13949	PSA 1:6	Dasingge? Anututa aminu kepi noman tawake tasikaing aminde asiknga bakngake kakuya tasinggak. Siwan ngana aminu waiaknga tawake tasikaingu sanga kuupbam tasiwik ba puya takngatu tasiwanu take sinanga dua.
13950	PSA 2:1	Dasingge katum aminu dongu kuupbamdane nanata sanga yamandet taknga tasinangge natake yandekaing? Dasingge aminu waakwakga sanga sanga tasinangge natake wamu moo yandekaing?
13973	PSA 4:3	Ginu kuupbam! Tapduu datdasing binga ginda natane umana yaitapaakusiwan natane umana kopsa akngata wena siwik? Tapduu datdasing binga sanga kem taknga akngae natanggamataning? Tapduu datdasing binga ginda kem taknga inata inata tawake tasining?
13996	PSA 6:4	Natane musipmaatangu meya buyambam siknga. Siwan ngana Buyambam tapa, ga dasing? Tapduu datdasing nandutewi musipmaatang meya buyak yuwit?
14007	PSA 7:4	Anutu, Buyambam tapana, sike na sanga wai takngatu apba tasikum, ba dasing? Ie na dua nataat.
14026	PSA 8:5	“Ninu aminu dasing binga ge gata ninde natanggamatanggayak? Ninu sanga yumdekan binga. Dasingge gata ninde kakuya tasinggayak?”
14053	PSA 10:1	Buyambam tapa, ga dasingge napmake paku maa yuayak? Ga dasingge tapduu nata meya kaat komune na napmake paku kusopunggayak?
14065	PSA 10:13	Siwan wai aminu waapata gae masa gamuke musiaatangu anzing nataak, “Nata gutonga tasinggatde Anututa meya yake dua namik.” Dasingge, aminu waapa gae dua ba gwauke yuak?
14071	PSA 11:1	Na Buyambam tapae gepbiatang koyuwawa ita na akgatangamik. Asikaya ga apbotake ba unzingu naninggayak? “Ga tawandakane datakunggayo. Unzing kwaiu gwenduta akgwauke datakunggak bingan.”
14072	PSA 11:2	Dasingge? Wai aminda kweemna mitake sakutna pake aminu noman yuaingu zikaane akusopuke yamnangge tasikaing.
14073	PSA 11:3	Tasike aminu kuupbamda kepi noman taknga gatu dua tasiwanu aminu kepi noman tawake tasinggak kapata dasing siwik?
14077	PSA 11:7	Dasingge? Anututa ina kepi noman takngakan tasinggaunin. Siwan ita kepi noman tawake katak siknga usanzikgak kakngae take siknga nataak. Ge aminu ie wam tawake tasikaingu itane nomna akaning.
14088	PSA 13:2	Buyambam tapa, zaapduknga gata nae gatuka natapsa? Asikaya gata nae asinggan asinggan apbotanggayak, ba dasing? Tapduu zagwene na nandutewi gatane nomba takusopunggayau gatu gandupit?
14089	PSA 13:3	Tapduu zagwene gata meya nata musipmaatangu gwaamukgat taknga sandekngamuya? Kwakngaom ba zikaa datdasing siwana musipmaatang meya nataau yuwik? Tapduu zagwene gata gatangami na iwande gepbiatang yuwau teke gatu dua yuwit?
14096	PSA 14:4	Aminu wa waiaknga tasikaingu sanga nomana akngae dua ba natdetning? Waaminda poyak napan puyukgak binga natane aminabamu zipa puyukgak. Siwan Buyambam tapata gatayaman waiaknga teningge tumuk wampaa dua inikaing.
14100	PSA 15:1	Buyambam tapa, mamin amin tapata gae yotda buyambam gwene koke yuwik? Ngan, mamin amin tapata gikane tawanu Saion dakane pakuyuwik?
