311	GEN 12:12	Epapedeme dita Isip mo dla tulupiye, mo sota di natipame ipo atlowe sepena, ‘A꞉ya iye ya꞉llupo,’ depame na꞉ye yummama wa꞉ tlo pomellowe sepena.
629	GEN 24:37	Epame ya꞉ta a꞉ya halowe koko dla ma na꞉ watle epo atluwa, ‘Wa꞉tapo na꞉ maseyemalata a꞉ya haloweye Keinan mo a꞉yaye sempulala depame God hi tle yu itiyapo himine.
631	GEN 24:39	Epalati asiyama na꞉ta ya꞉ dla epo atluwa, ‘A꞉ya ipilalo eta na꞉ mate puluwe allipiye, na꞉ adipapopa꞉?’ duwa.
632	GEN 24:40	Epalati asiyama ya꞉ta epo atluwa, ‘Na꞉ta mikadepe dlalo Godtapo ya꞉ banakaka oplamiye wa꞉ mate tane dlepe, wa꞉ gadlepo depame. Epalati wa꞉tapo na꞉ maseyemala Aisek ya꞉lluye na꞉ opa ikadepe dulu dla natilipe.
932	GEN 32:4	Yokobtapo ya꞉ yu hamtlalo so taiya demama yia꞉ watle epo atlaiyo, “Wua꞉ tame na꞉ bapa Iso watle yu ipo atlaiye, ‘Na꞉ye Yokobpo, ya꞉ yu dla salladepo sela꞉lalo oplami. Na꞉tapo Laban mate halepo gudepame ma wata ya꞉ hala dla ilame pumhalema,’ diye. Epame ya꞉ dla ma ipo atellepe, ‘Na꞉ye na꞉ bulumkiyawa aliya mate epo donki aliya mate epo sipi aliya mate epame na꞉ oko so mate puma,’ diye. Epame matle ya꞉ watle epo atlaiye, ‘Na꞉ yu iye ya꞉ dla hamima, ya꞉tapo na꞉ta pua kokoye momolo malapame na꞉ye sadle mate selepo depame,’ diye,” diyo. Epapeleye ya꞉tapo ya꞉ opa watle yu ipo atlepame ya꞉ bapa Iso hala dla taiya diyo. Epalati yia꞉tapo tame ya꞉ bapa Isoye Seil mo dla hallati natipame yu eye atlamaiyo.
941	GEN 32:13	Amasiyama wa꞉tapo na꞉ dla yu itiyapo himmama, ‘wa꞉ mamadulotapo pasatamama asila some sesa꞉lowe pa꞉le hallepe,’ duwapo. Epame wa꞉ ma na꞉ watle atlemama ‘na꞉tapo wa꞉ mate halemama wa꞉ gadlalo hallowepo’ duwapo.”
1284	GEN 42:31	Amasiyama epalati ditapo asiyama ya꞉ watle epo atluwa, ‘Dia꞉ye ikadepe wota꞉ popuwana.
1348	GEN 44:23	Amasiyama wa꞉tapo di watle epo atluwapo, ‘Wua꞉ta wua꞉ ei yemala posempulalo wekelepiye, wua꞉ matle puame na꞉ mila꞉pi ponatilowa,’ duwapo.
1357	GEN 44:32	Epame na꞉ matle na꞉ a watle ipo atluwa, ‘na꞉tapo Benyamin wa꞉ hala dla ma ilame posempulalo wekelepiye, e na꞉ batalimalepo, monolo asiyama halowepo,’ duwapo.
1455	GEN 48:3	Epame yami Yosep watle epo atlaiyo, “Itiyamale Godtapo mo-powataliya na꞉ye Keinan mo pato dulu dla Lus mo yemala dla pollati na꞉ watle woyapo epo atluwapo, ‘Na꞉tapo wa꞉ mamaduloye pasatepo mellowepo. Epalati wa꞉ opatapo pasatamama pato dlepe. Epame na꞉tapo Keinan mo iye wa꞉ mamadulo watle hamilowepo. Ta꞉la itapo yia꞉ hi mate kokó mepo ellepe,’ duwapo.”
1524	GEN 50:17	‘Wua꞉ta mo-powataliya Yosep watle batalimale koko hauwaye, wua꞉ asiyama ya꞉ watle namkale dle yu atlaiya, ya꞉tapo wua꞉ batalimaleye wellipo depame,’ duwa. Epapedeme Yosep, di wa꞉ dla otele pato himma, wa꞉tapo dita mo-powataliya wa꞉ dla batalimale koko hauwaye wellipo depame. Adipalati, dia꞉ye di a ya꞉ God yu dla salladepo siyamalalo sopo,” diyo. Amasiyama Yoseptapo ya꞉ bapadulota yu hamili i dalepame dupa kolomama sikemte amaiyo.
