13954	PSA 2:5	Yanike ita musiaatang toknga siknga natayamuke wamu kekeknga siknga aknga yaninggak. Yanike itane kaanga akngata tasiwan asiknga gwaukaing.
13959	PSA 2:10	Siwan wamu waaknga natake ginu King aminda maak gwaang pake yuyukza tapan nomatayok. Ngan, ginu kepna kepna yuainggane tupan amin, ginda wamu aaknga natake, Yako, ngang natake akgwautnong.
13987	PSA 5:8	Siwan ngana gata nae musip kwikwik siknga natangamunggayak. Unzingge nata yotdane take akopit. Yot takwan gwende kanggamatake munu puke ganimbakngawit.
13989	PSA 5:10	Sike iwana waakwakga siakan wamu takngatusimu dua siknga genane yakaing. Dua yake aminu kundu pasiwa maining gekan nataaing. Siwan kem wamu atdopan yuke yakaing. Yake tanzit wam yanike tasiwa maikaing.
13990	PSA 5:11	Sike Anutu, gata yake waaminde wamna natake toknga take yamuyo. Yamuke tasiwi waaminda natdetdeu gutonga nataaing kakngata pasiwan sopunong. Waaminda gae yamandet tasike waiaknga buyambam tasikaing, gae nomune dua yutningge yanikwasiwi maa siknga kunong.
14024	PSA 8:3	Siwan gata natake waatdakaat engangkat kuutda gatane umanda yatangenatningge yawi kekekakut. Yawi kekekawan damanu kekeknga siknga gatane iwandaat gatu gae wam sapdukaing aminkatde kepi wamake umuyamunggayak.
14037	PSA 9:6	Ngan, gata katum aminde kaanga wam yanikuyak. Yanike gata wai aminu gwa pasiwi maiking. Siakan, gata waamindane umana aknga gatukande dotdonguwi aminu tapatuta waamindane umana dua siknga natapik.
14039	PSA 9:8	Siwan Buyambamtapa Kingu asinggan asinggan yuwik. Yuke ita wam usanzitnangge natake gwa tandakngake yuak.
14043	PSA 9:12	Buyambam tapata King siknga Saion yotbam gapmane yuakge ginu kuupbamda ie kau taike umana aknga yatangenatnong. Yatangenake dongu kuupbamde puya buyambamu ita pasikutde yanikapnong.
14046	PSA 9:15	Unzingge nata sanga kuupbam gata tasikuyakge yanitakuke gatane umanda yatangenawit. Yatangenake nata Saion yotbam gapmane gwambok gwaune yuke gata na takuyakge apbakngake yanikapit.
14054	PSA 10:2	Wai aminda yamandet sike kekekngana wena aminu apasiwan mainingge yawakaing. Yawake aminu wa kekekngana wena aminu panggaganutnangge natake gapma kwaiwan undang pukuning.
14059	PSA 10:7	Ita wamu wai yake aminu kundue asinggan yanisapdukgak. Yanisapduke ita kem wam gatu gwaut wamu aminu kundue yanikapmanggak. Siakan, ita wamu waiaknga aknga yake gutonga kwaapzang pasinangge yanggak.
14068	PSA 10:16	Buyambamtapa Kingu asinggan asinggan yuwik. Yuke ita katum aminu inane kep komune yuke ie masa imukaingu yanikwasiwan kuke gatukande wena sining.
14083	PSA 12:6	Siwan waaminda aminu kekekngana wena amin gatu sangana wena amin yaipakepukaing. Yaipakepuke yanisapduwawa meya pake yuaing. Siwan ngana Buyambam tapata anzing yanggak, “Nata enake aminu meya unzing pakaingu takekan yutningge nata kakuya tasiwit,” ngang yanggak.
14104	PSA 15:5	Siwan ita kapewan aminu kunduta apu sanga moo yamikge iniwanu ayamunggak. Ge yake pakapu imanu sikopnae dua yaniwan imukaing. Siwan aminu tapatuta aminu gutongana wena apae kot yakut. Yawan aminu wa yake pakapu imanu sikopnae dua yanikut tapata moning pake gutongana wena apa kautde moo tewikge inindatdauwan mainggak. Siwan aminu tapatuta kepi waaknga tawambiu dua pimapik.
