23236	MAT 1:23	Kunaꞌa xa juꞌun daꞌya ɨɨn dichi ii, te kajan‑i ɨɨn se yɨɨ. Dandee ñaꞌa ñayiu Emanuel. (Emanuel kuu: Tuu‑ro xiꞌin Ianyuux.)
23240	MAT 2:2	N‑ka xijan tnuꞌu‑s nuu ñayiu Jerusalén: —¿Ndexu n‑kaku seluchi taxnuni nuu ñayiu Israel? N‑ka xini‑da ɨɨn chudini n‑kee do nuu kane ngandii, te ndeka ñaꞌa‑tɨ vaxi. Xaxeꞌe xijan n‑ka kixee‑da xa ndadakaꞌnu koio‑da‑s —ka kuu‑s, ka xiaꞌan‑s.
23243	MAT 2:5	Te ka xiaꞌan‑s: —Kaku‑ia Belén, distrito Judea chi duꞌa n‑jaꞌan Ianyuux, te duꞌa n‑chidotnuni se n‑jaꞌan nuu ñayiu xa n‑jaꞌan Ianyuux:
23255	MAT 2:17	Duꞌa n‑xetnaꞌa xa n‑chidotnuni Jeremías, se n‑jaꞌan tnuꞌu Ianyuux nuu ñayiu:
23263	MAT 3:2	N‑jaꞌan‑s nuu ñayiu n‑ka xo taka ijan: —Natu ini koio xa n‑ka kida‑n kuechi chi vax kuyatni kɨu xa nde andɨu taxnuni Ianyuux nuu ñayiu ñuñayiu.
23264	MAT 3:3	Nani n‑chidotnuni Isaías, se n‑jaꞌan nuu ñayiu xa n‑jaꞌan Ianyuux daa n‑jaꞌan Sua: Xee kana ɨɨn se kutuu nuu ñayo io te ñatu nga juun dau: “Kada tuꞌa‑n mee‑n ɨɨn ɨɨn‑n xa na kuaꞌa kueka koio‑n Ianyuux, Ia kuu Xtoꞌo‑ro. Kuenda kɨu ichi ka kuu‑n. Ndadandaa‑n ichi jan”, kuu Sua, n‑xo jaꞌan‑s.
23278	MAT 3:17	N‑jaꞌan Ianyuux nde andɨu: —Ia yaꞌa kuu Daꞌya Yɨɨ Mani‑r. Vichi tna ini‑r xa kida‑ia —kuu‑ia.
23282	MAT 4:4	N‑jaꞌan Jesús nuu‑i: —Yodotnuni tnuꞌu Ianyuux xa: “Io xa kaxi koio ñayiu na kuaꞌa kundito koio‑i, ko ñadu diko ni xijan io xa kada‑i, chi dɨuni io xa kunini‑i ntdandituꞌu tnuꞌu Ianyuux.”
23284	MAT 4:6	Xiaꞌan‑i nuu‑ia: —Nux ndaa xa Daꞌya Yɨɨ Ianyuux kuu‑n jungava nde nuu ñuꞌu jan, chi yodotnuni tnuꞌu Ianyuux: “Taꞌu tniu Ianyuux nuu ángel, ia ka xinokuechi nuu‑ia, xa junuu ñaꞌa‑ia.” Dɨuni yodotnuni tnuꞌu‑ia xa: “Junuu ñaꞌa koio‑ia xa na ñaꞌa tnukueꞌe xeꞌe‑n nuu yuu” —kuu Kuiꞌna, xiaꞌan‑i.
23285	MAT 4:7	Te xiaꞌan Jesús: —Dɨuni yodotnuni xa: “Maxku kototnuni‑n Ianyuux, Ia kuu Xtoꞌo‑ro.”
23288	MAT 4:10	Xiaꞌan Jesús: —Juaꞌan Satanás chi duꞌa yodotnuni tnuꞌu Ianyuux: “Nuu Ianyuux, Ia kuu Xtoꞌo‑ro, njuiin xiti koio. Nakuetu koio te kajan taꞌu koio nuu‑ia. Nuu mee ni‑ia junukuechi koio.”
23419	MAT 8:5	Juan nuꞌu Jesús Capernaum. Nu n‑ndɨu‑ia ñuu jan, te n‑xetuꞌa ñaꞌa ɨɨn centurión. N‑jaꞌan‑s nuu Jesús:
23422	MAT 8:8	Te n‑xiaꞌan centurión jan: —Dito, ñatu natau xa xee‑n veꞌe‑da chi ndandɨꞌɨ‑n. Diko ni jaꞌan‑n xa na ndvaꞌa se xinokuechi nuu‑da, te ndvaꞌa‑s.