14162	PSA 18:32	Buyambam tapakan i Anutu siknga. Asikaya Anutu tapatuat ba dasing? Ita ninu suu buyambam gwenduta binga wamambasinggak.
14194	PSA 19:13	Siwan ngana maminda inane gutonganae kuupbam nataak? Na gutonga kundu tasikumde apbotake na ie dua nataat. Unzingge gata natane gutonga waakngana sandeke tasiwi na gae kaikane dundumna siwit.
14222	PSA 22:2	Anutuna! Natane Anutuna! Dasingge na napmanggayak? Dasingge gata na dua siknga gatangamunggayak? Dasingge gata kwanamu nata gae sikgat takngae maau dua siknga panggayak?
14229	PSA 22:9	Siwan waaminda anzing yakaing, “Ita Buyambam tapae baniu asinggakge asikaya Buyambam tapata gatuna tapik? Buyambam tapata ie take nataakge ita apba sandekngaman take siwik,” ngang yakaing.
14245	PSA 22:25	Dasingge? Ita meya buyak yuaing aminde masa dua yamunggak. Gatu waaminda meya pakaingge ita natapan sanga moo binga dua singgak. Ita waaminu peke paku maa dua yuak. Aho. Ita waamindane tumuk wamna natake akgatayamunggak.
14249	PSA 22:29	Dasingge? Buyambamtapa King kapa yuke ita aminu kuupbam kakuya pasinggak.
14256	PSA 23:4	Anutu, nata damene zikaa dakaatang kuke ngana gata gatangami akumnanga akngae nata dua gwaumbit. Dasingge? Ga naat gatake yuamak. Nata ga gandupa gusou sipsipde kakuya tasikaingga pakaing kapaapa apanggayak. Unzing kake natane musipma kwikwikngata yuwit. Nata wai sinanga dua.
14261	PSA 24:3	Mamin amin tapata tawanu Anututa yuak dakane take kopik? Wena. Sike mamin amin tapata Anututane you takwan buyambam gwenu yuaune take koke yuwik? Wena siknga.
14266	PSA 24:8	Sike Kingu tupan tapa mamin? Tupan tapa Anutu awiapa unin. Waapa kekekngana buyambam siknga. Siwan amak tasikengu ita iwana ayapbikgak.
14268	PSA 24:10	Sike Kingu tupan tapa mamin? Tupan tapa Anutu kekeknga siknga apa unin. Wa awiapa Kingu tupan tapa unin.
14280	PSA 25:12	Mamin aminda Buyambam tapae gwaukaing? Aminu wa Buyambam tapae gwauke Buyambam tapatane wamna tawambanu, Anututa kepi nomantapa yeuyamik. Yeuyaman waapane kuninggen.
14293	PSA 26:3	Minae? Gata asinggan musip gwaang natangamunggayak kakngae natanggamatake nata gatane wamu noman takngakan asinggan tawanggat.
14346	PSA 30:10	Sike nata akupanu sanga nomanu dasing bingata aawik? Sike nata akungwake matmaune kuwanu sanga waakngata mamin gatangamik? Aminu gwa kumbingga gatane umanda apme yatangenatning ba dasing? Asikaya waaminda asingganu gata waaminde take tasiyamukuyak kakngae yakapning ba dasing? Wena. Dua yakapning.
14417	PSA 34:10	Ginu aminu Buyambam tapatane, ginu kuupbam ie akgwauke yutnong. Dasingge? Aminu Buyambam tapae akgwauke ie gepbiatang yuaing aminu sanga tapatue dua dapmakaing.
14420	PSA 34:13	Siwan gata kayuk yutnanga takngaka take siwikge nataayak? Siwan gata kayuu mamaya siknga yuya. Yuke gatu gata take yuke apbakngnaya?
14447	PSA 35:17	Buyambam tapa, unzing tasiwa tapduu datdasing kapeya? Gata na tapi waaminda na dua tasiwan maiwit. Waaminu kaap zongu laionda kaapna yasiwan kupan nanggak binga tasike na nutapan kupitde tasikaing. Unzingge na gata ie kataune sandeke tapso.
