1	GEN 1:1	Kotiyamale sitali dla Godtapo ta꞉lamo mate pepele di mate mimita꞉piyo.
2	GEN 1:2	Epame oloma edla ta꞉lamota ala ya꞉ mila꞉pi pohimilalo halemama koko pa꞉le halaiyo. Epalati kaula patoye amtuwaleta bodepo ellati God ya꞉ Sokota yú di dla sela꞉iyo.
16	GEN 1:16	Epedeme Godtapo hela꞉dle alisisi patoto dapiyamte mimita꞉pmama sikemte itiyamale mate hela꞉dlalo alisisiye alila dla hela꞉demhallepo depame himiyo. Epame pase sikemte itiyamale mate hela꞉dlalo alisisiye utula꞉la dla hela꞉demhallepo depame himiyo. Ya꞉ ma epame tamili mimita꞉piyo.
21	GEN 1:21	Epame Godtapo amalo hapuloma mate epo alinepi opi patoto yú dulu dla ha꞉ha꞉lalo hapuloma mate epo tea hapuloma mate mimita꞉piyo. Epame Godta koko e natipame ka꞉pi diyo.
27	GEN 1:27	Epame Godtapo oplami ya꞉ mila꞉pi sepeleye mita꞉pmama oplami mate a꞉ya mate mimita꞉piyo.
35	GEN 2:4	Epedeme ta꞉lamo pato mate epo pepele di mateye ipo mimita꞉piyo. Lod Godtapo ta꞉lamo pato mita꞉pele oloma edla alisisi haletapo ta꞉lamo edla ala pomatlalo halaiyo. Adipalati, Lod Godtapo tiyota hellowe kokoye yipta pohimiyo. Epame ta꞉la muwalepame alisisi emalalo oplamiye ala pohalaiyo.
38	GEN 2:7	Epalati oloma edla Lod Godta ta꞉la polapo oplami mita꞉piyo. Epame pasakalo halemhala hedleye ya꞉ mu opokoko dla hamilati oplamitapo pasakalo hallowe kotiyamaiyo.
54	GEN 2:23	Epalati oplamita epo atlaiyo, “Wata ma-natima, ya꞉ye na꞉ mate ala꞉na. Ya꞉ye na꞉ elo tle epo na꞉ mo tle mita꞉pelepo. Epedeme ka꞉dena, ya꞉ hiye a꞉ya dlepe. Adipalati, ya꞉ye oplami moto tle holahapame mita꞉pelepo,” diyo.
70	GEN 3:14	Epalati asiyama Lod Godta ilama watle epo atlaiyo, “Wa꞉ Godta kasilamale dulu dla halemama alinepi hapuloma dulu dla hatlo wa꞉ tlope wa꞉ kokota ta꞉la dla olalimsela꞉mama isikimi apupu mate demsela꞉lepe.
89	GEN 4:9	Epalati alotle Godta Kein watle epo atlaiyo, “Wa꞉ ei Eibol da꞉?” diyo. Epalati asiyama Keinta epo atlaiyo, “Na꞉ pona꞉malamana. Na꞉ta na꞉ ei motoye omhalemdi?” diyo.
107	GEN 5:1	Godtapo oplami mita꞉mama ikadepe ya꞉ sepele mita꞉piyo. Epame ya꞉ sepele mimita꞉mama oplami mate a꞉ya mate mimita꞉piyo. Epame yia꞉ dla siyemama yia꞉ semama oplayemala diyo. Epalati A꞉dam ya꞉ mamadulo hiye ipo.
145	GEN 6:7	Na꞉ watapo na꞉ta mimita꞉pele opa hapuloma mate epo alinepi hapuloma mate epo tea hapuloma mate potipa꞉mmellowepo. Adipalati, na꞉ta mimita꞉pele so hapuloma i natimama sikemte alima,” diyo.
181	GEN 7:21	Epalati alinepi hapuloma mate epo tea hapuloma mate epo opa hapuloma mate ta꞉la medla pomelletapo paliyo. Epedeme ta꞉lamo hema pasakalo ha꞉ha꞉lalo alisisi hapulomatapo mosukulu palipa꞉meliyo. Amasiyama hatlo Nowata koa dulu dla elemtuwale sotapo pasakalo gadlowe haiyo.
212	GEN 9:6	Epedeme oplami antapo ya꞉mkale omaliye olostlepiye, ya꞉ ma asiyama ya꞉ omaliye olostlepe. Adipalati, Godtapo oplamiye me-ya꞉ mila꞉pi sepele mita꞉puwapo.
