22	GEN 1:22	I viaiaini ma i riwa i pa, “Ona vinatuna ma ona vimaḡaimi da boga ona vioai ma kiu ona vinatuna da ona maḡa au dobu.”
28	GEN 1:28	Rava i viaiaini ma i riwei i pa, “Ona vinatuna ma ona vimaḡaimi da dobu ona vioai ma dobu ona vibadei. Taumi, sia, kiu ma aiwai anatapui au doa tetetei ona vibadei.
49	GEN 2:18	Bada God i riwa i pa, “Oroto ainelana e mamae ma lamna eḡa ita ai. Ana tauagu ana kauei da ina voagui.”
56	GEN 2:25	Oroto awana maiteni, ana kovakovai, wate eḡa ita vinimala.
76	GEN 3:20	Oroto i aramanei da awana tauna rava anatapui aloi ma lamna aubaina i ḡorei Eve.
78	GEN 3:22	Bada God i riwa i pa, “Orotona aiaina ma apoapoena i aramanei, tauna marina tauta nanare. Eḡa tana voterei da urana ina vilolo-melei da lawana aina uana ina vaia da ina ani ma ina mae-nonoa.”
155	GEN 6:17	—Ona rautaniḡana! Tau marina ututuva ana paritawaneiai au dobu ma aiwai anatapui lawalawaii ina amoa.
207	GEN 9:1	Ma God Noah natunatuna maiteni i viaiaini ma i riwei i pa, “Ona vinatuna ma ona vimaḡaimi da dobu ona vioai.
215	GEN 9:9	“Ona rautaniḡana wei marina, Tau au parivainuaḡana bagibagina taumi ami epaepaia maiteni a kaukauei.
270	GEN 11:3	Ma i babani vivira i pa, “Ona nei, doa tana vaia ma brik tana pasi ma tana apui da ina bagibagi.” Ma nanare ai numa brikiei i voai ma koltei i ampasi.
271	GEN 11:4	Ma taui i riwa, “Ona nei melagai ḡaeḡaena tana voai tauta aubaita ma numa ḡeḡe dewadewana tana voai da ina ḡae au mara da wavata tana kauei ma eḡa tana vilamoneta dobu au anatapuna.”
274	GEN 11:7	Ona nei tana ḡaira da noi ravai ai pona tana vinua-raḡaraḡai ma ina babani labalababa.”
363	GEN 15:2	Ma Abram i paribelei i pa, “Oo Bada God. Tau eḡa natunatu, ma am pulo eḡa ina voaguiu. Tam eḡa natu orotona uta vereu ma lamna aubaina au iraḡe au murina, Eleasar au taunola Damaskasei au vigulau ina vaia.”
466	GEN 19:8	Ona rautaniḡaneu, tau natunatu waivinei ruaḡa, taui matatapu. Ana opuneiai awarimi da ami ḡoana nanare ona kauei. Wei nelarai a neiai au numa lamna tau au taomana ma eḡa aiwai awarii ona kauei.”
475	GEN 19:17	Maranai melagai i opu-tawanei ma anela tagogi taui i riwei i pa, “Ona ruba ami lawana aubaina! Eḡa au murimi ona inana ma eḡa au wapu ona tumairi dadana. Ola aubaina ona ruba da ami lawana eḡa ona vine-boai.”
792	GEN 28:18	Ubaubanai boiboḡi Jacob i vomairi ma ḡaima i viviunutaneia i vaia ma i vitura-mairini da ita vimataira. Ma Olive monamonana i buloi ḡaima au tepana da i vovivirei God aubaina.
1026	GEN 35:14	God weka Jacob awarina i babani lamna matairana Jacob gana i vimairini. Ma au tepana wine i waḡi ana pulo ma Olive monamonana i buloi.
1030	GEN 35:18	Wate Rachel iʼrairaḡe ma ana lavutu au damona ma tevera i viwavai “Ben-Oni.” Wate amana i viwavai, “Benjamin.”
