59	GEN 3:3	Amasiyama hatlo osalo duka dla hala dlomoko dali tlo demiyo duwa. Adipalati, dita dlomoko e doahapo delepiye, dia꞉ye pallipe duwa.”
159	GEN 6:21	Epame wua꞉ta tumama wua꞉ta dlowe alisisi mate epo alinepita dlowe alisisi mate halopo tumullupe.”
213	GEN 9:7	Epedeme Nowa wa꞉ mate epo wa꞉ akimlala mate, wua꞉ yimlala sikemte isukumaiya, wua꞉ mamadulotapo ta꞉lamo pato hema opa pasatlepo depame.”
231	GEN 9:25	“Wotiyalle kokotapo Keinan dla pulupe. Epame ya꞉tapo ya꞉ bapadulo dulu dla isili ikadepe dla asiyama pa꞉le oko halalo hallepe.”
233	GEN 9:27	Epame Godtapo Yapet watle ta꞉la pato hamilipe. Epame Yapettapo Sem ya꞉ aya dla hallepe. Epalati Keinantapo yia꞉ yu dla salladepo sela꞉mama yia꞉ oko oplami hallepe.”
301	GEN 12:2	Epame na꞉tapo wa꞉ gademama wa꞉ mamaduloye ma a꞉ma pasatepo mellowepo. Epame wa꞉ hi mape pato dlowepo. Epapele dulu dla wa꞉ dla siyele hamilalo so dla asiyama na꞉ta yia꞉ dla siyele hamilowepo. Epame wa꞉ dla wotiyalle hamilalo so dla asiyama na꞉tapo yia꞉ dla wotiyalle hamilowepo. Epapedeme wa꞉ tle ta꞉la so hapuloma dla siyele hampulupe.”
336	GEN 13:17	Wa꞉ wata sila꞉tipame mo tlamtane. Adipalati, na꞉ mo pato iye wa꞉ watle hamima.”
361	GEN 14:24	Epapele dulu dla wa꞉ alisisi dulu dla na꞉ opata dlowe alisisi opiye mo-douwa, epedeme eye na꞉ta wa꞉ dla halomolowe asiyama epo. Amasiyama wa꞉ ka꞉dena, na꞉ mate tamalale so opa Ane mate Esko mate epo Mamele mate dla alisisi halopiliweye.”
382	GEN 15:21	epo Amoli sopo, epo Keinan sopo, epo Gilgasi sopo, epame Yebusi sopo. Epedeme opa hapuloma iwolo ta꞉laye na꞉tapo wa꞉ mamadulo watle hamilowepo.”
394	GEN 16:12	Amasiyama wa꞉ maseyemala Ismaeltapo aliya yowo some itiyamale mate halemama opa hapuloma dla opahale demhallepe. Epammama ya꞉ eidulo mate ma opahale demhallepe.”
406	GEN 17:8	Epame wata wa꞉ta Keinan mo dla asepe oplami some hala mo iye na꞉tapo wa꞉ watle epo wa꞉ mamadulo watle hamilowepo. Ta꞉la itapo mepo kokó wua꞉ hi mate ellepe. Epame na꞉ta wa꞉ mamadulo yia꞉ God hallowepo.”
419	GEN 17:21	Amasiyama na꞉ta wa꞉ dla yu itiyapo himiwaye ma Aisek mate ellepe. Maseyemala iye Selata sokomoko hale dla alila oloma me-ipapele dla hamelepe.”
501	GEN 20:5	Adipalati, A꞉iblahamtapo Selaye notumala dlati asiyama Sela mape A꞉iblahamye na꞉ bapa duwapo. Epapele koko tle na꞉ta Selaye seme hetamama semte ka꞉dle koko hamapo duwa.”
503	GEN 20:7	Epapedeme wa꞉ a꞉ya eye ma seme ya꞉wolali hala dla telepe. Ya꞉wolaliye na꞉ yu molo atlalo oplamipo. Epedeme ya꞉ta wa꞉ yilo inoma sumale yu na꞉ dla atellepiye, eta wa꞉ye popolowa. Amasiyama wa꞉ta a꞉ya iye ya꞉wolali watle ma ilame posemtlalo wekelepiye, wa꞉ mate epo wa꞉ asiyadulo hapuloma mate pallipe.”
509	GEN 20:13	Epapedeme Godta na꞉ a aya dulu tle na꞉ye ma asepe so mo dla tane dlati na꞉ta Sela watle atlemama epo atluwa, ‘Wa꞉ na꞉ malamama opa hapuloma dla atlamsela꞉mama na꞉ye wa꞉ bapapo demsela꞉lepe,’ duwa.”
