30	GEN 1:30	Ma ḡamoḡamo moduei ma kiu ma ḡamoḡamo nununai anatapui aubai; ai rugurugu a vereverei ai lam.” Ma nanare i mae.
160	GEN 6:22	Ma God aiwai anatapuna i ririweia; Noah i kauei.
403	GEN 17:5	Ma marina wavam Abram, ana terevirai da Abraham; aubaina marina ana kauei da dam patarana maḡamaḡaui ina viamanem.
470	GEN 19:12	Anina ma nelara ruaḡa Lot i riwei i pa, “Tauai marina wei dobuna ana pupuni. Bada, vikaruwaḡawaḡa maḡamaḡaui i nonori wei melagaina ravai awarii ma Tauna, tauai i paritawanelai da dobuna ana pupuni. Am dam ravai ḡelaui weka e mamae bo eḡa? Natunatum nelarai ma waivinei ma poipoiam ma am rava aiavoi au melagai maemaei; ma taravaina-opunei!”
679	GEN 25:20	Isaac ana madeḡa 40 ma Rebekah i ravaḡi. Rebekah tauna Leban novuna aburuna; amai Bethuel. Taui mai Aram au Padan-Aram i mamae.
1035	GEN 35:23	Leah natunatuna: Reuben; Jacob ana natuevou Simeon, Levi, Judah, Isakar, ma Zebulun.
1039	GEN 35:27	Ma Jacob i nememei amana Isaac awarina au Mamre au Kiriath-Arba; marina e ḡoreḡorei Hebron. Abraham ma Isaac wariaḡa wei dobuna i mae-gubai.
1369	GEN 45:10	Tam au ḡeḡereu ma mae au Goshen; ma nanare natunatum ma ḡoḡoḡam ma am ḡamoḡamo ma aiwai anatapuna ḡarimei.
1456	GEN 48:4	Ma i riweu, ‘Natunatum ana vimaḡai ma am epaepaia ai dam ana viratai; wei dobuna am epaepaia ana verei da ina viḡariana-nonoei.’
1457	GEN 48:5	—Ma lamna aubaina ḡoḡoḡau ruaḡa Manasseh ma Ephraim au Egypt tuputupuai muriai da a nei; lamna tau ana vaia da natunatu me natunatu Reuben ma Simeon.
1458	GEN 48:6	Roaroa muriai e tuputupua lamna tam ḡarimei; ma ai buderi Ephraim ma Manasseh awariei ina vaia.”
1469	GEN 48:17	Wate maranai Joseph i ʼnanai da amana aiwai i kaukauei ma tauna eḡa ita vinuaiai; ma amana urana Ephraim au kolana ita vaitawanei ma Manasseh au kolana ita terei.
1535	EXO 1:2	Reuben, Simeon, Levi, Judah;
1536	EXO 1:3	Isakar, Zebulun ma Benjamin;
1923	EXO 15:2	Bada au rewapana ḡaeḡaena, ma welei ana voepaepai; Tauna i vilawaniu Tauna au God ma ana voepaepai, Amamau ai God ma lamna aubaina ana vimae-ḡaeḡaeni ma ana voepaepai.
1925	EXO 15:4	Pharaoh ana chariot ma ana sorodia au boga i viorereni; Ana sorodia vinevinei au Boga Lebalebarina i monui.
1926	EXO 15:5	Gabinou i wanaiwaḡi da taui i purui; ma i monu boga au gabaurina me ḡaima.
1931	EXO 15:10	Wate lavutumei u uvena, ma gabinou taui i purui; i monu me ḡaima rabama au ḡaeḡaena.
2001	EXO 18:1	Moses poiana Jethro, mai Midian ai pirisi pulo tauapuna i nonori aiwai anatapuna Bada i kaukaueia Moses ma mai Israel awarii; ma menanare Egyptei i taravaina-opunei.