14252	PSA 22:32	Yanikapmake aminu wa tupa dua aakingu gwa aawanu yanike Anutu nomana siknga apa unin ngang yanining.
14280	PSA 25:12	Mamin aminda Buyambam tapae gwaukaing? Aminu wa Buyambam tapae gwauke Buyambam tapatane wamna tawambanu, Anututa kepi nomantapa yeuyamik. Yeuyaman waapane kuninggen.
14298	PSA 26:8	Buyambam tapa, nata gatane yot gwendae take siknga nataat. You gatane wagwene umanda kopsa aknga undang yuak.
14300	PSA 26:10	Waaminu waiaknga asinggan tasikaing. Tasike moningu kundu aminu wam usanzikaingge asinggan yamukaing. Yamuke kaa wam yanindatdaiwan waiakngae yake meya takngatu dua yamuning.
14316	PSA 27:14	Siwan gata Buyambam tapae banip sike kekeknga yuyo. Yuke musipbaatang natapi kekekayok. Kekekawan Buyambam tapata gatanggamikge natayuyo.
14326	PSA 29:1	Siwan ginu angela kekekngasa kaya amin, ginda Buyambam tapatane umana yatangenatnong. Yatangenake itane umana kopsa gatu kekekngana ngangge apbaknganong.
14371	PSA 31:22	Tupanu iwanata na nutnangge nawake natane yotgapma yupbasiking. Yupbasiwawa ngana ita nae musip gwaang siknga natangamuke inane kekekngata gatangaman nata take yuat. Unzingge Buyambam tapatane umana yatangenatnong.
14374	PSA 31:25	Ginu aminu kuupbamu Buyambam tapae banip sikaingu ginda kekeknga yutnong. Yuke musipzane asinggan natapa kekekayok.
14415	PSA 34:8	Angela Buyambam tapatane tapata aminu Buyambam tapae gepbiatang yuaing aminde inengan yuak. Yuke ita gatayamuwawan meya takngatuta dua pasiwan maining.
14420	PSA 34:13	Siwan gata kayuk yutnanga takngaka take siwikge nataayak? Siwan gata kayuu mamaya siknga yuya. Yuke gatu gata take yuke apbakngnaya?
14436	PSA 35:6	Gatane angelakata ayawamban kunong. Yawamban kuwawa itane kepiapana tasiwan zikaa siwan saweknga siyok.
14497	PSA 37:26	Asingganu aminu nomana apata musip kwikwik natayamuke sanga kwaapzang aminu kundue yamunggak. Yaman kake itane waakngata minga nana pasiwan apbakngakaing.
14498	PSA 37:27	Gata waiaknga kuupbamde masa yamuyo. Yamuke noman takngakan tasiyo. Unzing tasikengu keu andakane take asinggan yuya.
14502	PSA 37:31	Anututane mama wamu itane musiaatang yuak. Yuwawan ita Anutue wam tawake dua tewik. Siakan, ita sukuke kepi saweknga apane dua pimapik.
14505	PSA 37:34	Gata Buyambam tapae banip sike natanggamatake tumuk wam inike itane kepi noman takngakan tawamso. Gata unzing tasiwinu umanda kopsa aknga akgamik. Siwan keu ita yakut komu atake yuya. Yuke kaawi ita wai aminu apasiwan maining.
14558	PSA 40:10	Buyambam tapa, nata gatane wamu takeaknga aminbamde ayanikapmanggat. Yanikapmake, Buyambam tapata ninu gatuna apanggak ngang yaninggat. Sike Buyambam tapana, gata wamu wa yanikapmanggatde atnataayak. Nata wamu waaknga asinggan yakapitde nata gena dua umuke yuwit.
14566	PSA 40:18	Siwan ngana na kekekngana wena. Ge nata nina gatangamunanga dua. Siwan ngana ga Buyambam tapa, gata nae atnatapso. Anutuna, gika siknga gatangamuke tanawawi yuwit. Yuwawa na zet gatangamuke mooka ma nandutewim.
14569	PSA 41:3	Buyambam tapata kakuya tasike tapan kekeknga sike kayuk takekan yuwik. Yuke Buyambam tapata tasiwan kepnane takekan yuwik. Yuwan Buyambam tapata iwana dua kapewan apu waapa tasiwan maiwik.
