42	GEN 2:11	Se yu suring bo gira mu Pishon masan; mu ko luan sor nup Havilah mu ningi geragam dalelaram.
76	GEN 3:20	Adam ko nuwus nup beteram Eve mam, mu awuk, nu kariimet suen la nunga nunam gira nunguningkiri bagarukko.
77	GEN 3:21	Se Kaem Yawe sipsip mel saki nunga guang te guang sang nungam, ale Adam Eve ilak mu nungaram se kataman.
81	GEN 4:1	Adam nuwus Eve ilak bagaram se tuagu aratam se kuriang Cain iluwam. Ale balam, “Yawe aninga saongam se kuriang kari iluwem,” mam.
195	GEN 8:11	Biton mu bainga ningi peleram tairam mu olive gawa gurek bo usiram ale karogo tairam. Mu te Noah ikiam yu katir marakam kaparam.
237	GEN 10:2	Noah ko namar Japheth ko kuriang kari mu Gomer, Magog, Madai, Javan, Tubal, Meshek, se Tiras.
239	GEN 10:4	Se Javan tuagu te mu Elishah, Tarshish, se ali sor Cyprus se Rhodes kariimet alo.
242	GEN 10:7	Se Cush tuagu te mu Seba, Havilah, Sabtah, Raamah, se Sabteca. Se Raamah tuagu te mu Sheba se Dedan.
246	GEN 10:11	Nu Shinar bitaruwa se udagi Assyria agotala bitarukaso. Ale mu te ko wonong bibiya, Nineveh, Rehoboth-Ir, Calah,
247	GEN 10:12	se Resen umutang kaolam. Resen mu Nineveh se Calah wonong bibiya mu nunga kusumuri anikaso.
252	GEN 10:17	Hivi, Arki, Sini,
253	GEN 10:18	Arvad, Zemar, se Hamath alo. Udagi te Canaan ko gue te ko kariimet mu parasaman.
261	GEN 10:26	Joktan tuagu te mu Almodad, Sheleph, Hazarmaveth, Jerah,
264	GEN 10:29	Ophir, Havilah, se Jobab. Se imi suen la Joktan ko namarari wore nunga nunup.
308	GEN 12:9	Udagi nu aking ko kariimet arungu barasaman ale Canaan ko koma south mu te, sor nup Negev masan, wore te namakasan.
320	GEN 13:1	Abram Egypt beteram ale Canaan ko koma south mu te Negev namaram, ko imet se ko melmasak suen la ago namaram. Se Lot arungak namaram.
321	GEN 13:2	Abram ko mel suen biya, noko sipsip, goat, bulmakau suen biya, se ko manga silver, se ko gold mu biya tala.
322	GEN 13:3	Nu sor Negev mu te baga beteram ale barasam, ale lage luan te ani barasu barasu Bethel peleram namakaso. Nu kuwim Bethel se Ai ko kusumuri, te baga beteram, mu te tai aratam.
342	GEN 14:5	Bare ko yia buring ko mu te, Kedorlaomer, ko king ilagala suan karogo numi kuting iluwam mu arungu namaman ale Ashteroth Karnaim sor mu te, Rephaim alo nongorak kagerman ale nunga menawuman. Ale nama sor Ham mu te Zuzim alo mu agotala nunga menawuman. Ale nama Shaveth Kiriathaim mu te Emim alo betelatala nunga menawuman.
354	GEN 14:17	Abram Kedorlaomer se ko king ilagala suan arungak numi kuting iluwam mu, kager te nunga menawuram ale peleram taikaso. Se Sodom ko king Abram amilmil tuokko sor wolong Shaveh mu te nama aratam ale arigam. Sor wolong Shaveh mu tom sikina balsan “King ko sor wolong” masan.
497	GEN 20:1	Abraham Mamre sor beteram ale Negev namaram, ale wonong ilagala Kadesh se Shur ko kusumuri bagakaso. Ale tom nu Gerar sor te baga se mu,
512	GEN 20:16	Ale Sarah maonam, “Ani nika kariimet nomokete manga silver 1000 imi ka koras tusam, mu aninga dolara nikate mu diasam. Ni memek bo me beterem.”
