63	GEN 3:7	Ma matai i kala ma i aramanei da taui ana kovakovai, lamna aubaina ai bawara rugurugui i vaia da i vaturi da tupuai i tere-ḡaḡari.
77	GEN 3:21	Bada God ḡamoḡamo opina i vaia da iniḡaḡara i kauei Adam awana maiteni aubai ma ini i tere-ḡaḡari.
94	GEN 4:14	Tam wei doanei e viviopuniu da naom eḡa ana inana-melei. Tau ana babara labalababa ma eḡa au animae. Ma rava ina nelaḡaiu ma ina viraḡeniu.”
151	GEN 6:13	Ma God Noah i riwei, “Rava pupunana a vivinua-notenotei. Aubaina rava ai ḡoʼapoapoe dobu i oai, lamna aubaina rava ma dobu anatapuna ana vipupui.
202	GEN 8:18	Ma Noah awana ma natunatuna ma awawai waga i opu-tawanei.
203	GEN 8:19	Ma ḡamoḡamo anatapui, kiu ma ḡamoḡamo ḡelaui au doa tetetei, ai au dam nununai nanare waga i opu-tawanei.
273	GEN 11:6	Ma Bada i riwa i pa, “Wei taui rava tagogi ma pona tagogina e bababaniei. Wei lamna karena, aburuna ava aiwai ai au nota anatapuna ina kauana-paiei.
326	GEN 13:7	Ma lamna aubaina eḡa tagotagogina da taui ita mae-gogona.
334	GEN 13:15	Dobu anatapuna e inainanai tam ma am epaepaia ana vere-nonoemi.
353	GEN 14:16	Purapura anatapui i vai-melei. Maiana Lot ma ana purapura ma waivine ma rava ḡelaui.
411	GEN 17:13	Riwa kaua, maranai roaroa nelarai i tupua am au dam bo maranai taunola o gimarai, taui au mataira lamna inii ona bori. Lamna au parivainuaḡana matairana au tupuami ina mae-nonoa.
417	GEN 17:19	Wate God i riwa i pa, “Eḡa! Awam Sarah natum orotona ina vitupui ma ma viwavai Isaac. Au parivainuaḡana bagibagina tauna awarina ma ana epaepaia awarii ina mae-nonoa.
433	GEN 18:8	Anina ma Palawa ma mereki ma mereki ravi taputapui ma sia i neiai taui awarii au ḡou da i am ma tauna i mae-paini.
474	GEN 19:16	Wate Lot i tatavira. Bada i ḡoei da Lot ita vilawani. Ma anela Lot awana maiteni ma natunatui urai i vojijini ma melagaiei i taravaina-opunei.
484	GEN 19:26	Ma Lot awana i vivimuri, i mae-tavirei ma i ravi-taputapui.
487	GEN 19:29	Maranai God nai melagaii ma wapuna i pupuni, tauna Abraham eḡa ita notavai-nuavurui. Ma lamna aubaina God Lot i paritawana-opunei ma muriai nai melagaina i vipupui.
687	GEN 25:28	Isaac ana ḡoana ḡaeḡaena Esau, aubaina sia moduei i vunuvunui amna i ḡoei. Wate Rebekah, Jacob i ḡoana-kauei.
688	GEN 25:29	Mara tagogi Jacob gwada i vivitavi ma Esau i aroaro da i nei ma inina i garigari ma am i ʼraḡe-kaua.
1039	GEN 35:27	Ma Jacob i nememei amana Isaac awarina au Mamre au Kiriath-Arba; marina e ḡoreḡorei Hebron. Abraham ma Isaac wariaḡa wei dobuna i mae-gubai.
1089	GEN 37:5	Waguvara tagogi Joseph i rauboni ma maranai tuatuana ana rauboni i riwei, taui ai ora-apoapoe i virata-guratei.
1107	GEN 37:23	Maranai Joseph i ḡeta tuatuana awarii, tauna i vojijini ma ana gara girugirumana i ḡiḡi-tawanei.
1160	GEN 39:10	Wavine marana patapatai Joseph i rarauelari da maiteni ita matave, wate Joseph i gedugeduai ma i nene-tawanei.
1173	GEN 39:23	Panipani taupainina ana nuabola eḡa aiwai, aubaina Joseph aiwai anatapuna i paipaini. Ma Bada tauna i mae-ratui ma i voagui da aiwai anatapuna i kauana-kauei.
