82	GEN 4:2	Udagi te kuriang bo tala iluwam, Abel. Udagi Abel mu nu sipsip nunga bitarukaso, se Cain mu nu ningam ura ilukaso ale na inang asurukaso.
88	GEN 4:8	Udagi te Cain ko uria Abel maonam, “Tair se namanak geraganakko,” mam. Se nuna ilagala namaman geragawa, Cain barasam ko uria moram se kueram.
98	GEN 4:18	Udagi Enoch tuagu te mu Irad aratam. Se Irad tuagu te mu Mehujael. Se Mehujael tuagu te mu Methushael. Se Methushael tuagu te mu Lamech aratam.
105	GEN 4:25	Udagi te Adam ko nuwus ilak bagaram se kuriang kari bo tala iluwam ale nup beteram Seth i mam. Ale balam, “Kaem ani kuriang bo, Abel, Cain moram se kueram, wore ko kuwim te aking aisam,” mam.
106	GEN 4:26	Udagi te Seth tuagu te kuriang kari bo aratam se nup beteram Enosh mam. Tom umutang te kariimet Kaem ko nup nunguning Yawe mu te nup patawura duap beteman.
139	GEN 6:1	Udagi te kari gue pagam ali iram, ale kuriang imet karogotala bilangaman.
190	GEN 8:6	Udagi te day 40 tala namaram, se Noah ko dal ko kuring gotek, te tatagara ko, mu kaogam.
227	GEN 9:21	Udagi nu waen sang nam ale ngualaram, ale ko guang kutuwu waram ale nunguning la ko kawam sel ningi aniwakaso.
245	GEN 10:10	Nimrod giram ali sor Shinar (Babylonia) bitarukaso, se ko wonong bibiya mu Babylon, Uruk, Akkad se Kalneh.
253	GEN 10:18	Arvad, Zemar, se Hamath alo. Udagi te Canaan ko gue te ko kariimet mu parasaman.
258	GEN 10:23	Se Aram tuagu te mu Uz, Hul, Gether, se Meshek.
262	GEN 10:27	Hadoram, Uzal, Diklah,
295	GEN 11:28	Terah am marak bagaram se namar Haran giram kueram, Chaldea ko wonong Ur nu te bilangaram wore te aking kueram.
296	GEN 11:29	Abram imet tam, ko nuwus mu Sarai. Uria Nahor betela imet tam, ko nuwus mu Milcah, Haran ko nanawus.
298	GEN 11:31	Udagi te Terah namar Abram se numas Lot, se noton Sarai, Abram ko nuwus, nunga giam ale Chaldea wonong Ur beteman ale Canaan namakasan. Bare nama Harran wonong te arataman mu aking umu te dagi gilingiman.
307	GEN 12:8	Udagi nu ko kariimet arungu sor mu beteman ale aolak iluman nama sor duruk ago, Bethel wonong ko koma worem bausa mu te arataman ale kuwim taman. Se Bethel mu koma worem kapara mu te anikaso, se Ai wonong mu koma worem bausa mu te anikaso. Sor mu te Abram akingtala altar kaolam ale Yawe nup patawuram.
308	GEN 12:9	Udagi nu aking ko kariimet arungu barasaman ale Canaan ko koma south mu te, sor nup Negev masan, wore te namakasan.
309	GEN 12:10	Udagi te karak biya kaparam se sor mu te na inang menaram. Se Abram tom tukunangta ko Egypt bagarukko nama kaparam.
323	GEN 13:4	Kuwim umu nu motam motam Kaem ko altar te kaolam. Umu te tai aratam ale Yawe nup patawuram.
362	GEN 15:1	Udagi te Yawe kausa bo ningi Abram iwita maonam, “Abram, ni me nguangerko. Ani nika karem; ani mel ningo nunguningkiri kisekko,” mam.
368	GEN 15:7	Ale maonam, “Ani Yawe, anigita ali ewere kisek se nika arukko kerak Chaldea ko wonong Ur beterem ale kerak tairem,” mam.
416	GEN 17:18	Uwuta balam ale Kaem maonam, “Aguwa mu Ishmael la marak tui se aninga agiwim taukko,” mam.
426	GEN 18:1	Udagi worem kowar biya se Abraham tam Mamre bibiya mu duap ningi, ko kawam sel kuringi dagiwaram se Yawe kote aratam.