1090	GEN 37:6	Joseph i riwa, “Ona rautaniḡana ma au rauboni ana riwemi.
1104	GEN 37:20	Ona nei tana vunui ma waira dogona paipairana au orana tana tawana ḡairei. Ma tana riwa da ḡamoḡamo moduei tauna i viraḡeni. Ma tana inanai ana rauboni mena ina ḡoa.”
1111	GEN 37:27	Ona nei ma tana gimarei dam mai Ishmael awarii ma eḡa urataiei tarana ina toi, tauna ata tevera, tara tagogi.” Ma varevareina i vianina.
1117	GEN 37:33	Amai gara i ʼnanai ma i riwa, “Anina wei tau natu ana gara. Ḡamoḡamo ḡaḡaiawai natui i vunui. Oo natu! Ḡamoḡamo natu i uta-sikasikai.”
1221	GEN 41:25	Joseph i paribelei, i pa, “Oo bada, rauboni ruaḡai anoi tagogina. God aburuna ava da aiwai ina kauei lamna gulau i viatataiei.
1241	GEN 41:45	Ma Pharaoh Joseph wava Zaphenath-Paneah, i verei ma mai On ai pirisi Potiphera natuna guguinina Asenath, Joseph i verei da awana. Anina ma Joseph, dobu Egypt i vibadei.
1255	GEN 42:2	Anina ona rautaniḡana! A nonori da lam au Egypt. Ona ḡaira kampa ma aubaita lam ona gimarai da tana lawana ma eḡa tana iraḡe.”
1263	GEN 42:10	Taui i paribelei, “Oo bada eḡa! Tauai am laralaraga a nei da lam ana gimarai.”
1363	GEN 45:4	Joseph varevareina i riwei, “Ona nei au ḡereḡereu.” Ma taui i nei au ḡereḡerena. Ma i babani, i pa, “Tau ami tevera Joseph, mai Egypt awari o gimareu.
1542	EXO 1:9	Pharaoh ana rava i riwei, “Ona inana, mai Israel i maḡa guratana ma i virewapana kaua eḡa me tauta.
1820	EXO 12:3	Ona vinolanola mai Israel anatapui awarii, ‘Au pom vi-10-na wei au nawaravina oroto tagotagogi ava sipu ḡaubona bo gote ḡaubona ina rautani ana numa ravai aubai. Ḡamoḡamo tagogi numa tagogi aubaina.’
1823	EXO 12:6	Ona ḡamo-kauei da au pom vi-14-na wei au nawaravina. Ma maranai madeḡa e arearere, mai Israel anatapui ai ḡamoḡamo ina viraḡeni.
1838	EXO 12:21	Ma Moses Israel dam nununai babadai i kwatuei ma i riwei, “Ona nae ma sipu bo gote natuna orotona ona vunui ma ami numa ravai maiteni Raḡona torelana ona ani.
1848	EXO 12:31	Pharaoh wei waguvaraina Moses ma Aaron ai riwa i paritawanei da i nei awarina ma i egari, “Ami rava mai Israel maiteni ona vomairi ma au dobu ona oputawanei! O vivibaḡei nanare ona nae ma ami Bada ona voepaepai!
1903	EXO 14:13	Moses ana rava i paribelei, “Eḡa ona rovo! Ona mairi jijina ma ona inana menanarena Bada ina vilawanimi amadodo. Mai Egypt amadodo o inainanai eḡa melanai ona inana-melei.
1927	EXO 15:6	Oo Bada ura-oiem vivirewapana kaukauana, ura-oiem am ḡavia e viviaimutumutui.
1977	EXO 16:29	Ona notai da Tau Bada, Sabate a veremi, ma au pom vi-6-na lam a veremi da au pom ruaḡa aubaina. Ma rava anatapui au numa ita mae ma avena ita opu.”
