5	GEN 1:5	Upsilmba himba ona, okomba, wo simba himba ona, sia. Doa simba kilvranamba, lingil lihanamba, wo os doa simba mongasal vena.
14	GEN 1:14	Doa Sesoava henga ona, upsiloa ovraoa lovahvra. Mongo okombanam lohra, wo mongova sinim lovahvra. Upsilva nomba si indhanamba indthueinvav mingum, wo tahonm, wo tihvohm.
15	GEN 1:15	Upsilva sena lovahvra ovra, wo petharam lovhoapuv vevra.
17	GEN 1:17	Honamba Sesoava ovra wosana, okombam, weism, paim. Upsilva honamba sena ovrava lovahvna, petharam lovhoapuv vevna,
58	GEN 3:2	Ungevliriniva os ona, owai, kava enevra timovpa honamba, memba denwitva endungu vevpa,
69	GEN 3:13	Yawe omnana ungevlirinim, manara hevpa yimba honamba vei? Ungevlirini ona, saihola kamba wuho ovrei, noinda kava doa nei.
258	GEN 10:23	Wo Aramnamba men towandalva, Usnind, Hulnind, Geternind, Meseknind.
262	GEN 10:27	Hatoramnind, Usalnind, Diklanind,
295	GEN 11:28	Wo Terava mendah lohvna, Haranmoa os wohdahana. Di Bapilon pethara Ur kembella hemba dahana, ten di doara aval lengnam.
298	GEN 11:31	Doa Tera phonamba, Bapilonm wuleihana, honam wongana, ombolm kolm umbeindilm. Ur kembellini venamba, wonganamba, ona Kenan petharam pulvotam, wo owai, ambo di Haran kembella aevulthana.
353	GEN 14:16	Wo wohva innemba henga dumbna, temba himba hevelmba vranamba seilmba Sotom kembelliniva Gomora kembelliniva. Wo eva hevna buesilmba henga mohvena hevna wohnahonam. Ungevlitundism eva indhanam himba henga muehrombol vina, temba himba kekaiv vinamba.
368	GEN 15:7	Doa Yawe ishomnana, kava Yawe, kava doara yemba waipronamba Bapilon petharini Ur kembellini homba, osm hona pethamba kava yemba kovoraholm vev.
434	GEN 18:9	Doa himba Aprahamba umnina, ongapevpa yenamba Saramba hi av? Unna, ten lailduvra av.
569	GEN 22:21	Yiveltowond Us, mongova Bus, mongova Kemuel,
800	GEN 29:4	Doa Yakopva phonamba, andranindm unna, seh andini yimba? Umnina, kava Haran kembelnind.
801	GEN 29:5	Unna, yimba nonora amnavma Lapanmba, temba Nahorna umbeindilva lohvpa? Umnina, eie kava nonora amnavta!
857	GEN 30:26	Ungevlitundisva huiva yeindava kava tetwond venamba. Kava yenamba andrava beswonamangas vena.
1069	GEN 36:28	Wo nomba Disannamba umbeindpolva phonamba, Ustindi eva Arantindi.
1168	GEN 39:18	Wo ka wunuhoiva, wo di hevna kayenmba moanvelahaphoi kana englara, amballam wohpholahangai. Ungevlirini ishovna, wo hev ona, noi yena andranindriniva kam os venavna.
1239	GEN 41:43	Wo Perova hevna valgonindm ishunna, wo hevna pethamnalmba karismba indthoamnana Yosepm. Unna, honina Yosepmoa waiambo. Wo Yosepva no karisra monam gavna, nomba karisva hosra kiliheinamba, hos kevri iangavna. Wo amiva mi ishuwul anginvna, monaoa wuleihimnu, Yosepva pina kuwulva ten sis prov. Doa plalmomba os lohv, Perova Yosepm pusvundthoana Isipnindna kuwulm mongom.
