15447	PSA 90:4	Maro Kindeni, noko ne morâŋa nde mine; mbwera tamâta-tamâta (1000) nde itogo kari taitu mai nâ, aku zo ŋinde ilâ walele nâ, itogo nola nâ mine. Mao nâ, ŋinde nde zo mbwana-mbwana nâ.
23280	MAT 4:2	Aku pa zo ŋinde Yesu indi kaika pa tamwata tu ma ika kâpwa tia, kala imo mine lee ikura kari tamâta rua (40) lâ, kala putole ipu pâta.
23616	MAT 13:8	Aŋga kaniŋa vâsa pinde nde imbe indue tâno ara kulu, aku ipâŋga ŋalae ku ipula kanaŋo. Pinde ipula kanaŋo tamâta ŋalae taitu (100), aŋga pinde nde ipula kanaŋo tamâta ŋato (60), aŋga pinde nde ipula kanaŋo tamâta taitu kanaŋo saŋao (30).
23631	MAT 13:23	Aŋga tamâta ea iloŋo Maro Kindeni ne ŋgua ku isama ŋgua ŋine ne duvi kilala sondo, ande tamâta ŋinde itogo kaniŋa vâsa ŋinde imbe indue tâno ara kulu. Kinzi tamâta ŋinde uru siveta vetâŋa ara rârâ, itogo kanaŋonzi mine. Pinde siveta vetâŋa tamâta ŋalae taitu (100), aŋga pinde siveta vetâŋa tamâta ŋato (60), aŋga pinde siveta vetâŋa tamâta taitu kanaŋo saŋao (30).”
23687	MAT 14:21	Kinzi tamâne kala sika kâpwa ŋinde kambwaŋenzi nde ikura 5,000 mine. Aku nenzi taine wa lâlu nde sika kunzi tona.
23740	MAT 15:38	Kinzi tamâne kala sika kâpwa ŋinde kambwaŋenzi ikura 4,000. Aku nenzi taine wa lâlu sika kunzi tona.
23750	MAT 16:9	Tiambo miki ilomi kalomi tia tâ! Tiambo miki ŋandai kalomi ŋgere ŋana puroŋa lima ŋinde naŋa muŋga alanzi tamâne 5,000 sika, a? Lâ zo ŋinde, ande miki kazeze ŋgâmo ŋapia ilonzi ipipi lâ, a?
23751	MAT 16:10	Aku tiambo miki kala ŋandai kalomi ŋgere ŋana puroŋa lima kanaŋo rua ŋinde naŋa muŋga alanzi tamâne 4,000 sika, a? Lâ zo ŋinde, miki kazeze ŋgâmo ŋapia ilonzi ipipi lâ, a?
23808	MAT 18:12	Ŋineŋga Yesu itambira ŋgua panzi ne pâri-tamâta mine tu, “Miki ilomi mana. Ambo tamâta toŋge ne ‘lama’ kambwaŋenzi tamâta ŋalae taitu (100) simo, andeta lama toŋge isapiri ku nao tia lâ, ande i ma iveta mana. Naŋa apaimi tu i ma ipilenzi lama ŋgu ŋalae simo tuu kulu, aku ma ilâ mbo iroroto ŋana lama taitu ŋinde ŋga.
23809	MAT 18:13	Naŋa aporo mao nâ pami, ambo iroto ŋana lee isânda kulu lâ, ande i ma indeka pâta ku wisi puu ndue. I ma indeka ŋalae koŋa tia ŋananzi lama 99 ŋinde ŋandai sisapiri ŋga; ambo taitu i ma indeka ŋalae tina ŋana lama ŋinde muŋga isapiri ŋineŋga isânda kulu lâ.
23818	MAT 18:22	Andeta Yesu itu lâ Petero kawa tu, “Naŋa apaino tu noko ma kuveta mine mbwani lima kanaŋo rua nâ nde tia; noko ma kuveta mine ikura mbwani tamâta ŋalae lima (500).
23820	MAT 18:24	Kinzi simâ ŋana sikatu mbuku kâ, ŋineŋga sikai tamâta toŋge simâ, i muŋga ikai mbumbu 10,000 saŋe koipu ŋinde.
23860	MAT 19:29	Aku tamâta ea kalo tawana naŋa kala ipile ne luma wa tai-tua wa mwane wa tina-tama wa natu wa ne tâno wa; ande Maro Kindeni ma itu pa kinzi ŋinde rârâni ŋana ŋinde kâ mbwani tamâta ŋalae taitu (100). Aku muli, i ma via mao ilanzi, ma simo vianzi mine ku simo nâ.
24092	MAT 25:15	I kalo ŋgere ŋana ne wurâta tamâta taitu-taitu nenzi ilo-kalo wa vetâŋa wa, ŋineŋga iwae mbaliŋa panzi. Tamâta toŋge nde mbumbu 5,000 ilua, aŋga toŋge nde mbumbu 2,000 ilua, aŋga toŋge nde mbumbu 1,000 ilua. Iveta mine nâ ilanzi lâ, ŋineŋga ilâ.
24093	MAT 25:16	Ilâ lâ, ŋineŋga wurâta tamâta ŋinde muŋga ikai mbumbu 5,000 ŋinde, nde iveta wurâta lâ tini, aku mbumbu pagugu ŋalae. Aku ikai mbumbu ŋinde ne kalulu wasaseki pinde ipâŋga lâ 5,000 kilo.
24094	MAT 25:17	Aŋga wurâta tamâta muŋga ikai mbumbu 2,000 ŋinde, ande i kala iveta wurâta lâ tini mine nâ. Aku ikai mbumbu ŋinde ne kalulu wasaseki pinde ipâŋga lâ 2,000 kilo.
