13967	PSA 3:6	Siwan zikaane na dapuna peke apepbotanggat. Pesika gatuna enake na take yuat. Dasingge, Anututa na kakuya katak siknga nanduyuak.
14067	PSA 10:15	Gata wai amindane kataknga puke kekekngana pasiwi sopunong. Pasiwi sopuwan kotim tasike waiaknga waaminda tasikaingu gatu dua tasiwan kaya.
14176	PSA 18:46	Puke kekekngana wena siwan ita yotbamdane damanu kekeknga siknga gwen gwen peke yamuyamuiike nae apukaing.
14215	PSA 21:9	Ngan, ga king kapata iwanda kuupbam panggaganuwiyak. Panggaganuke aminu gae apbitakaing aminu kauutde peya.
14370	PSA 31:21	Gata waaminu gika yuayak komune inengan pakusopunggayak. Pakusopuwawi aminda wam yawan kekekawan zipnangge tasiwa maiwik. Gata aminu gae gepbiatang yuaing aminu katak siknga pakusopunggayak. Siwan iwanata wamu waiaknga yaningga waaminu dua pasiwan maining.
14383	PSA 32:9	Gata ikwawa gamanu hos ba dongki binga dua dakngawim. Sike ikwawa wa gweayau natdetdetna wena. Unzingge gata ainu napna mamaya dakau genane peyo. Peke nap takngaat peke panomanuwawi wanggwak kuson. Sike gata unzing dua tasiwinu gata natapiak kaknga dua tawasan.”
14450	PSA 35:20	Sike gatu wamu kundusim paa nomanu takngatu notnaapaat katak yutnangge dua yakaing. Pout tasike wamu kundu yakaingu aminu nomanu kem wam yanike pasiwan mainingge yakaing.
14524	PSA 38:13	Siwan aminu atnutapan kupitde nataaing aminda yapapna ba bungepna ngangu na tanggaganuwikge pandakngake peaing. Peke waaminda na tasiwan maiwitde wamu wai yakaing. Siwan asinggan nae waiaknga tasingamuningge nataaing.
14588	PSA 42:8	Gata tasiwi yanggabam gwenu gapma amunandang siknga yuakga gatu uneta amunane siknga yuak gwenda yanggamatanggak. Siwan yangga suptangan zipmake guyakngi muke amundang pukunggak. Pukuke yangga waanga gakngae buyambam yanggak. Gata tasiwi yanggabam gwenu sambui enake kunggak. Kuke kepdaka yanggabam gwenda usukwatapmanggak. Ina unzakan, meya naangan peyaakga na usukwatapmanggak.
14720	PSA 50:20	Gatu ginda notzaapa kot yaningge pakukaing. Pakuke waaminde ginda masa wam yanikaing. Sike ginda sapdut wamu minggatane waakngae inisapdukaing.
14787	PSA 55:16	Gata katewi kungwak kakngae dua nataaing ngana waakngata iwana apu papsok. Papan ninu kayuk take yuamang ngang yakaing ngana nata nataau gapmaatang gwa kupsa aminda yuaing katang pukuningge nataat. Dasingge, aminu waakwakga yotnaatang yuke waiaknga kundu pasikaing.
14794	PSA 55:23	Siwan ngana gata meya gwaamumbiyau, wa gata Buyambam tapatane katakngine peyo. Pewi ita gwaamuke ga tapan kekekaya. Sike ita dua kapewan sanga takngatuta noman aminu pasiwan maining.
14921	PSA 65:11	Gata sopa nindane puyanine kwaapzang pewi pimakaing. Pimake kepatang pukukaing. Sopa yanggata kepdaka tanguwan wikawan nanamu take enakaing.
14928	PSA 66:4	Aminu kepna kepna yuaingga gae munu pukaing. Puke gae kap taike gatane umanda yatangenakaing.”
14935	PSA 66:11	Gata nindupewi aminda ninu yapapnane gwa panggaganuking. Panggaganuwa gata meya ninde buyambam gwa penimukuyak.
14971	PSA 68:19	Anutu, tapduu gata tawanu enane siknga dakane kopbuyak komune gata kaaut aminu dongu buyambam siknga papi iat gatake kuking. Siwan gata yamandet aminu sangana gae moo gamukingu payamukuyak. Pake ga Anutu, Buyambamtapa yuayak kapaninu tawanu waandakane yutnangge natake tasikuyak.
