13955	PSA 2:6	Ngan, ita wamu kekeknga siknga waaknga anzing yanikut, “Nata aminu tapatu King dakngawikge aapa gwa yawa yuak. Nata nina tewa Saion kep komune yuak. Ninane tawan takwan daka unin.”
13958	PSA 2:9	Kakuya tasike gata musipbaatangu waaminde butaya natake katakga kekeknga sikngaapata kayuya. Kayuke gata waaminu pake matekmateknga zipbuya. Unzing aminda gapma kwatan gwen zipbukaing binga,’ ngang nanikut.”
14052	PSA 9:21	Buyambam tapa, gata pasiwi waaminu asiknga gwautnong. Gata pasiwi aminu kuupbam anzing natapnong, “Ninu amindakan sanga moo binga yuamang.”
14063	PSA 10:11	Ayapbike ita anzing nataak, “Anututa gutonga nata pasinggatdenu nangaakan dua nataak. Ita na dua nanduyuak. Kai gwa dopusangakutde nandupnanga dua.”
14065	PSA 10:13	Siwan wai aminu waapata gae masa gamuke musiaatangu anzing nataak, “Nata gutonga tasinggatde Anututa meya yake dua namik.” Dasingge, aminu waapa gae dua ba gwauke yuak?
14071	PSA 11:1	Na Buyambam tapae gepbiatang koyuwawa ita na akgatangamik. Asikaya ga apbotake ba unzingu naninggayak? “Ga tawandakane datakunggayo. Unzing kwaiu gwenduta akgwauke datakunggak bingan.”
14310	PSA 27:8	Sike nata musipmaatangu gae anzing nataat, “Nata gae asaapit.” Unzingge Buyambam tapa, nata gae asaapit.
14383	PSA 32:9	Gata ikwawa gamanu hos ba dongki binga dua dakngawim. Sike ikwawa wa gweayau natdetdetna wena. Unzingge gata ainu napna mamaya dakau genane peyo. Peke nap takngaat peke panomanuwawi wanggwak kuson. Sike gata unzing dua tasiwinu gata natapiak kaknga dua tawasan.”
14440	PSA 35:10	Natangamuke banip gwaang wamu anzing yawit, “Buyambam tapa, ga binga tapatu dua yuak. Siwan gata kekekngana wena aminu take siknga gatayamunggayak. Unzing tasiwi aminu kekekngana kayata waaminu dua pasiwan maining.”
14457	PSA 35:27	Sike ngana aminu kunduta nae amin noman ngang natapningu, gata pasiwi apbakngake musip gwaang natake kapzang yanggamatanong. Asingganu waaminda anzing yanong, “Buyambamtapa wa tupan amintapa, ita puya amina noman yuwan kake apbaknganggak.”
14556	PSA 40:8	Tasike anzing yakum, “Ayok. Anutu, na gae gwa aput.” Dasingge, tupa nata apitde wamu buk gomune matakut takngae natake yakum.
14715	PSA 50:15	Ginda unzing tasiwawa meya takngatuta apan kakengu ginda nae take yaning. Yawa nata ginu asiknga gatandamit. Gatandama ginda natane umana yatangenatnong.”
14723	PSA 50:23	Aminu tapatuta nae gaak nanike sanga kundu binga namiu, waapata natane umana ayatangenakgak. Sike natanu aminu nae wam tawakaingu, nata waaminu gatuna apapit.”
14761	PSA 53:6	Siwan ngana waaminda kumzang siknga gwauking. Sike tupa unzingu dua gwauking. Wena siknga. Siwan ngana gautnanga tapatu wena.” Dasingge, Anututa waaminde natapan wai siknga sikut. Siwan ita gindane iwanza waakwau kuupbam siknga zipan puyuwan kwate awesike kaukaut mupewan kuking. Ita wai aminu gwa usanzikutde waaminu asiknga pasiwan maiking.
14780	PSA 55:9	Nata zaatgaman bepmake kuke gotde gatu sopaatde ngang gwauke kusopuwan.”
14861	PSA 60:10	Sike Moap kep komu nata dopangbamu yanggane saukgat gwen binga ngang nataat. Siwan Idom kep komu natane kep kom dakngawikge natake kepi tauknga keu waomune mumba kunggak. Siwana nata amak tasike Filistia aminu yapbimbit. Yapbike keu waomde apbakngake asainggamatawit.”
