3	GEN 1:3	Ma God i riwa i pa, “Ina lalai!” Ma i lalai.
22	GEN 1:22	I viaiaini ma i riwa i pa, “Ona vinatuna ma ona vimaḡaimi da boga ona vioai ma kiu ona vinatuna da ona maḡa au dobu.”
305	GEN 12:6	I ḡeta Canaan ana au parata ma i verautua da au gabu vinevinena, Shekem melagaina ḡaeḡaena au ririvana. Ma kampa au Moreh ai ḡaeḡaena au ḡouna i rauḡaravu. (Nai maranaina mai Canaan, nai au dobuna i mamae.)
397	GEN 16:15	Ma Hagar i vinatuna da Abram natuna orotona i tupua. Ma Abram, natuna i viwavai Ishmael.
416	GEN 17:18	Ma Abraham God i riwei i pa, “Ma Ishmael menanare, uta viaiaini bo eḡa?”
417	GEN 17:19	Wate God i riwa i pa, “Eḡa! Awam Sarah natum orotona ina vitupui ma ma viwavai Isaac. Au parivainuaḡana bagibagina tauna awarina ma ana epaepaia awarii ina mae-nonoa.
418	GEN 17:20	Ma Ishmael aubaina, am nuabola a nonori. Ana viaiaini ma natunatuna ana vimaḡai ma ana epaepaia ana vituai. Tauna dam 12 ai babada amai ma ana epaepaia ai dam ana vimaḡai.
419	GEN 17:21	Wate au parivainuaḡana bagibagina ana kauei Isaac maiteni. Ma wei marana nanare, madeḡa ḡelauna Sarah, Isaac ina vinatunei.”
427	GEN 18:2	I taepai ma nelara tonuḡa i ʼnanai i maimairi. Maranai i ʼnananai i ruba da au naoi i mae-ḡaira ma i raudune.
453	GEN 18:28	Mepa da rava 50 aiaii ma 5 ina deḡa, amapo melagaina ma vipupui bo?” I riwa i pa, “Mepa da rava 45 kampa ana nelaḡai lamna eḡa ana vipupui.”
454	GEN 18:29	Abraham i paridadana me i pa, “Mepa da rava aiaii 40 ava kampa u nelaḡai?” I riwa i pa, “Mepa da kampa 40, amapo eḡa ana kauei.”
455	GEN 18:30	Abraham i riwa i pa, “Au Bada, eḡa awariu ma ḡaiawa ma vianineu da ana babani me, mepa da 30 ava kampa ma nelaḡai?” I riwa i pa, “Mepa da 30 ava ana nelaḡai, amapo eḡa ana kauei.”
456	GEN 18:31	Abraham i riwa i pa, “Tau wei babanina a vikarei, mepa da 20 ava kampa ma nelaḡai?” I riwa i pa, “Mepa da 20 ana nelaḡai lamna, eḡa ana vipupui.”
457	GEN 18:32	Abraham i riwa i pa, “Au Bada, eḡa awariu ma ḡaiawa ma vianineu da mara tagogi ava ana babani me. Mepa da 10 kampa ma nelaḡai?” I riwa i pa, “Mepa da 10 ana nelaḡai, amapo eḡa ana vipupui.”
517	GEN 21:3	Abraham natuna i viwavai Isaac.
522	GEN 21:8	Isaac i rata ma i viedai ma Abraham lam ḡaeḡaena i vokaukauei ma i am gogona.
523	GEN 21:9	Ma Sarah Ishmael i ʼnanai Isaac i vivinamei. Ishmael lamna Abraham natuna ḡelauna, ana taunola Hagar Egyptei i ḡuniḡunia.
524	GEN 21:10	Ma Sarah Abraham i riwei, “Taunola wavinena ma natuna ma viopuni! Eḡa ata ḡoei da tauna am buderi ina vaia. Natu Isaac ainelana am buderi ina vaia.”
525	GEN 21:11	Abraham wei riwana i nonori ma i vinuabola kaua aubaina tauna natuna Ishmael.
526	GEN 21:12	Wate God Abraham i riwei i pa, “Eḡa natum ma alona ma vinuabolei. Am epaia Isaac wavam ina mairiei. Aiwai Sarah i ririwem ma kauei.