434	GEN 18:9	Nuna na no kutuwuman ale Abraham isarman, “Nika niwus Sarah apoko ya?” maman. Se Abraham balam, “Uwa, kawam sel ningi bagoso,” mam.
466	GEN 19:8	Ikialko. Aninga kuriang imet ilagala mu kari arungu katir me animan, mena. Umutang arungak aratik se nina aguwaya arungak beteralko mu beteralko. Bare nina kari imi nungumik te kilek memek bo me beteralko. Nuna aninga daup, se ani ninguru nunga bituekko.”
518	GEN 21:4	Udagi day 8 namaram se Abraham Kaem balam butata ko kuriang Isaac kumik guang batogam.
524	GEN 21:10	ale Abraham maonam, “Ura dungan imet ko kuriang ilak nunga karoko!” mam. “Imet sumu ko kuriang nika mel sang me giokko. Mel suen biya imi mu aninga kuriang Isaac ko la,” mam.
528	GEN 21:14	Ukiram se tumong biyala Abraham na se, goat kumik guang te yu kuting nungurman mu giam, ale ago nama Hagar biwinang te awuram, ale ko kuriang ilak nunga awuram se namakasan. Nuna nama sor merang Beersheba koma mu te geraga dalela se bagakasan.
549	GEN 22:1	Udagi Kaem Abraham ira arigam. Nu maonam, “Abraham,” mam. Se Abraham “Ani iweya,” mam.
569	GEN 22:21	Kuriang Uz mu laun, se uria Buz, se Kemuel, nu Aram ko nuet,
603	GEN 24:11	Ale nama wonong nung te aratam, bare watingi yu mutim duap te camel nunga awuram se dagiman nonoman sapawakasan. Umu bainga ningi, se imet nunga yu utua ko tom tala.
611	GEN 24:19	Ura kari yu no saparam se itiwik umu maonam, “Ani ka camel agotala yu nungarik se namon ale nungumik terong maukko,” mam.
613	GEN 24:21	Ura kari mu kutek mam, ale itiwik mu kiwem bitakaso mu ari se, Yawe noko aolak mu ko nunguning wetang saparuk agi wore ko motam bitakaso.
716	GEN 26:23	Umu te asele Isaac Beersheba nama tarigiram.
774	GEN 27:46	Udagi te Rebekah kuari Isaac aora maonam, “Ani Heth imet ilagala Esau ko nuwusari imi nunga angimik gagoraram. Se Jacob betela sor imi te ko Heth imet bo ko nuwus ko tauk agi mu, ani ngual am, am kua namarikko!”
782	GEN 28:8	Umu te Esau maingkala sinar aram, noko nuwusari Canaan imet umu, noko nuet Isaac me nunga amilmilakaso.
792	GEN 28:18	Ukiram tumong biyala Jacob barasam ale manga supuling ko beteram mu patawu baongam, ale olive oil awote waram.
793	GEN 28:19	Ale sor mu nup beteram “Bethel” mam. Ulengkala kariimet balukasan Luz wonong makasan.
798	GEN 29:2	Umu te nu yu mutim bo arigam, se sipsip motam ilagala suan duap te ani barasuwaman mu nungarkam. Se yu mutim mu ko kuring mu manga biya bo te baguman.
861	GEN 30:30	Ulengkala mu nika sipsip mel suen biya uwuta mena. Bare aitak ani ni kerak bagasam umu te, Yawe ka saongam se suen biya arataman. Se awuk, ani amaru te agata aga kuriang imet se angimik ko ura iluwekko ya?”
929	GEN 32:1	Ukiram se tumong biyala Laban barasam, ko nanawusari se ko numasari nunga iluwam ale den amilmil nungaram, ale nu peleram ko sor te namaram.
931	GEN 32:3	Se nu nungarkam ale balam, “Kuwim imi Kaem ko kager kari nunga nuguwim!” mam. Umutang nu sor mu nup beteram Mahanaim mam.
986	GEN 34:5	Udagi te Jacob ko nanawus Dinah kumik te kilek memek dolara karogo beteman mu ikiam, bare am kutek mam, mu awuk, noko namarari bulmakau sipsip mel nunga bitarmonko namaman lagakasan, se taimonko am nunga kimi bitawakaso.
1069	GEN 36:28	Dishan ko namarari mu Uz, se Aran.
1131	GEN 38:11	Udagi Judah ko noton Tamar iwita maonam, “Ka kari kueram. Buta se ni piler namar ka niet ko kawam te bagerko. Se aga kuriang Shelah lagaruk asele ni ilak noko.” Judah uwuta balam, mu nu nguangakaso, Shelah ko laun ilagala kueman wore turantala kueruk bore ko. Se Tamar peleram ko nuet kote namaram.