2008	EXO 18:8	Ma Bada aiwai i kaukaueia Pharaoh ma mai Egypt awari mai Israel aubai; ma apoapoe anatapui au eta i nebelei; ma menanare God taui i vilawani; anatapui poiana i pariverei.
2016	EXO 18:16	Maranai rava ruaḡa e viviamparipari. Taui e nenei awariu da a teretere-vaijijimani; ma God ana riwa ma ana tarawatu a ririwei.”
2019	EXO 18:19	Ma rautaniḡana ma ana vinuaterenem; ma God awarim ina mae. Tam anina da rava ma raviepaiai God au naona ma ai viamparipari ma neiai awarina.
2021	EXO 18:21	Wate am patara awariei nelara ḡelaui araramanii ma God e viviborumei ma eḡa amkwalakwalai ma vinei da rava ina vibadei: ḡelaui rava 1,000 ina vibadei; ma ḡelaui rava 100; ma ḡelaui rava 50; ma ḡelaui rava 10 ina vibadei.
2063	EXO 20:11	Aubaina au pom six au orana Bada mara ma dobu i kauei; boga ma anatapui au orana. Wate i vilauvitau au pom au vi-7-na. Lamna aubaina Bada Sabate i viaiaini ma i vovivirei.
2208	EXO 25:12	Ma ana loji 4 ma vokaukauei ma au aena 4 ma terei; ma au baba ḡelauna loji ruaḡa ina mae ma au baba ḡelauna loji ruaḡa ina mae.
2429	EXO 31:8	kepakepa ma ana purapura; rampa gold aiainei ma purapura ḡelaui ma incense aniapunana.
4435	NUM 23:18	Ma Balaam wei riwana i riwei i pa, “Balak, Zippor natuna ma vomairi; ma Ma rautaniḡana kaua.
4436	NUM 23:19	God eḡa rava ota, Tauna eḡa ita morumoru. Bo ana nota ita viravirai. Tauna aiwai i babaniei, nanare ina tupua Aiwai i parivainuaḡani; nanare ina kauei.
4437	NUM 23:20	I riweu da wei ravai ana viaiaini; maranai God e viaiaina, tau eḡa tagotagogina da ana virai.
4483	NUM 25:11	“Aaron ḡoḡana pirisi Phineas au meji mai Israel awari i viubai; da taui eḡa ata pupuni aubaina tauna ana nota me tau au nota, rava eḡa god ḡelaui ina voepaepaei anina Tau ava.
5038	DEU 4:32	Maranai Bada urana vivirewapananei Egypt ei i tereopunemi, tauna kaua babai ma virewapanai i kauei. Mai Egypt i vipupui aubaimi. Ma i vainimi da natunatuna, ma au ola Sinai o nonori awarimi i babani, ma o nonori ai menamena au orana ma awarimi i babani, ma lawalawaimi o mae! Wenanare wariaḡa i tupua dadana awarii bo eḡa? Eḡa! Ona nae me da au karena, maranai God oroto ma wavine i kauei da marina; ma dobu au giana da dobu ḡela au giana ona baiei. Kaua wenanare aniba i tupua-dadana bo eḡa?
5114	DEU 7:1	Ma Moses mai Israel i riwei, “Maranai Bada ami God i ruiemi dobuna i vereveremiana; Tauna au naomi ami ḡavia anatapui ina viaḡaḡana-opunei: mai Hitti, mai Girgash, mai Amori, mai Canaan, mai Perisi, mai Hivi, ma mai Jebus. Dam seven ḡaeḡaei ma vivirewapana kauai eḡa me taumi.
5115	DEU 7:2	Ma maranai Bada ami God taui au urami i terei ma o vovaiubai lamna taumi wei ravai ona pupuni. Eḡa maiteni aiwai babanina ona kauei; ma eḡa ona rau-nuapoapoelei.
5118	DEU 7:5	Wenanare awari ona kauei. Ai pulo aniapuna ona viairikarikai ma ganai ona viaigwadagwadai; ma Asherah kokoitaui ona viaigaigai ma ai au menamenana ona apui.
