1	GEN 1:1	Duap te nunguningkiri Kaem taiti se ali beteram.
55	GEN 2:24	Duap bore te se, kari nuamnuet bitiruk ale imet ilak wete bagara suanta bagamonko.
61	GEN 3:5	Kaem ko ikiam, nina nal mu ninga ikia sinararuk se munan ningo se munan memek mu ko ikial ale nu turantala bagaralko. Duap owore te se nigiring kaolam.”
187	GEN 8:3	Day 150 mu ningi, yu lom kumik kueram pila pila kapakaso,
217	GEN 9:11	Den nengerak kalosam mu iwita: mel marak anisan mu udagi tuwik lom biya me ta nunga maguwurokko. Aking udagi lom biya sor me maguwurokko tala.”
242	GEN 10:7	Se Cush tuagu te mu Seba, Havilah, Sabtah, Raamah, se Sabteca. Se Raamah tuagu te mu Sheba se Dedan.
262	GEN 10:27	Hadoram, Uzal, Diklah,
340	GEN 14:3	King alo 5 imi mu Siddim ko sor wolong mu te kager ko tai ilu biguwuman. Sor wolong mu aitak Dead Sea masan.
351	GEN 14:14	Se Abram ko uria ko gue Lot gi ilak namaman mu ko den ikiam, mu nu ko kari sokel ago, kager ko terong, mu nunga auram se taiman. Kari mu nunga tom 318; nuna noko kawam ningi bilangaman ale laga gilingiman. Nu nunga giam ale Kedorlaomer se ko king ilagala suan arungu mu nunga karoman, arungak nama sor Dan mu te arataman.
352	GEN 14:15	Tirom Abram ko kari nunga paogam se nongorak kagerman nongorak nama Hobah, Damascus koma north mu te arataman.
363	GEN 15:2	Bare Abram balam, “Yawe, ni keta suanta aninga Biya, ni anape ko mel ningo ani aisuko? Ani angimik kuriang mena. Se awiri ani agiwim te aninga mel ningo mu giokko? Agi aninga ura kari Eliezer, Damascus kari, mu aninga mel suen biya giokko e?
552	GEN 22:4	Day ilagala aolak iluman nama day 3 mu te Abraham motam patawu duruk Kaem balam mu arigam, bare duruk mu katir awar nuam anikaso.
578	GEN 23:6	“Dom kari, ni anananga den ikiko. Anananga ningi ni kari supuling aromemek. Owore te se ka niwus ko kumik guang mu anananga kuera kariimet nunga mutim ningo nunguningkiri umu bo te am mutim tugumko. Ana nanga ningi bo kuera mutim umu ko gomang me ikuwurokko pa!”
662	GEN 25:3	Abraham namar Jokshan tuagu te mu Sheba se Dedan. Se Asshur, Letush, se Leum kariimet mu Dedan ko gue te ko kariimet.
673	GEN 25:14	Mishma, Dumah, Massa,
837	GEN 30:6	Se Rachel balam, “Kaem aninga niara ikiam ale aga saongam ale kuriang kari aisam.” Bore te se kuriang nup beteram Dan mam.
852	GEN 30:21	Se udagi Leah kuriang imet iluwam, ale nup beteram Dinah mam.
982	GEN 34:1	Dinah mu Jacob Leah nunga nanawus. Se tom bo nu Canaan imet saki nungarkukko namaram.
983	GEN 34:2	Se Hamor, Hivi kari, mu sor mu ko kari supuling. Se ko namar Shechem Dinah arigam ale gomang barasam, se ko sail te namaram iluwam ale kager te iwita ilak aniram.
984	GEN 34:3	Nu Jacob ko nanawus Dinah ninguru gomang tuam, ale gomang kuluka ko den welang manarukaso.
986	GEN 34:5	Udagi te Jacob ko nanawus Dinah kumik te kilek memek dolara karogo beteman mu ikiam, bare am kutek mam, mu awuk, noko namarari bulmakau sipsip mel nunga bitarmonko namaman lagakasan, se taimonko am nunga kimi bitawakaso.
988	GEN 34:7	Bare Jacob ko namarari mu Dinah ko nirung mu maingkala ikiman, ale biririkaman, ale ura beteman tai tai arataman. Nuna ninguru tala nongomang magaram, mu awuk, Shechem kilek memek bo dolara karogo wore Israel nunga ningi beteram. Nu kiwem bo uwuta me bitirukko, wore Jacob ko nanawus kumik te beteram ale ilak aniram.