568	GEN 22:20	Koko i gudlati alotle A꞉iblahamtapo oplami haleta ya꞉ watle yu hamili yu iye me-daliyo, “Wa꞉ ei Nahol ya꞉llu Milkaye akimlala 8 hatitimuwapo.” Epedeme akimlala ewolo hiye ipo, Us, epo Bus, epame Alam ya꞉ a Kemuwel, epo Kesed, epo Haso, epo Pildas, epo Yidalap epame Betuwel. Epalati Betuweltapo Lebekaye himiyo.
717	GEN 26:24	Epapeleye ya꞉ edla hetame woyamale utula꞉la oloma edla Godtapo ya꞉ watle tulume epo atlaiyo, “Na꞉ye wa꞉ a A꞉iblaham ya꞉ Godpo. Wa꞉ ase sikemte wota꞉miya! Na꞉tapo wa꞉ mate halemama wa꞉ gademhallowepo. Epapedeme na꞉tapo wa꞉ a A꞉iblaham dla yu itiyapo himiwa eye dolumama wa꞉ mamaduloye pasatepo mellowepo.”
722	GEN 26:29	Epapedeme ditapo wa꞉ dla wotiyalle pohamilalo wekuwaye, epammama wa꞉ ma asiyama dia꞉ dla wotiyalle pohamilalo wekelowedeme yu itiyapo himine. Adipalati, wa꞉tapo dia꞉ mate hallati ditapo wa꞉ye woloma omha꞉ha꞉pame sadle mate wa꞉ye alikili a꞉ma woyamane duwapo. Epedeme dimalamana, Godtapo wa꞉ dla sikemte siyemhalemama wa꞉ gademhalapo.”
864	GEN 30:33	Epapedeme itapu dla wa꞉ matle puame na꞉ aliya halo natilati dilikili siyapo mate epo dudulalimale siyapo mate epo popokalle siyapo mate natilipiye, wa꞉ na꞉ye ikadepe po-uhalalo wekele mleni dlepe.”
887	GEN 31:13	Epapedeme na꞉ye wa꞉ta duka dla puame Betel mo dla ellati wa꞉ dla malame woyamuwa Godpo. Wa꞉tapo mo edla ewalaye oloma hitomeleme dakopala ewala di dla sipame na꞉ dla yu itiyapo himiwapo. Epedeme wa꞉ Laban mate halaye memelepame ma-hapele wa꞉ mo ikadepe dla ilamtane,’ duwa.”
941	GEN 32:13	Amasiyama wa꞉tapo na꞉ dla yu itiyapo himmama, ‘wa꞉ mamadulotapo pasatamama asila some sesa꞉lowe pa꞉le hallepe,’ duwapo. Epame wa꞉ ma na꞉ watle atlemama ‘na꞉tapo wa꞉ mate halemama wa꞉ gadlalo hallowepo’ duwapo.”
1287	GEN 42:34	‘Amasiyama wua꞉ ei yemala tlo hema sempuaiya. Wua꞉tapo wua꞉ ei yemalaye na꞉ hala dla sempulati natilipiye, na꞉ eta wua꞉ yu dla mikadepe demama wua꞉ye powota꞉ pumulale so dlowepo,’ duwa. ‘Epalati na꞉tapo wua꞉ bapa Simiyonye amtuwale aya tle hamame woyamalati wua꞉tapo daya me-haloma demha꞉ha꞉lepe,’ duwa.”
1354	GEN 44:29	Epapedeme wua꞉tapo Benyamin ma seme tamama duka dla koko haletapo ya꞉ dla woyamelepiye, na꞉tapo dupa kolle pato natimama me-polope,’ duwapo.”
1455	GEN 48:3	Epame yami Yosep watle epo atlaiyo, “Itiyamale Godtapo mo-powataliya na꞉ye Keinan mo pato dulu dla Lus mo yemala dla pollati na꞉ watle woyapo epo atluwapo, ‘Na꞉tapo wa꞉ mamaduloye pasatepo mellowepo. Epalati wa꞉ opatapo pasatamama pato dlepe. Epame na꞉tapo Keinan mo iye wa꞉ mamadulo watle hamilowepo. Ta꞉la itapo yia꞉ hi mate kokó mepo ellepe,’ duwapo.”
