28	GEN 1:28	Rava i viaiaini ma i riwei i pa, “Ona vinatuna ma ona vimaḡaimi da dobu ona vioai ma dobu ona vibadei. Taumi, sia, kiu ma aiwai anatapui au doa tetetei ona vibadei.
58	GEN 3:2	Ma wavine i paribelei i pa, “Tauai ai uana peipei au orana ana ani.
65	GEN 3:9	Wate Bada God oroto i kwatuei i pa, “Tam mepa?”
66	GEN 3:10	Tauna i paribelei i pa, “A nonorim au peipei ma tau ana kovakovau aubaina a rovo da a raugovaḡem.”
71	GEN 3:15	Ana kauei da tam ma wavine ona viḡavia nonoa, ma am epaia ma wavine ana epaia ona viḡavia. Tauna kolam ina gwadai ma tam ae karena ma ani.”
72	GEN 3:16	Ma wavine i riwa i pa: “Am nuabola ana viratai am au raumanawa, ma am iniviara ina rata am au vinatuna. Tam u ḡoei da awam uta vibadei, wate tauna tam ina vibadem.”
73	GEN 3:17	Adam i riwei i pa, “Ma tam awam ponana u rautaniḡanei ma ai uana a viviḡaeia u ani, Tam am kauelei doa u viapoapoeni. Tam ma nola guratana ma inim ina viara da lam ma nelaḡai, am mara au anatapuna.
75	GEN 3:19	Tam polapolam ina toi da lam ma nelaḡai ma nanare ma mae da ma nae me au doa. Doa pokauna a vaia da tam a kauem ma tam ma nae me doa au pokauna.”
88	GEN 4:8	Ma muriai Cain ana tevera Abel i riwei, i pa, “Tana nae, tana babara.” Ma maranai i ḡeta au wapu, Cain i vomairi ma ana tevera Abel i vunui da i viraḡeni.
89	GEN 4:9	Ma Bada Cain i paridadani i pa, “Am tevera Abel mepa?” Ma Cain i paribelei, i pa, “Eḡa ata aramanei! Tau au tevera taupainina bo?”
92	GEN 4:12	Ma lamna aubaina maranai u ḡoei da doa uta ipiei, lamna uana eḡa ma nelaḡai ma am animae eḡa. Tam ma babara labalababa.”
94	GEN 4:14	Tam wei doanei e viviopuniu da naom eḡa ana inana-melei. Tau ana babara labalababa ma eḡa au animae. Ma rava ina nelaḡaiu ma ina viraḡeniu.”
145	GEN 6:7	Ma Bada i riwa, “Tau rava a kaukaueia ana vipupui dobu au anatapuna ma nanare ḡamoḡamo ḡaeḡaei ma ḡamoḡamo au doa tetetei ma kiu au aidamo. Nuanuau i bola-kauei da taui a kauei.”
155	GEN 6:17	—Ona rautaniḡana! Tau marina ututuva ana paritawaneiai au dobu ma aiwai anatapui lawalawaii ina amoa.
156	GEN 6:18	Wate marina tau parivainuaḡana bagibagina ana kauei tam maiteni. Tam, awam, ma natunatum awawai maiteni au waga ona rui.
161	GEN 7:1	Ma Bada Noah i riwei, “Tam ainelam rava jijimanim au dobu wei au marana. Lamna aubaina tam ma am numa ravai anatapumi au waga ona geru.
200	GEN 8:16	“Tam ma awam ma natunatum ana awawai waga ona oputawanei.
211	GEN 9:5	Ma mepa da ḡamoḡamo rava i viraḡeni. Tau ana raubiwa, wate nanare rava, rava turana i viraḡeni. Tau ana raubiwa.
212	GEN 9:6	Tau rava a kauei me tau inanau nanare, ma lamna aubaina Rava aiai i viraḡena, rava ḡelauna tauna ina viraḡeni.