14473	PSA 37:2	Dasingge? Tapduu matekngasim yukengu wai aminu zongazongata kupiakaing binga sining, ba katau dakatutane tatakngita kupiakaing binga kungwake pimaning.
14488	PSA 37:17	Dasingge? Buyambam tapata wai amindane kekekngana pasiwan sopukaing. Siawan noman aminu kakuya katak kayuak.
14539	PSA 39:5	Nata Anutu anzing inikwaikum, Buyambam tapa, na kayuk yuwitdane nakanu datdasing yuaing? Na zaapduknga kupit? Asikaya natane kayuk yutnanga akngana dapaknga ba? Gata naniwi natapit, ngang inikum.
14541	PSA 39:7	Aminu kuupbam gunzit siwan katapdane wee kepdakane kaamang binga. Sike waaminu puyambam pasike sanga kwaapzang pakaing. Siwan ngana puyambamu pasikaingu buyana wena singgak. Sike aminbamda sangabam pandakngake unekan peaing. Siwan ngana akupanu sanga wa maminda papik?
14542	PSA 39:8	Siwan ngana Buyambam tapa, na apmanu sanga mina bingae kayuat? Wena. Na baniu gae sike gata gatangamiakgekan yuat.
14583	PSA 42:3	Anutu, ga kayuk asinggan yuak kapanin. Na gae take siknga nataat. Unzing aminu tapatu guyaknga kupiawan yangga tangopnangge nataak binga. Siwan zaapduk nata gae kuke nata gae munu puwit?
14586	PSA 42:6	Dasingge na meya musipmaatang asingganu nataat? Dasingge na musipmaatang apbinga kasatnanggat? Nata Anutue banip sike kayuwawa ita gatangamik. Sike i Anutuna ge ita akgatangamunggaunin. Unzingge na itane umana gatu yatangenawit.
14590	PSA 42:10	Anututa kekeknga nae atnamunggaunin. Siwan ngana nata anzing ininggat, “Dasingge gata nae botanggayak? Dasingge gata natane iwana kapewi na naitakepu tewan na musipmaatang meyambamu panggat?”
14592	PSA 42:12	Dasingge na musipmaatang meyambamu asinggan panggat? Dasingge musipma apbinga kasatnanggak? Na Anutuekan banip sike yuwawa ita akgatangamik. Sike i Anutuna ge ita akgatangamunggaunin. Unzingge nata itane umana apmea yatangenawit.
14594	PSA 43:2	Sike ga natane kekekatna ge nata gae apukenga meya dua kawit. Siwan ngana dasingge ga nae masa namunggayak? Dasingge gata kapewi iwanata na naitakepu tewa meyambamu musipmaatang na pake sukunggat?
14596	PSA 43:4	Unzingge Anutu, na gatane alta dakane wesim kuwit. Dasingge? Gata tasiwi na musip gwaang natake apbaknganggat. Sike ga natane Anutuna, nata gwameming daka take tanguwa gakngae noman yawik. Siwana nata kap taike gatane umanda akngae yatangenawit.
14597	PSA 43:5	Siwan dasingge na musipmaatang meyambamu asinggan panggat? Dasingge musipma apbinga kasatnanggak? Na Anutuekan banip sike yuwawa ita akgatangamik. Sike i Anutuna, ge ita na akgatangamunggaunin. Unzingge nata itane umana gatu yatangenawit.
14601	PSA 44:4	Siwana bapuninda asaambing. Siwan ngana keu waomu amak tasike dua taking. Asikaya inane kekeknganata gatayaman amau tasike yapbiking? Wena. Gata waaminde take siknga natapbuyak. Unzingge ga waaminkat gatake yuke kakaa yamukuyak. Yamuke gikane kekeknga aknganeta iwana yapbikuyak.
