13947	PSA 1:4	Sike waiaknga tawake tasikaing aminu unza dua. Tambam tapunde ooi gotda puyapakunggak binga dakngake buyana dua aawik.
13951	PSA 2:2	Kingu kepna kepna yuaingga amak tasinangge tandakngakaing. Tandakngake waaminda natdetdeu takngatukan natake Buyambam tapatane umana tasiwan maiwikge kepie tawakaing. Gatu aminu tapatu Anututa tasiwan ita aminu kuupbam kakuya tasiwik kapa dakngakuu, King yuaingga aminu waapatane umana kuut tasiwan maiwikge kepi tawakaing.
13952	PSA 2:3	Tawake waaminda anzing yakaing, “Ita ninu panggaganuwawa yuamangge nindane katakngin unekan wambuu waitdetna. Gatu ita nau takngatuta kepinin unekan wapbuu sandetna,” ngang yakaing.
13964	PSA 3:3	Tasike waaminda nae anzing nanikaing, “Asikaya Anututa ga gatangamik,” ngang yakaing.
13973	PSA 4:3	Ginu kuupbam! Tapduu datdasing binga ginda natane umana yaitapaakusiwan natane umana kopsa akngata wena siwik? Tapduu datdasing binga sanga kem taknga akngae natanggamataning? Tapduu datdasing binga ginda kem taknga inata inata tawake tasining?
13975	PSA 4:5	Ginda musip tok natapning kopatangu ginda wai tasinanga aknga apbitanong. Tapduu dapunza petnangge tasikaing komune ginda natdetdetza ba musipzaatang nataingu katak natake genza asuumutnong.
13978	PSA 4:8	Siakan. Tapduu nanamu wit gatu wain ngang yanikaingga puyane buyana kwaapzang aawanu aminbamda kake apbakngakaing. Siwan ngana baknga baknga aknga nae musipatang tekuyakga itane bakngananga akngana ayapbikut.
13982	PSA 5:3	Ga natane kinga, siwan natane Anutuna. Tapduu na gata gatamiakge natake tumuk wam ganinggat komune maak gwaang panggamuyo.
13988	PSA 5:9	Anutu, iwanata nutnangge tasikaing. Ge gata kepina tanomanuwi gatane yuyukga noman taknga tawambit. Tawamba noman taknga gata take nataak kakngane gata tupan kuke nanitake kuyo.
13996	PSA 6:4	Natane musipmaatangu meya buyambam siknga. Siwan ngana Buyambam tapa, ga dasing? Tapduu datdasing nandutewi musipmaatang meya buyak yuwit?
14008	PSA 7:5	Ba nata notna tapatue tanzit ba tasikum. Tasike kem wamu unin ba inikum. Siwan gatu nata iwana moo siknga ba tasiwa maikut.
14055	PSA 10:3	Wai aminda yamandet sike sanga wai musiaatang nataak kaknga tawake tasinggak. Tawake tasike aminu sangabamde geengukgak kapa apbaknganggak. Apbakngake ita Buyambamtapa inisapduke ie masa imunggak.
14073	PSA 11:3	Tasike aminu kuupbamda kepi noman taknga gatu dua tasiwanu aminu kepi noman tawake tasinggak kapata dasing siwik?
14088	PSA 13:2	Buyambam tapa, zaapduknga gata nae gatuka natapsa? Asikaya gata nae asinggan asinggan apbotanggayak, ba dasing? Tapduu zagwene na nandutewi gatane nomba takusopunggayau gatu gandupit?
14089	PSA 13:3	Tapduu zagwene gata meya nata musipmaatangu gwaamukgat taknga sandekngamuya? Kwakngaom ba zikaa datdasing siwana musipmaatang meya nataau yuwik? Tapduu zagwene gata gatangami na iwande gepbiatang yuwau teke gatu dua yuwit?
14097	PSA 14:5	Tumuk wamu dua inikengu waaminu asiknga gwautning. Dasingge, Anutu inane wam natake tawakaing aminkat gatake yuak.