215	GEN 9:9	“Ona rautaniḡana wei marina, Tau au parivainuaḡana bagibagina taumi ami epaepaia maiteni a kaukauei.
330	GEN 13:11	Ma Lot waira Jordan wapuna i vinei tauna aubaina ma i nae au maramatanei. Taui nanare i vilamonei.
351	GEN 14:14	Ma maranai Abram i nonori da taui maiana Lot i vaia. Tauna ana sorodia vinevinei ana au melagai tuputupuai 318 i kwatuei. Ma ḡaviḡaviai i votaḡoi da i ḡae au Dan.
355	GEN 14:18	Melkisedek tauna Salem ai gulau ma God Aidamo Telarana ana pirisi pulo tauapuina. Palawa ma wine i neiai,
356	GEN 14:19	ma Abram i viaiaini ma i pa, “God Aidamo Telarana mara ma dobu taukaueina, ina viaiainim.
357	GEN 14:20	Ma God Aidamo Telarana am ḡavia au uram i terei, lamna aubaina tana voepaepai.” Ma Abram aiwai ana sorodia maiteni i tami i vitagogiei da ḡuta 10 i kauei. Ma ḡuta tagogi i votawanei ma Melkisedek i verei.
362	GEN 15:1	Ma muriai Bada Abram ana au rauboni i riwei i pa, “Abram eḡa ma rovo. Tau am taugagalo am pulo ḡaeḡaena.”
363	GEN 15:2	Ma Abram i paribelei i pa, “Oo Bada God. Tau eḡa natunatu, ma am pulo eḡa ina voaguiu. Tam eḡa natu orotona uta vereu ma lamna aubaina au iraḡe au murina, Eleasar au taunola Damaskasei au vigulau ina vaia.”
365	GEN 15:4	Anina ma Bada i riwana-melei i pa, “Eḡa! Tauna am vigulau eḡa ina vaia, wate natum orotona tamei ina tupua, tauna am vigulau ina vaia.”
399	GEN 17:1	Maranai Abram ana madeḡa 99 ma Bada i vieḡana-melei Abram awarina ma i riwei i pa, “Tau God Vivirewapana Kaukauana. Au naou ma babara ma kaua aiaina ava ma kauei
402	GEN 17:4	“Tau au navanava au parivainuaḡana bagibagina tam maiteni wenanare: Ana kauei, da dam patarana maḡamaḡaui tam ina viamanem.
414	GEN 17:16	Tau ana viaiaini ma natum orotona ina vitupui. Anina ma ana viaiaini da ina vidam ḡaeḡae aloi. Ma dam ai gulau maḡamaḡaui taunei ina opu.”
418	GEN 17:20	Ma Ishmael aubaina, am nuabola a nonori. Ana viaiaini ma natunatuna ana vimaḡai ma ana epaepaia ana vituai. Tauna dam 12 ai babada amai ma ana epaepaia ai dam ana vimaḡai.
430	GEN 18:5	Lam ana veremi da ina vovai-virewapanimi ma muriai ona vaḡai. Taumi o notaiu da o nei.” Taui i paribelei, “Anina u ririweia ma kauei.”
434	GEN 18:9	Taui i paridadana i pa, “Awam Sarah mepa?” Tauna i paribelei i pa, “Tauna numagara au orana.”
435	GEN 18:10	Taui tagogi Abraham i riwei i pa, “Riwa kaua da wei au marana nanare madeḡa au ḡelauna ana nenememei, lamna awam Sarah tevera orotona ina ḡuni.” Ma Sarah, ravai au muri numagara au metaetana, i rarautaniḡana.
437	GEN 18:12	Sarah i mutu-kaka ma i riwana-melei, “Tau ma awau a magura kaua ma au vinatuna ana mara i kwa. Ma amapo tagotagogina da duama ana morelanei bo?”
438	GEN 18:13	Bada Abraham i paridadanei i pa, “Aiwai aubaina Sarah i kaka ma i riwa, ‘Tau a magura kaua ma riwa kaua da ana vinatuna bo?’