550	GEN 22:2	Ma God i riwa i pa, “Natum tagotago Isaac nuanuam pouna, ma taravaini ma ona nae au dobu Moriah. Ma ola ana viatataem, kampa natum ma puloei aniamapu.”
551	GEN 22:3	Mara i tom ma ubaubanai boiboḡi, Abraham i vomairi, ai i edari pulo apunana aubaina ma ana donki i vokaukauei. Ma ana taunola ruaḡa ma natuna Isaac i taravaini ma anatapui i nae gabu God i ririweiana kampa.
554	GEN 22:6	Ma Abraham ai i tavana Isaac i viavarai. Tauna naipi ma ai mutuara i voai ma i negogona.
555	GEN 22:7	Taui i nenae ma Isaac i riwa i pa, “Amau!” Abraham i riwa, “Ee, ma babani natu!” Isaac i riwa, “Ai ma ai mutuara awarita wate pulo aubaina sipu natuna mepa?”
557	GEN 22:9	Maranai gabu God i ririweiana i ḡeta, kampa aniamapu ḡaimei i voai ma ai i vatari. Ma natuna Isaac urana ma aena i raḡini ma aniamapu au tepana, ai i vatavataria kampa i vimataveni.
678	GEN 25:19	Wei lamna Abraham natuna Isaac ana virarautua. Isaac amana Abraham
679	GEN 25:20	Isaac ana madeḡa 40 ma Rebekah i ravaḡi. Rebekah tauna Leban novuna aburuna; amai Bethuel. Taui mai Aram au Padan-Aram i mamae.
680	GEN 25:21	Rebekah aipoi ma Isaac i raupari Bada awarina da awana ita voagui. Bada ana pari i nonori ma Rebekah i duama.
685	GEN 25:26	Natuna ḡelauna i tuputupua turana au ae karena i vojijina ma i opu ma i viwavai Jacob. Isaac ana madeḡa 60 ma awana raḡaraḡa i vinatunei.
687	GEN 25:28	Isaac ana ḡoana ḡaeḡaena Esau, aubaina sia moduei i vunuvunui amna i ḡoei. Wate Rebekah, Jacob i ḡoana-kauei.
694	GEN 26:1	Gomara ḡaeḡaena i nei au Canaan, me wariaḡa Abraham ana au mara i tupua nanare. Ma Isaac ana dam maiteni i ḡaira au melagai ḡaeḡaena wavana Gerar, kampa mai Philistia ai gulau Abimelek i mae.
695	GEN 26:2	Ma Bada Isaac awarina i eḡa ma i riwa i pa, “Eḡa ma ḡaira au Egypt, ma dobu ana riwem kampa ma mae.
699	GEN 26:6	Anina ma Isaac au Gerar i mae.
775	GEN 28:1	Isaac Jacob i kwatuei, i viaiaini ma i riwei i pa, “Eḡa au Canaan awam ma vaia,
787	GEN 28:13	Ma bada, au ririvana i maimairi ma i riwa i pa, “Tau bada, Abraham ma Isaac ai God, dobu e matamatave lana tam ma am epaepaia ana veremi.
1022	GEN 35:10	ma i riwei i pa: “Tam wavam Jacob, wate marina eḡa ina ḡorei Jacob ma wavam vouna Israel.” Ma i viwavai Israel
1024	GEN 35:12	Dobu, Abraham ma Isaac a verei, marina tam ana verem ma am epaepaia muriai wei dobuna ana verei.”
1035	GEN 35:23	Leah natunatuna: Reuben; Jacob ana natuevou Simeon, Levi, Judah, Isakar, ma Zebulun.
1039	GEN 35:27	Ma Jacob i nememei amana Isaac awarina au Mamre au Kiriath-Arba; marina e ḡoreḡorei Hebron. Abraham ma Isaac wariaḡa wei dobuna i mae-gubai.
1040	GEN 35:28	Isaac i mae da ana madeḡa 180
1097	GEN 37:13	Ma Israel (wavana ḡelauna Jacob) Joseph i riwei i pa, “Tuatuam au Shekem sipu ma gote e paipaini. A ḡoem da ma nae taui awari.” Joseph i vianina ma i riwa, “Anina ana nae.”
1109	GEN 37:25	Ma taui i kiala da i amam ma i taepai da dam mai Ishmael i ʼnanai au Gilead da i nenae au Egypt. Taui ai gimara lam anitavidagiai ma bunama mur au kamel i vigerui.
