9	GEN 1:9	Ma God i riwa, “Waira, mara au gabaurina, gabu au tagogi ona vitagogiemi ma doa alalana ina eḡa.” Ma nanare i tupua.
35	GEN 2:4	Wei lamna mara ma dobu ana virarautua. Menanare Bada God mara ma dobu i vitupui.
48	GEN 2:17	Wate a viviḡaem da nota aiaii ma nota apoapoei aina uana eḡa ma ani! Mepa da u ani, tam nai au marana ma iraḡe!”
51	GEN 2:20	Ma oroto kiu ma ḡamoḡamo maramaraḡamai ma moduei, wava i verei. Wate Adam eḡa ana tauagu ita nelaḡai da ita voagui.
54	GEN 2:23	Anina ma oroto i auepai ma i riwa, “Ee wei tauna! Marina gelama tau gelamiuei ma vioa tauvioauei, wei tauna awariu i votawanei, lamna aubaina, ana ḡorei Wavine.”
59	GEN 3:3	Wate God i riwa da peipei au pouna, ai uana eḡa ana ani bo ana vodadani. Mepa da ana ani bo ana vodadani lamna ana iraḡe.”
65	GEN 3:9	Wate Bada God oroto i kwatuei i pa, “Tam mepa?”
68	GEN 3:12	Ma oroto i paribelei i pa, “Wavine u verevereu, tauna ai uana i vereu da a ani.”
70	GEN 3:14	Bada God mota i riwei i pa, “Wei u kauei aubaina, kovoḡa ḡaeḡaena tam awarim, eḡa me ḡamoḡamo ḡelaui nanare, maramaraḡamai ma moduei. Manawamei ma matave-taitaina-nae ma am lam doa ma ani am mara au anatapuna.
84	GEN 4:4	Wate Abel nanare sipu natuevouii i vunu-naiei ma sia monamonai i apui Bada awarina ana pulo. Bada Abel ma ana pulo i vinuaiaiei.
85	GEN 4:5	Wate Cain ma ana pulo eḡa ita vinuaiaiei. Ma lamna aubaina, Cain amlona i ḡaiḡai ma naona i peu.
87	GEN 4:7	Mepa da kaua aiaina uta kauei, lamna ata vinuaiai awarim. Wate am nota da apoapoena ma kauei, lamna ma aramanei da apoapoe am au metaeta e daradaraim da ina vovaiubaim. Wate tam ma virewapana da ma vovaiubai.”
146	GEN 6:8	Wate Bada Noah i ʼnanai ma i vinuaiaiei.
152	GEN 6:14	Lamna aubaina a ḡoei da wei ma kauei. Waga ḡaeḡaena ai bagibaginei ma voai tam aubaim. Ma babalaraḡi ma koltei au orana ma au doa ma pasi.
153	GEN 6:15	Wenanare ma voai. Waga ana manawa 140 mita ma ana dabora 22 mita ma ana ḡae 14 mita
156	GEN 6:18	Wate marina tau parivainuaḡana bagibagina ana kauei tam maiteni. Tam, awam, ma natunatum awawai maiteni au waga ona rui.
163	GEN 7:3	Ma nanare kiu ma vaia, ororotoi 7 ma waivinei 7. Wei ma kauei da ḡamoḡamo da kiu anatapui lawalawaii ina mae ma ina vinatuna.
205	GEN 8:21	Ma maranai Bada pulo ḡabuna i laḡoni ma au nuanuana i pa, “A aramanei da rava melamelaiei ai nota i apoapoe. Wate dobu eḡa ana viapoapoeni ma eḡa melanai lawalawai anatapui ana pupuna-melei me a kauei nanare.
210	GEN 9:4	—Wate vioa taratarana eḡa ona ani, aubaina tara au orana lawana e mamae, ona voterei da tarana ina toi tawanana ma muriai ona ani.
217	GEN 9:11	Wei riwanei au parivainuaḡana bagibagina taumi maiteni a terei da eḡa melanai ututuva ḡelauna ana paritawanana-meleiai au dobu da purapura lawalawaii ina vipupui.”
