28	GEN 1:28	Rava i viaiaini ma i riwei i pa, “Ona vinatuna ma ona vimaḡaimi da dobu ona vioai ma dobu ona vibadei. Taumi, sia, kiu ma aiwai anatapui au doa tetetei ona vibadei.
57	GEN 3:1	Anina ma mota lamna terevaideḡa kaukauana eḡa me ḡamoḡamo ḡelaui i kaukaueia nanare. Ma mota wavine i paridadanei i pa, “Riwa kaua bo eḡa da God i riwem da eḡa ai uana au peipei ma ani.”
149	GEN 6:11	Rava ai ḡoʼapoapoelei dobu i viapoapoeni God au matana ma vigaigaiawa dobu i oai.
151	GEN 6:13	Ma God Noah i riwei, “Rava pupunana a vivinua-notenotei. Aubaina rava ai ḡoʼapoapoe dobu i oai, lamna aubaina rava ma dobu anatapuna ana vipupui.
212	GEN 9:6	Tau rava a kauei me tau inanau nanare, ma lamna aubaina Rava aiai i viraḡena, rava ḡelauna tauna ina viraḡeni.
410	GEN 17:12	Roaroa melamelai nelarai i tupua ma au pom 8 au murina inii ona bori. Wei kauana ona kauei, natunatumi nelarai ma ami taunola natunatui nelarai ma nelara anatapui am au numa e vivitaunola.
411	GEN 17:13	Riwa kaua, maranai roaroa nelarai i tupua am au dam bo maranai taunola o gimarai, taui au mataira lamna inii ona bori. Lamna au parivainuaḡana matairana au tupuami ina mae-nonoa.
435	GEN 18:10	Taui tagogi Abraham i riwei i pa, “Riwa kaua da wei au marana nanare madeḡa au ḡelauna ana nenememei, lamna awam Sarah tevera orotona ina ḡuni.” Ma Sarah, ravai au muri numagara au metaetana, i rarautaniḡana.
448	GEN 18:23	Abraham i nei Bada awarina ma i riwa i pa, “Riwa kaua da rava aiaii ma vipupui rava apoapoei maiteni?
679	GEN 25:20	Isaac ana madeḡa 40 ma Rebekah i ravaḡi. Rebekah tauna Leban novuna aburuna; amai Bethuel. Taui mai Aram au Padan-Aram i mamae.
680	GEN 25:21	Rebekah aipoi ma Isaac i raupari Bada awarina da awana ita voagui. Bada ana pari i nonori ma Rebekah i duama.
681	GEN 25:22	Raḡaraḡa i vivitua au manawa aubaina Rebekah i nae ma Bada i vibaḡai, “Aiwai aubaina wei e tuputupua awariu?”
682	GEN 25:23	Bada i riwa i pa: “Roaroa ruaḡa au manawam ina vidam ruaḡa, ma vinatuna da dam ruaḡa ma taui ina viḡavia vivira. Tagogi ina virewapana telara ma magurina aburuna awarina ina vitaunola.”
687	GEN 25:28	Isaac ana ḡoana ḡaeḡaena Esau, aubaina sia moduei i vunuvunui amna i ḡoei. Wate Rebekah, Jacob i ḡoana-kauei.
1028	GEN 35:16	Muriai Jacob ana dam maiteni Bethel i voterei ma i vaḡai, ma taui uama i rata da au Ephrath ita ḡeta. Ma Rachel malana i vaia da ina vinatuna ma vinatuna i voiana-guratei ma ana iniviara i rata kaua.
1030	GEN 35:18	Wate Rachel iʼrairaḡe ma ana lavutu au damona ma tevera i viwavai “Ben-Oni.” Wate amana i viwavai, “Benjamin.”
