23240	MAT 2:2	Te ka jikan‑tnu'u de: ―‍¿Ndenu iyo suchi ko kuu rey ñayii judío ma ja jâ ni kâku i ma? Vaa nuu ka iyo sa ñuu sa ma ichi nuu kána kandii ma, te ni ka jini sa tiuxini káxtnu'u ja jâ ni kâku i ma, te ve koo sa ja jin ndachiñu'u sa i ―‍ka kuu de ka jiña'a de.
23441	MAT 8:27	Te tee ka ndikin ya ma, ni ka sa'vi‑nka ini de, te ka ka'an de: ―‍¿Na tee kúu tee ya'a, ja ka kandija ña'a tachi yi'i a ji'in ndute a? ―‍ka kuu de ka ka'an de.
23463	MAT 9:15	Te Jesús ma, jiña'a ya: ―‍¿Xi jin koo ndite ñayii ka iyo viko tnánda'a ma, te vitna ja ka iyo‑ka i ji'in suchi yii tnánda'a ma? Kovaa kenda kivi ja jin xtandiyo i suchi tnánda'a ma. Te nuna kenda kivi yukan, sana jin koo ndite ñayii ma.
23476	MAT 9:28	Te nuu ni kivi ya ini ve'e ma, te ni ka kenda koo tee inukuaa ma, te Jesús ma, jiña'a ya: ―‍¿Ka kukanu ini ña'a ni ja kuu ndasava'a ña'a sa? ―‍kúu ya jiña'a ya. Te ni ka ndakone'e de: ―‍Ka kukanu ini ña'a sa, Señor ―‍ka kuu de ka jiña'a de.
23535	MAT 11:7	Nuu kuan nu koo tee ni tetniñu Juan ma, te Jesús ma, ni keja'a ya ká'an ya ja kuu Juan ma nuu ñayii ma, te jiña'a ya: ―‍¿Naxe kaa tee ni ka ke koo ni, ni ka yo nde'ya ni nuu masu nawa iyo kuiti ma? ¿Sukan kúu in tnuyoo ja skanda kajin yi'i ma?
23561	MAT 12:3	Kovaa maa ya chi jiña'a ya: ―‍¿Ñatuu nama ni ka ka'vi ni sukan ni ka sa'a David ma ji'in tee ka ndikin tna'a ji'in de ma in jichi ma? Vaa ñatuu ndenu jin ni'i de ja jin kaa de ma, te ka kokon xeen de ma.
23606	MAT 12:48	Kovaa Jesús ma, ni ndakone'e ya, te jiña'a ya nuu ñayii ni jan kaxtnu'u nuu ya ma: ―‍¿Na in kúu si'i sa ma ji'in ñani sa ma, jani ini ni? ―‍kúu ya jiña'a ya.
23659	MAT 13:51	Te Jesús ma, jiña'a ya: ―‍¿Ni ka jaku'ni ini ni ndaka ja ká'an sa a? ―‍kúu ya jiña'a ya. Te maa de ni ka ndakone'e: ―‍Ni ka jaku'ni ini sa, Señor ―‍ka kuu de ka jiña'a de.
23662	MAT 13:54	Nuu ni ndenda ya ma, te ni keja'a ya káxtnu'u ya tnu'u ya ma nuu ñayii ka iyo ini in veñu'u luluu ma. Te ni ka sa'vi‑nka ini i, te ka jikan‑tnu'u tna'a i: ―‍¿Ndenu ni kutu'va suchi ya'a ndaka tnu'u ndichi ká'an i a ji'in milagru sa'a i a?
23714	MAT 15:12	Sani te tee ka ndikin ya ma, ni ka jan tu'va de ya, te ka jiña'a de: ―‍¿Jini ni ja sukan‑ni ma, te tee ka kuu fariseo ma, ni ka ndakiti ini de ja ni ka jiniso'o de ma? ―‍ka kuu de ka jiña'a de.