1497	GEN 49:23	Ungundva yenamba yemba engvilangav bunevalgona,
23219	MAT 1:6	Wo no Yesina ombolva lohna, nihilva Devit, himba kuwulmendekli wulluhunna Israelnindnam. No Devitna ombolva lohna, nihilva Solomon, hena avalva Batsepa, himba Uriana peli avna.
23221	MAT 1:8	Wo no Asana ombolva lohna, nihilva Yehosapat. Wo no Yehosapatna ombolva lohna, nihilva Yoram. Wo no Yoramna ombolva lohna, nihilva Usia.
23222	MAT 1:9	Wo no Usiana ombolva lohna, nihilva Yotam. Wo eva Yotamna ombolva lohna, nihilva Ahas. Wo no Ahasna ombolva lohna, nihilva Hesekia.
23225	MAT 1:12	Ungundva os vinna, wo henga sism Yekoniana ombolva lohna, nihilva Seltil. No Seltilna ombolva lohna, nihilva Serupapel.
23493	MAT 10:7	Yeoa angarava, os ishunvm hemoa, yeoa pevmoa weihaloh vewol viu, indkoklamoa wuleihivm, wo Sesoana nemeltindilm saivvm. Doa mumra vev. Uvavulmungilmoa sishona vewol vivm, eva wolapulvo vevm nomoa, temba doarava sihavnamba. Indhanamba ovra, memba tihsongomungil, wolapulvo vinvm hena nihmerinioa. Nomba ovra, memba kisna, hemoa sishona vewol vivm. Kava doa yemba mindnam awothowol ve, pevmba nonapopolmba. Wo kava osva yemba ninginvmoa, yeoa kamoa di deiswilvm, wo doa yeoa angarava, indhanam kolvrowol vilango, wo manam yimba osva unvav hemba, kam di deiswilu.
23549	MAT 11:21	Ye Korasin kotanind, wo ye eva Betsaita kotanind, wavrapeto. Sesoava si yemba hukum vewol vevav, manara, kava mendekli andra vinvna yena novrava, heva os yimba weihaloh avramana vevnamoa pevmba. Ungund Tairnind, wo eva Saiton kotanind, himba doarava snamba kanamba mendekliandramba nunglitava, ata himba doara wuleihita hevna indkoklamba lelnam. Himba ata pikiankolol vewol vitava, somov sawol vita, uta, kava indhanakokla, kava doa wuleihiv.
24035	MAT 24:9	Ungundva si yemba kekaiv vivrava, perkara vewol vivra, wo yemba kin pelhola ovinvrava, wo helvakomo vivra, kana aonghal mahalnindmba. Indkumbi indhanamba si yemba musk vinvra.
24066	MAT 24:40	Kava provrava, sambla indhanariniva si osora andra evevra. Mongomba kana ovsongolnind waiangavav, mongova di avav hevho. Ungevlirini samblava wonda honawol avahavra, kana ovsongolnind mongomba waiangavav, mongova di avav hevho.
24135	MAT 26:12	Ungevliriniva kamba welsandana sovhomni, sewonamba kamindmba indhanamba si osta vinivav, nonamba kamba dahavrava.
24259	MAT 27:61	Ungevlirini samblava di ahana, pokamam nom kekalvho evevrahana, Maria Maktala eva mongo Maria.
24364	MRK 3:7	Ungundva osva poaitava uvnamba, wo noinda Yesus hevtindim wonga, Galiliplombra wonpho, wo indhanamba mindnam kusona, doa Yesus wolapho vevna. Galili provinsnind kusona, wo eva oklanind mindnam, ten doara hillinamba, Yesus os mendekliandra vev. Os Yutia provinsnind, Yerusalem kotanind, Itumeanind, Yotanpora hilnind, Tair kotanind, Saiton kotanind, indkumbi noi engalla kekel vithie, ambo Yesusm lukul vruwul vevna, os ningvna, Yesusm ka ambo tuhivrava, ata kamba lesvhoawol vevav. Wo Yesusva hevtindim unna, ata humeis kamba singtheivav, bot vreu, ata kava botra vongarava, avhoa posra.
