	2KI 21:14	Au rava i ḡoʼapoapoe awariu, maranai noinoii Egypt i opu-tawanei da marina. Wei e viviamloḡaiḡainiu. Ma rava mamae‑terenai ana inana-tawanei, ma ana veredamanei ḡavia awarii ma taui ina vovaiubai ma ai purapura ina kwalei.”
10141	2KI 21:18	Manasseh iʼraḡe ma ana numa au ririvana dobu wavana Uzza ana au wapu i doboi, Ma natuna Amon ana gabu i vaia da i vigulau.
10143	2KI 21:20	Tauna ana ḡoʼapoapoe, i rata kaua Bada awarina me amana nanare.
10165	2KI 22:16	Bada wenanare i riwa, “Tau wei dobuna ma dobuna taumaenina ana kovaḡa kauei.” I girugirumia nanare, ma lamna gulau awarimi i ʼavi, Bada wenanare i riwa, “Taui i geduaieu ma god ḡelaui i viviborumei ma lamna i viamloḡaiḡainiu. Jerusalem awarina orau amapo da e ararai ma amapo eḡa ina dauva.”
12500	NEH 8:3	Ma Ezra au deba i mairi ma ponana ḡaeḡaenei bukana i ʼavi rava awarii, maratomtomai i vikarei da aubenai ma anatapui i rautaniḡana kaua.
12505	NEH 8:8	Ma Levi ana dam ravai, bukana rava awari i ʼavi ma i viararamani da taui riwana anona i aramanei.
12874	JOB 1:1	Oroto wavana Job au Uz i mae. Tauna rava jijimana kaukauana ma ḡoʼapoapoei i geduaiei. Tauna God i vivirei ma ḡoa aiaii ava i kaukauei.
12895	JOB 1:22	Wei anatapuna au orana, Job eḡa ḡoʼapoapoe aiwaina ita kauei bo God ita viwavui.
12898	JOB 2:3	Ma Bada i paridadana, “Au taunola Job u inanai bo eḡa? Tauna rava aiaii kaukauana eḡa aiai ḡelauna au dobu nanare. Tauna rava jijimanina ma patupatutuna. Ma e vivivireiu ma ḡoʼapoapoe e gedugedaiei. Ana lawana anina jijimanina e maemaeni avena da orau u taini da a kovoḡa labalababai.”
12905	JOB 2:10	Wate Job i paribelei i pa, “Tam opaopam! Eḡa nanare ma babani. Tauta God kaua maḡamaḡaui ma aiaii e verevereta, ma apoapoei e paripari-tawaneiai, maiteni tana vaia.” Wei kauai maḡamaḡaui apoapoe Job awarina i tupua, wate tauna ana babani awarinei eḡa ḡoʼapoapoe ita kauei.
12906	JOB 2:11	Maranai ana rava tonuḡa riwana i vaia da Job wenanare ma menanare i vinuʼapoapoenei, taui i vitagogiei ma i nae Job ita raugenari ma ita vinuaubai. Taui wavai Eliphas tauna Temanei, Bildad tauna Shuahei ma Zophar tauna Naamah ei.
12907	JOB 2:12	Taui tapunei Job i ʼnanai ma i vinuanainei da lamna Job. Maranai i ʼnana-kauei. Taui i vitouana, ma ai kwama i viaisikasikai ma pokau au tepai i tawatawanei.
12908	JOB 2:13	Ma aupom ma waguvarai 7 taui au doa i vikiakialei, Job i mae-vereverei. Ma i ʼnanai da ana nuabola i rata guratana ma gamoi i pota ma i kiala genuatau.
12919	JOB 3:11	Airake, boiboḡi ita gomuiu! Bo ata i ʼraḡe maranai a tuputupua.
12941	JOB 4:7	Ma tumairi ma ma vinua notanota! Rava jijimani e irairaḡe bo? Mara aiwai rava jijimani i kero ma iʼraḡe?
13931	JOB 42:5	Taniḡau ava riwam i nonori Wate marina matau i ʼnanaim.
13932	JOB 42:6	A vinimala, ma au lapukare ma au debidebi ana kiala. A ruperupena ma a mae-tavireu awarim ma au ḡoʼapoapoe ma nota-tawanei.”
13943	JOB 42:17	Anina ma i magura kaua ma iʼraḡe.
13944	PSA 1:1	Rava viaiainana, lamna eḡa ḡoʼapoapoe ravai ita votaḡotaḡoi, ma ponai eḡa ita rarautaniḡanei; ma vivijiboḡai eḡa awarii ita kiakiala.