1459	GEN 48:7	Epedeme na꞉tapo wa꞉ akimlala Eplaim mate epo Manase mateye wa꞉ wai Leisol ya꞉ akimlala ikadepe dlowepo. Adipalati, wa꞉ wai Leisoltapo Keinan mo dla dia꞉ye Padan Alam mo tle ma Epalat mo dla pumha꞉ha꞉mama duka dla pouwapo. Epalati na꞉tapo dupa kolle pato mate ya꞉ motoye Epalat dla tlalo api mateka꞉pi dla polomoluwapo.”
1491	GEN 49:17	Epame wa꞉ye kolape ilama some halemama hos aliya hete dla yiellati yota ta꞉la dla teyu demhallepe.”
1501	GEN 49:27	Amasiyama Benyamin wa꞉ye moko esemala epapele some hallepe. Wa꞉tapo wa꞉ dla opahale dlalo soye potipame yia꞉ alisisiye halopo puame wa꞉ opa dla hukulupo alema demhallepe.”
1584	EXO 3:4	Amasiyama Mosesta kulume pula natipame Godtapo dlapa ullumhala dulu tle ya꞉ watle epo sisilamaiyo, “Moses, Moses.” Epalati asiyama ya꞉ta epo atlaiyo, “Na꞉ ipo,” diyo.
1590	EXO 3:10	Epapedeme na꞉tapo wa꞉ye Isip so yia꞉ dokopala oplami Pelo hala dla tane dema, wa꞉tapo na꞉ opa Isalael soye eleme Isip mo tle alikili dla woyamelepo depame.”
1602	EXO 3:22	Epame Isalael so wola꞉tapo yia꞉ mateka꞉pi dla ha꞉ha꞉lalo Isip so wola꞉ dla tame gold ewala mate epo silba ewala mateta mimita꞉pele alisisi mate epo kapala alisisi mate dlalepo halopame ma yia꞉ yimlala dla didiyemellepe. Epapele koko tle Isalael sotapo Isip so alisisi ka꞉ka꞉dle hapulomaye halopame alikili dla woyamelepe.”
1607	EXO 4:5	Epalati Godtapo epo atlaiyo, “Dali ku i mate Isalael so opa mila꞉pi tle ipapele koko halepe. Epalati yia꞉tapo ikadepe na꞉tapo wa꞉ dla woyamana depame mikadepe dlepe. Ame adipalati, na꞉ye yia꞉ mamadulo A꞉iblaham mate epo Aisek mate epo Yokob mate yia꞉ Godpo.”
1634	EXO 5:1	Moses mate epo A꞉lon mate Isalael so dla yu atlamha꞉ha꞉po gudepame ma Pelo hala dla tame epo atlaiyo, “Isalael so dia꞉ Lod Godtapo wa꞉ watle epo atluwa, wa꞉tapo ya꞉ opaye hapele alikili a꞉ma woyamaiya dloweyo, yia꞉tapo dalupa dulu dla tame ya꞉ hi di dla ta꞉demama daya delepo depame duwa.”
1664	EXO 6:8	Epame na꞉tapo yia꞉ye na꞉ta A꞉iblaham mate epo Aisek mate epo Yokob mate dla yu itiyapo himiwa mo edla eleme tlowepo. Epame mo eye yiole ikadepe depame yia꞉ watle hamilowepo. Na꞉ye Godpo.”
1690	EXO 7:4	Amasiyama epapele dulu dla ya꞉ta koko eye tlapame ya꞉ dupa malamaleye ala pomeyelope dlowa, wua꞉ta alikili a꞉ma woyamoloweye. Amasiyama na꞉tapo na꞉ta itiyamale pato mate Isip so dla wotiyalle hamimama Isalael so elele hapulomaye eleme alikili a꞉ma woyamolowepo. Epalati Isip sotapo e natimama na꞉ye ikadepe God mleni dlepe.”
1715	EXO 7:29	Epame gulugulepitapo ma Pelo dla epo ya꞉ oko so dla epame ya꞉ mo so dla hehetamyelepe.”
1762	EXO 9:19	Epedeme poka꞉dena Pelo ya꞉ opa mate epo ya꞉ aliya halo mate haliyamale dla ha꞉ha꞉loweye, yia꞉ta hapulomatapo woloma aya dulu dla ha꞉ha꞉lepe. Adipalati, na꞉tapo iyela tiyo patoto ewala sepeleye tulune dlowepo. Epapele dulu dla opa mate epame aliya halo mate ala me-haliyamale dla siyamyelepiye, tiyo ewala sepeleta di tle helemama yia꞉ye potimelepe.”