218	GEN 9:12	Ma God i riwa, “Parivainuaḡana bagibagina a kaukauei taumi ma anatapui lawalawai maiteni anatapui muriai e nenei. Wei parivainuaḡana matairana wenanare:
219	GEN 9:13	Warilolo au apau ana terei da ina vimataira da tau au parivainuaḡana bagibagina a terei tau ma taumi ma anatapui lawalawai au dobu maemaei.
273	GEN 11:6	Ma Bada i riwa i pa, “Wei taui rava tagogi ma pona tagogina e bababaniei. Wei lamna karena, aburuna ava aiwai ai au nota anatapuna ina kauana-paiei.
306	GEN 12:7	Kampa Bada i viatataeana-melei ma i riwa i pa, “Wei dobuna Canaan am epaepaia ana verei.” Ma Abram pulo aniapuna, i voai Bada awarina ma pulo i apui. Mepa Bada i viatataeana-melei lamna au gabuna aniamapu i voai.
328	GEN 13:9	Weka tana vilamoneta ma ata naei tana nae. Doa au naota e inainanai. Metauna e ḡoeḡoei ma nae ma kampa ma mae. Mepa da tam ma nae au oiena, tau ana nae au kelakela. Mepa da tam ma nae au kelakela, tau ana nae au oiena.”
352	GEN 14:15	Waguvarai ana sorodia i ḡutai ma ḡaviḡaviai i viaḡaḡei da Damaskas i verautuini da au Hobah i ḡeta ma kampa i vovaiubai.
374	GEN 15:13	Ma Bada i riwei i pa, “Wei ma aramana-kauei! Am epaepaia ina vitaomana au dobu ḡela ma kampa ina vitaunola. Ma dobuna ravai taui ina rau-iviapoapoelei da madeḡa 400 ina kwa.
375	GEN 15:14	Wate muriai tau nai dobuna ravai ana kovoḡi ma am epaepaia ina vipurapura kaua ma ina nememei.
376	GEN 15:15	Ma mai Amori ai ḡoʼapoapoe ina rata guratana, ma nai maranaina ana kovoḡi ma ana viaḡaḡana-opunei wei au dobuna. Ma lamna aubaina am epaepaia eḡa ina nei laḡilaḡinai da kimta au vi-four-na. Wate tam, Abram ma magura kaua ma ana nuaubam ma iraḡe ma ina doboim.”
408	GEN 17:10	Wei taumi ami au navanava parivainuaḡana bagibagina ona voteletelei, ami nelara anatapui inii ina bori.
410	GEN 17:12	Roaroa melamelai nelarai i tupua ma au pom 8 au murina inii ona bori. Wei kauana ona kauei, natunatumi nelarai ma ami taunola natunatui nelarai ma nelara anatapui am au numa e vivitaunola.
412	GEN 17:14	Wate aiai orotona nai matairana eḡa au tupuana, lamna au parivainuaḡana bagibagina i viaigai ma lamna aubaina tauna ina viravaḡela.”
417	GEN 17:19	Wate God i riwa i pa, “Eḡa! Awam Sarah natum orotona ina vitupui ma ma viwavai Isaac. Au parivainuaḡana bagibagina tauna awarina ma ana epaepaia awarii ina mae-nonoa.
419	GEN 17:21	Wate au parivainuaḡana bagibagina ana kauei Isaac maiteni. Ma wei marana nanare, madeḡa ḡelauna Sarah, Isaac ina vinatunei.”
429	GEN 18:4	Waira ana neiai da aemi ana oḡai ma ona vilauvitau ai au ḡouna.
466	GEN 19:8	Ona rautaniḡaneu, tau natunatu waivinei ruaḡa, taui matatapu. Ana opuneiai awarimi da ami ḡoana nanare ona kauei. Wei nelarai a neiai au numa lamna tau au taomana ma eḡa aiwai awarii ona kauei.”
468	GEN 19:10	Wate nelara ruaḡa numa au orana urai i tere-opunei ma Lot i taina-ruiei awarii ma metaeta i gudui.
474	GEN 19:16	Wate Lot i tatavira. Bada i ḡoei da Lot ita vilawani. Ma anela Lot awana maiteni ma natunatui urai i vojijini ma melagaiei i taravaina-opunei.
