399	GEN 17:1	Maranai Abram ana madeḡa 99 ma Bada i vieḡana-melei Abram awarina ma i riwei i pa, “Tau God Vivirewapana Kaukauana. Au naou ma babara ma kaua aiaina ava ma kauei
777	GEN 28:3	Ma God Vivirewapana Kaukauana am tavine ina viaiaini ma ina viuaim ma natunatum ina vimaḡai ma tam dam borui ḡaeḡaei ina viamanem.
1023	GEN 35:11	ma i pa: “Tau God Vivirewapana Kaukauana Ma vinatuna guratana ma ma vimaḡaimi Am epaepaia ina virava-ḡaeḡaei ma dam borui ḡaeḡaei awarimei ina tupua ma gulagulau maḡamaḡaui ina viamanei.
1259	GEN 42:6	Joseph i vibada ḡaeḡaena au Egypt ma tauna lam i gimagimarei dobu anatapui ravai awari. Varevareina i ḡetai ma Joseph au naona i mae-ḡaira au doa ma i raudune.
1455	GEN 48:3	Anina ma Jacob natuna Joseph i riwei, “God Vivirewapana Kaukauana awariu i eḡa au Luz (Bethel) au Canaan ma i viaiainiu.
2010	EXO 18:10	Jethro i riwa i pa, “Voepaepa Bada awarina. Tauna Pharaoh ma mai Egypt awarii i vai-tawanemi. Ee, Egypt urai vivirewapanana awariei i vai-tawanemi.
2204	EXO 25:8	“Rava Numa Gara Vivivireina ina voai, da taui maiteni ana mae.
2424	EXO 31:3	ma Aruau Vivivireina a verei. Ma nuaulaulaula ma nota ma aramana a verei da rau-ḡaroḡaro anatapui awari tauna tagotagogina.
2428	EXO 31:7	Numagara Vivivireina ma parivainuaḡana bokisi ma uḡu ma numagara ana purapura:
2710	EXO 40:2	“Au Numa Gara Vivivireina ma vimairini aupom tagogi, madeḡa au vouna.
2742	EXO 40:34	Ma apau Bada ana Numa Gara Vivivireina i purui ma ana boruma numana i vioai.
2747	LEV 1:1	Bada au Numa gara Vivivireina ma Moses i kwatuei ma i riwei i pa,
2749	LEV 1:3	—‘Mepa da ḡamoḡamo taputapuna e apuapui am pulo, ma inanai da ḡamoḡamo orotona aiaina ma eḡa ana apoapoe aiwai. Ma neiai Numa gara Vivivireina ana au anirui, da Bada ina vianinem.’
2781	LEV 3:2	Ma urana ḡamoḡamo au kolana ina terei ma ina viraḡeni Numa Gara Vivivireina ana au anirui. Ma pirisi Aaron natunatuna tara pulo aniapuna au adana ina voiwaiwaḡa-naiei.
7225	1SA 1:11	Ma i parivainuaḡana i pa, “Oo Bada Vivirewapana Kaukauam. Ma inanaiu am taunola au ora-tou uta inanai! Ma uta notaiu ma eḡa nuanuam ina vuru. Mepa da natu orotona uta vereu lamna teverana ana veremelem da ina vilaragem ana au lawana au anatapuna, ma aparana eḡa ina bori-dadanei.”
7245	1SA 2:3	Tau a ririwa, “Vogulagulau ma pari-gulagulau ona voterei; Mae-ḡaeḡae babanina ona voterei. Aubaina Bada ami kaua anatapui e araramanei ma ina kovoḡimi.”
7426	1SA 10:6	Bada Aruana Vivivireina ana rewapanana oram ina naeni da ina vibadem, ma taui maiteni Bada ana babani ona jimei. Ma oram ina ravivouni da tam me rava ḡela.
7564	1SA 15:2	Bada Vivirewapana Kaukauana i riwa i pa, ‘Tau mai Amalek ana kovoḡi aubaina amamai mai Israel i viḡaviei maranai Egyptei i opu da i nenei.
7584	1SA 15:22	Anina ma Samuel i riwa, “Bada metauna e vinuaiaiei? Votelatela bo pulo ma ḡamoḡamo apuapunana. Votelatela i ai-telara, eḡa me pulo apuapunana; Ma rautaniḡana i ai-telara, eḡa me sipu monamonana.