24095	MAT 25:18	Aŋga wurâta tamâta muŋga ikai mbumbu 1,000 ŋinde, ande ilâ iveta wewe ŋalae lâ tâno ilo, aku ikea tamâta ŋalae ne mbumbu ŋinde lâ wewe ilo ikeno.
24097	MAT 25:20	Ŋineŋga wurâta tamâta muŋga ikai mbumbu 5,000 ŋinde nde imâ ku iporo itula mine, ‘Tamâta ŋalae, noko muŋga mbumbu 5,000 kulua naŋa. Ayo, kumora ŋga, naŋa aveta wurâta lâ tini, kala akai mbumbu kalulu 5,000 kilo tona.’
24099	MAT 25:22	Ŋineŋga wurâta tamâta muŋga ikai mbumbu 2,000 ŋinde, ande i kala imâ, ku iporo itula mine, ‘Tamâta ŋalae, noko muŋga mbumbu 2,000 kulua naŋa. Ayo, kumora ŋga, naŋa aveta wurâta lâ tini, kala akai mbumbu kalulu 2,000 kilo tona.’
24101	MAT 25:24	Ŋineŋga wurâta tamâta muŋga ikai mbumbu 1,000 ŋinde, ande i kala imâ, ku iporo itula mine tu, ‘Tamâta ŋalae, naŋa asama tu noko uru kalo sukâŋa ŋananzi tamâta tia ndo. Noko uru kugona kâpwa lâ tamâta pinde nenzi tâno, andeta noko muŋga kuliŋi kaniŋa vâsa lâ tâno ŋinde ilo, ande tia.
24102	MAT 25:25	Asama ŋine lâ, ande kala naŋa aruru, kala akai noko ne mbumbu 1,000 ŋinde alâ avea lâ tâno ilo. Ande kala ŋai, pwai noko ne mbumbu 1,000 ŋine.’
24104	MAT 25:27	Mine nde ŋana sâ kâ ŋga noko ŋandai kuo naneŋgu mbumbu lâ pinze ilo, a? Ambo noko muŋga kuveta mine, ŋineŋga ataulo amâ, ande naŋa ma akai naneŋgu mbumbu 1,000 aŋga kalulu wasaseki pinde tona. Andeta tia.
24105	MAT 25:28	Mine kala miki kakai mbumbu 1,000 ŋine saŋe wurâta tamâta ŋine, ku kalua tamâta ŋine muŋga ikai mbumbu 10,000.
24138	MAT 26:15	Aku ikasoŋanzi tu, “Ambo naŋa ma ao Yesu lâ miki mbaumi ilo, ande miki ma sâ kalua naŋa.” Ŋineŋga mbumbu tamâta taitu kanaŋo saŋao (30) silua.
24201	MAT 27:3	Judas, ina muŋga itula Yesu panzi kazâŋa tamâta, ande iloŋo pâri tu kinzi tamâta ŋalaŋala sipa ŋgua lâ ŋana ma sio Yesu ilâ panzi Rom koipu tu ma sipu pâta imâte kâ. Ŋineŋga Judas ilo ipâŋga malia ndo, ku ikai mbumbu tamâta taitu kanaŋo saŋao (30) ŋinde imâ, ku ilanzi patarawâŋa tamâta ŋalaŋala sitavanzi katonâŋa taulo kilo.
24207	MAT 27:9	Mine kala ŋgua toŋge Maro Kindeni siŋgani io lâ ŋgua-tulâŋa tamâta Jeremaia kawa, ande ipâŋga kanaŋo. Ŋgua ŋine nde mine: “Kinzi Isrel ŋgu sipatea tu tamâta ma iko i lâ mbumbu tamâta taitu kanaŋo saŋao (30). Mine nde sikai mbumbu ndainani nâ,
24400	MRK 4:8	Aŋga vâsa pinde nde imbe indue tâno ara kulu, aku ipâŋga ŋalae ku ipula kanaŋo. Pinde ipula kanaŋo tamâta taitu kanaŋo saŋao (30), aŋga pinde nde ipula kanaŋo tamâta ŋato (60), aŋga pinde nde ipula kanaŋo tamâta ŋalae taitu (100).”
24412	MRK 4:20	Aŋga kinzi tamâta pinde nde sitogo vâsa ŋinde imbe indue tâno ara kulu. Kinzi siloŋo ŋgua ku sikai sipaveta kuku, kala siveta vetâŋa ara rârâ, itogo kanaŋonzi mine; pinde siveta vetâŋa ara tamâta taitu kanaŋo saŋao (30), aŋga pinde siveta vetâŋa tamâta ŋato (60), aŋga pinde nde siveta vetâŋa tamâta ŋalae taitu (100).”
24446	MRK 5:13	Aku Yesu isâu panzi tu silâ. Aku marumbu; kinzi koroani saka sipile tamâta ŋinde ku silâ ŋgoa ilonzi. Ŋineŋga ŋgoa ŋinde nde wisinzi motutu simaŋguru sipalilu kaika silâ sindue nia ndamwa ŋinde. Ŋgoa ŋgu ŋinde kambwaŋenzi ipâŋga ikura 2000 mine, aku kinzi rârâni sisoŋga sindue lââ bwalika ilo sinu lââ ku sipamateteu marumbu lâ.