440	GEN 18:15	Sarah i rovo ma i bovi ma i riwa i pa, “Tau eḡa ata kaka.” Tauna i paribelana i pa, “Eḡa! Tam u kaka.”
442	GEN 18:17	ma Bada ana au nota i pa, “Aiwai marina ana kauei, eḡa ana tere-govaḡi Abraham awarina. Abraham ana epaepaia ina vidam ḡaeḡaena ma vivirewapanana ma taunei dam anatapui au dobu ana viaiaini. Tauna a vinei da natunatuna ina riwei ma taui natunatui ina riwei da Bada ana lawana ina votaḡotaḡoi da aiaina ma jijimanina, ina kaukauei da tau Abraham a paripari-vainuaḡania ana kauei.”
445	GEN 18:20	Ma Bada Abraham i riwei, “Tau, vikaruwaḡawaḡa maḡamaḡaui a nonori da Sodom ma Gomorah melagaii ravai ai ḡoʼapoapoe i rata guratana.
450	GEN 18:25	Lamna eḡa ita ai, ma eḡa ma kauei. Tam eḡa rava aiaii ma viraḡeni rava apoapoei maiteni. Nai kauai e kaukauei rava aiaii awarii, kauana tagogina rava apoapoei awarii e kaukauei, eḡateni! Tam rava anatapui au dobu tauetareina ma ma etarana-kauelai tapa?”
456	GEN 18:31	Abraham i riwa i pa, “Tau wei babanina a vikarei, mepa da 20 ava kampa ma nelaḡai?” I riwa i pa, “Mepa da 20 ana nelaḡai lamna, eḡa ana vipupui.”
460	GEN 19:2	Ma i riwa i pa, “Au babada, tau ami taunola a nei, ona nei au au numa. Aemi ona oḡai ma ona matave. Maratomtomai ona vomairi da ami au aninae ona nae.” Ma taui i paribelei i pa, “Eḡa! Tauai weka au deba ana matave.”
467	GEN 19:9	Ma Sodom nelarai i paribelei i pa, “Ma maeria! Tam dobu ḡela ravam weka e mamae-gubai ma marina u ḡoei da ma vibadabada. Marina ana viapoapoena-kauem eḡa me taui ruaḡa!” Ma taui Lot au metaeta i dudu ratui da gudu ita rikai.
470	GEN 19:12	Anina ma nelara ruaḡa Lot i riwei i pa, “Tauai marina wei dobuna ana pupuni. Bada, vikaruwaḡawaḡa maḡamaḡaui i nonori wei melagaina ravai awarii ma Tauna, tauai i paritawanelai da dobuna ana pupuni. Am dam ravai ḡelaui weka e mamae bo eḡa? Natunatum nelarai ma waivinei ma poipoiam ma am rava aiavoi au melagai maemaei; ma taravaina-opunei!”
524	GEN 21:10	Ma Sarah Abraham i riwei, “Taunola wavinena ma natuna ma viopuni! Eḡa ata ḡoei da tauna am buderi ina vaia. Natu Isaac ainelana am buderi ina vaia.”
549	GEN 22:1	Madeḡa maḡamaḡa i kwa ma muriai God Abraham ana tumaḡana i raudadani. God i riwa i pa, “Abraham!” Abraham i paribelei i pa, “Tau weka!”
552	GEN 22:4	Taui au pom tonuḡa i babara ma Abraham i taepai ma gabu aueia i ʼnanai.
553	GEN 22:5	Ana taunola i riwei i pa, “Weka ona mae. Donki ona paini. Tau natu maiteni ana nae nore ma God ana viborumei. Ma airuaḡa ana nememei awarimi.”
554	GEN 22:6	Ma Abraham ai i tavana Isaac i viavarai. Tauna naipi ma ai mutuara i voai ma i negogona.
555	GEN 22:7	Taui i nenae ma Isaac i riwa i pa, “Amau!” Abraham i riwa, “Ee, ma babani natu!” Isaac i riwa, “Ai ma ai mutuara awarita wate pulo aubaina sipu natuna mepa?”
