13951	PSA 2:2	Kingu kepna kepna yuaingga amak tasinangge tandakngakaing. Tandakngake waaminda natdetdeu takngatukan natake Buyambam tapatane umana tasiwan maiwikge kepie tawakaing. Gatu aminu tapatu Anututa tasiwan ita aminu kuupbam kakuya tasiwik kapa dakngakuu, King yuaingga aminu waapatane umana kuut tasiwan maiwikge kepi tawakaing.
13953	PSA 2:4	Unzing yawan kake Anutu yekaune Kingu kopsa yuak kapata ayanimike sapdut wam yaninggak.
13955	PSA 2:6	Ngan, ita wamu kekeknga siknga waaknga anzing yanikut, “Nata aminu tapatu King dakngawikge aapa gwa yawa yuak. Nata nina tewa Saion kep komune yuak. Ninane tawan takwan daka unin.”
13956	PSA 2:7	Siwan Kingu waapata anzing yakut, “Apmanu nata wamu Buyambam tapata nanikuunin yakapit. Ita na King dakngawitde natake anzing nanikut, ‘Ga natane waaknga. Nata gatane nangga dakngake yuat.
13958	PSA 2:9	Kakuya tasike gata musipbaatangu waaminde butaya natake katakga kekeknga sikngaapata kayuya. Kayuke gata waaminu pake matekmateknga zipbuya. Unzing aminda gapma kwatan gwen zipbukaing binga,’ ngang nanikut.”
13959	PSA 2:10	Siwan wamu waaknga natake ginu King aminda maak gwaang pake yuyukza tapan nomatayok. Ngan, ginu kepna kepna yuainggane tupan amin, ginda wamu aaknga natake, Yako, ngang natake akgwautnong.
13960	PSA 2:11	Ginda Anutuekan akgwauke ie gepbiatang koyutnong. Koyuke ie asatnake ngana ie gatu apbaknganong.
13992	PSA 5:13	Buyambam tapa, gata aminu gae wam natake tasikaing aminde take natayamuke sanga takekan tasiyamunggayak. Gata tuyunggu amin kotnanggak san binga dakngake pakotnanggayak. Katak siknga pakotnawi take yuaing.
14000	PSA 6:8	Natane iwana kwaapzang siknga. Unzingge na musipmaatang meya siknga natake kwanamu sike sike yuat. Kwanama siwa kainata zukngawan nata sanga tapatu katak kananga dua singgak.
14005	PSA 7:2	Anutu, Buyambam tapana, nata gae apuke iwanata nandupnang ngang natake kusopunggat. Kusopuwa gata gatangami aminu atnawaningga dua nutapan kupit. Ngan, gata na tapi nata meya dua papit.
14039	PSA 9:8	Siwan Buyambamtapa Kingu asinggan asinggan yuwik. Yuke ita wam usanzitnangge natake gwa tandakngake yuak.
14043	PSA 9:12	Buyambam tapata King siknga Saion yotbam gapmane yuakge ginu kuupbamda ie kau taike umana aknga yatangenatnong. Yatangenake dongu kuupbamde puya buyambamu ita pasikutde yanikapnong.
14047	PSA 9:16	Sike katum aminda kepdakaatang gapma nin panggaganuwikge kwaiking ngana waaminda ina pimaking. Siakan. Waaminda yapapna nin panangge kaiwan dandakaking. Kaiwan dandakawan ngana yapapnata ina pakut.
14050	PSA 9:19	Siwan ngana asingganu Anututa aminu sangaapana wenae dua botawik. Ngan, aminu wa meyambam pake yuaingga Anutue banip siwan ita gatayamikge kayutning. Kayuwawan ita moo dua kapewan yutning.
14063	PSA 10:11	Ayapbike ita anzing nataak, “Anututa gutonga nata pasinggatdenu nangaakan dua nataak. Ita na dua nanduyuak. Kai gwa dopusangakutde nandupnanga dua.”
14068	PSA 10:16	Buyambamtapa Kingu asinggan asinggan yuwik. Yuke ita katum aminu inane kep komune yuke ie masa imukaingu yanikwasiwan kuke gatukande wena sining.
14074	PSA 11:4	Buyambamtapa yekaune king kapa yuak. Ngan, king kapa yuke aminu kuupbamu kainata akaak. Kake sanga kuupbam tasikaingu usanzikgak.
14089	PSA 13:3	Tapduu zagwene gata meya nata musipmaatangu gwaamukgat taknga sandekngamuya? Kwakngaom ba zikaa datdasing siwana musipmaatang meya nataau yuwik? Tapduu zagwene gata gatangami na iwande gepbiatang yuwau teke gatu dua yuwit?