23324	MAT 5:21	“Epedeme Godtapo mo-powataliya di mamadulo dla yu ipo atluwaye wua꞉ ma-daluwapo, ‘Ya꞉mkale yumula aiyalma, epame ya꞉mkale yumulalo oplamiye koko gladle dla hamamhetlepe,’ duwa kokoye.
23330	MAT 5:27	“Epedeme wua꞉ yu ipo atlati ma-daluwapo, ‘Ya꞉mkale a꞉ya uhala aiyalma’ duwa kokoye.
23453	MAT 9:5	Wua꞉ akoloyale oplami i natiya. Ya꞉ dla adipo atlowe tlo kokaleta꞉? ‘Na꞉ta wa꞉ batalimaleye ma-hiyostalepo,’ dlowe kokota kokaleta꞉? O ‘Wa꞉ sila꞉time ma-tane,’ dlowe kokota kokaleta꞉?
23538	MAT 11:10	Adipalati, God yu buka dla ipo atlaleye Yon koko atlapo, ‘Na꞉tapo na꞉ yu hamsela꞉lalo oplami tatle tane dlowepo. Ya꞉tapo wa꞉ apiye dinapelepo depame,’ depo.
23621	MAT 13:13	Na꞉tapo opa watle wayu mate imsela꞉mdepo. Adipalati, ‘yia꞉tapo natimama ya꞉ dulu kokoye woloma ponatilalo wekelepo depame. Epame yia꞉tapo dalepame woloma ya꞉ dulu kokoye pomalamalalo wekelepo depame.’
23823	MAT 18:27	Epalati dokopala oplamita ya꞉ye sikemte polowamama ya꞉ watle epo atlaiyo, ‘Wa꞉ta na꞉ mani hauwa asiyama dla wa꞉ta na꞉ watle alotle hamili dleye memelene. Adipalati, na꞉ ma koko eye mo-welima. Epedeme wa꞉ siyele mate tane,’ diyo.
23824	MAT 18:28	Epalati oko oplamita ma ilame tamama natilati ya꞉mkaleta pula natiyo. Oplami itapo oko oplami ya꞉ tle mani pastoye isikimi samta haiyo. Epapeleye oko oplami etapo ya꞉ natipame tumuku dla hamame popokalemama epo atlaiyo, ‘Wa꞉ta na꞉ tle mani hauwaye wata asiyama mesowaye na꞉ watle hamine,’ diyo.
23828	MAT 18:32	Epalati dokopala oplamita koko i dalepame ya꞉ oko oplami eye sisilapame ya꞉ watle epo atlaiyo, ‘Wa꞉ye sikemte batalimale oplami ikadepepo. Wa꞉ta isikimi yepa꞉ta na꞉ mani pato hapame ma alotle himiloweye wa꞉ dla po-ala꞉lalo wekelati na꞉ta wa꞉ye polowamama mope memelene duwapo.
23830	MAT 18:34	Epo atlepame dokopala oplamitapo siyalademama ya꞉ oko oplami e watle epo atlaiyo, ‘Wa꞉ta wa꞉ amkale popolowamalalo amtuwale aya dla ka꞉staleye, na꞉ ma asiyama wa꞉ye mepo amtuwale aya dla ka꞉stlowepo. Epame wa꞉tapo na꞉ tle mani pato isikimi samta hauwaye ma mesowa himilipe,’ diyo.”
23916	MAT 21:21	Epalati Yesutapo asiyama yia꞉ watle epo atlaiyo, “Na꞉ ikadepe koko wua꞉ watle atlema. Wua꞉ mikadepe depo ha꞉ha꞉mama malamale potatlamalalo hallepiye, na꞉ta dali hema koko halëye wua꞉ ma epapele koko haloweye ala꞉lepe. Epame hatlo koko ipapele tlo pohalomolowa. Amasiyama wua꞉ koko opi patoto ma me-halomelepe. Epammama wua꞉ta tamali hema atlemama ‘wa꞉skamu dokastapame yú dulu dla tulune,’ dlepiye, koko eta mepapelepe.