23718	MAT 15:16	Te jiña'a ya: ―‍¿Te ni ndijin, ñatuu ni ka jaku'ni ini ni?
23726	MAT 15:24	Kovaa Jesús ma, ni ndakone'e ya: ―‍¿Te ka jani ini ni ja ni tetniñu ña'a Su'si ma sukan‑va'a chindee sa maa in‑ni ñayii ñuu Israel ma ja ka kuu i sukan ka kuu ndikachi ni ka ski'in maa ti ma? ―‍kúu ya jiña'a ya.
23735	MAT 15:33	Te tee ka ndikin ya ma, ni ka ndakone'e de: ―‍¿Naxe kuu jin ni'i o ja jin kaa ñayii a? Chi vaa in nuu masu nawa iyo kuiti kúu nuu ka iyo o a ―‍ka kuu de ka jiña'a de.
23736	MAT 15:34	Te Jesús ma, ni jikan‑tnu'u ya: ―‍¿Na saa xtatila ka neva'a ni? ―‍kúu ya jiña'a ya. ―‍Uja xtatila ji'in jaku‑ni tiaka lilikin ―‍ka kuu de ka jiña'a de.
23754	MAT 16:13	Sani te kua'an Jesús ma ichi ñuu Cesarea ma ja iyo ñuu Filipo ma, te ichi kua'an ya ji'in de ma, te ni jikan‑tnu'u ya tee ka ndikin ya ma: ―‍¿Nawa ka ka'an ñayii ma, na in kúu saña, ja ni kenda ñayivi sa ñuu ñayivi a? ―‍kúu ya jiña'a ya.
23794	MAT 17:25	Te Pedro ma, jiña'a de: ―‍Má jin ko ndi ini ni chi chúya'vi de ―‍kúu de jiña'a de. Te nuu ni ndivi de ini ve'e ma, te xinañu'u‑ka Jesús ma ni ka'an, te jiña'a ya: ―‍¿Naxe jani ini ni, Simón? Tee ka kuu rey ñuu ñayivi a, ¿na in xi‑nuu ka ndake'en ya'vi de xu'un ja jin kuu maa de ma, ka jani ini ni? ¿Nuu sa'ya de ma, xi nuu ñayii masu ñuu de ka kuu i ma? ―‍kúu ya jiña'a ya.
23797	MAT 18:1	Maa ora yukan‑ni, ni ka kenda koo tee ka ndikin Jesús ma nuu iyo ya ma, te ka jiña'a de: ―‍¿Na in kúu ja kanuu‑ka nuu tatnuni Su'si ma? ―‍ka kuu de ka jiña'a de.
23835	MAT 19:4	Te Jesús ma, ni ndakone'e ya: ―‍¿Ñatuu jin ka'vi‑ka ni nuu sa'a ká'an tnu'u Su'si ma ja kivi ni sa'a ya ñayii ma, te “tee ji'in ña'a ni sa'a ya” ma?
23849	MAT 19:18	Te jiña'a de: ―‍¿Nde tnu'u kandija sa? ―‍kúu de jiña'a de. Te Jesús ma, jiña'a ya: ―‍Másu ko ka'ni ni ni‑in ñayii. Másu ko kivi nduu ni ji'in in‑ka ña'a ma. Másu ko sakui'na ni. Másu ko ka'an tnu'u ni siki in‑ka ñayii ma.
23856	MAT 19:25	Te tee ka ndikin ya ma, nuu ni ka jiniso'o de sukan ma, te ni ka sa'vi xeen‑nka ini de, te ka ka'an maa de: ―‍¿Na in kuu ndani'i ta'vi ja sukan? ―‍ka kuu de ka ka'an de.
23882	MAT 20:21	Te Jesús ma, jiña'a ya: ―‍¿Nawa kúni ni? ―‍kúu ya jiña'a ya. Te jiña'a ña: ―‍Tatnuni ni ja jin kunukoo sa'ya sa a, in de xiñi kua'a ni ma te in‑ka de xiñi satni ni ma nuu tatnuni ni ma ―‍kúu ña jiña'a ña.
23893	MAT 20:32	Sani te ni jinkuiñi Jesús ma, te kána ya de, te jiña'a ya: ―‍¿Nawa ka kuni ni ja sa'a sa ja jin kuu ni? ―‍kúu ya jiña'a ya.