559	GEN 22:11	Wate lamna maranaina Bada ana anela marei i riwa, “Abraham, Abraham!” Abraham i paribelei, “Tau weka!”
560	GEN 22:12	Ma Bada ana anela i riwa, “Eḡa natum ma viraḡeni! Eḡa aiwai apoapoena awarina ma kauei! Tam natum tagotago eḡa uta nuanei ma marina a aramanei da tam anina God e vivivirei.”
564	GEN 22:16	“Bada i riwa, ‘Tam u voteleteleu ma natum tagotago eḡa uta nuanei. Tau wavauei a paripari-vainuaḡanim da
565	GEN 22:17	anina ana viaiainim ma am epaepaia ana vimaḡai me ubona au mara ma bubu au gera. Taui ai ḡavia ina vovaiubai ma ai melagai ina vaia.
566	GEN 22:18	Ma am epaepaia wavaiei dam anatapui au dobu ana viaiaini. Tam u voteleteleu aubaina wei ana kauei.”
679	GEN 25:20	Isaac ana madeḡa 40 ma Rebekah i ravaḡi. Rebekah tauna Leban novuna aburuna; amai Bethuel. Taui mai Aram au Padan-Aram i mamae.
682	GEN 25:23	Bada i riwa i pa: “Roaroa ruaḡa au manawam ina vidam ruaḡa, ma vinatuna da dam ruaḡa ma taui ina viḡavia vivira. Tagogi ina virewapana telara ma magurina aburuna awarina ina vitaunola.”
689	GEN 25:30	Ma Jacob i riwei i pa, “Tau am a iraḡe kaua. Nai gwada lebalebarina ma taraiḡui da ana ani!” (Wenanare i riwa aubaina wava i verei Edom.)
690	GEN 25:31	Ma Jacob i riwa i pa, “Tam natuevou, Mara muriai amata ana buderi voḡaeḡaena ma vaia. Marina ma riweu da am buderi tau ma vereu ma gwada ana verem.”
691	GEN 25:32	Esau i riwa i pa, “Tau am a iraḡe kaua ma natuevou buderina amapo eḡa ina voaguiu, anina ma vaia!”
787	GEN 28:13	Ma bada, au ririvana i maimairi ma i riwa i pa, “Tau bada, Abraham ma Isaac ai God, dobu e matamatave lana tam ma am epaepaia ana veremi.
795	GEN 28:21	Ma lawalawaiu ana nememei amau awarina, lamna maranaina Tam tau au God.
1022	GEN 35:10	ma i riwei i pa: “Tam wavam Jacob, wate marina eḡa ina ḡorei Jacob ma wavam vouna Israel.” Ma i viwavai Israel
1023	GEN 35:11	ma i pa: “Tau God Vivirewapana Kaukauana Ma vinatuna guratana ma ma vimaḡaimi Am epaepaia ina virava-ḡaeḡaei ma dam borui ḡaeḡaei awarimei ina tupua ma gulagulau maḡamaḡaui ina viamanei.
1029	GEN 35:17	Ma i voivoia ma iniviara i rata ma tauvipipiavoa i riwa, “Eḡa ma rovo! Tevera orotona ḡelauna i tupua!”
1086	GEN 37:2	Wei lamna Jacob natunatuna maiteni ai virarautua. Joseph tauna laraga ana madeḡa 17. Tauna tuatuana maiteni, amai awawana Bilhah ma Zilpah natunatui, amai ana sipu ma gote i paipaini. Wate Joseph tuatuana ai kaua apoapoe ḡelaui amai i vibenabenamei.
1092	GEN 37:8	Ma tuatuana i riwa, “Tam u notai da ma vibada bo? Ma tam ma vibadelai bo?” Ma Joseph ana babani ma ana rauboni aubaina taui amloi i ḡaiḡai guratana.
1097	GEN 37:13	Ma Israel (wavana ḡelauna Jacob) Joseph i riwei i pa, “Tuatuam au Shekem sipu ma gote e paipaini. A ḡoem da ma nae taui awari.” Joseph i vianina ma i riwa, “Anina ana nae.”