2038	EXO 19:11	Ma ina vokaukaua au pom vitonuina aubaina. Nai maranaina Tau ana ḡairai au Ola Sinai, rava anatapui au matai.
2039	EXO 19:12	Parata ma tere-kwaviviroi au ola. Ma riwa bagibaginei ma riwei ma pa, ‘Ona inana-kaua da eḡa au ola ona ḡae bo ola ona tapedadani. Aiai da ola i tapedadani ina iraḡe.’
2042	EXO 19:15	Ma i riwei, “Ona vokaukaua mara vitonuina aubaina, marina da nai marana eḡa ona viawawana.”
2427	EXO 31:6	Ma nanare Oholiab a vinei, tauna Ahisamak natuna, Dan ana au dam da ana tauagu. Ma nanare taurauḡaroḡaro nuaulaula ma aramana a verei da aiwai anatapuna a ririwem ina kauei.
2443	EXO 32:4	Tauna i vaia ma ai au menamenana i apui da i wanagwadai ma bull natuna kokoitauna i voai. Maranai rava wei i ʼnanai ma i riwa, “Oo mai Israel wei ami god, Egyptei i tere-opunemi.”
2447	EXO 32:8	Taui me marana au tarawatu i geduaiei ma bull natuna kokoitauna i kauei. Ma i raudunelei ma pulo i apui awarina ma i riwa, ‘Wei ami god, Oo Israel, Egyptei i tere-opunemi.”
2450	EXO 32:11	Wate Moses God i vigigimanei i pa, “Oo Bada am rewapana ḡaeḡaenei am rava Egyptei u tere-opunei lamna aubaina eḡa am rava awarii ma meji ma ma pupuni.
4138	NUM 14:29	Taumi au mutulua tupuami urabovai ina nae. O pari-virevireu aubaina taumi ami madeḡa 20 ma e ḡeḡae ona iraḡe.
4322	NUM 20:10	Ma Moses ma Aaron dam Israel i vitagogiei kira au naona ma Moses i riwa, “Ora potapotami! Ona genuana! Tauai waira kira au orana ana tere-opuniai aubaimi!”
4351	NUM 21:10	Mai Israel i nae ma au Oboth i rauḡaravu.
4352	NUM 21:11	Ma Oboth i netawanei ma i nae au Iye-Abarim i mae, wei lamna mutulua, Moab au naona au maramatanei.
4374	NUM 21:33	Ma mai Israel i vira ma etanaiei i ḡae au Bashanei. Ma Bashan ai gulau Og ai sorodia anatapui maiteni i opui da taui i nebelei au Edrei.
4375	NUM 21:34	Ma Bada Moses i riwei i pa, “Eḡa tauna ma rovoei, aubaina tauna, ana rava anatapui, ma ai dobu maiteni au uram a tereterei. Aiwai u kauei Amori ai gulau Sihon awarina, au Heshbon taon, nanare gulau Og awarina ma kauei.”
4376	NUM 21:35	Ma gulau Og i viraḡeni natunatuna nelarai ma rava anatapui i viraḡena-pai, eḡa aiai ita mae. Ma mai Israel dobuna i vaia da ai dobu.
4389	NUM 22:13	Ubaubanai Balaam i nae ma Balak ana taupariverena i riwei, “Ona nae me ami au melaḡai! Bada eḡa ita vianineu da maitemi tana nae.”
4440	NUM 23:23	Eḡa aiai Israel ina ḡaḡalei, bo ina baravui. Marina rava ina riwa, ‘Ona inanai God aiwai i kauei mai Israel aubai.’
4859	NUM 35:12	Ona riwei, ‘Weka ma mae da raubiwa ravai eḡa ina vodadanim ma rauetara ma paini.”
5007	DEU 4:1	Ma Moses, Israel i riwei i pa, “Mai Israel Ona rautaniḡana kaua! Au Tarawatu ma au viararamana anatapui ona votelatelana-kauei da ona lawana da Bada, noinoita ai God, dobu i vereveremi, ona vaia da ina viḡarimiei.