23905	MAT 21:10	Te nuu ni kivi ya ñuu Jerusalén ma, ndaka ñayii ma, ni ka ndakanda, te ka ka'an i: ―‍¿Na in kúu tee ya'a? ―‍ka kuu i ka ka'an i.
23918	MAT 21:23	Te nuu ni ndenda Jesús ma ini veñu'u ka'nu ma, te nuu káxtnu'u ya nuu ñayii ma, te ni ka jan tu'va ña'a tee ka tatnuni nuu sutu ma, ji'in tee ka kuu ja'nu ma. Te ka jikan‑tnu'u de: ―‍¿Na in ni tatnuni ja sa'a ni sukan a? ¿Xi na in ni ka'an ja kuu sa'a ni sukan a? ―‍ka kuu de ka jiña'a de.
23923	MAT 21:28	Kovaa sani te jiña'a Jesús ma: ―‍¿Naxe ka jani ini ni? In tee, te iyo uu sayii de, te ni jan tu'va de suchi xinañu'u ma, te jiña'a de: “Sayii, kuá'an, te satniñu ro vitna itu tnu uva ma”, kúu de jiña'a de.
23937	MAT 21:42	Te Jesús ma, jiña'a ya: ―‍¿Ñatuu jin ka'vi‑ka ni tnu'u ya'a ja ndee nuu tutu Su'si ma nuu sa'a ká'an ma?: Yuu ni ka saxiko ñayii ka sa'a ve'e ma, ni nduu i yuu kanuu‑ka. Sa'a ni sa'a maa Iya Tátnuni ma, te ñatuu nama uun ni ka jani ini o ja sukan ko sa'a ya. Sa'a ká'an tnu'u Su'si ma.
23961	MAT 22:20	te Jesús ma, jiña'a ya: ―‍¿Na in xi‑yunuu ndenee a, te na in nani sukan ká'an yika i a? ―‍kúu ya jiña'a ya.
23983	MAT 22:42	―‍¿Nawa ka ka'an ni ja kuu Cristo iya ni tetniñu Su'si ma? ¿Na in xi‑sa'ya kúu ya? ―‍kúu ya jiña'a ya. Te ka jiña'a de: ―‍Sa'ya tata David ma kúu ya ―‍ka kuu de ka jiña'a de.
23984	MAT 22:43	Te jiña'a Jesús ma: ―‍¿Na kachi kúu ja David ma chi ni ska'an ña'a Xtumani Ndios ma, te ni xnani de ya ja iya tátnuni nuu de ma kúu ya? Vaa ni ka'an David ma:
24028	MAT 24:2	Te Jesús ma, ni ndakone'e ya: ―‍¿Ka nde'ya ni ni‑ka'nu veñu'u a? Kovaa ja ndaa ká'an sa nuu ni ja ni‑in‑ka yuu masu kendoo siki in‑ka yuu a, ja ndi'i kuiti i ndatnana ―‍kúu ya jiña'a ya.
24138	MAT 26:15	te sa'a jiña'a de: ―‍¿Nawa jin taa ni, nuna nduku sa naxe kuu kaxtnu'u sa te jin tnii ni Jesús ma? ―‍kúu de jiña'a de. Te ni ka wa'a tee yukan oko uxi (30) xu'un plata.
24140	MAT 26:17	Kivi ni keja'a viko ja ka jaa i xtatila ñatuu na levadura yi'i ma, te tee ka ndikin Jesús ma, ni ka jan tu'va de ya, te ka jikan‑tnu'u de ya: ―‍¿Ndenu kúni ni ja jin satu'va sa ja jin kuxini o Viko Pascua a? ―‍ka kuu de ka jiña'a de.
24163	MAT 26:40	Sani te ni ndakokuiñi ya nuu ka iyo tee ka ndikin ya ma, te ni ndani'i ya de ja ka kixi de, te jiña'a ya Pedro ma: ―‍¿Ni ñatuu ni kuu jin kondito ni visi ja in ora?