14607	PSA 44:10	Siwan ngana apmanu dasing? Gata ninu masa gwa nimuke ninu iwaninde kaine tasiwi upeekamang. Siwan apmau ga nindane amak aminkat gatuka amakge dua gatake kukaing.
14614	PSA 44:17	Dasingge? Aminu kunduta sapdut wam nanike wamu waiaknga nanikaing. Sike kaawanu iwanaat gatu aminu kunduatda waiaknga yake nae tasinangge nataaing.
14618	PSA 44:21	Ninda Anutue gwamba botakumang? Botake tumuk wamu anutu pupukngae ba yanim?
14621	PSA 44:24	Buyambam tapa, ga enayo. Dasingge ga dapunu pekgayak? Ga enayo. Gata masa asingganu ninde ma nimim.
14622	PSA 44:25	Dasingge ga ninde kusopunggayak? Aminda ninde wai pasiwa ninu meyambam pake yuamang. Ninda meya wa pakamangge dua botawim.
14688	PSA 49:9	Dasingge? Amin usinanga aknga buyana enane siknga. Sanga wa usinanga dua.
14713	PSA 50:13	Asikaya na kao wawi gwendane gamanggamai apba nanggat? Asikaya na meme wawi gwendane daknga apba tangokgat, ba? Wena!
14716	PSA 50:16	Siwan ngana wai aminde Anututa anzing yaninggak, “Ginda dasingge natane mama wama kuupbamde yakaing? Gatu, minae natane pasap wama yakaing,” ngang yaninggak.
14747	PSA 52:3	Ga kekeknga sikngaapa, ga minae ainggamatake waiaknga Anututane aminabamde tasikuyakge baknganggaak? Asingganu Anututa waaminde musip kwikwik natayamunggak.
14760	PSA 53:5	Anututa anzing yanggak, “Aminu waiaknga tasikaingu asikaya natdetdetna wena ba? Waaminda natane aminabamu poyak binga napan puyukaing. Tasike nae tumuk wamu dua nanikaing.
14807	PSA 56:12	Na Anutue banip sike ita wamu yawan kekekakut takngae natanggamatanggat. Unzingge sanga tapatue dua gwaumbit. Dua gwaumba aminda nae mina binga takngatu tasiwa maiwit? Wena.
14823	PSA 58:2	Ginu gwapakngi amin, ginu wam yak gwene wamu noman takngakan yakaingunin ba? Asikaya ginu aminbamdane wamu katak siknga usanzikaing? Wena siknga.
14845	PSA 59:12	Buyambam tapa, ga nin ninduyuayak kapanin. Gata waamin ma zipi kumnong. Dasingge? Zipi kupanu natane aminabamda sanga waakngae botaning. Gikane kekeknga aknganetakan iwaninu yanikwasiwi unda undang kuwa pasiwi mainong.
14862	PSA 60:11	Anutu, na maminda you kekeknga damanda tasibasia gapmane nanitake kuwik? Ngan, maminda Idom kep waomune nanitake kuwik?
14863	PSA 60:12	Anutu, gata ninde masa gwa nimukuyak ba dasing? Gata nindane amak aminu dua gatayamuya ba dasing?
14878	PSA 62:4	Tapduu datdasing binga amau gikat naat amake tasiwan maiwit? Sike ginda nataaingu na damanu gwenduta binga puke pimake gatukande waitdotdongukgak binga siwit.
14938	PSA 66:14	Dasingge? Meya nae apan sanga katapatang kuutgan sawa kapanga kaya aknga singgau gae ganimbakngawitde natake gamunangge yawa kekekakut.
14969	PSA 68:17	Ginu tawanu Basan kep komune dakandaka tawa tawanu buyambam siknga, ginu dasingge tawanu dakatu Anututa yutnangge yawan yukut dakae sanga moo binga ngangu kake nataaing? Sike Buyambam tapata tawanu wandakane asinggan asinggan yuwik.