23973	MAT 22:32	‘Na꞉ye A꞉iblaham ya꞉ Godpo, epo Aisek ya꞉ Godpo, epame Yokob ya꞉ Godpo,’ duwapo. Epapedeme God iye popalli so yia꞉ God. Hao, pasakalo ha꞉ha꞉lalo so yia꞉ Godpo.”
23980	MAT 22:39	Epame ya꞉ ko tle aiyalma hale pato me-epapele sepeleye ipo, ‘Wa꞉ta wa꞉skamu sikemte malamdiye, epammama wa꞉ amkale ma sikemte malamhalane.’
24083	MAT 25:6	Epame mo-utula꞉la dukuslopi dla oplami haletapo yu teta꞉le mate epo atlaiyo, ‘A꞉ya hala pulalo oplamiye mo-mateka꞉pi dla pumhalemo. Epedeme wua꞉ tame ya꞉ye umaiya,’ diyo.
24122	MAT 25:45	Epalati dokopala oplamitapo asiyama epo atellepe, ‘Na꞉ta wua꞉ watle ikadepe koko atlema. Wua꞉ta opa opi gadla allimduwaye na꞉ dla ammduwapo,’ dlepe.
24238	MAT 27:40	Epamyemama ya꞉ watle epo atlamyaiyo, “Wa꞉ta ipo atluwapo, ‘Na꞉ta aiyalma ayaye dokostapame ma alila dapahatlope dulu dla amko halepe,’ duwapo. Epapedeme wa꞉ ikadepe God Yami dlepiye, wa꞉ dali yekelemhimili di tle malame wa꞉skamu wa꞉ gadene,” demyaiyo.
24260	MAT 27:62	Epo alallati Yu sota inoma sumalalo alila dla aiyalma aya dokopala so mate epo Pa꞉lisi so mateta Paelet hala dla tame ya꞉ watle epo atlaiyo, “Isikimi mala-atlalo oplami Yesu itapo epo atlemduwapo, ‘Na꞉ye wabasi dulu dla alila dapiyamte elepame ma dapahatlope alila dla sila꞉tilowepo,’ demduwapo.
24338	MRK 2:9	Wua꞉ akoloyale oplami i natiya. Ya꞉ dla koko adipo atlowe tlo kokaleta꞉? ‘Na꞉ta wa꞉ batalimaleye ma-hiyostalepo,’ dlowe kokota kokaleta꞉? O, ‘wa꞉ sila꞉time wa꞉ wa꞉ya hame ma-tane,’ dlowe kokota kokaleta꞉?
24661	MRK 10:4	Epalati yia꞉ta epo atlaiyo, “Mosesta di watle imama ‘a꞉ya memellowedeme isikimi a꞉ya mellalo pepa tlo ilipo, a꞉yaye ma-tane de demha꞉ha꞉iye,’ duwa.”
24768	MRK 12:26	Wua꞉ Mosestapo ya꞉ buka dla palli sota matle pasakalo depo silliwe koko dla ilimaleye posesa꞉lalo wekuwa? Adipalati, yu eye dalupa asiyale dulu tle dlapata hamdemhallati Godta dlapa dulu tle Moses watle epo atluwapo, ‘Na꞉ye A꞉iblaham ya꞉ Godpo, epo Aisek ya꞉ Godpo, epame Yokob ya꞉ Godpo,’ duwapo.
24924	MRK 15:29	Epalati opata api tle tetla꞉po tamhalemama Yesu natipo yia꞉ dokopala popokalimyemama ya꞉ watle batalipo tetlemyaiyo. Epamyemama ya꞉ watle epo atlamyaiyo, “Wa꞉ ipo atluwapo, ‘Na꞉tapo aiyalma ayaye dokostapame ma alila dapahatlope dulu dla amko halepe’ duwapo.
25199	LUK 5:23	Wua꞉ akoloyale oplami i natiya. Ya꞉ dla adipo atlowe tlo kokaleta꞉? ‘Na꞉ta wa꞉ batalimaleye ma-hiyostalepo,’ dlowe kokota kokaleta꞉? O, ‘Wa꞉ sila꞉time ma-tane,’ dlowe kokota kokaleta꞉?
25284	LUK 7:20	Epalati yia꞉ tame Yesu watle epo atlaiyo, “Yon opa yú dla ka꞉ka꞉timalalo oplamita dia꞉ye wa꞉ watle taiya demama yu ipo hami, ‘Wa꞉ye ikadepe Keliso, dita omha꞉ha꞉uwa oplamita꞉? O di ala oplami hale me-omha꞉ha꞉pa꞉?’ de,” diyo.