14887	PSA 62:13	Gatu anzing yakut, “Asingganu nata aminu kuupbamde take siknga nataat.” Unzingge, Buyambam tapa, gata buya ninu amindabamde nimunggau yuyuk yuamang kaknga kake nimunggayak.
14928	PSA 66:4	Aminu kepna kepna yuaingga gae munu pukaing. Puke gae kap taike gatane umanda yatangenakaing.”
14966	PSA 68:14	Ginda amak tasinangge natake keu komdu kuke zikaane katap sake undang dapuna petning. Siwan mayata tauknga gitza siknga silwa gatu gol ngang yaniata pasia pasike kawa take siknga kwait danggam binga sikut. Gupnaapa waenga silwa binga siwan pia sayau waenga goldane kaamang binga gupnaapa unzing sikut.”
14976	PSA 68:24	Siwan ginda iwanza kumzang siknga zipmake kepisata daknga yaiyuk kamunzata iwanzatane daknga takekan ingwamuke naning.”
15176	PSA 78:5	Anututa mama wamu aminu Isrel nanae yamukut. Ngan, wamu wa dongu Jekopdane bapunae yanikut, waaminda atawaningge. Ita bapuninu tupa anzing yanikut, “Ginda waatdakasa katak siknga natane mama wama kuupbam yanindamutnong.”
15293	PSA 81:17	Siwan ngana nata ginu nanamu wit ngang yanikaingunin damunangge nataat. Nata iningok dama napan musipza atdopikge nataat.”
15300	PSA 82:7	Siwan ngana ginda aminda akungwakaing binga kumning. Siwan gindane kayuk yutnanga akngasa wena asiwik. Unzing king tapa apatane kayuk yutnanga aknganata wena sining binga.”
15306	PSA 83:5	Waaminda anzing yakaing, “Ayom! Ninda Isrel nana wena aknga pasinim. Siwan aminu kunduta waaminde umanae gatu dua natapning.”
15369	PSA 87:5	Siakan. Nata Sionde anzing yawit, “Aminu tapatu kake aapa komdune nana pakapuyuke ane nana dakngakut. Sike aminu tapatu kake, ‘Aapa kuut wanggapmane nana,’ ngang yawit. Siwana Anutu enane sikngaapata, you wanggapma gatu ina tangenake tasiwan kekenga siwik.”
15394	PSA 89:4	Gata anzing yakuyak, “Nata aminu tapatu gwa yawa yukut. Siwan pasap wam taknga iat yata kekekakut. Ngan, nata wamu takngatu puya amina Devitde gwa yawa kekekakut.”
15395	PSA 89:5	Siwan nata anzing inikum, “Masande aminu gatane dongune nana aatningu kuut kingu dakngake yutning. Sike asingganu gatane dongune nana tapatu tasiwa king dakngake yuwik.”
15428	PSA 89:38	Sike waakwaau asinggan yutning. Unzing yakau kakaa nimunggakga aminbam yeuyaman natane wama siakan gan siwikgen siking.”
15462	PSA 91:2	Siwan aminu waapata Buyambamtapa anzing iniwik, “Gata na takotnake na gata katak nanduyuwayak. Ga natane Anutuna. Nata gae baniu asinggat.”
15476	PSA 91:16	Siwana nata kayuk yutnanga aknga yamuke isapakopa tapduu mamaya yutning. Yuwawa nata gatuna papa naat gatake yutnim.”
15492	PSA 92:16	Kekekake yuke kepi waakngata aminu anzing yeuyamuning, “Buyambamtapa noman siknga. Na gatangamunangge akekekangamunggak. Itane gutongana wena. Wena siknga.”
15531	PSA 95:11	Unzingge nata musiptok natake waaminu nata anzing yanikum, ‘Ginda you ayuwan takananga komu ginde damunangge natat ngana dua dama koke yuwatakawik,’ ngang yakum.”