5038	DEU 4:32	Maranai Bada urana vivirewapananei Egypt ei i tereopunemi, tauna kaua babai ma virewapanai i kauei. Mai Egypt i vipupui aubaimi. Ma i vainimi da natunatuna, ma au ola Sinai o nonori awarimi i babani, ma o nonori ai menamena au orana ma awarimi i babani, ma lawalawaimi o mae! Wenanare wariaḡa i tupua dadana awarii bo eḡa? Eḡa! Ona nae me da au karena, maranai God oroto ma wavine i kauei da marina; ma dobu au giana da dobu ḡela au giana ona baiei. Kaua wenanare aniba i tupua-dadana bo eḡa?
5092	DEU 6:4	“Ona rautaniḡana Oo Israel! Bada ata God, Tauna ava Bada.
5095	DEU 6:7	Natunatumi ona viararamani. Ona babaniei maranai o viboruboru numa au orana bo o bababara-nae, bo muriai da ona matave bo o matave-vomairi.”
5122	DEU 7:9	Ona aramana-kauei da Bada ami God. Tauna ava God ma tauna God vipatutuna ma aiwai e ririwei e kaukauei. Taui da nuanuana e vaivaia ma ana babani e vovoteletelei, Tauna taui nuanuana e vaivai-kauei ma e viviaiaina-kauei i parivainuaḡani nanare da kimta tausan.
5153	DEU 8:14	Ona inana-kaua da eḡa ona mae-ḡaeḡae, ma nuanuami ina vuru! Da Bada menanare Egypt ei panipani au dobuna i tere-opunemi.
5156	DEU 8:17	Ona inana-kaua da eḡa au nuanuami ona riwa, ‘Tauai ai rewapanei ma ai egolei a vipurapura ma a maura.’
5228	DEU 11:18	Moses mai Israel i riwei, “Bada riwana eḡa nuanuami ina vuruvuru ma ae-tuḡuna ona rereḡi. Ona girumi da au urami ona raḡini ma ḡelaui au muruami ona raḡini ami mataira.
5236	DEU 11:26	—Ona inana! Au naomi viaiaina ma kovoḡa a tereterei, ma tam am ḡoana.
5237	DEU 11:27	Marina Bada ami God ana tarawatu a vereveremi. Mepa da Ona votaḡotaḡoi; tauna ina viaiainimi.
5381	DEU 17:15	Ona inana-kauei da Bada ami dam nununai awariei ami gulau ina vinevinei, ma eḡa dobu ḡela ravai ona vinei.
6556	JDG 2:9	Ma doa i verevereia au Timnat Herek i doboi, Ephraim au olana, wei lamna Ola Gaash ana au laubadei.
7215	1SA 1:1	Oroto tagogi wavana Elkanah, ana dam Ephraim ma ana melaḡai Ramah, Ephraim au olana i mae. Elkanah amana Jeroham, ḡoḡana Elihu ma noina Tohu, ma ai bariawa Zuph, ai dam Ephraim.
7225	1SA 1:11	Ma i parivainuaḡana i pa, “Oo Bada Vivirewapana Kaukauam. Ma inanaiu am taunola au ora-tou uta inanai! Ma uta notaiu ma eḡa nuanuam ina vuru. Mepa da natu orotona uta vereu lamna teverana ana veremelem da ina vilaragem ana au lawana au anatapuna, ma aparana eḡa ina bori-dadanei.”
7240	1SA 1:26	Ma Hannah i riwa, “Oo Bada e notanotai rorova tau weka a raraupari Bada awarina.
7244	1SA 2:2	Oo Bada eḡa aiai ḡelauna vivivireina me tam; eḡa mepa god ḡelaui anina tam ava; eḡa taugagalo ḡelauna me tam, ai God.