14998	PSA 69:10	Dasingge? Nata yotdae take siknga nataat. Unzingge nata puya kekeknga tasiwa yotda wagwenu take yuwikge tasinggat. Siwan aminda gae ganisapduwa sapdut wamu waaknga naanganu apimanggak.
15036	PSA 71:5	Dasingge? Buyambam tapa, na gaekan baniu singgat. Sike na waatdaka yukum komuneta gae baniu sikum. Siwan baniu wa sikumu apmaat kaa baniu asike yuat.
15088	PSA 73:13	Na ninae akgwaumba musipma noman gan yukut. Siwan wai takngatui dua tasikum. Asikaya wa buyana dua aakut ba dasing?
15100	PSA 73:25	Sike yekapatangu mamin tapatu yuaknga na kakuya tasiwik? Aminu tapatu wena. Gakan siknga gandupa yuayak. Ayok, Anutu, na gae siknga nataat. Na sanga kepdakanenanae nataau wa unzing gae siknga nataat binga dua.
15104	PSA 74:1	Anutu, dasingge gata masa ninde nimukuyak? Ninu amindabamu gatane sipsip gwengwen binga ninduyak ngana gata kaanga asinggan natanimuya?
15113	PSA 74:10	Anutu, tapdukbamu yutnimu iwaninda sapdut wamu unzing ganikaning? Siwan wamu wai gae umandae asingganu unzing yakaning?
15114	PSA 74:11	Dasingge gata gatanimunanga dua? Dasingge ga moo siknga yuke waaminu yake dua pasiwi maining?
15145	PSA 76:8	Siwan ngana Anutu, aminu gae asiknga gwaukaing. Unzingge gata kaanga yaniwinu mamin amin tapata gae kaikane dandamake yuwik? Aminu tapatuta yutnanga dua.
15158	PSA 77:8	Asikaya Buyambam tapata masa asinggan ba namik? Ba asikaya nae apmea take dua ba natangamik?
15159	PSA 77:9	Gatu nae butaya tupa natangamukut taknga apmanu dua ba natangamik? Wamu yawan kekekakut taknga gwamba pimakut, ba dasing?
15160	PSA 77:10	Asikaya Anutu ninde gwa ba botakutde musip kwikwiu dua natanimik? Ba kaanga akngata ba musip kwikwik kaknga umukut?
15191	PSA 78:20	Siakan, ita sup gwen tanguwan yangga buyambamu undangga akopbing. Siwan ngana dasingge? Ita ninu aminabamde poyak kat gatu kaap kat apme ba nimik, ba dasing?
15248	PSA 79:5	Buyambam tapa, gata ninde kaanga nataau mamayasim yuya ba dasing? Asikaya gata kaanga nataau katapda binga isikoke dua kupik, ba dasing?
15261	PSA 80:5	Anutu, ga kekekngakabamban tapa. Tapduu datdasing gatane amindabamu gae tumuk wamu ganiwawa ngana gata kaanga natayamuya?
15269	PSA 80:13	Siwan ngana dasingge gata damanu wain puyae wamambasikingu gwenu waitdekuyak? Ge aminu kepiapane kuyuk kake buya kukwae pakaing.
15339	PSA 85:6	Gata kaanga ninde asinggan natanimuya? Kaanga ninde natanimunggaak kaknga wena dua siwik, ba?
15349	PSA 86:2	Sike na gatuka tapi na dua kupit. Dasingge? Nata gatane puya aminda yuke gae baniu asinggat. Sike nata ga akgawanggat.
15351	PSA 86:4	Buyambam tapa, na gikane puya amindae musipma tasiwi apbakngayok. Dasingge? Na tumuk wamu gaekan yanggat.
15357	PSA 86:10	Dasingge? Ga kekekngaka bamban tapa. Siwan gata gikatakan duya takngatu takngatu gwaam gwaamu tasinggayak. Ga Anutu siknga awia tapatukan.