1031	GEN 35:19	Ma Rachel i ʼraḡe ma eta e nenae au Ephrath (marina wavana Bethlehem) au ririvana i doboi.
1032	GEN 35:20	Ma Jacob gana i vimairini Rachel ana kokoaga au tepana da i vimataira. Matairana amadodo e mamae.
1035	GEN 35:23	Leah natunatuna: Reuben; Jacob ana natuevou Simeon, Levi, Judah, Isakar, ma Zebulun.
1036	GEN 35:24	Rachel natunatuna: Joseph ma Benjamin.
1037	GEN 35:25	Bilhah - Rachel ana taunola wavine natunatuna: Dan ma Naphtali.
1105	GEN 37:21	Wate Reuben ai ogatara i nonori, ma i ḡoei da ana tevera ita gagaloei ma i riwa i pa, “Eḡa ana lawana tana vaitawanei.”
1106	GEN 37:22	“Eḡa tana viraḡeni. Tana tawana ḡairei waira dogona paipairana au orana weka au mutulua ma eḡa tupuana tana vodadani.” Reuben wenanare i babani aubaina i ḡoei da ana tevera ita naiana-melei amana awarina.
1113	GEN 37:29	Muriai Reuben i nememei da au dogo i ʼnana ḡaira, ma Joseph kampa eḡa ma i vinuabola kaua ma ana gara i sikai.
1275	GEN 42:22	Reuben i paribelei, “Nai maranaina a riwemi, ‘Eḡa ata tevera ona vodadani!’ Wate taumi eḡa ota rautaniḡaneu. Marina ata tevera tarana kovoḡana ta vaivaia.”
1454	GEN 48:2	Rava tagogi Jacob i riwei, “Natum Joseph i ḡetai da ina inanaim.” Jacob doridoriana ma i voguratei da i vomairi ma ana animatave au tepanai i kiala.
1457	GEN 48:5	—Ma lamna aubaina ḡoḡoḡau ruaḡa Manasseh ma Ephraim au Egypt tuputupuai muriai da a nei; lamna tau ana vaia da natunatu me natunatu Reuben ma Simeon.
1458	GEN 48:6	Roaroa muriai e tuputupua lamna tam ḡarimei; ma ai buderi Ephraim ma Manasseh awariei ina vaia.”
1535	EXO 1:2	Reuben, Simeon, Levi, Judah;
1544	EXO 1:11	Ma nola babadai i terei da mai Israel nolei i vunuvunui. Wei babadai mai Israel i egari da taon ḡaeḡaei ruaḡa i voai wavai Pithom ma Rameses, ma kampa Pharaoh ana lam ma purapura ḡelaui i vidamni.
1569	EXO 2:14	Ma orotona i riwa, “Aiai i terem da ma vibadelai bo ma rauetaralai? Tam ma viraḡeniu me Egyptei u viraḡeni nanare bo?” Kampa Moses i rovo ma i riwa, “Rava boiboḡi i aramanei tau aiwai a kauei.”
1828	EXO 12:11	Anatapumi wenanare ona am, vaḡai vigara ona vigarei: Ami ae uma ona oteni, ami jiḡona au urami, Ma ona am laḡilaḡina. Wei lamna Bada ana Raḡona torelana.
1838	EXO 12:21	Ma Moses Israel dam nununai babadai i kwatuei ma i riwei, “Ona nae ma sipu bo gote natuna orotona ona vunui ma ami numa ravai maiteni Raḡona torelana ona ani.
1839	EXO 12:22	Rugurugu ona turautuvi sipu au tarana au aboma ma ami numa metaetana au tepana ma au adana ona pasi. Ma eḡa aiai numa ina opu-tawanei da ubaubanai.
1841	EXO 12:24	—Ma maranai Bada dobu i paripari-vainuaḡanimi ona ḡeta, taumi eḡa nuanuami ina vuru da madeḡana patapatana Raḡona torelana ona kaukauei. Taumi natunatumi maiteni wei tarawatuna ona vojijina-nonoei.