1140	GEN 38:20	Udagi Judah goat gotek bo tam, ko bo Adullam kari mu tuam, ale maonam, “To ale ago nama imet aninga melmasak iluwoso mu tui ale aninga melmasak gi karogo tairko,” mam. Se namaram kupam, bare imet mu me arigam.
1472	GEN 48:20	Ale tom nung te la marak nungaram ale balam, “Udagi Israel kariimet nunga saki alo marak den nungaru se iwita balmonko, ‘Kaem Ephraim Manasseh nungumik te beteram turan nina ningimik te bitirukko,’ ma balmonko.” Israel aora buta balam, ale Ephraim kari uria mu giruwuram, ale Manasseh kari laun mu udagi ko beteram.
1510	GEN 50:3	Nuna day 40 ko ningi ura umu bita gilingiman. Ura mu day tom uwutata taso. Se Egypt kariimet day tom 70 ko Jacob ko mo nia lagakasan.
7132	RUT 1:3	Umu te baga Naomi ko kuari Elimelech kueram. Se nu ko namarari ilagala mu nongorak bagakaso.
7149	RUT 1:20	Se Naomi nunga maonam, “Udagi ani Naomi ko me aga auralko. Mara ko aga auralko,” mam. “Mu awuk, Yawe Sokel Garagar mu ikup yaman memek aisam.
7198	RUT 4:6	Uwuta balam mu te aking ko gue suan mu mam, “Buta mu ani ali mu me diarikko. Ani buta bitirik, bare ani agata aga kuriang gue nunga melmasak maguwurik bore ko,” mam. Ale “Ni dierko,” mam. “Ani diarikko iwita me ikisam,” mam.
14402	PSA 33:17	Uwutatala, kager te nanimi sangaru ta mu nanga horse ko sokel te la me aniso; nanga horse mu sokel tamatama wore me nanga sangukko.
14619	PSA 44:22	Uwutata beteman le, mu ni am ko iki saparko tala, mu awuk, ni anananga ikia yumura mu ni yam ari iki sapasam.
14805	PSA 56:10	Se tom ani nika aurik mu ani ikisam, aga kager kari mu nagu sapamonko. Umu te ani ikisam, Kaem mu aninga saonga bagoso.
15141	PSA 76:4	Umu te nu gatu kore tamatama mu biagaram; nu karem se saenang mel suen biya mu kulukumuram ale menawuram.
15177	PSA 78:6	Uwuta mu kuriang gue maingte aratamon mu, nuna karogo tala ko ikimon ale aking nunga kuriang gue te mu nunga kasurmonko.
15275	PSA 80:19	Uwuta mu asele ana udagi te me ka betenakko. Marak iru nangaru se ana pempem nip patawu se laganakko.
15291	PSA 81:15	Uwuta mu asele, ani tairate kager kari memek alo nunga maguwuwasan mu nunga morik ale nunga menawurikko.
15609	PSA 102:22	Umu te asele, tom kariimet nunga kingdom koma koma te nup patawumonko tai Jerusalem ilu biguwumon, mu nuna noko nup Zion ningi mu biyala balu pagarmon se nu nup biya taukko.
15689	PSA 105:16	Udagi te nu balam se karak biya nunga sor te kaparam, ale nunga inang mel suen la mena saparam.
16161	PSA 122:4	Umu te Yawe ko kariimet Israel, digo koma koma te tarigisan, ale te balam uwutata te nup patawusan.
16168	PSA 123:2	Ura dungan kari ko kari biya kote sangam taukko motam beteso iwita, agi ura imet, ko imet biya kote sangam taukko motam beteso iwita, uwutatala, anananga namotam Yawe, nanga Kaem, mu kote loaga se laganak se, gomang lila nangaruk nunguningkiri bare asele terong ko.
16196	PSA 128:2	Uwuta bitar mu ni ka ura kowar ko koma gi noko; marak ningo se daiga bagara ningo mu arik ale amilmilerko.
16466	PSA 150:2	Ura bibiya sokel ago beteram mu ko nup patawuralko; noko nup biya kualala biya aniso mu ko nup patawuralko.