14099	PSA 14:7	Siwan Anututa Saion nana aminu tapatu initewan apu Isrel nana gatu papan takekan yutningge take siknga nataat. Tapduu Buyambam tapata aminabam gatayaman take yutning komune aminu Jakopdane dongune nana apbaknganong. Ngan, Isrel nanata musipgwaang siknga natake yutnong.
14101	PSA 15:2	Aminu tapatuta kepi nomana aknga asinggan tasiwik. Tasike gatu siakan wamu asinggan yake tasinggak kapata gae yotdane yuwik.
14103	PSA 15:4	Sike waapata aminu Anututa masa yamukut aminde apbitanggak. Bitake ita aminu Anututane wamna natake tawakaing kaknga yakapan apbaknganing. Siwan ita wamu ina yanggak kaknga atasinggak. Tasiyuuk meya ie apan kakengu ita nangaakan dua natapik.
14116	PSA 17:1	Buyambam tapa, nata gae yanggawanggatde natapso. Nata aminu gutonga aknga tawake temapa naniwan maiwikge ganinggat. Tumuk wamu nata kemu dua ganinggat. Unzingge gata maak pangamiyakge nataat.
14118	PSA 17:3	Gata natane musipmaatang nataat taknga atnataayak. Natake gata zikaane apu nata natdetdetnane nataat taknga usanzike tasinggayak. Tasiwi siwan sanga wai takngatu kawi maiwik. Dasingge, natdetdeu gutonga takngatu musipmaatangu dua natake yuat.
14124	PSA 17:9	Takusopuwawi wai aminda nae iwana siknga dakngake na nuwa kupitde natake na umupbasitnawawa kake gata na usikwatapi waaminda na dua tasiwa maiwit.
14129	PSA 17:14	Siakan, Buyambam tapa, gata na gikane kekekngakaneta gatangamuyo. Siwan na waaminda dua tasiwan maiwit. Sike waaminda sanga kepdakane nanakan papan dopan yuaing. Waamindane kekeknganane sandeke tapso. Siwan aminu gata musip gwaang natayamunggayak aminu tomna natapning, ngana gata gatayami tomna wena siwik. Tomna wena siwan waamindane waatdakanata sangae dua dapmake yutning. Dua dapmake yuke waakwakgane bapuna masan aatning aminu sangae dua dapmake yutning.
14191	PSA 19:10	Siwan aminu tapatuta ie munu puke ininggau ita kepi noman takngakan tasinggak. Tasiwawan kepi nomanu waaknga asinggan asinggan yuwik. Ngan. Ita mama wamu kuupbam tasinimde nininggau wamu waaknga siakan siwan noman siknga.
14198	PSA 20:2	Tapduu gwendune ga King kapata musipbaatang meya natapinu, Buyambam tapata akgatanggamikge nataamang. Jekopdane Anutunata apme ganduyuwik.
14225	PSA 22:5	Tupa siknga nindane bapuninda gae banip siking. Waaminda gae banip siwa gata papi take yuking.
14266	PSA 24:8	Sike Kingu tupan tapa mamin? Tupan tapa Anutu awiapa unin. Waapa kekekngana buyambam siknga. Siwan amak tasikengu ita iwana ayapbikgak.
14268	PSA 24:10	Sike Kingu tupan tapa mamin? Tupan tapa Anutu kekeknga siknga apa unin. Wa awiapa Kingu tupan tapa unin.
14281	PSA 25:13	Unzing aminu sanga sanga kwaapzang pake take siknga yutning. Take yuke waamindane waatdakana masande keu andakane take yutning.
14283	PSA 25:15	Tapdukbamu Anututa gatangamikge kayuat. Sike na yapap gwekatang binga yuwa sanga kunduta tasiwan maiyak ngang natake na gatuna tanggak.
14291	PSA 26:1	Buyambam tapa, nata noman takngakan tasinggat. Tasike baniu kuupbam gaekan singgat. Unzingge gata tasiwi iwanata nandupa take siwan na yumdakan temapa naninanga dua siwik.
14299	PSA 26:9	Tapduu gata wai aminu gatukande pasiwi maining komune natane kayuk yuat takngana ma tasiwi sopuwan. Gata na ma nuwi kupam, notnaapa zipan kungwakaing aminkaun.
