14099	PSA 14:7	Siwan Anututa Saion nana aminu tapatu initewan apu Isrel nana gatu papan takekan yutningge take siknga nataat. Tapduu Buyambam tapata aminabam gatayaman take yutning komune aminu Jakopdane dongune nana apbaknganong. Ngan, Isrel nanata musipgwaang siknga natake yutnong.
14204	PSA 20:8	Aminu kundu amak amnangge natake sanga pake amak kekeknga siknga amakaingu umana karis ngang yanikaingge banip takaing. Siwan kundu amak kumzang siknga amnangge natake hos gwegwen pake amakaingge banip takaing. Siwan ngana ninu Anutu, Buyambam tapanindane umana aknganae banip takamang.
14224	PSA 22:4	Siwan ngana, ga dundumna siknga apaunin. Siwan gata tupan siknga apa, enane siknga yuwayaunin. Ge Isrel nana aminda gatane umanda yatangenakaing.
14244	PSA 22:24	Ginu Anututane donga, ginda ie gwangat natapnong. Ngan, ginu Jekopdane donga, ginda itane umana yatangenatnong. Ngan, ginu Isrel aminde donga, ginda ie akgwautnong.
14290	PSA 25:22	Anutu, gata ninu Isrel nana kuupbam papso. Siwan meya takngatu takngatuta ninu dua pasiwan mainim.
14331	PSA 29:6	Sike ita tasiwan tawanu Lebanon nana dakandaka miamunda tasiwan pukapmake dekaing. Siwan tawanu Hermon ngang inikaing daka miamunda tasiwan pukapmake dekgak.
14580	PSA 41:14	Buyambam tapatane umana ninda initangenatnim. Sike waapa Isrel nanatane Anutuna. Siwan dongu masan aatningu waamin kaya ina unzakan tasining. Siakan. Siakan siknga.
14587	PSA 42:7	Anutu, nata musipmaatangu meya siknga nataat. Sike na yangga Jordan tapatane kautdu saak yuat. Gatu tawanu Hermon gatu Miza ngang komune yuke gae natanggamatanggat.
14634	PSA 45:10	Sike king kapa apatane yapanaat gatu maya kundu gata tasiwi umana kaya dakngakingkat yuaing. Sike katakga kwanaapane maya gata maatdae takuyak kapata dandamake yuak. Ita tauknga sanga golmani ngang yanikaingu you gapmandu Ofir gapmane nanata pasikingunin pasikut.
14637	PSA 45:13	Sike aminu Tair yotbam gapmane nanata sanga kundu gae gamunangge pakapning. Ngan, sanganambambanu waakwakge gata musip gwaang natayamiyakge sanga sanga gae gamuning.
14638	PSA 45:14	Maya mateu kinggane waapa yotna inatakan pekgak gwekatang yuwan kana gwaam siknga singgak. Sike tauknga sanga tretgol ngang yanikaingga pasikaingunin pasike yuak.
14664	PSA 47:10	Sike amindane tupan amin tapaapa aminu Abrahamdane Anutuna tawakaingkat unekan gatake yuaing. Dasingge, kingu kepna kepna nana kuupbamu aminu Anututanekan. Ita king tupan tapa enane siknga yuak kapanin.
14672	PSA 48:8	Anutu, gata tasiwi gou buyambamu gunzitda akonggak kopatangga apbut. Apuke yotbamu Tarsis nanatane sipna buyambam gwegwenu apasiwan maiking.
14707	PSA 50:7	Siwan Anututa yanggak, “Ginu natane aminabam, natapnong. Na ginde wamu kaa. Ginu Isrel amin, nata ginu kotde pakuwa yaningge nataat. Nakan, na Anutu siknga. Na gindane Anutusa.
14743	PSA 51:20	Siwan gata gika nataak kakngane aminu gatayami Saion yot gapmane takekan yutnong. Gata gatuka damanu Jerusalem yot gapmane gwenu gatuka tangenayo.