7610	1SA 16:13	Anina ma Samuel olive monamonana i vaia ma David au kolana i waḡi, kampa taui au matai, ma nai au marana da i nenae Bada ana Arua Vivivireina David maiteni i mae. Ma Samuel i nae au Ramah.
9119	1KI 11:8	Voepaepa gabui wenanare i voanaiei awawana anatapui aubaii da taui weka incense ma ai pulo ita apuapui ai god awarii.
10012	2KI 17:25	Vouvounai wei ravai eḡa Bada ita viborumei, lamna aubaina lion ḡelaui i paritawaneiai da rava i viviraḡeni.
12916	JOB 3:8	Vijiboḡa amamai, mepa da ai vijiboḡa boga bariawana ina vidagui; taui wei marana ina vijiboḡi.
13870	JOB 40:2	“Tam, God Vivirewapana Kaukauana e viviwavui; Aiai God e viviwavui, ina paribelei.”
13937	JOB 42:11	Varevareina ma novunovuna ma ana rava waduwaduboi i nei ana au numa ma maiteni i am ma i uma gogona. Ma Job i vinuaubai aubaina Bada vita ḡaeḡaena Job i verei. Ma taui anatapui kampa i ḡeḡeta mane ma loji goldei Job i verei.
14410	PSA 34:3	Orau taputapuneiBada ana voepaepai; Vilamolamonai riwau ina nonori ma ina vinuaiai.
14736	PSA 51:13	Eḡa au naom ma tawana-opuneu ma awariu eḡa Aruam Vivivireina ma vaitawanei.
14737	PSA 51:14	Vilawana nuaiaina ma ravivouni me au naona nanare aruau ma viaiaini da ana voteletelem.
15461	PSA 91:1	Aiai ravana e nenae Aidamo Telarana awarina agu aubaina, lamna Vivirewapanana Kaukauana au ririvana ina mae.
17431	ECC 3:2	Vinatuna ana mara ma iraḡe ana mara paewa ana mara ma tuaruta ana mara.
17432	ECC 3:3	Viraḡena ana mara ma vilawana ana mara, amrika ana mara ma voa ana mara.
17811	ISA 5:2	I auni ma ḡaima i viopuni ma i gari ma grape ḡoroḡorovai aiaii, avavai, i paewi. Violaḡa numana i voai ma nanare wine anigudana i bori au kira. Anina ma i vipaipai da grape uena aiaii ita verei, Wate grape anatapui i viḡora.
17816	ISA 5:7	Bada Vivirewapana Kaukauana ana grape wapuna lamna, Israel ma grape ḡoroḡorovana ae tuḡuna e rerereḡi lamna ana dam mai Judah, I notanotai da lawana aiaina ita maeni wate i ʼnanai da tara i vitoini; kaua jijimanina ita nelaḡai wate viḡaiḡaiawa gararai i nonori.
17842	ISA 6:3	Ma tauiava i viḡoreḡore vivira; “Vivivirem, vivivirem, vivivirem tam Bada, Vivirewapanana; Dobu anatapuna am boruma i oai.”
17905	ISA 9:5	Aubaina, awarita tevera i tupua! Tevera orotona i vereta! Tauna ina vibada. Tauna ina ḡorei: Tauvinuaterena Aiaii telarana, God Vivirewapanana; Amata Maemae Nonoana; Nuauba Badana.
17906	ISA 9:6	Ana vigulau ma ana nuauba ina tua, eḡa damona ita mamae. Noina Gulau David ana au vigulau gabuna ina kiala, ma nuavainei ma jijimaninei ina vibada kaua; Ina mae-nonoa, marina da mara au damona. Bada Vivivirewapana Kaukauana ana nuavainei wei anatapuna ina kauei!
18798	ISA 54:5	Aubaina, taukauem lamna awam, wavana Bada Vivirewapana Kaukauana. Israel ana God Vivivireina am taugimaramelana, Tauna dobu anatapuna ai God.
19499	JER 20:8	Maranai a paripariverena, Riwa ana nuaii e rubaruba-opu. “Viḡaiḡaiawa! Pupu e nenei!” Bada ana pariverena aubaina, vinama ava a nenelaḡai.