16488	PRO 1:18	Uwutatala, kari uwuta mu ikia mena; se nuna nongota nunga dagarok te soramonko wore bitawasan.
16553	PRO 3:28	Ni mel ago agi mu, nu manaru ale “Ukirok se asele kisekko,” ma me manaruko.
16639	PRO 6:29	Uwutatala, ni kari bo ko nuwus yasir, mu ni me namarko, ni kurakor kuring nagurem.
16813	PRO 12:24	Ura kowar betera ko kari mu kari supuling ko arataso; bare kari gagor mu diruwumon se ura dungan bitirukko.
16877	PRO 14:35	Ura kari ikia sinar ago mu king amilmil tuso; bare ura kari ngualara mu dolara king tuso se gomang magara mu kumik te beteso.
16950	PRO 17:7	Ikia sinar ko den mu numi patawura ko kari kuring te me arataso, mena; bare tom bo te aratuk agi mu, ni ninguru ko sinar toko! Uwutatala, kari supuling kuring te den kawel mu me arataso, mena; bare tom bo te aratuk agi mu, ni ninguru ko sinar toko!
16955	PRO 17:12	Bear nuam ko gotek tere namon se gomang magawuruk mu koma te aratuko mu, sinar toko; bare kari ko ikia munan memek nunguningkiri mu memek bitawuruk se koma te aratuko mu, eng am ninguru ko sinar toko! Umu asele memek ko memek arikko!
17163	PRO 24:14	Uwutatala, ikia sinar mu gemang motam ningi bitar mu yaman nuam; ni to ale ilup mu, maingte ko ningo ari se lager se uwutata ka sangaru se lagarukko.
17200	PRO 25:17	Uwutatala, tom sapa sapa ka bo ko kawam te namar mu terong; bare am taira tairate nama taiwer mu ko ko gagorarukko.
17205	PRO 25:22	Uwuta mu, ni tama kaok kaniwara mu nu supuling te awukam yaman tauk ale munan ni kimik te beteram mu ko dolorukko; se Yawe ko koma ningo mu kisokko.
17230	PRO 26:19	Uwutatala, noko munan bo mu, kari bo mel bo nunguning mena wore ko tiran bo kulurso se ko gomang ningi nunguning aso, se udagi aking balso, “Ah, ani den kolara balem pa!” maso.
17322	PRO 30:1	Imi kari Agur, Jakeh ko namar, ko bala sang. Nu den imi Ithiel se Ucal iwita nunga maonam:
17331	PRO 30:10	“Ura kari bo ko dom koma te me balu maguwurko, mu awuk, ura kari mu bala ikup kimik ko baluk se ni mel umu nunguruko.
17336	PRO 30:15	“Mel suen biya ni la bowa tuguma ko munan mu nanawusari ilagala: bo ko nup mu Aisuko, se bo mu ko nup Aisuko tala. Uwutatala, mel 3 agi 4 imi terong mam ma bala me ikisan, bo ago ko bala mu la ikisan:
17343	PRO 30:22	Ura kari yam king kuwim taso, kari ngualara wore kumik ko na inang suen biya,
17725	ISA 1:1	Kausa yumura imi Judah se Jerusalem alo nunga baluwoso, Judah nunga king Uzziah, Jotham, Ahaz se Hezekiah alo king ko bagakasan nunga tom te, Amoz ko namar Isaiah arigam.
17737	ISA 1:13	Udagi ofa kumik ningo bo mena me ago tairalko! Ninga tama bur siring ani ikiekko me kuesam! Nina memek ago, se ani ninga sige iru ko kagin, se ninga Sabbath tom se biguwura duap duap am me ko kuesam nunguningkiri.
17840	ISA 6:1	Yia tom King Uzziah te kueram mu te mu, ani Kari Biya, ko king ko daiga kuwim, kalel biya se kuali biya mu te daigam bagaram se arigem. Se guang kumik te tugumam mu ko kopa ulal biya se temple ago lilimaram.
17853	ISA 7:1	Kam Ahaz, Jotham namar se Uzziah numas, mu Judah sor ko king ko bagaram tom mu te, Aram ko King Rezin se Israel ko king Pekah, Remaliah ko namar, mu nunumi nuguting iluman ale kager giman ago Jerusalem ilak kageramonko namaman, bare kager te nu kiamonko me terong maman.