25291	LUK 7:27	Adipalati, God yu buka dla ipo atlaleye Yon koko atlapo, ‘Na꞉tapo na꞉ yu hamsela꞉lalo oplami tatle tane dlowepo. Ya꞉tapo wa꞉ apiye dinapelepo depame.’
25324	LUK 8:10	Epalati Yesu asiyama yia꞉ watle epo atlaiyo, “Wua꞉tapo God ya꞉ mo kokoye malastlepe. Adipalati, ka꞉yapa Godta ya꞉ mo kokoye hemele hatiyomme eluwaye wata wua꞉ dla botomastapo. Amasiyama opa opi dla na꞉ wayu siyapo tlo atlemde. Adipalati, ‘yia꞉tapo natimama ya꞉ dulu koko woloma ponatilalo wekelepo depame. Epame yia꞉tapo dalepame woloma ya꞉ dulu kokoye pomalamalalo wekelepo depame.’
25523	LUK 11:49	Epapedeme Godta wua꞉ta koko halomha꞉ha꞉ kokoye ya꞉ tatle ma-natipame epo atluwapo, ‘Na꞉tapo God tle yu hapame molo atlamalalo so mate epo taiya dle so mate Isalael so dla taiya dlowepo. Amasiyama yia꞉tapo opi tlo potimama opi tlo isikimi wotiyalle tlo hapilipe,’ duwapo.
25631	LUK 14:9	Epalati aya yotapo wa꞉ watle epo atellepe, ‘Wa꞉ta pola eye pato oplamita pollopo. Epedeme wa꞉ sila꞉time alo tiyama dla tuwame polane,’ dlepe. Epalati wa꞉ sikemte wota꞉le mate alo ikadepe dla tuwame pollope.
25669	LUK 15:12	Epapeleye alila haleta ya꞉ ei yemalatapo ya꞉ a watle epo atlaiyo, ‘Wa꞉ta polati na꞉ta wa꞉ alisisi halomoloweye momolo wata na꞉ watle halopine,’ diyo. Epalati ya꞉ atapo ya꞉ akimlala dapiyamte dulu dla ya꞉ alisisiye duka hukulupo halopiyo.
25686	LUK 15:29	Amasiyama ya꞉ta ya꞉ a watle epo atlaiyo, ‘Na꞉tapo sokomoko hapuloma dulu dla wa꞉ oko oplami some wa꞉ yu dla salladepo sela꞉mama oko pato hamhaluwapo. Epapele tlope wa꞉ gaut aliya halo yemalaye na꞉ watle yumpo wa꞉ amkadulo mate dene pe-epamdena.
25694	LUK 16:5	Epo malapame ya꞉tapo ya꞉ dokopala oplami dla alisisi isikimi dota halomha꞉ha꞉le soye sisilalimaiyo. Epame ka꞉yapa oplami hale watle epo atlaiyo, ‘Wa꞉ta na꞉ dokopala oplami dla apa alisisi hauwaye ma asiyama ilame pohamilalo halema꞉?’ diyo.
25696	LUK 16:7	Epame mani omhallalo oplamitapo ma oplami hale watle epo atlaiyo, ‘Wa꞉ta na꞉ dokopala oplami dla apa alisisi halomuwaye ma asiyama ilame pohamilalo halema꞉?’ diyo. Epalati asiyama ya꞉ta epo atlaiyo, ‘Na꞉ 100 yekalo dla palawa daya atilimale halomuwaye asiyama ala pohamilalo halema,’ diyo. Epalati asiyama mani omhallalo oplamita ya꞉ watle epo atlaiyo, ‘Dokopala oplami ya꞉ bukaye ipo. Epedeme wa꞉ hapele polomama buka hema wa꞉ta 100 yekalo dla palawa daya atilimale halomuwaye hiyostapame ma isikimi 80 yekalo dla atilimale tlo halomuwa dene,’ diyo.
25697	LUK 16:8	Amasiyama ya꞉ dokopala oplamitapo koko i dalepame ya꞉ mani batalipo omhallalo watle epo atlaiyo, ‘Wa꞉tapo wata opa opi gagadletapo ma alotle wa꞉ gadlepe,’ diyo.” Epapedeme Yesu ma epo atlaiyo, “Yao, ta꞉lamo sotapo yiskamu yia꞉ tlo malamama yimkadulo tle gadle halowe api hapulomaye sikemte malastana. Amasiyama God ya꞉ opaye epapele koko haloweye pase malamasemde.