15541	PSA 96:10	Sike ginda aminu keu komdu komdune nana kuupbamu anzing yaninong, “Buyambamtapa king kapa yuak.” Siwan ita kepdaka tapan kekekawan saa sinanga dua. Masande Buyambam tapata kepi noman takngane wam usanzike aminbamu yuyuknga yuaing kakngane usanziwik.
15608	PSA 102:21	Kake ita nataawan iwanata aminu kundu papa kaautde pewa yuke meya pakaingga kwanam siwa natapbut. Natake ita waaminu kotda akumningge gwa yawan kekekakut ngana sandeyaman kepman pukuke dua kumning.”
15616	PSA 102:29	Unzingge gata nindane waatdakaninu kakuya pasiwawi take yutning. Yuke waakwakgane bapuna masan aatningu gata gatayami gaat waakwakat asinggan gatake yutning.”
15684	PSA 105:11	Buyambam tapata pasap wamu waakngae anzing yakut, “Nata Kenan kep komu gae gamit. Siwan keu wandaka gaat gatu gikane donggaatde yuwik.”
15688	PSA 105:15	Sike ita kingu waakwau anzing yanikut, “Nata waaminu natane puya pasingamuningge yawa yuking. Ginda waaminde wai takngatu ma tasiwam. Siwan ginda gatu natane yakapsa amina kuut ma pasiwa maiwan. Ma siknga tasiwam.”
15766	PSA 106:48	Ninda Anututane umana yatangenatna. Ninu Isrel amindane Buyambam tapanin, apman gatu masan kaya asinggan asinggan yuwik. Siwan aminu kuupbamda anzing yanong, “Un siakan.” Buyambam tapatane umana yatangenatnong.
15819	PSA 108:10	Siwan Moap kep komu dopangu nata yangga saikgat gwen binga singgak. Sike aminu tapatu keu komdu inae tanangge natake kepi tauknga waomune mumban kunggak kaknga tawake Idom kep komune nata kepi tauknga mumba kunggak. Sike nata Filistia kep komune amak tasike waakwak yapbike nata apbakngake aibakngawit.”
15855	PSA 110:1	Buyambam tapata natane tupan tapana anzing inikut, “Ga umanda kopsa apa, gata nae apu natane kataknga siaapane pukuyuwawi nata tasiwa gatane iwanda gae gepbiatang koyutning.”
15861	PSA 110:7	Ita kepiapane kuke yangga wesim zipmanggak kapane tangopik. Tangoke ita kekeknga pake amau kekeknga tasike ayapbimbik.”
15926	PSA 116:10	Siwan nata banip sike anzing yakum, “Meya buyambam siknga akngata na usikwatapmanggak.” Unzing yakum ngana nata Anutue banip sikum.
16178	PSA 124:8	Buyambam tapa, yekapat gatu kepat pasike pekut tapata, ninu ina gatanimunggak.”
16224	PSA 132:5	Tupanu you gwendu Buyambam tapata une yuwik gwende gambok tawake kawit. Anutu kekeknga Isrel nana apa paku undang yuwik. Siwan na masan yuwa takawik.”
16352	PSA 141:7	Siwana waaminda anzing yaning, “Aminda nindane kwatanin paku amin kwaikaing gapmane mupewa kuning. Unzing aminda kep kwaik take kep daka wesiwan kaukaut mumba kukaing binga.”
23236	MAT 1:23	“Maya mateu tapatu wawi tapatue dua kukut tapata musiaapa siwik. Sike engangu wawi wa tangaiwik kapatane umana Emanyuel. Tana tekwamban, ‘Anutu nikat gatake yuamang,’ ngang inining.” Ngang wa yakapbut taknga buya unin siwikge natake angelata Josep unzing inikut.
23256	MAT 2:18	“Rama yot gapmane nana aminda nataawa kwanam kumzang siknga siwan natapning. Reselta waakngae kwanam siwawan kake bitang ngang iniwa maikut. Dasingge? Waakngata wena gwa siking.” Jeremaiata wamu wa yakut taknga gunziu wagwene siakande buya unin aakut.
