13957	PSA 2:8	Aku Yova Kindeni kala ipai naŋa mine tu, “‘Ambo noko ma kuno pa naŋa, ande naŋa ma tamâta rârâni nenzi tâno alano, aku noko ma pwai poe pa nia ndoni.
23978	MAT 22:37	Yesu nde iporo taulo tu, “‘Noko ma tini mwasa ndo papa noko ne Maro Ŋalae Kindeni, aku kuo noko ilo ndoni wa koroani ndoni wa ilo-kalo ndoni ilâ pa i simbo nâ.’
24726	MRK 11:17	Aku ipainzi tu, “Maro Kindeni kawa ŋgua ikeno mine tu, “‘Naneŋgu luma nde ma kinzi sipatu ŋa tu, “Kinzi ŋgu ndoni nenzi luma ŋana noŋa kâ’”, aŋga miki nde kaveta ŋine ipâŋga itogo kinzi nzanzare tamâta nenzi munâŋa nia mine!”
27464	ACT 13:33	ande kala ŋine iveta vetâŋani ndaina pa nenzi vâsa kinda lâ. Mao nâ, ipaŋo Yesu imandi imo via kilo, kala ŋgua pâŋa ŋinde ipâŋga kanaŋo lâ. Ŋinde iyoke ŋgua pinde ikeno wâŋgiŋa paneâŋa kâ ne keri rua mine tu, “‘Noko nde naŋa natuŋgu. Kala ŋine naŋa amo noko tama.’”
27465	ACT 13:34	Maro Kindeni ipaŋo Yesu lâ mateŋa nianzi imo via kilo, aku i ma ikura tu imâte itaulo kilo pa mateŋa nianzi ku isâmbu, ande tia ndo. Ŋinde ipâŋga nia yo lâ Maro Kindeni kawa ŋgua pinde ŋgua-tulâŋa tamâta muŋgâŋa siŋgere lâ pepa tini mine tu, “‘Naŋa muŋga apa ŋgua kuku Daviti tu ma aveta vetâŋa sapâŋa arara pinde papa, ande kala ŋine aporo kaika tu naŋa ma aveta vetâŋani ndaina pa mikini. Mao nâ, naŋa ma aveta ikura naneŋgu ŋgua mine.’”
28097	ROM 4:7	Daviti ne ŋgua ikeno mine tu, “‘Ambo Maro Kindeni ikai kiesaka piti lâ tamâta toŋge tini ku izavaru i ne vetâŋa potomule rârâni piti, ande tamâta ŋinde ikura tu indeka ŋalae.
28238	ROM 9:15	I nanayoni iporo pa Mose mine tu, “‘Ambo naŋa apatea tu ma ao naneŋgu wisi-wisi ilâ pa tamâta toŋge, ande naneŋgu wisi-wisi ma ikeno papa i. Ambo naŋa apatea tu ma ao naneŋgu kalo-sukâŋa ilâ pa tamâta toŋge, ande naneŋgu kalo-sukâŋa ma ikeno papa i.”
28249	ROM 9:26	Aku Hosea iŋgere ŋgua pinde kilo mine tu, “‘Nanayoni kinzi ŋgu ŋinde simo nia toŋge, aku naŋa aporo panzi mine tu, ‘Miki ŋandai naneŋgu tamâta ŋga’. Andeta muli, lâ niani ndaina, ande naŋa ma aporo ŋgua ŋananzi ŋgu ŋinde mine tu, ‘Kinzi nde Maro Kindeni Via Tamwata natu wukale’.”
28250	ROM 9:27	Muŋgani Aisaia itula ŋgua ŋananzi Isrel ŋgu mine tu, “‘Ambo kinzi Isrel ŋgu ma sipâŋga kambwaŋenzi, sitogo paulo ikeno sâwa mine, ande Maro Kindeni ma ikainzi Isrel tamâta pinde nâ piti lâ kondoma ilo.
28276	ROM 10:20	Aku muli ŋga Aisaia kala itula Maro Kindeni kawa ŋgua kie taituni tona. Maro Kindeni iporo kaika mine tu, “‘Tamâta pinde ŋandai siroto ŋana naŋa kâ, andeta kinzi ŋinde sisânda kuluŋgu lâ. Mao nâ, tamâta pinde ŋandai sikasoŋanzi tininzi pinde ŋana naŋa kâ, andeta naŋa apatua lâ nia yo panzi tamâtani ndaina.”