526	GEN 21:12	Wate God Abraham i riwei i pa, “Eḡa natum ma alona ma vinuabolei. Am epaia Isaac wavam ina mairiei. Aiwai Sarah i ririwem ma kauei.
527	GEN 21:13	Wate am taunola wavinena natuna ana epaepaia ana vimaḡai ma ana dam ina rata aubaina tauna tam natum.”
553	GEN 22:5	Ana taunola i riwei i pa, “Weka ona mae. Donki ona paini. Tau natu maiteni ana nae nore ma God ana viborumei. Ma airuaḡa ana nememei awarimi.”
559	GEN 22:11	Wate lamna maranaina Bada ana anela marei i riwa, “Abraham, Abraham!” Abraham i paribelei, “Tau weka!”
678	GEN 25:19	Wei lamna Abraham natuna Isaac ana virarautua. Isaac amana Abraham
686	GEN 25:27	Maranai raḡaraḡa i vilaraga, Esau tauna rava aroarona. Wate Jacob rava genugenuanana ma au numa maemaena.
687	GEN 25:28	Isaac ana ḡoana ḡaeḡaena Esau, aubaina sia moduei i vunuvunui amna i ḡoei. Wate Rebekah, Jacob i ḡoana-kauei.
689	GEN 25:30	Ma Jacob i riwei i pa, “Tau am a iraḡe kaua. Nai gwada lebalebarina ma taraiḡui da ana ani!” (Wenanare i riwa aubaina wava i verei Edom.)
693	GEN 25:34	Ma Jacob gwada i taraiḡui ma palawa da Esau i verei ma Esau i am ma i uma ma i vomairi da i nae. Wenanare i kauei lamna Esau ana buderi eḡa ita vinuabolei.
696	GEN 26:3	Weka ma mae-gubai, tam maiteni ana mae ma ana viaiainim. Wei dobuna anatapuna tam ma am epaepaia ana veremi. Ma Abraham aiwai a parivainuaḡani ana kauei aubaimi.
791	GEN 28:17	Jacob i rovo kaua ma i riwa i pa, “Wei dobuna i vinirovorovo ḡaḡa! Wei anina God ana numa, Mara ana metaeta.”
1027	GEN 35:15	Weka God Jacob awarina i babani ma lamna aubaina wei gabuna i ḡorei Bethel.
1030	GEN 35:18	Wate Rachel iʼrairaḡe ma ana lavutu au damona ma tevera i viwavai “Ben-Oni.” Wate amana i viwavai, “Benjamin.”
1038	GEN 35:26	Zilpah - Leah ana taunola wavine natunatuna: Gad ma Asher. Wei lamna Jacob natunatuna anatapui au Padan-Aram i ḡuni.
1086	GEN 37:2	Wei lamna Jacob natunatuna maiteni ai virarautua. Joseph tauna laraga ana madeḡa 17. Tauna tuatuana maiteni, amai awawana Bilhah ma Zilpah natunatui, amai ana sipu ma gote i paipaini. Wate Joseph tuatuana ai kaua apoapoe ḡelaui amai i vibenabenamei.
1089	GEN 37:5	Waguvara tagogi Joseph i rauboni ma maranai tuatuana ana rauboni i riwei, taui ai ora-apoapoe i virata-guratei.
1105	GEN 37:21	Wate Reuben ai ogatara i nonori, ma i ḡoei da ana tevera ita gagaloei ma i riwa i pa, “Eḡa ana lawana tana vaitawanei.”
1119	GEN 37:35	Ana numa ravai i nae awarina da ita vinuaubai. Wate tauna vinuauba i geduaiei ma i riwa i pa, “Ana tou ma natu ana moguei da au dogo ina tereḡaireu ma ana nae mepa natu i nenelana.” Ma natuna i touei.
1158	GEN 39:8	Wate Joseph i geduai ma wavine i riwei i pa, “Ma i ʼnana, tau au bada weka i tereu da a vivipaipai ma lamna aubaina tauna eḡa aiwai numa au orana ina vinuabolei. Tauna ana purapura anatapuna au urau i terei.
