13953	PSA 2:4	Unzing yawan kake Anutu yekaune Kingu kopsa yuak kapata ayanimike sapdut wam yaninggak.
13958	PSA 2:9	Kakuya tasike gata musipbaatangu waaminde butaya natake katakga kekeknga sikngaapata kayuya. Kayuke gata waaminu pake matekmateknga zipbuya. Unzing aminda gapma kwatan gwen zipbukaing binga,’ ngang nanikut.”
13968	PSA 3:7	Natane iwana 10,000-nu kepna kepna nanata umutnawakaing. Umutnawawa ngana nata ie dua gwaukgat.
13987	PSA 5:8	Siwan ngana gata nae musip kwikwik siknga natangamunggayak. Unzingge nata yotdane take akopit. Yot takwan gwende kanggamatake munu puke ganimbakngawit.
13995	PSA 6:3	Buyambam tapa, na kekekngana wena singgak. Unzingge gata nae butaya natapso. Natane gupma tuyuknga siknga singgak. Ge gata na tasiwi take gatu yuwit.
14000	PSA 6:8	Natane iwana kwaapzang siknga. Unzingge na musipmaatang meya siknga natake kwanamu sike sike yuat. Kwanama siwa kainata zukngawan nata sanga tapatu katak kananga dua singgak.
14010	PSA 7:7	Anutu, natane iwanata musiptou amau nae tasinangge yakaing. Siwan gata waaminde musiptou natayamuke na gatangami meya dua kawit. Anutuna, ga nomana akngaekan nataayak. Unzingge gata enake waamindane amak wamna katak usanziyo. Usanzike kepi noman takngakan tawake na gatangamuyo.
14013	PSA 7:10	Anutu, ga nomana sikngaapa. Gata aminbamda natdetdetnane gatu musiane nataaing kaknga usanzikgayak. Unzingge gata wai amindane musiptok natake wai tasikaing taknganane apasiwi wena sinong. Siwan gata noman aminu gatayami waaminu kekeknga yutnong.
14021	PSA 7:18	Ngan, natapnong! Anutu waapa nomana sikngaapa. Unzingge nata ie gaak wamu ininggat. Nata Anutu enane siknga yuak kapae kau taike umana yatangenawit.
14042	PSA 9:11	Buyambam tapa, gata aminu gae apukaingu masa dua yamunggayak. Unzingge aminu gatane yapiie atnataaing ganu gae gepbiatang koyutning.
14046	PSA 9:15	Unzingge nata sanga kuupbam gata tasikuyakge yanitakuke gatane umanda yatangenawit. Yatangenake nata Saion yotbam gapmane gwambok gwaune yuke gata na takuyakge apbakngake yanikapit.
14048	PSA 9:17	Anututa inane yuyuknga waaminde tapduu wam yakaing komune yeuyamunggak. Unzingge wai aminda aminu kundu pasiwan mainingge pasikaing ngana Anututa tasiwan sanga wanda tapan tekwamban ina pasiwan maikaing.
14061	PSA 10:9	Unzing kaap zongu laion ngang yanikaingga ganangiatang kusopuke kayuaing binga kayuak. Siwan akusopuke kekekngana wena amin panggaganutnangge kayuak. Ita yapapnaatang panggagunuke kaipake kunggak.
14071	PSA 11:1	Na Buyambam tapae gepbiatang koyuwawa ita na akgatangamik. Asikaya ga apbotake ba unzingu naninggayak? “Ga tawandakane datakunggayo. Unzing kwaiu gwenduta akgwauke datakunggak bingan.”
14112	PSA 16:8	Asingganu Buyambam tapata nae wesim yuak ngang nataat. Ita wesim yuke nae kekeknga atnamunggak. Unzingge na aminu tapatuta dua tasiwan gwauke dandana yamutning.
14113	PSA 16:9	Unzingge musipmane natapa take siknga singgak. Siwan natane waung ngaaya asiknga baknganggak. Unzing na mateknga simpaa sanga tapatue dua gwaumbit.