23623	MAT 13:15	Aminu waakwakga maaknga kapanga ge itane wamu katak dua nataaing. Siwan kai gwa dopukusiking. Kainata sanga kake maakngata wam natake musiaatangu wamdane yapii katak natake tapa tekwamban nae apa nata pasiyama take siningge bitake unzing pasikaing,’ ngang Aisaiata yakut taknga buya unin aakut.”
23665	MAT 13:57	Unzing yake semna natangama ngana yake anzing yanikut, “Ayanikapsa aminde aminu umana kaya ngang yotna yotna nana aminda natayamukaing ngana wa aminda yotna siknga yuwa inaat nana aminda umana wena akwak ngang natayamukaing. Siwan gatu inapaanu yotna gwendunekan nana aminda kuut umana wena akwak ngang natayamukaing.”
23728	MAT 15:26	Iniwan ngana Jesuta, “Isrel nana asinggan gatayamunggat taknga aminu wambingae iwanae dua tasiwit ngang natake tuwang wamu takngatu anzing yakut, ‘Waatdakatane nanamu kamunde dua yamunangge,’ ngang yakut.”
23877	MAT 20:16	Siwan tuwang wamu waakngae yapii anzing. Aminu tapatuta umana engatangan yuak ngang natapik ngana gatuna pimapik. Siwan aminu tapatuta umana amunandang yuak ngang natapik ngana gatuna kopik.” Jesuta wamu waaknga ngang ninikut.
23954	MAT 22:13	“Apmeptawan kake tupan aminu waapata puya amina anzing yanikut, ‘Waapatane katakngiat kepinaat napda wamake kepman mutewa zikaa sikngaatang kuke kwanam sike kaakake asinggan yuwawik,’ ngang yanikut.”
24141	MAT 26:18	yake anzing ninikut, “Ginda yot Jerusalem gapmane koke aminu tapatue kuke anzing ininong, ‘Ayanindamumsa apata anzing yak. Natane tapduknga akupitde dapaknga gwa singgak. Naat pandetnaatda Pasova tapduk gwende nanamu gatane yotdane nanim ngang yak,’ ngang ininong.”
24442	MRK 5:9	Iniwan yake, “Umanda mamin,” ngang inikwaiwan natake, “Natane umana Aminbam, Ninu kwaapzang.”
24921	MRK 15:26	Siwan wamu ayake tanguking kaknga anzing mataking, “Judia amindane buyambam tapanin.”
25017	LUK 1:55	Ebrahapat ie dongune masan siknga aake yuamang amikat dua ninigokgosake Isrel nana puya amina dakngake yuamang aminu akgatanimukut.”
25215	LUK 5:39	“Siwan gatu aminu tapatuta wain yangga tupanana aknga gwa tangokengu kayuk kakngae apbitake anzing yawik, ‘Wainu tupanana take siknga,’ ngang yawik.” Ngang tuwang wamu waaknga yaniwan natapbing.
25264	LUK 6:49	Sike aminu tapatuta nae wam natake ngana dua tawambik. Ita anzing. Aminu tapatuta you kep dakanekan mitake simenu yotdane gwak tapan kekekawikge dua tasiwanu masande yanggata paptake apu tanguwan zetgaman pimake wai siknga siwik.” Ngang Jesuta tuwang wamu waaknga ngang yanikut.
25286	LUK 7:22	Siwan Jesuta yake anzing yanikut, “Gitda kuke sanga wa kake natamayakge Jonu inison, ‘Ita pasiwan kai wai siya aminu gatuna kaaing. Siwan kepi wai siya aminu gatuna kepi akukaing. Siwan gupnane wata kekeknga siya aminu gupna dudumna gatu sikaing. Siwan maaknga kusiya aminu wamu gatu nataaing. Siwan kupsa aminu gatu enaawa Anututane wamu takeaknga aminu sangana wena aminde yanikapa nataing,’ ngang inison.”
25324	LUK 8:10	Inikwaiwa yake anzing yanikut, “Anututa amin panangge tasinggak kakngae yapii akusopuke yuau anggaman daniwitde Anututa nandutewan nata daninggat. Sike aminu kunduta tuwang wamban natake baniaatang nangaakan natapningge Anututa take nataak. Take natapan aminu kunduta Anutue wam maakngita natake ngana dua binga natake yutning.”