24516	MRK 6:40	Kinzi lambunzi ndue sisaŋona ŋgu ŋgu, kambwaŋenzi ikura 100 wa 50 wa.
24520	MRK 6:44	Kinzi tamâne kala sika kâpwa ŋinde kambwaŋenzi nde ipâŋga ikura 5,000 mine.
24578	MRK 8:9	Kinzi tamâne ŋinde nâ kambwaŋenzi nde ipâŋga lâ 4,000. Ŋineŋga Yesu ionzi silâ.
24588	MRK 8:19	Muŋga, lâ zo ŋinde naŋa apwataki puroŋa lima awae panzi tamâne 5,000, ande kâpwa katiŋe sika tia ŋinde nde miki kagona lâ ŋgâmo ŋalae ŋapia ilonzi pipi.” Kinzi situ lâ kawa tu, “Ŋgâmo ŋalae saŋao kanaŋo rua.”
24589	MRK 8:20	Ŋineŋga Yesu ikasoŋanzi kilo tu, “Aŋga lâ zo ŋinde naŋa apwataki puroŋa lima kanaŋo rua awae panzi tamâne 4,000, ande kâpwa katiŋe sika tia ŋinde nde miki kagona lâ ŋgâmo ŋalae ŋapia ilonzi pipi.” Kinzi siporo kilo tu, “Ŋgâmo ŋalae lima kanaŋo rua.”
25064	LUK 2:22	Simo lee ku kari tamâta rua (40) ilâ lâ, ŋineŋga Maria ku Yosepe rua nenzi zo ipâŋga ŋana siveta patarawâŋa ŋana tini mbâra-mbâra kâ, ikura Mose ne ŋgua tukuŋa mine. Mine kala kinzi rua sikai lâlu ku sikâki silâ pa Jerusalem lawea ŋana siveta patarawâŋa kâ. Aku kinzi ilonzi tu lâlu ma ikai nzâmbe ŋana muli iveta wurâta pa Maro Kindeni kâ tona.
25079	LUK 2:37	Ŋineŋga i kaiwa ŋinde imâte lâ, aku taine simbo nâ imo lee ikura i ne mbwera tamâta ŋapa kanaŋo ŋapa (84). Taine mwala ŋinde nde uru ipile Maro Kindeni ne luma sapâŋa, ande tia; ikura kari wa mbo wa i uru itu kaika ŋana kâpwa kâ ku imo ikai noŋa nâ.
25117	LUK 3:23	Yesu ne mbwera ipâŋga itogo tamâta taitu kanaŋo saŋao (30) waŋai, ŋineŋga pa zo ŋinde imandi ŋana iveta ne wurâta kâ. Kinzi tamâta ilonzi patea tu Yesu nde Yosepe natu. Aŋga Yosepe timbu nde Heli,
25134	LUK 4:2	Yesu imo nia bilimu ŋinde ikura kari tamâta rua (40) lâ, aku Sadana imo ikai samâŋa papa. Ikura zo ŋinde rârâni Yesu ika kâpwa toŋge tia, kala putole ipu pâta lâ.
25305	LUK 7:41	Ŋineŋga Yesu iporo itambira ŋgua tu, “Tamâta toŋge ne mbuku keno pa kinzi tamâta rua. I ne mbuku kala ikeno pa tamâta toŋge nde ipâŋga lâ mbumbu tamâta ŋalae taitu (100); aŋga i ne mbuku kala ikeno pa tamâta toŋge nde ipâŋga lâ mbumbu saŋao nâ.
25322	LUK 8:8	Aŋga kaniŋa vâsa pinde nde imbe indue tâno ara kulu, kala ipâŋga ŋalae ku ipula kanaŋo rârâ ŋinde. Ŋinde itogo kaniŋa vâsa taitu ipula kanaŋo tamâta ŋalae taitu (100) mine.” Yesu iporo ŋgua ŋine lâ, ŋineŋga iporo kawa ŋalae mine tu, “Ambo miki taŋami keno, ande kaloŋo ŋgua ŋine sondo!”
25384	LUK 9:14	Ŋana tu kinzi tamâne nâ kambwaŋenzi ipâŋga lâ 5,000. Ŋineŋga Yesu ipainzi ne pâri-tamâta tu, “Miki kapainzi tu lambunzi ndue sisaŋona ku sio ŋgu ŋgu”.
25433	LUK 10:1	Aku muli, ŋineŋga Maro Ŋalae ipateanzi tamâta 72 kilo, aku ionzi rua rua tu ma simuŋga papa i silâ. Isupwanzi tu silâ sikura lawea wa nia ndoni i ma muli ilâ papa ŋinde.
25448	LUK 10:16	Yesu iporo ŋgua ŋine lâ, ŋineŋga ipainzi tamâta 72 ŋinde mine tu, “Ambo tamâta toŋge ipaveta kuku miki kawami ŋgua, ande i kala ipaveta kuku naŋa kawâŋgu ŋgua mine nâ. Ambo tamâta toŋge ipu muli pami, ande i kala ipu muli pa naŋa mine nâ. Aku tamâta ea ipu muli pa naŋa, ande i kala ipu muli pa Maro Kindeni mine nâ, ina isupwa naŋa kala amâ.”
25449	LUK 10:17	Aku muli, ŋineŋga kinzi tamâta 72 ŋinde Yesu muŋga isupwanzi silâ, ande sitaulo simâ kilo. Aku sindeka pâta kanaŋo, ku siporo tu, “Maro Ŋalae, maka muŋga kapatu noko ŋa, aku kapainzi koroani saka tu sikâwa piti lâ tamâta ilonzi. Aku kinzi siveta ikura kaporo mine!”
25661	LUK 15:4	“Ambo nawalami tamâta toŋge i ne ‘lama’ kambwaŋenzi tamâta ŋalae taitu (100) simo, andeta lama toŋge isapiri ku nao tia lâ, ande tamâta ŋinde ma iveta mana. I ma ipilenzi ne lama (99) simandi lâ nia bilimu ŋinde, aku ma ilâ mbo iroroto ŋana ne lama ŋinde lee, ikura isânda kulu lâ ŋga.