14595	PSA 43:3	Gata wamu siakan taknga kakaa binga pewi apu kepi yeikngamuyok. Yeikngaman kepi katak kake na Saionde noman kuwit. Wa tawanu gikane dakanin. Siwana nata you gika yuwaak gwene kuwit.
14601	PSA 44:4	Siwana bapuninda asaambing. Siwan ngana keu waomu amak tasike dua taking. Asikaya inane kekeknganata gatayaman amau tasike yapbiking? Wena. Gata waaminde take siknga natapbuyak. Unzingge ga waaminkat gatake yuke kakaa yamukuyak. Yamuke gikane kekeknga aknganeta iwana yapbikuyak.
14647	PSA 46:5	Anututane yotna gapma wa Anutu enane siknga yuak kapata inae gwa yawan yuak. Yangga buyambamu tapatu wa gapmae banakan zipmanggak. Siwan aminu banip siata yangga waapane apbakngake yuaing.
14674	PSA 48:10	Anutu, ninu gatane miti yot buyambam gwekatang yuamang. Yuke ninu ga ninde butaya asinggan natanimunggayak kakngae natanggamatakamang.
14678	PSA 48:14	Ginda Saiondane damanu kekeknga siknga gwegwende katak siknga natapnong. You kekeknga gwegwende kuut katak kanong. Kakenga aminu masan aatningu ginda yanikapnong.
14702	PSA 50:2	Anutu you Saion gapmane yuak. Yotbamu wanggapma take siknga siwan dundumna siknga. Siwan Anututane kakaa aknga anggaman yuak.
14715	PSA 50:15	Ginda unzing tasiwawa meya takngatuta apan kakengu ginda nae take yaning. Yawa nata ginu asiknga gatandamit. Gatandama ginda natane umana yatangenatnong.”
14775	PSA 55:4	Natane iwanata na tasiwan maiwitde wamu kekeknga yakaing. Yake waaminda kumzang nanduyake dua tewan nanduyuaing. Unzingge musipmaatangu natapa take dua singgak. Na musipmaiu atnataat. Dasingge, waaminda musiptou nae kwaapzang natangamuke kaanga nanikaing. Meya akngata na tasiwan gatukande mainanggenggat.
14821	PSA 57:12	Anutu, nata take gatane umanda aminbamda enane siknga yatangenatningge nataat. Gatu gatane kekeknga akngaka kuut aminu kepna kepna yuaingge aanggaman yeuyamuyo. Yeuyami gatane umanda akngaenu natapan kopsa siwik.
14839	PSA 59:6	Buyambam tapa, ga Anutu kekekngaka bamban. Ga Isrel amindane Anutuna. Gata aminu gae masa gamukaingu zeetgaman apuke meya aminu dongu wa kuupbamde yake yamuyo. Yamuke waaminde butaya ma natayamim.
14849	PSA 59:16	Sike wa kungapuke tasikaingu nanamde yawakaing. Yawake musipna dua gitnawanu kumzang siknga ainggamatakaing.
14861	PSA 60:10	Sike Moap kep komu nata dopangbamu yanggane saukgat gwen binga ngang nataat. Siwan Idom kep komu natane kep kom dakngawikge natake kepi tauknga keu waomune mumba kunggak. Siwana nata amak tasike Filistia aminu yapbimbit. Yapbike keu waomde apbakngake asainggamatawit.”
14868	PSA 61:3	Na yotna teke maa siknga kuyuke gata gatangamiakge yanggawanggat. Yanggawa musipmaatangu meya siknga nataat. Unzingge gata nanitake sup buyambam siknga kusopuknga komdune napmambi iwanata na dua tasiwan maiwit.
14905	PSA 64:6	Sike wai aminu waakwau inae natapa kekekawan wai waaknga atasinangge nataaing. Sike wamu yakaingu keu komduatang yapapna pewan aminu kundu panggaganutningge nataaing. Siwan gatu anzing nataaing, Yapapminu kusopuknga siknga. Aminu tapatuta yapapminu kananga dua, ngang nataaing.