1843	EXO 12:26	Epapele dulu dla wua꞉ yimlalatapo ‘daya dele koko iye apa kokota꞉?’ dlati ma asiyama wua꞉ta yia꞉ watle epo atellepe, ‘Iye Godta Namilatale daya delepo,’ dlepe. ‘Adipalati, Godta Isip mo dulu dla malame sela꞉mama itapu hohomale akimlala hapuloma tlo potimama asiyama Isalael so dia꞉ akimlala tlo me-pomeluwapo,’ dlepe.” Mosesta epo atla dalepame Isalael sotapo God dla heoheodepo popa꞉mama ya꞉ hi di dla ta꞉diyo.
1866	EXO 12:49	Epame Isalael so mape me-epapena. Yia꞉ dulu dla kapala pokotimalalo wekele so opa ha꞉ha꞉lepiye, yia꞉ mape Godta Namilatale daya dele iye podlowa.”
1884	EXO 13:16	Epedeme God watle alinepi poyupo hapilowe koko itapo wua꞉ do dla epo wua꞉ daptala dla ulu epapele some hutiyelepe. Adipalati, wua꞉tapo Godta itiyamaleta wua꞉ye eleme Isip mo tle alikili dla woyamale kokoye wowelilala depame.”
1907	EXO 14:17	Epame na꞉tapo Pelo mate epo ya꞉ opa mate yia꞉ dupa malamaleye kokalepo mellati yia꞉tapo wua꞉ alotle dodolomelepe. Amasiyama na꞉ta yia꞉ watle halowe kokotapo opa hapuloma dla na꞉ta itiyamale kokoye nati-iliwepo. Epalati Isip sotapo na꞉ye ikadepe God mleni dlepe.”
1939	EXO 15:18	God, wa꞉ta dokopala depo hallowe kokotapo kokó halepo hallepe.”
1953	EXO 16:5	Amasiyama alila 6 umulati tlo dayaye alila dapiyamte dulu dla dlowe mate ala꞉le halepe.”
1964	EXO 16:16	Epedeme ya꞉tapo epo atlamuwapo, ‘Wua꞉ dulu dla daya i halomama isikimi wua꞉ kimna꞉ya dulu dla ha꞉ha꞉lalo so mate ala꞉le tlo halomelepe,’ duwapo.”
1974	EXO 16:26	Epapedeme wua꞉ alila 6 dulu dla daya haloma demha꞉ha꞉lepe. Amasiyama alila 7ye dita isikimi hedepo popa꞉mama God dla inoma sumuluwe alilapo. Epedeme wua꞉ alila edla daya amko hale ponatilowa.”
2039	EXO 19:12	Epedeme opata siyamama tamali kikiwi isili ikadepe edla pumullala depame sukulu himine. Adipalati, oplami antapo epame alinepi aditapo holomsela꞉mama sukulu himili eye me-tla꞉mtame tamali umulupiye, ya꞉ye ewala mate kelepo yumilipe o tota suma꞉himilipe. Epapele dulu dla oplami haletapo epo yumili oplami motoye po-umuluwa. Amasiyama hulutapo sisilamelepiye, eta opatapo sukulu himili edla puame alumelepe.”
2069	EXO 20:17	Epame ya꞉mkale alisisi natipame etlo na꞉ta꞉ halowo depame solotamale himila aiyalma. Epapele dulu dla ya꞉mkale aya mate epo ya꞉mkale ya꞉llu mate epo ya꞉ oko so mate epo ya꞉ halo mate epo ya꞉ alisisi hapuloma mateye na꞉ta halomolowo depame solotamale himila aiyalma.”
2497	EXO 33:23	Epame na꞉ta wa꞉ye ma-tla꞉mtamama wa꞉ta isikimi na꞉ ko tlo natilipo depame wa꞉ye ma haliyamale dla pamollowepo. Adipalati, opata na꞉ mila꞉pi ikadepeye natilowe pta aiyalma.”
23244	MAT 2:6	‘Betliyem so, Yuda mo pato dulu dla wua꞉ moye yimka꞉malapo. Amasiyama wua꞉ mo yimka꞉mala etle dokopala hallowe oplamiye pulupe. Ya꞉tapo na꞉ opa Isalael soye omhallepe,’ demduwapo.”
23253	MAT 2:15	Yia꞉ edla tame Helodta polopo depame omha꞉ha꞉iyo. Epedeme koko ita mo-woyamaiyo, Lodtapo ya꞉ tle yu hapame molo atlalo oplami mati tle atlale yuta mikadepe dlowedeme. Yu eye ipo, “Isip mo dulu tle na꞉tapo na꞉ maseyemalaye sisilamuwapo.”