25500	LUK 11:26	Kake gatuna kuke waung wai siknga takwak katau kuut musa kautdu tapaat kake papan apuke aminu waapa gatu taning. Siwan aminu waapata tupa wai yukut ngana waung wai waakwakga gatu tapa wai siknga yuwik.” Ngang Jesuta wamu waaknga yaniwan natapbing.
25596	LUK 13:9	Sike nakanu gwendune apmeba buya aawik. Sike wena siwan kakengu undang naniwi apatziwit,’ ngang inikut.”
25689	LUK 15:32	Siwan uyapbata gwa kumbut ngang natapbum ngana gatu kake banipminu iaknga siknga dua natake tasinim gamu noman dua siwik,’ ngang iniwan natapbut.”
25827	LUK 19:27	‘Sike natane iwanata na buyambam tapa dakngawitde apbitakingu ginda ane kaipakapu kainane zipa kumbut,’ ngang yanikut.” Ngang Jesuta tuwang wamu waaknga unzing yanikut.
26104	LUK 24:44	Siwan ita anzing yanikut, “Na tupa gikat gatake yukengu nata ginu anzingu gwa danikum. Wamu kuupbam Mosesde mama wapatang gatu ayanikapsa aminde wam gatu miti kap buk gopatangu wamu nae mataking wa kuupbam buya asiknga aawik ngang danikumde yapii daniwa natapnong.”
26128	JHN 1:15	Siwan Jonda ie natake anzing yanggamatakut, “Aminu aapae tupa unzing gwa yakum, ‘Nata tupan gamok apana aminu tapatuta masande apik. Ita napbike yuak,’ ngang gwa yakum. Dasingge? Nata dua aakum gwene ita tupan gwa yukut.” Ngangu wamu waaknga Jonda yanggamatakut.
26183	JHN 2:19	Iniwa ita yake anzing yanikut, “Ginda yot takwanu anggwenu waiwanu tapduu gweaat gwenduatdekan nata gatu tangenawit.”
26210	JHN 3:21	Ngana aminu sanga siakan taknga tasiwiu ita kakaa akngane asapunggak. Ita Anututane gen gwaamuyuk puyana pasinggak ngang anggaman siwan kaningge apunggak.”
26225	JHN 3:36	Aminu Anututane waakngae natapan siakan siwiu waapata kayuu asinggan asinggan yuwik. Sike aminu waakngae genu dua tawambiu ita kayuk yuwik kaknga dua tapik. Wena. Anututa musia toknga asinggan asinggan natangamik.” Ngangu Jonda wamu waaknga yanikut.
26289	JHN 5:10	Ge maitna wena siwan pimana take kuwawan kake Judia nana amindane takeakwakaa anzing iniking, “Pimaka ma take kuwim. Apmanu yuwatakak tapduk gwen kaamang.”
26357	JHN 6:31	Nindane baminda nanamu enandang nana keu amina wena komune yuke naking. Wa nakingge natake Anutue wapatang wamu takngatu anzing matakut, ‘Ita nanamu enandang nana wa aminde yaman naking,’ ngang matakut.”
26555	JHN 10:5	Sike aminu tapatue dua kuku tawakaing. Wena. Toikngin dua ngang natakengu teke atdatakuning. Dasingge? Aminu kundue wamna dua nataaing.”
26595	JHN 11:3	Siwan maiu buyambam siwan saminata wamu takngatu Jesue tewat kuwan anzing inikumayak, “Aanit. Nokganiu gata banip gwaang natangamunggayak kapata mait singgak.”
26689	JHN 12:40	“Ita tasiyaman kai kusiya amin dakngaking. Ita tasiyaman yamandet siya amin dakngaking. Kainata sanga katak kake musiane anggaman natdeke musia tapa tekwambanu maminda take tasiyamik? Gata yamunanga wena.” Wamu wa matakut taknga buya unin aakut.
26720	JHN 13:21	Jesuta unzing yawan puyuwan baniaatang meya siknga natake anzing ninikut, “Nata siakande siknga daninggat. Aminu gikatnana tapatuta na natane iwanae yeuyamik.”