14906	PSA 64:7	Siwan gatu waaminu waiaknga kunduat tasinangge wamu yandekaing. Yandeke anzing yakaing, “Ninu sanga takngatu tasinangge kepi takeakanga gwa natapna kekekakut,” ngang yakaing. Sike, “Sanga wa tasinangge natapbumangu aminu tapatuta dua kakapik,” ngang yakaing. Siakan siknga, aminde natdetdetnane ba musiane yuwik kaknga kakapnanga dua. Siwan waaminda waiaknga tasiningge kepi aknga aknga katak siknga nataaing.
14907	PSA 64:8	Siwan ngana Anututanu, sakutnata yapik. Yapan zeetgaman mait sike kumning.
14920	PSA 65:10	Gata kepdaka daka katak siknga kayuke sopa kepi waakngane pewi epukaing. Siwan kepdaka tasiwi kayana kwaapzang siwan nanam zakga take siknga enakaing. Anutu, gata yangga kuupbam kepna kepna pekuyau dua zakngakaing. Yangga wanda pasiwan nanamu kwaapzang aawan aminbamda pake nakaing. Sike puya waaknga gata gika tasikuyaunin.
14933	PSA 66:9	Dasingge, ita ninduyuwawan ninu kayuu yukumang. Yuwatna ita dua nindupewan kepi saweknga apane pimakumang.
14941	PSA 66:17	Tupa nata ita gatangamukutde yatawakum. Yatawake ie tandakngake kap taike umana yatangenakum.
14958	PSA 68:6	Anutu inane yotna gapmane yuak. Yuke waatdaka nana gwa kupsatane kayuak. Unzing, waamindane nana binga. Gatu itakan maya apna gwa kupsa kuut kayuke gatayamunggak kapanin.
14986	PSA 68:34	Sike i ena yekaune kepi sukunggak. Yekau wagwenu tupa siknga yukut. Natapnong. Anututa wamu kekeknga yatewan apunggak.
14990	PSA 69:2	Anutu, na gatangamuyo. Yangga guyaknganekan gwa akok.
15034	PSA 71:3	Ga natane suu buyambam kekeknga gwendu binga dakngake yuyo. Yuwawi na gae gepbiatang akopa gata na kakuya tasiyo. Dasingge, na gaekan apuke na kusopuwit. Gata siknga gatangami na take yuwit.
15054	PSA 71:23	Yatangenake kapza taiyuuk apbakngawit. Kaau wa taiwiu gae taiwit. Dasingge, gata na gwa takuyak.
15063	PSA 72:8	Siwan ita King kapa yuke aminbamu yanggabam gwene wesim yuaingkat gatu yanggabam gwene maa siknga yuaingkat kakuya tasiwik. Siwan itane kepna yangga Yufretis tapaneta tuwanguke kuku kepna kepna kuwan sandewik.
15070	PSA 72:15	Nata nataau Kingu waapa tapduu mamaya yuwikge nataat. Yuwawan Arebia nana aminda gol moni ie moo imuningge nataat. Siwan aminbamda Anutue tumuk wam iniwawan ita Kingu waapa asinggan gatangamikge nataat. Siwan tumuk wamu waaknga Anututa tasiwan King kapa take yuwikge ininingge nataat.
15098	PSA 73:23	Siwan ngana na gaat asinggan yuamak. Yuke gata katakngane tanggayaunin.
15128	PSA 75:2	Anutu, ninda gae gaak kaknga akganikamang. Akganike umanda asinggan yatangenakamang. Yatangenake gatane umanda kopsa akngae yakapmakamang. Aminbamda sanga inata inata take siknga gata pasikuyakge yakaing.
15136	PSA 75:10	Siwan ngana nata Jekopdane Anutunae umana asinggan yakapit. Yakapmake nata kau kumzang taike umana buyambam siknga yatangenawit.
15153	PSA 77:3	Sike meya tapduk siwan nata tumuk wamu Buyambam tapae yakum. Yake nata zikaa kuupbam tumuk wamu asinikum. Siwan ngana musip kwikwik taknga dua takum.
15157	PSA 77:7	Sike zikaane nata natdetdetbam pake yukum. Yuke tupa kap taisika tasikum takngae asinggan natayukum. Natayuke natdetdetbam pake ninae anzing yakwaikum.