15059	PSA 72:4	Sike King kapata meya pakaing amindane meyana katak panomanuwik. Panomanuke ita aminu sangaapae dapmakainggane waatdakana akgatayamik. Gatayamuke ita aminu notnaapa pasiwan mainingge tasining aminu yake ayaipakepu pewik.
15071	PSA 72:16	Sike nata nataau rais gatu wit ngangu kwaapzangga aminbamdane puya naatangu take akopningge nataat. Pakap dakakane takekan aatningge nataat. Unzing Lebanon kep komune akokaing binga. Siwan buyana kwaapzang aake keu kuupbam daka dakane doke yutningge nataat. Unzing zonga zonga kwaapzangga kepna kepna akoke tapan sopunggak binga.
15116	PSA 74:13	Sike gikane kekeknga akngane yanggabam gwenu wesiwi kaukaut paku yukumayak. Siwana gata Isip nana aminbamu pasiwi maiking. Pasiwi maikingu wa unzing pis buyambam siknga gwendu yanggabam gwene nana binga pasiwi maiking.
15198	PSA 78:27	Puyawawa itakan tasiwan kwait gwegwenu kwaapzang siknga waaminde banakan kepdane kupopong binga ba saisai yanggabam gwende kwaimune kaamang bingata pimaking.
15226	PSA 78:55	Keu waomune apuke dongu kundune nana ita yanikwasipewa kuwawa inane dongata pakapu yuking. Pakapu yuwana ita keu usanzike dongu Isrel nanae yamutakukut. Siwana yotna mitake une take yuking.
15260	PSA 80:4	Anutu, gata ninde butaya natanimuke ninu gatuka gikae ninipakapso. Pakapuke ninu ninduyuke gatanimi ninda wena dua sinim.
15543	PSA 96:12	Puya anga kuupbam gatu nanamu kuupbamu gaatang yuaingu ginu kuupbamda apbaknganong. Siwana katau zongaatang nana kuupbamda kau apbakngake tainong.
15557	PSA 98:1	Ninda kau kayuu takngatu Buyambam tapae tainim. Dasingge, ita duya inata inata take siknga pasinggak. Pasike inane kekekngana buyambamu yuyuknga takwan takngane tasike ita amau ayapbikgak.
15682	PSA 105:9	Pasap waaknga tupa Abrahampat yawat yukut. Siwan ita pasap wamu waakngakan Aisakge ina yawan kekekakut saak Anututa ina tawanangge yakut.
15685	PSA 105:12	Tupa Isrel nana aminu dongu mateknga siknga. Pakapuyut amin dakngake yuking. Siakan, waaminda Kenan kep komune pakapuyuke dongu mateknga siknga yuking.
15695	PSA 105:22	Puya unzing tasike ita inane natdetdetnane kinggane puya gwapak amin yanindamukut. Yanindamuke ita aminu kundu king kapae natdetdet imuya takwaunin yanindamukut.
15700	PSA 105:27	Sike waapaatda Anututane puya pasikumayak. Pasike duya takngatui Isip nanata kaningge keu waomune tasikumayak.
15723	PSA 106:5	Papi gatane amindabamu take siknga yutningge nataat. Yuke aminu waakwau sanga take akekan pawawa kake naat waaminkat baknganim. Natake naat aminu gatane dongga dakngake yuaingkat baknganim.
15740	PSA 106:22	Ngan, Anututa puya buyambam siknga Isip komune pasikut. Ngan, ita duya takngatu takngatu dongu Ham nana amindane kep komune tasikut. Pasike yanggabamu Ret Si gwene sanga inata siknga tasikut. Tasiwan aminu kuupbamda kasatnaking. Siwan ngana Isrel nana aminda ie apbotaking.
15746	PSA 106:28	Masande waomune yuke Peor yot gapmane anutu pupuknga Bal ngang inia apae munu puking. Munu puke anutu pupuknga kayuk dua yutnangae ofa yamukingu atnaking.
15753	PSA 106:35	Dua zipa kupa Isrel nanata waamindane maya kundu maatnae paking. Papa maya wa pakingga apna yanipakuwa waiakngana tawakaingunin tawaking.
15784	PSA 107:18	Pake nanam nananggengu apbitaking. Apbitake kumningge dapaknga sikut.
15791	PSA 107:25	Dasingge, Buyambam tapata yawan gou buyambam puyapbut. Puyake tasiwan yanggabam gwenda sambui buyambam siknga enakut.