14748	PSA 52:4	Ga kem amin, gatane genda daka resa toknga siknga daka binga. Tapdukbamu gata aminu kundu tanzit pasiwi mainingge nataayak.
14762	PSA 53:7	Sike nata take siknga nataau, Anututa Saion nana tapatu iniwan apu ninu Isrel nana gatu papikge nataat. Sike tapduknga Anututa gatayaman take yutning gwene Jakopdane donga apbaknganong. Ngan, Isrel nana aminda musip gwaang natapnong.
14826	PSA 58:5	Wamu yakaingu unzing gomokgane genaatang marasinu waiaknga yuak binga. Sike waakwakga maakngi atzaangukaing. Unzing gomokga maakngi kusiwan wamu dua nataaing binga.
14839	PSA 59:6	Buyambam tapa, ga Anutu kekekngaka bamban. Ga Isrel amindane Anutuna. Gata aminu gae masa gamukaingu zeetgaman apuke meya aminu dongu wa kuupbamde yake yamuyo. Yamuke waaminde butaya ma natayamim.
14860	PSA 60:9	“Gileat kep kopat gatu Manase kep kopat wa natane, sike Efraim kep komde natapa natane kapa kupma binga singgak. Siwan Juda kep komu kinggane gusoknga binga ngang nataat.
14961	PSA 68:9	Sike tapduu waomune Sainai tawandakane miamun sikut. Siwan sopabam takut. Dasingge, Anutu, ga gwa apuyak. Siakan siknga, Isrel nanatane Anutuna, ga gwa api sopa wa tawan miamunu wa sikut.
14970	PSA 68:18	Buyambam tapata tawanu Sinai daka teke apu inane yotna buyambam gwekatang kopbut. Sike wa apiu amak amina kwaapzang siknga tekwanziu karis ngang yanikaingu kekeknga amakgane gwegwene yuwa yanipakapuke iat gatake kopbing.
14979	PSA 68:27	Sike kap taknga anzing taikaing, Ninu Anututane aminabam, ninu unekan gwa yuamangge Anututane umana yatangenatna. Ninu Isrel nana amin, ninda Buyambam tapanindane umana yatangenatna.
14982	PSA 68:30	Sike kingga wamu kundu gatane yotdabamu Jerusalem nana gwende natake ga ganimbakngangge sangaapa kundu moo pakapu gamuning.
14984	PSA 68:32	Siwan kingu Isip kep komune nanaapata wam yak amin yaniwan Jerusalem kuke gata puya ita tasiwik kakngae natapningge kuning. Siawan Itiopia nanata gae kataknga tangenake tumuk wam ganining.
14987	PSA 68:35	Unzingge ginu aminu kepna kepna yuaingga itane kekekngana buyambam takngae yakapnong. Sike i Isrel amindane king tapana. Nindanu itane kekekngana ena yekap gwene tasinggak kaknga ninda akanim.
14988	PSA 68:36	Isrel nanatane Anutuna yotnabamnane yuaunin, ge ninda ie asiknga gwaukamang. Ita aminabamde kekeknga buyambam yamunggak. Anututane umana yatangenatnong.
14995	PSA 69:7	Buyambam tapa, ga Anutu kekekngaka bamban tapa, gata dua nandutewi nata wai kundu tasiwa gae banip sikaingga maaknga natapning. Ninu Isrel nana amindane Anutunin, gata dua nandutewi sanga kundu pasiwa munu gae pukaing aminde kunduta yanisapdutning.
15010	PSA 69:22	Na tomma natapbum ngana marasinu gawaknga nanamde tukngwake unin namuking. Gatu guyaknga kupiawan ngana yangga wainu toknga guyaknga nasinanga aknga tangopitde namuking.
15053	PSA 71:22	Sike nata gita daka tanguyuk gatane umanda yatangenawit. Natane Anutuna, gata wamu tupa yawi kekekakut taknga tawake tasinggayak. Unzingge nata gatane umanda yatangenawit. Isrel nanatane Anutuna, nata gita tanguyuuk kap taike umanda yatangenawit.