19503	JER 20:12	“Oo Bada Vivirewapanam! Tam rava jijimanii e raraudadani, ma ai nota ma orai e araramanei. Au vita au uram a terei ma ana inanaim, au ḡavia ma kovoḡi.
21472	EZK 37:6	Vioa ma warowaro ana veremi, ma opi da gelama ina purui. Ma lavutu ana veremi da ma lawana. Kampa ma aramanei da Tau Bada.”
23129	ZEC 13:1	Bada Virewapana Kaukauana i riwa i pa, “Mara ina ḡetai maranai vuvura ina votawanei au Jerusalem. David ana epaepaia ma mai Jerusalem anatapui ina nei ma ai ḡoʼapoapoe ma ai mira ina oḡa-tawanei.”
24292	MRK 1:8	Tau wairei a babataitoimi, wate tauna, Arua Vivivireinei ina babataitoimi.”
24294	MRK 1:10	Ma maranai Iesu wairei i ḡeḡetai, i ʼnana da mara i wanatawanei ma Arua Vivivireina me gabubu i ḡairai.
24296	MRK 1:12	Ma lamna au murina God Aruana Vivivireina Iesu i paritawanana-opunei au mutulua.
24308	MRK 1:24	i pa, “Iesu Nasaretei, aiwai e ḡoeḡoei awariai. Tam weka u nei da ma viapoapoeniai bo? Tau a aramanei tam aiai. Tam Vivivirem Godei!”
24386	MRK 3:29	Wate aiai da Arua Vivivireina e vivijiboḡi, God, nai ravana ana ḡoʼapoapoei eḡa melanai ina nota-tawanei ma ana ḡoʼapoapoe ina mae-nonoa.”
24718	MRK 11:9	Taui i vivinao ma taui au muri i nenei i garara: “Hosanna!” “Viviaiainana tauna Bada au wavana e nenei!”
24719	MRK 11:10	“Viviaiainana amata David ana vigulau e nenei!” “Hosanna au aidamo telarana!”
24763	MRK 12:21	Vareina viruaina kaiababa i ravaḡi ma tauna maiteni eḡa natuna ma i ʼraḡe. Ma nanare vareina vitonuina.
24765	MRK 12:23	Anatapui seven, wavinena i ravaḡi. Vomairi me au marana, lamna aiai awana?”
24778	MRK 12:36	Arua Vivivireina, David nota i verei ma tauna i riwa: ‘Mamae-nonoana au gulau i riwei, Au oieu ma kiala da am ḡavia au ae karem da ma tuvaidoedoei.’
24797	MRK 13:11	Ma maranai i panimi ma i etaremi. Eḡa ona vinuabola da aiwai ona latoni. Aiwai riwana God i veremi, lamna ona latoni. Aiwai o latoni lamna eḡa taumi ota babani, wate Arua Vivivireina.
24884	MRK 14:61	Ma Iesu i genuana ma eḡa ita paribelei. Ma Pirisi ḡeḡetelarana i vitaraviravirana-melei, “Tam Keriso tauvilawana bo? Viviaiainana Natuna bo?”
24885	MRK 14:62	Iesu i paribelana, “Tau tauna! Ma Rava Natuna ona inanai, Vivirewapanana au oiena ina kiala ma mara ladanei ina nei.
26994	ACT 1:2	i nae da ana ḡae au marana. Muriai da Iesu i ḡaiei au mara, Tauna Arua Vivivireinei ana apasol vinevinei riwa bagibaginei i pariverei.
26997	ACT 1:5	John wairei i babataito, wate mara aburuna ava Amau, Arua Vivivireinei taumi ina babataitomi.”
27000	ACT 1:8	Wate maranaina Arua Vivivireina au orami ina rui, maranaina taumi rewapana ona vaia. Ma aubaiu ona vitaunola au Jerusalem, Judea, au Samaria ma dobu au anatapuna.”
27008	ACT 1:16	“Varevareiu, Judas Iskariot lamna turata tagogi ma maiteni ta nola gogona, wate muriai i voagu da Iesu i pani. Arua Vivivireina wei riwana wariaḡa gulau David i riwei da ina tupua; ma aiwai i ririwei anina nanare i tupua.”