28277	ROM 10:21	Andeta Aisaia itula Maro Kindeni kawa ŋgua kie toŋge pwataki ŋananzi Isrel ŋgu mine tu, “‘Ikura zo rârâni naŋa amo ao tiniŋgu ŋananzi ŋgu ŋinde. Naŋa atu aveta keŋgu ara nâ panzi. Andeta kinzi uru sipu naneŋgu ŋgua ututu, aku taŋanzi kaika ndo.”
28380	ROM 15:9	Kirisi isama tu kinzi tamâta lâ tinikoa ŋgu ma simora i ne wurâta ŋinde ku ma sipanea Maro Kindeni ŋa ŋana i ne wisi-wisi kâ. Ŋinde iyoke Daviti kawa ŋgua ikeno lâ wâŋgiŋa paneâŋa kâ ne pepa tini mine tu, “‘Naŋa ma kawâŋgu ndaŋge pano lâ kinzi tinikoa ŋgu naonzi. Naŋa ma awâŋgi apaneano asuka noko ŋa kâki.”
28381	ROM 15:10	Aku ŋgua toŋge kala ikeno mine tu, “‘Miki tamâta lâ tinikoa ŋgu, miki kandeka katavanzi Maro Kindeni ne pateâŋa tamâta ŋgu.”
28382	ROM 15:11	Aku ŋgua toŋge kala ikeno mine tu, “‘Miki tamâta lâ tinikoa ŋgu ndoni, miki rârâni kapanea Maro Ŋalae kasuka i ŋa kâki. Miki tamâta kamo tâno ndoni, miki kawawa i!”
28383	ROM 15:12	Aku Aisaia kala iporo ŋgua kaŋa taituni mine tu, “‘Maro Kindeni ma io koipu wasaseki toŋge ipâŋga lâ Daviti tama Jesi see, aku i ma ikai poe panzi tamâta lâ tinikoa ŋgu. Kinzi tamâta ŋgu ŋinde ndoni ma sio tininzi ŋana i ne zo ŋana ivetanzi simo ara kâ.”
28392	ROM 15:21	Naneŋgu vetâŋa ŋinde iyoke Maro Kindeni kawa ŋgua ikeno lâ pepa tini mine tu, “‘Tamâta pinde ŋandai siloŋo i parina ŋga, andeta kinzi ŋinde ma simora i nao. Aku tamâta pinde ŋandai siloŋo i kawa ŋgua ŋga, andeta kinzi ŋinde ma sisama ŋgua ŋinde kie sondo.”
28471	1CO 2:9	Taitu Maro Kindeni kawa ŋgua ikeno lâ pepa tini mine tu, “‘Maro Kindeni muŋga ipatea tu ma iveta vetâŋa arara pinde panzi tamâta ea ilonzi ndo keno papa i, aku ne vetâŋa ŋinde nde ŋalae ndo. Mine nde tâno tamâta toŋge ikura tu imora vetâŋa ŋinde wa iloŋo pâri ŋana wa kalo ŋgere ŋana, ande tia ndo.”
28478	1CO 2:16	Ŋana tu Maro Kindeni kawa ŋgua ikeno lâ pepa tini mine tu, “‘Ea isama Maro Ŋalae ne ilo-kalo kilala pwataki kala ikura tu ipanana Maro Ŋalae, a?” Andeta kinda takai Kirisi ne ilo-kalo marumbu lâ.
28984	2CO 6:18	“‘Aku naŋa ma amo miki Tamami, ku miki kala ma kamo naŋa natuŋgu wukale mine nâ.’ Maro Ŋalae Walo Tamwata iporo ŋgua ŋine.”
29033	2CO 9:9	Ŋana tu Maro Kindeni kawa ŋgua ikeno lâ pepa tini mine tu, “‘Tamâta ŋinde uru kelekele rârâ ilanzi sugorai tamwatanzi, aku i ne vetâŋa arara ŋinde ma ikeno ikura zo zo.”
29056	2CO 10:17	Andeta Maro Kindeni kawa ŋgua ikeno lâ pepa tini mine tu, “‘Tamâta ea itu isuka tamâta toŋge ŋa kâki, ande i ma isuka Maro Ŋalae simbo nâ ŋa kâki.”
29112	2CO 13:1	Muŋga naŋa amo kumi mbwaniŋgu rua lâ, kala ŋine naŋa ma amâ amo kumi kilo. Ŋinde iyoke Maro Kindeni kawa ŋgua ikeno lâ pepa tini mine tu, “‘Ambo tamâta toŋge iveta soki, aku tamâta rua wa ŋato ilonzi tu ma simandi lâ ŋgua nia ku sisowe ŋgua lâ i tini, ande ara, ŋgua-samâŋa tamâta ma ikura tu iloŋo nenzi ŋgua ku iveta sondo. Ambo tamâta taitu nâ itu isowe ŋgua lâ tamâta ŋinde tini, ande ŋgua-samâŋa tamâta ma iloŋo i ne ŋgua tia.”