26734	JHN 13:35	Ginda gisae musip gwaang natayuwawanu aminbamda danduke Jesue aminabam ngang natapning ngang ninikut.”
26785	JHN 15:17	Nata mama wamu anzing damunggat. Ginda musip gwaangu gikatnanae natayamunong.”
26799	JHN 16:4	Siwan masande sanga waaknga aawan ginu gatusa natake ita sanga waakngae tupa atninikut ngang natdetningge natake apmanu ie daninggat. Wamu waaknga tupanu nata dua danikum. Naat gikat unekan gatake yukumang komune unzingu dua danikum. Wena.”
26819	JHN 16:24	Ginu nae natake Anututa initewan apu pasinggak ngang natapa siakan singgakge tumuk wam inina Anututa atasinimik ngangu tupa ginu dua natake tasiking. Ngana apmanu ginda unzing iniwanu ita atasindaman ginu asiknga baknganing.”
26854	JHN 17:26	Nata gatane yapii wa aminde gwa yanikapbum. Siwan wa aminda ga nae musip gwaang natangamunggayak kakngae baniaatang natake yuwawa naat wa amikat gatake unekan yutnimde natake nata gatuna gatane yapii yanikapit.” Ngang Jesuta tumuk wamu waaknga ngang yakut.
26862	JHN 18:8	Iniwa ita yake anzing yanikut, “Nata ginu danike, ‘Waapa nakan,’ ngang gwa danit. Sike ginu nae nawakengu aminu aakwau kapewa kukakut.”
26957	JHN 20:21	Siwan Jesuta gatu anzing ninikut, “Ginu musipzaatang nangaakan ma natayuwam. Nanata na nanitewan apbum. Ina unzakan nata ginu danipewa kunong.”
27012	ACT 1:20	“Siwan Anutue kap taikamangge buk gopatangu wamu takngatu Devitda tupa siknga ie natake anzing matakut, ‘Waapata yuak komu yot pupuk dakngake yuwik. Tapatuta undang yutnanga dua siyok.’ Siwan gatu sipdune anzing matakut, ‘Waapata puya pasikut takngae aminu tapatuta ie tangge yuke pasiyok,’ ngang matakut.”
27013	ACT 1:21	“Siwan tapduknga Jonda yakap siknga yanggata sauyaman Jesuat nikat yukumang gwekatang aminu kunduat nikat gatake yukumang. Yuwatna apmea Jesuta enandang kopbut. Siwan Devitda unzing matakutde natake ninda aminu wa nikat gatake yukumakat nana tapatutane umana yanim. Yana waapaat nikatda unekan gatake yuke Jesuta kumbut katangga enake gatu kayuk yuak ngang aminbam yanike yuwatnim.” Pitata enake wamu waaknga ngang yanikut.
27029	ACT 2:11	Siwan kunduta Judia nana dua aake ngana Mosesdane mama wam natake gwaamuke notnin dakngake yuaing. Siwan kundu Krit kep komune nana. Kundu Arebia kep komune nana ngangga yuamang. Siwan ngana aminu waakwakga wamine wamine Anututa puya kekeknga pasikut takngae yawa nataamang.” Wamu waaknga aminbamda unekan apu yuke yaking.
27091	ACT 3:26	Buya aawan Anututa aminu tapatu tapan puya amina dakngawan ginda waiakngasae masa imuningge Anututa aminu waapa initewan kuke ginu Judia nana aminde gamok apbut.” Ngangu wamu waaknga Pitata aminbam yanikut.
27103	ACT 4:12	Siwan ninu waiaknganinde toknga panimde kepi umutnimikge apae umana yanangge natake Anututa tapatue umana dua yakut. Aho. Jesue uman gan yawan Jesutakan kepi waapa umutnimuyaapa dakngake yuak.” Ngang wamu waaknga Pitaat Jonkatda yaniwat natapbing.
27121	ACT 4:30	gatane wam takngaka aminbam yaninim. Yanina gata aminbam gatayamuke maiu takngatu takngatu sandeyamuyo. Sandeyami ninda aminu wa dudumnaapa Jesutane kekeknga akngane duya takngatu takngatu pasiwatna aminbamda kake Anututa pasinggak ngang anggaman kaning.”