25695	LUK 16:6	Aku ipai tu, ‘Naŋa muŋga akai i ne kâi “oliv” siŋi lâ kulo tamâta ŋalae taitu (100)’. Ŋineŋga wurâta tamâta iporo tu, ‘Noko pwai pepa ŋine naŋa muŋga aŋgere mbuku ŋinde kulu lâ tini, aku kusaŋona ku walele nâ kuŋgere ne kulu indue ipâŋga kulo tamâta rua kanaŋo saŋao (50) nâ.’
25696	LUK 16:7	Ŋineŋga tamâta toŋge kala imâ ipâŋga papa, aku wurâta tamâta ŋinde ikasoŋa tu, ‘Aŋga noko muŋga pwai mbaliŋa ŋapia.’ Aku iporo taulo tu, ‘Naŋa muŋga akai i ne “wit” lâ ŋgâmo tamâta ŋalae taitu (100).’ Ŋineŋga wurâta tamâta ipai tu, ‘Noko pwai pepa ŋine naŋa muŋga aŋgere mbuku ŋinde kulu lâ tini, aku kuŋgere ne kulu indue ipâŋga ŋgâmo tamâta ŋapa (80) nâ.’
26170	JHN 2:6	Aku lââ ne kulo mira lima kanaŋo taitu nde ikeno nia ŋinde. Kulo ŋinde nde ŋana kinzi Juda tamâta ma sipua mbaunzi tava nenzi kelekele, ikura nenzi ŋgua tukuŋa mine. Kulo ŋinde taitu-taitu ilo ikura lââ patu tamâta ŋalae taitu (100) mine.
26184	JHN 2:20	Kinzi siporo taulo tu, “Opopo, kinzi muŋga sikai wurâta ŋalae tina ikura mbwera tamâta rua kanaŋo lima kanaŋo taitu (46), ŋana siŋgunu luma sapâŋa ŋine kâki kâ. Aŋga noko pwura tu kupa kâki kilo lâ kari ŋato nâ, a?”
26284	JHN 5:5	Aku tamâta toŋge imo niani ndaina, i muŋga ikai pukoŋa toŋge, kala ikura tu iyoka tia ikura mbwera tamâta taitu kanaŋo saŋao kanaŋo lima kanaŋo ŋato (38).
26333	JHN 6:7	Ande Pilip iporo taulo tu, “Opopo, ambo kinda ma tako puroŋa ikura mbumbu ‘silva’ tamâta ŋalae rua (200), ande ŋinde ma ikuranzi ŋgu ŋalae ŋine, ande tia ndo!”
26336	JHN 6:10	Andeta Yesu iporo tu, “Miki kapainzi tamâta tu lambunzi ndue sisaŋona”. (Unza ara keno nia ŋinde.) Ŋineŋga kinzi rârâni sisaŋona. Kinzi tamâne nâ kambwaŋenzi ipâŋga ikura 5,000 mine.
26507	JHN 8:57	Andeta kinzi Juda tamâta ŋalaŋala nde sipai tu, “Wa, noko ne mbwera tamâta rua kanaŋo saŋao (50) tia yo! Mine nde mana mana ŋga noko muŋga kumora Abraham, a?”
26654	JHN 12:5	“Opopo! Ambo kinda muŋga takai samimi kuwae ara ŋine ilâ panzi tamâta tu siko kâ, ande kinzi ma siko lâ mbumbu ‘silva’ 300. Ŋineŋga kinda ma takura tu mbumbu ŋinde talanzi sugorai tamwatanzi. Andeta tia.”
26933	JHN 19:39	Aku tamâta toŋge kala iyoka kuku Yosepe ilâ, i ŋa tu Nikoteme. Inani tamâta ndaina muŋga ilâ pa Yesu lâ mbo ŋana iporo ŋgua kuku. Nikoteme ikai kelekele pinde itogo samimi mine, kuwae ara ndo, ŋinde kinzi muŋga sigema lâ ikeno. Kelekele kuwae ara ŋinde ne malia nde ipâŋga ikura malia tamâta taitu kanaŋo saŋao (30) mine.
26978	JHN 21:11	Saimon Petero nde ikâki wâŋga kulu ku itapa viâŋa itoa. Aku iŋa ŋalaŋala rârâ ŋinde, kambwaŋenzi ikura 153 mine, ande pipi lâ viâŋa ilo. Andeta viâŋa ŋandai ipwa pwataki ŋga.
27007	ACT 1:15	Aku zo toŋge, kinzi kalo-tawana tamâta rârâni sipasau lâ nia ŋinde, kambwaŋenzi ikura tamâta ŋalae taitu kanaŋo tamâta taitu (120). Ŋineŋga Petero imandi naonzi ku iporo tu,
27059	ACT 2:41	Kinzi tamâta pinde kalonzi tawana Petero ne ŋgua ŋinde, kala sikai lââ-liliŋa. Aku lâ karini ndaina Maro Kindeni iseŋgenzi tamâta kambwaŋenzi 3000 silâ taitu kunzi kalo-tawana tamâta ŋgu.
27095	ACT 4:4	Andeta tamâta rârâ siloŋo Petero ne ŋgua ŋinde, aku kalonzi tawana. Mine kala kinzi kalo-tawana tamâta kambwaŋenzi nde ipâŋga ikura 5,000 mine.
27113	ACT 4:22	Mao nâ, mâsi ŋinde nde mâsi ŋalae, ŋana tu tamâta ŋinde imo tava kie sakamao ikura zo luandondo, ipole mbwera tamâta rua (40) lâ.
