13968	PSA 3:7	Natane iwana 10,000-nu kepna kepna nanata umutnawakaing. Umutnawawa ngana nata ie dua gwaukgat.
15331	PSA 84:11	Sike nata tapduu gwendukan siknga yotdane yuwiu, wa you gapmandune yutnanga aknga tapduu 1,000-nu asiknga yapbimbik. Na Anutunatane yotna gwendane gwambok gwaune yutnangge nataat. Sike wai amindane yotnane yutnanggengu apbitanggat.
15447	PSA 90:4	Sike nindane natdetdetdanine nataamangu, nakanu 1,000-nu kwaapzang siknga ngana gata kawi tapduu gwendukan binga singgak. Siwan tapduu wa zeetgaman akuwan wena singgak. Unzing kwep kwakake gwanzokut binga siwan gatu amak aminda iwanae gwauke zikaane tapduu dapaknga wamayuke kuwawan notna tapatuta ie tangge apunggak binga singgak.
15453	PSA 90:10	Sike ninda nakanu 70 ngang gan kayuk yutnanga. Sike ninda kekeknganinu kaya gamu nakanu 80 ayutnam. Siwan ngana nakanu kuupbamu wa yuamangu ninda puya tokngabam tasike meyakan kaamang. Kaatna nakanu wa kuupbam zeetgaman wena siwa nikaya kuut akumna wena singgak.
15467	PSA 91:7	Sike amak aminda aminu 1,000-nu zipa gae wesim kumning. Siwan 10,000-da katakga siapa saak kumning. Kupanu undanga. Sanga kumnanga aknga gaenganu dua apik.
15530	PSA 95:10	Tanzit tasiwawa nata musipmaiu waaminde natayuwawa kuku nakanu 40 sikut. Unzingge nata anzing yakum, ‘Musipnaatangu nae dua nataing. Asingganu kepi nata teyamukum tapa ateaing.’
23419	MAT 8:5	Siwan Jesuat ninu pandetnaatda Kapaneam yot gapmane kopna amak aminu 100-dane tupan tapata apuke anzing ininggamatakut,
23468	MAT 9:20	Kuwawa maya tapatu yekapna sike asinggan daknga pake yuwawan nakanu 12 gwa yapbikut. Maya waapata Jesutane masene inengan siknga kuke ina musiane anzing natapbut. Nata katakngatakan taukngane wasiwa maitna wena siwik ngang natake apu Jesutane tauknga nomna saasaaknga wanganekan wasikut.
23529	MAT 11:1	Siwan Jesuta wamu waaknga ninu pandetna 12-de ninindamuban puyuwana you wanggapma teke you ugwak saak nanae kuke aminbam yanindamuke itane wamna yanikut.
23687	MAT 14:21	Sike wawi nanam nakingu 5,000. Sike maya waatdaka ngangu dua kendeking.
23740	MAT 15:38	Siwan wawi nanam nakingu 4, 000. Sike maya waatdaka ngangu dua kendekumang.
23750	MAT 16:9	Asinggan daniwa ngana ginu natdetdetzaatang gitna dua pake yuaing ba dasing? Ginu poyau katau kautdu musakanu 5,000 aminda nakingge ginu gwa botakingge yakaing ba dasing? Sapat yau datdasing pamukingge apbotake yakaing?
23751	MAT 16:10	Siwan ginu poyau katau kuut musa kautdu gomaya ngangu aminu 4,000-da nakingge ginu gwa botakingge yakaing? Sapat yau datdasing pamukingge apbotake yakaing?
23808	MAT 18:12	“Ginu dasing nataaing? Aminu tapatutane sipsipna 100-da yuaing, ngang sipsipna gwendu wena siwanu toikngata dua tawambik ba dasing? Wena. Ita 99-nu tawandakane peke kuku sipsipna wena wa sikut gwende tawambik.
23809	MAT 18:13	Nata siakande siknga daninggat. Tawake kakengu sipsipna wagwende take siknga natapik. Sike sipsipna 99-nu wena dua sikingge take siknga dua natapik.
23818	MAT 18:22	Inikwaiwan Jesuta yake anzing inikut, “Gatu gatu katak kuut musa kautdu sipmaat sandekngamuyo ngang dua ganiwit. Anzing ganiwit. Aminu 25-dane katakngi kepi binga tapdukbam asinggan gatu gatu kosangayuk sandekngamuyo.
23820	MAT 18:24	Tapatakanangge yawan tapatuta mani buyambam siknga (K10,000,000) yake imikge takapbing.
23859	MAT 19:28	natake anzing ninikut, “Nata siakande siknga daninggat. Masande na aminbamdane notnaapata buyambamtapa enane siknga yuke wama yawa kekekawik. Siwan tapduu wagwene sangabamu kayuk dakngake yuwawa ginu na nawakaingu gikaya buyambam tapatane kekeknga aknga pake aminu Isrel nana dongu 12 usanzitning,” ngang ninikut.
24092	MAT 25:15	Yamuke wa amindane natdetdet gatu kekekngana inandek inandek usanzike mani yamukut. Aminu tapatue 5,000 Kina imuke tapatue 2,000 Kina imuke tapatue 1,000 Kina imukut.
24093	MAT 25:16	Unzing tasike kuwana aminu 5,000 Kina pakut tapata zetgaman puya tasike isakoke gatu 5,000 Kina kunduat pakut.
24094	MAT 25:17	Siwan aminu 2,000 Kina pakut tapaaya puya tasike isakoke gatu 2,000 Kina kunduat pakut.
24095	MAT 25:18	Siwan ngana aminu 1,000 Kina pakut tapata paku gapma kwaike mani wa buyambam tapanatane undang pakusopukut.
24097	MAT 25:20	Yawan aminu 5,000 Kina isakoke pakuu pakapuke anzing yakut, ‘Buyambamtapa. Gata 5,000 Kina namukuyau kayo. Nata puya tasike 5,000 Kina kunduat isakoke pakum,’ ngang inikut.
24099	MAT 25:22	“Siwan aminu 2,000 Kina pakut tapaaya apu anzing yakut, ‘Buyambamtapa. Gata 2,000 Kina namukuyau kayo. Nata puya tasike 2,000 Kina isakoke pakum,’ ngang inikut.
24101	MAT 25:24	“Siwan aminu 1,000 Kina pakut tapaaya asapu anzing inikut, ‘Buyambamtapa. Nata gae aminu tokngaapa ngang nataat. Keu kautdu saau aminu tapatuta nanam zak mukgau waangane gata buya apanggayak.