232	GEN 9:26	Epame ya꞉ matle epo atlaiyo, “Lod, Sem ya꞉ God hi di dla ta꞉diya. Epame Keinanta Sem ya꞉ oko oplami halemama ya꞉ yu dla salladepo sela꞉lepe.
270	GEN 11:3	Yia꞉ edla tame ha꞉ha꞉mama yia꞉skamu yia꞉ dulu dla epo atlamyaiyo, “Di mo pato kestapame aya patoto halomolowa. Epame di God umuluwedeme aya pato selemalli hatlo hame hetlowa. Epedeme dita mo edla kestepo aya halomelepiye, di ewala mate pohalomolowa, amasiyama sokope tokeyamale mate dukupo blik ewala mimita꞉pame kolumhetamama aya halomolowepo. Dita aya patoto halomelepiye, opata di hi di dla ta꞉dlepe. Eta dita ta꞉lamo pato hema pohutukuliyapo tame ha꞉ha꞉myelowa,” demyaiyo.
307	GEN 12:8	Ya꞉ Sekem mo medla halepame matle donapi mo dla hetame Betel moye salita tullalo tiyama dla pomele epo Ai moye salita matlalo tiyama dla pomele depame duka dla kimiyo. Edla mape God dla alinepi poyupo ha꞉lalo tile hapame inoma sumama God hi di dla ta꞉diyo.
310	GEN 12:11	Epame yia꞉ Isip mo dla mo-ulatuluwedeme ha꞉ha꞉mama A꞉iblamta ya꞉llu Selai watle epo atlaiyo, “Wa꞉ye a꞉ya pta ka꞉pi.
323	GEN 13:4	Epapeleye mo hema ya꞉tapo ka꞉yapa puame kimpo halemama God dla alinepi poyupo ha꞉lalo tile haiyo. Epame ya꞉ ma mo hatlo hema puame God dla inoma sumama ya꞉ hi di dla ta꞉diyo.
324	GEN 13:5	Oloma hema Lottapo ya꞉ yimlala mate epo ya꞉ oko so mate epo aliya halo hapuloma mate me-eleme A꞉iblam mate sela꞉iyo.
327	GEN 13:8	Epeleye A꞉iblamta Lot watle epo atlaiyo, “Wa꞉ mate na꞉ mate ta꞉la yilo yu dlomha꞉ha꞉lowe poka꞉dena. Epame wa꞉ opa mate epo na꞉ opa mate yu dlomha꞉ha꞉lowe poka꞉dena. Adipalati, di asiya hatlopepo.
328	GEN 13:9	Ta꞉la hatlo ita pe-elasema. Epedeme di duka gladepame meyelo ta meyelo ta dlowe ka꞉pi. Epedeme mo pato hema wa꞉ta solotamale hadima ellepie, wa꞉ mo e halepe. Epele dulu dla wa꞉ta dowala tiyama dla telepiye, na꞉ asiyama weke tiyama dla tlowepo. Amasiyama wa꞉ta weke tiyama dla telepiye, na꞉ asiyama dowala tiyama dla tlowepo,” diyo.
331	GEN 13:12	Epalati A꞉iblamtapo Keinan mo medla me-halaiyo. Epalati Lottapo Yoden aloma pili dla Sodom mo pato mateka꞉pi dla kimtimsela꞉mdiyo.
347	GEN 14:10	Yia꞉ta nalatimale dulu dla Kedolamel wolota itiyamalati Sodom so mate epo Gomola so mate potamama opa opiye munamu dulu dla tutula꞉mtaiyo. Epalati opa opi tlo tamali di dla pehetaiyo.
356	GEN 14:19	Epapeleye ya꞉ta A꞉iblam watle epo atlaiyo, “Pepele di mate ta꞉lamo mate mimita꞉polalo Godta wa꞉ mate hallepe. Epedeme na꞉ di ikadepe dla hallalo God hi di dla ta꞉dema. Adipalati, wa꞉ dla opahale dlalo soye ya꞉ta hohopame wa꞉ do tama dla ipila꞉uwapo,” diyo. Epame A꞉iblamta ya꞉ta opahale dele dulu dla halomale alisisi hapuloma kolumtame 10 dleye meyelope meyelope depo kokolupame ma dulu edla kolumale hatlo tlo Melkisedek watle hamiyo.
362	GEN 15:1	Koko ita tame gudlati A꞉iblam inomata meyelope dle oloma edla Godta ya꞉ watle epo atlaiyo, “A꞉iblam, wa꞉ ase sikemte wota꞉miya. Na꞉tapo wa꞉ pasakalo gadlalo halemama wa꞉ dla ka꞉ka꞉dle koko halopimhallepe,” diyo.