15834	PSA 109:11	Sike aminu waapa aminu tapatutane sanga kundu moo apba pakut. Pakutna kakengu aminu waaminde sangana moo imukut tapata apu kepnaat sangaapanaat kuupbam papikge nataat. Siwan aminu you gapmandune nana ita puya tasike sangabamu usike pekuu apu akaipakuningge nataat.
15841	PSA 109:18	Tapdukbamu ita wamu yanggau aminu kunduta meya paningge yanggak. Siwan wamu waaknga tauknga pasinggak binga singgak. Siwan wamu waaknga inane gupna apaatang yanggata binga pukukut. Pukuke itane kwatai atang kaana akngata binga kukut.
15867	PSA 111:6	Ita aminu kundutane kepna inane aminde yamukut. Puya waaknga tasike inane kekeknga akngana waaminde yeuyamukut.
15890	PSA 113:9	Siwan ita maya waak songge yuaingu take pasinggak. Pasiwan maya waakwakga minga dakngake engangu kundu betake asiknga bakngakaing. Siakan. Buyambam tapatane umana yatangenatnong.
16019	PSA 119:53	Sike nata kaawanu yamandet aminda gatane mama wamba gwa peking. Pewa kake nata musipma toknga siknga nataat.
16142	PSA 119:176	Sike na kepi noman taknga sipsip gwenda ginikakut binga tekum. Unzingge gata asiknga apu nae nawamso. Puya aminda tapakaen. Dasingge, na gikan mama wamba dua teat.
16168	PSA 123:2	Puya aminu wawi tapaapata aminu puya gwapak yuakge kake banip siwawa, gatu maya apaapata aminu puya gwapak dakngake yuak kapae kake banip sikaing. Ina unzakan, nin kaya baniu Buyambam tapa, nindane Anutunin dekan, sikamang. Sike ita musip kwikwik natanimikge kai takamang.
16240	PSA 133:3	Sike sanga musipna gwendukan yutnanga aknga wa unzing, yekap piokga tawanu Hermon dakane gatu tawanu Saion dakane pimakaing binga. Dasingge, keu waomune Buyambam tapata musia gwendukan teke yuaingu take pasinggak. Pasike ita kayuk asinggan asinggan yutnanga akngana ayamunggak.
16459	PSA 149:4	Dasingge, Buyambam tapata aminabamde take siknga nataak. Natake aminu inae natapan kopsa dua siwan yuaingu ita ayapangenakgak. Pangenawan ita amak ba tasikengu ita iwana ayapbikaing.
16462	PSA 149:7	Panggaganuke dongu kunduat amau tasike gatukande pasiwan maining.
16463	PSA 149:8	Pasiwan maiwan ita kingaat gatu tupan aminu panggaganuke senu ainda tasiyata wamapening.
23216	MAT 1:3	Sike Sudatane waaknga Pereskat Saraat. Sike waapaatdane minga Tema. Siwan Peresda Hesrondane nana. Sike Hesronda Ramdane nana.
23278	MAT 3:17	Pakuyuwawan enandangga wamu takngatu anzing yakut, “Aminu waapa natane waaknga. Na ie take siknga natangamuke ie musip gwaang natangamunggat,” ngang yakut.
23296	MAT 4:18	Siwan Jesuta yangga gapan Galili kwaimune kusika aminu tapaaya uyapnaat paanaat kakut. Tapatu Saimon Pita ngang inikaing kapaat uyapna Endruatda asinggan pis kaike mani ita pakakumayak. Siwan yapapna yangga gapan katang mukgawat kakut.
23316	MAT 5:13	“Siwan pangga pasiwan nanamu kaya singgak binga ginda aminbamu gikat gatake yutning amindane musia pangenawa wa aminda musia tapa tekwamban amin noman daknganing. Siwan ngana pangu sipna siwanu dasingga tasina kayana gatu siwik? Wena. Pangu kaayana wena sipna gwa singgakge muban kuwan aminda apu yainggamuning.
23326	MAT 5:23	“Siwan gikatnana tapatuta sangana Anutue imunangge natake yot takwan gwene pakopik. Pakoke sanga apbotakut taknga gatuna natapik. O! Nata notnae wai takngatu tasingamukum. Wai waaknga tasiwa nae wai nataak ngang natapik.
23404	MAT 7:19	Siwan katau dakatuta buyana take dua aawan kake patzitning. Patzike katapatang saning.
23407	MAT 7:22	Tapduknga Anututa amin usanziwik gwekatangu aminu buyambamda anzing nanining, ‘Kuyanin! Kuyanin! Gata ninipewi kuke gatane wam takeaknga ngang yanikapbumang. Ninipewi kuke waung waiakwak yanikwasike puya kekeknga takngatu takngatu buyambam pasikumang. Pasina dua nindupbuyak ba dasing,’ ngang nanining.