24102	MAT 25:25	Unzingge na gae akgwauke gatane 1,000 Kinaka paku kepatang kwaipakusopukum. Gatane manika ana. Gika papso,’ ngang inikut.
24105	MAT 25:28	“‘Ayok, ginda 1,000 Kina wa kaiwa kuwan aminu 10,000 Kinana kayaapae imunong.
24137	MAT 26:14	Siwan tapduu waomune pandetna 12-pat nana tapatu umana Judas, Iskeriot yot gapmane nanaapa. Ita Anutue yot takwan gwene pasiya amindane takeakwakge kuke anzing yanikut,
24138	MAT 26:15	“Ginda mani datdasing nae nama nata nina aminu waapa ginde katakzane yeutdamit,” ngang yaniwan mani silwa sasan 30 ngang kendeke imuking.
24170	MAT 26:47	Siwan Jesuta wamu waaknga ayayuwawan pandetna 12-pat nana tapatu umana Judas. Iat aminbampat gatake apuke paip gatu zagwa ngang pake apbing. Anutue yot takwan gwene pasiya amindane takeakwakat gatu Judia amindane take amikatda yanipewa apbing.
24176	MAT 26:53	Ga dua ba nataayak? Nata Nanae iniwa angela buyambam siknga 72,000 zetgaman yanipewan apu gatangamuning ngang dua natake paipbata amnangge tasinggayak ba dasing?
24201	MAT 27:3	Siwan Judas Jesu yeuyamukuu waapata kawawan Jesue wam yaitapakusike tokngabam imuke tasiwawa kakut. Tasiwawa kake butaya natake mani 30 silwa pakuu gatuna Anutue yot takwan gwene pasiya amindane takeakwakat gatu Judia amindane take amikatde yamunangge
24207	MAT 27:9	Sanga unzingu wa sikut takngae ayanikapsaapa Jeremaiata Anututane wamu takngatu yake tupa siknga anzing yakut, “Isrel nana kunduta aminu waapa tanggaganutnangge natake, ‘Mani silwa 30 ngang gamuna ninde yeutnimuyo,’ ngang yake imukingu pake
24297	MRK 1:13	Iniyapiban ita undang kuke kaap zokat tapduu 40 yuwawa Setenda inindatdauwana angelata apu gatangamuking.
24402	MRK 4:10	Masande Jesuta inatakan yuwawan pandetna 12-pat nana amikat gatu aminu kundu iat gatake yuking amikat kuutda tuwang wamu wa yanikut takngae inikwaiking.
24444	MRK 5:11	Sike ikwawa buyambamu takwakgu 2,000-da wesim bakundakane zongazonga nake yuwawa
24446	MRK 5:13	ita, “Take. Kunong,” ngang yawan waung waita aminu waapa teke kuku ikwawa waakwak paking. Papa ikwawa 2,000-nu waakwau atdatdaptake kekeknga siknga isapmake kuku dameatang pimake yangga gapan katang pimake yangga tangoke akumbing.
24458	MRK 5:25	Tawake akgitnawa maya tapatu ita yekapna sike dau asinggan pake nakanu 12 gwa yuwan sandewan
24475	MRK 5:42	Iniwan zetgaman maya mateu waapasimu asenake yot gwene tuwanguke kumbasike kukut. Gwa takake nakanu 12 gwa kawan sandekut. Siwan unzing tasiwan kake kumzang satnaking.
24513	MRK 6:37	Iniwa ngana, “Nanamu gisa yamunong,” ngang yake yanikut. Siwan anzing iniking, “Gata ninda 200 Kina pake kuku nanam usiyamunanu take dua siwik,” ngang iniwa,
24516	MRK 6:40	wa aminu apukwiking. Aminu dongu kundu 100-da yuking siwan kundu 50 ngangga yuking.
24520	MRK 6:44	Sike wawi poyak nakingu 5,000.
24578	MRK 8:9	Sike maya wawi waakwau buyambam siknga 4,000. Napa take siwan Jesuta ayanipewan kuwawa
24588	MRK 8:19	“Nata poyau 5,000 aminde puke yama napa ginda poyau kaiknga yukingu sapat yau datdasing pamuking,” ngang yaniwan, “Katau kuut musaat kepianganu gweaya,” ngang iniking.
24589	MRK 8:20	Iniwa natake gatu yanikut, “Nata poyau katau kuut musa kautduanganu gomaya ngang aminu 4,000-de putzukuke yama napa ginda kaiknga yukingu sapat yau datdasing pamuking,” ngang yaniwan, “Katau kuut musa kautdu gweaya,” ngang iniwa
24687	MRK 10:30	Anututa yake sangabamu isakoke kwaapzang 100 binga ayamik ngang yanikut. Sike wa aminu dua kumning gwekatangu Anututa yake you buyambam gatu uyapna buyambam gatu paana buyambam gatu samina buyambam gatu minga buyambam gatu nana buyambam gatu waatdakana buyambam gatu puyana buyambam yaman paning. Siwan aminu nae masa namukaing aminu kunduta aminu nae natanggamatake natane puya tasitakuning aminde toknga takngatu takngatu yama paning ngana masande wa aminda kayuk yutnanga aknga pake kayuk asinggan asinggan yutning,” ngang yanikut.
24828	MRK 14:5	Ninda yangga waaknga aminde yamuna aminu kunduta 300 Kina nimuke usiwa pake aminu sangaapana wena aminde yamunam,” ngang yake maya waapa inisapduking.
24833	MRK 14:10	Tapduu waomune pandetna 12-pat nana tapatu umana Judas Iskeriot yot gapmane nanaapa. Ita Jesu yeuyamikge natake Anutue yot takwan gwene pasiya amindane takeakwakge kukut.
24866	MRK 14:43	Siwan Jesuta wamu waaknga ayayuwawan pandetna 12-pat nana tapatu umana Judas. Iat aminbampat gatake apuke paip gatu zagwa ngang pake apbing. Wa apbing aminu Anutue yot takwan gwene pasiya amindane takeakwakat gatu mama wam yanindamumsa amin gatu Judia amindane take amin ngangga yanipewa apbing.
25079	LUK 2:37	Yuwawat apnata kupan inatakan kobatapa yukut. Yuke itane nakanu 84. Kake Anututane yot takwan gwenu dua teke kukut. Ita Anutue umana yatangenake nanamde bitake tumuk wam yake kwakngaom gatu zikaane ngang pasinggak.