24481	MRK 6:5	Wo nonamba Yesusva os tungundthoawolalm vevna no deuvnindmba hevna owalmba, heva os owai, himba Yesusmba undnahonam lovahthamnavnamoa, wo noinda es eva tungundthoawol vevav ombamba, owai. Uvavulnindm eskand ambo himba hevna englava huhlinvna, wo os momongo wolapho vevna. Himba nengvna, kamba undnahonam lovahthamnavmoa. Wo Nasaretnindva owalva os vina, wo Yesus hev mongona kembella mongona kembella os lohmana vevna, Sesoana nemelmom ishollohmana vinvna.
24521	MRK 6:45	Wo Yesus hevtindim unna, yeoa botra vongopiao, nohalm plombnahalm yesna ango, Betsaita kembellam ango. Unnamba,
24695	MRK 10:38	Wo Yesus henga unna, yimba kamba ohosahmini, heva os yimba mendah tit evev hona andramba. Es hevpa kanamba yimba kinkumbi tanam ambo pulengavavma? Wo kamba nihsesoava vimnivrava, yimba kamba tanam ehengpravavma? Ungundva yemba helvowol vivav, wo yimba ambo tanam keknam elohvavma?
25003	LUK 1:41	Doa Elisapetva hellenamba Mariana moamba, doa otolva dalohka venavna Elisapetna emera. Wo Sesoasongolva Elisapetna nihmera sihamnavna, doa Elisapetva Mariam mindnam omnana, lehra yimba prov kaindamba. Sesoava yemba doa nesmos vrena, wo eva hev yena otolmba nesmos vrenata, ten yena emera livm. Ungevlina nihilmba yenamangas wulvongav.
25097	LUK 3:3	Wo Yonmba himba lohmana vevna petharava di Yotanpora, wo hev Sesoamomba ishomana vinvna indhanam. Unvna, yeoa pevna indkoklamoa wuleihivm, ata kava yemba pona poswol vevav, doa Sesoava si os yena indkoklamba hengava ninginvramoa.
25207	LUK 5:31	Wo Yesusva hevpa helwolvna hemba, ona, os ishuv, wo hev olhmona olhinnam. Unna, indhanamba nomba besal indhanamba, himba nomba mantri indamba angavmoa, owai. Heva os hind noi uvavulnindangas, himba nomba mantrimba aslalvra, osm kam sishona vewol veo.
25232	LUK 6:17	Wo Yesusva hevnamba aonghal mahalnindmba nominiva wonpronamba oloriniva pundram vavallam, di lohvhoa. Doa indhanamba esvema hemba di wonkusovna, vei Yesustindi mongla eva kembelnind. Nomba indhanamba doara kusovna, osm Yesusna moam hellelm. Una, himba ata pina owalmba sishona vewol vevav, memba uvavulmungilva aevulvpa. Nomba oklanindva himba doara ambwol vena Yutia provinsrini, Yerusalemrini, eva ungundna kotarini, Tair kota eva Saiton kota. Doa Yesusva osangas venamba, uvavulmungilmba nomba sishona vewol vena, wo eva hev sishona vewol venata, indhanamba nomba temba doarava tihsongova nihmerava sihangu vinnamba hemba. Hev sishona vewol venamba, doa tihsongova nomba gapiana.
25329	LUK 8:15	Doa witmovpa nomba temba pethabesalla dalvnamba, himba lehwol vev indhanam, nomba temba Sesoana moamba hillivpa, doa hev kek vithiv yunalmba. Undva henamba besalangas luhunvna, uv, memba moamba besal nihnamolnam, pioa kek vithivra, os engivra. Doa dawonam hena andrava innemsna ksuvhueinvav beswonam.
25400	LUK 9:30	Doa nungi lelnam indhanarini samblava ephomnana, Mosesi Elaitai ephomnanamba, Yesusmba wai ihishovna di, nomba moashulnindrini samblava temba doarava elohnamba. Himba Yesusna pusambanakambara oholohvna, ishuvna Yesusna dahalmom. Una, Yesusmba si dahavav di Yerusalem kotara, doa os himba hevna andramba lehra vethavav, wo hona pethamba himba os wuleihavav.
