373	GEN 15:12	Worem kapa nagukaso se sor awuru iluwam taikaso, se Abram ninguru aniram kueram. Se tiromorom biya bo, nguangara karogo mu tairam iramuram.
378	GEN 15:17	Worem nama kaparam se sor tirom batagam, se kani bo, tama bur ningi barasuwara mu se, galep kaniwara mu bulmakau goat sipsip pagaru koma sing sang awuram mu nunga kusumuri namaman.
379	GEN 15:18	Tom umutang te Yawe Abram ilak den kalo se balam, “Ani ali imi ni se ka gue te lilim la ningarsam. Se ali ko tom mu Egypt ko Wadi mu te se nama yu biya Euphrates.
473	GEN 19:15	Se ukira ago engel ilagala mu Lot guguna tuman, “Bares ale ka imet, ka nanawusari ilagala mu nunga gi ale sor imi beteral ale tagi talko! Wonong ewere nunga memek koma tamonko, bare nina karogo memek tal bore ko!”
478	GEN 19:20	Arigalko. Wonong gotek bo pingi nuam aniso, mu asele ani te tairate nagu namarikko terong mam. Mu wonong gotektir, se aguwaya balal mu ani te nagu namarik ale aimi kaluwurekko.”
479	GEN 19:21	Se engel nu maonam, “Mu terong. Wonong gotek mu ani betela me maguwurikko.
481	GEN 19:23	Worem basu aratuwaram se Lot nama Zoar aratam.
845	GEN 30:14	Wheat nunguning gia ko kam te, Reuben geragawa mandrake muguri arigam, ale sang giam karogo tairam ko nuam Leah tuam. Se Rachel Leah maonam, “Ka kuriang mandrake muguri giam wore sang aisuko,” mam.
913	GEN 31:39	Tom mel memek saki ka sipsip nunga moakasan, mu ani me ka kasurukasam, mena. Ani agata sipsip magakaso mu koma bo to kuwim te bitakasam. Woremkalal agi tirom mel tere nokasan, mu ni tom suen biya ani koma kutuwurekko den aora biya aga manarukasam, se ani koma kutuwukasam.
960	GEN 32:32	Worem basuwaram se Jacob sor Peniel mu beteram. Bare nu aolak diram me ilukaso, mu awuk, noko bugi duap kutugam.
14187	PSA 19:6	Worem turomola basu arataso mu kari bo imet iru tam ale ko amilmil te ko kawam beteso ale arataso iwita; agi kari bo kolara nagura imi ko nagurokko numi nungurso burangoso iwita.
14188	PSA 19:7	Worem taiti duap koma sang te duap beteso ale nama koma sang te kaposo; mel bo ta noko kowar ko yumurokko yam me terong, mena.
14388	PSA 33:3	Wur iru iluwal ale gita moral, yagowom gurugal ale sail te airal amilmil tualko!
14661	PSA 47:7	Wur iluwal, Kaem nup patawuralko; wur iluwal, nanga King ko nup patawuralko.
14926	PSA 66:2	Wur iluwal, nup biya tual, ale noko nup kualala biya patawuralko!
14978	PSA 68:26	Wur iluwa ko kariimet mu giriman se bawe mora ko kariimet mu nubiring ko; se galawalang sokelel sisuwura ko kuriang itiwik mu kusumuri aolak iluwasan.
15119	PSA 74:16	Woremkalal se tirom mu am nika la; ni worem se sige nuguwim nungarem.
15368	PSA 87:4	Kaem iwita balam, “Wonong sor aninga ikisan mu ningi, ani Egypt se Babylonia nunga nunup balik ale, Philistia, Tyre, se Cush mu nunga nunup karogo balik, ale iwita balikko, ‘Sor imi Zion wonong ko kariimet tala,’ maikko.”
15532	PSA 96:1	Wur iru bo ilu se Yawe nup patawuralko; ali lilim la ko wur iluwalko.
15557	PSA 98:1	Wur bo iru Yawe ilu tualko, mu awuk, nu ikia bibiya duap duap beteram se aratam; noko kuting sengam mu laili, kota ko kuting te ko kariimet nunga giam.