25117	LUK 3:23	Tapduknga Jesuta Anututane puya tuwanguke pasikut komune ita nakan 30 gwa yuke pasiwan aminbamda kake Josepdane waaknga ngang natapbing. Siwan Josepdane nana Ilai.
25134	LUK 4:2	Kuke zikaat kwakngaopat 40 ngang yuawan iwanin tapata inindatdaukut. Tapduk mamaya wa yukut kopatangu Jesuta nanamu dua nake tomna natake yuwawan sandewan
25305	LUK 7:41	Iniwan Jesuta tuwang wamu takngatu anzing inikut, “Aminu tapatu beng kayuak kapata mani buyambam siknga 500 ngang aminu tapatue imuke buya mateknga 50 ngang aminu tapatue imik.
25383	LUK 9:13	Iniwa ngana yake anzing yanikut, “Nanamu gisa yamunong,” ngang yanikut. Siwan wawi buyambam 5,000-da yuwawa kake anzing yaking, “Ninu nanaminu buyambam dua. Poyau katau kuut musakan siwan pis dakaaya nganggakan yuaing. Pake yamuna take dua siwik. Sike ga dasing natayak? Ninda usiwam yot kuke aminu buyambamu waakwakge nanamu usiyamunimde nataayak ba dasing,” ngang iniking.
25384	LUK 9:14	Ngang iniwa yake anzing yanikut, “Ginda yaniwa kepdakane aminu 50, 50 ngang usanzike inana pukwitningge yaninong,”
25433	LUK 10:1	Siwan masande Jesuta pandetna kunduat 70 pakut. Pake you ita masande kunangge natapbut gapma gapmane yanipewan kuking.
25449	LUK 10:17	Masande aminu 70 yanipewan kukingu gatuna apuke apbakngake anzing iniking, “Buyambam tapanin! Ninda gatane umandae yanikwasitna waung waiakwakga ninde wam atnatake kuking,” ngang iniking.
25591	LUK 13:4	“Siwan aminu 18-nu you Siloam gapma wesim yukuu gwenduta pimake zipa kumbing. Wa kumbing amindane waiaknganata aminu kundu Jerusalem yuainggane waiakngana yapbike kumbing ngang ba nataing ba dasing?
25598	LUK 13:11	Yaniwawan maya tapatu waung wai tapatuta tapan masetane kwatai apata akgutokawan maya waapata usiusip sukuke nakanu 18-nu gwa kawan sandekut.
25603	LUK 13:16	“Sike maya aapa Ebrahamde zakngi tapatu siwan Setenda tanggaganuwan nakanu 18-nu gwa yukut. Unzingge nata yuwatakak tapduk gwene nau wa wambut taknga waitdewa kake dasingge musipza toknga nataaing,” ngang yanikut.
25653	LUK 14:31	“Sike aminu buyambamu tapatuta buyambam aminu tapatuat amnangge natakengu apukwike katak siknga anzing natagwanguwik. Natane amak amina 10 tausen gan. Siwan aminu iwana waapatane amak amina 20 tausen. Ngang katak siknga natagwanguke ba amak tasike yawapewa kuwa dua ba yapbitning ngang natakengu dua amning,” ngang yanikut.
25661	LUK 15:4	“Aminu gikatnana tapatutane sipsipna 100-da ba yuaing. Ngang gwendu wena ba siwanu toikngata 99 pewan komduatang yuwawa kuke wena sikut gwende tawasika ngana dua kawik.
25664	LUK 15:7	Unzingge nata ginu daniwa natapnong. Ina unzakan. Enandangu 99 aminu nomana siknga yuwanu musia tapa tekwambikge wamu yananga dua. Enandang nana aminda aminu waakwakge takesim natapning. Sike waiakngana kaya aminu tapatuta musia tapan tekwambanu musip gwaangu enandang nana aminda natangamuning,” ngang yanikut.
25695	LUK 16:6	‘Na yangga aknga dram gogomu 100 pakum,’ ngang yawan natake, ‘Ga pakapu zetgaman pukwike pepa moo pakuyakgane san take yake imunangatane namba dotdonguke 50 kan matayo,’ ngang inikut.
25696	LUK 16:7	Siwan tapatuta apan anzing inikwaikut, ‘Gatane sanga moo pakuyau datdasing,’ ngang iniwan, ‘Natane beu poyakgane 100 pakum,’ ngang iniwan, ‘Gata pepa sanga moo pakuyakgane san take namba dotdonguke 80 kan matayo,’ ngang inikut.
25813	LUK 19:13	Yatawamban kunangge natake aminu waapata puya amina katau kuut musaat yayawamban apa manina 20 Kina aminu waakwakge inandek inandek yamutakuke ita anzing yanikut, ‘Mani a pake kuke puya pasike manisa isakoke pawawa nata kuke gatuna apit,’ ngang yanikut.
25816	LUK 19:16	“Yawan aminu tupan apbut tapata anzing inikut, ‘Buyambam tapa. Nata manika 20 Kina namukuyakga puya pasike isakoke 200 Kina gwa pakum,’ ngang inikut.
25818	LUK 19:18	“Siwan masan tapata apu anzing inikut, ‘Buyambam tapa. 20 Kina namukuyakga puya pasike isakoke 100 Kina gwa pakum,’ ngang inikut.
25820	LUK 19:20	“Siwan tapatuta apu anzing inikut, ‘Buyambam tapa. Gatane 20 Kina ana yuaing. Nata tauk pipitda wamandakngake penggamukum.
25824	LUK 19:24	“Inike ita aminu inengan yukingu anzing yanikut, ‘Ginda 20 Kina wa sandekngamuke aminu 200 Kinana kaya apae imunong,’ ngang yanikut.
25825	LUK 19:25	“Yaniwan yake anzing iniking, ‘Buyambam tapa. Aminu waapa 200 Kina kaya,’ ngang yawa
25936	LUK 22:3	Siwan aminu tapatu umana Judas Iskeriot yot gapmane nana ngang inikaingu waapa Jesutane pandetna 12-pat nana tapatu ngana Setenda musia tangenakut.
25980	LUK 22:47	Siwan Jesuta wamu waaknga ayayuwawan pandetna 12-pat nana tapatu Judasda aminbam papan iat gatake ita tupan apu inengan Jesuta yukut komune apu gaak wam ininangge apbut.
26170	JHN 2:6	Siwan gapma supda pasikwaapakukingu katau kautdu musaat kautdu gwendu ngang Judia nana aminda inane miti akngatane kepi takngatu tawake tasikaing kakngae natake yangga zike sautningge natake undang pakapu peking. Sike gapma wa buyambam siknga gwegwen. Siwan bakeu 10 ba 15 ngang yangga zike gapma buyambamu wa gwendunekanu tukwaba dopnanga.