25433	LUK 10:1	Doa dawonam Yesus mendekli monglam hevnam andranindm pusvund vena, hev mindnam pusvund vena 72pelara. Unna, yeoa bukethungu vevm, henoi engavra, henoi engavra, wo yeoa mi angawul vevm no kembellam no kembellam, kava si provav sis.
25470	LUK 10:38	Wo Yesusva hevna aonghal mahalnindva mendah wongavna monam, doa mongo kembella wonpho. Ungevliriniva sambla ahavna diva, nihilva vei, Mata eva Maria, etelmosalal. Doa Mata Yesusm omnana, yeoa sihao hom kana deuvram, hui aloho. Wo Yesusva osangas wohvena. Wo hevpa moa ishunvna, Mariava himba murapeta ahavna Yesusinda, moam hellemnalm.
25829	LUK 19:29	Anganamba, wonphowolna sambla kembella, Betpaki kembel, eva Betani kembel, di murapeta olosingi erehilvna, os ningthiv oliv denwit nomba olomba. Doa hev wolanga ve hevrini samblam mi. Unna, yeoa engo yesna no kembellam. Ata yimba di nongla ephovav donkim, deuvra ningewola pathalohvra. Mendahal ereworal, indhanariniva nemetva noindava lohmana venamoa doava. Yeoa we epovhomanarava, hom waiepro.
25838	LUK 19:38	Una, Sesoa mendekli doa Yesusmba pusvundthoana kuwulalm, wo men himba sihav. Sesoa hemoa beswonam vrera. Sesoa indwonam avra, wo pioa hena nihilmoa okulivra.
25867	LUK 20:19	No kuwulva hillinamba Yesusna moamba, doa henamba und phunna, Yesusm kevralm. Una, honamba moamba Yesusva ishovpa, pim onnginv. Heva os himba pem vivna ombandhanindnapenam, ata pimba homeis helvowol vivm.
25919	LUK 21:24	Ungundva si Israelnindmba helvakomo vivra ovlakasna, wo eva monglamba wulbukethavav vavawonam, hukum vewolalm. Doa si os ungundva tetga vivav Yerusalem kotamba. Doa no indhana si os vewuvra, Yerusalemba monglana datho vruwuvra, verava, Sesoa unvavm, doa.
26282	JHN 5:3	Uvavulmungilnindva ovna mana ema vendholahola vev no ovavhollava diva tovalpsisva. Monglava novtitmungil, monglava monglakoklana, monglava kemindina.
26305	JHN 5:26	Undva nonapopolmba almba, phov aranamini hevnamini. Wo aralva wolaihana ombolm, osva henamini vravra, undva nonapopolmba almba.
26733	JHN 13:34	Kava vrahunv yemba nemel moamba. Undnahonam und avramana vevm monglamoa. Yeoa und vewol vivm monglamoa, os men kav yem und vewol vevnam.
26801	JHN 16:6	Undva yenamba doara potra pihaprini, noinda kav honam ishunim yem.
26967	JHN 20:31	Wo heva os memba novol velohv, osm yimba nonora avra, osva Yesusva Kristus lohv, Sesoana ombol. Undnahonam keknam lovahthamnallava, yimba osva avav undna hena nihilla.
27064	ACT 2:46	No okombanam no okombanam himba elsus mongawamokot velohlohvna, wo sihalohlohvna tempelduvrava. Wo owalmba Kristusnindmba wulnungu velvohvna indakonda hevnaduvra. Undva henamba besalangas luhungu vinvna, wo und kanandhapravna, innemba hlalmba mongawulmba.
27305	ACT 9:20	Wo doa himba wenikomba venamoa, himba isholm lohvhueinvna besal nemelmom Yesusnam owalm Yutanindm, di hevna sembayangduvmeram. Unvna, Yesusva Sesoana ombol lohv.
