13977	PSA 4:7	Siwan aminbamda yakwaik wamu yumdekan anzing yakaing, “Mamin tapataka ninu take gatanimik?” Buyambam tapa, gata ninde musip kwikwik natanimuke gatanimuyo.
14003	PSA 6:11	Natane iwanata meya buyak yuke nangaakan natapning ngangu nata atnataat. Nangaakan natake maaknga siknga natapning. Maaknga natake zeetgaman na napmake kuke datdaptake sukuning.
14056	PSA 10:4	Masa imuke na kopsaapa yuat ngang musiane moo siknga nataak. Natake Buyambam tapae dua natapan singgak. Aho. Natdetdetnaatangu Anutue dua siknga nataak.
14155	PSA 18:25	Buyambam tapata natane noman taknganae natayukut. Natangamuke yake yuyuu take aknga namukut. Minae, nata ie kaine dundumna yukum.
14189	PSA 19:8	Mama wamu Buyambam tapatane taknga noman siknga. Siwan Buyambam tapatane wamda ninde banip tangenakgak. Siwan ninu mama wamu Buyambam tapatane takngae banip siknga sikamang. Sike ita natdetdeu nomanu aminu natdetdetna matekngae ayamunggak.
14193	PSA 19:12	Mama wamu gatane akngata na gikane puya amindae gwaut wam naninggak. Naniwan natake nata gatane mama wamba tawanggatde gata natane yuyuknga tasiwi take siknga singgak.
14231	PSA 22:11	Na mingata tangaiwan baniu gae sikumuneta apu apman apunggak. Mingata kayuk siknga takuune ga natane Anutuna yukuyak.
14239	PSA 22:19	Sike waaminda natane taukngae kas binga tasike usanzike natane tauknga, “Mamindaka tapik,” ngang natake tasike sandu sandu inandek inandek pakaing.
14261	PSA 24:3	Mamin amin tapata tawanu Anututa yuak dakane take kopik? Wena. Sike mamin amin tapata Anututane you takwan buyambam gwenu yuaune take koke yuwik? Wena siknga.
14280	PSA 25:12	Mamin aminda Buyambam tapae gwaukaing? Aminu wa Buyambam tapae gwauke Buyambam tapatane wamna tawambanu, Anututa kepi nomantapa yeuyamik. Yeuyaman waapane kuninggen.
14293	PSA 26:3	Minae? Gata asinggan musip gwaang natangamunggayak kakngae natanggamatake nata gatane wamu noman takngakan asinggan tawanggat.
14297	PSA 26:7	Munu puke nata kap takngatu taike gae gaak ganiwit. Ganike nata aminu kuupbam puya gata noman taknga tasinggayakge yanikapit.
14315	PSA 27:13	Siwan nata anzing natapa kekekanggak. Masande Anututa aminu inane take siknga toimban nata kayuk yuke kawit.
14367	PSA 31:18	Buyambam tapa, nata gae yangawawa gata gatangamuyo. Gatangamuke iwana ma kapewi waaminda na napbimbam. Sike gata kapewi wai aminda apmaakaning. Maakake waaminda gena kusiwan yusika matmat gwene pukuning.
14376	PSA 32:2	Siwan aminu tapatu waiaknga tasinggau Buyambam tapata yawan aminu waapatane gutongana apmanu wena siwanu aminu waapata apbakngayok. Musiaatangu kem taknga aknga dua natake tawanggak kapanin.
14379	PSA 32:5	Masande nata waiakngana gae yakapbum. Nata waiakngana dua takusopukum. Sike nata anzing yakum, “Nata waiakangana kuupbam Buyambam tapae yakapit,” ngang yake nata yakapa gata waiakngana kuupbam asandekngamukuyak.
14427	PSA 34:20	Meya kwaapzangga amin nomande apba apning, ngana Buyambam tapata gatayaman meya waakwakga pasiwan dua pimaning.
14554	PSA 40:6	Anutu, Buyambam tapana, gata puya nomanu kwaapzang nin gatanimunangge tasikuyak. Aminu ga binga tapatu wena. Gata asiknga yapbikuyak. Sike nata gae wamu amin yanike puya gata tasinggayakge gatu natdetdet takngakaatde yaniwiu mateknga dua. Mate! Sanga wa kwaapzang siknga. Gata sangabamu nin gatanimunangge pekuyau kendetnanga dua.