14116	PSA 17:1	Buyambam tapa, nata gae yanggawanggatde natapso. Nata aminu gutonga aknga tawake temapa naniwan maiwikge ganinggat. Tumuk wamu nata kemu dua ganinggat. Unzingge gata maak pangamiyakge nataat.
14121	PSA 17:6	Anutu, gata natane tumuk wama yanggatde natake akgatangamuyo. Unzingge nata tumuu gae yanggat. Gata maak pake natane tumuk wammae natapso.
14126	PSA 17:11	Waaminda natane kepi tanga kake na nawake nanduke umupbasitnawakaing. Umupbasitnawake na kumzang nanduyake na tanggaganuke kepdakane yaitakepukaing.
14141	PSA 18:11	Unzing angela tapatuta binga gwaamuke bepmake apbut. Sike wa apunggau got taknga kwaitdane pia kaamangga binga Anutu masene teke zeetgaman bepmake takapbut.
14154	PSA 18:24	Unzingge ita atnataak. Na ie gutonga takngatu wena. Nata kepi sukukumu katak siknga tanggwaukum. Gutonga takngatu tasiat nganggen.
14164	PSA 18:34	Ita katak siknga nanduyuwawan na dua pimanggat. Unzing kaap zongga tawan dakandakaatang sukuke kepi katak kake sukuaing binga.
14165	PSA 18:35	Gatu ita amak tasinanga akngae nanindamukgak. Unzing tasiwan kataknga kekeknga siwana kweemu kekeknga siknga kaiwa dandakawik.
14166	PSA 18:36	Buyambam tapa, gata na gatangami nata tiunggu take iwana ayapbimbit. Unzing gata iwanda ayapbikgayak. Gata katakga siaapane tapi kekeknga yuat. Siakan, gata na gatangami aminu kuupbamde kaine umana kaapa dakngake yuat.
14177	PSA 18:47	Buyambamtapa asinggan yuwawik. Ita suu buyambam gwenduta binga na wamambasiwik. Wamambasike na tapan take yuwit. Unzingge ninda itane umana yatangenatnim.
14180	PSA 18:50	Unzingge Buyambam tapa, nata gatane umanda aminu takngatu takngatue banakan yuke yatangenawit. Siwan nata kau takngatui kuut taike umanda yatangenawit.
14181	PSA 18:51	Buyambam tapata na, Devit, King kapa dakngawitde yakut. Unzingge asingganu ita tasiwan iwana asiknga yapbikgat. Ita tendeknga wena musip gwaang nae natangamunggak. Ita natane dongu masan aatningu ina unzakan musip gwaang natake gatayamik.
14187	PSA 19:6	Gunzitda kepmanu aminda maatna tanangge apbakngake yotna teke epu kunggak binga epu kunggak. Epuke inane kepinane kunggak. Unzing aminu asisapnangge tandakngake apbaknganggak binga.
14194	PSA 19:13	Siwan ngana maminda inane gutonganae kuupbam nataak? Na gutonga kundu tasikumde apbotake na ie dua nataat. Unzingge gata natane gutonga waakngana sandeke tasiwi na gae kaikane dundumna siwit.
14195	PSA 19:14	Na gatane puya aminda. Ge gata na kakuya katak siknga nanduyuwi nata waiaknga dua tasiwit. Gata waiaknga dua katewi na nanduyuwik. Unzingge nata noman yuke gutonga buyambamu takngatu dua tasiwit.
14202	PSA 20:6	Unzingge gata amak tasike gwa yapbimbinu, ninda wa yapbimbiakgengu ninda apbaknganim. Apbakngake Anututane umana aknga enane siknga yatangenatnim. Siwan ninda take Buyambam tapata gatane tumuk wambae kuupbam natake unzing gatanggamikge nataamang.
14216	PSA 21:10	Gatu ga kakaa komune apukengu gata iwanda pasiwi sopuning. Unzing katapda sangabam yasiwan kungwakaing binga. Siakan, Buyambam tapata musia toknga natayamuke waaminu yaipapaakusike katapda kuupbam sapewan yasining. Unzing aminu tapatuta sanga ngok guyangukgak binga.