25720	LUK 16:31	Amasiyama A꞉iblahamta ma epo atlaiyo, ‘Yia꞉tapo Mosesta aiyalma hatitimale mate epo God yu molo atlamalalo sota God yu hatitimale mate dla dalepame pomikadepe dlalo wekelepiye, yia꞉ adipammama mo-powale oplamita puame atlati mikadepe depa꞉?’ diyo.”
25730	LUK 17:10	Epapedeme wua꞉ ma epapolowe ka꞉pi. Wua꞉ apa kokoye na꞉ta wua꞉ watle haiya dlepiye, wua꞉tapo koko e halopame ma epo atlowe tlo ka꞉pi, ‘dia꞉ye isikimi oko so. Epapedeme di dita oko hamsiyama iye koko hale halowa depo po-aposema’ dlepe,” diyo.
25816	LUK 19:16	Epalati itapu hallalo oplamita puame epo atlaiyo, ‘Wa꞉ta na꞉ watle mani oplami dokopala walle hamiwa e mate alisisi aya tipo halemama ma mepapele 10 halomuwa,’ diyo.
25970	LUK 22:37	Adipalati, God yu bukata epo atlapo, ‘Ya꞉ye batalimale so mate hatlope depo ellepe,’ depo. Epedeme God yu bukata atlamale koko eta na꞉ dla woyamelepe. Yao, ikadepe, God yu bukata na꞉ koko dla atlamale koko hapulomata mo-woyamala puapo,” diyo.
26082	LUK 24:22	Epame di alumale dulu dla wola꞉ opita di watle yiyelle hami. Adipalati, wata utulalati yia꞉ toko tame wabasi natitepo Yesu moto hawa halla natiwo. Epalati yia꞉ta puame di watle atlemama ‘dia꞉ye inomata meyelope demama God ya꞉ banakaka so nati,’ de. Epalati banakaka sotapo Yesuta ma pasakalo hala kokoye yia꞉ watle atluwo.
26138	JHN 1:25	“Wa꞉ta atlemama, ‘na꞉ye po-Keliso epo na꞉ye po-Ilaya epame na꞉ye podita omha꞉ha꞉uwa God tle yu hapame molo atlalo oplami,’ dlepo. Ame wa꞉ adipalati opaye yú dla ka꞉ka꞉timsela꞉ma꞉?” diyo.
26368	JHN 6:42	Epame yia꞉tapo epo atlamyaiyo, “Oplami iye Yosep yami Yesupo. Adipalati, di ya꞉ a mate epo ya꞉ wai mate dimalamana. Epapedeme ya꞉ye adipo atlemama, ‘na꞉ye Pepele di tle maluwa,’ demsela꞉ma꞉?” demyaiyo.
26455	JHN 8:5	Epedeme Mosesta aiyalma hatitimaletapo epo atlapo, ‘A꞉ya hale antapo koko ipapele halepiye, ya꞉ye ewala mate kelepo yumi demha꞉ha꞉lepe,’ depo. Epapedeme wa꞉ di atlane, di a꞉ya hema apa koko hapa꞉?” diyo.
26474	JHN 8:24	Epapele koko tle na꞉tapo wua꞉ watle atlemama, wua꞉ batalimale dulu dla pallipe dlepo. Adipalati, na꞉tapo ‘Na꞉ye Na꞉po’ dlati wua꞉ na꞉ye pomikadepe dlalo wekelepiye, wua꞉tapo wua꞉ batalimale dulu dla pallipe.”
26507	JHN 8:57	Epalati asiyama yia꞉tapo ya꞉ watle epo atlaiyo, “Wa꞉ ala wa꞉ta halaleye 50 sokomoko po-umasema. Epapele tlope wa꞉ adipammama, ‘na꞉ye A꞉iblaham me-natiwa,’ dema꞉?”
26583	JHN 10:33	Amasiyama ma yia꞉ta epo atlaiyo, “Di wa꞉ta ka꞉dle koko halomuwa dla wua꞉ye yumuluwedeme po-aposema. Amasiyama wa꞉tapo God dla putlomale yu atlaleye, di epalati wa꞉ye yumuluwedeme apopo. Adipalati, wa꞉ye isikimi oplami ikadepe tlope, ma wa꞉ta atlemama, ‘na꞉ye Godpo’ demhalapo.”
26584	JHN 10:34	Epapalati Yesutapo yia꞉ watle epo atlaiyo, “Mo-wua꞉ aiyalma hatitimale dulu dla Godtapo epo atlapo, ‘Wua꞉ye god opipo,’ depo.