15063	PSA 72:8	Siwan ita King kapa yuke aminbamu yanggabam gwene wesim yuaingkat gatu yanggabam gwene maa siknga yuaingkat kakuya tasiwik. Siwan itane kepna yangga Yufretis tapaneta tuwanguke kuku kepna kepna kuwan sandewik.
15065	PSA 72:10	Siwan Kingu Spen nanaapaat gatu Kingu yanggabamda ngwapbasiwan keu mateknga banakan yuaingune nanaatda musip gwaangge sanga kundu ie imuning. Siwan Kingu Arebia nanaapaat gatu Kingu Seba nanaapaatda ie takis pakapu imusan.
15070	PSA 72:15	Nata nataau Kingu waapa tapduu mamaya yuwikge nataat. Yuwawan Arebia nana aminda gol moni ie moo imuningge nataat. Siwan aminbamda Anutue tumuk wam iniwawan ita Kingu waapa asinggan gatangamikge nataat. Siwan tumuk wamu waaknga Anututa tasiwan King kapa take yuwikge ininingge nataat.
15071	PSA 72:16	Sike nata nataau rais gatu wit ngangu kwaapzangga aminbamdane puya naatangu take akopningge nataat. Pakap dakakane takekan aatningge nataat. Unzing Lebanon kep komune akokaing binga. Siwan buyana kwaapzang aake keu kuupbam daka dakane doke yutningge nataat. Unzing zonga zonga kwaapzangga kepna kepna akoke tapan sopunggak binga.
15073	PSA 72:18	Anutu, Isrel amindane Buyambam tapanatane umana yatangenatnong. Anutu waapata inatakan sanga takekan pasinggak.
15076	PSA 73:1	Anututa Isrel nana aminde take siknga pasinggak. Ngan, Anututa amin musip patang kawan noman gan siwanu ita take pasinggak.
15139	PSA 76:2	Sike Juda amindanu Anutue atnataaing. Ngan, Isrel amindanu umana kopsa akngae natake yatangenakaing.
15140	PSA 76:3	Sike itane yotna gwenu Jerusalem yot gapmane yuak. Ita tawanu Saion dakane asinggan yuak.
15171	PSA 77:21	Siwan ga tupan kayuke kuwawi gatane amindabamda masan gawaking. Gata puya waaknga Moses kat gatu Aron katde yamukuyak, siwan waapaatda kakuya pasikumayak.
15176	PSA 78:5	Anututa mama wamu aminu Isrel nanae yamukut. Ngan, wamu wa dongu Jekopdane bapunae yanikut, waaminda atawaningge. Ita bapuninu tupa anzing yanikut, “Ginda waatdakasa katak siknga natane mama wama kuupbam yanindamutnong.”
15180	PSA 78:9	Tupa Efraim nana kweem gatu sakut ngang pake amnangge tandakngaking. Ngana tapduu waomune amak kaknga buyambam siwan kake atdatakuking.
15184	PSA 78:13	Ita yanggabam gwenu wesiwan kaukaut kuwan daman binga dakngawan Isrel nana banakan tapane yanipakapbut.
15192	PSA 78:21	Ayok. Buyambam tapata waamindane wamna natake kaanga siknga natapbut. Kaanga natake ita katau enandangga Jekopdane dongge tewan epbut. Sike Isrel nana aminde kaanga natapbut taknga kuku buyambam siknga sikut.
15202	PSA 78:31	Anututa musiptok natake aminu kekekngana kaya atzipan kumbing. Sike wa kumbingu wawi mateu Isrel nana take siknga tapaapata kumbing.
15212	PSA 78:41	Sike Isrel nana aminda tanzit taknga Anutue tasikingu dua teking. Anutu waapa kepi dundumna takngakan tawake tasinggak kapanin. Waaminda tanzit taknga ie tasiwawa musiaatangu meya natapbut.