5123	DEU 7:10	Wate taumi da Bada o rauaḡaiḡaiei; Tauna eḡa ina volatelatemi ma ina pupunimi.
5141	DEU 8:2	Moses ana rava i riwei i pa, “Nuanuami eḡa ina vuru; menanare Bada ami God au mutulua i ravenimi da madeḡai 40 da volaḡota ota aramanei ma orami ana rewapana ita inanai. Ma ita aramanei ana tarawatu ona voteletelei bo eḡa.
5142	DEU 8:3	Ee nanare! I viamiraḡenimi da o volaḡota ma mannei i viambagibagim. Amamami maiteni manna o vinuanainei; eḡa mepa ota amdadani. I kauei da ita viararamanimi da rava eḡa lam ava awarinei ita mamae, wate riwa anatapui Bada gamonei e opuopu.
5152	DEU 8:13	ma maranai ami bulumakau ma sipu borui e maḡamaḡa, ma e vivipurapura; ma e maumaura-kaua.
5155	DEU 8:16	Au mutulua manna i veremi da o am; amamami nai lamna eḡa ita am-dadani. Wei lamnei i raudadanimi da ota volaḡota; da au damona ami lawana ita ai.
5237	DEU 11:27	Marina Bada ami God ana tarawatu a vereveremi. Mepa da Ona votaḡotaḡoi; tauna ina viaiainimi.
5238	DEU 11:28	Mepa da ana tarawatu ona geduaiei ma ona mae-taviremi ma god ḡelaui ona viborumei; Bada ina kovoḡimi.
5396	DEU 18:10	Eḡa melanai: aiai tam natum orotona bo wavinena ma verenei da pulo aubaina ina apui; bo ma vimata gamgam, mataira aiwai ma inainanai ma muriai aiwai ina tupua, rava ma ririwei; bo ma parauma; bo ma ḡaḡala; bo ma vigwerigweri;
5844	DEU 34:3	Ma Bada Moses mutulua e ḡoreḡorei Negev i viatataiei; ma Jordan gaubana da i nae da au Jeriko da i nae da au uama Zoar melagaina.
5854	JOS 1:1	Maranai Bada ana taunola Moses i ʼraḡe; ma Joshua, Nun natuna ma Moses ana tauagu i riwei,
5857	JOS 1:4	Ami dobu lamna mutulua Negev da Lebanon; au waira Euphrates (au maramatanei) da mai Hitti ai dobu anatapuna da i ḡaira madeḡa e arearere lana Mediteranean au bogana.
5860	JOS 1:7	Anina ma virewapana ma tepam ina tora; ma nuanuam eḡa ina vuru da tarawatu Moses i verem, anatapuna ma voteletelei. Ma ma vojijina-kauei da awarina eḡa ma deḡa au oiem bo au kelakelaum da aiwai anatapuna e kaukauei ina ai.
5861	JOS 1:8	Marana patapatai wei tarawatuna ma iaiavi. Ma marai da waguvarai ma vinua-notenotei; wei lamnei tarawatu anatapuna ma aramanei. Mepa da wenanare ma kauei lamna tam ma maura ma nuaiai ḡaeḡaena ma nelaḡai kaua au anatapuna.”
6559	JDG 2:12	Taui Bada amamai ai God i votere-tawanei; Wei Godna taui Egyptei i taravaina-opunei. Ma i nae ma dobuḡela ravai au ririvai maemaei ai god i viborumei. Wei kauana Bada i viamlo-ḡaiḡaini.
7243	1SA 2:1	Ma Hannah i raupari Bada awarina i pa, Tau a vinuaiai kaua Bada awarina; Tauna rewapana i vereu. A vinuaiai aubaina Tam u vilawaniu ma lamna aubaina au ḡavia a vivinamei.