1160	GEN 39:10	Wavine marana patapatai Joseph i rarauelari da maiteni ita matave, wate Joseph i gedugeduai ma i nene-tawanei.
1162	GEN 39:12	Ma Potiphar awana i nae ma Joseph ana au kareko i voa ma i riwa i pa, “Ma nei tana matave!” Wate Joseph i ruba-opu au doa ma kareko wavine au urana i voterei.
1163	GEN 39:13	Wavine i ʼnanai da Joseph i ruba-opu ma ana gara au urana i voterei,
1164	GEN 39:14	ma wavine ana taunola i kwatuei da i nei ma i riwa i pa, “Weka ona inana! Wei Hebreweina awau i neiai awarita, i vinameta. I nei awariu ma i ḡoei da ita viawawaneu wate tau garara a vikarei.
1167	GEN 39:17	Ma wavine riwana tagogina awana i riwei i pa, “Wei Hebreweina tam u neiai awarita, i vinameta. I nei ma i ḡoei da ita viawawaneu.
1168	GEN 39:18	Wate maranaina a garagarara, tauna i ruba-opu ma ana kareko au ririvau i voterei.”
1178	GEN 40:5	Waguvara tagogi babadai ruaḡai panipani au numana i rauboni. Ma ai rauboni anoi taputapunei ava.
1187	GEN 40:14	Wate maranai wei gabuna u opu-tawanei ma aiwai anatapuna ina ai-me. Tau ma notaiu, am i viaiai ma kauei da au nuabola Pharaoh ma pariverei da panipani-numanei ina tere-opuneu.
1195	GEN 40:22	Wate ana sorodia i egari da ana palawa tauapuina uana i borituini ma tupana ai au tepana i vitakei. Joseph menanare rauboni i vivieḡanei, nanare i tupua.
1196	GEN 40:23	Wate wine taupainina, Joseph nuanuana i vuru ma eḡa ita vinua-notenotei.
1211	GEN 41:15	Ma Pharaoh Joseph i riwei, “Waguvarai a rauboni ma eḡa aiai au rauboni anona ita vieḡeu. Wate rava i riwa da maranai tam rauboni e nononori, lamna anona e vivieḡai.”
1226	GEN 41:30	Wate au murina, gomara ḡaeḡaena ina mae da madeḡa 7 da Egypt ana maura marana rava nuanuai ina vuru ma gomara rava ina vipupui.
1230	GEN 41:34	Wei uta kauei, babada uta terei Egypt au anatapuna da tuaruta au marana ḡuta vi-five-na ita vaia madeḡa 7 maura au marana.
1232	GEN 41:36	Wei lamii ina tereriei rava aubaii maranai madeḡa 7 gomara au Egypt ina nei. Ma wei taunei, mai Egypt eḡa am ina iraḡe.”
1257	GEN 42:4	Wate Jacob eḡa Joseph ana tevera oiena Benjamin ita paritawanei aubaina i rovo mepa da aiwai apoapoena awarina ita tupua.
1275	GEN 42:22	Reuben i paribelei, “Nai maranaina a riwemi, ‘Eḡa ata tevera ona vodadani!’ Wate taumi eḡa ota rautaniḡaneu. Marina ata tevera tarana kovoḡana ta vaivaia.”
1276	GEN 42:23	Joseph Egypt ponanei i bababani ma rava ḡelauna taui ai ponei i paripari-verei. Wate taui eḡa ita aramanei da Joseph ai babani i nononori.
1364	GEN 45:5	Wate eḡa orami ina bolai, ma eḡa ami rava maiteni tau o gimareu aubaina ona viamparipari. Wate God au naona i paritawaneu da rava ata vilawani.
1365	GEN 45:6	Wei gomarana dobu e viviapoapoeni marina madeḡa ruaḡa i kwa. Wate madeḡa five ḡelauna e mamae da eḡa tana ipi bo tana tuaruta.
1386	GEN 45:27	Wate taui aiwai anatapuna Joseph i ririweia amai i pariverei. Ma Joseph ana anigeru i paritawanei da Jacob ita vigerui da ita naiei au Egypt. Maranai wei i ʼnanai, Jacob ana nota i nememe.