23428	MAT 8:14	Siwan Jesuta yoakatang koke kawan Pitata maatnatane minga mait natapan gupna toknga siwan pekgawan kakut.
23430	MAT 8:16	Siwan bangee aminu waung waita paking aminu pake Jesue pakapbing. Pakapa yake waung wai wa yanikwasiwan kuwa mait aminu kuupbam maitna sandeyamukut.
23446	MAT 8:32	yanikwasike, “Ginu kukakut,” ngang yaniwan aminu waapaat peke kuku ikwawa waakwak pukuke paking. Pukuke papa ikwawa waakwau kekeknga siknga isapmake kuku dameatang pimake puku yangga gapanu wagwene pimake yangga tangoke akumbing.
23453	MAT 9:5	‘Waiakngana gwa sandekngamutde gatu maitna sandekngamuke ga enake kungga,’ ngang iniwa ginda kake dasing natapning? Puya zaaknga kwanga siknga tasinanga?
23488	MAT 10:2	Puya aminatane umaninu anzing. Saimon umana takngatu Pita siwan uyapna Endru. Siwan Jemskat uyapna Jonkat Sebeditane waaknga.
23496	MAT 10:10	Ginda yakza gatu taukza gomayana kaya ba kepi taukza gatu gusokza ma papam. Wena. Puya aminda sangae dapanu ayamunanga,” ngang ninikut.
23504	MAT 10:18	Sike wa aminu natane umana tanguwa pimapikge natake ginu panggaganuke aminu buyambam tapaapae pakuning. Pakuwa ginda nae wamu aminu wa buyambam takwakat dongu kundune nana Anutue dua nataaing aminde kainae yanikapning,” ngang ninikut.
23562	MAT 12:4	Devitda Anututane yot takwan gwene koke poyau Anutue nomune yuaingu pakut. Poyau wa pekingu moo aminda nananga dua ngana Anutue yot takwan gwene pasiya amindakan naning. Ngana Devitda pake atnake kundu inane aminae yaman naking ngang wa matakut takngae ginu apbotake yakaing ba dasing?
23563	MAT 12:5	Gatuna Anutue yot takwan gwene pasiya aminu asinggan tapduk yuwatakak gwene Anutue yotgwene koke puyana apasiyuk yuwatakakgane mama wamu asandekaing ngana maaknga dua nataaing. Puya unzing pasiyuk maaknga dua natapningge wamu tupa matakut taknga ginu dua kendeke natapbing ba dasing? Siakan daninggat.
23598	MAT 12:40	“Pis buyambam dakata Jona kake ngok tamuban musiaatangu gunziu gweaat gwenduat ngang yuwawana gatuna ngwatutekut. Ina unzakan na aminbamdane notnaapa dakngake yuat tapata kep ganang katangu gunziu gweaat gwenduat yuwit,” ngang yanikut.
23603	MAT 12:45	Kake kuku gatu waung wai kunduat katau kautdu musaat gatu kautdu tapaaya ngang papan waung wai waakwakga gawaknga aknga buyambam siknga tasikaingunin pakut. Papan iat apuke aminu waapa tapa tupa aminu waapa waisim yukut ngana apmanu wai siknga yuak. Sike sanga waakngatakan ginu wai aminu tapduk ayuamang komune nanae asapik,” ngang yanikut.
23610	MAT 13:2	Pukwiwawan aminu buyambam sikngata apu yupbasike tasiwawa kake dopangbamu gwendune koke yanindamutnangge pukwikut. Pukwiwawan aminbamda yanggabam gwenu kwaimtapane yuwawa
23641	MAT 13:33	Siwan Jesuta tuwang wamu takngatuat anzing yanikut, “Anututa amin panangge tasinggak kaknga anzing. Poyakga paptawan sawikge sanga umana yis ngang inikamang. Siwan maya tapatuta poyak sanangge natake yis mateknga pake palaua banakan katang pamuban tawamban sandewan palaua kuupbamda paptawik ngang,” Jesuta yanikut.
23649	MAT 13:41	Na aminbamdane notnaapa dakngake angelana yanipewa kuke aminu Anututa papan aminabam dakngake yuaikat nana pasiwan maikaingu apake gatu aminbamda waiaknga pasikaingu kuut paning. Pake Anutue kekeknga aknga gepbiatang dua yutningge ayanikwasiwa katap bapatang kuning.