26184	JHN 2:20	Ngang yaniwan yake tapatekwa wamu anzing iniking, “You anggwenu tangenake tasiwawa nakanu 46 ayapbikut ngana gata tapduu gweaat gwenduatdekan tangenake mitapsa,” ngang iniking.
26284	JHN 5:5	Siwan mait aminu tapatu nakanu buyambam 38 ngang undang gwa yuwan sandekut.
26333	JHN 6:7	Inikwaiwan yake anzing inikut, “Manininu 200 Kinata nanam usike yamuna napa take dua siwik,” ngang inikut.
26336	JHN 6:10	Ngang yawan Jesuta anzing yakut, “Aminbamu yaniwa pukwitnong,” ngang yawan ninu pandetnata yanina pukwiking. Siwan kekeu wa pukwiking komune zonga zonga buyambam siknga. Sike wa yuking aminu kendewa mateknga dua. Buyambam siknga sikut. Wawita 5,000-da yuking.
26393	JHN 6:67	Siwan Jesuta ninu pandetna aminu 12-de anzing ninikwaikut, “Ginu kuut napmake kunangge nataaing ba dasing,” ngang ninikwaiwan
26397	JHN 6:71	Siwan aminu wa yakut tapa Judas unin. Ita Saimon Iskeriot yot gapmane nanaapatane waaknga. Judas waapa ninu pandetna 12-pat nana tapatuta masande Jesu iwande yaman tanggaganuking.
26507	JHN 8:57	Yaniwan yake anzing inisapduking, “Nakanu 50 dua kawi sandewan ngana gata Ebrahamu akakuyakge yanggayak ba dasing,” ngang yawa,
26654	JHN 12:5	“Yangga waaknga aminde yaman usiwa buyana 300 Kina pake usanzike sangaapana wena aminde yamuk gamun,” ngang yakut.
26933	JHN 19:39	Iat Nikodimas aminu tupa zikaane ita Jesue apbut tapaatda sandeke takepbumayak. Siwan Nikodimas waapata katau dakaaya umana mel gatu alo ngang yanikainggane inuknga kupiawan pekingu pake aiwa pimapa undanggan kwaidotdonguke Jesue gupnane pasiwat kapanga take siwikge pakapbut. Itane meyana 75 ngang buyambam.
26960	JHN 20:24	Siwan tapduknga Jesuta pandetnae apbut gwene pandetna 12-pat nana tapatu umana Tomas siwan itane umana takngatu bokngan aakumayakat nana tapatu ngang iniking. Ita nikat dua gatake yukumang.
26978	JHN 21:11	Saimon Pitata dopangbam gwene koke yapap gwenu yangga gapanu kwaim tapane kaitakapbut. Sike pis buyambamu yapap gwene puku dopbingu wa unzing 153. Wa kwaapzang siknga siwan ngana yapap gwenu dua sipdakut.
26993	ACT 1:1	Notna Tiofilas. Tupa Jesuta puyana pasike natdetdeu buyambam yanindamukut. Yanindamuke itane wamna yaniningge yanipewan kuning aminde umana yakut. Yawan waakwau aposel amin ngang yaniking. Siwan Jesuta puyana pasiwan puyuwana Anututa enandang takopbut. Siwan puya wa pasikut takngaat wamna yanindamukut takngaatde natake buu yakap matakum sakatang gwa matakum. Siwan Jesuta toknga bam pake kungwake gatu enake tapduu 40 ngang yukut. Yusika gatu gatu ina yeuyaman aposel aminda kawa siakande siknga sikut. Siwan Waung Takwanda Jesu kekekangamuke yuawan aposel aminda tasiningge take natapbut taknga Jesuta yanikut. Yanike Anututa inane kekeknga aknganata usikwatanipmamban ie gepbiatang yutnimde yaniwan natake Jesuta akumbut katangga enake kayuk yuak ngang aposel aminda natapa siakan siknga sikut.
27007	ACT 1:15	Siwan aminu wa unekan gatake yuking aminu mateknga dua sikut. Aminu 120 ngangga yuking.
27018	ACT 1:26	Inikenga sanga kat binga tasike tuwanga une kake Anututa Mataias tanangge yeutnimunggak ngang kaking. Kake aminu waapata aposel amin daknganggak ngang yaking. Yawa iat aposel aminu 11-kat unekan gatake yuking.
27059	ACT 2:41	Yaniwan aminu buyambamda natake wamu waakngae banip siking. Siwan aminu gunziu wagwene banip siking aminda kuwa Jesuat nana amikat gatake yuking. Sike wa gatake yuking aminu buyambam siknga 3,000-da baniu siking.
27095	ACT 4:4	Pewat ngana aminu buyambamda Pitatane wam natapa siakan sikut. Siwan aminu natapa siakan sikuu aminu buyambam siknga (5,000) sikut.
27112	ACT 4:21	Siwan aminu kepi take sikut tapata nakanu 40 ngang yapbikut. Yapbike aminuake gwa sikut ngana Anututa gatangaman take siwan kake aminbamda Anutue inimbakngaking. Inimbakngawawa aminu pauu wagwen tasiking aminda aminbamde akagwauke waapaau kaautde penangge ba zipnangge apmeptaking. Apmeptake kaanga yanikenga yotza kukakun ngang yanipewa kukumayak.
27164	ACT 5:36	“Tupa aminu tapatu umana Tiuda ngang iniking. Ita enake umana buyambam sikwikge tasikut. Tasiwawan aminu buyambam siknga 400-da iat gatake yuaking ngana gavmanda waapa tanguwan kupan aminu iat gatake yuking aminda atdatakuwawa wamu buya dua aakut.
27191	ACT 7:6	Siwan, ‘Ebrahamde zakngita amindane kep kopatang pakapuyutda apmea yutning,’ ngang Anututa unzing yakut. Yake, ‘Une nana aminda aminu Ebrahamdane dongune aawik aminde puya toknga yama gwaamuke ngana buyana dua pake nakanu tape mamaya siknga (400) yutning,’ ngang yakut.
27199	ACT 7:14	Siwan Josepda yayawamban nana Jekopat aminabapatda ie kuking. Wa kuking aminu buyambam siknga (75) sikut.
27208	ACT 7:23	“Sike ita nakanu buyambam 40 ngang kawan sandewana notnabamu Isrel nana amin kanangge baniaatang natapbut.