15226	PSA 78:55	Keu waomune apuke dongu kundune nana ita yanikwasipewa kuwawa inane dongata pakapu yuking. Pakapu yuwana ita keu usanzike dongu Isrel nanae yamutakukut. Siwana yotna mitake une take yuking.
15227	PSA 78:56	Siwan ngana masande Isrel nana aminda apmea aakingga Anutu enane siknga apae tanziyuuk ie yamandet tasike itane mama wamna dua tawaking.
15230	PSA 78:59	Anututa waaminda tasikingunin kake musiane toknga siknga natayamukut. Natake ita Isrel nana aminde masa siknga yamukut.
15232	PSA 78:61	Sike Anututa kapewan itane pukit takwan pasap wamna kaa wagwenu iwanata apu taking. Sike pukit takwanu wagwen kake Isrel nana aminda natake Anututane kekekngana gatu kakaa buyambamu nomnane yuak kaknga anggwene yuak ngang natapbing.
15238	PSA 78:67	Siwana ita Josepdane dongatane bapunae masa yamukut. Siwan Efraimdane dongae kuut panangge dua yakut.
15242	PSA 78:71	Siwana Anututa Isrel nana amindane king kapana dakngawikge tekut. Tewana Anututane aminabamu kakuya ita pasikut.
15244	PSA 79:1	Anutu, aminu dongu kundune nana amake keu gata ninu amindabamde nimukuyak kopatang gwa apbing. Apuke yot takwan gwenu gikae yawi yukuu gwa tasiwa maikut. Siwan Jerusalem yot gapma tasiwa wai siknga sikut. Tasiwa maiwan you wagwegwenu waitdeking.
15246	PSA 79:3	Waaminda gikane aminda zipa kupa daknga tukngwake Jerusalem yot gapmaatang yanggata binga zipbut. Sike aminu tapatu dua yukutna itane gupna pake kwaiwik.
15258	PSA 80:2	Ninu Isrel aminu ninukuya tasinggayak kapa, gata ninu Josepdane dongune nana kepi noman tapane panomanuwawi yuamang. Unzing gatane sipsip matekga kayuayak binga. Ge ninda gae yanggawaatna maak panimuyo. Gata king kapa yot takwan siknga gwekatang angela kekeknga apaapa yuaingune banakan yuayak. Yuke kakaa akngakata ninde apsok.
15259	PSA 80:3	Apan ninu Efraimde dongaat gatu Benjaminde dongaat gatu Manase nganggane dongae kakaa waaknga aanggaman tasiwi kanim. Ngan, kekeknga buyambamu waakngaka ninde yeutnimuke apu gatanimi ninda take yutnim.
15268	PSA 80:12	Sike nau waapatane kaingata kuke nambis buyambamu Mediterenian gatu yangga buyambam tapatu Yufretis ngang yanikainggane kwaimune kuking.
15281	PSA 81:5	Waaknga ninu Isrel nana amindane mama wam taknga unin. Anutu Jekopdane apata mama wamu waaknga ninde nimukut.
15282	PSA 81:6	Sike tupa Anutu amak tasinangge Isip kukut komune mama wamu waaknga ninu Isrel nana amindane bapuninde yamukut. Sike keu waomune nana aminda wamu yawawa natake ninda guyaknga dua natapbumang.
15284	PSA 81:8	Sike tapduu ginu meya buyambam paking komune nae yanawaking. Yanawamban nata gatandama ginda take yuking. Na ena kakaa gakngatda yanggakge banakan kusopuke yuat komuneta tumuk wamu yakingu natake gatandamukum. Siwan ginda yangga gapma Meriba ngang iniking komune yuwawa nata tanziu pasikum.
15285	PSA 81:9	Natane aminabam, daniwa natapnong! Nata wamu kekeknga aknga ginde gwaut wam daniwit. Ginu Isrel amin, natane wamu ginda natapningge take siknga nataat.
15288	PSA 81:12	Siwan ngana natane aminabamu natane wamu natapnangge apbitaking. Siakande siknga, Isrel nanata natane wamu tawanangge dua tasiking.