15360	PSA 86:13	Dasingge? Asingganu gata nae take siknga natangamunggayak. Natangamuke gata akumnanga akngane sandeke tapi nata aminu gwa kumbingga yuaing komune dua pukuwit.
15375	PSA 88:4	Dasingge? Nae meya kwaapzang apan yapii waakngae kupitde wesim singgak.
15382	PSA 88:11	Gata duya takngatu gwa kumbing amin gatayamikge tasinggaak, ba? Asikaya gwa kumbing aminda enake gatane umanda ayatangenakaing?
15383	PSA 88:12	Sike asikaya aminu gapmaatang pekaingga gae take siknga natanimunggaunin ngangu ayakaing? Sike keu wai sinanga komune yuke gata katak kayukuyak komde ayakaing, ba wena?
15384	PSA 88:13	Sike asikaya aminu keu zikaa komune yuaingga duya takngatui pasiwawi akaaing? Siwan aminu wai sinanga komune yuaingga gatane noman takngaka akaaing, ba wena?
15386	PSA 88:15	Siwan ngana Buyambam tapa, dasingge gata masa nae namunggayak? Dasingge siknga gata nae kusopunggayak?
15437	PSA 89:47	Buyambam tapa, ga ninde tape mamayasim kusopuya? Ba asinggan? Gatane musiptok taknga katap gwen binga tokngaake tapduknga dasing yuwik?
15439	PSA 89:49	Maminda asinggan asinggan yuke dua kupik? Maminda kekeknga yuke aminda kupan kwaipeaing komune dua kuwik? Unzing binga aminu tapatu wena. Wena siknga.
15440	PSA 89:50	Buyambam tapa, sike dasing? Apmanu ninde take dua nataayak ba? Sike wamu kundu na Devitde musipba kwikwiknga asinggan natangamiyakge yawi kekekakuu dasing?
15454	PSA 90:11	Siwan mamin amin tapata gata musiptok siknga natake sanga kekeknga tasinggayakge natapan kakaa siwik? Wena. Dasingge? Gatane musiptou toknga siknga singgak. Siwan aminda gae asiknga gwautnanga aknga buyambam siknga siwik.
15456	PSA 90:13	Buyambam tapa, tapduu datdasing gatane musiptok kakngaka yuwik? Gata musiptok kakngaka teke ninu gikane puya amindae butaya natanimuyo.
15481	PSA 92:5	Dasingge? Gata nae puya kekeknga tasikuyakge natapa kuwan nata musip gwaang siknga natakengu nata apbakngake kap gae tainggamunggat.
15500	PSA 94:3	Tapduu mamaya yuak ge wai aminu yuyukngae bakngake yutning? Buyambamtapa, tapduknga mamaya yuak, ba? Tapduu datdasing binga yuakge yamandet aminu waiaknga tasikaingge baknganing?
15501	PSA 94:4	Tapduu datdasing binga yuakge wai aminda waiaknga tasiningge yamandet dakngake bakaning?
15505	PSA 94:8	Ginu natane aminabam, dasingge ginda kepi yumdekan taknga unzingu tasikaing? Ginu katum amin, zaapduk ngaya natdetning?
15506	PSA 94:9	Anututa nindane maaknginu pasikut. Unzingge asikaya ita dua natapik, ba? Siwan Anututa nindane kaininu pasikut. Asikaya ina dua kaak, ba?
15507	PSA 94:10	Ita amin kuupbam kayuak. Ayok! Asikaya ita waakwau dua papanomataning, ba? Siwan waapa aminu kuupbamdane yanindamumsa apa. Asikaya i natdetdetna wena ba?
15513	PSA 94:16	Maminda enake na gatangamuke wai aminu yaipakepu pewik? Maminda enake na gatangaman gutonga tasia aminda nutnangge natake tasiwa maiwik?