27215	ACT 7:30	“Pangaiwan Mosesda undang yuke nakanu buyambam 40 ngang kawan sandewana sipdune kupapatang tawanu dakatu umana Sainai ngang iniking. Tawanu wandakane kuwawan angela tapatuta kuku katau mateknga dakatusimune kusopuknga yuwan Mosesda kawawan katau wandaka katapda tapan kopan isiwan ngana dua puke pimapan kakut.
27221	ACT 7:36	Initewan kuke waapata duya takngatu takngatu Isip kep komune pasike yangga gwenu umana Gamana gwen ngang inikaing. Wagwenu kwaipatang pasike Isip kep kom teke i tupan kuwawan Isrel nana aminda masene tawaking. Tawake kupapatang nakanu buyambam siknga 40 ngang yuwawa Mosesda undang duya takngatu takngatu pasiwan kaking.
27227	ACT 7:42	Natapa kake Anututa masa yaman waakwakga gunzit yekap yekapdak ngangge natake nindane anutunin ngang natake yanindatakaking. Sanga wa tasikaking kakngae natake masa wamu takngatu yakapsa aminu tapatu iniwan natake ita anzing matakut, ‘O Isrel nana! Gindane bamsata keu amina wena komune yuke nakanu buyambamu 40 ngang yuking. Yusika ikwawa gamanu gwendu nae dua saking.
27329	ACT 10:1	Aminu tapatu umana Konilias ngang iniking. Ita Sisaria yot gapmane yukut. Ita amak aminu Itali kep komune nana 100-dane tupan tapa dakngake yukut.
27331	ACT 10:3	Siwan tapduu gwendune bangee 3 kilokge waomune mia kawawan Anutue angelana tapatuta yotnaatang koke inike, “Konilias,” ngang iniwan natake
27350	ACT 10:22	Yanikwaiwan yake anzing iniking, “Ninu Konilias amak aminu 100-dane tupan tapa yuakga ninipewan apumang. Konilias waapa aminu noman tapa. Anutue akgwaukgaunin. Aminu Judia nana kuupbamda ie noman tapa ngang yakaingunin. Sike Anutue angela tapatuta yanggawamban kuku wamu kundu yawi natapikge iniwan ninipewan apumang,” ngang iniking.
27358	ACT 10:30	“Tapduu anzing komune binga sanga takngatu nae singaman kawa tapduu gweaat gwenduat gwa kuk. Waomune bangee 3 klou yotnaatang tumuk wam yake yuwawa aminu tapatuta pakapu noma saak yukut. Wa pakapu yukut tapa tauknga waenga siknga ziwan yuke anzing nanikut,
27410	ACT 12:4	Tewan yuwan amak aminu 16-da kayutningge pekut. Pewan usanzike dongu takngaat takngaat dakngake kayuking. Dongu takngatuatangu aminu tapaat tapaat ngang yuwa takngatuatangu tapaat tapaat ngang yuking. Unzing yuke kayuwawa Herotda anzing natapbut. Yuwatakak tapduu Pasova ngang yakaing gwenu kawa sandewana masande wamu yawikge Pita take aminbamde kaine epu takuwa akupikge yawa kekekawan akupikge natapbut.
27449	ACT 13:18	keu amina wena komune kuking. Undang kuke yuwawa Anututa toiwawan nakanu 40 ngang sikut.
27450	ACT 13:19	Siwana pakapu Anututa gatayaman Kenan kep komune kuke keu wa komune yuking aminu dongu katau kuut musa kautdu takngaaya zipa kumbing. Zipa kupa Anututa keu wandaka baminde yaman paking. Yaman pake kep toik dakngake nakanu 450 ngangu une yuking.
27452	ACT 13:21	“Siwan Samuel waapata kayuke tasiwawan iat nana tapatu tupan tapa keu komduine nana binga dakngake kayuwikge yawa kekekakut. Yawa kekekawana Anututa yake aminu tapatu umana Kis ngang inikinggane waaknga tapatu umana Sol ngang iniking kapa yaman tupan tapa dakngawan wam yawa kupsa aminda tasiking kaknga waomune wena sikut. Siwan ita wa aminde tangge yukut. Sol waapa Benjamindane dongune aakut tapatu. Yaman ita tupan tapa dakngake Isrel nana nakanu 40-kan kayukut.
27464	ACT 13:33	Kap taikamangge buk gopatang kau namba 2-aknga taikamangga anzing yanggak, ‘Apmanu nata ga tangenawa Kayuyaapa dakngake yuayak.’
27673	ACT 19:19	Kundu gaam wamawawa kundu gom zipmawawa kundu kona ba iak ba pitatapa pasiwawa ngang tasikakingu aminbamde kaine pakapu buu waiaknga pasinangge natdeke matakaking gogom pakapu wesipa saking. Wa wesipa sakinggane buyana usikingu sandu sandusim kendekgawa koko K50,000 sikut.
27688	ACT 19:34	Tasiwan ngana Judia amindane nomna kake ninu Efesas nana aminda Atemis inindatakamang ngang natake umana kumzang yatangenake unekan apaa yanggamatake komdubam (2 aua) yayuking.
27770	ACT 21:38	Nata gae natake Isip nana tapatuta tupa amnangge natake aminu buyambam yaniwan musia enawan aminu 4,000-da amakgane sanga pake keu amina wena komune kuke ninu Rom nana amin nipbitnangge tandakngaking unin ba ngang gae natat,” ngang inikut.
27815	ACT 23:13	Siwan aminu wa yakingu tapaakan dua. Aho! 40-neta enagwak ngang aminu unzing takwakga wamu waaknga yasopuking.
27823	ACT 23:21	Unzing yaing ngana yawa ita yaning kaknga gata ma tawambim. Aminu takwakgu 40-neta enagwak aminu unzing takwakga Pol tangutnangge kepiapane gwa umukusike yuaing. Gata Pol initewi pukuwikge take ngang yawi natakenga paku kepine usiyutningge gwa yandeking. Aminu waakwakga nanamu dua siknga nake gatu yanggaaya dua siknga tangoke yusika Pol tangutapa kupan kakenga nanam nake yangga tangopnangge yaing,” ngang Polde taana apasimda inikut.
27825	ACT 23:23	Initewan epu kunangge tasiwan amak aminu tapaaya yayawamban apbumayak. Apat anzing yanikut, “Gitda amak aminu buyambamu zikaane tapduu paut tasiya komune Sisaria yot gapmane kuningge kapeson. Amak aminu 200 gatu amak aminu 70-ta ikwawa gamande maseapane yuke kukaing amin gatu aminu 200-da gwawaya pake yuaing amin ngangu kapewat tandakngake yutnong.