992	GEN 34:11	Se Shechem Dinah ko nuet se ko korasari iwita nunga maonam, “Nina Dinah aisalko iwita ikial, mu nina anapeya ko kueral balal, mu ani am ningarikko.
1006	GEN 34:25	Day ilagala suan namaram, se kari lot ko yaman karogo bagaman, se Jacob ko namar ilagala, Simeon se Levi, mu Dinah ko korasari nunam duap suanta, nunga baenat mu giman, ale sor mu ko kari, bagara ngualara bagara ko, kari suen la nunga moman se kueman.
1007	GEN 34:26	Nuna Hamor ko namar Shechem ilak karogotala nunga moman se kueman, se nunga nogoras Dinah Shechem ko kawam te bagaram mu taman ale ilak namaman.
1020	GEN 35:8	Se Deborah, Rebekah ko bitua imet aora, mu umu te kueram, se tam oak Bethel ko lete mu te duap ningi mutim tuguman. Ale tam nup beteman Allon Bakuth maman.
1037	GEN 35:25	Se Rachel ko ura imet Bilhah tuagu te mu Dan se Naphtali.
1062	GEN 36:21	Dishon, Ezer, se Dishan. Nuna suen la mu nunga kariimet nunga digo supuling bagakasan.
1066	GEN 36:25	Anah ko kuriang ilagala, namar mu Dishon, se nanawus mu Oholibamah, Esau ko nuwus.
1067	GEN 36:26	Dishon ko namarari mu Hemdan, Eshban, Ithran, se Keran.
1069	GEN 36:28	Dishan ko namarari mu Uz, se Aran.
1071	GEN 36:30	Dishon, Ezer, se Dishan. Nuna nonet Seir ko ali te Edom sor te bagakasan.
1073	GEN 36:32	Motam motam Beor namar Bela Edom ko king ko aratam. Noko wonong nup Dinhabah.
1101	GEN 37:17	Se kari mu balam, “Nuna sor imi maingkala beteman. Ale Dothan namamonko balman se ani ikiem,” mam. Se Joseph barasam ale nogowom kaoram nama Dothan wonong duap te nungarkam.
1186	GEN 40:13	Day ilagala suan mu buring ko mu, Pharaoh aking nika aru tauk se nika ura te piler ale, ni ulengkala bitakasam butata aking waen bagun te langi Pharaoh tuiko,” mam.
1192	GEN 40:19	Day ilagala suan mu buring ko mu, Pharaoh baluk se ni degetak batagarmon ale tam kower te ka ituwumon, se inangnang ka kimik nunguning namonko,” mam.
1332	GEN 44:7	Bare nuna den koma balman, “Dom, ni mel balem mu ana karogo ngualasan. Ana anape ko munan bo suwutata betenakko?
1402	GEN 46:15	Se umu Jacob ko namarari nuwus Leah tuagu te, se nanawus suanta mu Dinah, tom nuna Paddan Aram bagaman tom te. Se ko namar nanawus suen la nunga ilu biguwura mu 33.
1410	GEN 46:23	Se Jacob ko namar Dan ko namar mu Hushim.
1490	GEN 49:16	“Dan mu Israel ningi, noko kariimet motam mu nunga tutera kari bagarukko.
7190	RUT 3:16	Se Ruth peleram nama nome kote namaram, se Naomi nu isuam, “Aga nanawus, awuk? Dun awuk? Awuk aratam?” mam. Se Ruth munan suen biya Boaz nukote beteram mu maonam se iki saparam.
7209	RUT 4:17	Se imet umu te bagara mu balukasan, “Naomi ko namar ago,” makasan. Ale nup beteman Obed i maman. Obed tuagu te mu Jesse bilangaram, se Jesse tuagu te mu David bilangaram.
7214	RUT 4:22	se Obed tuagu te mu Jesse, se Jesse tuagu te mu David.
13986	PSA 5:7	Den nunguning me bala ko kariimet mu ni nunga maguwusam; ale nuguting gue ago mu se, kawel ko kariimet mu ni me ta nunga kuesam nunguningkiri.
13989	PSA 5:10	Den nuguring te arataso mu am kawel la; nunga nongomang motam mu bo maguwura ko kiwem karogo terong mam. Nunga nodogotak nuguring mu kuera ko mutim iwitata; se nunga nungamili mu den kawel te balsan.
14116	PSA 17:1	O Yawe, ani memek bo me betera, se aga wosenga ewere iki ale aga sangaruko! De gurugu ale ikiko, ani nunguningta balsam.