1186	GEN 40:13	Au pom tonuḡa au murina, Pharaoh ina tere-opunem ma am au nola ina tere-melem. Ma tam, Pharaoh ana aniuma kelakana au urana ina tere-melei, me au noana nanare.
1187	GEN 40:14	Wate maranai wei gabuna u opu-tawanei ma aiwai anatapuna ina ai-me. Tau ma notaiu, am i viaiai ma kauei da au nuabola Pharaoh ma pariverei da panipani-numanei ina tere-opuneu.
1194	GEN 40:21	Ana wine taupainina, ana au nola i tere-melei me au naona nanare. Ma tauna, Pharaoh ana aniuma kelakana au urana i tere-melei.
1196	GEN 40:23	Wate wine taupainina, Joseph nuanuana i vuru ma eḡa ita vinua-notenotei.
1200	GEN 41:4	Bulumakau 7 apoapoei ma kirakiramai i vomairi da bulumakau 7 aiaii ma dododoi i lawana-pai. Anina, ma Pharaoh matana i kala.
1205	GEN 41:9	Ma wine taupainina Pharaoh i riwei, “Amadodo ana rupena da tau a kauana-boai.
1238	GEN 41:42	Ma Pharaoh au urana ana vigulau ringna i votawanei ma Joseph au urana i terei, ma gara maiana ḡaeḡaena i vioteni ma sein goldei au uana i tere-taḡonei.
1261	GEN 42:8	Joseph tuatuana i ʼnanai da i aramanei, wate taui ai tevera i vinua-nainei.
1274	GEN 42:21	Ma taui i babani vivira, “Nai maranaina ata tevera ana ora-viarana agu i toutouei awarita ma, eḡa tata rau-nuʼapoapoelei. Tauta ata wavu lamna kovoḡana marina ta vaivaia.”
1276	GEN 42:23	Joseph Egypt ponanei i bababani ma rava ḡelauna taui ai ponei i paripari-verei. Wate taui eḡa ita aramanei da Joseph ai babani i nononori.
1546	EXO 1:13	Ma taui mai Israel i egari da nola vivitaina i kaukauei ma i vinuapoapoe. Ma brik i kaukauei ma doa i gwadai da brik anipasina, ma wapu nolai maiteni i kaukauei. Mai Egypt nolei mai Israel i vunuvunui ma eḡa ita rau-nuapoapoelei.
1560	EXO 2:5	Ma Pharaoh natuna gugunina i ḡairai da ita toa. Ma ana taunola waivinei waira au adana i bababara-nae. Pharaoh natuna iriga i ʼnanai modu au orana ma ana taunola i paritawanei da irigana ita neiai.
1587	EXO 3:7	Anina ma Bada i riwa, “A inanai menanare mai Egypt natunatu e rarau-iviapoapoelei. Ma ai tou agu aubaina i ḡetai awariu da vibadabadai awarii ata vaitawanei. Menanare e vinua-apoapoenei a aramanei.
1589	EXO 3:9	Ai tou a nonori. A inanai menanare mai Egypt taui e rarau-iviapoapoelei.
1592	EXO 3:12	Ma God i paribelei, “Tau tam maiteni ana mae. Maranai ravai Egyptei ma taravaina-opunei. Taumi wei au olana ona rauduneleu. Lamna ina vimataira da Tau a pari-tawanem.”
1594	EXO 3:14	God Moses i riwei, “Tau maemae-nonoau. Wei mai Israel ma riwei, Tauna wavana, Tau Maemae Nonoau. i paritawaneu awarimi.
1808	EXO 11:1	Ma Bada Moses i riwei, “Anivinuabola tagogi ava ana neiai Pharaoh ma Egypt awarii. Ma au murina tauna ina voteremi da ona nae ma lamna maranaina ina viaḡaḡana-opunemi.
1810	EXO 11:3	Bada i kauei da mai Egypt mai Israel i vivirei. Pharaoh ana gabemani babadai ma rava anatapui au Egypt Moses i vivirana-kauei.
1824	EXO 12:7	Metauna au numana sia e aniani kampa tara ina taraiḡui ma metaeta au tepana, au gabaurina ma au ririvana ina pasi-naiei.