23264	MAT 3:3	Epedeme Yon opa yú dla ka꞉ka꞉timalalo oplami kokoye God tle yu hapame molo atlalo oplami Aisayata ipo atluwapo, “Oplami haletapo dalupa dulu dla yu ipo teta꞉mhalapo, ‘Lod apiye dinapiya. Epame ya꞉ apiye ka꞉depo dolepo himiya,’ demhalapo.”
23273	MAT 3:12	Ya꞉tapo witi daya mate epo daya kasili mate duka gladlowedeme ya꞉ oko alisisi mate ma-dinapopo halapo. Ya꞉ta witi daya mate epo kasili mate duka gladepame daya siyapo tlo aya dla kolumelepe. Epame asiyama daya kasili tlo posumtlalo wekelalo dlapa dla mistlepe.”
23294	MAT 4:16	Opa amtuwale dulu dla ha꞉ha꞉lalo so, wua꞉ hela꞉dle pato natilipe. Epame powaleta bopudepo ha꞉ha꞉lalo so, wua꞉ dla hela꞉dle patota pulupe.”
23329	MAT 5:26	Epedeme na꞉ ikadepe kokoye atlema, wa꞉ amtuwale aya dulu edla halemama alikili dla woyamolowe apiye ponatilowa. Amasiyama wa꞉tapo ya꞉ta sale mani sukulu mate ala꞉po himilipiye, eta wa꞉ye alikili dla woyamelepe.”
23335	MAT 5:32	Amasiyama na꞉ matle koko hema wua꞉ watle ipo atlema, wa꞉ a꞉ya pomellowa. Epapele tlope dulu hema a꞉yatapo oplami hale uhalepiye, wa꞉ eta ka꞉dena, wa꞉ a꞉ya e memelloweye. Amasiyama wa꞉ isikimi koko pa꞉le wa꞉ a꞉ya e memellepiye, etapo a꞉ya eye batalimale koko dla semtullupe. Adipalati, dulu edla a꞉ya etapo ma oplami hale halepiye, ya꞉ oplami eye uhapo. Epame oplami mape a꞉ya eye uhapo.”
23340	MAT 5:37	Epedeme wa꞉ koko hale halowedeme solotamelepiye, isikimi ‘yao, na꞉ me-solotama’ dlepe. Epame koko hale halowe allipiye, isikimi ‘hao, na꞉ posolotamasema’ dlepe. Adipalati, wua꞉ta pe-epapalalo isikimi aiyalma tlo selepiye, wa꞉ yu eye Saiten tle pua atlapo.”
23354	MAT 6:3	Epedeme wa꞉ atali so watle alisisi halopiliwedeme apelepiye, wa꞉ hemele yia꞉ watle halopilipe. Epalati wa꞉ A Godta wa꞉ta hemele ka꞉dle koko ha e natipame wa꞉ watle asiyama hamilipe.”
23366	MAT 6:15	Amasiyama wua꞉tapo wua꞉ amkadulota wua꞉ dla bobtalimale koko halati yia꞉ bobtalimaleye powelilalo wekelepiye, asiyama wua꞉ Atapo wua꞉ bobtalimaleye pohiyotipo welilowa.”
23369	MAT 6:18	Wa꞉ta epo pollopiye, opata wa꞉ta daya dimi hala kokoye pomalanatilowa. Amasiyama opata ponatilalo wekelalo A Godtapo wa꞉ta hemele daya dimi pola kokoye natipame wa꞉ watle asiyama ka꞉dle hamilipe.”
23385	MAT 6:34	Epedeme wua꞉ iyelata koko halopo puluwe dla ase sikemte momalamha꞉ha꞉miya. Adipalati, iyela kokoye e iyela kokopo. Amasiyama wua꞉ wata alila dla koko wowoyamolowe tlo momalamaiya.”
23391	MAT 7:6	God watle halopiliwe alisisiye esemala watle halopimiya. Adipalati, esemalaye isikimi ilame wa꞉ yellepe. Epame wa꞉ dla ka꞉ka꞉dle alisisi hutiyeye aliya dla pololemiya. Adipalati, aliyata alisisi eye dlolemsela꞉mama batalimelepe.”
23397	MAT 7:12	Wua꞉ apa kokoye opata wua꞉ dla halepo depo solotamelepiye, ka꞉dena, wua꞉ tatle yia꞉ dla epapele kokoye halepe. Adipalati, Mosesta aiyalma hatitimale mate epo God tle yu hapame molo atlamalalo sota hatitimale mateta imale yia꞉ dulu kokoye ipo.”
23399	MAT 7:14	Amasiyama pasakalo apiye pta yimka꞉mala. Epame api edla ulatulalo kokoloma ma pta yimka꞉mala. Epame isikimi opa pastotapo api e natipame api etle tamhalapo.”