1111	GEN 37:27	Ona nei ma tana gimarei dam mai Ishmael awarii ma eḡa urataiei tarana ina toi, tauna ata tevera, tara tagogi.” Ma varevareina i vianina.
1112	GEN 37:28	Ma maranai taugimara mai Midian i ḡetai, Joseph tuatuana tauna dogoei i taina-epai ma i gimarei mai Ishmael awarii maiana silva 20 ana ruva nanare ma taui i naiei au Egypt.
1151	GEN 39:1	Dam mai Ishmael Joseph i ḡairei au Egypt, ma Potiphar tauna i gimarai da ana taunola. Potiphar tauna Egyptei ma sorodia ai bada ḡaeḡaena.
1164	GEN 39:14	ma wavine ana taunola i kwatuei da i nei ma i riwa i pa, “Weka ona inana! Wei Hebreweina awau i neiai awarita, i vinameta. I nei awariu ma i ḡoei da ita viawawaneu wate tau garara a vikarei.
1167	GEN 39:17	Ma wavine riwana tagogina awana i riwei i pa, “Wei Hebreweina tam u neiai awarita, i vinameta. I nei ma i ḡoei da ita viawawaneu.
1190	GEN 40:17	Iriga au tepana, lamna palawa apuapunana tapuna ma tapuna Pharaoh aubaina, wate kiu i nei ma au kolau, au iriga palawa i amam.”
1191	GEN 40:18	Joseph i paribelei i pa, “Am rauboni anona wei. Iriga tonuḡa lamna au pom tonuḡa.
1387	GEN 45:28	I pa, “Tau marina a aramanei da natu lawalawaina e mamae, ma ana nae da ana inanai ma muriai da ana iraḡe.”
1388	GEN 46:1	Anina ma Jacob ḡarinei anatapuna maiteni i nae au Egypt. Ma au Beersheba i ḡeta, ma kampa pulo i apui amana Isaac ana God awarina.
1467	GEN 48:15	Anina ma Joseph i viaiaini i pa, “God. Tam Amau Isaac ma ḡoḡau Abraham ai God, God taupainiu au lawana au anatapuna,
1472	GEN 48:20	Anina ma Jacob roaroa nai marana i viaiaini i pa, “Mai Israel wavam ina latoni maranai e viviaiaina, taui ina riwa, ‘Tauai a raraupari da God ina viaiainim me Ephraim ma Manasseh i viaiaini nanare.” Wenanare lamna Ephraim wavana i ailatoni ma muriai Manasseh wavana.
1473	GEN 48:21	Ma Israel, Joseph i riwei, “Tau aburuna ava da ana iraḡe. Wate God awarim ina mae da ina naiana-melem au Canaan, amamam ai au dobu.”
1536	EXO 1:3	Isakar, Zebulun ma Benjamin;
1540	EXO 1:7	Wate ai epaepaia - mai Israel, i vinatuna guratana da dam ḡaeḡaena i vitupui ma Egypt anatapuna i vioai.
1542	EXO 1:9	Pharaoh ana rava i riwei, “Ona inana, mai Israel i maḡa guratana ma i virewapana kaua eḡa me tauta.
1544	EXO 1:11	Ma nola babadai i terei da mai Israel nolei i vunuvunui. Wei babadai mai Israel i egari da taon ḡaeḡaei ruaḡa i voai wavai Pithom ma Rameses, ma kampa Pharaoh ana lam ma purapura ḡelaui i vidamni.
1545	EXO 1:12	Mai Egypt amapo da taui i rau-iviapoapoelei, wate mai Israel amapo da i vivinatuna ma ai dam i rarata au Egypt. Ma lamna aubaina mai Egypt mai Israel i rovoei.
1546	EXO 1:13	Ma taui mai Israel i egari da nola vivitaina i kaukauei ma i vinuapoapoe. Ma brik i kaukauei ma doa i gwadai da brik anipasina, ma wapu nolai maiteni i kaukauei. Mai Egypt nolei mai Israel i vunuvunui ma eḡa ita rau-nuapoapoelei.
1586	EXO 3:6	Tau amamam Abraham ma Isaac ma Jacob ai God.” Maranai Moses wei babanina i nonori i rovo kaua ma naona i tere-govaḡi da avena God naona ita inanai.