27164	ACT 5:36	Miki kasama tu muŋga, tamâta toŋge, i ŋa mine Tiudas, ande ipâŋga ku iporo tu, ‘Naŋa nde tamâta ŋalae’. Mine kala tamâta ŋgu kambwaŋenzi tamâta ŋalae ŋapa (400) nde silâ sipono muli papa. Andeta Rom nenzi zugu tamâta sipu pâta imâte lâ, ŋineŋga i ne ŋgu ŋinde nde sikâwa pwapwataki silâ, aku marumbu.
27191	ACT 7:6	Maro Kindeni ipai Abraham tu, ‘Noko ne vâsa kinzi ma simo sitogo lombo mine lâ ŋgu pinde nenzi tâno, aku ma simo sakamao lâ ŋgu ŋinde kalonzi. Aku ŋgu ŋinde ma siveta malia panzi lee, ikura mbwera tamâta ŋalae ŋapa (400) lâ.
27199	ACT 7:14	Aku muli, ŋineŋga Yosepe ipasupwa ilâ pa tama Yakopu tavanzi i see kinzi rârâni, kambwaŋenzi ipâŋga tamâta ŋato kanaŋo saŋao kanaŋo lima (75).
27208	ACT 7:23	Imo lee, ku ne mbwera tamâta rua (40) lâ. Ŋineŋga zo toŋge itu ikalelenzi Isrel ŋgu, i tamwata ne ŋgu kinzi.
27215	ACT 7:30	Imo lee, ku mbwera tamâta rua (40) ilâ lâ. Ŋineŋga aŋelo toŋge ipatua pa Mose lâ nia bilimu toŋge keno Sinai tuu tini laiti. Kâi mota toŋge imandi nia ŋinde, tini mata mata, aku yââ kana. Andeta Mose imora aŋelo toŋge imo yââ ne mela-mela ilo.
27221	ACT 7:36	Ŋineŋga Mose ikainzi Isrel ŋgu sipile Isip siyâti simâ. Iveta mâsi ŋalaŋala wa vetâŋa kie-kie lâ Isip, aŋga lâ Tâi Ŋiŋi, aŋga lâ nia bilimu, ikura mbwera tamâta rua (40) lâ.
27451	ACT 13:20	Vetâŋa ŋinde rârâni ande ikura mbwera tamâta ŋalae ŋapa kanaŋo tamâta rua kanaŋo saŋao (450) mine. Aku muli, ŋineŋga Maro Kindeni ipateanzi tamâta pinde tu ma sikai katonâŋa panzi Isrel ŋgu. Aku simo mine lee ikura ŋgua-tulâŋa tamâta Samyuel ne zo.
27673	ACT 19:19	Aku tamâta ŋgu ŋalae, kinzi ŋinde muŋga siveta nzâmbe sakamao, ande sigona nenzi pepa ŋana nzâmbe sakamao kâ ku sirumbia lâ ŋgu naonzi. Pepa ŋinde rârâni ne kulu nde ipâŋga ikura mbumbu 50,000 mine.
27770	ACT 21:38	Naŋa atu noko nde Isip tamwata ŋinde muŋga kumandi pwai kazâŋa pa Rom. Tiambo noko muŋga pwainzi tamâta 4,000 kakai pila ŋalaŋala kalâ pa nia bilimu toŋge, tiya?”
27815	ACT 23:13	Kinzi tamâta kala siveta ŋgua pâŋa ŋinde kambwaŋenzi nde ipole tamâta rua (40).
27823	ACT 23:21	Taitu noko ma kusâu pa nenzi ŋgua ndimo. Ŋana tu tamâta pinde, kambwaŋenzi ipole tamâta rua (40), ande siveta ŋgua pâŋa lâ Maro Kindeni nao tu ma sika tia wa sinu tia wa lee, ikura lâ zo ndia ma sipu Paulo pâta imâte. Kala ŋine simuna simo nzâla ŋgaŋe sio ŋana i kâ. Kinzi sio tininzi ŋanano tu ma kusâu pa nenzi ŋgua.”
27825	ACT 23:23	Ŋineŋga koipu ŋinde isarâwa panzi ne tamâta rua, aku ipainzi tu, “Miki rua ma kakainzi zugu tamâta kambwaŋenzi tamâta ŋalae rua (200), sitavanzi zugu tamâta kambwaŋenzi tamâta ŋato kanaŋo saŋao (70) uru sisaŋona hosi kumbunzi, aŋga zugu tamâta kambwaŋenzi tamâta ŋalae rua (200) uru sikai ua. Kakainzi zugu tamâta rârâni ŋinde aku kaluku ŋana kapile lawea ŋine lâ ŋine mbo, kari tai lima kanaŋo ŋapa, aku kalâ pa Sisaria lawea.
27951	ACT 27:28	Kinzi siloe wâlo ndue ŋana sisama nia kâ, aku mira ikeno laiti, ikura tamâta taitu (20). Aku katoa mwasa kilo, ŋineŋga siloe wâlo ndue kilo, aku ikura saŋao kanaŋo lima.
27960	ACT 27:37	Maka tamâta rârâni kamo wâŋga ŋinde kulu kambwaŋema ikura 276.
28109	ROM 4:19	Lâ zo ŋinde, Abraham ne mbwera ipâŋga ikura mbwera tamâta ŋalae taitu (100) mine, aku i karae nde mbarakuku lâ. Aku isama tu i kaiwa Sara ikura ŋana ipagugua lâlu kâ, ande tia. Taitu i ne kalo-tawana ikeno kaika ndo.
28281	ROM 11:4	Andeta Maro Kindeni itu ŋgua taulo papa Ilia ku ilelea mine tu, “Naneŋgu tamâta pinde simo ŋai yo, aku kinzi ŋandai sipare tukunzi ku siwâŋgi pa maro laŋeŋa Bal ŋga. Kinzi tamâta ŋinde kambwaŋenzi ipâŋga lâ 7,000.”