27160	ACT 5:32	Siwan ninde sanga wa tasiniman kaininda kakumang kaknga aminbamde yanikapmakamang. Anututane Waung Kapata gataniman yanikapmakamang. Waungu waapa Anututa aminu inane gen gwaamukaing aminde yamunggak kapanin.”
27167	ACT 5:39	Siwan ngana Anututa puya waaknga tangenawanu ninu yapbitnanga dua siwik. Siwan puya waaknga yapbitnangge tasinanu Anututa na nukaing ngang ba nindupik.” Ngang wamu waaknga Gamelielda yaniwan natapbing.
27238	ACT 7:53	Siwan Anututane mama wamu angelata gin danikut ngana ginda dua gwaamukaing.”
27278	ACT 8:33	Siwan aminda sipsipdane danggami matawanu wamna dua yawik. Ina unzakan aminu waapata wamu dua yakut. Aminu waita umana takepuke noman taknga ateke gutonga aknga yawa nomatakut. Aminu waapa tanguwa kungwake kepdakane yutnanga dua sikut. Siwan aminu wai waakwakga tasiking kakngae kuupbamu maminda katak siknga natdeke yawik? Wena. Yawan buyambam siknga singgawan atewik.” Ngang unzing matakutna kendekut.
27417	ACT 12:11	Pita natdetdetna anggaman sikut. Siwana anzing yakut, “Apmanu gwan siknga nataat. Buyambam tapata angelana initewan apu na Herotde kataknganeta gatu Judia nana aminda na nutnangge natangamukaing kaknganeta sandetakapunggak.”
27472	ACT 13:41	‘Daniwa natapnong. Ginu sapdut wam yakaing aminu ayuaing komune yuke nata sanga tapatu atasiwit. Atasiwa kake ginda nangaakan natake ngana banipzaatang siakan ngangu dua natapning. Aminu tapatuta yeutdamanu baniu dua sining. Baniu dua sike undang kumnong,’ ngang matakut.”
27478	ACT 13:47	‘Nata ga tapa kepman yuaing amin gatayami kakaa akngane yutning. Nata ga tapa gata keu komduine nana gatayami kayuk asinggan yutning kaknga taning,’ ngang wamu waaknga ngang ninikut.”
27522	ACT 15:11	Unzingu ma tasiwam. Jesu Buyambam tapaninda kepman nana aminde butaya natake gatayaman toknga waiaknganae dua paning ngangu atnataamang. Sike ninu Judia nanaeaya butaya nataniman toknga dua panim ngangu natapna siakan singgak.”
27540	ACT 15:29	Kaau kep kwatande upau yamukaingu ma napam. Gatu kaau guyakngane wapa kupsaaya dua napam. Unzing tawake yasewa tasikaing kaknga teke noman gan yutnong. Unzing tasike sanga waaknga tawake yutninga kakengu take siknga yutnong. Unukan.” Ngang mataking.
27583	ACT 16:31	Unzing yanikwaiwan yake anzing inikumayak, “Jesu Buyambam tapaninde natake gatangamuyaapa unin ngang natapi kekekayok. Unzing natapi kekekawanu kayuk asinggan yuwiyak kaknga Anututa akgamik. Waakga yapaka kuut paan unzakan natapa kekekawanu kayuk yutning kaknga iaya apaning.”
27694	ACT 19:40	Ninu yapiina wenae wamu apaa siknga ngang yake apmanu yanggamatakana meya takngatu ninde apsak. Siwan pauu wai siknga tasimangge ninikwaiwanu yaninanga dua siwik.” Ngang yanike yanikwasipewan kuking.
27729	ACT 20:35	Unzing pasike ginda puya kwatan pasiyuk aminu atdapmake yuaing amin gatayamuningge yeutdamukum. Unzing gatayamuke wamu takngatu Jesu Buyambam tapaninda yake, ‘Aminda niman pana take siwik ngana ninda yamuna papan take siknga siwik,’ ngang yakut takngae asinggan natanggamatake unzingu gatayamunong.”