373	GEN 15:12	Epame salita mo-tutula꞉mtullati inoma ta꞉le patota A꞉iblam dla pulati ya꞉ elaiyo. Epalati milamalo amtuwaleta puame ya꞉ bopudlati natimama ya꞉ sikemte wota꞉iyo.
384	GEN 16:2	Epapeleye Selaita A꞉iblam watle epo atlaiyo, “Na꞉ Godta na꞉ta yimlala hohomolowe apiye godena. Epapedeme wa꞉ wata tame na꞉ oko a꞉ya ipilalo Hagai hane. Epame ya꞉ta yimlala hatitimelepiye, eye nolëpo,” diyo. Epalati A꞉iblamta Selai yu dla dalepo ka꞉dena depame Hagaiye haiyo. Epedeme koko iye A꞉iblamta tame Keinan mo dla sokomoko 10 halale oloma edla apiyo. Epalati alotle Hagaita ya꞉ta mopapo polaleye natipame A꞉iblam ya꞉llu ikadepe Selaiye kokosa꞉mdiyo.
387	GEN 16:5	Epalati Selaita A꞉iblam watle epo atlaiyo, “Hagaita na꞉ kokosa꞉mhala kokoye e mo-wa꞉ batalimalepo. Amasiyama na꞉ta ya꞉ye wa꞉ watle hamiwapo, epapele tlope ma ya꞉ta mopapo polale natipame ma na꞉ye kokosa꞉mhalapo. Epedeme Godta wa꞉ mate epo na꞉ mate di kokoye gladlowe ka꞉dena,” diyo.
388	GEN 16:6	Epalati A꞉iblamta asiyama ya꞉ watle epo atlaiyo, “Hagai iye wa꞉ oko a꞉yapo. Epedeme wa꞉ta solotamale koko ya꞉ dla halowedeme me-hane,” diyo. Epalati Selaita Hagai dla kasilamama ya꞉ dla wotiyalle hapimhallati ya꞉tapo wota꞉mama alikili dla woyapo teletaiyo.
429	GEN 18:4	Amasiyama wua꞉ aseka dali tau hema hedepo popa꞉iya. Epalati na꞉ tame wua꞉ hete hoahalomolowe yú mate epo dlowe alisisi mate halopo puluwepo, wua꞉ta e depame ma itiyamale mate tloweye,” diyo. Epalati asiyama yia꞉ta epo atlaiyo, “Ka꞉dena, wa꞉ta atla koko eye ka꞉pi,” diyo.
467	GEN 19:9	Epalati asiyama yia꞉ta epo atlamyaiyo, “Wa꞉ alikili dla gilidene, wa꞉ hadima hallalota꞉? Wa꞉ isikimi asepe oplamita puame hema halema. Wa꞉ta dia꞉ye dokopala depo halemama di koko dla humatlowe poka꞉dena. Ka꞉! Wa꞉ wolomape! Wa꞉ alikili dla po-gilidlalo hallepiye, dita asepe so dla koko halowedeme ape kokoye ma wa꞉ dla sikemte pato halowepo,” demyaiyo. Epame yia꞉tapo Lotye ma alo dla ka꞉stamama ya꞉ aya kokolomaye hauwokokomala yakomaiyo.
476	GEN 19:18	Amasiyama Lotta epo atlaiyo, “A, wa꞉ta na꞉ye sikemte polowamama na꞉ pasakaloye gadlepo. Amasiyama wa꞉ ase dita tamali di dla pohetlepo depame ha꞉ha꞉miyo, e pta pateka꞉mu. Di duka dla hetamha꞉ha꞉mama palilala,” diyo.
488	GEN 19:30	Lot mate ya꞉ utukaka mate Sowa mo memeleme ma tamali di dla hetame ha꞉ha꞉iyo. Adipalati, Lotta Sowa mo dla halloweye pta wota꞉iyo. Epedeme yia꞉ tamali di dla hetame teiko hotuwale dulu dla ha꞉ha꞉iyo.
504	GEN 20:8	Epame alila haleta sali ala matamahallati Abimelekta ya꞉ oko so sisilapame ya꞉ dla woyamale koko hapulomaye atlamaiyo. Epalati yia꞉ta koko e dalepame sikemte wowota꞉iyo.
520	GEN 21:6	Epame Selata epo atlaiyo, “Godtapo eimela꞉le sepele kokoye na꞉ dla ma-hauwapo. Epedeme opa hapulomatapo koko i dalemama na꞉ mate eimela꞉lepe.