1844	EXO 12:27	Ma taumi ona paribelei, ‘Wei torelana lamna Raḡona viegualau pulona Bada awarina, aubaina wariaḡa au Egypt Bada mai Israel ai numa i raḡoni, ma mai Egypt ai natuevou i pupuni, ma tauai natunatuiai i voterei.” Ma mai Israel i mae-ḡaira au doa ma Bada i raudunelei.
1854	EXO 12:37	Mai Israel dobu Rameses i netawanei ma i babara-nae au Sukoth. Nelara anatapui 600,000 nanare, waivine ma roaroa eḡa ita iavi.
1860	EXO 12:43	Ma Bada Moses ma Aaron i riwei, Raḡona torelana ana tarawatu wenanare: Dobu ḡela wei torelana eḡa ina ani.
1863	EXO 12:46	Raḡona sipuna numa tagogiava au orana ona ani, ma eḡa sia aiwaina ona opunei au doa ma gelamina eḡa ona gai.
1864	EXO 12:47	Mai Israel anatapui Raḡona torelana ina ani.
1870	EXO 13:2	“Natuevou nelarai au Israel anatapui ona vovivirei Tau awariu. Roaroa ma ḡamoḡamo natuevoui ororotoi au Israel anatapui, Tau ḡariuei.” Moses mai Israel i riwei,
1937	EXO 15:16	Rovo ḡaeḡaena anatapui orai i oai, uram ana rewapanei taui i mairi kwakwa me kokoitau, ma am rava ina verautua Bada, da ravai u vaivai-melei ina verautua.
1960	EXO 16:12	“Mai Israel ai ḡaiawa a nonori. Ma riwei, ‘Raviraviai taumi sia ona ani, ma ubaubanai lam ona maurei.’ Ma lamna maranai ona aramanei da Tau Bada ami God.”
1961	EXO 16:13	Raviraviai kiu iviki boruna i nei da taui i maemae lana gabuna i vioai. Ma ubaubanai ḡelauna doa anatapuna turuvani i vioai.
1964	EXO 16:16	Bada riwana bagibagina lamna wei, “Rava tagogi lam ana au ruva ina tuarui. Nau muomuoi ruaḡa ruvana ona tuarui, rava tagogi au numa aubaina.”
1979	EXO 16:31	Rava mai Israel wei lamna i ḡorei “manna.”
1985	EXO 17:1	Mai Israel mutulua Sin i netawanei, ma mepa Bada i ririweia nanare kampa i mae-nae. Taui au Rephidim i rauḡaravu, wate kampa eḡa waira da rava ita uma.
1992	EXO 17:8	Mai Amalek i nei ma Mai Israel maiteni i viḡaiḡaiawa au Rephidim.
1993	EXO 17:9	Moses Joshua i riwei, “Rava ma vinei da ona nae mai Amalek maiteni ina viḡaiḡaiawa. Au maratom tau ola au tepana ana mairi ma God ana kwapu ana vovojijini.”
2029	EXO 19:2	Mai Israel Rephidim i netawanei da i nae au mutulua wavana Sinai. Ma kampa ola au karena i rauḡaravu.
2204	EXO 25:8	“Rava Numa Gara Vivivireina ina voai, da taui maiteni ana mae.
2297	EXO 28:3	Rava rarau-ḡaroḡaroi ma nuaulaulai, ma ḡoreiai da Aaron ana pirisi garana ina popoi da ina oteni ma ina viaiaini da aubaiu ina vipirisi.
2460	EXO 32:21	Ma Aaron i riwei, “Rava aiwai i kauei awarim da u kauei da kaua apoapoe kaukauna i kauei.”
2507	EXO 34:10	Bada, Moses i riwei, “Ma rautaniḡana! Au parivainuaḡana bagibagina tam maiteni a kaukauei am patara Israel maiteni. Ma au matami kaua ḡaeḡae aniba kauai ana kauei. Eḡa melanai aiai wenanare ita kauei au dobu. Rava anatapui au ririvami e mamae, au rewapana ina inanai da tau, Bada kaua ḡaeḡae ana kauei aubaimi.”