15168	PSA 77:18	Sike sopa enandangga buyambam siknga taawan gakngat gwekaa buyambam siknga kaapmapa yakut. Yaawan yapasik kaa kuwan apan kuupbam sikut.
15220	PSA 78:49	Ngan, ita kaanga kumzang siknga natayamuke waaminde meyambam yamukut. Yamuke angelana yanipewan kuku pasiwa meya buyambam paking.
15258	PSA 80:2	Ninu Isrel aminu ninukuya tasinggayak kapa, gata ninu Josepdane dongune nana kepi noman tapane panomanuwawi yuamang. Unzing gatane sipsip matekga kayuayak binga. Ge ninda gae yanggawaatna maak panimuyo. Gata king kapa yot takwan siknga gwekatang angela kekeknga apaapa yuaingune banakan yuayak. Yuke kakaa akngakata ninde apsok.
15263	PSA 80:7	Gata aminu dongu kundu kundune nana kapewi ninde wesim yuke amak wam yake nindane kep tanangge yakaing. Yake iwaninu waakwakga masa wam ninike atninimikaing.
15268	PSA 80:12	Sike nau waapatane kaingata kuke nambis buyambamu Mediterenian gatu yangga buyambam tapatu Yufretis ngang yanikainggane kwaimune kuking.
15284	PSA 81:8	Sike tapduu ginu meya buyambam paking komune nae yanawaking. Yanawamban nata gatandama ginda take yuking. Na ena kakaa gakngatda yanggakge banakan kusopuke yuat komuneta tumuk wamu yakingu natake gatandamukum. Siwan ginda yangga gapma Meriba ngang iniking komune yuwawa nata tanziu pasikum.
15291	PSA 81:15	Sike unzing tasiwanu, nata zeetgaman iwana ayaipapakusiwit. Yaipapaakusike waaminkat amake nata asiknga yapbimbit.
15292	PSA 81:16	Yapbimba aminu na Buyambamtapa yuatde apbitakaingu nae asiknga gwauke munu nae putning. Siwan asingganu nata meya yamuwawa kaning.
15320	PSA 83:19	Nata nataau gata waaminde unzing tasiwina waaminda apme natdetning. Ga gika siknga, ga Buyambam tapa, siwan ga Anutu enane siknga yuak. Yuke kepna kepna kuupbam kakuya tasinggak ngangu natapning.
15341	PSA 85:8	Buyambam tapa, gata ninde take asinggan natanimunggayak kakngaka yeutnimi kanim. Yeutnimi kana gata ninu papi take yutnim.
15356	PSA 86:9	Sike aminu dongu kuupbamu gata pasikuyau waaminda kuke gae munu puke gatane umanda yatangenatning. Yatangenawawa umandaa kopsa siknga siwik.
15364	PSA 86:17	Buyambam tapa, nata sanga gata musipbaatangu butaya natangamunggayak kakngatane tuwang yeikngamuyo. Yeikngami natane iwanata kake gata gatangamuke tapi kekekanggat ngang natapning. Natake waaminda inane waiaknganae asiknga maakaning.
15392	PSA 89:2	Buyambamtapa, nata kau asinggan gatane butaya wamde yanggak kaknga asinggan taiwit. Siwan asingganu nata wamu yanggaak kaknga teke gatu takngatu dua yanggayakge yakapit. Yanikapa bapuna masa masa aatningga atnatapning.
15410	PSA 89:20	Tupa siknga gata mia takngatu puya aminda sikngae yamukuyak. Yamuke anzing yanikuyak, “Nata amak aminu tupan sikngaapa gwa yawa yukut. Siwan nata kinggane kupna gwapakngine gwapungamukum. Nata aminbamde banakan take waapa tewa king kapa yuak.
15416	PSA 89:26	Siwan kepna imiu yanggabamu Mediterenian gweneta kuku yangga buyambam tapatu Yufretis ngang inikaingune sandewik.
15476	PSA 91:16	Siwana nata kayuk yutnanga aknga yamuke isapakopa tapduu mamaya yutning. Yuwawa nata gatuna papa naat gatake yutnim.”