17879	ISA 8:2	Se ani Jeberekiah namar Zechariah se priest Uriah mu nunga aurik se taimon ale agotala ari ko ikimonko.”
17920	ISA 9:20	Manasseh ko kariimet mu Ephraim ko kariimet nunga moa namonko, se Ephraim ko mu Manasseh ko mu nunga moa namonko; ale bolala la aking Judah ilak barimamonko. Uwutata aratuk ta wore, noko gomang motam me ta kua kaposo, kuting daong ko am kualala aniso.
17935	ISA 10:15	Awuk? Burir mu yam giris palaguk ale noko sokel mu, kari sapawoso mu ko sokel kiaram iwita ma baluk i? Agi mel tam isiso umu numi patawu se kari sapawoso mu mel yam ko am bitiruk i? Mena. Uwutatala kager ko tam mu, kager ko kari nu iluwoso umu me guruguso patawuso, agi kager ko tam umu kager kari umu kualala patawurukko me terong tala!
18053	ISA 16:14	Bare aitak mu, Yawe Moab ko iwita balso: “Ura kari bo, ura tom tusan se tom ari ari ura to lagoso iwitatala, tom aitakta imi nama yia 3 mu buring ko mu, Moab ko nup biya, ko kariimet mugum ago biya, te numi patawu lagoso, mu paranga namamonko. Se awilaya gotek diram bagamonko, bare nungumik nosokel mena lagamonko.”
18073	ISA 18:6	Uwuta nunga waru awurok, se duruk kulupik ko inangnang, mel iwiwara nowara mu, se giarum ko mel diwang taimon ale nunga namonko; worem kam te inangnang mel mu, borta nunga inang ko no se lagamonko, se tuwik marir kam ningi mu, giarum ko mel diwang mu, borta tala nunga inang ko no se lagamonkowo.
22380	JOL 1:20	Uwutatala, anapeya mel aolak ilu nama taiwasan, biya ta, gotek ta, mu nikate nia gilingisan, mu awuk, yu mel nuna nowara mu maraka sapaman.
22394	JOL 2:14	Uwuta betenak mu asele nu ko ikia gurugok ale gomang nangaruk ale nanga sangukko agila? Se nanga inang muguri se nanga waen mel akingtala kapa nangarukko, se sang gi karogo nama Yawe nanga Kaem mu munan tunakko.
23219	MAT 1:6	Se Jesse ko namar mu King David. Se David ko namar mu Solomon. Solomon ko nuam mu Bathsheba. Nu Uriah ko nuwus bagaram bare aking David nu tam.
23221	MAT 1:8	Se Asa ko namar mu Jehoshaphat. Se Jehoshaphat ko namar mu Jehoram. Se Jehoram ko namar mu Uzziah.
23222	MAT 1:9	Se Uzziah ko namar mu Jotham. Se Jotham ko namar mu Ahaz. Se Ahaz ko namar mu Hezekiah.
23318	MAT 5:15	Uwutatala, kariimet lam kasasan mu kani bowa ningi me betesan. Nuna kualala betesan se kariimet kawam te anisan mu suen la nikim nungarso.
23333	MAT 5:30	Uwutatala, kiting sengam memek ningi ka saparuk agi mu, bataguru saparko. Kimik nuamur suanta maga namaruk mu terong. Bare kimik lilim la ago tama ningi ka sapara mu me terong.
23423	MAT 8:9	Aga supuling bowa ningi baga se, abowa ningi aga kager kari karogo tala. Se ani balsam, ‘Ni namar!’ masam mu nu namoso. Ale bo manorsam, ‘Ni tair!’ masam, mu agiring la karoso. Aninga ura kari ‘Ura mu bitar!’ masam, se nu beteso.”
23458	MAT 9:10	Udagi Jesus Matthew ko kawam te na nowaram se takis tata kari alo, se memek betera ko kari alo, mu suen biya taiman ale nu se ko olekem alo nongorak na yu nokasan.
23465	MAT 9:17	Uwutatala, kari yu waen iru mu goat guang gigira mu ningi me langisan. Nuna uwuta betemon, mu tom yu waen iru mu lagaruk ale numi to tuok, mu goat guang gigira mu barakuk se waen kapa palagukko. Bare ko munan nunguning mu, yu waen iru mu goat guang iru tala mu ningi langisan, se lagaruk ale numi to tuok ta wore goat guang iru mu karo karo ulalaruk ale me barakukko.”
23510	MAT 10:24	“Ikia ta ko kari mu ko kausa kari me kiaso. Uwutatala, ura kari mu ko kari dom me kiaso. Mena.