23412	MAT 7:27	Adipalati, sokomoko mate tiyo mate ya꞉ aya dla puame heyulati ayata pokokallalo dokalamhamastauwapo.”
23423	MAT 8:9	Adipalati, na꞉ ma opa opi isili tle oko hamhalemama yia꞉ yu dla salladepo sela꞉mdepo. Epame opa opi mape na꞉ isili tle ha꞉ha꞉mama na꞉ yu dla salladepo siyamdepo. Epedeme na꞉ta na꞉ oko oplami hale watle, ‘huma tane,’ dlati ya꞉ edla tamdepo. Epame ma hale watle atlemama, ‘hema puane,’ dlati ya꞉ ma pumdepo. Epame matle hale watle, ‘wa꞉ koko i hane,’ dlati ya꞉ ma koko e hamdepo. Epapedeme wa꞉ mape isikimi yu tlo atlane, na꞉ oko oplamita ka꞉dlepo depame.”
23431	MAT 8:17	Epedeme God tle yu hapame molo atlalo oplami Aisayata atlamale yu mate ala꞉lowedeme apiyo. Adipalati, ya꞉ta ipo atluwapo, “Ya꞉tapo dia꞉ dla hutiye esusulumale koko hapulomaye ma ya꞉ta halomama dia꞉ tlo ka꞉ka꞉depo meluwapo.”
23461	MAT 9:13	Epedeme God yu buka dla ipo atlapo, ‘Na꞉ ya꞉mkale gadlowe tlo sikemte malamama asiyama wua꞉ta na꞉ dla alinepi poyupo hapilowe koko tlo pase malamasemde,’ depo. Epapedeme wua꞉ tame yu ipo atla ya꞉ dulu kokoye woloma totamaiya. Adipalati, na꞉ta puwaye, ka꞉ka꞉dle soye sisilamolowedeme popuana. Amasiyama bobtalimale so tlo sisilamolowedeme puwapo.”
23465	MAT 9:17	Epedeme matle oplamitapo wain yú amkoye aliya kapalata ita iwale takala dla posimasemde. Adipalati, wain yú amkota itiyamama aliya kapalata iwale ita takalaye gladlati wain yúye alikili dla olotlepe. Epapedeme ka꞉dena, wain yú amkoye woloma aliya kapalata iwale ita amko dla simoloweye. Epapelepiye, eta wain yú mate epo ita mate pobatalimolowa.”
23501	MAT 10:15	Epedeme na꞉ mikadepe koko wua꞉ dla atlema. Koko gladle oloma edla wua꞉ alilalo so epapeleye asiyama sikemte wotiyalle pato halepe. Amasiyama Sodom so mate epo Gomola so mate yia꞉ asiyama wotiyalle yimka꞉mala halepe.”
23519	MAT 10:33	Amasiyama oplami antapo opa mila꞉pi tle halemama ya꞉ta na꞉ dla mikadepe dle kokoye botomastlowe wota꞉lepiye, asiyama na꞉tapo na꞉ A God Pepele di dla hala ya꞉ mila꞉pi tle ya꞉ye welliwepo.”
23525	MAT 10:39	Epedeme oplami antapo ya꞉ pasakalo meyelo omhalli dlepiye, ya꞉ pasakaloye haodlepe. Amasiyama oplami antapo na꞉ koko dla ya꞉ pasakalo haodlepiye, ya꞉ halepo halepo pasakalo halepe.”
23528	MAT 10:42	Epame oplami antapo na꞉ dolumalalo oplamita yú ta꞉lati yú tipo hamilipiye, ya꞉ ma asiyama pato halepe. Epedeme koko iye ikadepepo.”
23534	MAT 11:6	Epapedeme opa anawolota na꞉ koko tle pokustamtlalo wekelepiye, Godta yia꞉ dla siyelepe.”
23543	MAT 11:15	Epedeme molo watalo so, wua꞉ yu iye woloma daliya.”
23552	MAT 11:24	Amasiyama na꞉ wua꞉ dla atlema, Godta koko gladle oloma edla Sodom mo so dla wotiyalle yimka꞉mala hamilipe. Amasiyama Kapaniyem so wua꞉ dla wotiyalle pato hamilipe.”
23554	MAT 11:26	Yao A, ikadepe, koko iye wa꞉ta solotamale kokopo.”
23558	MAT 11:30	Adipalati, na꞉ta imale koko wua꞉ dla hamilowedeme halaye pase kokalena. Epame na꞉tapo wua꞉ta didiyepo telepo depame alisisi kokomale hamilowedeme hala iye pta sikemte holokamana.”