15675	PSA 105:2	Wur iluwal ale nup patawuralko; mel bibiya beteram mu ko balalko.
16272	PSA 136:8	Worem mu woremkalal nikim tuokko. Noko kua nangara mu kumik menara mena.
16297	PSA 137:7	O Yawe, munan memek Edom kariimet, tom Jerusalem te dagulam se beteman, mu me ko kamili saparukko; nuna aikasan balukasan, “Wonong sumu am menawuralko!” makasan. “Kawam digo bo me bagarukko.”
16448	PSA 148:7	Ali imi te mel suen la Yawe nup patawumonko! Wal bibiya se mel suen la gagi du te anisan mu se,
16456	PSA 149:1	O aleluya! Yawe ko nup patawuralko! Wur iru iluwal ale nup patawuralko; nina ko kariimet biguwural ale ko nup patawuralko.
16752	PRO 10:26	We barare nasam se kere birigiso, se tama bur motam kaiso se motam yu kaposo iwita, kari gagor ura te bitar mu, nu uwutata gemang yaman tuokko.
17196	PRO 25:13	Worem biya ningi inang gi laga, degetak garagara ma se yu ipi nana ale gemang kua kapara iwita, dom kari biya mu ko taling kari kumik gagor mena, diram la bita saposo, mu ko gomang motam kua kaposo.
17750	ISA 1:26	Ani nika den tuetera kari alo iru nunga ilu nungek se, girakala ko mu bagaman iwita bagamonko; ka kiti guruga kari alo mu iru tala nunga atumukirek se motam motam la ko bagaman mu iwita bagamonko. Asesele ninga balmon Munan Ningo Diram Karo Tua ko Wonong, se Diram la Karo Tua ko Wonong mamonko.”
17813	ISA 5:4	Ani ningam ko bitua ningo ko munan mu suen la bita saperem. Anape mel ani me beterem? Waen umu nunguning ningo kapa aisuokko angamang ikia bita lagerem, bare awuk se nunguning memek seselak ago mu kapa aisam?
18034	ISA 15:4	Wonong Hesbon se Eleale nunga niara ma ko nirung mu namakaso se Jahaz kariimet ikikasan; ale bore te se, Moab ko kager kari aora aora mu, nia urirkikasan ale nungumik gawa kapa saparam.
18037	ISA 15:7	Bore te se, nunga na inang mel mel gi tuguman ale, sor Wadi tam ago masan mu kia kia namakasan.
18092	ISA 19:18	Ale tom umu te mu, Egypt ko wonong 5 pela mu, Yawe Sokel Garagar bowa ningi bagamonko den kalomon, ale Canaan den te Yawe ko kagin munan nungamili nuguring te anirukko. Wonong umu nunga bo mu, balmon Worem ko Wonong mamonko.
22366	JOL 1:6	Wonong bo lilim ko kariimet iwita aninga sor imi ira baguman, nuna sokel ago, se nunga kaura ko me terong; nogore nuguring mu lion kore kuring wuli karogo wore iwita.
22411	JOL 3:4	Worem motam tiromorom paguk, sige motam gue iwita guar mauk, asele Yawe ko tom biya, nguangara ago, umutang aratukko.
22425	JOL 4:13	Arigalko. Nononga kilek memek mu yopa saparam. Inang muguri mu garukaram, se batir sisuwuralko! Waen ko nunguning yoparam se bolala awuman mu kuring aratam, se tairal ira parusuwural se kani waen yu karogo mu kuring aratu saparukko!”
22427	JOL 4:15	Worem se sige mu tiromorom kelagamonko, se baras nikim me kapamonko tala.
22630	JON 3:3	Se Jonah Yawe ko kuring kaoram ale barasam Nineveh namaram. Wonong umu ulal biya nunguningkiri, se ni ningi aolak ilup mu, woremkalal ilagala suan bare asele nama koma sang te aratuko.