28516	1CO 4:15	Ambo tamâta kambwaŋenzi 10,000 nenzi wurâta nde ŋana sikatonami wa sisuka nemi kalo-tawana wa, ande ŋinde nde ara nâ. Andeta miki tamami taitu mai nâ imo, aku ŋinde nde naŋa simboŋgu nâ, ŋana tu nia ndoyo naŋa warakâŋgu amâ atula pâri ara pami. Aku lâ zo ŋana miki kao nemi kalo-tawana ilâ papa Yesu Kirisi, ande naŋa apâŋga miki tamami,
28643	1CO 10:8	Aŋga pinde nde sipalulua tininzi potomule, andeta kinda ma taveta mine ndimo. Miki kaloŋo ŋga; Maro Kindeni wisi nâna ŋalae ŋana nenzi mâsi ŋinde kâ. Mine nde lâ kari taitu nâ ipunzi tamâta 23,000 pâta sipamateteu lâ.
28792	1CO 15:6	Ipatua panzi lâ, ŋineŋga zo toŋge i kala ipatua panzi tamâta rârâ muŋga sipono muli papa i. Ŋgu ŋinde kambwaŋenzi ipole tamâta ŋalae lima (500). Kinzi ŋinde rârâ nde simo vianzi simo ŋai yo, aŋga pinde nâ nde simâte lâ.
29081	2CO 11:24	Muŋga kinzi Juda tamâta ŋalaŋala mbilâo nâ sipalili naŋa mbwaninzi tamâta ŋato kanaŋo lima kanaŋo ŋapa (39). Kinzi siveta mine pa naŋa mbwaninzi lima.
29186	GAL 3:17	Naneŋgu ŋgua ŋine ne duvi ande mine; nia ndoyo Maro Kindeni ipa ŋgua ndainani nâ kuku Abraham. Simo lee, aku mbwera 430 ilâ lâ, ŋineŋga Maro Kindeni itula ŋgua tukuŋa pa Mose. Ŋgua tukuŋa nde ipâŋga muli, taitu tukuŋa ŋinde ikura ŋana itoto Maro Kindeni ne ŋgua pâŋa muŋgâŋa ŋinde ku iveta ipâŋga kaa nâ, ande ikura tia.
29839	1TI 5:9	Noko ma kuŋgere taine mwala mwala rârâni ŋanzi lâ pepa tini ŋana ŋgu ma sikatonanzi kâ, mine ndimo. Kuŋgere taine mwala ŋine nâ ŋa lâ pepa tini: ipole mbwera tamâta ŋato (60) lâ; i muŋga imo kuku kaiwa tamâne simbo nâ;
30071	HEB 3:9	aku simora mâsi ŋalaŋala rârâni naŋa aveta, ikura mbwera tamâta rua (40) lâ. Andeta kinzi simo sikai kazâŋa pa naŋa.
30079	HEB 3:17	Maro Kindeni ne wisi-nâna ikeno panzi tamâta ŋinde ikura mbwera tamâta rua (40) lâ. Aku kinzi nde ea, a? Kinzi nde tamâtani ndaina uru siveta kiesaka kala simâte lâ nia bilimu.
30597	2PE 3:8	Niŋgu-nambwe wukale, lâ Maro Ŋalae nao, ande kari taitu mai nâ nde zo luandondo, itogo mbwera 1,000 mine, aŋga mbwera 1,000 nde zo mbwana-mbwana nâ, itogo kari taitu mai nâ mine. Miki ma kalomi ŋgere sondo ŋana ŋinde kâ, aku kalomi kapa ndimo.
30840	REV 4:4	Aŋga saŋonâŋa nia pinde, kambwaŋenzi tamâta taitu kanaŋo ŋapa (24), ande siŋge koipu ŋalae ne saŋonâŋa nia ŋinde mbwaliu lâ, aku aŋelo mbâna-mbâna toŋge isaŋona ŋinde taitu-taitu kulunzi. Kinzi sipasawa pasawaŋa pâne luandondo, aku loki-loki “gol” toŋge, itogo koipu ŋalaŋala nenzi loki-loki mine, ande ikeno kinzi taitu-taitu kulunzi.
30846	REV 4:10	Aku lâ zo ŋana kinzi siveta mine, ande kinzi aŋelo mbâna-mbâna 24 ŋinde uru sipare tukunzi ndue lâ i kala isaŋona koipu ŋalae ne saŋonâŋa nia ŋinde nao, inani ŋana imo via ku imo nâ, ku siwawa wa sipanea i. Aku sikai nenzi loki-loki “gol” piti lâ warakanzi kulunzi, ku sionzi ndue i nao lâ koipu ŋalae ne saŋonâŋa nia, aku siwâŋgi wâŋgiŋa mine:
30855	REV 5:8	Ikai pepa ŋinde lâ, ŋineŋga kinzi kelekele ŋapa vianzi kâ sitavanzi aŋelo mbâna-mbâna 24 ŋinde nde sipare tukunzi ndue lâ Lama tini laiti. Kinzi aŋelo mbâna-mbâna taitu-taitu nde sisaŋa nenzi kelekele ŋana wâŋgiŋa kâ toŋge, aku kinzi taitu-taitu sisaŋa nenzi kondo “gol” toŋge tona, mundo kuwae ara keno ilo. Mundo ŋinde nde Maro Kindeni ne tamâta nenzi noŋa.