23566	MAT 12:8	Adipalati, Opa Yamitapo wua꞉ta inoma sumalalo alilaye ya꞉ta dokopala depo halapo.”
23570	MAT 12:12	Epapedeme God mila꞉pi tle sipi aliyatapo koko pato pohalasema. Hao. Oplamitapo koko pato halapo. Epapedeme oplamitapo dita inoma sumalalo alila dla ka꞉dle koko haloweye aiyalma kokota pobatalimana desema.”
23579	MAT 12:21	Epapedeme ya꞉ hi tle po-Yu so opa hapulomatapo yia꞉ta omha꞉ha꞉mama dalemha꞉ha꞉ pasakaloye halepe.”
23590	MAT 12:32	Epedeme oplami antapo Opa Yami dla batalipo putlopo atlepiye, Godtapo ya꞉ batalimaleye howahapo hiyostlepe. Amasiyama oplami antapo Hela꞉dle Soko dla batalipo putlopo atlepiye, ya꞉ kokó elepo ellalo batalimale hapo. Epedeme ya꞉ batalimaleye Godtapo pohowahapo hiyostlowa.”
23595	MAT 12:37	Epedeme Godtapo wa꞉ koko glademama mowolo yu adipo atlamsela꞉mduwa yu e mate wa꞉ kokoye gladlepe. Epapele dulu dla wa꞉ yu ka꞉ka꞉dle tlo atlamsela꞉mduwayo, ya꞉tapo wa꞉ye ka꞉dle oplami dlepe. Amasiyama wa꞉ yu bobtalimale tlo atlamsela꞉mduwayo, ya꞉tapo wa꞉ye batalimale oplami dlepe.”
23600	MAT 12:42	Epame koko gladle oloma dla Siba mo dokopala a꞉ya mape wua꞉ mate koko gladle dla halemama wua꞉ kokoye gladepo wua꞉ye batalimale so dlepe. Adipalati, ya꞉tapo mo pateka꞉mu tle pato oplami Solomonta imale koko dalla puwapo. Amasiyama na꞉ta Solomonye tla꞉mtame halapo. Epapele tlope wua꞉tapo na꞉ yuye dalla allipo.”
23603	MAT 12:45	Epalati ya꞉ ma tame bataliya yimlala opi 7 sikemte i-itiyamale tlo elempuame aya edla hallepe. Epapelepiye, oplami itapo ya꞉ta ka꞉yapa haluwaye memelepame ma sikemte batalipo hallepe. Epapedeme wata oloma hema batalimale dulu dla ha꞉ha꞉lalo so dla epapele kokota woyamelepe.”
23608	MAT 12:50	Adipalati, opa anawolotapo na꞉ A Pepele di dla halata solotamale koko halomha꞉ha꞉lepiye, ewoloye na꞉ eidulopo, epo notimadulopo, epo na꞉ waidulo ikadepepo.”
23617	MAT 13:9	Epedeme molo watalo so opa, wua꞉ yu i daliya.”
23625	MAT 13:17	Epedeme na꞉ wua꞉ watle ikadepe koko atlema. God tle yu hapame molo atlalo so ka꞉yapa ha꞉ha꞉uwa mate epo God mila꞉pi tle ka꞉ka꞉dle so opa matetapo wua꞉ta wata tlamde kokoye natilowa depame omha꞉ha꞉uwapo. Amasiyama yia꞉ potlamana. Epame wua꞉ta wata dlalemde koko mape dallowa depame omha꞉ha꞉uwapo. Amasiyama yia꞉ podalena.”
23631	MAT 13:23	Epapalati opa opitapo witi daya ale ta꞉la ka꞉dle dla teteyuli epapele some ha꞉ha꞉po. Yia꞉tapo God yu dalepame woloma hamdepo. Epammama yia꞉ta dlomoko milimama opita 100 dlomoko milimdepo, epo opita 60 dlomoko milimdepo, epo opita 30 dlomoko milimdepo.”
23640	MAT 13:32	Amasiyama dlomoko ale yemala etapo peyapame ta꞉lepiye, osalo dulu edla dlomoko dali eta pato hallepe. Epalati teatapo puame ya꞉ dlo dla eto tilimyelepe.”
23643	MAT 13:35	Ya꞉ta ipapele koko halomsela꞉uwaye God tle yu hapame molo atlalo oplamita atluwa koko mate ala꞉lowedeme apuwapo. Adipalati, ya꞉ta ipo atluwapo, “Na꞉tapo opa watle God yu imama wayu mate imsela꞉lowepo. Epame na꞉tapo ka꞉yapa ta꞉lamo kotiyamale tle hemele hahatiyopo hutiyele kokoye ma haliyamale dla bobotimatimelepe.”