14093	PSA 14:1	Katum aminu natdetdetna wena aminda inae anzing yakaing, “Anutu dua yuak,” ngang yakaing. Aminu waakwau wai amin siknga. Waaminda sanga wai siknga takngakan tasikaing. Waaminkat nana tapatuta sanga nomanu takngatu dua tasinggak.
14095	PSA 14:3	Siwan ita waaminde yawanggak ngana wena kaak. Kuupbamda kepi noman taknga gwa teking. Aminu wai siknga. Aminu tapatuta sanga nomanu takngatu dua tasinggak. Wena siknga.
14181	PSA 18:51	Buyambam tapata na, Devit, King kapa dakngawitde yakut. Unzingge asingganu ita tasiwan iwana asiknga yapbikgat. Ita tendeknga wena musip gwaang nae natangamunggak. Ita natane dongu masan aatningu ina unzakan musip gwaang natake gatayamik.
14198	PSA 20:2	Tapduu gwendune ga King kapata musipbaatang meya natapinu, Buyambam tapata akgatanggamikge nataamang. Jekopdane Anutunata apme ganduyuwik.
14203	PSA 20:7	Apmanu na gwa nataat. Buyambam tapata aminu Kingu ina yawan yukut tapa gatuna gatangaman take yuak. Ita yot takwana yekap komune yuke tumuk wamu King kapata ininggau atnataak. Natake itane kekeknga akngane gatangaman amau tasike yapbikgak.
14206	PSA 20:10	Buyambam tapa, gata nindane King kapaninu gatangami iwana yapbunzok. Ninda tumuk wamu gae yananu gata akgatanimuyo.
14208	PSA 21:2	Buyambam tapa, King kapa gata kekeknga imukuyakge gae apbaknganggak. Ita amak tasiwan gata gatangami iwana ayapbikgakge gae asiknga baknganggak.
14210	PSA 21:4	Ita gae apan gata gaak wam inike sanga take siknga aknga imukuyak. Sanga imuke ita King dakngawikge natake gata Kinggane kupna gwaam siknga golmonita tasiya gwapakngane gwapungamukuyak.
14214	PSA 21:8	Siwan kingu waapata Buyambam tapae banip tanggak. Anutu enane siknga apata, King kapae musip kwikwiu asinggan natangamuke tasiwan ita kekeknga yuwik.
14249	PSA 22:29	Dasingge? Buyambamtapa King kapa yuke ita aminu kuupbam kakuya pasinggak.
14259	PSA 24:1	Keu andakaat gatu sangabamu ane yuaingu wa kuupbam Buyambam tapatanekan. Kepna kepna gatu aminu yotna yotna yuaingu wa kuut itanekan.
14265	PSA 24:7	Ginu gwambok gwakgwau ginu zitnong. Ginu gwambou tupa siknga nana, ginu gatukande zitnong. Kingu tupan tapa undang kopikge zikngamunong.
14266	PSA 24:8	Sike Kingu tupan tapa mamin? Tupan tapa Anutu awiapa unin. Waapa kekekngana buyambam siknga. Siwan amak tasikengu ita iwana ayapbikgak.
14267	PSA 24:9	Ginu gwambok gwakgwau ginu zitnong. Ginu gwambou tupa siknga nana, ginu gatukande zitnong. Kingu tupan tapa undang kopikge zikngamunong.
14268	PSA 24:10	Sike Kingu tupan tapa mamin? Tupan tapa Anutu kekeknga siknga apa unin. Wa awiapa Kingu tupan tapa unin.
14277	PSA 25:9	Ita noman takngane ie gepbiatang yuke inane umana dua yatangenakaingu yanipake kunggak. Kuke itakan kepi noman takngakan tawaningge yanindamukgak.
14316	PSA 27:14	Siwan gata Buyambam tapae banip sike kekeknga yuyo. Yuke musipbaatang natapi kekekayok. Kekekawan Buyambam tapata gatanggamikge natayuyo.
14333	PSA 29:8	Siwan ita yanggamatawanu itane guyakngi natake keu zongana wena komu ayamukgak. Ngan, ita keu zongana wena komu Kedes ngang inikaingu tasiwan miyamunu buyambam siknga singgak.
14335	PSA 29:10	Buyambam tapata King kapa yuke yanggabam gwenu kuupbam kuyana kayuak. Ita King kapa asinggan asinggan yuwawik.