7244	1SA 2:2	Oo Bada eḡa aiai ḡelauna vivivireina me tam; eḡa mepa god ḡelaui anina tam ava; eḡa taugagalo ḡelauna me tam, ai God.
7245	1SA 2:3	Tau a ririwa, “Vogulagulau ma pari-gulagulau ona voterei; Mae-ḡaeḡae babanina ona voterei. Aubaina Bada ami kaua anatapui e araramanei ma ina kovoḡimi.”
7246	1SA 2:4	Bada Tam sorodia vivirewapanai ai pidu u viaigaigai; wate vovokokarai u vovai-virewapani
7247	1SA 2:5	Amam iauai marina ina nola da ina am; am-irairaḡei eḡa am ina iraḡe. Wavine aipoina roaroa 7 i ḡuni; wate roaroa maḡamaḡaui aloi i netawanei ma tauna ava e mamae.
7248	1SA 2:6	Bada, iraḡe ma lawana e neineiai; Tauna rava au kokoaga e teretere-ḡairei ma e vovovai-mairini.
7249	1SA 2:7	Bada rava ḡelaui e vivimaurai ma ḡelaui e vivigomari; ma ḡelaui e teretere-ḡairei ma ḡelaui e teretere-ḡaiei.
7250	1SA 2:8	Tam rava molamolakai pokau au orana e sinasina-epai; ma rava vigigimanai loḡiloḡi au orana e sinasina-epai; da gulagulau maiteni e kiakiala ma vigulau taui ina viḡariei. Dobu anatapuna tam ḡarimei; ma aiwai anatapuna ana au animae u terei
7251	1SA 2:9	Tam am rava patupatutui e gagagaloei; ma apoapoe taukauei e amoamoa au iraḡe Rava eḡa ai rewapanei ita vovaiuba;
7252	1SA 2:10	Tam am ḡavia ma pupuni; am meji ina viarapawa me waiparara Bada tam dobu ma rauetarei ma am gulau ma vovai-virewapani, ma am vinevine bulobulona ina virewapana kaua.
7379	1SA 8:8	Maranai Egyptei a teretere-opunei da wei paratana, taui marana patapatana i mae-puputeu ma god ḡelaui i raraudunelei; marina nanare tam awarim e kaukauei.
7501	1SA 13:14	Wate marina tam am vibada eḡa ina mae; Bada rava notanotana me tauna nanare i vinei ma i terei da ana rava ina vibadei, aubaina tam Bada eḡa uta voteletelei.”
7584	1SA 15:22	Anina ma Samuel i riwa, “Bada metauna e vinuaiaiei? Votelatela bo pulo ma ḡamoḡamo apuapunana. Votelatela i ai-telara, eḡa me pulo apuapunana; Ma rautaniḡana i ai-telara, eḡa me sipu monamonana.
7585	1SA 15:23	Pariviravira Bada awarina lamna me parauma ma mae-ḡaeḡae lamna me god ḡelaui e viviborumei Ma tam Bada riwana u geduaiei; lamna aubaina Bada am vigulau i geduaiei, Tam am vigulau i vai-tawanei.”
7685	1SA 18:7	Waivine i vikalokalo ma i welawela i pa; “Saul ḡavia tausan i vunui ma David tausan dam viriviri i vunui.”
8275	2SA 11:13	Ma David Uriah i rauḡorei da maiteni i am ma i viuma-buai. Wate waguvarai Uriah i opu David ana taunola awarii da ana au aravi i matave; eḡa ita nae ana au numa.
8298	2SA 12:9	Aiwai aubaina riwau bagibagina u rau-aḡaiḡaiei? Aiwai aubaina wei kauana apoapoena u kauei? Uriah Hitti ei sodei u piaḡi; awana mai Ammon ai sodei u viraḡeni. Ma awana u vaia da awam.
8783	1KI 2:10	David Israel i vibadei madeḡa 40; au Hebron madeḡa 7 ma au Jerusalem madeḡa 33. David ana mara i kwa ma au Jerusalem au kokoaga noinoina au ririvai i vimataveni.