23651	MAT 13:43	Amasiyama Godta ka꞉dena dle sotapo yia꞉ A God mo dla sali some silapompopa꞉lepe. Epedeme molo walle oplamitapo yu iye dallepe.”
23652	MAT 13:44	“Epapedeme Pepele dimo kokoye ipapena. Oplamitapo ta꞉la muwalemtamama oplami haleta mani sikemte pato mo-powataliya hemele hatiyomelleye natilipe. Ya꞉ mani e natipame matle ta꞉la mate kakapulomelepe. Epame ma siyele mate ya꞉ aya dla ilame tame ya꞉ alisisi hapulomaye opa watle hapipame asiyama mani tlo halepe. Ya꞉ epame mani e mate ta꞉la e halepe. Epammama dulu edla mani pato hemele hatiyomeleme ela eye e ma ya꞉tapo halepe.”
23654	MAT 13:46	Ya꞉ totamsela꞉mama moli sikemte ka꞉dle natilipiye, ya꞉ tame ya꞉ alisisi hapulomaye opa watle hapipame asiyama mani tlo halepe. Ya꞉ epame mani e mate moli ka꞉dle eye halepe.”
23658	MAT 13:50	Epame bobtalimale so tlope Dlapa mo dla ka꞉ka꞉timelepe. Epalati yia꞉tapo dulu edla a꞉lemha꞉ha꞉mama yia꞉ a꞉pe tetekelalimyelepe.”
23660	MAT 13:52	Epalati Yesuta yia꞉ watle epo atlaiyo, “Aiyalma imalalo oplami antapo Pepele dimo kokoye sikemte malastame hallepiye, ya꞉ye aya ya꞉ a epapele some halapo. Ya꞉tapo aya dulu etle alisisi amko mate epo takala mate halopo pua demhallepe.”
23716	MAT 15:14	Epedeme Pa꞉lisi soye dlomoko dali epapele some ha꞉ha꞉po. Wua꞉ yia꞉ ase sikemte malamiya. Yia꞉ inoma pa꞉talo so epapele some ha꞉ha꞉mama opaye elemtapo. Epapedeme inoma pa꞉le oplamitapo ya꞉mkale inoma pa꞉le oplami haleye semtlepiye, yia꞉ta madipatata munamu dulu dla teteyulupe.”
23722	MAT 15:20	Epedeme batalimale koko hapuloma itapo wa꞉ye batalimale oplami demdepo. Amasiyama do pohowahalalo daya dlomdetapo wa꞉ye pobatalimale oplami desemde.”
23747	MAT 16:6	Yia꞉ epo momalampopa꞉lati Yesuta yia꞉ watle epo atlaiyo, “Ka꞉e, wolomape! Pa꞉lisi so mate Sa꞉dusi so mate yia꞉ta imale kokoye daya haka꞉le sepena. Adipalati, daya amko ka꞉dleye daya haka꞉le mate dukumelepiye, daya amko ka꞉dleye batalimelepe.”
23752	MAT 16:11	Epedeme na꞉ daya kokoye wua꞉ watle po-atlana. Wua꞉ koko iye adipalati ala pomalamalalo popa꞉ma꞉? Amasiyama na꞉ta atlama kokoye wua꞉tapo Pa꞉lisi so mate epo Sa꞉dusi so mate yia꞉ta imale dla tullala depame wuskamu woloma omha꞉ha꞉lepo depo yu i atlalepo.”
23755	MAT 16:14	Epalati yia꞉ta ya꞉ watle epo atlaiyo, “Opa opitapo wa꞉ye Yon opa yú dla ka꞉ka꞉timalalo demdepo. Epame ma opita wa꞉ye Ilaya mle demdepo. Epalati asiyama opita wa꞉ye Yelemaya mle demdepo. Epame ma opita wa꞉ye God tle yu hapame molo atlamalalo so ka꞉yapa ha꞉ha꞉uwa oplami hale mle demdepo.”
23760	MAT 16:19	Epame na꞉ Pepele dimo kokoloma eloye wa꞉ watle hapilowepo. Epedeme wa꞉ apa kokoye ta꞉lamo hema polupo ellepiye, Pepele dimo dla ma mepo polupo ellepe. Epame wa꞉ apa kokoye ta꞉lamo hema towastlepiye, Pepele dimo dla ma mepo towastlepe.”