14342	PSA 30:6	Sike ita kaanga tapduu dapaknga siknga natanimunggak. Natake ngana ita ninde musia kwikwiknga tapduu ninda kayuk yuamang komune natanimunggak. Kai yangganinu zikaane apimakaing. Siwan ngana tembana ninu gatu apbaknganim.
14387	PSA 33:2	Kau noman nomana kulele tanguke taike Anututane umana yatangenatnong. Ngan, ginu kulele napna katau kuut musaatna kaya daka tanguke kau noman nomana tainong.
14399	PSA 33:14	Ita King kapa yotnane yuke enaneta keune nana aminu kuupbamde kaak.
14401	PSA 33:16	Kingu tapatuta amau tasike iwana yawamban kukaingu kekeknga amak aminu buyambamde kekekngane dua yapbikgak. Amak aminda iwana inane kekekngane dua yapbikgak.
14428	PSA 34:21	Siakan. Ita dua pimamban Buyambam tapata take siknga kayuak. Kayuwawan waapatane kwatai tapatu dua puwik.
14471	PSA 36:13	Kanong. Wai aminu kepdakane pimake yuaing. Waakwau gatu enatnanga dua.
14552	PSA 40:4	Siwan gatu ita kau kayuu takngatu taiwitde nanikut. Kau waaknga Anutu ninda banip sikamang kapae umana yatangenatnanga. Siwan nata kau waaknga taiwa aminbamda na nanduke akgwauke Anutue banip sining.
14582	PSA 42:2	Kaap zongu guyaknga kupiawan yanggae isapmake kuke yangga matekngane tangokaing. Ina unzakan, Anutu, na isapmake kuke gae wesim siknga yuwitde take siknga nataat.
14588	PSA 42:8	Gata tasiwi yanggabam gwenu gapma amunandang siknga yuakga gatu uneta amunane siknga yuak gwenda yanggamatanggak. Siwan yangga suptangan zipmake guyakngi muke amundang pukunggak. Pukuke yangga waanga gakngae buyambam yanggak. Gata tasiwi yanggabam gwenu sambui enake kunggak. Kuke kepdaka yanggabam gwenda usukwatapmanggak. Ina unzakan, meya naangan peyaakga na usukwatapmanggak.
14626	PSA 45:2	Natane natdetdetna atangu wamu takeaknga aknga kwaapzang yuaing. Kau takngatu natake getangan king kapae iniwitde nataat. Natane gena penu aminu pepa matanggau take apata matanggak binga.
14629	PSA 45:5	Ga Kingu tupan tapa, umanda kayaapa yuayak. Gata ikwawa gamanu hos gwene pukwike kuku amak tasike yapbikgaunin. Gata kuku amau tasinggaau wa noman amin gatayamunangge tasiyo. Tasiwi kepi noman tapa tawaningge. Ngan, inane umana dua yatangenatningge. Gata amau kekeknga siknga tasiwi wai aminda ganduke gwauya siknga natapnong.
14645	PSA 46:3	Unzingge sanga takngatuta aawan kanimdenu dua gwautnim. Keu andaka miamunda tasiwan take dewik ba take pukapik. Siawan tawan dakandaka puke yanggabam gwende banakan katang pimapan kakengu ninda ie dua gwautnim.
14648	PSA 46:6	Anutu yotbamu wanggapmane yuak. Unzingge itane yotbam gapma wai sinanga dua. Keu dua kwakaawan Anututa akgatangamik.
14666	PSA 48:2	Buyambamtapa umana kopsa apa yuak. Ninda tawanu Anututane dakane kopna. Koke itane yotbam gapmaatang kopna. Koke ninda itane umana kumzang yatangenatnim.
14670	PSA 48:6	Waaminu kuku yotbam wanggapma kake zeetgaman akasatnaking. Kasatnake asiknga gwauke waakwau atdatakuking.
14678	PSA 48:14	Ginda Saiondane damanu kekeknga siknga gwegwende katak siknga natapnong. You kekeknga gwegwende kuut katak kanong. Kakenga aminu masan aatningu ginda yanikapnong.
14703	PSA 50:3	Anututa ninde asapik. Sike waapa dua wikake yuke apik. Wena siknga. Katap gwenu sangabam yasiwan kumnanga tupan kuwik. Sike gotkat sopaat kumzang siknga unin takumbasiuuk apik.