14300	PSA 26:10	Waaminu waiaknga asinggan tasikaing. Tasike moningu kundu aminu wam usanzikaingge asinggan yamukaing. Yamuke kaa wam yanindatdaiwan waiakngae yake meya takngatu dua yamuning.
14304	PSA 27:2	Sike wai aminda wesim apuke na nanisapdutnangge ba nataaing. Natake na nutnangge ba tasining. Tapduu unzing tasining komune waamindane kepina sanga kunduta yapan waakwakga apimaning.
14307	PSA 27:5	Sike sanga wai takngatu nae apanu ita na inane yotnaatang takusopuwik. Ita gwambok yapuke take siknga takusopuwik. Takusopuke ita na suu buyambam siknga gwendune engatangan napmamban iwanata nutnanga dua siwik.
14308	PSA 27:6	Unzingge na iwanata na umupbasining ngana ayapbimbit. Siwan nata apbakngake kumzang yanggamatake sanga imukaing binga Anutue yotnane tasiwit. Tasike nata kap taike umana yatangenawit.
14343	PSA 30:7	Tupa nata ninane kekeknganane yuke meya takngatu nae dua apik, ngang natake anzing yakum, “Sanga tapatuta na ikomban pimananga dua,” ngang yakum.
14348	PSA 30:12	Gatangamuke gata musipma kwanam siknggat taknga gwa sandekngamuke tasiwi nata kau apbakngake tainggat. Tupa na meya siknga natayukum ngana nata kwanam sikum takngae yake tasiwi natane musipmaatang asiknga baknganggat.
14371	PSA 31:22	Tupanu iwanata na nutnangge nawake natane yotgapma yupbasiking. Yupbasiwawa ngana ita nae musip gwaang siknga natangamuke inane kekekngata gatangaman nata take yuat. Unzingge Buyambam tapatane umana yatangenatnong.
14388	PSA 33:3	Taike kau kayuk takngatu ie tainong. Taike gita tanguke kau noman nomana siknga taiyuuk ie apbakngake kumzang siknga tainong.
14443	PSA 35:13	Siwan ngana nata yake waaminde unzing dua tasinggat. Wena siknga. Tapduu gwenduine waaminu mait siwawa kake butaya siknga asinggan nataat. Natake butaya tauksan tamaggat. Butaya natake nanam tomda yuwa waakngata meya namunggak. Siwan nata tumuk wam yawa ngana gata dua gatayamukuyak.
14455	PSA 35:25	Gata dua kapewi wamu inae anzingu yaning, “Take siknga, sanga ninda tasinangge natamangu gwa tasina buya unin asaakgak,” ngangun. Gata dua kapewi anzingu yaning, “Ninda waapa gwa tasina mainggak,” ngangun.
14473	PSA 37:2	Dasingge? Tapduu matekngasim yukengu wai aminu zongazongata kupiakaing binga sining, ba katau dakatutane tatakngita kupiakaing binga kungwake pimaning.
14481	PSA 37:10	Tupae dua, zeetgaman wai aminu gatukande wena siknga sining. Gata ayuaing komune kuke ngana aminu waakwakge yawambi maining.
14484	PSA 37:13	Siwan ngana Buyambamtapa atnataak. Tapduu gwenduta apik. Apan tapduu wagwene wai aminu gatukande wena asining. Unzingge Buyambam tapata waaminu ayanimikgak.
14490	PSA 37:19	Tapduu wai opatangu meya takngatu dua kaning. Sike tapduu gwendu tom tapduk. Siwan ngana noman aminu nanamna kwaapzang. Waaminu dua dapning.
14496	PSA 37:25	Tupa na wawi matek ngana apmanu aminuake gwasit. Siwan ngana nata kawanu Anututa amin nomanu tapatue masa dua imunggak. Gatu amin nomanu tapatutane waatdakanata nanamu yamuningge dua yawan kaat. Wena siknga.
14510	PSA 37:39	Buyambam tapata amin nomanu apake akgatayamik. Tapduu meya kaaing gwene waaminda ie isapmake kuwa ita kakuya pasinggak.