15290	PSA 81:14	Sike ninane aminabamu natane wam natapningge take siknga nataat. Siwan nata Isrel nana aminda na baniu asinggan tawaningge nataat.
15306	PSA 83:5	Waaminda anzing yakaing, “Ayom! Ninda Isrel nana wena aknga pasinim. Siwan aminu kunduta waaminde umanae gatu dua natapning.”
15308	PSA 83:7	Aminu wamu waaknga yakaingu wa Idom kep komune nana gatu Ismael kem komune nana gatu Moap kep komune nana gatu Itakri kep komune nana gatu
15309	PSA 83:8	Gebal kep komune nana gatu Amon kep komune nana gatu Amelek kep komune nana gatu Filistia kep komune nana gatu you gapmandu Tair yot gapmane yuaingu ngangga notna notna dakngake gae masa gamunangge natake pasap taknga tasikaing.
15310	PSA 83:9	Sike dongu kekeknga Siria kep komune nana kuut unekan iat gatake yuke Lotdane bapuna waakwau gatayamukaing.
15311	PSA 83:10	Siwan gata tupa aminu keu Midian komune nana aminde tasikuyak takngakan waakwakgea tasiyo. Ngan, gata aminu Sisera gatu Jambin yangga buyambamu Kison tapane yukumayakge tasikuyak takngakan tasiyo.
15312	PSA 83:11	Tapduu waomune gata waaminu Endor yotbam gapmane pasiwi maiwan gupna kepdakane yumdekan yuke apbukataking.
15313	PSA 83:12	Gata amak amindane tupan tapaapa meya tupa Orep nana gatu Sep nana ngangge yamukuyak binga yamuyo. Gata tupan gwapaknga amin pasiwi umana wena Sebaat gatu Salmunaat sikumaak binga sinong.
15366	PSA 87:2	Buyambam tapata you gapmandu gapmandu Jakopde donga une yuaingge take nataak ngana Jerusalemdenu take siknga nataak.
15368	PSA 87:4	Siwan Anututa anzing yakut, “Nata aminu nae wam tawakaingunin matawit tapduk kopatangu, nata Isip nanaat gatu Bambilon nanaatdane umana matawit. Siwana nata Filistia nanaat gatu Tair nanaat gatu Itiopia nanaat ngangge umana matawit. Siwan anzing yawit, ‘Iyaaya Zaionkat nana,’” ngang yawit.
15370	PSA 87:6	Buyambam tapata dongu kundu kundune nana amindane umana matawik. Matake, “Aminu aapa Jerusalem nanaunin,” ngang matawik.
15371	PSA 87:7	Sike amin Jerusalem yuaingga kap taike apbaknganing. Bakngake anzing yaning, “Jerusalem, ga sanga noma nomana ninda peyuamanggane yapii ga,” ngang yake taining.
15403	PSA 89:13	Siwan gatakan keu kuupbam pasike tekuyak. Tawanu Tabor dakaat gatu Hermon dakaat ngang aminda taikaing binga umandae apbakngake gae kap taikamayak.
15409	PSA 89:19	Siakan. Gata gika nindane kuyanin yuak kapa yawi yuak. Ngan, ga ninu Isrel amindane Anutunin, gata king kapa ninde nimunangge yawi yuak.
15416	PSA 89:26	Siwan kepna imiu yanggabamu Mediterenian gweneta kuku yangga buyambam tapatu Yufretis ngang inikaingune sandewik.
15420	PSA 89:30	Ngan, aminu itane dongane nana tapatuta kingu asinggan dakngawik. Siwan itane dongane nana kingu waapata Isrel nana aminu asinggan kayuwik. Unzing sanga ena kakaa komune yuaingu asinggan yuaing binga.
15504	PSA 94:7	Siwan anzing yakaing, “Buyambam tapata ninu dua ninduak. Anutu Isrel amindane apata sanga ninda tasikamang kaknga kake ngana undanga ngang nataak,” ngang yakaing.