14710	PSA 50:10	Kaap zongu zongaatang yuaingkat gatu kao tawan dakandakaatang yuaingu, wa kuupbam natanekan.
14711	PSA 50:11	Kwait gwegwen, kaapzong gatu gwakgwau sakganang tangaatang sukukaingu, wa kuupbam natanekan.
14712	PSA 50:12	Sike na tomma natakengu nata dua danikapa natapning. Wena. Kepdakaat gatu sanga une yuaingu, wa kuupbam natanekan.
14753	PSA 52:9	Kanong! Aminu aapa Anututa gatangamuke tapan kekekawikge dua natapbut. Ita baniu kekeknga siknga sangaapana buyambamdekan natapbut. Gatu, waiaknga nata tasike take apme yuwit, ngang natapbut.
14757	PSA 53:2	Katum aminda inae anzing yakaing, Anutu wena. Dua yuak ngang yakaing. Aminu waakwau wa wai siknga. Ita tasikaingu waiakngakan tasikaing. Iat nana tapatuta take takngatu dua tasinggak.
14759	PSA 53:4	Siwan ngana wena. Aminu kuupbam kepi noman taknga gwa teking. Kuupbam ina unzakan, aminu wai siknga akwak. Iat nana tapatuta nomanu takngatu dua tasinggak. Wena siknga.
14802	PSA 56:7	Natake waaminu unekan yuke akusopuke yuaing. Kepi nata sukunggau katak siknga kakenga na nutapan kupitde tasikaing.
14891	PSA 63:4	Kepdakane kayuk yutnanga aknga take ngana gatane musip kwikwik kakngaka gwaam siknga. Unzingge nata gatane umanda yatangenawit.
14965	PSA 68:13	Sike wamu waaknga anzing, “King kapaapaat gatu amak aminaat kuupbam gwa datakuking. Siwan maya yotna yukingga sanga wawita amak gwene pakingu usanzike paking.
14983	PSA 68:31	Gata kaap zong gwenu pitam gatang yangga napnapna kaya komune yuak gwenu kaanga iniyo. Ngan, gata aminu wa kau wawi gwegwen ba mateknga gwegwenda binga tasikaing aminu kaanga yaniyo. Kaanga yaniwawina munu gae puke silwa ngang yanikaingu inane pake gamuning. Sike aminu wa amak tangenake tasinangge take siknga nataaing aminu ayanikwasiwi datakunong.
14993	PSA 69:5	Sike aminda nae yumdekan iwana dakngakaing. Waakwau kwaapzang siknga. Natane gwapak danggama ita gwa yapbiking. Sike iwanata kem yake yapiina wena nutapan kupitde akekekakaing. Na itane sanga tapatu kukae dua pakum, ngana kemu kwaapzang siknga yake temanggaganuke nanikaing. Kem taknga yawan ninane sanga kundu yamukum.
15038	PSA 71:7	Sike aminbamda meya takngatu takngatu nata kakumu akaaingunin. Kake sanga unzing siknga ninde ba apik, ngang atnataaing. Siwan ngana gatakan na kekeknga siknga kakuya tasinggaak.
15050	PSA 71:19	Anutu, gatane noman takngaka buyambam siknga enane siknga konggak. Kopan apmanu waaknga aminbamde kaine aanggaman siknga yuak. Sike gata puya buyambam siknga tasikuyak kapanin. Keu andakane nana tapatu ga binga dua yuak. Wena. Gata kuupbam yapbikuyak.
15054	PSA 71:23	Yatangenake kapza taiyuuk apbakngawit. Kaau wa taiwiu gae taiwit. Dasingge, gata na gwa takuyak.
15056	PSA 72:1	Anutu, gata King kapa gikane nomana akngaka katak siknga inindamumso. Siwana aminu wam yanangge apningu katak siknga usanziwik. Ga wamu nomana akngakan yanggayaunin. Unzingge gata kingu waapa gatangami ita wamu noman gan usanziwik.
15059	PSA 72:4	Sike King kapata meya pakaing amindane meyana katak panomanuwik. Panomanuke ita aminu sangaapae dapmakainggane waatdakana akgatayamik. Gatayamuke ita aminu notnaapa pasiwan mainingge tasining aminu yake ayaipakepu pewik.
15061	PSA 72:6	Ngan, gata tasiwi Kingu waapa aminu gwaam tapa dakngawik. Siwan itane nomanaaknga sopata puyaatang pimake pasiwan nanamda takekan akokaing binga siwik.
15063	PSA 72:8	Siwan ita King kapa yuke aminbamu yanggabam gwene wesim yuaingkat gatu yanggabam gwene maa siknga yuaingkat kakuya tasiwik. Siwan itane kepna yangga Yufretis tapaneta tuwanguke kuku kepna kepna kuwan sandewik.