14560	PSA 40:12	Buyambam tapa, na atnataat. Musip kwikwiu gatane aknga nae natangamunangge ma kotnawim. Wena! Gata nae butaya asinggan nataayak. Gata nae take natangamuke gata wam noman takngaka tawanggayak. Waaknga tawake gata na kakuya asinggan tasinggayak.
14561	PSA 40:13	Meya kwaapzang siknga nae apan nata natdetnanga dua singgak. Gutonga aknga nata tasinggat takngata na atnutapan pimake kawa sananga dua singgak. Gutonga aknga kwaapzang sikngata natane gwapak danggama ayapbikgak. Siwan natane musipma tuyuknga siwan na kekekananga dua singgak.
14587	PSA 42:7	Anutu, nata musipmaatangu meya siknga nataat. Sike na yangga Jordan tapatane kautdu saak yuat. Gatu tawanu Hermon gatu Miza ngang komune yuke gae natanggamatanggat.
14638	PSA 45:14	Maya mateu kinggane waapa yotna inatakan pekgak gwekatang yuwan kana gwaam siknga singgak. Sike tauknga sanga tretgol ngang yanikaingga pasikaingunin pasike yuak.
14696	PSA 49:17	Sike aminu tapatu moninga kwaapzang ba siwik. Siwan yotna buyambam gwendu mitapik. Mitake sangabamu paku undang pewik. Undanga. Ga ie nangaakan ma natapim.
14697	PSA 49:18	Ga atnataayak. Masande waapa akupik. Siwan sanga tapatu dua take inaat kusan. Sangana kuupbam dua pake akupsa aminda yuaing komune kuwik.
14775	PSA 55:4	Natane iwanata na tasiwan maiwitde wamu kekeknga yakaing. Yake waaminda kumzang nanduyake dua tewan nanduyuaing. Unzingge musipmaatangu natapa take dua singgak. Na musipmaiu atnataat. Dasingge, waaminda musiptou nae kwaapzang natangamuke kaanga nanikaing. Meya akngata na tasiwan gatukande mainanggenggat.
14778	PSA 55:7	Ayok! Nata anzing yakum, “Butaya, na piana kwaitdane binga kaa gamun. Manggamu bepmake kuke paku keu komdune yuwa takawan.
14804	PSA 56:9	Meya gwaamuke nata musipmaik nataau, ga atnatapinaa kwanamu sike yuat. Unzingge gata waakngae atnatanggamatayuuk, gikane buk gopatangu gwa matakuyak.
14830	PSA 58:9	Sike gatu waaminu gapanda kepdakane kungwake kapanga sike sopukaing binga kuut sinong. Gatu engangga mingae musiaatang kungwakaing binga kuut sinong. Masande mingata tangaiwanu gunzit gwenu dua kawik.
14841	PSA 59:8	Natapso. Waamindane wamna wai siknga siwan genaneta suyapbikaing. Unzing bainat taknga gena toknga aknga suyapbikaing binga. Siwan ngana anzing yakaing, “Maminda ninda yanimu natapning?”
14860	PSA 60:9	“Gileat kep kopat gatu Manase kep kopat wa natane, sike Efraim kep komde natapa natane kapa kupma binga singgak. Siwan Juda kep komu kinggane gusoknga binga ngang nataat.
14861	PSA 60:10	Sike Moap kep komu nata dopangbamu yanggane saukgat gwen binga ngang nataat. Siwan Idom kep komu natane kep kom dakngawikge natake kepi tauknga keu waomune mumba kunggak. Siwana nata amak tasike Filistia aminu yapbimbit. Yapbike keu waomde apbakngake asainggamatawit.”
14938	PSA 66:14	Dasingge? Meya nae apan sanga katapatang kuutgan sawa kapanga kaya aknga singgau gae ganimbakngawitde natake gamunangge yawa kekekakut.
15037	PSA 71:6	Asingganu na gae kataune yuke kepi sukunggat. Mingata tangaikut komuneta kakuya tasinggawi apu apman apunggak. Unzingge nata gatane umanda asinggan yatangenawit.
15171	PSA 77:21	Siwan ga tupan kayuke kuwawi gatane amindabamda masan gawaking. Gata puya waaknga Moses kat gatu Aron katde yamukuyak, siwan waapaatda kakuya pasikumayak.
15195	PSA 78:24	Ziwan nanamu Mana ngang yania pewan kepdakane pimapa pake naking. Sike wa nakingu nanamu yekaune nana yaman naking.