1834	EXO 12:17	—Taumi palawa eḡa yist maiteni torelana ona kauei da eḡa nuanuami ina vuru aubaina wei au marana, mai Israel au Egypt a taravaina-opunei. Am epaepaia wei torelana ina kaukauei madeḡana au patapatana.”
1841	EXO 12:24	—Ma maranai Bada dobu i paripari-vainuaḡanimi ona ḡeta, taumi eḡa nuanuami ina vuru da madeḡana patapatana Raḡona torelana ona kaukauei. Taumi natunatumi maiteni wei tarawatuna ona vojijina-nonoei.
1881	EXO 13:13	Wate sipu orotona Bada ona verei ma awarina donki natuevouna ona gimara-melei, ma mepa da eḡa ona gimara-melei, lamna donkina uana ona gomui. Taumi natunatumi nelarai natuevoui ona gimara-melei.
1888	EXO 13:20	Mai Israel Sukoth i voterei ma mutulua au giana au Etham i mae-gubai.
1889	EXO 13:21	Ma marai Bada i vinao me apau maimairina ma waguvarai Bada i vinao me tuatua araratana maimairina ma lalalainei taui i rau-etaraveni. Ma lamnei, taui marai ma waguvarai i bababara.
1903	EXO 14:13	Moses ana rava i paribelei, “Eḡa ona rovo! Ona mairi jijina ma ona inana menanarena Bada ina vilawanimi amadodo. Mai Egypt amadodo o inainanai eḡa melanai ona inana-melei.
1910	EXO 14:20	Apau mai Israel ma mai Egypt au poui i mairi, ma maranai au i pom, apau lalalaina mai Israel i verei ma mai Egypt au waguwaguvareina i mae. Ma lamna aubaina mai Israel ma mai Egypt ai au gabu i mae-genuatau.
1915	EXO 14:25	Ma chariot ana aniruba i viapoapoeni da ruba i kauana-avei. Ma mai Egypt i riwa, “Bada mai Israel e vovoagui, ma e viviviḡavieta, lamna aubaina tana ruba-tawanei!”
1985	EXO 17:1	Mai Israel mutulua Sin i netawanei, ma mepa Bada i ririweia nanare kampa i mae-nae. Taui au Rephidim i rauḡaravu, wate kampa eḡa waira da rava ita uma.
2001	EXO 18:1	Moses poiana Jethro, mai Midian ai pirisi pulo tauapuna i nonori aiwai anatapuna Bada i kaukaueia Moses ma mai Israel awarii; ma menanare Egyptei i taravaina-opunei.
2007	EXO 18:7	Ma Moses i opu da poiana ita nebelei. Tauna i mae-ḡaira ma poiana i raudunelei ma i vigia-laḡolaḡonei. Taui i viegualau vivira ma i rui Moses ana au numagara.
2009	EXO 18:9	Ma Jethro nuanuana i ai kaua maranai i nonori menanare Bada aiwai anatapuna aiaii i kauei mai Israel aubai maranai Egypt urai vivirewapanana awariei i tere-opunei.
2010	EXO 18:10	Jethro i riwa i pa, “Voepaepa Bada awarina. Tauna Pharaoh ma mai Egypt awarii i vai-tawanemi. Ee, Egypt urai vivirewapanana awariei i vai-tawanemi.
2022	EXO 18:22	Taui rava ai viamparipari ina tere-vaijijimani. Wate aiwai da i piripiri, ina neiai awarim. Taui ina voaguim da am vita ina avarai ma ina votelatelai.
2026	EXO 18:26	Wei babadai, rava ai viamparipari i teretere-vaijijimani ma aiwai da i piripiri i neneiai Moses awarina. Ma kaua telatelai i teretere-vaijijimani.
2045	EXO 19:18	Bada ai araratanei i ḡairai ola Sinai au tepana. Ma bau potopotona olana i puru-pai. Bau kampa i ḡeḡae me modu potopotona e ararai nanare, ma olana anatapuna i vigugui.
2054	EXO 20:2	Tau Bada ami God, panipaniei au Egypt a taravaina-opunemi.
2136	EXO 22:21	—Eḡa kaikaiababa ma kedakeda ona ḡoa-boai.
2191	EXO 24:13	Ma Moses ana taunola Joshua maiteni i vokaukaua da ita ḡae au ola. Ma Moses babada awarii i babani i pa, “Weka ona painiai da ana opu-memei. Aaron ma Hur e mamae, mepa da ami paripariḡai aiwai da ona nae awarii.”