30882	REV 7:4	Ŋineŋga naŋa aloŋo tamâta ŋinde kambwaŋenzi, kinzi ŋinde sikai Maro Kindeni ne mâsi kilala lâ ndamwanzi. Kinzi aŋelo sisowe mâsi kilala ŋinde lâ Isrel ŋgu tamâta 144,000 tininzi. Tamâta ŋinde nde lâ Isrel ŋgu saŋao kanaŋonzi rua rârâni taitu-taitu;
30883	REV 7:5	tamâta 12,000 nde lâ Juda ne ŋgu, aŋga 12,000 lâ Ruben ne ŋgu, aŋga 12,000 lâ Gad ne ŋgu,
30884	REV 7:6	aŋga 12,000 lâ Aser ne ŋgu, aŋga 12,000 lâ Naptali ne ŋgu, aŋga 12,000 lâ Manase ne ŋgu,
30885	REV 7:7	aŋga 12,000 lâ Simeon ne ŋgu, aŋga 12,000 lâ Livai ne ŋgu, aŋga 12,000 lâ Isakar ne ŋgu,
30886	REV 7:8	aŋga 12,000 lâ Sebulun ne ŋgu, aŋga 12,000 lâ Yosepe ne ŋgu, aŋga 12,000 lâ Benjamin ne ŋgu. Kinzi tamâta ŋinde rârâni nde sikai Maro Kindeni ne mâsi kilala lâ ndamwanzi.
30924	REV 9:16	Naŋa aloŋonzi siporo sisowe zugu tamâta kambwaŋenzi, kinzi ŋinde uru sisaŋona hosi kumbunzi. Aku zugu tamâta ŋinde kambwaŋenzi ipâŋga lâ “200 milion”.
30942	REV 11:2	Taitu noko ma kuloe pasauŋa nia ikeno nzâmba ŋgaŋe ŋinde ndimo. Kupile imo, ŋana tu Maro Kindeni nia ŋinde ilanzi tamâta lâ tinikoa ŋgu. Aku kinzi ŋgu ŋinde ma kenzi nâ sipale Maro Kindeni ne lawea sapâŋa Jerusalem sinukia tona nia. Kinzi ma siveta mine lee, ikura nzimona tamâta rua kanaŋo rua (42) ilâ lâ ŋga.
30953	REV 11:13	Aku lâ zo ndainani nâ, ande ogigi iririŋo ŋalae. Ŋinde itogo siwaenzi lawea ŋinde ne luma rârâni sipâŋga ŋgu saŋao saŋao, aku luma “ŋgu” toŋge nde saputi ndue. Mine kala tamâta 7,000 nde sipamateteu lâ. Aŋga kinzi tamâta simo vianzi yo ŋinde nde siruru pâta lâ, aku sipanea Maro Kindeni, ina kala imo samba ilo.
30956	REV 11:16	Ŋineŋga kinzi aŋelo mbâna-mbâna 24, kinzi ŋinde uru sisaŋona nenzi saŋonâŋa nia lâ Maro Kindeni nao, ande sipare tukunzi ku naonzi tundu sipanea Maro Kindeni.
30965	REV 12:6	Aŋga taine nde ikâwa ilâ pa nia bilimu toŋge Maro Kindeni muŋga ipatea tu ma iveta sondo papa. Pateâŋa keno lâ tu taine ŋinde ma imo niani ndaina ikura kari 1,260, aku kinzi ma sikatona i wa kâpwa silua wa.
30982	REV 13:5	Ŋineŋga Maro Kindeni isâu pa ŋgoa ŋgoi ŋinde tu i kawa pakâe-pakâe potomule iporo ŋgua pavaligiŋa pa Maro Kindeni kâ. I ne kaika ŋana imo koipu kâ keno ikura nzimona tamâta rua kanaŋo rua (42).
30995	REV 13:18	Tamâta ea nenzi ilo-kalo ara, ande kinzi ŋinde nâ ma sikura tu sisama vetâŋa ŋine kilala sondo. Ambo tamâta toŋge imo tava ilo-kalo ara, ande ara ŋana i ma isowe ŋgoa ŋgoi ŋinde ne kambwaŋe sondo, ŋana tu kambwaŋe ŋinde nde itogo tamâta toŋge ŋa. Kambwaŋe ŋinde nde mine: 666.
30996	REV 14:1	Ŋineŋga naŋa amora kilo, aku matâŋgu amora Lama imandi Saion Tuu kulu, tuu ŋinde Jerusalem lawea imandi kulu. Aku tamâta 144,000 nde simandi simo kuku Lama. Maro Kindeni muŋga iŋgere Lama ŋa aŋga Lama Tama ŋa lâ kinzi taitu-taitu ndamwanzi.
30998	REV 14:3	Kinzi tamâta 144,000 ŋinde nde simandi Maro Kindeni ne saŋonâŋa nia nao, aku siwâŋgi wâŋgiŋa wasaseki toŋge lâ kelekele ŋapa vianzi kâ ŋinde naonzi, aŋga lâ kinzi aŋelo mbâna-mbâna naonzi tona. Maro Kindeni muŋga ikonzi tamâta 144,000 ŋinde piti lâ tamâta rârâni ŋgininzi, aku kinzi simbonzi nâ sikura ŋana siwâŋgi wâŋgiŋa ŋinde sondo. Tamâta toŋge ikura tu iwâŋgi wâŋgiŋa ŋinde sondo, ande tia.
31015	REV 14:20	Aku kenzi nâ sipale waini kanaŋo ŋinde ikeno kondo mira ŋalae ilo. Kondo ŋinde uru ikeno niaka ŋana Jerusalem lawea ne ŋgumbi ŋgaŋe kâ. Kinzi sipale, aku see ipâŋga kondo ilo, aku imaliŋi iyâti imâ pa nia yo. Aku see ŋinde irere ilâ isala tâno ndoni, ilâ ikura nia mbuku 300 mine. Aku see ŋinde ipondi kâki ikura ipaŋando tamâta mine.