15259	PSA 80:3	Apan ninu Efraimde dongaat gatu Benjaminde dongaat gatu Manase nganggane dongae kakaa waaknga aanggaman tasiwi kanim. Ngan, kekeknga buyambamu waakngaka ninde yeutnimuke apu gatanimi ninda take yutnim.
15268	PSA 80:12	Sike nau waapatane kaingata kuke nambis buyambamu Mediterenian gatu yangga buyambam tapatu Yufretis ngang yanikainggane kwaimune kuking.
15284	PSA 81:8	Sike tapduu ginu meya buyambam paking komune nae yanawaking. Yanawamban nata gatandama ginda take yuking. Na ena kakaa gakngatda yanggakge banakan kusopuke yuat komuneta tumuk wamu yakingu natake gatandamukum. Siwan ginda yangga gapma Meriba ngang iniking komune yuwawa nata tanziu pasikum.
15308	PSA 83:7	Aminu wamu waaknga yakaingu wa Idom kep komune nana gatu Ismael kem komune nana gatu Moap kep komune nana gatu Itakri kep komune nana gatu
15311	PSA 83:10	Siwan gata tupa aminu keu Midian komune nana aminde tasikuyak takngakan waakwakgea tasiyo. Ngan, gata aminu Sisera gatu Jambin yangga buyambamu Kison tapane yukumayakge tasikuyak takngakan tasiyo.
15326	PSA 84:6	Mamin amindaka gatane kekeknga akngaka take tawanu Saion dakane siknga kopnangge take siknga nataaingu, waaminda asinggan baknganing.
15370	PSA 87:6	Buyambam tapata dongu kundu kundune nana amindane umana matawik. Matake, “Aminu aapa Jerusalem nanaunin,” ngang matawik.
15395	PSA 89:5	Siwan nata anzing inikum, “Masande aminu gatane dongune nana aatningu kuut kingu dakngake yutning. Sike asingganu gatane dongune nana tapatu tasiwa king dakngake yuwik.”
15416	PSA 89:26	Siwan kepna imiu yanggabamu Mediterenian gweneta kuku yangga buyambam tapatu Yufretis ngang inikaingune sandewik.
15439	PSA 89:49	Maminda asinggan asinggan yuke dua kupik? Maminda kekeknga yuke aminda kupan kwaipeaing komune dua kuwik? Unzing binga aminu tapatu wena. Wena siknga.
15513	PSA 94:16	Maminda enake na gatangamuke wai aminu yaipakepu pewik? Maminda enake na gatangaman gutonga tasia aminda nutnangge natake tasiwa maiwik?
15528	PSA 95:8	Buyambam tapata anzing yakut, “Ginda musipza kekeknga ma wamakusiwam. Unzing tupa bapusaat Moseskat keu komdu umana Meriba gatu Masa ngang inikaing komu sanga wena kepban komune tasiking bingan.
15530	PSA 95:10	Tanzit tasiwawa nata musipmaiu waaminde natayuwawa kuku nakanu 40 sikut. Unzingge nata anzing yakum, ‘Musipnaatangu nae dua nataing. Asingganu kepi nata teyamukum tapa ateaing.’
15541	PSA 96:10	Sike ginda aminu keu komdu komdune nana kuupbamu anzing yaninong, “Buyambamtapa king kapa yuak.” Siwan ita kepdaka tapan kekekawan saa sinanga dua. Masande Buyambam tapata kepi noman takngane wam usanzike aminbamu yuyuknga yuaing kakngane usanziwik.
15546	PSA 97:2	Minga gatu zikaa aknga ngangga Anutu banakan yuwawan atakumbasikamayak. Atakumbasiwawat ita kepi noman takngane tawake aminu usanzike kayuak.
15552	PSA 97:8	Munu puwan kake Saion nana aminu kuupbam gatu yotbamu Juda nana apbakngakaing. Ngan, aminu Juda kep komune yuaingu kuupbamda banip gwaangu gatane kot natake apbakngakaing.
15571	PSA 99:6	Sike Moses gatu Aron ngangu Buyambam tapatane pris tapaat dakngake yukumayak. Siwan Samuel kaya Anutue mun puke inikaing aminkat nana tapatu waaminda Buyambam tapae tumuk wam iniwawa tumuk wamna atnatapbut.
15590	PSA 102:3	Siakan. Meya buyambamda nae apan kakengu ga nae ma kusopuwim. Sike nata tumuk wamu gae yawanu gata maak pake natane wama natake zet gatangamuyo.