562	GEN 22:14	Ale Abraham sor umu nup beteram, “Yawe nangarukko,” mam, (Jehovah-Jireh). Ale tom mu te se tai aitak kariimet balsan, “Yawe ko duruk te mel nangarukko,” masan.
587	GEN 23:15	“Agiring ikiko, aga dom. Ali umu ko diara koma mu silver ko ikup 400 shekel, bare analak mel mu ko me balnakko, mu mel yam. Ka imet am te mutim tugumko.”
588	GEN 23:16	Bare Abraham manga tom Ephron Heth kariimet nomokete balam mu ikiam, ale Ephron maonam, “Terong!” mam. Ale diara kari betesan turantala, nu ko manga giam ale ko ikup skel te tuteram ikiam, ale silver ko ikup 400 shekel to Ephron tuam.
627	GEN 24:35	Yawe aninga dom biya mu marak ninguru tuam, se nu kari aromemek, kumik mel ago bagoso. Yawe mel suen biya nu tuam: sipsip se bulmakau, silver se gold, ura kari se ura imet, se camel se donkey ago terong mam.
645	GEN 24:53	Asele bala mel silver gold te nungurman, ningo ningo, se guang ningo woya Rebekah tuam. Ale melmasak ningo ningo, ko manga tom kalel biya, mu munan iwita Laban nuam ilak nungaram.
654	GEN 24:62	Tom mu te mu Isaac Beer Lahai Roi beteram ale tairam Negev bagakaso.
677	GEN 25:18	Se Ishmael ko gue te ko taleng girigir alo mu, sor Havilah mu te dagiman nama sor Shur arataman, mu Egypt ko beta ko, lage Asshur namara mu te. Bare nuna nunumi karogo nongomang suanta me bagakasan.
792	GEN 28:18	Ukiram tumong biyala Jacob barasam ale manga supuling ko beteram mu patawu baongam, ale olive oil awote waram.
830	GEN 29:34	Se Leah akingtala tuagu aratam ale kuriang kari tala iluwam. Ale balam, “Aitak asele aninga agari aga kitirokko, mu awuk, ani noko kuriang kari ilagala suan iluwem,” mam. Ale kuriang nup beteram Levi mam.
887	GEN 31:13	Ani Kaem ewerta ni Bethel bagerem se kete aratem. Se ni manga bo patawu bangem, ale olive oil awote warem, ale ani agarak den kalem. Ario, bares ale sor imi bitar, ale ka sor te piler ale namarko,’ mam.”
980	GEN 33:19	Nu ali mu manga silver 100 te Hamor ko namarari nongote diaram ale te daigam. Shechem mu Hamor ko namar bo.
983	GEN 34:2	Se Hamor, Hivi kari, mu sor mu ko kari supuling. Se ko namar Shechem Dinah arigam ale gomang barasam, se ko sail te namaram iluwam ale kager te iwita ilak aniram.
1006	GEN 34:25	Day ilagala suan namaram, se kari lot ko yaman karogo bagaman, se Jacob ko namar ilagala, Simeon se Levi, mu Dinah ko korasari nunam duap suanta, nunga baenat mu giman, ale sor mu ko kari, bagara ngualara bagara ko, kari suen la nunga moman se kueman.
1011	GEN 34:30	Bare Jacob ko kuriang Simeon Levi ilak nunga maonam, “Nina kilek memek mu beteman mu aninga aip maguwuman. Se aitak Canaan arika, Perez alo, se awiriya ali imi te, mu nuna ani ago ko nongomang magarukko. Ana kari suen biya mena. Se nunga kari suen la biguwumon ale ani agarak kagermon, mu nuna ana suen la nanga menawumonko.”
1026	GEN 35:14	Se Jacob kuwim Kaem ilak te munakaram mu te manga biling bo patawu baongam, ale waen se olive oil mu awote waram.
1035	GEN 35:23	Se ko nuwus Leah tuagu te mu, nunga nunup Reuben, kari laun, asele Simeon, Levi, Judah, Issachar, se Zebulun butata.
1043	GEN 36:2	Esau Canaan imet ilagala suan nunga giam: bo Adah, Heth kari Elon ko nanawus. Bo Oholibamah, nu Anah ko nanawus se Hivi kari Zibeon ko numas.