29177	GAL 3:8	Nia ndoyo Maro Kindeni ilo patea tu tamâta pinde lâ tinikoa ŋgu ma kalonzi tawana i, aku nenzi kalo-tawana ŋinde ma ivetanzi sipâŋga tamâta sondo lâ i nao. Mine kala nanayoni Maro Kindeni itula pâri ara pa Abraham mine tu, “‘Noko kalo tawana naŋa lâ, aku ŋana duvi ŋinde kâ naŋa ma aveta keŋgu ara ndo panzi tamâta rârâni simo tâno ndoni.”
29179	GAL 3:10	Taitu tamâta ea ilonzi tu nzâla ŋana soka Mose ne ŋgua tukuŋa muli nde nzâla ŋana sipâŋga tamâta sondo lâ Maro Kindeni nao, ande Maro Kindeni ma izavarunzi tamâta ŋinde. Ŋana tu i kawa ŋgua ikeno lâ pepa tini mine tu, “‘Mose iŋgere ŋgua tukuŋa lâ pepa tini ikeno lâ. Ambo tamâta toŋge ŋandai ipaveta mao kuku ŋgua tukuŋa ŋinde rârâni taitu-taitu ikura zo rârâni, ande Maro Kindeni ma izavaru tamâta ŋinde.”
29180	GAL 3:11	Aku Maro Kindeni kawa ŋgua toŋge kala ikeno lâ pepa tini mine tu, “‘Tamâta ea kalonzi tawana Maro Kindeni, ande kinzi tamâta ŋinde simo ilonzi mbâra-mbâra lâ i nao, aku sikai via mao.” Ŋgua ŋinde itula pwataki pa kinda tu ambo tamâta toŋge itu ipono muli pa Mose ne ŋgua tukuŋa, ande i ne vetâŋa ŋinde ikura tu iveta i ipâŋga tamâta sondo lâ Maro Kindeni nao, ande tia.
29347	EPH 4:8	Ŋana duvi ŋinde kâ, Maro Kindeni kawa ŋgua ikeno lâ pepa tini mine tu, “‘Ikâki ilâ imo âta ndo, aku lâ zo ŋinde ikainzi ne kazâŋa tamâta soka muli silâ, kinzi ŋinde muŋga ipolenzi lâ paraŋa ilo ku wâlo nâ ipanzi kaika lâ. Andeta iwae wisi-ara panzi ne tamâta.”
29406	EPH 6:2	Ŋana tu Maro Kindeni kawa ŋgua ikeno lâ pepa tini mine tu, “‘Miki ma kamege ŋananzi tinami-tamami, aku kaveta ikura nenzi ŋgua mine”. Ŋgua tukuŋa ŋinde nde imuŋga panzi ŋgua tukuŋa pinde rârâni ŋana itula ŋgua pâŋa toŋge tona. Ŋgua pâŋa ŋinde nde ikeno mine;
30035	HEB 1:5	Mine nde nanayoni Maro Kindeni ipai Natu mine tu, “‘Noko nde naŋa natuŋgu. Kala ŋine naŋa amo noko tama”. Aku i kala iporo ŋgua toŋge kilo mine tu, “Naŋa ma amo i tama, aku i ma imo naŋa natuŋgu”. Andeta Maro Kindeni iporo ŋgua kaŋa mine papa aŋelo toŋge, ande tia ndo.
30037	HEB 1:7	Maro Kindeni iporo ŋgua kaŋa toŋge ŋananzi aŋelo mine tu, “‘Maro Kindeni isupwanzi ne aŋelo sitogo lawea mine silâ sikai kuleŋa papa i. Ivetanzi ne wurâta tamâta sipâŋga sitogo mbamba ne loloa mine.”
30038	HEB 1:8	Taitu iporo ŋgua kaŋa toŋge pa i Natu mine tu, “‘Maro Ŋalae, noko ma pwai koipu ŋalae, ma kumo mine ku kumo nâ. Noko uru pwai poe sondo ndo panzi ne tamâta.
30040	HEB 1:10	Aku Maro Kindeni kala iporo ŋgua toŋge kilo pa i Natu mine tu, “‘Maro Ŋalae, nia ndoyo noko tamwata kupulia tâno ŋine kala ikeno kaika lâ, aku noko tamwata mbau kupulia samba tava kelekele rârâni simo âta ŋinde tona.