14227	PSA 22:7	Siwan ngana na sanga yumdekanu kundu binga yuat. Unzing na gomou mateknga kep ganangkatang yuaing binga yuat. Siwan aminbamda sapdut wam nanike nae masa namukaing.
14230	PSA 22:10	Unzing yakaing ngana, Anutu, gata gika siknga na mingae musip ganang katang tapi aake take apbum. Apa gatangami ngwamu nakum komune kakuya tasikuyak.
14235	PSA 22:15	Sike natane kekekngana kuupbam gwa isangepunggak. Unzing yangga moo tukngwamba kuke zakngakaing binga. Siwan kwatanatane ngwaknga ngwakngana kuupbam gwa ziwa yuking. Unzingge natane musipma tuyuknga siknga siwan kekekananga dua. Unzing kaanata puke dauyapmakaing binga.
14236	PSA 22:16	Sike natane kekeknga akngana gwa isangepunggak. Unzing dopangu pupuknga sike pukaing binga. Sike natane guyaknga kupia siknga gwa singgak. Siwan yembina kuut genane gwa gatanggak. Gata na tasiwi nata paa siknga gatukande kungwanggat.
14237	PSA 22:17	Siwan wai aminu waakwakga na keu kuupbam nawake umupbasikaing. Unzing kamunda kaap zong umuyawakaing binga. Sike natane kataknga gatu kepina ngangu genata namukaing.
14253	PSA 23:1	Buyambam tapa, gata kakuya na nanduyuayak kapanin. Unzingge nata sanga tapatue dapnanga dua.
14255	PSA 23:3	Sike ita nae kekeknga kayuk namunggak. Namuke ita na kepi noman tapaapane nanitake kunggak. Unzing ita tupa tasinangge yakut taknga tawake tasinggak.
14256	PSA 23:4	Anutu, nata damene zikaa dakaatang kuke ngana gata gatangami akumnanga akngae nata dua gwaumbit. Dasingge? Ga naat gatake yuamak. Nata ga gandupa gusou sipsipde kakuya tasikaingga pakaing kapaapa apanggayak. Unzing kake natane musipma kwikwikngata yuwit. Nata wai sinanga dua.
14258	PSA 23:6	Gata nae banip gwaang natake sanga take akngakan tasingamunggayakge tapduk bamu nata kayuk yuwawa gata nae musip kwikwiu asinggan natangamuya. Unzingge nata yotdane asinggan asinggan yuwit.
14264	PSA 24:6	Aminu unzing kapatanu Anutue musiane natanggamatakaing. Unzing aminda Anutu Jekopda banip sikut tapae wesimu akukaing.
14281	PSA 25:13	Unzing aminu sanga sanga kwaapzang pake take siknga yutning. Take yuke waamindane waatdakana masande keu andakane take yutning.
14289	PSA 25:21	Nata gae banip singgat. Unzingge nata sanga take tasinggat takngana gatu noman tasinggat takngana ngang papi kekekawa waakngaatda gatangaman asinggan yuwit.
14291	PSA 26:1	Buyambam tapa, nata noman takngakan tasinggat. Tasike baniu kuupbam gaekan singgat. Unzingge gata tasiwi iwanata nandupa take siwan na yumdakan temapa naninanga dua siwik.
14303	PSA 27:1	Buyambamtapa natane kakaana siwan ita na gatangamunggak kapanin. Buyambam tapatakan na nanduyuke kekekangamunggak. Unzingge na sanga tapatue dua gwaukgat.
14308	PSA 27:6	Unzingge na iwanata na umupbasining ngana ayapbimbit. Siwan nata apbakngake kumzang yanggamatake sanga imukaing binga Anutue yotnane tasiwit. Tasike nata kap taike umana yatangenawit.
14310	PSA 27:8	Sike nata musipmaatangu gae anzing nataat, “Nata gae asaapit.” Unzingge Buyambam tapa, nata gae asaapit.
14321	PSA 28:5	Sike waaminu puya buyambamu Buyambam tapata tasikutde dua natapasikaing. Unzingge ita waaminu pandambanuke gatukande pasiwan sopuning. Siwan ita waaminu gatuna dua gatayamik.