22777	NAM 2:10	Nunga silver gi saparalko! Nunga gold agotala gi saparalko! Wonong imi mel ningo ningo ago terong mam! Mel bo ko tukunang mena.
22944	HAG 2:20	Woremkalal suanta, day tom 24 mu te la, Yawe ko den bo tala Haggai tuam:
23317	MAT 5:14	“Nina mu ali ewere ko nikinang. Wonong bo duruk awote wetang te aniso mu kaluwura koma mena.
23964	MAT 22:23	Worem suanta mu te tala, Sadducee alo, nunga ikia biya bo mu, nuna balsan kari kueso mu me barasukko masan, mu Jesus kote taiman ale isarman,
24014	MAT 23:27	“O kawel o, nina law ko kausa kari se Pharisee alo, sinar talko! Nina kawel gurum! Nina sumu kari kuera ko ali motam gurugu beteman wore iwita. Watingi mu anu nungurman se nikim kapawoso, bare ningi mu kariimet sokelel se mel memek karur ago mu karogo terong mam.
24055	MAT 24:29	“Tom mu te ko ikup biya mu menaruk, me kam la buring ko mu, ‘Worem motam tiromorom paguk, se sige me nikim kaparuk, se baras mu kutukutuk mamon kapamonko. Se mel aora aora taiti kuali anisan mu uririkimonko.’
24317	MRK 1:33	Wonong mu ko kariimet lilim la taiman se kawam kuring mu sisiram.
24728	MRK 11:19	Worem kaparam ale sor baingam se nu ko olekem arungu Jerusalem beteman ale namaman.
24810	MRK 13:24	“Se ikup yaman mu ko tom menaruk mu, ‘Worem motam tiromorom paguk, se sige me nikim kaparuk,
25172	LUK 4:40	Worem geragam bainga ningi mu kariimet kuera ikes duap duap karogo mu nongorak Jesus kote taikasan. Se nu suan suan kuting nungumik te bitakaso se nungiakasan.
25180	LUK 5:4	Tom nu den balu kutuwuram mu Simon maonam, “Wos iluwal yu tuagu te kausal ale ninga pote beteral se kaparuk se wal sang iluwalko,” mam.
25214	LUK 5:38	Bare mena. Waen iru mu goat guang iru mu ningi diram langira mu terong.
25215	LUK 5:39	Bare ikialko. Kari waen gigira no lagara, mu nu waen iru me ko kuerukkowo! Mu nu baluk, ‘Waen gigira mu yawarakala,’ maukko.”
25276	LUK 7:12	Nu wonong ko lage korang biya mu ningi tai aratuwaram mu nuna kari kuera bo giman ilak arataman. Nu imet gerewa bo ko namar am suanta diram, bare kueram. Wonong umu ko kariimet suen biya tala imet gerewa mu ilak aolak iluman arataman.
25583	LUK 12:55	Aking daula biya koma south mu te taiso mu nina balsan, ‘Worem aora biya kaparukkowo!’ masan. Se butata arataso.
25759	LUK 18:2	Nu mam: “Wonong bo te munak tutera kari bo bagakaso, nu Kaem ko me soror makaso, ale kariimet mel yam ko nunga bitakaso.
25906	LUK 21:11	Sor saki te wanara bibiya kaparukko. Wonong saki te na menaruk se karak biya nunga morukko. Kariimet nuna kuera ikes bibiya gimonko. Taiti bowa ko mel koma kirker nunguningkiri aratuk se arigal ale ko nguangaralkowo.
26061	LUK 24:1	Week ko day 1 mu te, tirom biyala, imetari mu barasaman, mel siring yawara yawara nunguru beteman se aniram mu giman, ale ali motam te namaman.
26513	JHN 9:4	Worem nikinang kapawoso imitang te la, ana Kakirip aninga beteram se tairem mu ko ura betenakko. Tirom taiwoso mu tai aratuk mu kari bo ura bo taukko me terong.