1064	GEN 36:23	Shobal ko namarari mu Alvan, Manahath, Ebal, Shepho, se Onam.
1068	GEN 36:27	Ezer ko namarari mu Bilhan, Zaavan, se Akan.
1076	GEN 36:35	Tom Husham kueram mu Bedad namar Hadad kuwim tam. Nu sor Moab te Midian alo nunga menawuram. Noko wonong nup Avith.
1081	GEN 36:40	Imi Esau ko gue te ko digo supuling nunga nunup: Timna, Alvah, Jetheth,
1112	GEN 37:28	Se Ishmael ko gue te Midian kari alo tai arataman se nuna Joseph mutim ningi bagaram mu patawuman se bausam, se Ishmael ko kari alo manga biling silver 20 ko te nongorak Joseph diaman ale ilak Egypt namaman.
1259	GEN 42:6	Se Joseph mu aitak Egypt nunga governor ko bagakaso, se sor mu ko kariimet nukote na inang diakasan. Se tom Joseph ko launari tai arataman, mu nuna nu koma dugu te nubugura kulukurman ale nongoma ali ningi kaparam.
1278	GEN 42:25	Joseph ko ura kari nunga maonam, nuna noko launari nunga inang muguri te tuguma ko guang biriman mu, nongoma nongoma na inang te tugu nungarmon, ale nunga manga silver na te diaman mu guang umu ningi karogo la tugu tugu nungarmonko balam. Ale na lage te namonko mu ago nungarmonko balam. Se ko ura kari alo Joseph balam butata beteman.
1280	GEN 42:27	Nama lage te tirom batagam, se animon ale ukirok se aking namamonko. Se bo ko donkey na tuok se naukko guang inang te tuguman mu kuring kaogam, ale ko manga silver wore aking am ningi aniram se arigam.
1281	GEN 42:28	Ale ko saki nunga auram ale balam, “Arigalko!” mam. “Silver inang te diarem mu aking inang ko guang ningi e aniso iweya!” Se nuna suen la biririkaman ale ninguru nguangakasan, ale nunumi isarukasan, “Kaem awuk se iwita nanga beteso ya?” makasan.
1288	GEN 42:35	Ale nuna suen la nunga guang na te tuguman mu kuring kagaru muruwuman, ale inang gi awumonko negawa, suen la biririkaman, mu awuk, nunga manga silver mu nomoke nomoke nunga inang ko guang ningi aniram se arigiman. Nunga nonet manga mu karogo arigam. Se nuna suen la ninguru nguangakasan.
1303	GEN 43:12	Manga silver inang te diaman mu karogo aniram se arigiman umu gial, ale karogo pila kari dom mu tualko. Mu awuk, umu paguwura bo aratam agila. Ale na inang iru diara ko manga silver karogo gialko.
1306	GEN 43:15	Se nuna munan te betemonko melmasak giman, manga silver karogo pelera ko mu se aking na iru te diara ko mu giman, ale nunga uria Benjamin karogo taman, ale tairate aolak iluman nama Egypt arataman ale nama Joseph arigiman.
1312	GEN 43:21	ale na diaman ale peleman nama lage luan te aninakko se, nanga na inang ko guang kuring kagorman mu nanga manga silver na te diaman mu butatala aking suan suan nanga na inang ningi aniram se arigiman. Ale aitak ana giman karogo taiman.
1313	GEN 43:22	Bare ana awiriya uwuta beteram mu ana me ko ikisan. Ana nanga manga silver iru aitak na te dianakko mu karogo giman karogo taiman.”
1314	GEN 43:23	Se bitua kari mu balam, “Mu mel bo mena. Nina me nguangaralko. Nenenga Kaem se ninga nenet ko Kaem mu nenenga mel yawara bo iwita ninga inang ko guang ningi awuram. Bare nenenga manga silver inang te diaman mu anigita giem.” Nu uwuta balu se Simeon tam ilak nongote tairam.
1326	GEN 44:1	Joseph ko kawam ko bitua kari gira mu iwita kiti gurugam: “Kariari mu nunga na gimonko mu, nunga guang na te tuguma mu ningi koma koma tugu sager, se nama gimonko terong mauk, mu te ilupko. Ale nononga manga silver na te diaman mu koma koma nunga inang karogo tugu nungaruko.