14181	PSA 18:51	Kaem ani king ko aga balu beteram se bagasam; noko kua nangara kumik menara mena mu ani David se aga kuriang gue lilim la pempem nanga iramuram.
14590	PSA 42:10	Aninga Kaem mu aninga Duruk motongar, se ani isarsam, “Ni awuk se ani ago ko kamili saparam? Awuk se kari memek aga maguwuman se iwitata ma niara te la bagasam?”
14591	PSA 42:11	Nuna kowarkalal maiya la nusuwik sapara den balsan, ale masan, “Nika Kaem apoko ya?” masan. Den imi ani mare iwita angimik barukuso ale ningi namoso se ani kuerikko kaesam.
14626	PSA 45:2	Den supuling yawara bo aninga angamang motam ninguru atumuso se ani king koma te balu tuekko; aninga angamili mu, garek ko kari ningo bo ko bugu yawara te garekoso wore iwita, se ani den te gurugek patawurikko.
14653	PSA 46:11	Ale balam, “Daigal kutek mal ale ani Kaem mu aga ikialko; sor suen la te aip patawumonko, ali lilim la te nup biya aisimonko.”
14667	PSA 48:3	kalel biya se yawarakala, se ali imi ko kariimet suen la ko amilmilasan. Duruk Zion mu koma north mu te aniso, mu King Biya wore ko wonong.
14676	PSA 48:12	Duruk Zion te amilmil barasoso, se Judah sor lilim la nonoman nungeso, mu awuk, ni ka munan ningo diram wore te nunga sangaru taem.
14968	PSA 68:16	O Duruk Bashan, ni duruk sokel garagar, nika motongar se kuamuru kuting suen biya,
14970	PSA 68:18	Ikiko! Kaem ko kager ko mel aora aora suen biya nunguningkiri, am kaura koma mena. Kari Biya laili nunguningkiri Duruk Sinai beteram ale tai ko kuwim laili umu te bagoso.
14975	PSA 68:23	Kari Biya iwita balam, “Ani Duruk Bashan ko kager kari memek mu nongorak tai kaparikko; ale kager kari gagi du biya nukum te bagamon ta wore nongorak tai bausekko;
15075	PSA 72:20	Se David, Jesse ko namar mu ko aira mu tai iwitata menaram.
15105	PSA 74:2	Ni kariimet imi, girakala ni keta nunga sangaru taem, mu nunga kamin ares maukko. Kariimet gue imi nika ma balem, ni keta nunga bataguru giem. Duruk Zion nika bagara kuwim wore ko ago me kamili saparukko.
15241	PSA 78:70	Kaem ko ura kari David atumukiram.
15243	PSA 78:72	Se David noko ura mu gomang ninguru tuam, ale kariimet ninguru nunga bitarukaso.
15374	PSA 88:3	Degewa gurugu ale aninga guranek ikiko; aninga niara nikate betesam.
15394	PSA 89:4	Ni iwita balem, “Ani kari bo angamang tuem ale atumukirem wore ilak den kalem, aga ura kari David ilak den iwita kalem,
15402	PSA 89:12	Duruk wonong se ali imi mu am nika la; ni keta ali imi se mel suen la awote mu nungem.
15411	PSA 89:21	Ani aga ura kari David arigem ale tam muguri ko welang laili mu supuling te warem, ale marak tuem.
15424	PSA 89:34	“Bare aninga angamang David ko kua tuata mu me ta bita taikko; ani saruk nu ilak kanuwem mu uwutata anirukko.
15426	PSA 89:36	Agata aga aip laili nunguningkiri mu te saruk nu ilak kanuwem mu uwutata anirukko; ani David me ta kulekko:
15440	PSA 89:50	O Biya, girakala ni ninguru nanga kuakasam, bare aitak awuk? Ni David ilak saruk kanuwem mu ko kamili saparam agi?
15445	PSA 90:2	Duruk ali se mel suen la me aratu namaman ko tom te la, ni Kaem kimik menara mena butata bagasam.
15590	PSA 102:3	Ani ikup biya ningi kaperem ale bagasam, se ni ani ago ko kema motam me kaluwurko. Degewa gurugu ani aisuko; tom ani airik mu ni tairate agiring ilupko.
15607	PSA 102:20	Den umu iwita bataguru beteralko: “Yawe kualala ko sor laili mu te loagaram se tai kaparam, duruk wonong te baga se ali arigam gurugam ale
15613	PSA 102:26	Duap te nunguningkiri girakala biya, ni ali imi ko nukuri yager beterem; se taiti gomang kualala mu, nika kiting kiwol.