14556	PSA 40:8	Tasike anzing yakum, “Ayok. Anutu, na gae gwa aput.” Dasingge, tupa nata apitde wamu buk gomune matakut takngae natake yakum.
14585	PSA 42:5	Na tapduu tupa take yukum komde nataat. Natapa musipmaatang meya singgak. Tupa na aminbampat unekan sukukumang. Siwan na tupan kuke yanipake Anutue yot gwene pake kukum. Ninu unzing kuyuuk ataibakngake kap taiyuuk Anutue gaak inikumang. Inike ninu unekan yuke tapdukngane munu puke inimbakngakumang.
14629	PSA 45:5	Ga Kingu tupan tapa, umanda kayaapa yuayak. Gata ikwawa gamanu hos gwene pukwike kuku amak tasike yapbikgaunin. Gata kuku amau tasinggaau wa noman amin gatayamunangge tasiyo. Tasiwi kepi noman tapa tawaningge. Ngan, inane umana dua yatangenatningge. Gata amau kekeknga siknga tasiwi wai aminda ganduke gwauya siknga natapnong.
14637	PSA 45:13	Sike aminu Tair yotbam gapmane nanata sanga kundu gae gamunangge pakapning. Ngan, sanganambambanu waakwakge gata musip gwaang natayamiyakge sanga sanga gae gamuning.
14667	PSA 48:3	Sike Anututane tawanu wandaka enane siknga yuwan kana take siknga singgak. Siwan aminu kepna kepna yuaingga tawanu Saion wandakae take siknga nataaing. Tawanu wandakane Anutu kopsa apatane umana yuak. Siwan yotbamu wanggapma kingu tupan tapatane.
14669	PSA 48:5	Tupa king takwakga Saionde amnangge tasiking. Waakwakga unekan yuke yotbamu wanggapmane inengan apbing.
14672	PSA 48:8	Anutu, gata tasiwi gou buyambamu gunzitda akonggak kopatangga apbut. Apuke yotbamu Tarsis nanatane sipna buyambam gwegwenu apasiwan maiking.
14691	PSA 49:12	Tupa aminu waakwau kepna kake aminu kuupbamda keu waamindane ngang natapbing. Siwan ngana apmanu aminda kupan kwaiya gapma yotna binga dakngawan une asinggan asinggan yutning.
14694	PSA 49:15	Anututa waakwau sipsipda binga kungwake paku gwakumbingga yuaing komune yutningge yawan yuaing. Siwan kungwak kakngata kuyana ita kayuwik. Tembana aminu noman nomana aminda aminu waakwau kayutning. Sike ngana yotna take siknga apekaing gwegwen peke epanu gupna gatukande bukana sikaing. Siwanu wa gwa kupsa aminda yuaing komune yuaing.
14701	PSA 50:1	Anutu kekekngana bamban tapa. Waapa nindane Buyambam tapanin. Ita apmanu aminu kuupbamde yayawanggak. Tupanu keu gunzitda akonggak komuneta kuku gunzitda pukunggak komune ita aminu kepna kepna yuaingunin yayawanggak.
14737	PSA 51:14	Tupa gata na takuyakge apbakngakum. Ge apman kaya gata na gatuka tapi nata gatuna apbakngawit. Gata gatuka tasike natane musipma tangenawi nata gae wam tawamba kekekawan tasiwitden.
14748	PSA 52:4	Ga kem amin, gatane genda daka resa toknga siknga daka binga. Tapdukbamu gata aminu kundu tanzit pasiwi mainingge nataayak.
14760	PSA 53:5	Anututa anzing yanggak, “Aminu waiaknga tasikaingu asikaya natdetdetna wena ba? Waaminda natane aminabamu poyak binga napan puyukaing. Tasike nae tumuk wamu dua nanikaing.
14786	PSA 55:15	Tupa niu unekan sukuke wamu yanggatake sukukumak. Sukuyuuk aminu kunduat Anutue yot gwenu kwaimune sukukumak.
14856	PSA 60:5	Gata gikane amindabamde meya kwaapzangu gwa nimukuyak. Unzing gata wain yangga aknga binga nimuke tasiwi tangopbumang. Tangopna puyuwana ninu katum siknga dakngakumang.