1327	GEN 44:2	Asele aninga bagunang silver mu to ale, nunga uria gotek umu ko manga silver mu karogo biguwur, ale ko guang inang ningi tuguma mu ko kuring duap ko awurko.” Se Joseph ko ura kari nu balam butata beteram.
1330	GEN 44:5	Nina anape ko aninga kari dom ko bagunang silver wore tere taman? Kari dom mu nu borta te yu naso, ale mel yumura umu ko ikiso. Nina kilek memek nunguningkiri beteman,’ uwutata nunga manaruko.”
1333	GEN 44:8	Ni ikisam, ana manga silver inang ko guang ningi aniram karogo Canaan namaman ale arigiman, mu aking giman ago taiman se ni arigem. Se ana awuk ta nika kari dom ko kawam te ko silver agi gold tere nanakko? Mena.
1367	GEN 45:8	“Bore te se, nina ani imi te aga beteman se me tairem, mena. Kaem kota aninga beteram se imi te tairem. Nu ani Pharaoh ko wosagam kitira ko kari gira ko aga beteram. Ale Pharaoh ko imet kuriang kawam digo lilim, se Egypt sor lilim ko governor ko aga beteram.
1368	GEN 45:9	Ario, nina tairate aga ba kote peleral namaral ale iwita maonalko: Ka namar Joseph iwita balam, Kaem Joseph Egypt sor lilim ko governor ko beteram se bagoso ma balalko. Ale pasak ala kote nama kaparko ko balam malko.
1381	GEN 45:22	Ale suan suan guang iru iru nagumonko mu nungaram. Bare Benjamin mu manga silver 300 se guang iru motam 5 karogo tuam.
1398	GEN 46:11	Se Jacob ko namar Levi ko namarari mu Gershon, Kohath, se Merari.
1404	GEN 46:17	Se Jacob ko namar Asher ko namarari mu Imnah, Ishvah, Ishvi, se Beriah. Se nunga nogoras imet mu Serah. Se Asher ko namar Beriah ko namarari mu Heber se Malkiel.
1479	GEN 49:5	“Simeon se Levi mu launuria, memek betera te mu nunga munan koma suanta: nunga baenat mu te kager daong betesan ale kariimikiri nunga moa batutumusan.
7207	RUT 4:15	Nu ni amilmil kisok, ale tom ni garuker mu nu ninguru ka sangukko. Munan bo kuriang kari seven ta me kete betemonko koma, bare nika neton, ninguru ka kueso, imi kete beteram ale nimas imi ilu kisam,” makasan.
7209	RUT 4:17	Se imet umu te bagara mu balukasan, “Naomi ko namar ago,” makasan. Ale nup beteman Obed i maman. Obed tuagu te mu Jesse bilangaram, se Jesse tuagu te mu David bilangaram.
7214	RUT 4:22	se Obed tuagu te mu Jesse, se Jesse tuagu te mu David.
14084	PSA 12:7	Se Yawe ko den mu nunguningta se nikim garagar, silver tom seven ko, tama kowar tamatama mu te kaisan ale palungursan se nikim kapawoso wore toroman.
14181	PSA 18:51	Kaem ani king ko aga balu beteram se bagasam; noko kua nangara kumik menara mena mu ani David se aga kuriang gue lilim la pempem nanga iramuram.
14754	PSA 52:10	Bare ani mu tam olive bo, Kaem ko temple ko por ningi aragawara wore iwita, ani pempem Kaem ko kua nangara ko munan mu ko kua se te ira sanami lagasam.
14966	PSA 68:14	Bare nina kari am baga se sipsip por ningi mu nunga bitaruwaman mu karogotala kowo! Inangnang dora, luman silver te nunga se mone gold te nunga, se mel ningo ningo mu gialko.”
14983	PSA 68:31	Egypt mu mel diwang memek aora bo yu lom ningi bagoso wore iwita; se deleng te irako. Sor saki mu nu bowa ningi buffalo diwang bibiya iwita bagasan, se sor saki gotektek mu buffalo gotektek iwitatala bagasan, mu ni suen la nunga nosokel menawurko. Se mel diwang mu silver mel karogo tai kisokko; se sor saki gotektek kager ko la kuesan mu nunga karo parusuwur se nagu parasamonko.