7409	1SA 9:16	“Wenanare marana au maratom oroto laragana Benjamin ana damei ana paritawaneiai. Olive monamonanei kolana ma buloi da ina vimataira da tauna a tereriei da au rava Israel ina vibadei. Tauna mai Israel ina voagui da mai Philistia ina vovaiubai. Au rava mai Israel a inanai i vinuapoapoe ma ai tou awariu agu aubaina a nonori.”
7461	1SA 11:14	Muriai Samuel mai Israel i riwei, “Ona nei ma anataputa tana nae au Gilgal ma Saul ana vigulau tana vianinei ma tana amei.
8263	2SA 11:1	Omra e tomtom maranaina gulagulau e opuopu ḡavia aubaina. David sorodia ai bada Joab ma Israel ana sorodia i paritawanei da mai Ammon ai sorodia ita vipupui. Ma ai taon Rabbah etanaina i matave-potai da ravai eḡa ita rui bo ita opu, David eḡa ita nae ma au Jerusalem i mae.
9011	1KI 8:23	ma i raupari i pa, “Oo Bada, Israel ana God, eḡa mepa God ḡelauna me tam nanare, au tepana au mara bo au gabaura au dobu! Tam am parivainuaḡana anatapuna e kaukauei, ma mara nonoa am rava nuanuai e vaivaia maranai orai taputapunei e votaḡotaḡoim.
9118	1KI 11:7	Au Ola Olive au Jerusalem kampa Solomon voepaepa gabuna i voai mai Moab ai god apoapoe kaukauana, Chemosh aubaina ma ḡelauna mai Ammon ai god apoapoe kaukauana, Molek aubaina.
9159	1KI 12:5	Rehoboam i paribelei i pa, “Ona nae ma aupom vitonuina ona nememei ma ana paribelemi.” Ma rava i vilamonei.
9170	1KI 12:16	Maranai Israel patarana i ʼnanai da gulau taui ai babani i parivirevire, ma gulau i riwei i pa: “Tauta eḡa Jesse natuna David ana damei! Eḡa ana dam ravai! Oo Israel ona naeme me ami au numa Oo David am dam oina ma inanai!” Anina ma mai Israel i nae ai au numa.
9182	1KI 12:28	Ma ana dogadogara maiteni i babani da i vinua-terenei ma bulumakau ruaḡa goldei i kauei ma ana rava i riwei, “Jerusalem ḡaena i vinigarigari, Oo Israel wei ami god, tauna Egyptei i tere-opunemi.”
9316	1KI 16:30	Omri natuna Ahab, ana ḡoʼapoapoe i rata guratana Bada awarina eḡa me gulau anatapui au naona i vivibada nanare.
9340	1KI 17:20	Anina ma ponana i rata ma i raupari Bada awarina, “Oo Bada au God, aiwai aubaina kaua apoapoe kaukauana u kauei kaiababa awarina? Tauna i taravainiu da ana au numa a mamae, ma u kauei da natuna i ʼraḡe?”
9341	1KI 17:21	Anina ma Elijah i taduru ma mara tonuḡa taubeu au tepana i matave ma ponana i rata ma i raupari Bada awarina i pa, “Oo Bada au God, A vibaḡaim da tevera ana lawana ma veremelei!”
9370	1KI 18:26	Ma taui ai bull i vaia ma i vokaukauei. Anina ma Baal awarina i raupari, ubaubanai i vikarei da i raviaubenai. Taui i garagarara, “Oo Baal, ma paribelelai!” Ma pulo aniapuna i arara kwaviviroi, Wate eḡa paribelana; eḡa aiai ita paribelei.
9371	1KI 18:27	Aubenai Elijah i vikarei da i vimarumarui i pa, “Ona raupari guratana! Tauna god! Mepa da e rarauboni bo i nae au ririva bo e vaḡavaḡai bo e matamatave! Ona ravidagudagui!”