523	GEN 21:9	Amasiyama daya dele oloma edla Selata natilati ya꞉ oko a꞉ya Hagaita himili maseyemala Ismaeltapo Aisekye sikemte tetelemsela꞉iyo.
547	GEN 21:33	Epalati A꞉iblahamta Belseba mo dla dali emomelepame ma kokó halepo hallalo God dla inoma sumama ya꞉ hi di dla ta꞉diyo.
553	GEN 22:5	Epalati ya꞉ oko so dapiyamte dla epo atlaiyo, “Wua꞉ta madipatata donki aliya mate medla popa꞉iya. Epalati na꞉tapo na꞉ maseyemala Aisek mate huma tame God hi di dla ta꞉depame ma wua꞉ hala dla ilame puluwepo,” diyo.
561	GEN 22:13	Epame A꞉iblahamta helestame natili oloma edla sipi aliyata dokopala dla pate walleta dukulu dla olopo halla natiyo. Epalati A꞉iblahamta tame aliya eye hampo puame Aisekta elale mo dla himpame yumiyo. Epame God hi di dla ta꞉demama aliya tlo ha꞉iyo.
573	GEN 23:1	Selaye sokomoko 127 halepo gudepame Kiliyat Alba mo dla powaiyo. Mo hatlo i ya꞉ hi haleye Heblonpo. Amasiyama mo iye Keinan mo pato dulu dla elapo. Epalati A꞉iblahamtapo ya꞉lluta powale koko dla sikemte dupa kolomama amsela꞉iyo.
644	GEN 24:52	Epalati A꞉iblaham ya꞉ oko oplamita yia꞉ yu e dalepame alumata akukulumpolomama ya꞉ mila꞉pita ta꞉la dla gudemama God dla siyele ta꞉diyo.
681	GEN 25:22	Epalati Lebeka mopapo koko dulu dla akimlala dapiyamteta popa꞉iyo. Yia꞉ta dapiyamtetapo ya꞉ koko dulu dla nalatimpopa꞉mama humsiyamaiyo. Epalati Lebekata epo atlaiyo, “Yimlala iwoloye adipapalati na꞉ koko dulu dla nalatimpopa꞉ma꞉?” diyo. Epapele koko tle ya꞉tapo God dla dalla natilati asiyama Godta epo atlaiyo,
682	GEN 25:23	“Opa alumale dapiyamtetapo wa꞉ koko dulu dla popa꞉po. Alumale dapiyamte ewolotapo wa꞉ koko dulu tle wowoyapo ha꞉ha꞉mama yia꞉ dulu dla opahale demha꞉ha꞉lepe. Yia꞉ta dapiyamteta epo opahale demha꞉ha꞉le dulu dla haletapo itiyamale mate hallati asiyama haletapo pase itiyamale mate hallowa. Epedeme ya꞉ bapatapo ya꞉ ei yu dla salladepo sela꞉lepe,” diyo.
688	GEN 25:29	Alila hale dla Yokobtapo tiyokona opo ha꞉mhalaiyo. Epalati Isota to hamtaleta pumama daya sikemte ta꞉le mate puaiyo.
700	GEN 26:7	Epapele dulu dla Aisek ya꞉llu Lebekaye a꞉ya pta ka꞉piyo. Epapeleye Gela mo edla ha꞉ha꞉lalo opatapo ya꞉ watle epo atlaiyo, “A꞉ya iye wa꞉ alluta꞉?” diyo. Epalati Aisektapo mo so opata Lebeka halowedeme ya꞉ye yumulala depame wota꞉mama isikimi yia꞉ watle epo atlaiyo, “A꞉ya iye notumalapo,” diyo.
718	GEN 26:25	Epalati Aisektapo tile hapame God dla namkale dle alinepi poyupo ha꞉mama God dla inoma sumama ya꞉ hi di dla ta꞉diyo. Epame mo edla kimtipo ha꞉ha꞉mama ya꞉ oko sotapo yú hale kolomaiyo.
737	GEN 27:9	Epapedeme wa꞉ wa꞉ aliya kosukulli dla tame gaut aliya kakaliyapele dapiyamteye poyupo puane. Epalati na꞉tapo aliya mo e mate wa꞉ ata solotamale dayaye ha꞉lowepo.
742	GEN 27:14	Epapalati Yokobtapo ya꞉ waita atlale yu eye dolumama aliya halo puyupo pulati ya꞉ waitapo Aisekta solotamale dayaye ha꞉iyo.