14878	PSA 62:4	Tapduu datdasing binga amau gikat naat amake tasiwan maiwit? Sike ginda nataaingu na damanu gwenduta binga puke pimake gatukande waitdotdongukgak binga siwit.
14885	PSA 62:11	Ginda anzingu ma natapam. Tanziu tasike amindane sanga papsa gatu sanga kukae papsa akngaat take ngang natake ninu sanganin bamban, ngangu natapnanga dua. Sike moning zaat gatu sangasaat kwaapzang siwanu, musipzaatangu sanga nindane kekeknganinu unin ngangu ma natapam.
14902	PSA 64:3	Wai aminda na tasiwan maiwitde kepie tawakaing. Tawake unekan yuke nutnangge natake wamu yakaing. Unzingge gata kakuya tasiwi wai aminda na dua tasiwan maiwit.
14941	PSA 66:17	Tupa nata ita gatangamukutde yatawakum. Yatawake ie tandakngake kap taike umana yatangenakum.
14952	PSA 67:8	Siakan siknga, Anututa ninu take pasikut. Take pasiwawan kake aminu kepna kepna yuaingu ie gepbiatang koyutnong.
14962	PSA 68:10	Anutu, gata sopa take siknga gikane kepdakakae tasiwi takut. Tasiwi sopa tawan keu wai daka ngana gatu take sikut.
14968	PSA 68:16	Tawanu Basan kep komune yuaing dakandaka buyambam siknga. Siwan wandakandakane tawa tawanu buyambam siknga.
14972	PSA 68:20	Ninda Buyambam tapatane umana yatangenatnim. Tapdukbamu yuamangu ita nindane meyaninu pakotnake panggak. Ngan, Anututa ninu gatuna papan take yutnim.
14981	PSA 68:29	Anutu, gata kekekngaka ninde yeutnimuyo. Tupa kekeknga waakngakaneta gatanimukuyak.
15039	PSA 71:8	Tapduk bamu nata gae umanda yatangenake gatane umanda kopsa aknga aminbamde yanikapmanggat.
15040	PSA 71:9	Tapduknga na aminuake siwa kekekngana asisangepanu gata na masa ma namuke napmambim.
15046	PSA 71:15	Sike natane genanetanu gata noman taknga tasinggaakge aminbam yanikapit. Gatu gata sangabamu pasikuyak kakngae nangaakan nataat. Siwan ngana undanga. Tapdukbamu gata na takuyakge yaniwit.
15075	PSA 72:20	Tumuk wamu Devit, Jesitane waakngata, yakuu anin puyukgak.
15105	PSA 74:2	Gata ninu amindabamde gatuka natanimuyo. Tupa siknga nindane bapuninu amindabamu gikae papi yuking. Gika dongu waakngane nana aminu gatayamuke iwande katakngane papi gikane dongga dakngake yuking. Sike dongu waakwakga tawanu Saion dakane yukingu tupa yukuyakge natapso.
15142	PSA 76:5	Anutu, gatane umanda kopsa siknga siwan ga kakaa akngane yuwaak. Tawanu buyambam dakandaka enane yuaing. Siwan ngana gatane umanda kopsa siknga akngata ayapbikgak. Tawanu wa dakandakane kaap zong gwengwenu buyambam siknga yuaing.
15174	PSA 78:3	Tupa bapuninda sanga wande gwa niniwa natapbumang. Siwan ninu gwa natake atnatayuamang.
15180	PSA 78:9	Tupa Efraim nana kweem gatu sakut ngang pake amnangge tandakngaking. Ngana tapduu waomune amak kaknga buyambam siwan kake atdatakuking.
15213	PSA 78:42	Waaminda kekeknga buyambamu Anututa tasikut takngae dua natdeking. Tupa siknga tapduu ita iwanae kataune sandeke pakutde dua natapbing.
15242	PSA 78:71	Siwana Anututa Isrel nana amindane king kapana dakngawikge tekut. Tewana Anututane aminabamu kakuya ita pasikut.