23424	MAT 8:10	Nu n‑teku Jesús xa n‑jaꞌan se ijan, n‑yuꞌu anu‑ia, te n‑jaꞌan‑ia nuu ñayiu xndijun ñaꞌa: —Jaꞌan ndaa‑r xa ña uun xini‑r ɨɨn ñayiu Israel kukanu ini ñaꞌa na kukanu ini ñaꞌa se yaꞌa.
23427	MAT 8:13	Te xiaꞌan Jesús nuu centurión jan: —Juan nuꞌu, te na yaꞌa na kukanu ini‑n xa yaꞌa. Te ndvaꞌa se xinokuechi nuu‑s hora ijan.
23434	MAT 8:20	Te n‑jaꞌan Jesús: —Chikuii, io yau kava xyɨꞌɨ‑tɨ. Dani chilidaa, io taka‑tɨ, ko ruꞌu, Ia kuu ñayiu, ña tuu na veꞌe‑r. Ñavada nde ndetatu‑r.
23436	MAT 8:22	Te n‑jaꞌan Jesús: —Nkuitandijun ñaꞌa naꞌi. Na kuxi tnaꞌa koio ñayiu ña ka xini jundu kuu Ianyuux.
23450	MAT 9:2	Te xndeka tɨtnɨ seyɨɨ ɨɨn se kaa nuu xito n‑xiꞌí xeꞌe n‑xee nuu‑ia. N‑xini‑ia xa ka kukanu ini‑s Ianyuux, te n‑jaꞌan‑ia nuu se n‑xiꞌí xeꞌe jan: —Maxku kukoꞌyo ini‑n chi n‑taxkanu ini Ianyuux kuechi n‑kida‑n.
23454	MAT 9:6	Kunaꞌa koio xa ruꞌu xa kuu‑r Ia kuu ñayiu, taxkanu ini‑r ñayiu n‑ka kida kuechi —kuu Jesús, xiaꞌan‑ia. Ijan dada n‑jaꞌan‑ia nuu se n‑xiꞌí xeꞌe: —Ndokoo. Ndoneꞌe xito‑n, doo‑n, te juan nuꞌu veꞌe‑n.
23459	MAT 9:11	Nu n‑ka xini se fariseu se xtuu ijan, te ka xiaꞌan‑s nuu se ka dakuaꞌa ñaꞌa Jesús: —¿Nakuenda xaxi maestru‑n xiꞌin se ka xijan tvini nandajan gobierno xiꞌin dava ka ñayiu ka kida kueꞌe kuechi?
23461	MAT 9:13	Io xa kutnuni ini koio‑n nax kuu xaꞌa: “Juini‑r xa kundaꞌu ini‑n ñayiu, ñadu juini‑r xa doko‑n ɨɨn xa jandodo‑n nuu altar.” Ñadu n‑kixee‑r xa jaꞌan‑r nuu ñayiu vaꞌa xa nkuitandijun ñaꞌa‑i, chi n‑kixee‑r xa jaꞌan‑r nuu ñayiu ka xini xa kueꞌe kuechi ka kida‑i xa nkuitandijun ñaꞌa‑i —kuu Jesús, xiaꞌan‑ia nuu‑s.
23462	MAT 9:14	Nu n‑xika kɨu, te n‑ka xee se dakuaꞌa ñaꞌa Sua Bautista. N‑ka jaꞌan‑s nuu Jesús: —¿Nakuenda xa daña xiꞌin se fariseu, xndaxio ndite‑da xa xneꞌe ii‑da, te se dakuaꞌa‑n?, ¿nakuenda ñayo‑s xndaxio ndite hora xneꞌe ii‑s?
23488	MAT 10:2	Duꞌa xnani nɨn uxi uu daña, se n‑tundaꞌa ñaꞌa Jesús: Se kiꞌna nuu nani Simón. Dɨuni nani‑sɨ Spedru. Ɨnka‑s kuu Ndrixi, ñani Simón. Ɨnka‑s kuu Jacobo xiꞌin ñani‑s Sua, se ka kuu daꞌya yɨɨ Zebedeo.
23535	MAT 11:7	Nu n‑ka ndee se n‑tundaꞌa ñaꞌa Sua, te n‑kixeꞌe Jesús xa kakuneꞌe‑ia Sua. N‑jaꞌan‑ia nuu‑da xiꞌin nuu ñayiu xyuku ijan: —¿Nax n‑ka xe ndeꞌa‑n nuu ñayo io te ñatu nga juun dau? Ñatu n‑ka xe ndeꞌa‑n ɨɨn se kuu ná kuu tnu ite xa juaꞌan vaxi‑tnu hora kane tachi xa kava uu kava uni anu‑s.