15604	PSA 102:17	Masande Anututa Saion yotbam gapma gatu tangenakengu ita inane kekekngana aminu kuupbamde ayeuyamik.
15623	PSA 103:7	Sike tupa Anututa sanga kundu tasinangge natapbutde Moses inikut. Siwan ita puya kekeknga aknga aknga pasikuu Isrel nanae yeuyamukut.
15650	PSA 104:12	Sike kwaitda yotna katau yangga kwaimune akopsa dakandakane mitakaing. Mitake katap kaingune yuke wamna yakaing.
15688	PSA 105:15	Sike ita kingu waakwau anzing yanikut, “Nata waaminu natane puya pasingamuningge yawa yuking. Ginda waaminde wai takngatu ma tasiwam. Siwan ginda gatu natane yakapsa amina kuut ma pasiwa maiwan. Ma siknga tasiwam.”
15699	PSA 105:26	Siwan masande Buyambam tapata Moses, inane puya amina, gatu Aron, inae yawan yukut tapaat ngang yanipewan Isip kep komune kukumayak.
15720	PSA 106:2	Mamin amin tapata sanga kekekngata pasikutde wamu yawik? Aminu tapatuta sanga waaknga kuupbamde yananga dua. Ngan, mamin amin tapata sanga kuupbamu ita takeaknga aknga pasinggak kaknga yanikapan natake umana yatangenawik? Sanga wa kuupbamde natdeke yananga dua.
15734	PSA 106:16	Sike keu sangana wena komune yuke aminu kunduta Moseskat Aronkatde musiane atemna natayamuking. Aminu waapaau Buyambam tapatane puya amina.
15741	PSA 106:23	Siwana Anututa inane aminabamu apasiwan mainingge yakut. Yawan ngana Moses, puya aminu Anututa ina yawan yukut tapata Anutue kaine yukut. Yuke Isrel nana gatayamuke Anututane musiptok kaknga asumukut. Siwan Anututa dua pasiwan maiking.
15746	PSA 106:28	Masande waomune yuke Peor yot gapmane anutu pupuknga Bal ngang inia apae munu puking. Munu puke anutu pupuknga kayuk dua yutnangae ofa yamukingu atnaking.
15750	PSA 106:32	Sike gatu Isrel nanata yangga Meriba apane yuke sanga wai tasiwan Anututa kake kaanga natapbut. Siwan gutonga wa tasiking kakngae Mosesda meya pakut.
15751	PSA 106:33	Waaminda tasiwa kake Mosesda musiane wai siknga natake wamda dopan wamu noman dua yakut.
15759	PSA 106:41	Meya natayamuke ita akapewan dongu kunduta yapbike kakuya pasiking. Unzingge iwanae gepbiatang koyuke ie kataune yuking.
15762	PSA 106:44	Siwan ngana Buyambam tapae tumuk wam yawanu tumuk wamnae maau apakut. Maau pake meya buyambam pake yukingge butaya natayamukut.
15778	PSA 107:12	Yamasandewawa ita puya kekeknga siknga yamuwawan musiaatangu meyambam natapbing. Meyambamu wa natapbing kakngata zipan pimapa aminu gatayamunanga wena sikut.
15818	PSA 108:9	Keu Gileat kopkat gatu keu Manase kopkat wa natane. Sike keu Epraim komu amak amindane kupna kekeknga siknga binga nata gwapunggat. Siwan Juda kep komu kinggane gusoknga binga tanggat.
15819	PSA 108:10	Siwan Moap kep komu dopangu nata yangga saikgat gwen binga singgak. Sike aminu tapatu keu komdu inae tanangge natake kepi tauknga waomune mumban kunggak kaknga tawake Idom kep komune nata kepi tauknga mumba kunggak. Sike nata Filistia kep komune amak tasike waakwak yapbike nata apbakngake aibakngawit.”
15845	PSA 109:22	Dasingge, na sangana wena siknga yuke moo siknga yuat. Moo yuke natapa wai siknga singgak.
15852	PSA 109:29	Sike natane iwanata nae atemapa yakaingge maaknga buyambam paningge nataat. Maaknga waakngata aminu gatukande usikwatapik. Usikwatapan aminbamda maaknga waaknga natapningu aanggaman take kaning.
15858	PSA 110:4	Buyambam tapata wamu takngatu gae anzing gwa yawan kekekakut, “Gata pris tapa asinggan asinggan yuya. Siwan ga Melkisedek binga apa dakngaya. Anututane puya pasikut tapa yukutna nataamang. Ge Buyambamtapa wamu siakan yake wamu ina yanggau dua sandekgak. Siwan wamna asinggan yuwik.
