25048	LUK 2:6	Korro Bethlehem Joseph la Mary ngurndda kibarrayawani yalbi kuyi kibarrayu. Ngorro kabarrayunganj korro karlmu buddbe kaddadjarrang rneyang. Yiwanj kirndda bonj karlowang nayi nawalak, la ngayi Mary kabunburrdjing manburrba, kuyi ngayingana wurru kaddangunjdje burdduburddub. Ngorro kabunddam kayunganj korro kaddardam rheyang bibuddbe karlmu buddbe.
25050	LUK 2:8	Kukabonj kuyi rlakamurrng bonjbonj, korro rloberl yiwanj djirnnga korro yika kirdimarrk kaburrurnananay karlmu buddbe. .
25052	LUK 2:10	La nayi kangankanginj rlerrk, kangurndda bibuddbe, “Kanjuwa nguddukelbungu. Ngayi ngakarrme kunmak rlerrk birnunguddbe, la ngemek kunmak rlerrk bibuddbe kinbaddarleng.
25053	LUK 2:11	Balkime ngayi ngalwurndji kayakbum nawalak yiwanj niyikirddimarrk korro Bethlehem korro bonj yalpi korro David karlengminj. Ngunjdjiddaka korrobonj, ngunjdjiddarnanj nabok kirnddabonj, kabunburrdjing manburrba la kayuwa korro kaddardam rheyang bibuddbe karlmu buddbe. Yiwanj kuyi ngunjdjidarnanj kirnddabonj ngorro ngunjdjiddaburrbunj kuyi ngundo rlerrk kundjeng djininj. Nindda ngorro nayi kanjuddukarrme nuwuddbe kirddimarrk. Nabuk nayi karndduka, nindda kirdimarrk nayi kaddangibunj Christ. Kuyi wularrudd, ngaba God kangurndda, ‘Nganyanjrnilakwa birnuwuddbe kirddimarrk nayi karndduka birnuwuddbe.’”