759	GEN 27:31	Epame Iso mape dlowe alisisi ka꞉pi ha꞉pame ya꞉ a hala dla hamtame halemama epo atlaiyo, “A, na꞉po. Epedeme wa꞉ sila꞉time polomama daya iye dene. Epame wa꞉tapo elele dulu dla dokopala depo halemama koko hapuloma omhallowe itiyamaleye na꞉ watle hamine,” diyo.
768	GEN 27:40	Epame wa꞉tapo opa mate sikemte nalatimhalemama wa꞉ ei yu dla heodepame salladepo sela꞉lepe. Amasiyama wa꞉tapo ya꞉ tle alikili a꞉ma gladepo tame mowolo hallepe,” diyo.
770	GEN 27:42	Epapeleye Lebekata Isota Yokob yumuluwedeme yu himili dalepame Yokob sisilapo epo atlaiyo, “Wa꞉ bapa Isoye wa꞉ yumuluwedeme yu himsela꞉po.
783	GEN 28:9	Ya꞉ epela natipame tame A꞉iblaham yami Ismaelta himili a꞉ya hale haiyo. Ya꞉ hiye Mahalat, ya꞉ye Nebayot ya꞉lapo.
811	GEN 29:15	Epedeme Yokobtapo ya꞉ awe mate halemama mama hatlo ma-hamastlati ya꞉ awe Labantapo ya꞉ watle epo atlaiyo, “Wa꞉ye na꞉ awe demama isikimi asiyama pa꞉le na꞉ oko hamhallowe poka꞉dena. Epapedeme wa꞉ apa asiyama yilo na꞉ oko hamhallowe solotama꞉?” diyo.
858	GEN 30:27	Amasiyama Labantapo asiyama epo atlaiyo, “Hao, wa꞉ta na꞉ saliyome tlowe poka꞉dena. Adipalati, na꞉ta inoma nalatimale tle natili dulu dla Godtapo wa꞉ tle na꞉ dla gadle pato himimhalapo.
871	GEN 30:40	Epame yia꞉tapo yimlala usullati Yokobtapo yimlala hapuloma hohopo tame miyelo alikili dla ipila꞉iyo. Epame matle aliya opi tlo elemtame Laban aliya dudulalimale mate dilikitalo mateta ha꞉ha꞉ yia꞉ mila꞉pi dla ipila꞉iyo, yia꞉tapo halomsiyapo depo yimlala dudulalimale mate dilikitalo mate tlo hatitimelepo depame. Epalati Yokobtapo aliya dudulalimale mate epo dilikitalo mate epo popokalalimale mate ala usulliye elemtame ma ya꞉ aliya mate hatlo godiyo.
936	GEN 32:8	Epalati Yokobtapo yu i dalepame sikemte wota꞉iyo. Epammama ya꞉tapo ya꞉ opa mate epo ya꞉ aliya halo mate alumale dapiyamte dla hukulupo ipila꞉iyo.
942	GEN 32:14	Epapeleye Yokobtapo medla elepo polomama Iso watle namkale dle alisisi hamiloweye dinapomama ya꞉ gaut aliya dulu dla 200 molalatalo mate epo 20 patetalo mate hohopo alikili dla ipila꞉iyo. Epame matle sipi aliya dulu dla 200 molalatalo mate epo 20 patetalo mate hohopo alikili dla ipila꞉iyo.
944	GEN 32:16	Epame matle ka꞉mol aliya dulu dla 30 molalatalo mate epo yia꞉ yimlala mate hohopo alikili dla ipila꞉iyo. Epame ma bulumkiyawa aliya dulu dla 40 molalatalo mate epo 10 patetalo mate hohopo alikili dla ipila꞉iyo. Epame ma donki aliya dulu dla 20 molalatalo mate epo 10 patetalo mate hohopo alikili dla ipila꞉iyo.
980	GEN 33:19	Epapele dulu dla mo ya꞉ta kimili ta꞉la eye Sekem ya꞉ a Hamol ya꞉ ta꞉layo. Epapeleye Yokobtapo 100 elo mani mate Hamol ya꞉ akimlala tle ta꞉la eye haiyo.
1013	GEN 35:1	Godtapo ma Yokob watle epo atlaiyo, “Wa꞉ mo i saliyome ma Betel mo dla halla tane. Adipalati, mo edla wa꞉tapo ka꞉yapa wa꞉ bapa tle teletlati wa꞉ dla woyamuwa God eye na꞉po. Epedeme wa꞉ edla tame God dla alinepi poyupo ha꞉lalo tile hane,” diyo.