14338	PSA 30:2	Buyambam tapa, gata na gwa take iwana dua kapewi na tasiwa maiwa nanduke bakngaking. Unzingge nata gatane umanda kumzang yatangenawit.
14344	PSA 30:8	Siwan ngana, Buyambam tapa, tapduu ga nae take siknga natangamukuyak komune gata na tasiwi kekekake yukum. Unzing, daman gwenda tawan dakane kekeknga yuak binga. Siwan ngana tapduu gata na napmake akusopukuyak komune na gwaut takngata na asiknga tanggaganukut.
14349	PSA 30:13	Unzingge nata gena dua umumbit. Aho, nata musipmaatangu kau umanda yatangenatnangge ataiwit. Buyambam tapa, ga natane Anutuna. Nata gae gaak wamu asinggan asinggan ganimbakngawit.
14353	PSA 31:4	Ga unzing nata akusopunanga tapa binga siwan gata na kakuya tasinggayak. Gata tupan kuke na nanitake kepi noman takngane nanitakuyo. Unzing gika tupa gwa yakuyak kaknga tawake tasinggayak.
14357	PSA 31:8	Sike gata nae butaya asinggan natangamunggayak. Unzingge nata gae apbaknganggat. Dasingge, gata meya natapbum taknga akakuyak. Ngan, gata natane musipmaatang meya takngatu takngatu natapbumu atnatapbuyak.
14359	PSA 31:10	Buyambam tapa, na meya buyambamu kaya. Unzingge nata kwanamu kumzang sikgawa kainata atzukngaing. Siwan kwatana tuyuknga singgakge gata nae musip kwikwik natangamuyo.
14360	PSA 31:11	Siwan musipmane meya nataat takngata na kayuk yutnanga aknga atzipmandaknganggak. Na kwanamu asinggan sike na tapduu mamaya yutnanga dua singgak. Na meya buyambam siknga. Unzingge natane kekekngana wena singgak. Siwan natane kwatana kuupbam atuyukakaing.
14362	PSA 31:13	Sike aminu kuupbamda nae gwa botaking. Unzing na aminu akupa kwaike botakaing binga yukum. Na unzing gapma gwegwenda atapan mukaing binga sikum.
14366	PSA 31:17	Na gatane puya aminda. Unzingge gata nanduyuke musip kwikwik natangamuyo. Gata nae musip kwikwik asinggan asinggan natangamuke na iwanatane kataune sandeke tapso.
14368	PSA 31:19	Sike waaminu yamandet sike sapdut wam yakaing. Siwan wamu waiaknga amin nomande yanikaing. Waaminu kem wamban yakaing. Unzing tasikaingge natake gata waaminu pasiwi maiwa waamindane gena tupakande pasiwi kusinong.
14371	PSA 31:22	Tupanu iwanata na nutnangge nawake natane yotgapma yupbasiking. Yupbasiwawa ngana ita nae musip gwaang siknga natangamuke inane kekekngata gatangaman nata take yuat. Unzingge Buyambam tapatane umana yatangenatnong.
14377	PSA 32:3	Nata wamu takngatusimu dua yayuuk zikaane gatu gunzit tapane ngangu kwanamu kumzang sikum. Unzing siwawa natane gupma apatdekut.
14378	PSA 32:4	Dasingge, gunzit tapane gatu zikaane gata meya takngatu takngatu namuwawi natane kekekngana kuupbam wena sikut. Unzing gunzitda kepdaka isiwan wawaakgak binga sikum.
14380	PSA 32:6	Unzingge aminu kuupbamu ga gawakaingu apmanu waaminda tumuk wam ganinong. Sike meya aknga buyambam ba siwik, unzing yanggata buyambam paptake amin kaitake kunggak binga siwanu, meya akngata waaminu dua pasiwan maining. Wena Siknga!