2207	EXO 25:11	Ma gold aiainei ma viaitani au orana ma au doa, ma au tepana ana via goldei ma tere-kwaviviroi.
2211	EXO 25:15	Anipawe au loji ina mae, eḡa ina taina-lavui.
2446	EXO 32:7	Anina ma Bada Moses i riwei, “Ma ḡaira ma am rava Egyptei u tere-opunei. Tau i geduaieu ma kaua apoapoena i kauei.
2504	EXO 34:7	Au nuavaina maemaena ina mae au rava awarii da kimta tausan ina kwa ma kaua apoapoe, mae-ḡaeḡae ma ḡoʼapoapoe ina nota-tawanei. Wate tauna eḡa kaua apoapoe taukauei ita inana-tawanei, natunatui ma ḡoḡoḡai, amamai i kaukauei kovoḡana e vaivaia da kimta vitonuina da vi-four-na.”
2530	EXO 34:33	Moses naona garei i purui maranai awari i babani-vorovei.
2741	EXO 40:33	Ma Moses Numa gara ma Pulo aniapuna i gari-kwaviviroi. Ma anitereḡaḡara i terei au anirui. Anina ma Moses ana nola i kwa.
2750	LEV 1:4	Ma uram ḡamoḡamona au kolana ma terei, wei e vivimataira da ḡamoḡamo i raviepaiam da ina iraḡe am ḡoʼapoapoe ina oḡa-tawanei.
2751	LEV 1:5	Ma bulumakau Bada au naona ma viraḡeni, ma pirisi Aaron natunatuna tara, ina neiai da pulo aniapuna au adana ina voiwaiwaḡa-naiei.
2781	LEV 3:2	Ma urana ḡamoḡamo au kolana ina terei ma ina viraḡeni Numa Gara Vivivireina ana au anirui. Ma pirisi Aaron natunatuna tara pulo aniapuna au adana ina voiwaiwaḡa-naiei.
3246	LEV 17:10	Aiai Israelieina bo jentail maiteni o mamae, sia taratarana e aniani, Bada tauna ina mae-puputei ma ana rava awariei ina bori-tawanei.
3247	LEV 17:11	Aiwai anatapui da lawalawaii ai lawana au tarai e mamae ma lamna aubaina Bada i riwa da tara pulo au aniapuna ona voiwaiwaḡi da rava ai ḡoʼapoapoe ina vaitawanei. Tara lamna lawana, ma lamnei ḡoʼapoapoe e vaivai-tawanei.
3272	LEV 18:20	—Eḡa oroto ḡelauna awana maiteni ma viawawana, lamna tam u vimira-melem.
3275	LEV 18:23	—Eḡa aiai orotona ḡamoḡamo ina viawawanei bo wavine ina verena-melei da ḡamoḡamo ina viawawanei. Mepa da wei u kauei tam u vimira-melem.
3276	LEV 18:24	—Eḡa wei kauai ona kauei da ina vimiramiraimi. Dam au Canaan maemaei anatapui wei kauai i kauei ma i vimira-melei. Lamna aubaina ana viaḡaḡana-opunei ma taumi ona rui.”
3300	LEV 19:18	—Eḡa ma raubiwa am rava awarii, eḡa aiai ma ḡoaḡaiei, wate rava turam nuanuam ina vaia me tam nuanuam e vaivai-melei. Tau Bada.”
3849	NUM 6:25	Bada ivina ina ai awarimi ma ina paina-kauemi.
4112	NUM 14:3	Aiwai aubaina Bada e nainaieta wei au dobuna da ravai sodei ina viraḡenita ma awawata ma natunatuta ina pani-naiei. I ai kaua da tata wanaviraita au Egypt.”
4118	NUM 14:9	Wate Bada eḡa ona viḡaviei. Ma ravai dobuna e maemaeni eḡa ona rovoei, tana viaḡaḡana-opunei. Taui ai agu eḡa. Tauta Bada maiteni ta mamae! Ravai eḡa ona rovoei!”
4141	NUM 14:32	Wate taumi patarami tupuami au mutulua ina bova-nae.
4142	NUM 14:33	Eḡa ota vipatutu ma lamna aubaina natunatumi ina vinuapoapoe au mutulua ma ina kovoḡi da ina viḡamoḡamo-nae da madeḡa 40 ina kwa nai maranaina taumi kimta magurimi ona iraḡe-pai.