26585	JHN 10:35	Epele dulu dla dimalamana, God yu bukata atlama kokoye ikadepe koko atlamapo. Epedeme Godtapo hema ya꞉ yu halalo so watle epo atluwapo, ‘Wua꞉ye god opipo,’ duwapo.
26586	JHN 10:36	Ame wua꞉ adipapalati na꞉tapo, ‘na꞉ye God Yamipo,’ dlati matle na꞉ watle atlemama, ‘wa꞉ye God putlomhalema,’ dema꞉? Adipalati, Atapo na꞉ye sepame ta꞉lamo dla tane duwapo.
26765	JHN 14:28	Epedeme wua꞉ na꞉ta atlemama, ‘na꞉ye na꞉ A hala dla tame halepo ma ilame puluwepo,’ duwa kokoye, wua꞉ me-daluwapo. Epapedeme wua꞉ ikadepe na꞉ye sikemte malamha꞉ha꞉leta ammatiye, wua꞉ eta na꞉ta na꞉ A hala dla heta koko dla sisiyelemla. Adipalati, ya꞉tapo na꞉ye tla꞉mtamhalapo.
26793	JHN 15:25	Epapedeme koko itapo mo-woyamuwapo, God yu bukata atlama koko mate ala꞉lowedeme. Adipalati, God yu bukata epo atlapo, ‘Yia꞉tapo koko pa꞉le na꞉ dla elle himha꞉ha꞉po,’ depo.
26812	JHN 16:17	Epalati Yesu ya꞉ alotle tlalo so opitapo yiskamu yia꞉ dulu dla epo atlamyaiyo, “Ya꞉ta di watle atlemama, ‘wua꞉ ma alila kiyele ha꞉ha꞉po alotle na꞉ mila꞉piye ponatilowa,’ depame ma, ‘alila kiyele alotle mamisika꞉ natilipe’ dleye adipo atlemama api? Epame ya꞉ta atlemama, ‘Na꞉ye A hala dla hetama,’ dleye adipo atlemama api?
26891	JHN 18:37	Epalati Paeletta ma epo atlaiyo, “Epapedeme wa꞉ ikadepe dokopala oplami wa꞉ni?” diyo. Epapalati Yesuta epo atlaiyo, “Wa꞉ta na꞉ watle atlemama, ‘wa꞉ye ikadepe dokopala oplami wa꞉ni,’ dleye, e mikadepepo. Koko edla na꞉ye ta꞉lamo hema hamuwapo. Epame na꞉tapo opa dla ikadepe kokoye atlamolowedeme ta꞉lamo hema puwapo. Epapedeme opa anawolotapo ikadepe koko dulu dla ha꞉ha꞉ma꞉, yia꞉ na꞉ yu dalemha꞉ha꞉po.”
26953	JHN 20:17	Epedeme Yesutapo ya꞉ watle epo atlaiyo, “Na꞉ dla puame hammiya. Adipalati, na꞉ye ala A hala dla pehetasema. Amasiyama wa꞉ye tame na꞉ alotle tlalo soye atlamane, ‘Na꞉ye na꞉ A God hala dla hetama. A God hatlo eye wua꞉ ma wua꞉ A Godpo’ dene,” diyo.
27193	ACT 7:8	Epame Godta A꞉iblaham mate yu itiyapo himimama epo atluwapo, ‘Na꞉tapo wa꞉ mate epo wa꞉ mamadulo mate wua꞉ God halemama wua꞉ mateka꞉pi dla hallowepo. Epalati asiyama wua꞉ta na꞉ dla mikadepe dle koko nati-imama wa꞉ mate epo wa꞉ akimlala mate epo wa꞉ mamadulo hapuloma alotle ha꞉ha꞉lowe so mate kapala kotimha꞉ha꞉lepe,’ duwapo. Epedeme A꞉iblahamta maseyemala Aisek hampame alila 8 pololepo hallati kapala kestauwapo. Epame alotle A꞉iblaham yami Aisekta maseyemala Yokob hampame ya꞉ kapala ma kestauwapo. Epame alotle Yokob mape ya꞉ akimlala 12 ma kapala kotimuwapo. Epeleye Yokob ya꞉ akimlala 12 ewolotapo di elele 12 sitali ha꞉ha꞉po.