23546	MAT 11:18	Duꞌa jaꞌan‑r chi Sua, ña n‑xo xaxi‑s xa ka xaxi‑ro. Dɨuni ña n‑xiꞌi‑s vinu te n‑ka jaꞌan ñayiu: “Xaloko ñuꞌu anu‑s.”
23553	MAT 11:25	Ijan dada n‑kixeꞌe‑ia xa jaꞌan‑ia nuu Taa‑ro Ianyuux: —Taa‑ro Ianyuux, Ia taxnuni andɨu xiꞌin ñuñayiu, ndadakaꞌnu ñaꞌa‑da, chi ñatu n‑datuu‑n xaꞌa nuu ñayiu ka tuꞌa vaꞌa tutu, ñayiu io xaxtnuni xa kutnuni ini‑i, ko n‑datuu‑n ntdaa xaꞌa nuu ñayiu ña ka tuꞌa. Ná kuu sekuechi ka kuu‑i.
23555	MAT 11:27	Ijan dada n‑jaꞌan‑ia nuu‑da ntdaa‑da xiꞌin nuu ñayiu xyuku ijan: —N‑taxi Ianyuux xaxtnuni xa ntdaa xa kuu xa xino xini‑r. Ñayo ñayiu xini xa kuu‑r Daꞌya Yɨɨ Ianyuux. Ñayo kutnuni ini jundu kuu‑r, nani Taa‑ro Ianyuux. Mee ni Taa‑ro Ianyuux xini jundu kuu‑r, te mee ni‑r xini jundu kuu Taa‑ro Ianyuux. Dɨuni jini dava ka ñayiu ñu ini‑r xa juña tnuꞌu‑r jundu kuu‑ia. Ña yoo ka ñayiu xini jundu kuu‑ia, idii mee‑r.
23560	MAT 12:2	N‑ka xini se fariseu, te n‑ka jaꞌan‑s nuu Jesús: —Kundeꞌa xa ka kida se dakuaꞌa‑n. ¿Nakuenda ka kida‑s ɨɨn xa ña xejoon Ianyuux xa kada‑ro kɨu kuu sabado?
23565	MAT 12:7	N‑jaꞌan Ianyuux: “Io xa kundaꞌu ini koio‑n ñayiu ndaꞌu ka yaꞌa, ñadu io xa doko koio‑n ɨɨn xa ka jandodo‑n nuu altar.” Nu n‑ka kutnuni ini‑n xaꞌa, ma tekuechi koio‑n ñayiu n‑kuu.
23569	MAT 12:11	Te xiaꞌan Jesús: —Nux io ɨɨn tkachi‑n te kɨu kuu sabado n‑kekava‑tɨ ɨɨn yaú, ¿ma jɨn nutava‑n‑tɨ juini kɨu ndetatu‑ro kuu a?
23571	MAT 12:13	Ijan dada n‑jaꞌan‑ia nuu se natɨyɨ ndaꞌa: —Dakaa ndaꞌa‑n. Te n‑dakaa‑s ndaꞌa‑s te n‑ndvaꞌa ná n‑xio.
23575	MAT 12:17	Duꞌa n‑xetnaꞌa tnuꞌu n‑chidotnuni Isaías, se n‑jaꞌan tnuꞌu Ianyuux nuu ñayiu. N‑jaꞌan Ianyuux:
23597	MAT 12:39	Te xiaꞌan Jesús: —Ndoꞌo, ñayiu io vitna unu loko‑n. Ka najuen tnuꞌu‑n ɨɨn xa ka xani ini‑n xa kuu‑i Ianyuux. Ka jaꞌan‑n xa kada‑r ɨɨn milagru. Ma kuu xa jini‑n xijan. Diko ni jini koio‑n xa yaꞌa‑r ná n‑yaꞌa Jonás, se n‑jaꞌan nuu ñayiu xa n‑jaꞌan Ianyuux.
23605	MAT 12:47	Te n‑xian tnuꞌu ɨɨn se n‑xian tnuꞌu Jesús: —Ndetu ñaꞌa dɨꞌɨ‑n xiꞌin ñani‑n yata veꞌe xa ndatnuꞌu‑n xiꞌin‑ña.
23621	MAT 13:13	Xijan kuu xa jaꞌan‑r tnuꞌu ña ka kutnuni ini‑i nuu‑i. Xijan kuu xa: Kundeꞌa‑i, ko mayo‑i ke ini. Kunini koio‑i, ko mayo‑i kutnuni ini.