27924	ACT 27:1	Siwan gavmanda yandamuke ninu Itali kep kom Rom yot gapmane yuak komune sip gwen take kunimde natake Polkat gatu kaaut notna kundu ngangu pake aminu amak amin 100 kayuau tapatutane katakngane pengama Rom pake kuwikge imuking. Amak aminu waapa umana Julias ngang iniking. Ita amak amindane dongu musatu aminu tupan sikngaapa umana Ogastas ngang inikinggane gen gwaamukaikat nana tapatu.
27951	ACT 27:28	Natake nap takngane sanga meya siknga une wamanggaganuke tewa pukuwan nap taknga ngwakngamuban kepdaka maa siknga dua tuwangu 120 nganggan kaking. Kake gatu kundusim kuke gatu muking. Muke kawa tuwangu 90 nganggan kaking.
27960	ACT 27:37	Siwan ninu aminu siu wagwene yukumangu buyambam siknga 276 ngangga yukumang.
28109	ROM 4:19	Sike Ebrahamda nakanu buyambam siknga 100 binga ba kawan sandewan gatu maatna Sera waapata aminuake sikut. Siwan sanga wa takngaae natake ngana ita Anututane wamde natapan kekekakut takngata dua tuyukakut.
28281	ROM 11:4	Sike ginda wamu Anututa yake inikut taknga dua ba natapbing? Ita anzing inikut, “Aminu buyambamu 7,000-da naat gatake yuamangu wa aminda anutu pupuknga umana Beal ngang inikaing kapae nomune muna dua puke inindatake yuaing. Sike wa yuaing aminu nata dua yanikwasipewa kuking,” ngang inikut.
28643	1CO 10:8	Siwan sanga wai waaknga tasiwawa kake Anututa aminu kundu yaniwan apu wa aminu kuupbam gunziu gwendunekan zipa 23,000-da kumbing. Sike ninu sanga wai waaknga dua tasinim.
28791	1CO 15:5	Tangenawan Kraisda gatu gweake ita Sifasdane kaine anggaman siwan kakut. Kawana ita kuke itane pandetna 12-pat nana kuupbamdane kaine anggaman siwan kaking.
28792	1CO 15:6	Siwan masande aminu itane amina dakngake yukingu buyambam siknga 500 yapbikut binga aminda unekan apuke yuwawa ita kuke wa amindane kaine anggaman siwan kaking. Siwan aminu wa kakikat nana kunduta yusika akumbing ngana buyambamda apmanu ayuaing.
29081	2CO 11:24	Siwan Judia nana aminda na tanggaganuke nap takngata ipmapa nukgawa kuku 39 dakngakut. Sike sanga waaknga sipdu sipdune tasiwawa kuku katau kuut musa sikut.
29142	GAL 1:18	Kuke yusika nakanu gweaat gwenduat kawa sandewana nata Jerusalem yot gapmane koke Sifas kanangge kopbum. Koke nata gunziu 15 ngang iat gatake yukumak.
29149	GAL 2:1	Siwan nakanu 14-nu gwa sandewana nata Jerusalem yot gapmane gatu kopbum. Naat gatu Banabaskatda Taitas initake kopbumak.
29186	GAL 3:17	Sike nata tuwang wamu wa daninggat takngae yapii daniwit. Tupanu Anututa wamu takngatu Ebraham iniwan kekekakut. Siwan masande nakanu buyambam siknga 430 ngangu yuwa sandewana Anututa mama wamu Mosesde imukut. Sike wamu tupan yawan kekekakut taknga mama wamu masande Mosesde imukut takngata tanguwan pimananga dua.
29839	1TI 5:9	Sike Jesue aminabam dakngake yuaingge maya kombakobau asupeeke yuaing amin gatayamuningge yaniyo. Yanike maya waakwakgane umana akgatayamunanga pepa sane matayo. Matawi wa aminda sanga wa gatayamunanga aknga pake yake miti puya asinggan tasining. Ngana kuupbamdane umana matananga dua. Aho. Maya tapatuta nakana 60 ngang kawan sandewan gatu apna tupa nana akupan wawi kayuu tapatu dua takutna kakengu itane umana take matayo.
30071	HEB 3:9	Tapduu waomune na tasiwa sike nata gatayamuke nakanu 40 duya takngatu takngatu tasiwawa kake ngana nae masa namuking.
30079	HEB 3:17	Siwan gatu nakanu 40 wa yuking katangu Anututa musia toknga mamin aminde natayamukut? Ita musia toknga aminu waiaknga keu amina wena wa yuking komune tasike kumbing. Ngan. Anututa wa amindekan musia toknga natayamukut.
30597	2PE 3:8	Siwan mate notna. Nata ginde musip gwaang natandamuke daniwa natapnong. Ginda ma botawam. Buyambam tapaninda tapduu gwendue natapan nakanu buyambam siknga 1,000 binga singgak. Siwan ita nakanu 1,000-de natapan tapduu gwendu binga singgak. Siwan wamu waaknga ginda ma botawam.
30840	REV 4:4	Kawa sia dakandaka 24 ngangga takeapatane sia dakana pebasiwa sia wa dakandakane aminu take apaapa 24 ngangga pukwike yuwa kakum. Sike take aminu waakwau tauknga kwaknga siknga kakum. Sike kupna gol sake pasikingu tupan tapaapata gwapukaing binga wa aminda gwapuke yuwa kakum.
30844	REV 4:8	Sike sanga wa gweaat gweaatda inandek inandeu piana 6 ngang kakum. Sike kaina kwaapzang sikngata gupnane gatu pia engetanan gatu amakatang ngang tapa sopukutna kakum. Sike kwakngaom gatu zikaane ngang tapduk bamu asinggan kau anzing taikaing, “Anutu, Buyambam tapa. Anutu, takwan, takwan, takwan sikngaapa. Ita tupa siknga ayukut. Ita apmanu ayuak. Ita kekeknga asinggan asinggan yuwik.”