15872	PSA 112:1	Buyambam tapatane umana yatangenatnong. Mamin aminu tapatuta Buyambam tapae akgwauke itane mama wam tawanangge take siknga natapiu Anututa take tasingamik.
15926	PSA 116:10	Siwan nata banip sike anzing yakum, “Meya buyambam siknga akngata na usikwatapmanggak.” Unzing yakum ngana nata Anutue banip sikum.
16037	PSA 119:71	Gata meya aknga namukuyakge natapa take singgak. Dasingge? Meya waakngata gatangaman mama wambae take siknga natdekum.
16057	PSA 119:91	Mama wamu gata tupa yakuyau apman kaya unzing yuak. Ngan, sanga kuupbamda gikae banip tawakaing.
16078	PSA 119:112	Na gatane mama wamu kuupbam tawanangge gwa natapa kekekanggak. Mama wamba tawake yusika kupit.
16143	PSA 120:1	Meya takngatuta nae apanu na Buyambam tapae yatawanggat. Yatawamba ita tumuk wamma natake gatangamunggak.
16147	PSA 120:5	Na gin banakan wai yuat. Sike wai wa yuwau keu komdu Mesek gatu Kedarde banakan binga yupmainggat.
16184	PSA 126:1	Aminu kunduta kauutde pewan maikumang. Siwan ngana tapduu Buyambam tapata Saion gatu ninipakapbut kopatangu ninda anzing natapbumang. Mia moo ba kaamang ngang natapbumang.
16185	PSA 126:2	Unzingge ninda minu kumzang mikumang. Mike kap taiyuuk kumzang bakngakumang. Siwan katum aminu kepna kepna nana aminda kake anzing yaking, “Buyambam tapata Isrel nana gatayamunangge puya buyambam siknga tasikut,” ngang yaking.
16351	PSA 141:6	Meya wa yamiyau aminu waakwakgane tupan tapaapa pake damedakane mupewan pukuwanu, wai aminu waakwakga apme natdetning. Natane wamma siakan gan yakum ngangun.
16363	PSA 142:8	Gata na meya waaknga kaaune sandeke tapi na take yuwit. Unzingge gatane amindabamu unekan gwa yuwan kakengu gatane umanda yatangenawit. Minae, gata nae take tasikuyak.
16364	PSA 143:1	Buyambam tapa, natane tumuk wamma gata natapiakge nataat. Maakga tewi kwanamu nata singgatde apsok. Ga noman siknga siwan puya noman gan asinggan pasinggayak. Unzingge natane tumuk wamma asiknga natake gatangamuyo.
16375	PSA 143:12	Gata nae take siknga nataayak. Natake gata iwanaat gatu na tasiwan maikum kat zipi kumning. Minae, na gikane puya aminda.
23223	MAT 1:10	Siwan Hesekaiata Manasatane nana. Siwan Manasata Emosdane nana. Siwan Emosda Josaiatane nana.
23228	MAT 1:15	Siwan Elaiatda Eliesatane nana. Siwan Eliesata Matandane nana. Siwan Matanda Jekopdane nana. Siwan Jekopda Josepdane nana.
23229	MAT 1:16	Siwan Josepda Mariatane apna. Siwan Mariata Jesu tangaiwan umana Krais ngang inikaing.
23231	MAT 1:18	Siwan Josepda Maria maatnae tapikge gwa yawan ngana dua takut. Tapduknga atapikge gwenu dapaknga siwan Anututane Waung Kapata tasiwan Mariata musiaapa siwan kaking.
23232	MAT 1:19	Kawa ngana Josepda aminu nomanaapa yuke wepda inikwasiwa kuwik ngang natapbut. Mariata maaknga dua natapikge ngang natake
23233	MAT 1:20	dapun peke mia takngatu kakut. Kawawan Anututane angelata apu anzing inikut. Josep. Devitdane dongune aakuyak kapa. Maatdae tapiyakge nangaakan ma natapim. Take tapso ngang inikut. Inike Anututane Waung Kapata tasiwan musiaapa sikut.
23236	MAT 1:23	“Maya mateu tapatu wawi tapatue dua kukut tapata musiaapa siwik. Sike engangu wawi wa tangaiwik kapatane umana Emanyuel. Tana tekwamban, ‘Anutu nikat gatake yuamang,’ ngang inining.” Ngang wa yakapbut taknga buya unin siwikge natake angelata Josep unzing inikut.