1015	GEN 35:3	Adipalati, di mo iye melepame ma Betel mo dla telepe. Mo edla na꞉tapo God dla alinepi poyupo ha꞉lalo tile hapame ya꞉ hi di dla ta꞉dlowepo. Adipalati, God eta na꞉ta upiyele dulu dla sela꞉lati ya꞉tapo gadle pato himhaluwapo,” diyo.
1033	GEN 35:21	Epame Yokobtapo ma mo e meleme ma Migidal Edel mo tla꞉mtame halemama kimtimsela꞉iyo.
1044	GEN 36:3	Epame ya꞉ matle ya꞉ nana, Ismael yoti Basemat haiyo. Basemat eye Nebayot ya꞉layo.
1076	GEN 36:35	Epame Husamta mo-polati ma Bedad yami Hadadta halaiyo. Ya꞉ye Abit mo dla hallalo oplamipo. Ya꞉ta halemama Moab mo dla tame Midiya so mate opahale demama ya꞉ opatapo tla꞉mtaiyo.
1100	GEN 37:16	Epalati asiyama Yosepta ya꞉ watle epo atlaiyo, “Na꞉ na꞉ bapadulo mate epo yia꞉ aliya mateye totamsela꞉ma. Wa꞉ yia꞉ye me-nati?” diyo.
1126	GEN 38:6	Epeleye itapu hamale maseyemala Elta ma-ta꞉lati ya꞉ a Yudatapo ya꞉ta a꞉ya halowe api ka꞉diyo. Epalati Eltapo a꞉ya Tamaye haiyo.
1169	GEN 39:19	Epalati Potipatapo sikemte siyalademama Yosepye hampame amtuwale aya dulu dla ka꞉staiyo. Epedeme amtuwale aya iye Isip so yia꞉ dokopala oplami Pelo mape opaye amtuwale aya hatlo medla ka꞉ka꞉timhalemdiyo.
1178	GEN 40:5	Epapele dulu dla alila haletapo Pelo dla wain yú tipo hamilalo oplami mate epo daya ha꞉lalo oplami matetapo utula꞉la hutiyemama milamalo tlamaiyo. Amasiyama yia꞉ta milamalo tlamaleye yia꞉ dulu kokoye poyia꞉malamana.
1179	GEN 40:6	Epapeleye utulalati edla Yosepta matime natilati yia꞉ta madipatatapo yia꞉ mila꞉piye sikemte polowastame popa꞉iyo.
1188	GEN 40:15	Ame adipalati, na꞉ye dlopi akumale tle na꞉ mo ikadepe memelepame ma hema seme pumuluwapo. Epame na꞉ye koko pa꞉le amtuwale aya dulu hema ka꞉stauwapo. Amasiyama na꞉ batalimale koko hale pohana,” diyo.
1194	GEN 40:21	Epame yia꞉tapo mo-pulati Pelota ya꞉ dla wain yú tipo hami demhallalo oplamiye sepame daya ha꞉lalo oplami tlo yumiya diyo. Epedeme koko hapuloma iye Yosepta atlamale koko mate ala꞉iyo.
1272	GEN 42:19	Wua꞉ dulu dla oplami hale tlo amtuwale aya dla ka꞉stlowepo. Amasiyama opi wua꞉ tlope daya halopame ma ilame wua꞉ a hala dla tamalaiya. Amasiyama wua꞉ ei yemalaye na꞉ watle seme puaiya. Epele dulu dla wua꞉tapo ikadepe ya꞉ye seme pulupiye, na꞉ eta wua꞉ta atlamale kokoye ikadepe tepo dlowepo. Epalati na꞉tapo wua꞉ye popotimolowa,” diyo. Epalati Yosep ya꞉ bapadulotapo yu e dalepame yu hale po-atlalo me-ka꞉pi diyo.
1288	GEN 42:35	Epame yia꞉ a watle yu epo atlepo ha꞉ha꞉mama yia꞉ yekalo daya atilimaleye gowalagowala depo natitepo, yia꞉ yekalo dulu dla yia꞉ta daya halomale maniye ma i-ilapo yekalo dulu dla hatili halla natiyo. Epalati yia꞉tapo yia꞉ a mate yia꞉ manita ma yia꞉ yekalo dulu dla me-hutiyela natipame yiyelepo sikemte wowota꞉iyo.