8841	1KI 3:22	Wate wavinena ḡelauna i riwa, “Eḡa! Tau natu lawalawaina; tam natum irairaḡena.” Ma wavine au naona i vinatuna i riwa bagibagi i pa, “Tevera irairaḡena lamna tam natum ma lawalawaina lamna tau natu! Ma nanare airuaḡa i viḡeḡae.”
8993	1KI 8:5	Gulau Solomon ma mai Israel anatapui parivainuaḡana bokisina au naona; sipu da bulumakau i vunuvunu-naiei, ḡamoḡamo i maḡa guratana da iavana i kauana-avei.
8999	1KI 8:11	Pirisi eḡa tagotagogina da ai nola ita kauei aubaina bau potopotona; Bada ana boruma, tempol i vioai.
9029	1KI 8:41	—Ma maranai jentail aueia maemaei, riwam ma am rewapana ma kaua ḡaeḡaei u kaukaueia riwai ina nonori; ma ina nei da ina vimae-ḡaeḡaenim. Ma am numa au naona ina mairi ma ina raupari
9086	1KI 10:4	Sheba ai gulau i aramanei da Solomon nuanuana i ulaula kaua ma; i ʼnanai ana gulau-numana, vigulauna i voai,
9168	1KI 12:14	Tauna ana kimta ai vinuaterena i rautaniḡanei ma nanare i riwa, “Amau vita ḡaeḡaena i veremi; wate tau ana viaitepatepani. Amau i ravimi wate tau ḡoroḡorova donadonanei opimi ana sikai.”
9184	1KI 12:30	Wei lamnei i ḡoʼapoapoe; aubaina rava ḡelaui uama ḡaeḡaena i naeni da au Dan da burumakauna i voepaepai.
9370	1KI 18:26	Ma taui ai bull i vaia ma i vokaukauei. Anina ma Baal awarina i raupari, ubaubanai i vikarei da i raviaubenai. Taui i garagarara, “Oo Baal, ma paribelelai!” Ma pulo aniapuna i arara kwaviviroi, Wate eḡa paribelana; eḡa aiai ita paribelei.
9384	1KI 18:40	Ma Elijah rava i egari, “Baal ana peroveta ona vojijini; Eḡa tagogi ona voterei da ina ruba!” Peroveta anatapui i vojijini ma Elijah taui i riwei da i ḡairei au Kishon gaugaubana ma anatapui i viraḡeni.
9390	1KI 18:46	Ma Bada ana rewapana i rui Elijah awarina; ma ana gara giana i taini da ana au jigoraḡita i raḡita-jijini ma i lavui da Ahab i votani da i aiḡeta au Jesreel.
9405	1KI 19:15	Bada i riwa, “Meiei e nenei nanare ma nae me, ma ma‑rui au mutulua Damaskas, maranai u ḡeta au taon, Hasael ma buloi, mai Syria ai gulau;
9666	2KI 5:15	Ma Namaan ana laralaraga maiteni i nae me Elisha awarina ma i riwa, “Marina aramanei da au dobu, god eḡa ita mamae anina Israel ana God tauna ava; lamna aubaina au bada pulo a vereverem ma vaia.”
9669	2KI 5:18	Tau am taunola ma a ḡoei da Bada au ḡoa apoapoei ina nota-tawanei, kaua tagogi ava awarinei; maranai au gulau a ruiruiei ana au tempol ma tauna au urau e vovojijina ma maiteni a mamae-ḡaira ma Syria ai god Rimmon a viviborumei.”
10139	2KI 21:16	Manasseh mai Judah i raveni da god morumorui i viborumei ma Bada i vijiboḡi; wate eḡa lamna ava ma rava aiaii i viraḡena labalababai da tara i kororo da Jerusalem etanaina i vioai au giana da au giana:
12017	2CH 36:19	Ma God ana Tempol i apui ma Jerusalem garina i viairikarikai; ma gulau ana numa ma numa ḡelaui anatapui ma purapura mae-terenana anatapui i viairikarikai ma i apu-naiei, eḡa aiwai ita mae.