1590	EXO 3:10	Tau a paripari-tawanem, marina ma nae vibadabadana Pharaoh awarina da mai Israel au Egypt ma taravaina-opunei.”
1591	EXO 3:11	Wate Moses i riwa, “Tau aiai da ata nae Pharaoh awarina ma mai Israel ata taravaina-opunei?”
1594	EXO 3:14	God Moses i riwei, “Tau maemae-nonoau. Wei mai Israel ma riwei, Tauna wavana, Tau Maemae Nonoau. i paritawaneu awarimi.
1595	EXO 3:15	Mai Israel ma riwei, ‘Tau Bada, amamami ai God, Abraham, Isaac ma Jacob ai God, tauna i paritawaneu awarimi.’ —Wei Tau wavau Maemae-Nonoana, kimta anatapui wenanare wavau ina ḡorei.”
1809	EXO 11:2	Ma nae ma mai Israel ma riwei, ‘Anatapumi ona nae ma mae-turami Egyptei ona vibaḡai da ai via goldei ma silvei ina veremi.”
1810	EXO 11:3	Bada i kauei da mai Egypt mai Israel i vivirei. Pharaoh ana gabemani babadai ma rava anatapui au Egypt Moses i vivirana-kauei.
1814	EXO 11:7	Wate eḡa aiwai apoapoena mai Israel awari ina tupua, eḡa auou tagogi, rava tagogi, bo ḡamoḡamo ina gwauei. Ma kampa ona aramanei da Tau Bada, mai Israel ma mai Egypt awariei a vivilamonei.
1817	EXO 11:10	Moses ma Aaron kaua ḡaeḡaei ma babai i kauei Pharaoh au matana wate Bada Pharaoh orana i vibadoi da mai Israel eḡa ita paritawanei.
1820	EXO 12:3	Ona vinolanola mai Israel anatapui awarii, ‘Au pom vi-10-na wei au nawaravina oroto tagotagogi ava sipu ḡaubona bo gote ḡaubona ina rautani ana numa ravai aubai. Ḡamoḡamo tagogi numa tagogi aubaina.’
1823	EXO 12:6	Ona ḡamo-kauei da au pom vi-14-na wei au nawaravina. Ma maranai madeḡa e arearere, mai Israel anatapui ai ḡamoḡamo ina viraḡeni.
1832	EXO 12:15	“Au pom 7 au orana Palawa eḡa yist maiteni ona ani. Ma torela au karena, au numa yist anatapui ona tawanei. Aiai da palawa yist maiteni i apui ma i ani, wei ravana anina da mai Israel ai damei ona viopuni.
1834	EXO 12:17	—Taumi palawa eḡa yist maiteni torelana ona kauei da eḡa nuanuami ina vuru aubaina wei au marana, mai Israel au Egypt a taravaina-opunei. Am epaepaia wei torelana ina kaukauei madeḡana au patapatana.”
1838	EXO 12:21	Ma Moses Israel dam nununai babadai i kwatuei ma i riwei, “Ona nae ma sipu bo gote natuna orotona ona vunui ma ami numa ravai maiteni Raḡona torelana ona ani.
1844	EXO 12:27	Ma taumi ona paribelei, ‘Wei torelana lamna Raḡona viegualau pulona Bada awarina, aubaina wariaḡa au Egypt Bada mai Israel ai numa i raḡoni, ma mai Egypt ai natuevou i pupuni, ma tauai natunatuiai i voterei.” Ma mai Israel i mae-ḡaira au doa ma Bada i raudunelei.
1845	EXO 12:28	Ma mai Israel i nae ma Bada aiwai Moses ma Aaron i riweia i kauei.
1848	EXO 12:31	Pharaoh wei waguvaraina Moses ma Aaron ai riwa i paritawanei da i nei awarina ma i egari, “Ami rava mai Israel maiteni ona vomairi ma au dobu ona oputawanei! O vivibaḡei nanare ona nae ma ami Bada ona voepaepai!
1850	EXO 12:33	Mai Egypt anatapui mai Israel i egari da ina vipaparana ma Egypt ina opu-tawanei ma i riwa, “Mepa da eḡa ona nae tauai anatapuiai ana iraḡe.”