14383	PSA 32:9	Gata ikwawa gamanu hos ba dongki binga dua dakngawim. Sike ikwawa wa gweayau natdetdetna wena. Unzingge gata ainu napna mamaya dakau genane peyo. Peke nap takngaat peke panomanuwawi wanggwak kuson. Sike gata unzing dua tasiwinu gata natapiak kaknga dua tawasan.”
14392	PSA 33:7	Ita yanggabam gwenu iniwan paku ina saak yukut. Unzing aminda yangga sospenu gwendunekan zikaing binga. Sike ita tasiwan yanggabam gwenu kutakngi kaya amunandang siknga siwan ina saak une yuak.
14406	PSA 33:21	Ninda umana noman siknga akngae banip siknga sikamang. Unzingge ninda ie apbakngakamang.
14412	PSA 34:5	Nata tumuk wamu Buyambamtapa iniwa ita akgatangamuke tumuk wama atnatapbut. Ita gwaut taknga nata nataau kuupbam asandekngamukut. Unzingge nata musip kwikwik natake yuat.
14413	PSA 34:6	Aminu kuupbam meyana kaya siwan ngana waaminda Buyambam tapae banip sike apbakngakaing. Unzingge waamindane banip sikaing kakngana wai dua siwik.
14435	PSA 35:5	Buyambam tapa, gatane angelakata wai aminu yanikwasiwan andatakunong. Unzing got takngata zongatane dapandapa puyapan kukaing binga.
14440	PSA 35:10	Natangamuke banip gwaang wamu anzing yawit, “Buyambam tapa, ga binga tapatu dua yuak. Siwan gata kekekngana wena aminu take siknga gatayamunggayak. Unzing tasiwi aminu kekekngana kayata waaminu dua pasiwan maining.”
14442	PSA 35:12	Sike natanu waaminde takeakngakan tasiyamunggat. Siwan ngana yake itanu waiaknga nae tasikaing. Unzing tasiwan kake musipmaatangu meya siknga nataat.
14447	PSA 35:17	Buyambam tapa, unzing tasiwa tapduu datdasing kapeya? Gata na tapi waaminda na dua tasiwan maiwit. Waaminu kaap zongu laionda kaapna yasiwan kupan nanggak binga tasike na nutapan kupitde tasikaing. Unzingge na gata ie kataune sandeke tapso.
14449	PSA 35:19	Sike aminu kunduta nae iwana yumdekan sikaing. Gata ma kapewi bakngake na naitakepning. Nae musip maiu yumdekan natangamukaing. Unzingge gata dua kapewi meya nata papitde baknganing.
14452	PSA 35:22	Siwan ngana Buyambam tapa, gata waaminu gwa kaak. Unzingge genda ma umukusike yuwim. Buyambam tapa, gata na ma napmake keu maa komdune kuke yuwim.
14456	PSA 35:26	Sike aminu wa meya nata kaatdenu apbakngakaing aminde gata pasiwi apmaakawa natdetdetna panggutokayo. Sike waaminda inane umana aknga yapangenakaingu wa na tasiwan maiwikge. Unzingge gata pasiwi umana wena akwak dakngake apmaakanong.
14458	PSA 35:28	Unzingge gatane noman takngaka yakapmake umanda aknga kwakngaom gatu zikaane ngang asinggan yatangenawit.
14465	PSA 36:7	Gata sanga noman nomana tasinggayak kaknga buyambam siknga. Waaknga enane siknga. Anututane tawan dakandaka binga. Sike ninda masande wam yanimde gata noman taknga tawambiakgane yapii ninda natdetnanga dua. Wa amandang siknga. Unzing yanggabam gwenu amandang siknga yuak binga. Buyambam tapa, gata aminkat gatu kaap zongkat ngang kakuya pasiwi take yuamang.
14467	PSA 36:9	Sike gatane yotda atangu nanamu kwaapzang siknga. Unzingge aminbamu undang koke nanamde dua dapmakaing. Gatane sanga take siknga wa kwaapzang yuaing. Unzing yangga buyambamu tapatu binga. Siwan gata atangopningge yamunggayak.
14474	PSA 37:3	Gata Anutuekan banip siknga siyo. Sike noman takngakan tasiyo. Unzing tasikengu gata take asinggan kepbane yuya. Siwan sanga tapatuta ga dua tasiwan maiya.