23658	MAT 13:50	katap bapatang pukuning. Pukuke undang yuke kwanamu kumzang sike kaakake yutning,” ngang ninikut.
23683	MAT 14:17	yake inikumang, “Ninu andangu nanamu buyambamda dua yuaing. Poyau katau kautdu musaat pis dakaaya nganggakan yuaing,” ngang inina
23685	MAT 14:19	aminbamu wa yukingu yaniwan zongazongane pukwiking. Pukwiwawa poyau wa katau kautdu musa gatu pis wandakaat ngang pake enandang pakusang kake inimbakngakenga nanamu wa puke pandetnae niman pake yamuna naking.
23694	MAT 14:28	Siwan Pitata yake anzing inikut, “Aana. Siakande ga gandukengu gata na naniwi nata yanggaangan gae yaitake kuwa,” ngang inikut.
23702	MAT 14:36	Pakapuke ininggamatake ita kapewan mait aminda katakngita Jesutane tauknga nomna saasaakngi wangane wasiningge iniking. Iniwa kapewan katakngitakan taukngane wasiking aminu kuupbamda gatuna take siking.
23717	MAT 15:15	Niniwan natake Pitata yake anzing inikut, “Gata wamu yake aminu wai amin dakngakaing ngang niniyak kakngae yapii yawi ninda natapna,” ngang iniwan yake anzing yakut,
23732	MAT 15:30	aminbamda ie apbing. Apuke kepi wai siya amikat kai kusiya amikat kwatai gutokaya amikat gena kusiya amikat gatu mait aminu inata kunduat ngang pake ie apbing. Pakapu Jesuta yukut komune pewa kake sandeyamuke tasiyaman take siwa
23738	MAT 15:36	Pukwiwawa poyau wa katau kautdu musa gatu kautdu gomaya pis wa kuut pake Anutu inimbakngake puke niman pake usanzike aminu wa yukingge yamukumang.
23757	MAT 16:16	Saimon Pitata yake anzing inikut, “Anututa ga tapan gata Krais gatanimik kapa dakngake Anutu kayuk asinggan yuak kapatane waaknga ga,” ngang iniwan
23759	MAT 16:18	“Siwan nata ganinggat. Ga umanda Pita. Unzing yapii gata kekeknga sup gwenda binga yuayak. Sike suu wagwene engatangan tasiwa natane amin takwakga kekeknga yuwawa katap bamdane kekeknga akngata dua yaitapaakusiwik,” ngang inikut.
23763	MAT 16:22	Niniwan natake Pitata take kwaim saak taku tuwanguke kaanga anzing inikut, “Aana. Anututa musia kwikwiknga natanggamuke gatanggaman meya wa gae dua apan,” ngang iniwan
23767	MAT 16:26	Sike aminu tapatuta sangaapana buyambam siknga papik. Pake ngana masande akupanu sanga wa pakut takwakga dasing gatangamik? Wena. Sike sanga dasitna bingata kayuk yutnanga akngana wena sikuu gatuna tanangge muke usiwik? Wena.
23770	MAT 17:1	Siwan gunziu katak kuut musa gatu kautdu gwendukan kawa sandewana Jesuta Pitaat Jemskat uyapna Jonkat nganggan pake ita tawanu mamaya siknga dakatune yanipakoke aminu wena inatakan yuking.
23772	MAT 17:3	Kaawa bamin akumbing katangga Moseskat Ilaijaatda anggaman siwat Jesuat iat unekan gatake yuke wam yaking. Yawawa Pitaat Jemskat Jonkatda kaking.
23773	MAT 17:4	Kake Pitata Jesu anzing inikut, “Buyambam tapana. Ninu ane take siknga yumang. Siwan gata take natapinu nata gepa gweaat gwenduat ane pasiwit. Gwendu gae. Gwendu Mosesde. Gwendu Ilaijae ngang pasiwit,”
23776	MAT 17:7	Pimake yuwawa Jesuta apu katakngita wasike anzing yanikut, “Enatnong. Gwauya nataaing kaknga atenong,” ngang yanikut,
23793	MAT 17:24	Siwan masande you Kapaneam gapmane kundopna miti yotdane takis papsa aminda Pitae apu anzing iniking, “Gin danindamukgak kapata miti yotdane takis apmukgak ba dasing,” ngang inikwaiwa,
23804	MAT 18:8	“Sike gatane katakgata ba kepikata ba tasiwan ga waiakngaatang pimakengu gata patdakngake mumbi kuwan take siwik. Patdakngake wai waakngaatang dua pimake kayuk kaknga pake yuwiyak gamu wai siknga dua siwim. Siwan dua patdakngake katakga tapa ba kepika tapaayata tasiwat ga pimapi katau dua kungwanggak gwekatang muba kuwi wai siknga siwik.