15064	PSA 72:9	Sike aminu zongana wena kepbanu saibumbumna kaya komune yuaingu Kingu waapatane gepbiatanggan koyutning. Koyuwawan itane iwana kepdakaatang pimake yutning.
15065	PSA 72:10	Siwan Kingu Spen nanaapaat gatu Kingu yanggabamda ngwapbasiwan keu mateknga banakan yuaingune nanaatda musip gwaangge sanga kundu ie imuning. Siwan Kingu Arebia nanaapaat gatu Kingu Seba nanaapaatda ie takis pakapu imusan.
15066	PSA 72:11	Kingu kuupbamda waapae munu puke inimbaknganing. Siwan aminu kepna kepna yuaingu kuupbamda itane puya pasingamuning.
15067	PSA 72:12	Dasingge, Kingu waapa sangana wenata iniwanu ita akgatayamik. Ngan, aminu wa sangaapae atdapmakaing aminu kunduta dua gatayamanu, ita ina akgatayamik.
15070	PSA 72:15	Nata nataau Kingu waapa tapduu mamaya yuwikge nataat. Yuwawan Arebia nana aminda gol moni ie moo imuningge nataat. Siwan aminbamda Anutue tumuk wam iniwawan ita Kingu waapa asinggan gatangamikge nataat. Siwan tumuk wamu waaknga Anututa tasiwan King kapa take yuwikge ininingge nataat.
15072	PSA 72:17	Siwan nata nataau aminbamda Kingu waapatane umanae dua botaningge nataat. Dua botake tapdukbamu gunzit gwenda asinggan ena yekaune akowawan waaminda kingu waapae umana yatangenatningge nataat. Siwan aminu dongu kuupbamu Kingu waapata take siknga gatayamik. Siwan waaminda yake waapae wamu take siknga aknga aknga asinining.
15092	PSA 73:17	Nata tasitakuusika nata Anututane yotnane kopbum. Koke yuwawa natane natdetdetna kakaa sikut. Siwan waomunea sanga wai aminde aawik takngaenu natapbum.
15093	PSA 73:18	Gata pasiwi waaminu kepi saweknga sikngaapane kukaing. Kuwawa gata pasiwi pimake gatukande maining.
15110	PSA 74:7	Zipmakapmakenga gatane yotda gwekaa katapda satewan isikut. Katapda satewan isiwawa you take siknga gikae yutnangge yawi yukut gwen tasiwan wai siknga maikut.
15115	PSA 74:12	Siwan ngana Anutu, tupa siknga ga nindane King kapanin dakngake yukuyak. Siwan apman kaa ga nindane king kapa yuayak. Unzingge gata asinggan gatanimuke nin gatuka papi amak gwekatang meya dua pakamang.
15130	PSA 75:4	Siwan anzing yakut, “Kepdakata saasitakuwan aminu une yuaingga tanggaganuwa kekeknga yuwik.
15150	PSA 76:13	Sike gwapaknga amin yamandet sikaingu ayaipakepunggak. Kingu kepna kepna yuaingga ie asiknga gwaukaing.
15192	PSA 78:21	Ayok. Buyambam tapata waamindane wamna natake kaanga siknga natapbut. Kaanga natake ita katau enandangga Jekopdane dongge tewan epbut. Sike Isrel nana aminde kaanga natapbut taknga kuku buyambam siknga sikut.
15205	PSA 78:34	Sike Anututa aminu kundu atzipan kumbing. Kupa kake dua kumbing aminu musia kapzang tapatekwamban ie apuke tumuk wamu kekeknga iniking.
15216	PSA 78:45	Gatu itakan ingut kat gwapbam pat kwaapzang siknga pewan waaminde kuking. Kuke ingutda ayasiwawan gwapbamda sanga puya naatang nana kwaapzang pasiwa maiking.
15226	PSA 78:55	Keu waomune apuke dongu kundune nana ita yanikwasipewa kuwawa inane dongata pakapu yuking. Pakapu yuwana ita keu usanzike dongu Isrel nanae yamutakukut. Siwana yotna mitake une take yuking.
15250	PSA 79:7	Dasingge, dongu waakwakga ninu Jekopdane donga notninu kundu atzipa kumbing. Kupan nindane kepmin kaa asiknga pasiwan maiking.
15266	PSA 80:10	Kwainangge natake gata keu wandaka tapi kakaawan gwa kwaikuyak. Kwaiwi takake waapatane muyakngita puku taawan wa apa buyambam siknga takake keu kuupbam gepa tasikut.