2732	EXO 40:24	Rampa aniterenana i vaia ma au numa gara teibol au naona, au babaḡela au rauanaḡei i vikialai.
3098	LEV 13:45	—Rava aiai opidoriana i vaia, tauna gara wanasikasikana ina oteni, aparana eḡa ina jinai ma naona ina purui ma ina kwatu ina pa, ‘Tau eḡa aiaiu! Eḡa ona nei au ririvau!’
4097	NUM 13:21	Anina ma taui dobuna i naeni, au mutulua Zin i vikarei ma dobuna i naeni da au gia dewadewana au Rehob, wei lamna Lebo Hamath au ḡereḡerena.
4107	NUM 13:31	Wate taurauivu maiteni i ḡeḡae i pa, “Eḡa! Ravai i virewapana kaua eḡa me tauta. Eḡa tana viḡaviei.”
4118	NUM 14:9	Wate Bada eḡa ona viḡaviei. Ma ravai dobuna e maemaeni eḡa ona rovoei, tana viaḡaḡana-opunei. Taui ai agu eḡa. Tauta Bada maiteni ta mamae! Ravai eḡa ona rovoei!”
4315	NUM 20:3	ma Moses maiteni i viparipariniḡai i pa, “Rorova varevareiai maiteni ata iraḡe tagogi Bada au matana!”
4348	NUM 21:7	Rava i nei Moses awarina ma i riwa, “Tauai ḡoʼapoapoena a kauei maranai Bada ma tam a parivireviremi. Ma raupari da Bada mota ina vaitawanei.” Ma Moses i raupari rava aubaii.
4411	NUM 22:35	Bada ana anela i riwa i pa, “Ravai maiteni ma nae, wate aiwai ana riwem lamna ava ma latoni.” Anina ma Balaam, Balak ana babadai maiteni i nae.
5012	DEU 4:6	Tarawatui ona vojijina-kauei da dam ḡelaui ami nuaulaula ma ami aramana ina inanai. Ma tarawatu ina nonori ma ina riwa, “Riwa kaua da dam Israel lamna dam nuanuaulaulai ma araramani.
5120	DEU 7:7	—Ma Bada eḡa ita rauoḡarem ma ita vinem aubaina taumi dam patarana ḡaeḡaena, eḡa me dam ḡelaui. Riwa kaua da taumi dam aburuoina au dobu.
7215	1SA 1:1	Oroto tagogi wavana Elkanah, ana dam Ephraim ma ana melaḡai Ramah, Ephraim au olana i mae. Elkanah amana Jeroham, ḡoḡana Elihu ma noina Tohu, ma ai bariawa Zuph, ai dam Ephraim.
7217	1SA 1:3	Madeḡana patapatana Elkanah Ramah i netawanei ma i nae au Shiloh da Bada vivirewapana kaukauana ita voepaepai ma pulo ita apui awarina. Weka Eli natunatuna Hophni ma Phineas Bada ana pirisi pulo tauapui i mae.
7233	1SA 1:19	Ma ubaubanai boiboḡi Elkanah ana numa ravai i vomairi ma i nae da Bada i raudunelei ma i ḡaira me au Ramah. Elkanah awana Hannah maiteni i matave ma Bada wavine ana pari i paribelei.
7251	1SA 2:9	Tam am rava patupatutui e gagagaloei; ma apoapoe taukauei e amoamoa au iraḡe Rava eḡa ai rewapanei ita vovaiuba;
7253	1SA 2:11	Elkanah natuna Samuel i voterei ma i nae me ana au melagau au Ramah. Samuel pirisi Eli au urana i mae au Shiloh ma Bada aubaina i vitaunola.
7290	1SA 3:12	Rorova a riwa nanare, Eli ana numa ravai maiteni ana kovoḡi.