23639	MAT 13:31	Ijan dada n‑jaꞌan‑ia ɨnka xa n‑jaꞌan‑ia nuu‑da ntdaa‑da xiꞌin nuu ñayiu xyuku ijan: —Ñayiu n‑kɨu tnaꞌa nuu ñayiu taxnuni Ianyuux nuu‑i nde andɨu kuu ná kuu ndɨjɨn tnumaxtaxa. N‑dakeé ɨɨn se n‑dakeé idii ni ndɨjɨn‑tnu nuu ñuꞌu‑s.
23660	MAT 13:52	Te n‑jaꞌan‑ia ɨnka ntuku tnuꞌu kandee: —Nux ka kaꞌu se ka tuꞌa vaꞌa ley n‑chidotnuni Moisés ley Ianyuux kakuneꞌe xa taxnuni‑ia nuu ñayiu, kuenda kɨu ɨɨn xtoꞌo veꞌe ka kuu‑s xa koto‑s xa yo yaꞌu nevaꞌa‑s, te kineꞌe‑s xa ma juetniu ka‑s. Nani kineꞌe‑s ndatniu naꞌa n‑kuu io, dani kineꞌe‑s ndatniu xee —kuu‑ia, n‑jaꞌan‑ia.
23674	MAT 14:8	Te n‑jaꞌan dɨꞌɨ‑i nuu‑i xa na kajan‑i dɨkɨ Sua. Te daa xiaꞌan‑i nuu Herodes: —Na kava ndodo dɨkɨ Sua Bautista ɨɨn nuu koꞌo, te taxi‑n —kuu‑i, xiaꞌan‑i.
23706	MAT 15:4	N‑taꞌu tniu Ianyuux: “Najuen tnuꞌu koio tadɨꞌɨ‑n”, te “ñayiu na jan kuiꞌa taa‑i a dɨꞌɨ‑i, na kaꞌni ñaꞌa juxtixia.”
23710	MAT 15:8	Duꞌa n‑chidotnuni‑s xa n‑jaꞌan Ianyuux: Ñayiu Israel ka jaꞌan xa ka najuen tnuꞌu ñaꞌa‑i, ko ka jaꞌan ni nga‑i chi ñatu daa kuu anu‑i. Ña ka xe ini ñaꞌa‑i.
23757	MAT 16:16	Te xiaꞌan Simón Pedro: —Cristu, Daꞌya Yɨɨ Ianyuux ndixa kuu‑n.
23774	MAT 17:5	Nɨni jaꞌan‑s te n‑ndixi vikó nuꞌu nde nuu ñuꞌu te n‑ka daꞌu‑s nuu vikó jan. Te n‑jaꞌan Ianyuux xiti vikó jan: —Ia yaꞌa kuu Daꞌya Yɨɨ mani‑r. Yo kudɨ ini‑r xa kida‑ia tniu‑r. Kunini koio xa jaꞌan‑ia.
23789	MAT 17:20	Te n‑jaꞌan Jesús nuu‑da ntdaa‑da: —Ña n‑ka ndaku‑n xaxeꞌe xa ña ka kukanu ini‑n Ianyuux. Nux xandaa xakuiti ka kukanu ini‑n‑ia, juini ñatu ka kukanu ini vaꞌa‑n‑ia, nux juñaꞌa‑n nuu tnduu yaꞌa: “Xiko juiin. Juaꞌan ɨnka lado.” Te xiko juiin. Nux xandaa xakuiti ka kukanu ini‑n‑ia, ndaku‑n xa kada‑n davaꞌa nga milagru —kuu‑ia, n‑jaꞌan‑ia.
23793	MAT 17:24	N‑ka nangondita‑da xiꞌin‑ia Capernaum. Ijan xtuu se ka xijan tvini kuu xiꞌin veñuꞌu. N‑ka xijan tnuꞌu‑s Spedru: —¿Xiaꞌan maestru‑n tvini kuu xiꞌin veñuꞌu‑ro a?
23794	MAT 17:25	N‑jaꞌan Spedru: —Joon —kuu‑s, xiaꞌan‑s. Ijan dada n‑kɨu Spedru xiꞌin Jesús veꞌe‑ia, te kiꞌna ka‑ia n‑jaꞌan. N‑xijan tnuꞌu‑ia‑s: —Simón, ¿Nax xani ini‑n? Se taxnuni nuu ñayiu ñuñayiu, ¿jundu nuu ka xijan‑s tvini? ¿Ka xijan‑s tvini nuu ñayiu ñuu‑s a ka xijan‑s tvini nuu ñayiu ɨnka ñuu a?