15528	PSA 95:8	Buyambam tapata anzing yakut, “Ginda musipza kekeknga ma wamakusiwam. Unzing tupa bapusaat Moseskat keu komdu umana Meriba gatu Masa ngang inikaing komu sanga wena kepban komune tasiking bingan.
15559	PSA 98:3	Siakan, ita wamu ina yawan kekekakut takngae natake Isrel nana aminde butaya natayamuke dua kapekut. Dua kapewan aminu kepna kepna nana kuupbamda kawawa Anutuninda amau tasike yapbike ninu gatuna pakut.
15569	PSA 99:4	Kingu kekekngaapa, ga noman takngaekan take siknga nataayak. Ngan, gata ninu Isrel nana aminu sanga take gatu noman taknga ngang tasinimde nimukuyak. Nimi ninda atawakamang.
15571	PSA 99:6	Sike Moses gatu Aron ngangu Buyambam tapatane pris tapaat dakngake yukumayak. Siwan Samuel kaya Anutue mun puke inikaing aminkat nana tapatu waaminda Buyambam tapae tumuk wam iniwawa tumuk wamna atnatapbut.
15609	PSA 102:22	Zaion nana aminda Buyambam tapatane umana yakapning. Ngan, yakapmake Jerusalem nana waaminda gaak wamu ie inining.
15610	PSA 102:23	Inike aminu kepna kepna nanaat gatu kingaat Jerusalem yot gapmane unekan yuke Buyambam tapae munu putning.
15623	PSA 103:7	Sike tupa Anututa sanga kundu tasinangge natapbutde Moses inikut. Siwan ita puya kekeknga aknga aknga pasikuu Isrel nanae yeuyamukut.
15641	PSA 104:3	Sike gikane yotda yangga enandang yekaune yuak komune engatangan mitapbuyak gwene yuayak. Siwan minga musa gatane karisnda binga, got takngata apu ganitakuunggak.
15679	PSA 105:6	Ngan. Ginu Abrahamdane bapuna. Waapa Buyambam tapatane puya amina. Ginu Jekopdane donga, ginu Buyambam tapata inae natake yawan yuaing.
15682	PSA 105:9	Pasap waaknga tupa Abrahampat yawat yukut. Siwan ita pasap wamu waakngakan Aisakge ina yawan kekekakut saak Anututa ina tawanangge yakut.
15683	PSA 105:10	Gatu wamu waakngakan Jekopde iniwan kekekakut. Waapa Isrel amindane bapuna, siwan pasap wamu wa yawan yukut taknga asinggan yuwik.
15685	PSA 105:12	Tupa Isrel nana aminu dongu mateknga siknga. Pakapuyut amin dakngake yuking. Siakan, waaminda Kenan kep komune pakapuyuke dongu mateknga siknga yuking.
15696	PSA 105:23	Siwan masana Isreldane donga Jekou paku Isip yuking. Ngan, Jekopda apuke pakapuyut amin dakngake keu waomune yukut.
15699	PSA 105:26	Siwan masande Buyambam tapata Moses, inane puya amina, gatu Aron, inae yawan yukut tapaat ngang yanipewan Isip kep komune kukumayak.
15710	PSA 105:37	Siwan masande ita Isrel nana yanipake kuwan Isip kep komu teke kuking. Waaminda sikasika keu waomune nanata silwa ba gol ngang pasikingunin yaman pake kuking. Kuke Isrel nana kuupbam takekan yuking. Aminu tapatu meya dua pake pimanggut.
15711	PSA 105:38	Sike Isip nanatanu Isrel nana aminde akgwauking. Unzingge Isrel nana kaawan gwa kuwanu asiknga bakngaking.
15712	PSA 105:39	Anututa Isrel nana amin kayutnangge natake minga musatu engatangan yawan yuke aminabam usukwatapbut. Siwan zikaane katau buyambam gwen tewan yuke isikakaa yamukut.