13947	PSA 1:4	Wate ḡoʼapoapoe ravai eḡa nanare! Taui me rugurugu, ive i kapupuana-naiei;
13948	PSA 1:5	Lamna aubaina ḡoʼapoapoe taukauei Bada ana au etera ita mairi ava, ma nanare ḡoa apoapoei ta kauei rava jijimani ai au dam ita mae ava.
13949	PSA 1:6	Bada ḡoa aiaii ravai e rarauetaraveni ma e paipaini; wate ḡoʼapoapoe ai etanai au damona, pupui.
14304	PSA 27:2	Maranai ḡoʼapoapoei ravaii i ḡetai da ita vunuiu, au ḡavia aei ina pakana-melei da ina peu.
14309	PSA 27:7	Bada ma rautaniḡaneu maranai awarim a kwatukwatu, ma raunuʼapoapoleu ma ma paribeleu.
14315	PSA 27:13	A ʼramanei da Bada ana viaiaina ana inanai, weka lawalawai ai au dobu.
14424	PSA 34:17	Wate tauna ḡoʼapoapoei ravai e mamae-puputei taui ina iraḡe ma rava nuanuai ina vuru.
14726	PSA 51:3	Oo God, ma raunuʼapoapoeleu. Tam nuavaina maemae-nonoana amai. Tam raraunuapoapoei amai au ḡoʼapoapoe ma notatawanei.
14727	PSA 51:4	Au rauaḡaiḡai ma oḡai ma au ḡoʼapoapoe ma oḡa-tawanei.
14730	PSA 51:7	Tau rauaḡaiḡaiu, melamelauei da marina Au manawa da marina tau ḡoʼapoapoe taukaueina.
14732	PSA 51:9	Au ḡoʼapoapoei ma oḡa-tawanei, ma oḡaiu da ana arapoira da gonu rovena arapoirana ana ḡetawanei.
14733	PSA 51:10	Ma riweu da au ḡoʼapoapoe u nota-tawanei da ana vinuaiaii ma ana morelana avena da gelamiu u viaigaigai, marina ana vinuaiai.
14734	PSA 51:11	Au goʼapoapoe ma inana-tawanei ma au apoapoe mirai ma boai.
14738	PSA 51:15	Lamnei, ḡoʼapoapoei taukauei am kaua ana viararamani, da ina mae-tavirei awarim.
14739	PSA 51:16	Oo God, viʼraḡena vitana awariu ma vaitawanei, da am kaua jijimanii ana welei.
14946	PSA 67:2	Oo God ma raunuʼapoapoelelai ma ma viaiainiai, ma naom weka ma tereiai da ma voaguiai!
15451	PSA 90:8	Ai ḡoʼapoapoe anatapui au naom u lavaei, ai ḡoʼapoapoe govagovaḡana, wate anatapuna e inainanai.
15465	PSA 91:5	Waguvara kauai viʼni-rovorovoi eḡa ona rovoei, bo ḡavia madeḡai e viviḡavia,
15468	PSA 91:8	Matamiei ona inana ma ona inanai ḡoʼapoapoe ravai ai kovoḡa.
15529	PSA 95:9	Kampa amamami i ʼnanai, kauababai a kauei wate eḡa ita vitumaḡaneu, ma i raudadaniu.
15619	PSA 103:3	Au ḡoʼapoapoe anatapui e notanota-tawanei, ma doria awarinei e vivilawaniu.
15623	PSA 103:7	Ana oga Moses i viatataiei, ma mai Israel Bada ana kaua vivirewapanai i ʼnanai.
15626	PSA 103:10	Anina da ita kovaḡa-kaueta, wate i raunuʼapoapoeleta da kovoḡa eḡa ḡaeḡaena ita verevereta.
15628	PSA 103:12	Mepa madeḡa e gogogolana da mepa e ḡaiḡairalana, lamna uama, ma nanare ata ḡoʼapoapoe vinimalana e vaivaitawana-naiei aueia.
15977	PSA 119:11	Riwam a iaiavi ma au nuanuau a tereterei, da eḡa ḡoʼapoapoei awarim ana kauei.
16315	PSA 139:8	Ata ḡae au mara da tam kampa; mepa da i ʼrairaḡei ai au dobu ata rauviraiu, tam kampa.