30846	REV 4:10	aminu take aminu 24 waakwau Anutu sia wa dakane pukwikgak kapae nomune gwetakaing. Gwetake wa aminda Anutu wa kekeknga asinggan asinggan yuak kapae inimbakngakaing. Inimbakngake aminu waakwau kupna aminu tupan tapaapa dakngake gwapukaingunin ukgwike muba aminu tupan sikngaapae nomune pimapa anzing yakaing,
30852	REV 5:5	Na kwanamu kumzang siwawa ngana aminu take aminu 24 wa yukikat nana tapatuta anzing nanikut, “Ga kwanamu ma siwim. Kayo! Aminu tapatu Devitdane dongune aakuu tapatu kaapzongu laion gwen binga dakngake aminu Judia nana kuupbamdane kuyana dakngake yuak kapata kekeknga siknga yuke ita iwana ayapbikut. Unzingge waapata apme gatak gatau wa katau kuut musa kautdu dakaaya ngangu dauke pepa wa gomu tapan waiwik,” ngang nanikut.
30855	REV 5:8	Tapana sanga kayuk yuaingu gweaat gweaat gatu aminu 24 ngangu waakwakga enake sipsip mateu wagwende wesim kuke itane nomune gwetaking. Sike take aminu kuupbamda inandek inandek sanga tanguke kap tainanga gita tasikingunin paking. Sike gatu gapma gwegwenu kuut paking. Siwan sanga katapatang sawa kapanga take siknga singgakgane muyup muyup ngang pake gapma wagwegwene pamuba dopbing ngang kakum. Siwan muyup muyupdane yapii tumuk wamu Anututane aminabamda yakaingunin.
30858	REV 5:11	Siwan nata mia kawawa angela kwaapzang sikngata kau takngatu taiwawa natapbum. Ngan. Angela kwaapzang sikngata aminu tupan sikngaapa gatu sanga kayuk yuaingu wa gweaat gweaat gatu take aminu 24 ngangga yubasike kau taiking.
30882	REV 7:4	Sike nata nataawa aminu tuwanga takinggane nambana angela tapatuta na naniwan natapbum. Sike wa aminu Isrel nana amin gan. Sike aminu buyambam siknga 144,000 ngangga tuwangu paking. Ngan. Aminu kundu Isrel nana amindane donga kuupbam inandek inandek tuwangu paking.
30883	REV 7:5	Pake aminu Judiatane dongune aakikat nana 12,000-da tuwangu paking. Sike aminu Rubendane dongune aakikat nana 12,000-da paking. Sike Gatdane dongune aakingkat nana 12,000-da paking.
30884	REV 7:6	Sike aminu Asatane dongune aakingkat nana 12,000-da paking. Sike aminu Naftalaitane dongune aakingkat nana 12,000-da paking. Sike aminu Manasatane dongune aakingkat nana 12,000-da paking.
30885	REV 7:7	Sike aminu Simiondane dongune aakingkat nana 12,000-da paking. Sike aminu Liwaitane dongune aakingkat nana 12,000-da paking. Sike aminu Isakatane dongune aakingkat nana 12,000-da paking.
30886	REV 7:8	Sike aminu Sebyulandane dongune aakingkat nana 12,000-da paking. Sike aminu Josepdane dongune aakingkat nana 12,000-da paking. Sike aminu Benjamindane dongune aakingkat nana 12,000-da paking.
30922	REV 9:14	Sike nata nataawa wamu waakngata angela pum pakingkat nanatane namba 6 tapae anzing inikut, “Gata enake angela yangga buyambam tapa umana Yufretis ngang inikainggane kwaim tapane wamapekingu wa tapaat tapaat sandepewi kunong,” ngang inikut.
30924	REV 9:16	Ngan. Angela wa tapaat tapaatdane amak aminu kwaapzang siknga ikwawa gamanu hos gwegwene pukwikinga kakum. Sike nata nataawa wa aminu kendeke nambana 200,000,000 (200 milion) ngang yawan natapbum.
30942	REV 11:2	“Ngana gata yot takwande kekeu kepman yuak komu ayapbike tuwanga ma tapim. Dasingge? Kekeu wa komu katum aminde yamunangge Anututa gwa yawan yukut,” ngang nanikut. “Siwan wa aminda Anututane yot bam gapmane koke aminu you wanggapmane yuaingu ayaipapaakusike Anututane kep tapa tasiwa maiwikge tasiwawa kuku yekau 42 dakngawik,” ngang nanikut.
30943	REV 11:3	“Siwan nata aminu nae wam yanikapzanu waapaat kekekayamuke yanipewa kusan. Yanipewa kuke aminu waapaatda bek saau zikaa aminu musia meya nataaing aminda taukge tasikaing binga tasisan. Tasike waapaatda Anututane wamna yanikapmake tasiwawat kuku yekau 42 dakngawik,” ngang naniwan natapbum.
30953	REV 11:13	Siwan tapduu waomzimunekan miyamunu buyambam siknga siwan yotbamu wa gapmatane yot gwegwenu kautdusimban awaike pimake aminu kwaapzang siknga 7,000 ngangu atzipa kumbing. Siwan aminu ayukingu wa kuupbamda kumzang siknga gwauke Anutu enandang yuak kapatane umana yatangenaking.
30956	REV 11:16	Yawana take aminu 24 sia dakandakane Anutue nomune pukwike yuaingu waakwau Anutue gwetake anzing inimbakngaking,
30965	REV 12:6	Siwan maya waapa datang keu amina wena kopatang kukut. Sike tupa keu waopatangu Anututa you gwendu maya waapae tandakngatekut. Sike maya waapata you wagwene kusopuwan aminda katak toike tasiwawa kuku yekau 42 dakngawik.
30982	REV 13:5	Siwan Anututa kaapzongu wagwenu katewan inane umana yatangenake Anutue sapdukngamukut. Sapdukngamuke wagwenda aminu kepdakane nana kuupbam kayuke tasiwawan kuku yekau 42 dakngakut.
30995	REV 13:18	Siwan ninda ie katak siknga natdetnim. Aminu natdetdetna kaya kakengu ita kaapzonggane namba kendeke itane yapiie natagwaanguyok. Sike namba wa daka amindane nambana binga 666 ngang kakum.
30996	REV 14:1	Sike nata kawawa sipsip mateu wagwenu tawanu Saion dakane yuwan kakum. Siwan aminu kwaapzang 144,000 ngangga iat gatake yuwa kakum. Siwan sipsip matekgane umana gatu Anutu itane nanatane umana ngangu Anututa wa aminde damanane matakutna kakum.
30998	REV 14:3	Sike wa aminda kau kayuu takngatu Anutu nin ninduyuak kapae nomune gatu sanga kayuk yuaingu wa gweaat gweaatde nomune yuke taiking. Siwan aminu tapatuta kau kayuu waakngae natdetnanga dua. Aho. Aminu kepdakane nana 144,000-nu waakwau Jesuta waiakngane sandekut amindakan kau waakngae natdetdeu paning.