23817	MAT 18:21	Unzing niniwana Pitata kuku Jesu anzing inikwaikut, “Aana. Notnata gatu gatu wai tasingamanu datdasing sandekngamit? Gatu gatu katak kuut musa kautdu sipmaat sandekngamit ba datdasing,” ngang inikwaikut.
23858	MAT 19:27	Pitata yake anzing inikut, “Natapso. Ninda sangabamin peke ga gawakamang. Unzingge ninda mina binga panim,” ngang iniwan
23862	MAT 20:1	“Anututa amin panangge tasinggak kaknga anzing. Puya toikga tembana siknga enake aminu kundu panangge kukut. Wain tapunde puyaangane pasiningge pake anzing yanikut,
23864	MAT 20:3	“Puya pasingamuwawa puya toikga yuke kawawan gunzitda akoke gwa wekawan kakut. Kake gatuna aminu kunduat panangge natake kuke yawatakusika aminu kundu sanga usikaing komune moo yuwawa kakut.
23865	MAT 20:4	Kake anzing yanikut, ‘Ginu kuku wain tapunde puya anganane kuke pasinong. Puya pasiwa mani noman damit,’ ngang yaniwan kuke puyanane pasingamuking.
23866	MAT 20:5	Puya pasingamuwawa puya toikga yusika kepmaom siwan kuku bangee gunziu apukunangge dandam enaawan unzakan tasikut.
23869	MAT 20:8	“Puya pasingamuwawa kep gwazowan puya toikga puyae kuyana yuak kapa anzing inikut, ‘Puya amina yayawambi apa mani yamuyo. Bangee apuing aminu tupan yayawambi apa mani tupan yami puyuwana tupan apuingge mani masan yamuyo,’ ngang iniwan tasikut.
23876	MAT 20:15	Ginu dasing nataaing? Nata sanga natane pake ninae banipda tasiwa ga wai tasinggayak ngang naniwanu gutonga siwik. Puya mateknga pasiwa gunziu kuk gwendane yama kake ginu dasingge meyambam nataaing,’ ngang puya toikga unzing yanikwaikut.
23903	MAT 21:8	Pukwike apuwawan aminbamda Buyambam tapana initakuningge natake got tauknga kepiapane usiwa kunduta zagwa tatak matake kepiapane usiking.
23910	MAT 21:15	Pasiyamuwawan ngana Anutue yot takwan gwene pasiya amindane take akwakat mama wam yanindamumsa amikatda duya takngatu takngatu pasikuunin kaking. Kawawa waatdakata you wagwende daman gwekatang yuke anzing yanggamataking, “Devitdane dongune aakut tapata apan take siknga singgak,” ngang yawa natake musia toknga natake anzing iniking,
23916	MAT 21:21	Yana yake anzing ninikut, “Nata siakande siknga daninggat. Ginu Anutue natapa meya dua siwanu ginda nata katau baapdakae tasinggat taknga atasining. Siwan ginda unukan dua tasining. Aho. Puya buyambamu atasining. Sike ginda tawanu andakata zike yanggabam gwene isakuwikge yawa kekekawanu itaaya unzing atasiwik,” ngang ninikut.
23932	MAT 21:37	Pasiyama natake anzing yakut, ‘Natane waakngae wamu apme natapning,’ ngang yake inane waaknga ngang initewan kukut.
23956	MAT 22:15	Yaniwan natake Ferisi aminu waakwakga kuke paut tasiking. Paut tasike unzing inina Jesuta yake ninike undang pimapan wamu yanim ngang yaking.
24050	MAT 24:24	Sike, ‘Anututa na tapan Krais dakngake yuat,’ ngang kem yaya amikat, ‘Anututa na tapan ayanikapsa amin dakngake daniwa natapnong,’ ngang kem yaya amikatda enake duya kekeknga siknga takngatu takngatu pasining. Pasiwawa kake aminu buyambamda pimatning. Siwan aminu Anututa papan inane aminabama dakngake yuya amindaaya kuut siakan ngang natake undang pimatningge panziwa maiwik.