7292	1SA 3:14	Riwa bagibaginei a ririwa da Eli ana numa ravai ai ḡoʼapoapoe eḡa melanai ana nota-tawanei. Avena da pulo ina apui awariu.”
7375	1SA 8:4	Ma lamna aubaina Israel babadai i riei Samuel awarina au Ramah.
7422	1SA 10:2	Amadodo rava ruaḡa ma nebelei Rachel ana kokoaga au ririvana au Zelsah, Benjamin ana au dobu. Taui ina riwem, ‘Donkina o baibaiei i nelaḡai. Ma marina amam eḡa donkey ita baibaiei wate tam e vivinuabolem, e paripari-dadana, Menanare natu ana nelaḡanei.’
7431	1SA 10:11	Maranai ravai Saul i araramaneia Saul i ʼnanai peroveta au borui i jimajima taui orai i auepai ma ai rava i ririwei, “Riwa kaua bo aiwai i tupua Kish natuna awarina? Saul i viperoveta bo?”
7580	1SA 15:18	Riwa bagibagina i riwem ma i paritawanem da taniḡa potapotai mai Amalek uta viḡaviei da anatapui uta pupuna-pai.
7596	1SA 15:34	Ma Samuel i nae au Ramah ma Saul i nae me ana au numa au Gibeah.
7604	1SA 16:7	Wate Bada Samuel i riwei, “Tau ravana a geduaiei, eḡa inanana bo ana manawa ma notanotai. Bada aiwai e inainanai, rava eḡa ita inananai. Rava tupua e inainanai wate Tau nuapou a inainanai.”
7608	1SA 16:11	Ma Jesse i paridadanei, “Natunatum anatapui weka bo?” Jesse i riwa, “Natu umau e mamae wate tauna sipu e paipaini.” Samuel Jesse i riwei, “Riwa ma paritawanei da ina ḡetai da tana am.”
7610	1SA 16:13	Anina ma Samuel olive monamonana i vaia ma David au kolana i waḡi, kampa taui au matai, ma nai au marana da i nenae Bada ana Arua Vivivireina David maiteni i mae. Ma Samuel i nae au Ramah.
7780	1SA 21:6	David i paribelei, Riwa kaua tauai eḡa waivine maiteni ata matamatave, maranai a opuopu ḡavia aubaina au nelara e ujiuji. Amadodo lamna gulau ana nola a kaukauei ma wei nolana aubaina a vokaukaua kaua.
8263	2SA 11:1	Omra e tomtom maranaina gulagulau e opuopu ḡavia aubaina. David sorodia ai bada Joab ma Israel ana sorodia i paritawanei da mai Ammon ai sorodia ita vipupui. Ma ai taon Rabbah etanaina i matave-potai da ravai eḡa ita rui bo ita opu, David eḡa ita nae ma au Jerusalem i mae.
8264	2SA 11:2	Mara tagogi aubigai David i matave-vomairi ma ana au poewa vatavatarana i bababara-nae. Ma i ʼnana damana da wavine i ʼnanai i toatoa, i oḡaoḡa-melei aubaina marina ana nawaravi doriana i kwa, wavine inanana aiai kaukauana anina ma David, rava i paritawanei da ita aramanei tauna aiai. Ravana i ḡeta memei ma i pariverei i pa, “Wavine wavana Bathsheba, Eliam natuna ma Uriah Hitti ei awana.” Ma David ana taunola i paritawanei da wavinena i neiai awarina ma tauna maiteni i matave ma i nae me au numa.
8278	2SA 11:16	Joab Rabbah taona i vivineneḡanei da i aramanei mepa ḡavia i virewapana kaua ma kampa Uriah i terei.
8291	2SA 12:2	Ravana manemanena awarina sipu ma bulumakau maḡamaḡaui.
9155	1KI 12:1	Mai Israel anatapui i nae au Shekem ma i vipaipai da Rehoboam ita nei ma ita terei ai gulau.