24168	MAT 26:45	Te ni ndakokuiñi ya nuu ka iyo tee ka ndikin ya ma, te jiña'a ya: ―‍¿Ka yikuu‑ka ndijin ka kixi ni? ¿Ka ndatatu ni? Jin konde'ya ni ja vitna, te jâ ni kenda ora ja jin ke'en‑su'va ña'a i saña ja kúu sa iya vee ñayivi ñuu ñayivi a, te jin kunda'a ña'a tee ka ndiso kuechi ma.
24185	MAT 26:62	Sani te maa tee tátnuni nuu sutu ma, ni ndokuiñi de, te jiña'a de ya: ―‍¿Ñatuu nawa ndákone'e ni? ¿Nawa kúu ja ka ka'an ñayii a ja kuu ni a? ―‍kúu de jiña'a de.
24202	MAT 27:4	Te jiña'a de: ―‍Ni jiso kuechi sa ja ni ke'en‑su'va sa in tee ñatuu na kuechi de ―‍kúu de jiña'a de. Kovaa tee yukan, ka jiña'a de: ―‍¿Na jin ko ndi ini saña? ¿Naxe sa'a maa ni? ―‍ka kuu de ka jiña'a de.
24209	MAT 27:11	Te Jesús ma, ni ka sunkani de ya nuu tee kúu gobiernu ma, te ni jikan‑tnu'u de ya: ―‍¿Ndijin kúu rey tátnuni nuu ñayii judío a? ―‍kúu de jiña'a de. Te Jesús ma, ni ndakone'e ya: ―‍Maa ni ká'an ―‍kúu ya jiña'a ya.
24211	MAT 27:13	Sani te Pilato ma, ni jikan‑tnu'u de ya in‑ka jichi: ―‍¿Ñatuu jiniso'o ni ja kua'a xeen ja ka xtekuechi ña'a i a? ―‍kúu de jiña'a de.
24215	MAT 27:17	Te ni ka ndututu ñayii ma, te jiña'a Pilato ma: ―‍¿Na in ka kuni ni ja xsiaa sa a vitna a? ¿Tee kúu Barrabás ma, xi tee kúu Jesús ma ja ka ka'an i ja Cristo iya ni tetniñu Su'si ma kúu de ma? ―‍kúu de jiña'a de,
24219	MAT 27:21	Te jiña'a Pilato ma nuu ñayii ka kayu'u ma: ―‍¿Ja nduu de a, na nde de ka kuni ni ja xsiaa sa? ―‍kúu de jiña'a de. Te ka jiña'a ñayii ma: ―‍Tee kúu Barrabás ma ―‍ka kuu i ka jiña'a i.
24220	MAT 27:22	Te jiña'a tee kúu Pilato ma: ―‍¿Kovaa nawa ka kuni ni ja sa'a sa ji'in tee kúu Jesús ma, ja ka ka'an i ja Cristo iya ni tetniñu Su'si ma kúu de ma? ―‍kúu de jiña'a de. Te ka jiña'a ndaka ñayii ma: ―‍¡Kata kaa ni de nuu krusi ma! ―‍ka kuu i ka kayu'u i nuu Pilato ma.
24311	MRK 1:27	Ndaka ñayii ma ni ka yu'u, te ni ka jakondee i ka jikan‑tnu'u tna'a ndi‑in ndi‑in i: ―‍¿Nawa kúu ja ni ka jini o a? Tnu'u ya'a chi tnu'u jaa kúu, vaa tee káxtnu'u a chi iyo tnu'u ndee tnu'u ndatnu de, te jini ndija de ndaka tnu'u ká'an de a. Onde nuu tachi ma ni tatnuni de, te ni ka kandija i nuu de ―‍ka kuu ñayii ma ka ka'an i.
24348	MRK 2:19	Te Jesús ma chi ni ndakone'e ya: ―‍¿Xi jin koo ndite ñayii ka iyo viko tnánda'a ma, te vitna ja ka iyo‑ka i ji'in suchi yii tnánda'a ma? Nú iyo‑ka suchi yii tnánda'a ma chi masu kuu ja jin koo ndite ñayii ma.