23795	MAT 17:26	Xiaꞌan Spedru: —Ka xijan‑s tvini nuu ñayiu ɨnka ñuu. Xiaꞌan Jesús nuu‑s: —Xaxeꞌe xijan ñatu ka xajan se ñuu‑s tvini.
23812	MAT 18:16	Nux ma ke ini‑i xa jaꞌan‑n, kandeka‑n ɨɨn a uu ka ñayiu jɨꞌɨn nuu‑i te juñaꞌa ntuku‑n nuu‑i xa n‑kida ñaꞌa‑i. Duꞌa yodotnuni tnuꞌu Ianyuux: “Na jaꞌan‑n nuu ñayiu n‑kida ɨɨn kuechi xa n‑kida‑i ɨɨn kuechi, kandeka‑n uu a uni ñayiu jɨꞌɨn nuu‑i xa ku kuu‑i testiu‑n na kuaꞌa na jandixa ñaꞌa‑i.”
23842	MAT 19:11	N‑jaꞌan Jesús: —Ñadu ntdaa ñayiu kutnuni ini tnuꞌu yaꞌa, chi mee ni ñayiu chindee ñaꞌa Ianyuux kutnuni ini.
23849	MAT 19:18	Xiaꞌan‑s nuu‑ia: —¿Ndeda ley‑ia u? Xiaꞌan Jesús: —Maxku kaꞌni‑n ndɨyɨ. Maxku kava‑n xiꞌin ñadɨꞌɨ ñatu kuu ñadɨꞌɨ‑n. Maxku duꞌu‑n. Maxku jaꞌan vete‑n nuu juxtixia.
23851	MAT 19:20	Xiaꞌan se jan: —Ntdaa xaꞌa jandixa‑da vaxi. ¿Nax ka ndoñuꞌu‑da xa kada‑da?
23898	MAT 21:3	Nux jundu jaꞌan: “¿Nakuenda xa daa ka kida‑n?”, te juñaꞌa koio‑n: “Ia kuu Xtoꞌo‑ro, ndoñuꞌu kɨt yaꞌa, te natundaꞌa‑ia‑tɨ ndixi nunuu ka” —kuu Jesús, xiaꞌan‑ia.
23900	MAT 21:5	Juaꞌan koio Sión, te juñaꞌa‑n nuu ñayiu ijan: “Kundeꞌa xa vaxi se taxnuni nuu‑n. Kuu‑s ná kuu ñayiu kundaꞌu kukee chi daꞌya ɨɨn burra yodo‑s vaxi.”
23906	MAT 21:11	Ka xiaꞌan ñayiu xndijun ñaꞌa: —Se yaꞌa kuu Jesús. Se Nazaret kuu‑s. Se distrito Galilea kuu‑s. Se kachi tnuꞌu ñaꞌa xa n‑jaꞌan Ianyuux kuu‑s —ka kuu‑i, ka xiaꞌan‑i.
23908	MAT 21:13	Te n‑jaꞌan‑ia nuu‑s: —Yodotnuni tnuꞌu Ianyuux: “Veñuꞌu nuu io xa kajan taꞌu ñayiu nuu‑r kuu veñuꞌu yaꞌa, te veꞌe‑r kuu.” Dɨuni yodotnuni tnuꞌu‑ia: “Ka xetniu‑n veꞌe Ianyuux ná ka xetniu ñaduꞌu yau kava.” —Kuu‑ia.
23910	MAT 21:15	N‑ka xini dutu ka kunxaꞌnu xiꞌin se ka tuꞌa vaꞌa ley n‑chidotnuni Moisés xa n‑kida Jesús kueꞌe milagru. Dɨuni xa n‑ka teku‑s xa ka kana sekuechi xiti veñuꞌu jan: “Na ndadakaꞌnu‑ro Ia kuu daꞌya dana David.” Xijan kuu xa n‑ka kiti ini‑s.
23911	MAT 21:16	Te n‑ka jaꞌan‑s nuu Jesús: —¿Ña teku‑n xa ka kana sekuechi yaꞌa u? Te n‑jaꞌan Jesús: —Joon, teku‑r. ¿Ñayo‑n n‑ka kaꞌu nuu yodotnuni xa: “Ndadakaꞌnu ñaꞌa koio sekuechi xiꞌin dichi kuechi xiꞌin daꞌya ka xadi a”?
23916	MAT 21:21	Te n‑jaꞌan Jesús nuu‑da ntdaa‑da: —Xandaa xakuiti xa nux idii vuelta na kukanu ini‑n Ianyuux te ma jɨn tnɨɨ anu‑n, ñadu mee ni xa n‑kida‑r tnu higo kuaꞌa‑n xa kada koio‑n chi nux na juñaꞌa koio‑n tnduu yaꞌa: “Xiko juiin. Juan keé nuu mar”, te daa kuu.