1294	GEN 43:3	Amasiyama Yudatapo ya꞉ watle epo atlaiyo, “Di edla tamalemama Benyamin dimi tloweye poka꞉dena. Adipalati, dokopala oplamita di watle ipo atluwa, ‘Wua꞉ ma hema ilampumulumama Benyamin posempulalo wekelepiye, wua꞉ matle na꞉ta hala dla puame daya pohalomolowa,’ duwa. Epedeme di Isip mo dla ma ilame tamalemama Benyamin mate semtlowe ka꞉pi,” diyo.
1305	GEN 43:14	Epapedeme na꞉ God dla inoma sumale yu himma, ya꞉tapo dokopala oplami dla sadle hamilati Benyamin mate epo Simiyon mateye ma ilame wua꞉ mate pumullupo depame. Amasiyama Godtapo yia꞉ye paliya dlepiye, eta mepo palliwe ka꞉pi. Na꞉ God yu dla heodlowepo,” diyo.
1314	GEN 43:23	Amasiyama Yosep ya꞉ oko oplamitapo asiyama yia꞉ watle epo atlaiyo, “Ase sikemte momalamama wowota꞉miya. Adipalati, wua꞉ mate epo wua꞉ a mate wua꞉ Godtapo wua꞉ maniye ma ilame wua꞉ yekalo dulu dla hatitimuwayo. Ame adipalati, di mani wua꞉ta halopiwaye ma-halomuwapo,” diyo. Epame ya꞉ yu i atlepo gudepo halemama Simiyonye yia꞉ watle hamame matiyo.
1316	GEN 43:25	Epame yia꞉ watle atlemama, “wua꞉ na꞉ dokopala oplami mate tamila꞉la daya delepe,” dlati dalepame yia꞉tapo Yosep watle namkale dle alisisi hamiloweye ma-dinapopo popa꞉iyo.
1317	GEN 43:26	Epeleye Yosepta mo-pulati natipame yia꞉tapo namkale dle alisisiye halopo tuwame ya꞉ hete sitali dla heoheodepo popa꞉iyo.
1323	GEN 43:32	Epapeleye yia꞉ daya dlowedeme popa꞉mama Yosep meyelo polaiyo. Epame ya꞉ bapadulo ma miyelo popa꞉iyo. Epalati Isip so Yosep mate daya dlalo so mape miyelo popa꞉iyo. Adipalati, Isip sotapo yia꞉ aiyalma dolumama Hibulu so mate yimkata daya podesemdiyo.
1341	GEN 44:16	Amasiyama Yudatapo ya꞉ watle epo atlaiyo, “Dia꞉ dla yu hale atlowe pa꞉ma. Adipalati, Godtapo dita batalimale koko halomuwa dla asiyama hamimama apeyo. Epapedeme hatlo di ei yemala Benyamintapo asiyama pa꞉le oko halalo pohallowa. Amasiyama dita yimkatatapo asiyama pa꞉le oko halomha꞉ha꞉lowepo,” diyo.
1347	GEN 44:22	Epapalati ditapo wa꞉ watle ipo atluwapo, ‘Maseyemala etapo ya꞉ a saliyomtlowe poya꞉malamana. Ya꞉tapo ya꞉ a saliyome telepiye, ya꞉ ata isikimi mo-polope,’ duwapo.
1362	GEN 45:3	Epame Yoseptapo ya꞉ bapadulo watle epo atlaiyo, “Na꞉ye Yoseppo! Na꞉ a me-halema꞉?” diyo. Amasiyama ya꞉ bapadulotapo Yosepta yia꞉ watle epo atla dalepame sikemte wowota꞉iyo.
1374	GEN 45:15	Epame matle ya꞉ bapadulo hapuloma hohopo poposila꞉lepame amhalaiyo. Epame alotle yia꞉tapo yimkata esempopa꞉iyo.
1390	GEN 46:3	Epalati Godtapo ya꞉ watle epo atlaiyo, “Na꞉ye wa꞉ a Aisek ya꞉ Godpo. Epedeme wa꞉ Isip mo dla tloweye powota꞉lowa. Adipalati, edla na꞉tapo wa꞉ mamadulo pasatepo mellowepo.
1405	GEN 46:18	Epapele dulu dla akimlala iwoloye Yokob ya꞉llu hale Silpata hatitimalepo. Epedeme ya꞉ akimlala iwolo mate epo ya꞉ awadulo mate hatlo godepo sesa꞉lati 16 umaiyo. Amasiyama Silpa iye Labanta yoti Liya watle hamame ili oko a꞉yapo.
1412	GEN 46:25	Epapele dulu dla akimlala iwoloye Yokob ya꞉llu hale Bilhata hatitimalepo. Epedeme ya꞉ akimlala mate epo ya꞉ awadulo mate hatlo godepo sesa꞉lati 7 umaiyo. Amasiyama Bilha iye Labanta yoti hale Leisol watle hamame ili oko a꞉yapo.