27022	ACT 2:4	Ma Arua Vivivireina anatapui i vioai ma pona taputapunei ava i bababani Arua ana aguei.
27055	ACT 2:37	Ma maranai rava wei riwana i nononori, taui orai i rautonai da Peter ma Apasol ḡelaui i riwei, “Varevareiai, tauai aiwai ana kauei da ana lawana?”
27056	ACT 2:38	Ma Peter i paribelei, “Taumi tagotagogi ava Iesu Keriso wavanei ona rupena ma ona babataito ma ami ḡoʼapoapoei ina nota-tawanei, ma God ana pulo Arua Vivivireina ona vaia.
27099	ACT 4:8	Arua Vivivireina Peter orana i vioai ma taui i riwei, “Rava ai babada ma dogadogara;
27116	ACT 4:25	Tam Arua Vivivireinei am taunola, amaiai David gamonei u babani ma u riwa, Aiwai aubaina rava awariai e mejimeji, ma aiwai aubaina ai oga e taratara labalabai?
27121	ACT 4:30	Uram ma viloloi da ma vilawana ma kaua babai ma mataira ḡaeḡaei ma kauei, am taunola Vivivireina Iesu wavanei.
27122	ACT 4:31	Ma pari au murina, taui mepa i vivitagogiei gabuna i vigu. Ma Arua Vivivireina anatapui orai i vioai. Ma ana tepatorai God riwana i raugugulei.
27131	ACT 5:3	Anina ma Peter tauna i vitaravirevirei, “Ananias aiwai aubaina Satan u vianinei da au oram i rui ma Arua Vivivireina u morui, ma doa u gimagimarei manena navanavana u nuanei?
27160	ACT 5:32	Ma tauai Arua Vivivireina maiteni wei kauai anatapui mataielai a inanai. Ma nanare God Arua Vivivireina i paritawanei rava votelatelai awari.”
27173	ACT 6:3	Lamna aubaina au rava, awarimi rava 7 ona vinei, taui orai Arua Vivivireina i oai ma nuaulaulai da wei nolana ina kauei,
27175	ACT 6:5	Rava anatapui wei ogatarana i vianinei, ma Stephen i vinei, Arua Vivivireina orana i oai, ma ana tumaḡana God awarina i rata kaua. Ma nanare Philip, Prokoras, Nikano, Timon, Pamenas ma Nicolas tauna Jentail, Antiokei ma ini bori i vaia ma i vikeresiana.
27180	ACT 6:10	Wate Arua Vivivireina, Stephen nuaulaula ma riwa i verei ma i bababani da taui i vigamopotai.
27187	ACT 7:2	Stephen i paribelei: Varevareiu ma amamau, au babani ona rautaniḡanei. God boruborumana noita Abraham awarina i eḡa au Mesopotamia, muriai da ita nae au Haran.
27218	ACT 7:33	Ma Bada i riwa, “Am ae uma ma votawanei! Wei gabuna au tepana e maimairi, lamna doa vivivireina ma Viaiainana.
27236	ACT 7:51	Ma Stephen i riwa: Taumi orami badobadoi. Ma eḡa ota ḡoeḡoei da God ona voteletelei ma taniḡami o vopotai da ana riwa eḡa ota nononori. Taumi Arua Vivivireina o viviḡaviei me noinoimi i kaukauei nanare.
27240	ACT 7:55	Wate Arua Vivivireina Stephen orana i oai, i taepai au mara ma God ana boruma i ʼnanai, ma Iesu God au oiena i maimairi.
27250	ACT 8:5	Ma Philip i nae au taon tagogi au Samaria ma kampa Bada ana Vinevine Keriso i raugugulei.
27260	ACT 8:15	Ma auSamaria i ḡeta ma taui i raupariei da Arua Vivivireina ita rui au orai. Aubaina taui Iesu wavanei ava i babataito. Ma arua vivivireina eḡa ita rui.