23936	MAT 21:41	Te ka xiaꞌan dutu ka taxnuni xiꞌin sexaꞌnu ka kunxaꞌnu n‑ka xee ijan: —Kaꞌni‑s se unu loko ijan. Ma kundaꞌu ini‑s‑sɨ. Juñaꞌa ntuku‑s ñuꞌu‑s ɨnka se kundee xiꞌin‑s tnu uva jan. Se ijan na kaꞌnde dava xiꞌin‑s uva yoo tnɨɨ koio‑s —kuu‑s, ka xiaꞌan‑s nuu Jesús.
23957	MAT 22:16	Ijan dada n‑ka tundaꞌa‑s se ka dakuaꞌa‑s xiꞌin se partido Herodes nuu Jesús. Ka xiaꞌan se ijan: —Maestru, ka xini‑da xa ndaa jaꞌan‑n nuu ntdaa ñayiu te najanu ichi‑n‑yɨ ichi Ianyuux, te ñatu kaxí‑n ñayiu chi ɨnuu kuu ini vaꞌa‑n nuu‑i ntdaa‑i.
23965	MAT 22:24	—Maestru, n‑chidotnuni Moisés: “Nux na kuú ɨɨn seyɨɨ te ña n‑xio daꞌya‑s xiꞌin ñadɨꞌɨ‑s, io xa natnundaꞌa ñani‑s xiꞌin ñadɨꞌɨ‑s xa na koo daꞌya‑ña xiꞌin ñani‑s te kuenda kɨu daꞌya se n‑xiꞌí jan ku kuu daꞌya ijan.”
23972	MAT 22:31	Tnuꞌu Ianyuux yodotnuni kakuneꞌe xa ndaa xa nandoto ñayiu n‑ka xiꞌí. ¿Ñatu n‑ka kaꞌu‑n xijan u? Duꞌa yodotnuni:
23980	MAT 22:39	Ɨnka ley ndandɨꞌɨ kuu xaꞌa: “Io xa juemani koio‑n ñanitnaꞌa‑n ná ka xemani‑n mee‑n.”
23983	MAT 22:42	—¿Jundu kuu Cristu ka xani ini‑n? ¿Jundu daꞌya dana kuu‑ia? Ka xiaꞌan‑s nuu Jesús: —Daꞌya dana David kuu‑s.
23988	MAT 23:1	Ijan dada n‑jaꞌan Jesús nuu‑da ntdaa‑da xiꞌin nuu ñayiu xyuku ijan:
23996	MAT 23:9	Maxku jaꞌan‑n nuu ɨɨn ñayiu: “Ndixi kuu Taa ñayiu ñuñayiu”, chi idii ni Taa‑ro ntdaa‑ro io. Andɨu tuu‑ia.
23997	MAT 23:10	Maxku juejoon koio‑n xa jaꞌan ñayiu: “Kuu‑n Maestru ñayiu ñuñayiu”, chi Maestru‑i kuu ñaꞌa ruꞌu, Ia kuu Cristu.
24000	MAT 23:13	Ijan dada xiaꞌan‑ia nuu se ka kunxaꞌnu: —Ndaꞌu yaꞌa koio ndoꞌo, se ka kuu maestru xiꞌin se fariseu chi unu loko‑n. Ka kida nga‑n xa vaꞌa‑n. Ka dadaꞌan‑n xa maxku kɨu tnaꞌa koio ñayiu nuu ñayiu ka jandixa xa taxnuni Ianyuux nuu‑i. Juini juini‑i xa kɨu tnaꞌa koio‑i nuu ñayiu ijan, ko ka dadaꞌan‑n, te ni mee‑n ña kɨu tnaꞌa koio nuu‑i.
24030	MAT 24:4	N‑jaꞌan Jesús: —Koo koio‑n cuedado xa maxku dandaꞌu ñaꞌa se kixi.
24049	MAT 24:23	Tiempu ijan jaꞌan koio ñayiu: “Yaꞌa tuu Cristu.” Jaꞌan ɨnka ntuku ñayiu: “Ijan tuu Cristu.” Maxku jandixa koio‑n‑yɨ
24083	MAT 25:6	Nu n‑kuu niu dava, dana ini n‑ka kana ñayiu: “Vaxi noviu. Na jɨn tnaꞌa koio‑ro‑i.”
24085	MAT 25:8	Dichi n‑ka xani ini lilu, n‑ka jaꞌan‑i nuu dichi n‑ka xani ini vaꞌa: “Taxi koio xaku aciti olivo‑un chi vax ndaꞌva candili‑r ɨɨn ɨɨn‑r.”