1416	GEN 46:29	Epalati Yudatapo tame Yosep atlati ya꞉tapo ya꞉ aliya koa tle tame Gosen mo dla ya꞉ a umaiyo. Epame ya꞉tapo ya꞉ a mila꞉pi natipame ya꞉ a dla poposila꞉lepo hamame sikemte ammama kelliwe pa꞉iyo.
1471	GEN 48:19	Amasiyama ya꞉ ata Yosep watle epo atlaiyo, “Na꞉ta koko i haye na꞉malamana. Adipalati, ya꞉ ei yemala Eplaim ya꞉ mamadulotapo sikemte pasatamama ya꞉ bapa Manase ya꞉ mamaduloye tla꞉mtelepe,” diyo.
1474	GEN 48:22	Epame Yokobtapo ma ya꞉ watle epo atlaiyo, “Keinan mo dulu dla Sekem ta꞉laye pta ka꞉pi. Epedeme ta꞉la eye wa꞉ bapadulo watle pohamilowa. Amasiyama Yosep wa꞉ watle hamilowepo. Ta꞉la eye na꞉tapo Amoli so mate nalatimama kolahauwapo,” diyo.
1478	GEN 49:4	Amasiyama wa꞉ye wa꞉skamu wa꞉ moto hamoloweye powa꞉malamana. Adipalati, wa꞉tapo wa꞉ wai hale uhale koko tle na꞉ dla wota꞉le hampuwapo. Epapedeme wa꞉ eidulo dulu dla wa꞉tapo podokopala depo hallowa.
1479	GEN 49:5	Epame Simiyon wa꞉ mate epo wa꞉ ei Libai mateye wua꞉ dulu dla sadle halowe powua꞉malamana. Adipalati, wua꞉ye yimkadulo mate sikemte nalatimha꞉ha꞉mde.
1487	GEN 49:13	Amasiyama Sebulun wa꞉ye kaula pato peleyama dla halemsela꞉lepe. Epame wa꞉ta hallowe mo edla koa patototapo puame hedlowe koa sitali ka꞉pita halemyelepe. Epame wa꞉ ta꞉la sukulutapo tame Saidon mo dla gudlepe.
1495	GEN 49:21	Amasiyama Naptali wa꞉ye diya aliya malalatapo ya꞉ yimlala ka꞉ka꞉dle usulupame inoma tetleyamama tlesela꞉mdiye epapele some sela꞉lepe.
1508	GEN 50:1	Epapeleye Yokobta mo-polati yami Yoseptapo ya꞉ a dla hamame poposila꞉lepo ammela꞉iyo.
1526	GEN 50:19	Amasiyama Yoseptapo asiyama yia꞉ watle epo atlaiyo, “Wua꞉ ase sikemte wowota꞉miya. Na꞉ta adipo Godta dinapele kokoye ma meyelope depa꞉?
1528	GEN 50:21	Epedeme wua꞉ ase na꞉ natipo wowota꞉miya. Na꞉tapo wua꞉ mate epo wua꞉ yimlala mate woloma omhallowepo,” diyo. Epammama ya꞉tapo yia꞉ dla polowamale mate yukamama yia꞉ dupa malamaleye woloma hahatotimaiyo.
1545	EXO 1:12	Amasiyama epapele tlope yia꞉ oko pato me-halomha꞉ha꞉mama yia꞉ yimlala ma-a꞉ma sikemte isukumaiyo. Epapalati Isip sotapo Isalael sota epo sikemte me-a꞉ma pasatamtlati natipame wowota꞉iyo.
1569	EXO 2:14	Epalati oplami ya꞉mkale hopolemhalaletapo Moses watle epo atlaiyo, “Anta wa꞉ye dokopala hi hamilati dia꞉ye omhalane duwa? Wa꞉ye wa꞉ta Isip oplami yumuwaye, epammama na꞉ ma yumuluwedeme amma꞉?” diyo. Epalati Mosestapo yu e dalepame ya꞉ta hemele koko hauwaye ma-natiwayo depo malapame wota꞉iyo.
1585	EXO 3:5	Epalati Godtapo ya꞉ watle epo atlaiyo, “Wa꞉ ase hema sikemte kulume matimiya. Adipalati, wa꞉ta dolemhala ta꞉laye aiyalma ta꞉lapo. Epedeme wa꞉ hete alisisi uptimane,” diyo.