15075	PSA 72:20	Se David, Jesse ko namar mu ko aira mu tai iwitata menaram.
15117	PSA 74:14	Ni keta gagi ko mel memek Leviathan mu supuling suen la ita parusuwurem ale sor merang mu ko buruk kausik se inangnang anapeya namonko nungarem.
15241	PSA 78:70	Kaem ko ura kari David atumukiram.
15243	PSA 78:72	Se David noko ura mu gomang ninguru tuam, ale kariimet ninguru nunga bitarukaso.
15394	PSA 89:4	Ni iwita balem, “Ani kari bo angamang tuem ale atumukirem wore ilak den kalem, aga ura kari David ilak den iwita kalem,
15411	PSA 89:21	Ani aga ura kari David arigem ale tam muguri ko welang laili mu supuling te warem, ale marak tuem.
15424	PSA 89:34	“Bare aninga angamang David ko kua tuata mu me ta bita taikko; ani saruk nu ilak kanuwem mu uwutata anirukko.
15426	PSA 89:36	Agata aga aip laili nunguningkiri mu te saruk nu ilak kanuwem mu uwutata anirukko; ani David me ta kulekko:
15440	PSA 89:50	O Biya, girakala ni ninguru nanga kuakasam, bare aitak awuk? Ni David ilak saruk kanuwem mu ko kamili saparam agi?
15653	PSA 104:15	waen, kariimet amilmil nungarso mu se, olive oil, kariimet nungumik sapasan mu se, barley, bread ko kaisan nasan ale sokel karogo bagasan.
15664	PSA 104:26	Yagor dal awote namasan taisan, se gagi ko mel bibiya Leviathan masan, ni nunga nungem, mu ningi tinga kola gilingisan.
15710	PSA 105:37	Se nu Israel alo nunga giam ale arungu aratam; nuna bala ko mel duap duap silver se gold te nunga mu ago lilim aolak taman; nunga kariimet gue 12 mu ningi bo ta me memek arigam.
15902	PSA 115:4	Bare nononga kaem alo mu, silver se gold te nunga nungurman, kariimet nuguting te nunga nungurman.
16162	PSA 122:5	Ale kuwim umu betela ikup guyak te tuati nunga ko kuwim, se king bibiya David te kaparam mu nunga daiga kuwim.
16220	PSA 132:1	O Yawe, nika ura kari David ura ko ikup yaman gi lagaram mu ko kamili me saparukko.
16229	PSA 132:10	Nika ura kari David ko kamin ares mauk se nika kari marak sokel tuem mu me ari daleluwurko.
16230	PSA 132:11	Yawe David ilak den bo kaolam, se den mu aora biya aniso se nu me maguwurokko. Se den mu iwita: “Ani nika gue te bo bitirik se nika kiwim te king ko bagarukko.
16236	PSA 132:17	“Se ani David ko gue te king bo nup biya sokel garagar Zion bitirikko; se nu mu galep bo iwita kani se lagarukko.
16258	PSA 135:15	Sor saki nunga kaem mu, manga tam te agi, silver se gold te nunga nungurman, kariimet nongota nunga nuguting te nunga nungurman.
16263	PSA 135:20	O Levi ko gue te ko kariimet, Yawe nup patawuralko; nina awiriya noko nguangasan, mu noko nup patawuralko.
16385	PSA 144:10	Ni king nunga sangorsam se nuna kager te marirasan ko Kaem; se ani nika ura kari David, baenat kore memek wore ningi aga bataguru taem.
16471	PRO 1:1	Batoga imi Israel nunga king Solomon, David ko namar, mu ko ikia sinar den ningi aniso.
16507	PRO 2:4	silver mel ali ningi ko loaga kam, agi manga mel kariimet kaluwu betera se ko loaga kam, loaga lagerko.
16539	PRO 3:14	Mu awuk, ikia sinar mu silver se gold kiaram, se ko manga motam mu kalel biya.
16682	PRO 8:10	Buta se aninga kiti guruga den ilukuawural ale silver nibiring tualko, ikia ningo ilukuawural ale gold nibiring tualko,
16691	PRO 8:19	Aninga ningo kariimet nungarsam mu gold se silver ningo kia saparam.