24086	MAT 25:9	Te n‑ka jaꞌan dichi n‑ka xani ini vaꞌa: “Ma taxi koio‑r chi ma kendita xa juetniu‑ro ntdaa‑ro. Vaꞌa ka nuu juaꞌan koio nuu kuyaꞌu aciti olivo te jueen koio‑un xa juetniu koio‑un”, ka kuu dichi ijan, ka xiaꞌan‑i.
24089	MAT 25:12	Te xiaꞌan‑s nuu dichi ka kuu soltera jan: “Ña xini ñaꞌa‑r,” kuu‑s, n‑xiaꞌan‑s.
24103	MAT 25:26	Te n‑jaꞌan se kuu xtoꞌo‑s jan: “Lilu‑n. Ña kuaꞌa‑n junukuechi‑n, te kudi‑n. Ando xá naꞌa xa nataxtnaꞌa‑r xa ña n‑dakeé‑r, te dɨuni nakueka‑r xa ña n‑dadaꞌu‑r.
24105	MAT 25:28	Te xiaꞌan‑s nuu se xnii yatni: “Tnɨɨ koio tvini‑s te juñaꞌa se n‑xiaꞌan‑r oꞌon talento
24129	MAT 26:6	N‑xee Jesús ñuu nani Betania, te juaꞌan‑ia veꞌe Simón. Ka dandee ñayiu Simón: “Se Teꞌyu Ñɨɨ”, chi n‑xo teꞌyu ñɨɨ‑s.
24148	MAT 26:25	Ijan dada xiaꞌan Judas, se n‑kida xa n‑ka tnɨɨ juxtixia Jesús: —Maestru, ¿kuiti mee‑da duꞌa kada ñaꞌa u? Te xiaꞌan‑ia nuu‑s: —Joon.
24154	MAT 26:31	Ijan n‑jaꞌan‑ia nuu‑da ntdaa‑da: —Kujanuu koio‑n xaxeꞌe xa ndeka tnaꞌa‑ro te dandoo ñaꞌa koio‑n xakuaa vitna. Duꞌa yaꞌa xa na jɨn tnaꞌa tnuꞌu Ianyuux yodotnuni. Duꞌa yodotnuni: Kada‑r xa kuú se ñunuu tkachi‑r. Te duꞌa duꞌa kute niꞌno‑tɨ.
24163	MAT 26:40	Ijan dada n‑naxee‑ia nde nuu xtuu ndruni se ndeka tnaꞌa xiꞌin‑ia juaꞌan. N‑xini‑ia xa ka kidi‑s, te xiaꞌan‑ia nuu Spedru: —¿Ni ɨɨn nunuu ña n‑kuu xa kundeꞌa vaꞌa‑n nax yaꞌa u? —kuu‑ia.
24165	MAT 26:42	Vuelta kuu uu juaꞌan‑ia te duꞌa n‑xijan taꞌu‑ia nuu Ianyuux: —Taa‑ro Ianyuux, nux ma kuu xa dakaku ñaꞌa‑n nuu xa uꞌu yaꞌa, na yaꞌa na juini mee‑n.
24171	MAT 26:48	Xá daa n‑jaꞌan Judas janda kada‑s xa kutnuni ini se xnetnaꞌa xiꞌin‑s n‑xee ijan jundu kuu Jesús. Duꞌa n‑jaꞌan‑s nuu se ijan: —Se na teyuꞌu‑da, se ijan tnɨɨ koio‑n.
24178	MAT 26:55	Ijan dada n‑jaꞌan‑ia nuu se n‑ka xee ijan: —¿Nakuenda xneꞌe‑n espada‑n xiꞌin karruti‑n n‑ka kixee xa tnɨɨ ñaꞌa koio‑n kuenda kɨu ñaduꞌu kuu‑r? Ndɨkɨu ndɨñuu n‑xo dakuaꞌa‑r ñayiu xiti veñuꞌu Jerusalén. N‑xo xo nukoo‑r ijan te ñayo‑n n‑ka tnɨɨ ñaꞌa,
24184	MAT 26:61	Ka xiaꞌan‑s: —Duꞌa jaꞌan se yaꞌa: “Vatuka kanu‑r veñuꞌu Ianyuux Jerusalén te vatuka nadaxino‑r nuu uni kɨu” —kuu‑s, ka xiaꞌan‑s.
24194	MAT 26:71	Ijan dada juaꞌan‑s yeꞌe ndɨu‑ro nukeꞌe jan, te n‑xini ñaꞌa ɨnka soltera. N‑jaꞌan‑i nuu ñayiu xnii ijan: —Te yaꞌa kuu té n‑xo kunduu xiꞌin Jesús, té Nazaret.