26772	JHN 15:4	Nina ani agarak kapetaral ale aninga ningi bagaral se ani koma suanta tala nenenga ningi bagarikko. Waen kower bo kau batagoso ale kota baga se nunguning me kaposo, mena; mu nu waen ko luan iluso ale marak baga se asele nunguning kaposo. Uwutatala, nina nengeta kau batagal ale baga se nunguning kaparalko me terong; mu nina aninga iluwal ale marak baga se nunguning kaparalko.
26908	JHN 19:14	Tom mu Passover ko week nongoma ko wore ko kirimi karame ko tom. Worem tai dirmam. Se Pilate Juda alo nunga maonam, “Ninga king iwo,” mam.
26937	JHN 20:1	Week ko day 1, ubou tumong biyala, sor am tiromorom mununguning karogo la, Maria Magdala ali motam te namaram. Nu manga mutim kuring te baguman mu sarumu due ko beteman se aniram mu arigam.
26955	JHN 20:19	Week ko day 1 mu ko bainga ningi, olekem alo Juda supuling bibiya nunga nguangakasan, ale arerem la kawam kuring kalo kutiman ale bagaman se Jesus tairam ale nongorak sanamaram ale, “Lila yawara nengerak bagarukko!” mam.
26977	JHN 21:10	Se Jesus nunga maonam, “Wal aitak taman wore sikina karogo tairalko,” mam.
27038	ACT 2:20	Worem motam tiromorom paguk, sige motam gue iwita guar mauk, asele Kari Biya ko tom biya, nguangara ago, umutang aratukko.
27254	ACT 8:9	Wonong umu te kari bo ko nup Simon. Nu tom maiya nuam mang sima ko kawel te kilek kilek bitakaso, se Samaria kariimet lilim la ninguru nongomang barasukaso. Nu numi balukaso nu kari biya,
27475	ACT 13:44	Week bo namaram se aking Sabbath tom se wonong lilim Kari Biya ko den ikimonko aratu biguwuman.
27553	ACT 16:1	Paul nama Derbe aratam ale nama Lystra. Wonong mu te olekem bo bagakaso, ko nup Timothy. Nu Juda Kris imet bo ko namar, bare ko nuet mu Greek kari.
27593	ACT 17:1	Nuna aolak iluman nama Amphipolis, se nama Apollonia, se nama Thessalonica arataman. Wonong umu te mu Juda nunga synagogue bo anikaso.
27615	ACT 17:23	Mu awuk, ani aolak ilu geragasam ale ninga kuar mel nodora ko kagin betesan mu ninguru nungarkasam. Ale umu la mena, wore altar bo karogo la arigem, mu awote garek bo iwita arigem, ‘IMI KAEM ANA ME KO IKISAN WORE KO.’ Ario, aitak ani mel nina kagin tusan bare me ko ikisan, umutang ani ko balu pagik se nina ko ikialko.
27701	ACT 20:7	Week ko day 1 mu te, ana pasa inang nanakko tai ilu biguwuman. Se Paul anirok ukirok mu nu namarukko wore te se, kariimet nongorak munakawaram la mung lukanaram.
28589	1CO 7:34	Wore te se noko ikia mu parasaram. Koma suanta tala, imet kari mena agi kulak samalet mu, pempem aguwaya Kari Biya amilmil tuokko mu ko ikia se gomang biyala beteso. Se nu kumik lilim te se gomang motam ningi Kari Biya karo tui lagoso. Bare imet kuari ago mu, nu bagara aolak ali imi ko mu ko ikia biyala beteso, ale aguwaya kuari amilmil tuokko mu ko ikia bita lagoso.
28827	1CO 15:41	Worem ko nikitang ko ariga mu kigilik, se sige ko nikitang ariga mu kigilik, se baras nikitang ko ariga mu kigilik. Se baras nongota nongota nunga nikitang ariga mu kirker tala.
28846	1CO 16:2	Week suan suan ko ubou suen la te, nina suan suan ura betesan ale ningi manga tasan mu, nuamur due ko ilu biguwu se bagaralko. Se tom ani tairik mu, manga bo iru bolala awura bo me anirukko.