15494	PSA 93:2	Buyambamtapa, tapduu sangabamu dua aake yuking komune ga ayukuyak. Ga asinggan asinggan yuayak. Yuke King kapa asinggan asinggan yuayak.
15496	PSA 93:4	Yanggabam gwenda gakngau yanggau wa mateknga dua. Siwan yanggabam gwendane sambuya enake gakngae kekeknga taku tangukgak. Siwan ngana gatane kekekngaka buyambam siknga.
15518	PSA 94:21	Sike waakwau unekan yuke noman amin pasiwan mainingge yandekaing. Siwan gutonga dua tasikaing ngana temapa yanikaing. Yanike zipa kumninggen.
15534	PSA 96:3	Ginda itane umana kopsa akngae aminu kepna kepna nana dongu kuupbamde yanikapnong. Yanikapmake puya gwaang gwangu buyambamu ita tasinggakge yanikapnong.
15542	PSA 96:11	Sanga kakaa komune nanaat gatu aminu kepna kepna nanaat ngangu ginda apbaknganong. Yanggabam gwen gatu sangabamu gaatang yuaingu kuutda gakngatbam tasike ayanggamatanong.
15558	PSA 98:2	Buyambam tapata amak tasike yapbikutde gwa yakapbut. Yakapmake ita noman nomana tasike aminabamu gatuna sendeke pakut taknga yeuyaman aminu kepna kepna nana kuupbamda kaking.
15561	PSA 98:5	Yatangenake ginda gita tanguke kap taike Buyambam tapae umana aknga yatangenatnong. Yatangenake gita tanguwa gakngae take siknga siyok.
15566	PSA 99:1	Buyambamtapa king kapa yuak. Yuakge aminbamda ie ayamuke gwautnong. Ita sia king dakane pukwiwan angela kautkaut yukumayak. Siwan kepdaka miamun siwikge nataat.
15594	PSA 102:7	Na wai siknga kwaiu taa gwenduta keu nanamna wena komune yuak binga nata yuat. Yuke kwaiu zikaane sukunggau gwenduta binga ninatakan yuat.
15616	PSA 102:29	Unzingge gata nindane waatdakaninu kakuya pasiwawi take yutning. Yuke waakwakgane bapuna masan aatningu gata gatayami gaat waakwakat asinggan gatake yutning.”
15618	PSA 103:2	Nata Buyambam tapatane umana asiknga yatangenawit. Yatangenake ita nae sanga takeaknga kwaapzang siknga tasingamukutde dua botawit.
15645	PSA 104:7	Siwan ngana masande gata yanggabam gwende wamu kekeknga aknga yawi atdatakukut. Yanggabam gwenda nataawan gata apaa siknga yawi gatukande datakukut.
15694	PSA 105:21	Siwan king kapata Joseu inane puya aminu tupan tapa dakngawikge yawan yukut. Yawan Josepda sanga kuupbam Kinggane you buyambam siknga gwekatang yuking kaknga kakuya tasikut.
15695	PSA 105:22	Puya unzing tasike ita inane natdetdetnane kinggane puya gwapak amin yanindamukut. Yanindamuke ita aminu kundu king kapae natdetdet imuya takwaunin yanindamukut.
15713	PSA 105:40	Siwan masande waaminda nanam yamikge iniwan ita kwait pewan apa naking. Gatu ita poyak yekaune nana ie yamukut. Yaman napa musia atdopbing.
15714	PSA 105:41	Siwana ita tasiwan suu buyambam dakaatangga yangga epbut. Yangga buyambam waanga pimake zipmake sangana wena kepban komune kukut. Unzing yangga buyambamu tapatu zongangaatangga zipmake pukunggak binga.
15717	PSA 105:44	Siwan ita dongu kundune nana amindane kepna waaminde yamukut. Yamuke ita kapewan puya anga angana kuut paking.
15723	PSA 106:5	Papi gatane amindabamu take siknga yutningge nataat. Yuke aminu waakwau sanga take akekan pawawa kake naat waaminkat baknganim. Natake naat aminu gatane dongga dakngake yuaingkat baknganim.
15728	PSA 106:10	Yanipake kuke ita iwana aminde kataune sandeke pakut. Sandeke papan iwanata dua pasiwan maiking.