27195	ACT 7:10	Amasiyama Godta ya꞉ mate halemama wotiyalle koko dulu dla ya꞉ sikemte gademduwapo. Epame Godta Yosep watle ka꞉dle malamale pato hamiwapo. Epeleye Isip so dokopala oplamita koko i natipame Yosep sikemte solotamduwapo. Epammama ya꞉ watle epo atluwapo, ‘Wa꞉tapo na꞉ isili tle oko hamhalemama Isip mo pato wa꞉ta omhallepe. Epame na꞉ aya mape omhallepe,’ duwapo.
27210	ACT 7:25	Epame Mosesta epo malamduwapo, ‘Na꞉ta Isalael soye wotiyalle dulu tle alikili a꞉ma eleme woyamelepe,’ demduwapo. Amasiyama Isalael soye koko e pomalaha꞉ha꞉na.
27217	ACT 7:32	‘Na꞉ye wa꞉ mamadulo A꞉iblaham epo Aisek epo Yokob yia꞉ Godpo,’ duwapo. Epalati Mosesta wota꞉le mate esesalalimama matle ponatina.
27218	ACT 7:33	Epalati Lodta ya꞉ watle ma epo atluwapo, ‘Ta꞉la wa꞉ta halaye aiyalmapo. Epedeme wa꞉ hete alisisi uptimane.
27237	ACT 7:52	Epame wua꞉ mamadulota Hela꞉dle Sokota imale allimama God tle yu hapame molo atlalo so opa hapulomaye wotiyalle hapiwapo. Epammama God tle yu hapame molo atlalo so opita atlemama ‘Ka꞉dle Oplami Kelisoye alotle pulupe,’ dlati wua꞉ mamadulota opa ewoloye mo-potimuwapo. Epapele dulu dla Ka꞉dle Oplami Kelisoye mo-puwapo. Amasiyama wua꞉ta ya꞉ye elemama ya꞉ yumuluwedeme yu ka꞉depame mo-yumuwapo.
27456	ACT 13:25	Epame Yonta ya꞉ oko mosukulu gudla tamama epo atlemsela꞉mduwapo, ‘Wua꞉ta na꞉ye ana demdi? Godta sale Kelisoye pona꞉. Amasiyama ya꞉ye na꞉ ko tle pulupe. Epedeme na꞉ta ya꞉ hete alisisi uptimoloweye po-ala꞉na,’ demduwapo.
27463	ACT 13:32	Epapedeme dita ka꞉dle yuye wua꞉ dla hampualepo. Epedeme ka꞉yapa Godta di mamadulo mate yu itiyapo himiwaye koko etapo wata dia꞉ dla mo-woyamalepo, ya꞉tapo ya꞉ maseyemala Yesuye mo-powale tle ma pasakalo duwa koko tle. Epedeme Sam 2ta koko hema epo atlapo, ‘Wa꞉ye na꞉ maseyemala ikadepe. Watapo na꞉ta wa꞉ye ma-hamalepo’ depo.
27465	ACT 13:34	Epame Godta Yesuye powale tle ma pasakalo duwapo. Epedeme ya꞉ matle ya꞉ maseyemalaye poa pe-epapolowa. Epapele koko tle Godta epo atluwapo, ‘Na꞉ta ka꞉yapa Deibidi watle yu itiyamale mate koko ka꞉ka꞉dle hapilowe atluwaye ma wa꞉ watle hamilowepo,’ duwapo.
27472	ACT 13:41	‘Wua꞉ta ha꞉ha꞉le oloma edla na꞉tapo koko pato halepe. Amasiyama wua꞉ta koko i natipame pomikadepe dlowa. Epame oplami haleta ya꞉ dulu kokoye wua꞉ dla atlamelepiye, wua꞉ ma woloma pohalowa. Epapedeme na꞉ yu dla asupumlalo so, wua꞉ koko i natipo yiyelepame pallipe.’”
27478	ACT 13:47	Adipalati, Lodta di watle ipo atluwapo, ‘Na꞉ta wa꞉ye hamuwapo, wa꞉tapo po-Yu so dulu dla hela꞉dlalo hallepo depame. Epame wa꞉tapo pasakalo hallowe yuye opa hapuloma ta꞉lamo pato sukulu gugudle dla hamtelepo depame.’”
27780	ACT 22:8	Na꞉ epalati asiyama ya꞉ watle epo atluwa, ‘Lod, wa꞉ anata꞉?’ duwa. Epalati ya꞉ta asiyama epo atluwa, ‘Na꞉ye Nasalet oplami Yesupo. Wa꞉ta mikadepe dle so dla wotiyalle hapimhalaye, na꞉ watle amhalapo,’ duwa.