27565	ACT 16:13	Nonamba vahiaevul okombanamba, kava wonphona kotatuvmonam poramba. Di kava osva wonnengna, ata kava wonsilelvav vuhemba, di ten Yutanind kusolohvm, sembayang velm noindam. Ungevliva monglava di kusovna, wo kava di wonpatha ovhueinnamba hem, wo wonishuvmona vevna moa.
27607	ACT 17:15	Indhanamba nomba Polmba temba nungwulanganamba, wohwaiangana Atens kotaram. Wo he moamba Polnamba hengava wulambinna Sailasimba Timotimba. Unna os, nungi lelnam epro kaindam, manam yimba diva ahavav.
27688	ACT 19:34	Wo heva os himba nonamba nunglivnamba, osva Aleksandava Yutanindrini, himba henga di esvema puvuldiangavna. Himba yunalm puvuldiawovna, venamba, okombam onunglivna, 2 aus vewulna, diawonamba. Uvna, mendekli einv Artemistih Evesusnindnamba kanamba.
27826	ACT 23:24	Umnu, hosoa mongooa, Polm noindam galm. Wo yeoa waiango hemoa, phora beswonam mendekli duang Veliksindaoa Sisaria kotaraoa.
28323	ROM 12:10	Und vewol vivm Sesoatindimoa, os ovra, pevna mongawa arana, etepevna, hamuskovpevmsna. Hemoa mindnam esvema longong vewol vevm, os ten pev pevm nesmos vrevm.
28325	ROM 12:12	Indk vethapravm, manara, yimba indva wuleivv, os Sesoa si pimba sandhavra vuhebesallava. Undwonam avm, nonamba kinmba provpa. Sembayangnaoa ambo osangas wohlotholohvra yunalm.
28328	ROM 12:15	Undwonam indk vithu nomongo, he ten indk vithivm. Duuswonam avm nomongo, he noi ten avm duusna.
28343	ROM 13:9	Lohohmorava moamba honi lohv, Manam yimba undva vrevav tlatrinimba ungevlirinimba, kevralmba. Yimba manam indhanarinimba mongomba helvakomandhavav. Yimba manam yukovpa vivra. Yimba manam owapevnamba mana vemava muemb vinvra, dombolmba. Memba honamba moamba eva mongla, tanam mongalnonoa monahulumbkumbi, Und vewol vivm monglamoa indhanamoa, os pev ten pevm und vewol vivm.
28344	ROM 13:10	Und vewol velmba owai, indkokla vewol vevmoa indhanamba. Wo noinda osva nonamba yimba monglamba und vewol vellava, yimba nona Sesoana lohohmomba wohengvra.
28413	ROM 16:9	Yeoa ishumnu kana sehmoaoa Urpanusmoa, himba luhunv pina mongawa andranindrini Kristusna. Wo ishumnu sehmoa kana veo, Stakism, himba kana sehelnonoa.
28559	1CO 7:4	Ungevliriniva hevna nihtovna avalva avramoa owai. Tendorini ongalna nihtovna aralva lohvra, wo eva osta tendoriniva himba hevna nihtovna aralva lohvramoa owai, hevna ongal hena nihtovna avalva avra.
28565	1CO 7:10	Kava lohohmom honam ishunv yem ongangonam. Honamba lohohmomba kanaminiva owai, memba hevm mendeklinamini. Ungevliriniva hevna tlalmba pewolehalahangavavmoa.
28571	1CO 7:16	Ungevli, yeoa pevna tlahumunpevmoa kolvrowol viu, nom ten yem puehalnind dumbvnam. Wo eva yimba tendomba osta, yeoa pevna ongahumunpevmoa kolvrowol viu, nom ten ye dumbvnam puehalnindongom. Yimba mendah tit viv daipotava, si sewonamba es lohvav.