24209	MAT 27:11	N‑xee Jesús nuu se kuu gobernador jan, te n‑xijan tnuꞌu‑s‑ia: —¿Mee‑n kuu se taxnuni nuu ñayiu Israel a? Te n‑jaꞌan Jesús: —Joon.
24211	MAT 27:13	Xijan kuu xa n‑xijan tnuꞌu ñaꞌa Pilato: —¿Ñatu chinuu‑n xa ka jaꞌan‑s xa io kuechi‑n a?
24219	MAT 27:21	Te n‑xijan tnuꞌu ntuku gobernador jan ñayiu: —¿Ndeda‑s ka juini‑n xa dayaa‑r? Ka xiaꞌan‑i: —Barrabás.
24235	MAT 27:37	N‑ka chidotnuni‑s nuu tutu nakuenda n‑ka xatakaa dika ñaꞌa‑s te n‑ka tenee‑s dɨkɨ curuxi‑ia. Duꞌa yodotnuni: “Se yaꞌa kuu Jesús. Taxnuni‑s nuu ñayiu Israel.”
24244	MAT 27:46	Te hora ijan ni xee xa xee n‑kana Jesús: —Elí, Elí, ¿lema sabactani? —kuu‑ia. (Tnuꞌu yaꞌa kuu: Taa‑ro Ianyuux, Taa‑ro Ianyuux, ¿nakuenda n‑dandoo ñaꞌa‑n?)
24247	MAT 27:49	Dava ka‑s, n‑ka jaꞌan: —Daa na koo naꞌi‑s. Na koto‑ro nuu na kixi Elías te dakaku‑s‑sɨ.
24261	MAT 27:63	Ka xiaꞌan‑s nuu‑s: —Dito, ntdaa‑da ka xini xa n‑jaꞌan se n‑dandaꞌu ñayiu jan: “Nuu uni kɨu nandoto‑r”, kuu‑s, n‑jaꞌan‑s na n‑xo ndito‑s.
24269	MAT 28:5	N‑jaꞌan ángel, ia xinokuechi nuu Ianyuux, nuu ñá xnii ijan: —Maxku yuꞌu koio‑n. Xa naꞌa‑r xa Jesús, Ia n‑xitakaa dika ka nanduku‑n.
24277	MAT 28:13	Ka xiaꞌan‑s nuu soldado jan: —Jaꞌan koio‑n nuu ñayiu xa nɨni ka kidi‑n n‑ka xeꞌen se n‑dakuaꞌa ñaꞌa Jesús xakuaa ijan, te n‑ka duꞌu‑s yɨkɨ kuñu‑s.
24287	MRK 1:3	Kutuu‑s ɨɨn yuku te kana xee‑s ñayiu: “Koo tuꞌa koio‑n, chi vaxi Ia kuu Xtoꞌo‑n. Kada koio ichi ndaa nuu‑ia.” Duꞌa n‑chidotnuni Isaías xá n‑kuu kueꞌe kuia.
24291	MRK 1:7	N‑jaꞌan‑s nuu ñayiu: —Xaku nga kɨu te kixee ɨɨn se taxnuni ka dada mee‑r. Nde xa kuu‑r muxu‑s ma kuaꞌa‑r. Ni xa nandaxi‑r correa ndixa‑s ma kuaꞌa‑r.
24295	MRK 1:11	Nde andɨu n‑jaꞌan ɨɨn tnuꞌu: —Ndoꞌo kuu Daꞌya Mani‑r. Yo kuvete‑r xaxeꞌe‑n.
24301	MRK 1:17	N‑jaꞌan Jesús: —Kunduu koio xiꞌin mee‑r. Nani n‑ka dataka‑n chaka, dani dataka‑n ñayiu, xa kunduu koio‑i xiꞌin mee‑r.
24309	MRK 1:25	N‑kudeen Jesús nuu tachi uꞌu jan: —¡Kadɨ yuꞌu‑n! ¡Ta kee anu‑s!
24334	MRK 2:5	Na n‑xini Jesús xa ka jandixa‑s‑ia, n‑jaꞌan‑ia nuu se kuꞌu jan: —Daꞌya, xá n‑taxkanu ini‑r kuechi‑n.
24339	MRK 2:10	Ko juini‑r xa jini koio‑n xa taxnuni Se kuu ñani tnaꞌa ñayiu nuu ñayiu ñuñayiu. Xijan kuu xa dandeꞌa ñaꞌa‑r xa kuaꞌa‑r xa taxkanu ini‑r kuechi ñayiu. Te n‑jaꞌan‑ia nuu se kuꞌu: