23218	MAT 1:5	No Salmonna ombolva lohna, nihilva Boas, hena avalva Rahap, himba ungund-ongorini avna. No Boasna ombolva lohna, nihilva Opet, hena avalva Rut, himba ungund-ongorini Moap petharini. No Opetna ombolva lohna, nihilva Yesi.
25279	LUK 7:15	Doa no indhanarini-mindva henga beswonam phonamba, avhoa, temba nomba doarava wohdahanamba, doa hev moa owalm ishunvna. Doa Yesusva hena avalm os ishomnana, ombpovpa yenamba men av.
25298	LUK 7:34	Wo sismba kav yeindamba phunna, wo kav innemba besal nelohvna, doa yimba kamba gekala umniv, sahoklal, innemangas mindnamba nengv. Himba wain-mengna, doa hev puehalnindm wonav, nomba temba sembayang wevsava beswonamba engivmoa. Yimba pevna nengavnangva lesvhoawol vivmoa beswonamba. Doa heva os monglava indhanamba himba nengavnangva besal ilvahv, wo hev beswonam moamba lesvhoawol viv, vei besal eva sahoklal, doa hev os isholvohv, Sesoana moamba besal.
25496	LUK 11:22	Doa heva os mongova indhanariniva provra, himba nomba kuvhoavav hemba, ata vera, hevm helvakomandha-sambaihara, bunevalgo dombmanara, woh manimani moang vuku vinvav. Nomba kelsombovho tendorinina bunevalgova ekhuanamoa hevmba.
25588	LUK 13:1	Yesusva ishunvna indhanam, wo henanam indhana mongla nongal-pulvonamba, doa hev umnina, os kava hillina, monglava Galili provinsnindva doa angana tempelduvram, Sesoam sembayang venalm, tata wesang vivna. Doa mendah vivna osangas, doa Pailat duang hevna valgonindm wolanga ve, helvakomolm.
26145	JHN 1:32	Yonmba unna, kava lihavnamoa, osva an hevpa Kristusva. Heva os Sesoa kamba wolaihaprana, poswolalm ponam. Wo Sesoava kamba ishomnana, yimba si nonglavav, kavsongolva holaperava, ovhoamnavra indhanarini-inda. Wo hona indhanariniva Kristus, he si awothowol vevra Sesoasongolnanamba. Doa Yon henga ona, kava nonglana, Sesoasongolva holapevna senamini. Wo nomba Sesoasongolva snal ona, leumb, wo avna nihra Yesusinda.
26239	JHN 4:14	Wo heva os himba nomba nevrava pomba, nomba kava temba daswolvrava, si hemba hengava pehava vinvramoa. Wo pomba honamba kava daohvpa, si nilhavav puthovhoal-pomsna, hena nihmerava livra. Manara, kava si hemba undva vraohvav, nonapopolm yunalm wohalm.
26447	JHN 7:50	Wo Nikotemusva di doara noi kuwul owalhovra patha-wulvahvna. Himba no indhanarini, nemetva himba gana nonglalmba Yesusmba sinimba.
27328	ACT 9:43	Diva Yoparava Pitava dawonam mindnam ahalohna mongo indhanarini-i, nihilva henamba Simon, he banandrava vevna.
27973	ACT 28:6	Wo himba os ningvna, ata bumbetind verava, vendperava, os dahavav. Di himba pulundtho-lohvnamba, nunglul aevna dawonam, heva os owai, mani eva ata venata hemba. Wo himba hevna nengavnangmba weihaloh vevandvna Polindava, wo doa hev una, himba dihi Sesoa?
28006	ROM 1:8	Kava ata ossna ovav, kava os omnav kavna Sesoamba, Yesus Kristusna nihilnana, yimba lehra, yeindam indkumbi-indam. Kava os omnav, Sesoa yimba lehra, osra annind annind huiva petharava eishomana vev yena mendekli undnahonamba keknamba almba.
28222	ROM 8:38	Tanam kava nonora lohv, osva owai, mani eva si pimba pepemowolvavmoa, hona und vewolalliniva, memba Sesoava pimba vinvpa. Dalalmba owai, vavatannamba loholmba owai, ovsongolnindva owai, pethanindna valsongolva owai, wohtit vovhoav ambo. Mana vemava men hui petharava, owai, eva si sewonamba lohvavta, owai. Mana vemava keknasowolva owai, osva vera, sena eva hui pethara. Honamba mongova mana vemava si pepemowolvavmoa pimba, Sesoana und vewolliniva, nomba temba lohvpa Yesus Kristusna pina mendekli-indava.
28333	ROM 12:20	Wo heva os yeoa vivm honamoa, Yimba henoi-iva temba mindnamba ahai oholohvpa, wo hemba ponam dahavra, daho inne hemoa, wo hemba pehava venatava, po daohvm. Yimba osva venallava hemba, louva si snavema plothomnavav.
28406	ROM 16:2	Kava yemba os wohunv, yeoa hemoa wohpetheiu nihra mongawulm mendekli-inda, eva no monana, Sesoatindi ten avm. Kolvrivm hemoa nonaoa, nomba himba nengvrava, noinda osra, himba kamba kolvravnam, eva mongla indhanam.
28412	ROM 16:8	Yeoa ishumnu kana sehmoaoa Ampliatusmoa, himba kana sehelnonoa lohv mendekli-indava.
28518	1CO 4:17	Temba noinda kava Timotimba yemba wolaihaprinna. Himba kana ombolmsna lohv mendekli-indava. Kava kavpa Timotimba mindnam und vev, manara, himba keknam engv Kristusmangas. Himba si yemba kolvrowol vevra, nengewuvulmba, osmba temba kava Kristusmba engvnamba. Honana kava numhowol vaomana vev Kristusnindmba, osva hi hi indakondava.
28594	1CO 7:39	Ungevlirinioa yunalm ahamana evevra tlali mongawulmangas, mendahva lohvrava novkakava. Wo tlalmba dahallava, ungevlirini-inda temba lohv, hengamba mongona tlaramba vongalmba, himba hevpa nengvrava henoi-indamba. Heva os no peliongaoa Kristusnindrinira vongara.
28609	1CO 9:1	Monglava os uv, Polva owai, lohvmoa moalamangnindrinielmba. Heva os kava moalamangnindrini lohv, manara, kava doa nonglana Yesusmba pivna mendeklimba. Eva ye men hona indhanata inethalmba, kana andrarava mendekli-indava av. Noinda kanamba lohv, innemba nelmba hona andrarava, memba kava vaomana vevpa osva hi hi.
28613	1CO 9:5	Kanamba lohv, ongamba vralmba nom Kristusnind-ongorinim, ella wailohmana vevra. Monglava moalamangnind, eva mendeklina towandaslalva, eva Pitava, himba honamba vivnata os.
28627	1CO 9:19	Kava anglasingiva lohvmoa mongo indhanarini-inamba. Wo heva os kava kavmba indkumbimba weihaloh vrinv, hena ombandhana andranindrinielm. Kava vev honamba, osm kolvrowolalm indkumbim, nembavpa velm, Kristustindilm alm.
28664	1CO 10:29	Kava memba osmba ovmoa, yimba nengvra, osva kava memba indkokla vev. Heva os ata homeis nomba indhanariniva yemba nengmanavra, yimba sahonam vev honamba. Dihi yimba kam ishumniv, osva memba pivm pimba ollawol vivpa, mana vemam besalm velmba, wo plalva mongona indhanarini-ina lohv, memba besal osva?
28766	1CO 14:20	Seh, manam yimba nengavnangva vrivra otolmsnamba. Yimba manam wevsakoklava engivav. Heva os pevna nengavnangraoa yeoa tendo-kiskisnamsna ao.
28776	1CO 14:30	Wo moalamangva Sesoanamba prollava no indhanarini-indava, temba aevulvpa, wo osoa henooa moaoa wohvuthora.
28779	1CO 14:33	Manara, Sesoava os pimba ninginv, pimba manam indkumbiva viluwul-lol-lohvav dandwonamba. Pioa temura vi. Kava yem ungevlim ishunv. Ungevlioa moaoa wohhilivhoavra, nonamba sembayangmba vivrava. Hemba wuhtvmoa, moamba eisholmba. Heoa ambo taivwonam vivra tendona anglasingiangas. Honamba moamba os novol velohv Mosesna lohohmorava. Indkumbiva Kristusnindva vavawonamba os wohvivta.
28843	1CO 15:57	Heva os pivva Sesoamba os umniv, yimba lehra. Noinda osra, himba doa pimba lundthoana, daosmba nombslahalm pivna mendeklina Yesus Kristusnana. Memba os, doa pimba kuewuli nomba temba pivva hemongova daos uhuwul-epravnamba, temba pivna indkoklava pimba kekaiv viavnamba.
29882	2TI 1:6	Memba honamba kava hengava yenamba nengavnangmba owiliha-phovpa, nonam andra velm, andra noi ten Sesoa pevm vraohnam. Sesoa yemba vraohna nomba andrava, nonamba kava englava kavnamba holowohavnamba yeindava. Doa taiha vevra, os ora, suwemda tavrakilihavongo vev.
30021	PHM 1:16	Heva ombandhana andranindrinielmangas owaiva, heva os besal ombandhana andranindrinielm, eva yena mongawa Kristusnindrinielm, ten pev und vevm. Kava kavpa und vev mindnam hemba. Wo heva os yimba si mindnam und vevra hemba. Yimba si und vevra hemba, os eva himba indhanarinita, wo mendekli-inda yimba si osva nonglavav, mongawa Kristusnindrini kana.
30025	PHM 1:20	Seh, kava yemba os omnav, honaoa veno kamoa mendekli-ina. Lunakangs vro kana indm Kristusinda, wo kava indk vethavra.
30578	2PE 2:11	Ovsongolnindva suwelangas av, wo himba kuvhoawol viv nomba gurudaspolmba. Wo heva os himba moakoklanamba eishunvnamoa hemba, eva wetat owol vivnamoa hemba mendekli-indava.
30661	1JN 3:15	Yem indkumbim, himba nomba hevna mongawa Kristusnindrinim wuspromnavrava, doa hemba nilhai, hevna boasalalwongamsna. Wo yimba nonora, osva no helvakomonindrini-inda, undva nemelva lohvmoa heindava.
30685	1JN 4:15	Mongova indhanariniva osva ollava, Yesusva lohv Sesoana ombol, wo osrava pimba nunglivav, no indhanarini-indava Sesoava av. Eva himba wohengv Sesoam.
30895	REV 7:17	Manara, sipsip otolva hovrahovra lohv vuherava, himba si luhunvav kekalvhonindrinimsna. Himba si deisumbi-ngavra, dom pomellam, ten po puthovhoangu vevm, pomba noi ten nonapopol yunalm avm. Wo Sesoava si poswol vungeinvav yunalm wenopva hena novriniva, hengava wenopva si pruwunvavmoa.
30938	REV 10:9	Wo kava ganamba ovsongolnindrini-inam, wo osahmanana hem, vraholm kam eusil tombaim. Wo himba kamba os omnana, vrao tombaioa, wo neo mengna. Ata yena mengrava bes vevav yuhvpolmsna, heva os yena emerava ata tha vevav.
31157	REV 22:8	Kava Yon, ka honi vena, hellena eva nonglana honam manam manam. Nonamba kava vena, hellevna, eva nongalvna nom, kava mulumbdandna lohvhoamnavna, sembayang vevna ovsongolnindrinina monglasra, henoi-inda ten he manam manam kam nov wolaihamnanam.