31044	REV 16:21	Aku mira “ais” ŋalaŋala rârâ nde soka pa nia maa simbe sindue itogo karâzi mine panzi tamâta lâ tâno kulu. Mira “ais” ŋinde rârâni taitu-taitu ne malia nde ikura malia tamâta rua kanaŋo saŋao (50) mine. Mira “ais” ŋinde nde iyaulanzi tamâta ndo. Mine kala kinzi siporo ŋgua pavaligiŋa pa Maro Kindeni, ŋana tu isupwa mira “ais” sakamao ŋinde imâ panzi.
31090	REV 19:4	Aku kinzi aŋelo mbâna-mbâna 24, sitavanzi kelekele ŋapa vianzi kâ ŋinde, ande kinzi rârâni sipare tukunzi ku sipanea Maro Kindeni, ina isaŋona koipu ŋalae ne saŋonâŋa nia. Kinzi sisarâwa mine tu, “Mao nâ! Tapanea Maro Kindeni ŋa!”
31109	REV 20:2	Aŋelo ŋinde ilâ ku ikale mwâta ŋalae ŋinde kaika. Ina mwâta siŋga ndainani uru imo koroani saka nenzi koipu ŋalae, i ŋa tu Sadana. Ŋineŋga aŋelo ŋinde ipa mwâta kaika lâ wâlo ŋinde. Mwâta ma imo mine lee ikura lâ mbwera tamâta tamâta (1,000).
31110	REV 20:3	Ŋineŋga aŋelo itambira mwâta indue ilâ mbââ ŋalae ne lambu tia ŋinde ilo. Ŋineŋga aŋelo isae mbââ ne nzâla, ku ipa giri lâ. Mine kala Sadana ma ikura tu ilaŋenzi tamâta kilo tia lee, mbwera tamâta tamâta (1,000) ŋinde marumbu lâ ŋga. Ŋineŋga kinzi ma siyaute i piti, ikura Maro Kindeni ne pateâŋa mine, aku Sadana ma iyoka ilâ wa imâ wa ikura zo mbwana-mbwana nâ.
31111	REV 20:4	Aku naŋa amora saŋonâŋa nia pinde sitogo koipu ŋalaŋala nenzi saŋonâŋa nia mine, ande ŋgua-samâŋa tamâta pinde sisaŋona kulu. Aku naŋa amora tamâta rârâ korananzi tona, kinzi kalo-tawana tamâta ŋinde muŋga simandi kaika ŋana situla Yesu parina wa Maro Kindeni kawa ŋgua wa. Ŋana nenzi vetâŋa ŋinde kâ, ande nenzi kazâŋa tamâta sipunzi pâta simâte lâ. Kinzi tamâta ŋinde ŋandai sipare tukunzi pa ŋgoa ŋgoi tava i ne pareŋa-mâsi ŋga, aku ŋandai sikai i ne mâsi kilala lâ mbaunzi wa ndamwanzi ŋga. Kinzi tamâta ŋinde simâte lâ, ŋineŋga simandi sânda simo vianzi kilo, aku Maro Kindeni i ndamwa ilanzi ŋana simo koipu ŋalaŋala kâ. Kinzi simo koipu ŋalaŋala mine nâ lâ Kirisi kalo, ikura mbwera tamâta tamâta (1,000).
31112	REV 20:5	Pa zo ŋinde, kinzi tamâta ŋinde simbonzi nâ ma simandi sânda simo vianzi kilo. Mine kala kinzi ma simuŋga panzi tamâta ndoni ŋana simo vianzi kilo kâ. Aku muli, mbwera tamâta tamâta (1,000) ŋinde marumbu lâ, ŋineŋga kinzi mateŋa tamâta rârâni ma simandi simo vianzi kilo tona.
31113	REV 20:6	Kinzi tamâta ŋinde kala simuŋga ŋana simo vianzi kilo kâ, kinzi ŋinde ma sindeka ŋalae, ŋana tu Maro Kindeni ipateanzi tu ma simo i ne ŋgu. Aku muli, lâ zo ŋana Maro Kindeni ma ipare nia panzi tamâta ku ma ipunzi pâta, ande mateŋa ŋinde ma ikura ŋana izavarunzi i ne tamâta ŋinde kâ, ande tia ndo. Kinzi ma simo Maro Kindeni kuku Yesu Kirisi rua nenzi patarawâŋa tamâta, ku ma simo sikai koipu ŋalae lâ Kirisi kalo ikura mbwera tamâta tamâta (1,000).
31114	REV 20:7	Mbwera tamâta tamâta (1,000) ŋinde ma marumbu lâ, ŋineŋga kinzi aŋelo ma sikai nzâla ŋana mbââ ŋalae ne lambu tia ŋinde piti, aku Sadana ma iyâti imâ pa nia yo.
31138	REV 21:16	Lawea ŋinde ne ŋgaŋe ŋapa nenzi luandondo nde rege-rege nâ. Aŋelo ŋinde ikai ne tukâla ku iloe lawea ŋinde, aku lawea ne ŋgaŋe ŋapa taitu-taitu nenzi luandondo nde ipâŋga ikura nia mbuku 2,400 mine. Aku mine nâ, lawea ŋinde kala ikâki âta ikura nia mbuku 2,400 mine.
31139	REV 21:17	Aŋelo ne tukâla ŋinde nde irerege kuku kinda tamâta nenda tukâla ŋana taloe kelekele kâ. Aku aŋelo iloe lawea ne ŋgumbi tona, aku ŋgumbi ŋinde ikâki âta ikura “mita” tamâta ŋato kanaŋo lima (65) mine.