15735	PSA 106:17	Dathan Abiram ilak nunga memek ko koma, ali kuring kaigam se nunga kariimet sang ago arungak kapa naguman se nunga iram.
15737	PSA 106:19	Nuna Duruk Horeb te bulmakau gotek ko dora nungurman ale perr tuikasan;
15894	PSA 114:4	Duruk alo mu uririkikasan ale sipsip anumang bibiya iwita ting ting makasan, se motongar kuting gotektek mu sipsip gotektek iwita ting ting makasan.
16038	PSA 119:72	Den ni kiring te arataso mu aninga te mu mel aromemek, ali imi ko manga se ko mel ningo ningo mu nunga kia saparam.
16162	PSA 122:5	Ale kuwim umu betela ikup guyak te tuati nunga ko kuwim, se king bibiya David te kaparam mu nunga daiga kuwim.
16179	PSA 125:1	Kariimet Yawe te la ira sanamasan mu Duruk Zion iwita sokel ago bagamonko; duruk mu me namoso taiso, bare pempem sokel ago la baga lagoso.
16180	PSA 125:2	Duruk saki Jerusalem laturu guruguman bagasan iwita, Yawe ko kariimet nunga lautam bagoso, aitak se tom pempem la.
16220	PSA 132:1	O Yawe, nika ura kari David ura ko ikup yaman gi lagaram mu ko kamili me saparukko.
16229	PSA 132:10	Nika ura kari David ko kamin ares mauk se nika kari marak sokel tuem mu me ari daleluwurko.
16230	PSA 132:11	Yawe David ilak den bo kaolam, se den mu aora biya aniso se nu me maguwurokko. Se den mu iwita: “Ani nika gue te bo bitirik se nika kiwim te king ko bagarukko.
16236	PSA 132:17	“Se ani David ko gue te king bo nup biya sokel garagar Zion bitirikko; se nu mu galep bo iwita kani se lagarukko.
16385	PSA 144:10	Ni king nunga sangorsam se nuna kager te marirasan ko Kaem; se ani nika ura kari David, baenat kore memek wore ningi aga bataguru taem.
16471	PRO 1:1	Batoga imi Israel nunga king Solomon, David ko namar, mu ko ikia sinar den ningi aniso.
16472	PRO 1:2	Den imi ikia sinar se bagara diram te ningo la bagara ko munan mu ka kausokko; nika ikia sinar awurok se den ko nunguning du biya mu ko ikiko.
16562	PRO 4:2	Den ani ninga manorsam mu nunguningta, se ningamili me saparukko.
16564	PRO 4:4	se aga ait iwita aga manarukaso: “Den ka manorsam imi gemang motam lilim ningi bitar ale ilukuawur, ale karo tui mu ni terong la bagerko.
16648	PRO 7:3	Den mu gemang motam ningi bitar, ale kiting sengam te ilupko.
16680	PRO 8:8	Den angamili te arataso mu am diram la, bo paguwukam mena.
16764	PRO 11:6	Diram la bagara ko kariimet alo mu, nunga munan ningo diram mu nunga sangaru taso; bare ikia suanta la me kaora alo mu, nunga ikia memek mu nunga taliposo.
16806	PRO 12:17	Den nunguning bala ko kari mu biguwura motam te den nunguning la balso; bare den kawel bala ko kari mu kawel gurugokko.
16808	PRO 12:19	Den nunguning balu mu, tom maiya biya ani lagarukko; bare den kawel balu mu, tom tukunangta baga nungamili sapa namarukko.
16834	PRO 13:17	Den ta ale karogo namara ale diram la me bala mu ikup tagiso; bare den karogo nama diram la bala mu marasin ningo iwita.
16847	PRO 14:5	Den nunguning bala ko kari mu biguwura motam te den bo me kaluwuso; bare den kawel bala ko kari mu kawel gurugokko.
16881	PRO 15:4	Den welang lila ago mu kariimet ninguru nunga sangarso; bare kari kuamili kuring den memek ago, mu kariimet nongomang motam parusuwuso.
16900	PRO 15:23	Den ninguru ko iki gurugu laga koma bala, mu amilmil kisokko; ale tom te bala ko mu te iki guruguwa te diram bala, mu ningo nunguningkiri!
16907	PRO 15:30	Den gilalong gia ko kari koma motam gusira amilmil ago kete tairuk, mu gemang motam amilmil tuokko; ale den ningo mu degewa kaura mu, kimik sokel ko ikes menawu kam.