1100	GEN 37:16	Joseph i paribelei, “Tau tuatuau a baibaiei, taui ai sipu ma gote e paipaini. Uta riweu taui mepa?”
1101	GEN 37:17	Tauna i paribelei i pa, “Taui i nae. A nonori i bababani i pa, ‘Tana nae au Dothan.” Anina ma Joseph tuatuana i votaḡoi da au Dothan i nelaḡai.
1103	GEN 37:19	Taui i babani vivira i pa, “Taurauboni e nenei.
1106	GEN 37:22	“Eḡa tana viraḡeni. Tana tawana ḡairei waira dogona paipairana au orana weka au mutulua ma eḡa tupuana tana vodadani.” Reuben wenanare i babani aubaina i ḡoei da ana tevera ita naiana-melei amana awarina.
1109	GEN 37:25	Ma taui i kiala da i amam ma i taepai da dam mai Ishmael i ʼnanai au Gilead da i nenae au Egypt. Taui ai gimara lam anitavidagiai ma bunama mur au kamel i vigerui.
1116	GEN 37:32	Ma ana gara i naiei amai awarina ma i riwei i pa, “Tauai wei garana a nelaḡai. Ma inanai wei natum ḡarinei bo eḡa?”
1152	GEN 39:2	Bada Joseph i mae-ratui ma i voagui da anatapuna aiaina i kaukauei ana bada aubaina. Tauna Potiphar ana au numa i mae.
1158	GEN 39:8	Wate Joseph i geduai ma wavine i riwei i pa, “Ma i ʼnana, tau au bada weka i tereu da a vivipaipai ma lamna aubaina tauna eḡa aiwai numa au orana ina vinuabolei. Tauna ana purapura anatapuna au urau i terei.
1159	GEN 39:9	Tau au rewapana wei au numana nanare tauna, ma eḡa aiwai ita nuanei anina tam ainelam. Menanare da kaua apoapoena ana kauei da God au matana au ḡoa ina apoapoe.”
1177	GEN 40:4	Sorodia ai bada wei ruaḡai i naiei Joseph awarina ma tauna ravai i paini. Taui i mae-guratana au panipani numana.
1181	GEN 40:8	Taui i paribelei, “Tauai airuaḡa a rauboni ma eḡa aiai da ai rauboni anona ita vieḡelai.” Joseph i riwa, “God ainelana rauboni e vivieḡai. Ami rauboni ona riweu.”
1187	GEN 40:14	Wate maranai wei gabuna u opu-tawanei ma aiwai anatapuna ina ai-me. Tau ma notaiu, am i viaiai ma kauei da au nuabola Pharaoh ma pariverei da panipani-numanei ina tere-opuneu.
1189	GEN 40:16	Ma palawa tauapuina i ʼnanai da Joseph nuaiai riwana i vieḡai ma i riwa, “Tau nanare a rauboni. Palawa irigana tonuḡa au kolau a terei.
1209	GEN 41:13	Ma tauna aiwai i ririweia nanarena i tupua. Tau u tere-meleu au au nola ma palawa tauapuina u viraḡeni.”
1212	GEN 41:16	Joseph i paribelana, “Tau eḡa tagotagogina, wate God am rauboni anona ina verem da oram ina viubai.”
1236	GEN 41:40	Tam ana terem da au dobu ma vibadei ma au rava anatapui am riwa ina voteletelei. Tau Pharaoh, ma am rewapana tau ainelau au rewapana eḡa ina ḡetawanei.”
1258	GEN 42:5	Taui rava ḡelaui maiteni i nae au Egypt da lam ita gimarai aubaina gomara ḡaeḡaena dobu Canaan maiteni i vaia.
1260	GEN 42:7	Joseph taui i ʼnanai ma maratagogi i aramanei da taui aiavoi ma i kauana-melei da apamina taui eḡa ita aramanei. Ma riwa bagibaginei i vitara-virevirei, “Taumi meiei o nei?” Taui i paribelei, “Tauai Canaanei a nei da lam ata gimarai.”