9157	1KI 12:3	Ma Israel babadai riwa i paritawanei da Jeroboam i nei ma anatapui i nae Rehoboam awarina ma i riwei, i pa,
9159	1KI 12:5	Rehoboam i paribelei i pa, “Ona nae ma aupom vitonuina ona nememei ma ana paribelemi.” Ma rava i vilamonei.
9160	1KI 12:6	Ma gulau Rehoboam, dogadogara awari vinuaterena i vaia, taui amana Solomon ana taunola maranai lawalawaininai. I paridadanei i pa, “Wei ravai menanarena ana paribelana-nei?”
9162	1KI 12:8	Wate Rehoboam dogodogara ai vinuaterena i geduaiei ma i nae ana kimta awarii, maiteni i rata tagogi, ma marina tauna e vivitaunolei
9166	1KI 12:12	Aupom tonuḡa au murina i riwa nanare Jeroboam ana babada maiteni i nememei Rehoboam awarina.
9167	1KI 12:13	Gulau Rehoboam dogadogara ai vinuaterena eḡa ita vaia ma pona bagibaginei rava awari i babani.
9171	1KI 12:17	Wate Rehoboam mai Israel au Judah maemaei i vibadei.
9172	1KI 12:18	Adoniram, mai Israel anatapui ai taunola i vibadei. Gulau Rehoboam, Adoniram i paritawanei au Israel da ai taunola ita neiai au Jerusalem wate taui ḡaimei i viraurauei da i viraḡeni. Gulau Rehoboam laḡilaḡina ana chariot i gerui ma i nae me au Jerusalem.
9180	1KI 12:26	Mara tagogi gulau Jeroboam wenanare i vinua-notanota, “Mai Israel anatapui e ḡeḡae au Jerusalem da au tempol pulo e apuapui Bada awarina. Ma mepa da nuanuai ina virai ma ina audamana Judah gulauna Rehoboam awarina amapo tau ina viraḡeniu.” Ma wei vigulauna ina nae me David ana epaepaia awarii.
9321	1KI 17:1	Peroveta Tishbelei wavana Elijah ana dobu Tishbe au Gilead, Ahab i riwei, “Riwa kaua! Bada Israel ana God lawalawaina, ma tauna a vivilaragei. Wavanei a riwa da turuvani eḡa ina peu ma garewa eḡa ina atuna madeḡa biaḡa da tau ana riwa da nanare.”
9332	1KI 17:12	Kaiababa i paribelana i pa, “Riwa kaua! Am Bada God lawalawaina ma wavanei a ririwa, tau awariu eḡa palawa apuapunana. Awariu palawa aburu kaimojina ma monamona aburuna. Ai a ḡunaḡuna da ana nae au numa ma lam damona ana vitavi da natu maiteni ana am ma au murina ana raumolaḡau da ana iraḡe.”
9557	2KI 2:2	Ma Elijah, Elisha i riwei i pa, “Weka ma mae ma Bada i riweu da ana nae au Bethel.” Wate Elisha i paribelei, “Riwa kaua da Bada lawalawaina ma nanare tam lawalawaim, tau nanare eḡa melanai ana voterem.” Anina ma airuaḡa i ḡaira au Bethel.
9559	2KI 2:4	Ma Elijah, Elisha i riwei, “Weka ma mae, Bada i riweu da ana nae au Jeriko.” Wate Elisha i riwa, “Riwa kaua da Bada lawalawaina ma nanare tam lawalawaim, tau nanare eḡa melanai ana voterem.” Anina ma taui i nae au Jeriko.
9561	2KI 2:6	Ma Elijah i riwei, “Weka ma mae, Bada e paripari-tawaneu au Waira Jordan.” Wate Elisha i paribelei i pa, “Riwa kaua da Bada lawalawaina ma nanare tam lawalawaim, tau nanare eḡa melanai ana voterem.” Ma airuaḡa i babara nae.