4373	NUM 21:32	Ma Moses tauivu i paritawanei da Jaser taon i tuvirevirei, ma muriai mai Israel i nae ma ai melaḡai anatapui i vaia ma mai Amori kampa maemaei i viaḡaḡana-opunei.
4378	NUM 22:2	Ma mai Israel aiwai i kauei mai Amori awari, Zippor natuna Balak anatapuna i ʼnana-pai.
4382	NUM 22:6	Taui i virewapana kaua eḡa me tau, ma nei ma ravai ma parivai-iviapoapoeni, mepa da tau ravai ana vovaiubai ma wei dobunei ana viaḡaḡana-opunei. Aramanei da maranai tam rava e viviaiaini tauna viaiaina e vaivaia ma maranai u parivai-apoapoeni tauna ina apoapoe.”
4398	NUM 22:22	Wate God amlona i ḡaiḡai kaua da Balaam i nenae, ma ana anela i paritawanei da ana etanai i mae-tomeni. Balaam donki i gerui ma ana taunola ruaḡa maiteni i nenae.
4401	NUM 22:25	Maranai donki Bada ana anela i ʼnanai ma ita deḡa lamna Balaam aena au gari i viairaturatui. Ma Balaam donki i kwapu-melei.
4410	NUM 22:34	Ma Balaam Bada ana anela i riwei i pa, “A kauana-boai. Eḡa ata aramanei da tam au etanai u maimairi da uta viḡaeiu. Marina mepa da u notai da eḡa ita ai au matam, tau ana nae me.”
4480	NUM 25:8	ma Israel iei i votaḡoi da ana au numa gara ma pawasiei uporana i tonai da wavine au uporana i opu-vivira. Ma doriana apoapoena au Israel i kwa.
4814	NUM 33:52	Dobuna taumaenina anatapui ona viaḡaḡana-opunei. Ai gana da ai kokoitau anatapui ona rika-viamoamoai.
4818	NUM 33:56	Mepa da ravai eḡa ona viaḡaḡana-opunei. Lamna taumi ana pupunimi me a viogei da taui ana pupuni.”
5046	DEU 4:40	Ana tarawatu amadodo a vereveremi anatapuna ona voteletelei. Da aiwai anatapuna ina ai taumi ma ami epaepaia au murimi ma ami mae ina manawa wei au dobuna Bada e verevere-nonoemi.
5094	DEU 6:6	Wei tarawatuna amadodo a vereveremi ona vojijina-kauei.
5115	DEU 7:2	Ma maranai Bada ami God taui au urami i terei ma o vovaiubai lamna taumi wei ravai ona pupuni. Eḡa maiteni aiwai babanina ona kauei; ma eḡa ona rau-nuapoapoelei.
5152	DEU 8:13	ma maranai ami bulumakau ma sipu borui e maḡamaḡa, ma e vivipurapura; ma e maumaura-kaua.
5153	DEU 8:14	Ona inana-kaua da eḡa ona mae-ḡaeḡae, ma nuanuami ina vuru! Da Bada menanare Egypt ei panipani au dobuna i tere-opunemi.
5155	DEU 8:16	Au mutulua manna i veremi da o am; amamami nai lamna eḡa ita am-dadani. Wei lamnei i raudadanimi da ota volaḡota; da au damona ami lawana ita ai.
5383	DEU 17:17	Ma gulau eḡa awawana ina maḡa, ma eḡa gold ma silver ina maurei da nuapouna ina vinua-raḡaraḡai.
5398	DEU 18:12	Bada taui da wei kauai apoapoe e kaukauei, i geduaina-kauei. Ma lamna aubaina aburuna ava Tauna rava wei dobuna maemaei ina viaḡaḡana-opunei au naomi.
5404	DEU 18:18	Tau ai damei peroveta ana terepai me tam nanare, Ma riwau au gamona ana terei, da aubaiu ina vitau-vibabani.
6496	JOS 24:18	Mai Amori ma dam ḡelaui wei au dobuna i mamae wate Bada aubaiai ravai i viaḡaḡana-opunei. Lamna aubaina tauai Bada ana borumei, aubaina tauna ainelana ata God.”