30084	HEB 4:3	Andeta nenda kalo-tawana nde ikeno pa Maro Kindeni. Mine nde kinda ma talâ tamo pwareâŋa nia ŋinde, ikura Maro Kindeni ne ŋgua pâŋa mine. I muŋga iporo ipambwâre tu, “‘Mine kala naŋa wisiŋgu nâna, aporo apa ŋgua kaika mine tu, ‘Mao kanaŋo, kinzi tamâta ŋine ma sikura tu silâ pa naneŋgu pwareâŋa nia tia ku tia ndo!’” Andeta nia ndoyo, lâ zo ŋinde Maro Kindeni ipulia tâno ipâŋga wasaseki, ande iveta pwareâŋa nia ŋinde muŋgani lâ ikeno.
30102	HEB 5:5	Mine nde Kirisi kala ŋandai ipasuka tamwata tini, ŋineŋga ikai wurâta ara ŋana ikai poe panzi patarawâŋa tamâta rârâni ŋga. Maro Kindeni tamwata ipatea i ŋana ikai wurâta ŋinde kâ. Maro Kindeni iporo ŋgua pa Kirisi mine tu, “‘Noko nde naŋa natuŋgu. Kala ŋine naŋa amo noko tama.”
30103	HEB 5:6	Aku Maro Kindeni iporo ŋgua toŋge kilo papa Kirisi mine tu, “‘Noko ma kumo patarawâŋa tamâta mine ku kumo nâ. Noko kumo patarawâŋa tamâta ŋalae, kutogo Melikisede mine.”
30148	HEB 7:17	Ŋana tu Maro Kindeni kawa ŋgua ikeno lâ pepa tini mine tu, “‘Noko ma kumo patarawâŋa tamâta mine ku kumo nâ. Noko kumo patarawâŋa tamâta ŋalae, kutogo Melikisede mine”.
30205	HEB 10:5	Mine kala lâ zo ŋinde Kirisi imâ ipâŋga tâno kulu, ande iporo pa Maro Kindeni mine tu, “‘Noko tini pwâka ŋana simbi wa kâpwa kie-kie ŋinde kinzi tamâta uru sipatarâwa pano. Andeta noko kupatea tu naŋa ma apâŋga tamâta.
30207	HEB 10:7	Aku Kirisi kala iporo ŋgua toŋge kilo mine tu, “‘Maro Kindeni, naŋa warakâŋgu amo ŋai mbo. Naŋa amâ apâŋga lâ, aku naŋa ma aveta vetâŋa ndia noko kupatea pa naŋa ŋinde, ikura ŋgua kinzi ŋgua-tulâŋa tamâta siŋgere lâ pepa tini mine.”
30237	HEB 10:37	Maro Kindeni kawa ŋgua ikeno lâ pepa tini mine tu, “‘Zo laiti lâ ŋana i ma imâ kâ. I ma imâ ipâŋga walele nâ.
30284	HEB 12:5	Tiambo miki kalomi kapa ŋana ŋgua ŋinde muŋga Maro Kindeni iporo pami ŋana ipu tini kaika pami, a? Miki nde kamo i natu wukale; mine kala iporo tu, “‘Naŋa natuŋgu, ambo Maro Ŋalae iveta vetâŋa toŋge pano ŋana itu noko sondo kâ, ande ara ŋana noko ma kalo ŋgere sondo ŋana vetâŋa ŋinde ne duvi kâ. Ambo imbitano wa ileleano wa, ande noko ma ilo malia koŋa ŋana ŋinde kâ ndimo.
30313	HEB 13:5	Miki ma ilomi ŋalae koŋa ŋana kagona mbaliŋa kâ ndimo. Ara ŋana miki ma kaporo lâ warakami ilomi tu, “Kelekele ndia kala naŋa akai lâ, ande ŋinde ikurana”. Ŋana tu Maro Kindeni muŋga iporo ŋgua mine tu, “‘Naŋa ma akatonami ikura zo rârâni. Naŋa ma apilemi kamo kaa nâ, ande tia ndo”.
30314	HEB 13:6	Mine kala kinda takura tu tamandi kaika ku taporo mine tu, “‘Maro Ŋalae nde naneŋgu Pavilâŋa Tamwata. Mine kala naŋa ma aruru tia ndo, ŋana tu kinzi tamâta sikura ŋana siveta vetâŋa soki pa naŋa, ande tia.”