29180	GAL 3:11	Wetang te ariginakko mu, kari bo ta law karo tua ko munan te Kaem nu kari ningo diram ko me ma balam, mena. Mu awuk, batoga bo iwita baluwoso: “Kariimet ningo diram mu, nongomang ningi nunguning ko munan te marak ningo bagamonko.”
30867	REV 6:6	Se nirung bo kari kuring iwita mel mel nunup ago 4 umu nunga ningi aratam se ikiem, mu iwita balam, “Na inang diara ko koma tarigiram bo!” mam. “Wheat muguri kani gotek imi ningi mu, tom suanta ko ura koma ko manga mu te diara ko mu terong mam. Se barley muguri kani gotek ilagala suan imi ningi mu betela, tom suanta ko ura koma ko manga te diamonko tala. Bare ni olive oil se waen me maguwurko!”
30894	REV 7:16	Nuna udagi na ko me kuemon, ale yu ko me kuemonko. Worem ko kowar me nunga kaniruk, agi ko kore me nunga turupurokko.
30906	REV 8:11	Se baras umu ko nup mu Wormwood. Se yu umu ko kau paoga baras umu ningi dagulam mu seselak paga saparam, se kariimet suen biya yu mu nokasan ale kuakasan.
30948	REV 11:8	Se nunga nungumik guang mu wonong biya mu ko lage tuang te anirukko. Wonong biya umu den ira te Sodom agi Egypt ma balsan. Se wonong borta te tala nunga Kari Biya tam kangono te tagiman.
31003	REV 14:8	Se me kam la, engel bo tala 2 mu kowom karo se makaso, “Dagulam bo! Wonong biya sor saki saman katagot ko munan te ngual nungarukaso se waen no nguala sipa kam bagaman mu, Babylon, dagulam bo!”
31041	REV 16:18	Asele pure biliwilik makaso ale taga pagakaso ale nia nama taikaso, se wanara biya kapakaso. Wanara mu duap bo, wanara bo uwuta ali imi lilim te me kapakaso se kariimet katir me ko ikiman wore kapakaso.
31049	REV 17:5	Noko koma sail te mu, nup bo den pangan te batagorman se anikaso, mu iwita: WONONG BIYA BABYLON, LAGE LUAN IMET SUEN LA NUNGA NUNAM, SE ALI IMI KO MUNAN MEMEK SUEN LA KO DUAP
31064	REV 18:2	Nu sokel ago airam ale balam: “Dagulam bo! Wonong biya Babylon dagulam ale magaram kueneram! Nu aitak wit mairap duap duap nunga kuwimaram, se inangnang memek se mel memek karanga nama taigilingisan mu agotala te anisan.
31072	REV 18:10	Nuna noko ikup yaman memek towoso mu arigimon ale nguangamon, ale awar biya sanamamon ale niara ma ningi balmon: “ ‘O Babylon o! Wonong biya sokel ago yo! Tom tukunangta hour suanta ningi ni am tairatela maga kuene namerem!’
31124	REV 21:2	Se ikialko, ani Wonong Laili, Jerusalem iru, mu Kaem kote duruk wonong te wore tai kapakaso se arigem, imet itiwik bo luan iluman ale kari tumonko bala tuman iwita arikasam.
31132	REV 21:10	Se ani Bur Laili angimik ago lilimaram, se engel umu agarak duruk biya bo kalel biya mu te agarak namaram, ale Wonong Laili Jerusalem, Kaem kote duruk wonong te tai kapawaram mu aga kausam.
31134	REV 21:12	Wonong umu ko por mu kalel biya, se ko kuring mu 12 pela, se engel 12 pela kuring mu te sanami namaman ale bagakasan. Se kuring umu suan suan awote mu, Israel nunga taleng girigir 12 pela umu nunga nunup te bataguru ago namaman.
31136	REV 21:14	Wonong umu ko por mu manga bibiya 12 pela te lilim la kiti gurugu karogo geragaman, ale manga bibiya mu awote mu por kalo gurugu karogo geragaman. Se manga bibiya umu suan suan nungumik te mu, Sipsip Anumang mu ko apostle 12 pela mu nunup anikaso.