28589	1CO 7:34	Wo noindava osva himba nengavnangva verombwolv sambla, hevna ongalm andra venalm, eva andra venalm mendeklim. Ungevli no tlahui eva ongamalongo, hemba owai, dumbnamoa, himba keknamangas wosalohv mendeklina andrarangas. Himba hevmba keknam nihna undnahonam mendeklimba wohkihpiawol viniv. Wo heva os tlatriniva ungevliriniva himba manam manam honam petharinimangas andra vildav. Himba osmangas vev, kana tlaoa honindaoa und lothora.
28594	1CO 7:39	Ungevlirinioa yunalm ahamana evevra tlali mongawulmangas, mendahva lohvrava novkakava. Wo tlalmba dahallava, ungevlirini-inda temba lohv, hengamba mongona tlaramba vongalmba, himba hevpa nengvrava henoi-indamba. Heva os no peliongaoa Kristusnindrinira vongara.
28674	1CO 11:6	Ungevliriniva himba hevna tamba ehlathamba owai vetava, temba mongawatovna, os wohningipiangana hevna tamba. Heoa mama hutewonam kovhoara, mava wohningipiangara. Heva os honamba ata louva venavav hevm ungevlirinim. Wo noinda osva, heoa hevna tamoa ehlathara.
28779	1CO 14:33	Manara, Sesoava os pimba ninginv, pimba manam indkumbiva viluwul-lol-lohvav dandwonamba. Pioa temura vi. Kava yem ungevlim ishunv. Ungevlioa moaoa wohhilivhoavra, nonamba sembayangmba vivrava. Hemba wuhtvmoa, moamba eisholmba. Heoa ambo taivwonam vivra tendona anglasingiangas. Honamba moamba os novol velohv Mosesna lohohmorava. Indkumbiva Kristusnindva vavawonamba os wohvivta.
28812	1CO 15:26	Ungundmba eunumborava, doa eunillava daham wohkingpiavav.
29393	EPH 5:22	Ungevli, yeoa pevna tlahumunpevna ninisingi aevulangavm, os ten pev amnavm Kristusna ninisingi.
29475	PHP 2:17	Undnahonamba yenamba snal, oi mana ema besal teteihnungna dembreuhv Sesoam. Wo kamba dahatava duangna englarava, kava si snallava avav, kavna tovolva si moakot vevav diva yena mana ema besal teteihnungrava. Sesoava si nonglarava, wohindk vethavav. Wo nomba osva wohvetava, kava si osva wohindk vethavav, wo kamba pilivhoavav, indk vethinilmba yem indkumbim.
29596	COL 3:12	Sesoava doa yemba kikih vewol vena, wo yimba amnav hevna towandalnonoa. Himba yemba mindnam ind vewol vev, wo yeoa elsusoa amnavm honamangas. Und vewol vivm monglam, ahalunvm henam, wo nesmos vewol vivm, wo kolvrowol vivm. Manam yimba awusapramana vinvra monglamba, heva os ambo yeoa eivvm.
29598	COL 3:14	Vivm temura manimani honaoa, heva os men mendeklinonoava, und vewol vivm monglam. Und vewol yemba mongawatilmba hilvniswol vev, osm manaram manaram mongawulmangas.
29602	COL 3:18	Ungevli, yeoa ambo tlahumunpevna anglasingi einvm. Honanamba memba besal venalmba mendeklimba.
29793	1TI 2:10	Wo heva os ungevlioa hevmoa huhmohoa vrevra, beswonam velm, hellelm Sesoana moanam andranam. Ungevliva nomba osva uvrava, kava sembayang velvohmanav Sesoamba no moara, himba hevmba temba huhmoh vewol ovuv ambo.
29794	1TI 2:11	Ungevlioa hevmoa dembhapuv vevrava, mengmoa hevnamoa kulthoawol vivrava, Sesoana moamangas amnavra.
30240	HEB 11:1	Undnahonamba osm uv, keknam amnavm manam manam, nom ten piv ningvm, Sesoa ten hev ovrahunnam pim. Wo undnahonam vei, osm levrapivolalm, nom manam manam, ten piv novna nonglam owai vivm, nihnamolnonoam.