1453	GEN 48:1	Wei kauai au murina, rava Joseph i riwei, “Amam i doria.” Anina ma natunatuna Manasseh ma Ephraim i taravaini ma i nae amana da ita inanai.
1466	GEN 48:14	Wate Jacob uraoiena i tere-taḡonei ma Ephraim au kolana i terei avena da tauna umau, ma ura-kelakelauna i tere-taḡonei da Manasseh au kolana i terei avena da tauna natuevou.
1469	GEN 48:17	Wate maranai Joseph i ʼnanai da amana aiwai i kaukauei ma tauna eḡa ita vinuaiai; ma amana urana Ephraim au kolana ita vaitawanei ma Manasseh au kolana ita terei.
1470	GEN 48:18	Joseph amana i riwei, “Amau eḡa nanare. Wei tauna natuevou uraoiem au kolana ma terei.”
1471	GEN 48:19	Wate Amana i riwa, “Natu! Tau a aramanei aiwai a kaukauei. Manasseh maiteni ana dam ina rata kaua. Wate ana tevera wavana ina rata ma ana dam ina rata dewadewa eḡa me tuana.”
1472	GEN 48:20	Anina ma Jacob roaroa nai marana i viaiaini i pa, “Mai Israel wavam ina latoni maranai e viviaiaina, taui ina riwa, ‘Tauai a raraupari da God ina viaiainim me Ephraim ma Manasseh i viaiaini nanare.” Wenanare lamna Ephraim wavana i ailatoni ma muriai Manasseh wavana.
1473	GEN 48:21	Ma Israel, Joseph i riwei, “Tau aburuna ava da ana iraḡe. Wate God awarim ina mae da ina naiana-melem au Canaan, amamam ai au dobu.”
1524	GEN 50:17	‘Joseph wenanare ona riwei, “Tuatuam kaua apoapoe kaukauana awarim i kauei. Wate a ḡoei da ai kaua apoapoe ma nota-tawanei.” “Tauai amam ana God a vovoepaepai, ma a vivibaḡa-guratem da ai ḡoʼapoapoe ma nota-tawanei.” Maranai Joseph wei riwana i nonori tauna orana i viara kaua ma i tou.
1526	GEN 50:19	Wate Joseph taui wenanare i riwei, “Tau eḡa ona rovoeu, tau eḡa God da ana kovoḡimi.
1527	GEN 50:20	Wariaḡa o ḡoei da ota viapoapoeniu wate God i virai da aiaina i kauei da rava maḡamaḡaui ina vilawani ma eḡa ina pupu.
1540	EXO 1:7	Wate ai epaepaia - mai Israel, i vinatuna guratana da dam ḡaeḡaena i vitupui ma Egypt anatapuna i vioai.
1544	EXO 1:11	Ma nola babadai i terei da mai Israel nolei i vunuvunui. Wei babadai mai Israel i egari da taon ḡaeḡaei ruaḡa i voai wavai Pithom ma Rameses, ma kampa Pharaoh ana lam ma purapura ḡelaui i vidamni.
1555	EXO 1:22	Pharaoh ana rava i riwei, “Maranai wavine Hebrewei tevera orotona i ḡuni, teverana au waira Nile ona tawanei. Wate maranai tevera wavinena i tupua, ona voterei da ina mae.”
1558	EXO 2:3	Wate eḡa tagotagogina da ita teregovaḡa-nonoei ma iriga waira modunei voavoana i vaia ma koltei gavogavo i pasi-tomeni da waira eḡa ina rui. Ma tevera au iriga i poai ma waira modui au orai i terei au waira Nile.
1561	EXO 2:6	Maranai Pharaoh natuna iriga i votawanei ma tevera i toutou i ʼnanai, nuanuana i bolai ma i riwa, “Wei mai Hebrew natui.”
1563	EXO 2:8	Wavine i vianina ma i riwa, “Anina, ma nae!” Ma tevera i nae ma alo oina i taravainiai.
1564	EXO 2:9	Ma Pharaoh natuna wavinena i riwei, “Wei teverana ma viḡuḡui aubaiu ma ana vimaiem.” Ma wavine teverana i naiei ana au numa ma i ḡamoi.