31015	REV 14:20	Siwan aminda wain tapunu sup gapma yotbam gapma kepman yuak dakane zipmanggamuwawa kakum. Sike gapma wa gwenuneta dau buyambam siknga epuke zipmake kukut. Kuke mamaya siknga 200 mail unzing binga kukut. Kuke zipmake apaptake ikwawa hos gwendane genanekan akopan kakum.
31044	REV 16:21	Siwan sopa zambumu buyambam siknga gwegwenda pimake aminbam zipbing. Sike zambumu wagwegwen kawa gwendutane meyana buyambam siknga sanga mitapsa dakatane namba 100 binga sikut. Siwan meya buyambam siknga waakngata apan take aminda Anutue sapdukngamuking.
31055	REV 17:11	Siwan kaapzongu tupa ayukut ngana apmanu dua yuau wagwendane yapii aminu tupan aminu tapatu. Ita tupan tapa katau kuut musa kautdu tapaat gatake namba 8 dakngawik. Sike ita keu Anututa atasiwan maiwik komune akuwik,” ngang angelata unzing nanikut.
31090	REV 19:4	Siwan take aminu 24 ngangu wa yuking gatu sanga kayuk yuaingu gweaat gweaat ngangga gwetake Anutu sia buyambam dakane pukwike kayuak kapae inimbakngake anzing yaking, “Siakan. Ninda Anututane umana asiknga yatangenatnim,” ngang yaking.
31109	REV 20:2	Sike ita kepmaamu waapa tanggaganuke senda gitna siknga wamake gapma amunandang siknga pukukuu wandakaatang mutewan pukukut. Mutewan pukuwana angela waapata gapma wandaka zangutna gitna siknga zanguuke ita Anututane tuwanga zangutna wasane matakut. Matake nakanu 1,000 ngang yuwikge tasikut. Sike kepmaamu waapa gomou tupa siknga yukuunin. Sike tuwang wamu waakngatane yapii aminu aminbamde wamu atemapa yanggak kapa umana Seten ngang inikamang. Sike waapata gapma wandakane yuke aminu kepdakane yuaing aminu gatu kemu panzitnanga dua. Ita unzing yuwawan nakanu 1,000-nu apuyuwik. Siwana masande Anututa sandetewan ita gatu akoke tapduu dapaknga sikngakan kepdakane sukuwik.
31111	REV 20:4	Siwan nata kawawa sia buyambam dakandakane aminu tupan tapaapata pukwike kayuwa kakum. Sike Anututa puya wa aminde aminu kuupbamdane wamna usanzitningge yamukutna kakum. Sike nata kawawa aminu kwaapzangu tupa Anututane wamu gitna take Jesue umana yakapmake kaapzongu wagwen gatu itane weena ngangge tumuk wamu dua yanike yuwawa aminda itane tuwangu wa amindane damanane ba katakngane dua mataking. Sike wa amindane iwanata enake guyakngi matapamaba kuking. Siwan wa amindane uyungata yuwa kakum. Sike wa aminu gatu gweake kayuk yuwa kakum. Sike wa aminda Kraiskat gatake aminbam kayuke tasiwawa kuku nakanu 1,000-da apik.
31112	REV 20:5	Sike wa dangem siknga aminu akumbing katangga enatning. Siwan ngana akupsa aminu kundu tapduu waomune dua gweatning. Aho. Wa aminu nakanu 1,000-nu wa yuwa sandewana akumbing katangga enake kayuk yutning.
31113	REV 20:6	Siwan ninda aminu dangem siknga enatningu wa aminde apbakngake wa aminde natapna aminu nomana siknga siwik. Siwan masanu wa aminda gatuna dua kumning. Aho. Wa aminda Anutuat gatu Kraiskatdane nomune yuke waapaatde puya pasiyamuning. Pasiyamuke wa amikat Kraiskatda aminu kuupbam kayuke tasiwawa kuku nakanu 1,000-da apik.
31114	REV 20:7	Sike masande nakanu 1,000-nu wa yuwan sandewana Anututa Setenu sandetewan ita kaautde yuak kaknga atewik.
31138	REV 21:16	Kuke ita yotbamu wanggapmae kwaim tapatane tuwanga tapan mamayana kwaimu kautdu saak 12,000 sikut. Siwan kwaimu wa tapaat tapaatdane mamayana buya kundukan. Siwan yotbamu wanggapmane yot gwegwenu engende amaande mitanggawa apu enane koke enane siknga kopbut. Siwan itane mamayana tapan kwaim tapatane tuwanga 12,000 sikut.
31139	REV 21:17	Siwan daman gwenu engende amaande tasiwa koke enane siknga kopbutna kakum. Sike angela waapata tuwanga tapan 144 sikut. Siwan angela waapata tuwanga wa pakuu ninu kepdakane yuamang aminda pakamang bingakan papan nambana inata dua sikut.
31141	REV 21:19	Siwan nata suu damanu amaakatang pekingu wa kuupbam kawa suu take siknga inata kundu mani buyambam sikngata usinanga gwegwen pakapu une papa gatakukinga kakum. Sike suu tupan sane suu kundu glas binga umana jaspa ngang yanikaing gwegwen papa gatakuking. Sike suu masan sane suu kundu gang binga umana sapaia ngang yanikaing gwegwen papa gatakuking. Sike banakan sane suu kundu kwaknga umana aget ngang yanikaing gwegwen papa gatakuking. Sike suu namba 4 sane suu kundu gwegwenga umana emeral ngang yanikaing gwegwen papa gatakuking.
31142	REV 21:20	Sike suu namba 5 sane suu kundu gamana umana sadonikis ngang yanikaing gwegwen papa gatakuking. Sike suu namba 6 sane suu kundu gamana siknga umana konilian ngang yanikaing gwegwen papa gatakuking. Sike suu namba 7 sane suu kundu zangwam binga umana krisolait ngang yanikaing gwegwen papa gatakuking. Sike suu namba 8 sane suu kundu gwegwenga umana beril ngang yanikaing gwegwen papa gatakuking. Sike suu namba 9 sane suu kundu gwegwenga umana topas ngang yanikaing gwegwen papa gatakuking. Sike suu namba 10 sane suu kundu gwegwenga umana krisopres ngang yanikaing gwegwen papa gatakuking. Sike suu namba 11 sane suu kundu gang binga umana haiasin ngang yanikaing gwegwen papa gatapbing. Sike suu masan siknga sane suu kundu gang siknga binga umana ametis ngang yanikaing gwegwen papa gatakuking.