30259	HEB 11:20	Undnahonarata nomba temba Isakva awothowolnamba, luhunilmba Yakopi Esauimba sewonamba.
30268	HEB 11:29	Undnahonam avna, noinda Wan Aembulmba lovol vena, os maim ona, petha monam. Isipnindva eva himba lehalm vivnata, heva os owai, hemba nepola vilona.
30269	HEB 11:30	Undnahonam Israelnindva keknam avnam, nomba pueilva Yerikoriniva os tetga vina. Seilmba boasna himba angavnamba, weisming vruwuvna amballava, mongawa mingu osva venamba, honpul noi tetga vepena petharam.
30377	JAS 2:17	Eva osta undnahonamba. Undnahonamba keknamba almba owai vivrava, owalmba kolvrowolalmba, wo nomba undnahonamba os nungeilinv, doa dalinna.
30463	1PE 1:22	Daipotava doa yimba pevmba dendalalmangas weihaloh vreprana, mana vema kethahui. Manara, yimba wohengivpa moanonoam. Daipotava yimba doa und vewol viv pevna mongawa Kristusnindm. Undnahonam und vewol vivm monglamoa pevna undnahonam.
30483	1PE 2:17	Longong vewol vivm indkumbimoa. Und avramana veo pevna mongawa Sesoatindimoa, ovna, pevna mongawa moshrini. Longong vrivm Sesoamoa pepehnahonam. Longong vrivm king kuwulmoa.
30496	1PE 3:5	Ungevli snal ten nemet engivnam Sesoamangas, wo himba Sesoam nengviluwuvna, nom ten Sesoa hev moa ishunnam. Himba ahalunvna manam manam hevna tlahumunilnamba, wo hona monana himba nesmos avramana vevna hevmba.
30499	1PE 3:8	Hillu, honamba moamba kava ishopialm vev. Yeoa indkumbioa avm mongawulm mongawundna. Beswonam keknam ahalovm monglamoa. Undnahonam und vewol vivm monglamoa pevna towandaslapevmsna. Yeoa wavra vewol vivm, eva manam yimba kelsombovho vivra.
30521	1PE 4:8	Men mendeklinonoava, keknam mindnam undnahonam und vewol vivm pevna mongawa Kristusnindmba. Und vewolalna lohv monamba, nomba osmba ningvavmoa hevna indkoklamba hengava.
30546	1PE 5:14	Engla akivra vevm keknam pevna mongawa Kristusnindmongooa, und vewolalm, nonamoa yimba kusovrava sembayangduvmerava. Undwonam ao yem indkumbim, henoi ye ten avm Kristusinda. Doata Pitana moamba.
30740	3JN 1:15	Undwonam ao. Sehpevpa memba kava wonavpa, piambmanav yemba hevna und velva. Yeoa vrahunu kana und vewolaloa indakonda sehmoa dioa. Doata.
30805	REV 2:20	Wo heva os kava honamba yemba ovinv, yimba nomba ungevlirinikoklamba nombolvhoalohv, nomba temba himba velmba vevpa. Himba os ovna, kava moashulnind unguvlirini av. Heva os himba kanamba indhanamba indamonam deisumbisihav mongona monam hevna moaram. Hev deisumbi aisiha vev ongariskuirava, hlalmba innemba, nomba temba nonamba tihsongomba sembayang velvohinvpa. Ungevlirinikoklava Yesepelva doarava os vewol vevna.
30952	REV 11:12	Wo no moashulnindrini samblava ehellevna moam, phunvna senakembellamba, unna, hom epro, wo himba os evongona senamba tekomera. Ungundva henamba yunalm naengho vewol velvohkavna, himba evongovnamba.
30964	REV 12:5	Ungevliriniva nomba otolva lengnamba, he si moamba wulluhunvav annindm, annindm, Sesoava doara doa hemba ona nongaihana avalna emera, wulluholmba besi alamba kuwulnamba. Heva os hena otolmba waivolna Sesoaindam eva hevna vuheram kuwulna vuheram, noinda osva winenamoa.