9374	1KI 18:30	Ma Elijah rava i riwei, “Ona nei awariu.” Ma anatapui i nei ma Elijah i mae-kwaviviroi, tauna Bada ana pulo aniapuna i voavoa-melei.
9378	1KI 18:34	Ma nanare i kauei, ma i riwei, “Ona kauana-melei.” Ma nanare i kauei. Ma i riwei, “Mara vitonuina ona kauana-melei.” Ma nanare mara vitonuina i kauei.
9380	1KI 18:36	Ma aubigai pulo apuna ana mara i ḡetai, Elijah i babara-ḡae pulo aniapuna au ririvana ma i raupari i pa, “Oo Bada, Abraham, Isaac ma Jacob ai God, amadodo rava ma viatataiei da tam God au Israel ma tau am taunola, ma anatapuna u ririwei a kauei.
9381	1KI 18:37	Bada ma paribeleu, Oo Bada ma paribeleu da rava ina aramei da tam, au Bada, tam anina God, ma marina rava orai e taitaina-melei awarim.”
9400	1KI 19:10	Elijah i paribelei, “Oo Bada vivirewapana kaukauam, Tau mara nonoa tam a viborumem - tam ainelam. Mai Israel am parivainuaḡana bagibagina i viaigai, am pulo aniapuna i viairikarikai, ma am peroveta i viraḡena-pai, tau ainelau i votereu, ma marina i ḡoei da tau maiteni ina viraḡeniu!”
9404	1KI 19:14	I paribelei, “Oo Bada God, vivirewapana kaukauam, mara nonoa tam ainelam aubaim a vivilaraḡa. Wate Israel ravai am parivainuaḡana bagibagina i geduaiei, am pulo aniapuna i rikanaiei, ma am peroveta anatapui i viraḡeni. Tau ainelau a mamae. Ma marina i ḡoei da tau maiteni ina viraḡeniu.”
9996	2KI 17:9	Mai Israel kaua apoapoei i kaukauei Bada ai God awarina ma Bada wei kauai eḡa ita vinuaiaiei. Taui voepaepa gabui i voanaiei god morumorui voepaepaei aubaina au taon nununai, melagai aburuoina da au taon ḡaeḡaei. Ola muomuoi anatapui au tepai ma ai anatapui au ḡoui gana vinualaulaui i terenaei ma Asherah ana tuatua ma kokoitaui i vituramairini.
12507	NEH 8:10	Ma Nehemiah i riwa, “Ona nae ami au numa ma ona am kaua ma ona uma-kaua ma rava eḡa ita lauvoa, ona taraiḡuei. Wei marana lamna mara vivivireina Bada awarina. Lamna aubaina Bada ina vinuaiainimi, eḡa ona vinuabola, aubaina Bada ana nuaiai awarimi lamna ami rewapana!”
12874	JOB 1:1	Oroto wavana Job au Uz i mae. Tauna rava jijimana kaukauana ma ḡoʼapoapoei i geduaiei. Tauna God i vivirei ma ḡoa aiaii ava i kaukauei.
14257	PSA 23:5	Aubaiu torela e vokaukauei au ḡavia au naoi. Oilei kolau u volaḡolaḡoi da tam u vinuavaineu, ma au kelaka i oa-karagelai.
14410	PSA 34:3	Orau taputapuneiBada ana voepaepai; Vilamolamonai riwau ina nonori ma ina vinuaiai.
14411	PSA 34:4	Ona nei ata Bada tana vimaeḡaeḡaeni wavana tana voepae-gogonei.
14726	PSA 51:3	Oo God, ma raunuʼapoapoeleu. Tam nuavaina maemae-nonoana amai. Tam raraunuapoapoei amai au ḡoʼapoapoe ma notatawanei.
14735	PSA 51:12	Oo God nuanua ma ravivouni da ana vipatutu kaua awarim.
14739	PSA 51:16	Oo God, viʼraḡena vitana awariu ma vaitawanei, da am kaua jijimanii ana welei.