14477	PSA 37:6	Gatanggaman gatane takeakngaka gunzitdane waenga aknga binga anggaman yuwik. Ngan, gatane noman takngaka itakan tasiwan aanggaman siknga aminbamde kaine siwik. Unzing gunzitda banakan pakapu yuwan kakaa siknga singgak binga.
14480	PSA 37:9	Unzingge wai aminu gatukande wai asining. Siwan ngana aminu Buyambam tapae banip sike waaminu kepna teyamukut komune take yutning.
14484	PSA 37:13	Siwan ngana Buyambamtapa atnataak. Tapduu gwenduta apik. Apan tapduu wagwene wai aminu gatukande wena asining. Unzingge Buyambam tapata waaminu ayanimikgak.
14489	PSA 37:18	Buyambam tapata aminu ie wam gwaamuke tawakaingu katak kayuak. Unzingge sanga Anututa yamunggau asinggan pake yutning.
14491	PSA 37:20	Siwan ngana wai aminu kuupbam gatukande wena asining. Buyambam tapatane iwana wena asining. Unzing zongazongatane tapuyata pimake butakaing binga. Siakan siknga, waaminu kupan takngata matekngasim yuke zeetgaman kuwan wena singgak binga sining.
14498	PSA 37:27	Gata waiaknga kuupbamde masa yamuyo. Yamuke noman takngakan tasiyo. Unzing tasikengu keu andakane take asinggan yuya.
14506	PSA 37:35	Nata wai aminu tapatu musiptok asinggan natake kekekngana bamban tapa kakum. Siwan ita aminu ayapbikgak. Unzing katau dakatu baka binga buyambam takake katap notna yapbike yuaing binga.
14511	PSA 37:40	Waaminda ie baniu asikaing. Unzingge ita waaminu akgatayamunggak. Gatayamuke wai aminde kataune yuaingu asandeke inae papan take yuaing.
14517	PSA 38:6	Sike wata natane gupmaatang nana kwaapzang siwan kapanga siknga sikaing. Nata gutonga siknga tasikum. Unzing sanga waaknga nae apbut.
14520	PSA 38:9	Nata asiknga tuyukake wai siknga yuat. Unzing sanga tapatuta na kekeknga siknga nutapaakusinggak binga. Siwan musipmaatang natapa wai siknga siwan nata tokngabam pake yanggamatanggat.
14526	PSA 38:15	Sike na aminu tapatu wamu dua yanggaak binga. Unzingge wamu yake dua yaninggat.
14537	PSA 39:3	Unzingge na gena asumukum. Umuke wamu takngatu dua yakum. Siwan nata wamu sanga takeakngae kuut dua yakum. Siwan ngana musip maatangu meya aknga buyambam siknga sikut.
14538	PSA 39:4	Siwan musip maatang nangayakan natapbum. Nina atnataawakan musip maatang wai siknga sikut. Unzing siwan na gena umutnanga dua. Aho, wamu kundu ayakum.
14540	PSA 39:6	Gata tasiwi nata tapduu dapaknga siknga yuke akupit. Sike tapduu nata kayuk yuwit taknga gae kaine sanga moo binga singgak. Aminu kuupbam kayuk yuaing kaknga kawi got taknga binga singgak. Unzing, aminu tapatuta waunga genaneta puyapan kuke wena singgak binga.
14546	PSA 39:12	Aminu wai tasikaingge gata kaanga yanike meya yake ayamunggayak. Siwan gata sangasanga kwaapzangge take nataaingu gata apasiwi sopukaing. Unzing gwakgwakga tauk san napan wai singgak binga. Siakan siknga. Aminu kuupbamu waung kaknga genaneta puyapan akokunggak binga sikaing.
14583	PSA 42:3	Anutu, ga kayuk asinggan yuak kapanin. Na gae take siknga nataat. Unzing aminu tapatu guyaknga kupiawan yangga tangopnangge nataak binga. Siwan zaapduk nata gae kuke nata gae munu puwit?