15244	PSA 79:1	Anutu, aminu dongu kundune nana amake keu gata ninu amindabamde nimukuyak kopatang gwa apbing. Apuke yot takwan gwenu gikae yawi yukuu gwa tasiwa maikut. Siwan Jerusalem yot gapma tasiwa wai siknga sikut. Tasiwa maiwan you wagwegwenu waitdeking.
15261	PSA 80:5	Anutu, ga kekekngakabamban tapa. Tapduu datdasing gatane amindabamu gae tumuk wamu ganiwawa ngana gata kaanga natayamuya?
15265	PSA 80:9	Siwan tupa gata wain nap taknga Isip kep komune take takapbuyak. Takapuke gata aminu dongu kundune nana keu waomune ayanikwasiwi kuwana gata wain nap taknga waamindane kep komune kwaikuyak.
15289	PSA 81:13	Unzingge nata kapewa yamandet takngana tawake tasiking. Tasike sanga ina natapbing kakngakan tawake tasiking.
15309	PSA 83:8	Gebal kep komune nana gatu Amon kep komune nana gatu Amelek kep komune nana gatu Filistia kep komune nana gatu you gapmandu Tair yot gapmane yuaingu ngangga notna notna dakngake gae masa gamunangge natake pasap taknga tasikaing.
15312	PSA 83:11	Tapduu waomune gata waaminu Endor yotbam gapmane pasiwi maiwan gupna kepdakane yumdekan yuke apbukataking.
15343	PSA 85:10	Siakan siknga, ita amin ie mun puke gatu ie banip tawakaingu apanangge gwa tandaknganggak. Tandakngake tasike papan kuupbamda kawa nindane kep komune itane umana buyambam siwik.
15344	PSA 85:11	Tapduu waomunea aminda notnaapae take natayamuke ie take akngakan pasiyamuning. Siwana musip kwikwik takngane unekan noman gan yutning.
15354	PSA 86:7	Tapduu nata gae yanggat komune gata akgatangamunggayak. Unzingge, tapdukbamu nata meya pakengu nata gae tumuk wamu ayanggat.
15368	PSA 87:4	Siwan Anututa anzing yakut, “Nata aminu nae wam tawakaingunin matawit tapduk kopatangu, nata Isip nanaat gatu Bambilon nanaatdane umana matawit. Siwana nata Filistia nanaat gatu Tair nanaat gatu Itiopia nanaat ngangge umana matawit. Siwan anzing yawit, ‘Iyaaya Zaionkat nana,’” ngang yawit.
15396	PSA 89:6	Buyambam tapa, angela yekaune yuaingga noma nomana tasikuyakge kau taikaing. Taike ita gatane umanda yatangenakaing. Sike waakwakga kap taknga taikaingu gata siakan wam takngakan tawanggayakge taikaing.
15403	PSA 89:13	Siwan gatakan keu kuupbam pasike tekuyak. Tawanu Tabor dakaat gatu Hermon dakaat ngang aminda taikaing binga umandae apbakngake gae kap taikamayak.
15410	PSA 89:20	Tupa siknga gata mia takngatu puya aminda sikngae yamukuyak. Yamuke anzing yanikuyak, “Nata amak aminu tupan sikngaapa gwa yawa yukut. Siwan nata kinggane kupna gwapakngine gwapungamukum. Nata aminbamde banakan take waapa tewa king kapa yuak.
15445	PSA 90:2	Siwan Anutu, ga asinggan asinggan yuayak. Tupa yukuyak ngang masan kaa ayuya. Sike tapduu tawanu kuupbam wena siwan gata sangabamu kepdakane nana dua yawi yuking komune ga ayukuyak.
15458	PSA 90:15	Tupa gata tapdukbamu meya ninde atnimukuyak. Unzingge gata apmanu apbakngananga aknga nimuyo. Unzing nakanu kwaapzangu wai yukumangge tangge.
15500	PSA 94:3	Tapduu mamaya yuak ge wai aminu yuyukngae bakngake yutning? Buyambamtapa, tapduknga mamaya yuak, ba? Tapduu datdasing binga yuakge yamandet aminu waiaknga tasikaingge baknganing?
15501	PSA 94:4	Tapduu datdasing binga yuakge wai aminda waiaknga tasiningge yamandet dakngake bakaning?