12104	EZR 3:2	Nai maranai Josadak natuna Jeshua ana rava pirisi ḡelaui maiteni, ma Shealtiel natuna Zerubabel ana dam ravai maiteni; pulo aniapuna i voai Israel ana God awarina. Me God ana peroveta Moses, ana Tarawatu i ririweia nanare.
12105	EZR 3:3	Avena da taui nai dobuna taumaeni i rovorovoei; wate pulo aniapuna ana au gabu wadubona i voai. Ma i vikarei da ubaubanai ma aubigai patapatana pulo i apuapui Bada awarina.
12503	NEH 8:6	Anina ma Ezra Bada God ḡaeḡaena i voepaepai; ma rava urai i voepai ma i paribelei i pa, “Amen, Amen!” Ma i raudune au doa ma Bada i voepaepai.
12876	JOB 1:3	ma ana sipu 7,000; kamel 3,000; uata bullna 1,000 ma donkey waivinei 500 ma ana taunola maḡamaḡaui. Ma i vipurapura ma i maura kaua eḡa aiai ḡelauna nanare nai au dobuna, au maramatanei.
12894	JOB 1:21	Ma i riwa, “Ana kovakovau a nei; ana kovakovau ana nae. Bada i verena ma i vai-melei; Bada wavana ana voepaepai ma ana viborumei.”
12913	JOB 3:5	Waguvara ma gimtona potopotona wei marana ina vibadei; ma lada marana ina purui ma gimtona lalalaina ina purui.
12914	JOB 3:6	Gimtona nai waguvaraina ina viamoai wei marana eḡa ma iava-melei; madeḡana bo nawaravina.
12916	JOB 3:8	Vijiboḡa amamai, mepa da ai vijiboḡa boga bariawana ina vidagui; taui wei marana ina vijiboḡi.
12921	JOB 3:13	Maranaina a tupua, matau ita pota; ma ata matave ma ata vilauvitau.
13870	JOB 40:2	“Tam, God Vivirewapana Kaukauana e viviwavui; Aiai God e viviwavui, ina paribelei.”
13928	JOB 42:2	“Tau a aramanei da tam aiwai anatapuna e kaukauei; Eḡa aiai am oga ina viḡaei.
13938	JOB 42:12	Bada, Job i viaiaina-kauei eḡa me au naonei. Awarina sipu 14,000; kamel 6,000; uata bullna 2,000 ma donki waivine 1,000.
13942	JOB 42:16	Job i mae madeḡa 140 ḡelauna; da ḡoḡoḡana ma nonoina da i nae kimta au vi-4-nainanai.
13944	PSA 1:1	Rava viaiainana, lamna eḡa ḡoʼapoapoe ravai ita votaḡotaḡoi, ma ponai eḡa ita rarautaniḡanei; ma vivijiboḡai eḡa awarii ita kiakiala.
13946	PSA 1:3	Tauna me ai, waira au adana gogogona, ana au mara e rarauano; ma rugurugui eḡa ita poipoi. Wei ravanana, aiwai anatapuna e kaukauana-kauei.
13947	PSA 1:4	Wate ḡoʼapoapoe ravai eḡa nanare! Taui me rugurugu, ive i kapupuana-naiei;
13949	PSA 1:6	Bada ḡoa aiaii ravai e rarauetaraveni ma e paipaini; wate ḡoʼapoapoe ai etanai au damona, pupui.
14410	PSA 34:3	Orau taputapuneiBada ana voepaepai; Vilamolamonai riwau ina nonori ma ina vinuaiai.
15453	PSA 90:10	Madeḡa 70 i vereta da tana mae, mepa da tana virewapana lamna 80; Wate wei lamna nuabola ava ina vereta, eḡa tana mae-pora ma tana nae.