27262	ACT 8:17	Peter ma John urai taui au tepai i terei ma i raupari da Arua Vivivireina au orai i rui.
27263	ACT 8:18	Maranai Simon i ʼnanai da mai Samaria Arua Vivivireina i vaia, maranai Apasol urai au kolai i terei, ma Simon mane i vilololoi,
27264	ACT 8:19	ma i vibaḡa i pa, “Tau maiteni nai rewapanana ma vereu da rava au kolai urau ana terei ma taui Arua Vivivireina ina vaia.”
27274	ACT 8:29	Ma Arua Vivivireina Philip i riwei, “Ma nae ma chariot au ririvana ma babara-nae.”
27302	ACT 9:17	Anina ma Ananias i ḡeta au numa ma i rui. Ma urana Saul au tepana i terei ma i riwei, “Vareiu Saul, Bada Iesu, Tauna au etanai awarim i eḡa maranai weka u nenei, i paritawaneu awarim da ma inana me ma Arua Vivivireina oram ina vioai.”
27307	ACT 9:22	Wate Saul ana raugugula i virewapana kaua ma lamnei mai Jew au Damaskas i aramanei da Iesu anina Keriso, Vinevinena, ma lamna aubaina ana babani eḡa ita parivirevirei.
27316	ACT 9:31	Anina ma ekalesia au Judea, Galili ma Samaria ana nuaubaii i mae. Ma Arua Vivivireina ana aguei ekalesia ai tumaḡana i vovai-virewapani, Ma ai boru i rarata, ma taui Bada i vivirana-kauei.
27366	ACT 10:38	God Arua Vivivireina ma rewapana Iesu Nasaretei i verei da dobu maḡamaḡaui i naeni ma kaua aiaii i kaukauei, ma rava au orai arua apoapoe i ruiruini, i vilawani.
27372	ACT 10:44	Maranai Peter i bababani ma Arua Vivivireina i ḡairai ma rava i raurautaniḡana i vioai.
27373	ACT 10:45	Ma mai Jew Joppei i nenei Peter maiteni, i ba kaua maranai God Arua Vivivireina i paritawana ḡairei Jentail awarii.
27375	ACT 10:47	“Taui Arua Vivivireina i vaia me tauta. Wei lamna aubaina eḡa aiai ina viḡaeta da wei ravai tana babataitoi.”
27388	ACT 11:12	Ma Arua Vivivireina i riweu da eḡa aiwai ana notai ma orau taputapunei ana nae. Mai Joppa tauvitumaḡana 6 maiteni a nae ma ravana ana au numa a rui.
27391	ACT 11:15	Ma babani a raukarei ma Arua Vivivireina i ḡairai da taui i vioai me au naona awarita i tupua nanare.
27392	ACT 11:16	Anina ma Iesu aiwai i ririwei a notai, “John wairei i babataito, wate taumi Arua Vivivireinei ina babataitoimi.”
27399	ACT 11:23	Maranai i ḡeta ma i ʼnanai da God ravai i viaiaina-kauei, tauna i vinuaiai ma i egari da Bada awarina ina vipatutu orai taputapunei. Barnabas tauna rava aiaina, Arua Vivivireina orana i oai ma ana tumaḡana i rata, ma God ana aguiei, i rauguga ma rava maḡamaḡaui i taini Bada awarina.
27433	ACT 13:2	Mara tagogi maranai taui i ujiuji ma Bada i vovoepaepai ma Arua Vivivireina i riwa i pa, “Tau, Barnabas ma Saul a vinei, ona tereriei au nola aubaina.”
27435	ACT 13:4	Ma Arua Vivivireina Barnabas ma Saul i paritawanei da i ḡaira au Selusia ma kampa i amkuka damana au bonabona Saipras.
27440	ACT 13:9	Saul wavana ḡelauna Paul, Arua Vivivireina orana i oai ma barabaravuna matana i ʼnana-tunutunui.
27446	ACT 13:15	Ma rava ḡelaui, Moses ana tarawatu bukana ma peroveta ḡelaui ai buka i ʼavi, ma babada riwa i paritawanei Paul ma Barnabas awari i pa, “Varevareiu! Mepa da awarimi nota aiwai da ota voaguiai lamna marina ona ḡei da ona babaniei.”
27457	ACT 13:26	Varevareu - Abraham natunatuna ma taumi Jentail God tauviviborumeina, God tauta awarita, kwakokwakoi vilawanai riwana i paritawaneiai!