1854	EXO 12:37	Mai Israel dobu Rameses i netawanei ma i babara-nae au Sukoth. Nelara anatapui 600,000 nanare, waivine ma roaroa eḡa ita iavi.
1855	EXO 12:38	Patara ḡaeḡaena ḡelauna i vomairi mai Israel maiteni. Taui ḡamoḡamo boruna ḡaeḡaena maiteni i nae.
1857	EXO 12:40	Mai Israel madeḡa 430 i mae au Egypt.
1864	EXO 12:47	Mai Israel anatapui Raḡona torelana ina ani.
1870	EXO 13:2	“Natuevou nelarai au Israel anatapui ona vovivirei Tau awariu. Roaroa ma ḡamoḡamo natuevoui ororotoi au Israel anatapui, Tau ḡariuei.” Moses mai Israel i riwei,
1883	EXO 13:15	Pharaoh orana i bagibagi ma eḡa mai Israel ita voterei da ita nae. Lamna aubaina Bada natuevou anatapui au Egypt i viraḡeni, rava ma ḡamoḡamo anatapui. Lamna aubaina tau ḡamoḡamo natuevouna Bada a vereverei ma natuevou orotona a gimagimara-melei.’
1888	EXO 13:20	Mai Israel Sukoth i voterei ma mutulua au giana au Etham i mae-gubai.
1895	EXO 14:5	Maranai riwa i ḡeta Pharaoh awarina, da mai Israel i ruba. Pharaoh ana gabegabemani maiteni ai nota i virai ma i riwa, “Tauta aiwai ta kauei? Ma ata taunola ta voterei da i nepai!”
1898	EXO 14:8	Bada, i kauei da Pharaoh, Egypt ai gulau nuanuana i vopotai ma mai Israel i viaḡaḡana-taḡoei, Mai Israel ana tepatorai i nenae.
1900	EXO 14:10	Maranai Pharaoh i tuturiai, mai Israel i taepai da i ʼnanai ma i rovo kaukaua da orai i sisi, ma Bada awarina i garara agu aubaina.
1901	EXO 14:11	Ma mai Israel Moses awarina amloi i ḡaiḡai i pa, “Au Egypt eḡa kokoaga da u taravaina-opunelai da weka au mutulua ana iraḡe bo? Aiwai u kauei awariai?
1902	EXO 14:12	Tauai au Egypt a riwem, ‘Ma voterelai ma ana mae ma Egypt ai taunola!’ I ai kaua da tauai ata mae Egypt ai panipani, ma eḡa au mutulua ata iraḡe.”
1905	EXO 14:15	Ma Bada, Moses i riwei, “Aiwai aubaina awariu agu e toutouei? Mai Israel ma riwei da ina vidagu.
1906	EXO 14:16	Am jiḡona ma voepai da ma viloloi boga au tepana ma boga ina vilamonei, ma mai Israel boga au pouna doa au alalana ina babara damana.
1907	EXO 14:17	Tam ma raubiga, Tau mai Egypt a vitepatorai da mai Israel ina viaḡaḡei. Maranai Pharaoh ana vovaiubai, ana sorodia, chariot ma ana horse sorodiai, rava Tau ina voepaepaiu.
1909	EXO 14:19	Anina ma God ana anela, mai Israel ai eta tauravenia i nae ma mai Israel au muri i mairi. Ma apau maimairina au naoi i nei ma taui au muri i mairi.
1910	EXO 14:20	Apau mai Israel ma mai Egypt au poui i mairi, ma maranai au i pom, apau lalalaina mai Israel i verei ma mai Egypt au waguwaguvareina i mae. Ma lamna aubaina mai Israel ma mai Egypt ai au gabu i mae-genuatau.
1912	EXO 14:22	Ma mai Israel boga i damani doa au alalana, Ma boga olana i mairi au oiei ma au kelakelaui.
1913	EXO 14:23	Anina ma mai Egypt, Pharaoh ana horse ḡelaui, chariot ma taurubeina mai Israel i votaḡoi da au boga i rui, mai Israel au murii.
1915	EXO 14:25	Ma chariot ana aniruba i viapoapoeni da ruba i kauana-avei. Ma mai Egypt i riwa, “Bada mai Israel e vovoagui, ma e viviviḡavieta, lamna aubaina tana ruba-tawanei!”