27906	ACT 26:15	Epalati asiyama na꞉ta epo atluwa, ‘Lod, wa꞉ anata꞉?’ duwa. Asiyama ya꞉ta na꞉ watle epo atluwa, ‘Na꞉ye Nasalet oplami Yesupo. Wa꞉ta mikadepe dle so watle wotiyalle hapimhalaye na꞉ watle amhalapo.
28275	ROM 10:19	Amasiyama Isalael sotapo ka꞉dle yu iye dalepame malamale hauwa? Yao, yia꞉ malamale hauwa tlope, woloma pomikadepe dena. Epedeme Mosestapo epo ilimuwapo, “Godtapo epo atluwapo, ‘Na꞉tapo po-Yu so dla gadle himhallati ma wua꞉tapo yia꞉ dla elle himha꞉ha꞉mama yia꞉ dla siyalasiyalademha꞉ha꞉lepe.’”
28332	ROM 12:19	Epapedeme mikadepe dle so namkadulo, opa opitapo wua꞉ dla batalimale halati asiyama batalimale mepapele mate yia꞉ watle hamimiya. Amasiyama God watle pomeliya. Adipalati, “Lodta epo atlema, ‘Na꞉tapo opa dla yia꞉ batalimale asiyama hamilalo halapo.’”
28767	1CO 14:21	God yu buka dla yuta ipo elapo, “Lodta epo atlema, ‘Na꞉tapo yu meyelope meyelope dle yu halalo so mati tle na꞉ opa Isalael so dla yukamolowepo, Amasiyama yia꞉tapo na꞉ yuye woloma pomaladallowa.’”
30072	HEB 3:10	Epapedeme na꞉tapo yia꞉ mate sikemte siyalademama epo atluwapo, ‘Yia꞉ye na꞉ tle alikili a꞉ma tamalapo. Epame yia꞉ na꞉ kokoye pomalamasema,’ duwapo.
30073	HEB 3:11	Epapele koko tle na꞉tapo siyaladle mate yu ipo itiyapo himiwapo, ‘Yia꞉tapo na꞉ta hedlowe mo dinapele dla po-u-ulapo tuluwa.’”
30084	HEB 4:3	Epapele dulu dla ditapo ya꞉ yu dla mikadepe dlepiye, ditapo Godta hedlowe mo dinapele dla u-ulapo tulupe. Amasiyama pomikadepe dlalo wekele so dla Godta epo atluwapo, “Na꞉tapo siyaladle mate yu ipo itiyapo himiwapo, ‘Yia꞉tapo na꞉ta hedlowe mo dinapele dla po-u-ulapo tuluwa,’” duwapo. Epapele tlope ka꞉yapa ta꞉lamo mita꞉ple oloma edla Godtapo ya꞉ oko hapuloma mogudepame hedepo poluwapo.
30812	REV 2:27	‘Ya꞉tapo sikemte itiyamale mate yia꞉ye omhallepe. Epame ya꞉ta itiyamaletapo ta꞉lata dinapele alisisi supulastemdiye, epapele some opaye susupulatimelepe.’ Itiyamale hatlo iye na꞉ta na꞉ A tle hauwa ipo.
30831	REV 3:17	Epapedeme wa꞉ta wa꞉skamu wa꞉ye atlemama, ‘na꞉ye alisisi pasatana,’ depame ‘na꞉ dla alisisi ma-ala꞉na,’ demdepo. Amasiyama wa꞉ powa꞉malamata꞉, wa꞉tapo alisisi pa꞉po halemama atali yemala some inoma pa꞉po tidali siyapo sela꞉ye?
31069	REV 18:7	Ya꞉tapo ya꞉skamu di dla hamhetamhalemama alisisi pasatepo haluwa, e mate ala꞉le asiyamaye wotiyalle mate dupa kolle mate ya꞉ dla hapiya. Adipalati, ya꞉tapo ya꞉skamu epo atlemduwapo, ‘Na꞉ye podupulapi, na꞉ye dokopala a꞉yapo. Epedeme dupa kolle kokota na꞉ dla populuwa,’ demduwapo.
31095	REV 19:9	Epame banakaka oplamita na꞉ watle epo atluwa, “Wa꞉ buka dla yu iye hatitimane. ‘La꞉mta a꞉ya halë daya dele dla pumullupo depame sisilalimale so, wua꞉ye sisiyeiya.’” Epame banakaka oplamita matle epo atluwa, “Yu iye ikadepe God ya꞉ yupo,” duwa.