30383	JAS 2:23	Mine kala Maro Kindeni kawa ŋgua ipâŋga kanaŋo. I ne ŋgua ikeno lâ pepa tini mine tu, “‘Abraham io ne kalo-tawana ilâ pa Maro Kindeni, aku ŋana duvi ŋinde kâ ipâŋga ilo mbâra-mbâra lâ Maro Kindeni nao.” Aku muli ŋga Maro Kindeni iporo ŋgua ŋana Abraham mine tu, “Abraham nde imo naŋa niŋgu-nambwe.”
30465	1PE 1:24	Ŋana tu Maro Kindeni kawa ŋgua ikeno lâ pepa tini mine tu, “‘Tamâta rârâni uru simo zo luandondo lâ tâno kulu, ande tia. Kinzi ma naonzi tia walele nâ, sitogo unza mine. Aku kinzi ŋanzi tava parinanzi ma imbe ndue lâ, itogo mâle uru siyauru sindue mine. Tâno ŋine ne unza uru sipâŋga ŋgâla-ŋgâla, ‘aku ne mâle uru siyauru sindue;
30501	1PE 3:10	Ŋana tu Maro Kindeni kawa ŋgua ikeno lâ pepa tini mine tu, “‘Ambo miki ilomi tu ma kamo ara nâ, aku ilomi tu ma kamo viami tava ndekâŋa nâ ikura zo luandondo, ande nzâla ikeno mine: miki ma kapile mâsi ŋana kaporo ŋgua sakamao wa ŋgua laŋeŋa wa;
30856	REV 5:9	Ŋineŋga kinzi siwâŋgi wâŋgiŋa wasaseki toŋge mine tu, “‘Noko simbo nâ pwura ŋana pwai pepa ŋinde ku kusiki ‘kandel’ siŋi rârâni piti, ŋana tu kinzi muŋga sipu noko pâta kumâte, aku kupaliŋi noko tamwata see ŋana kukonzi tamâta pinde lâ ŋgu rârâni simo tâno ndoni, nenzi ŋgua piti-piti wa tininzi kie-kie wa, ŋana ma simo Maro Kindeni ‘ne ŋgu.
30859	REV 5:12	Kinzi aŋelo ŋinde simo siwâŋgi kawanzi ŋalae kâki mine tu, “‘Ara ndo ŋana kinda ma tapanea Lama ŋine muŋga sipu pâta imâte, ŋana tu ikai walo kaika wa ilo-kalo sondo tava kelekele arara rârâni marumbu lâ! Ara ndo ŋana kinda ma tapanea i ŋa tasuka kâki, tandeka wa kawânda ndaŋge papa wa!”
30860	REV 5:13	Ŋineŋga naŋa aloŋonzi kelekele kie-kie rârâni, muŋga Maro Kindeni ipulianzi kala simo vianzi sikura nia nia lâ samba ilo wa tâno kulu wa mateŋa nianzi wa tâi ilo wa. Naŋa aloŋonzi kelekele rârâni ŋinde siwâŋgi siporo mine tu, “‘Tapanea i kala uru isaŋona koipu ŋalae ne saŋonâŋa nia ŋinde ikura zo rârâni, aku tapanea Lama tona mine nâ! Kelekele ndoni nde uru simo kinzi rua kalonzi. Kinzi rua ŋanzi keno ŋalae, aku simo tava walo kaika. Tapanea kinzi rua mine ku tamo nâ!”
30888	REV 7:10	Aku kinzi simo sisarâwa kawanzi ŋalae mine tu, “‘Kinda nenda Maro Kindeni isaŋona koipu ŋalae ne saŋonâŋa nia, aku i kuku Lama rua nde sikai kinda piti lâ kondoma ilo, kala siveta kinda tamo ara nâ!”
31087	REV 19:1	Ŋinde ilâ lâ, ŋineŋga naŋa aloŋo nduŋeŋa ŋalae tina ipâŋga lâ samba ilo, itogo tamâta ŋgu ŋalae kawanzi pakâe-pakâe mine. Aku sisarâwa mine tu, “‘Tapanea Maro Kindeni ŋa! I nde kinda nenda Yautâŋa Tamwata! I ŋa ŋalae ndo, aku ne walo kaika nde ŋalae tina!
31089	REV 19:3	Ŋineŋga kinzi sisarâwa kilo mine tu, “‘Tapanea Maro Kindeni ŋa! Yââ kana lawea ŋalae ŋinde kala ne mundo kâki, ma ikâki mine ku imo nâ!”