24354	MRK 2:25	Kovaa maa ya chi jiña'a ya: ―‍¿Ñatuu nama ni ka ka'vi ni sukan ni ka sa'a David ma, ji'in tee ka ndikin tna'a ji'in de ma, in jichi ma? Vaa ñatuu ndenu jin ni'i de ja jin kaa de ma, te ka kokon de ma.
24361	MRK 3:4	Te ni jikan‑tnu'u ya nuu tee ka iyo ma: ―‍¿Nde a iyo ja kuu sa'a o kivi ni tatnuni Su'si ma ja ma jin satniñu o a? ¿Ja va'a ma xi ja u'vi ma? ¿Sa'a o ja koteku in ñayii, xi sa'a o ja na kûu i? ―‍kúu ya jiña'a ya. Kovaa tee yukan chi ñatuu ni ka ka'an de.
24380	MRK 3:23	Te Jesús ma chi ni kana ya ndaka tee ka jani ini sukan ma, te ni ka'an ya in tnu'u vijin, te jiña'a ya: ―‍¿Naxe kuu ndene'e tachi nani Satanás ma tachi ji'in i ma?
24390	MRK 3:33	Te ni ndakone'e ya: ―‍¿Na in kúu si'i sa ma, ji'in ñani sa ma, ka jani ini ni? ―‍kúu ya jiña'a ya.
24405	MRK 4:13	Te jiña'a ya: ―‍¿Ñatuu ka jaku'ni ini ni tnu'u vijin ya'a? ¿Naxe jin jaku'ni ini ni ndaka‑ka tnu'u vijin ja ká'an sa a?
24413	MRK 4:21	Suni jiña'a ya: ―‍¿Na in ñayii, ja xndu'va i in ñu'u, te ke'en i, te chinee i chii kajoo ma xi ichi chii jito i ma? Ña'a chi in ja ndú'va ñu'u ma chi koxtnee i in nuu sukun, sukan‑va'a xtnuu va'a i.
24422	MRK 4:30	Suni jiña'a Jesús ma: ―‍¿Na nde a kúu jin sketna'a o ja inuu kúu i ji'in sukan tatnuni Su'si ma, ka jani ini ni?
24433	MRK 4:41	Kovaa ndaka tee ka ndikin ya ma chi ni ka yu'u xeen de, te ni ka jakondee de ka jikan‑tnu'u tna'a ndi‑in ndi‑in de: ―‍¿Na in kúu tee ya'a, ja onde kajin yi'i a ji'in ndute ya, ni ka kandija i ja ká'an de a? ―‍ka kuu de ka ka'an de.
24442	MRK 5:9	Te Jesús ma, ni jikan‑tnu'u ya: ―‍¿Naxe nani ro? ―‍kúu ya jiña'a ya. Te ni ndakone'e tachi ma: ―‍Legión nani sa, vaa kua'a xeen sa kúu ―‍kúu i jiña'a i.
24463	MRK 5:30	Te Jesús ma, ni jini ya ja maa ya ni sa'a ja ni nduva'a in ñayii ma, te ni konenuu ya nde'ya ya ñayii ma, te jikan‑tnu'u ya: ―‍¿Na in kúu ja ni kaki'i sa'ma ndii sa a? ―‍kúu ya jiña'a ya.
24478	MRK 6:2	Nuu ni kenda kivi ni tatnuni Su'si ma ja ma jin satniñu ñayii ma, ni keja'a ya káxtnu'u ya ini veñu'u luluu ma tnu'u ya ma nuu ñayii ma. Te ka iyo kua'a xeen ñayii, te ka niniso'o ndaka i tnu'u ká'an Jesús ma, te ni ka sa'vi‑nka ini i, te ka jikan‑tnu'u tna'a i: ―‍¿Ndenu ni kutu'va suchi ya'a ndaka ja ká'an i a? ¿Ndenu ni kutu'va i ndaka tnu'u ndichi ká'an i a ji'in milagru sa'a i a?
24500	MRK 6:24	Te ni kee i ni jan kakan‑tnu'u i si'i i ma: ―‍¿Nawa kakan sa? ―‍kúu i jiña'a i. Te ni ndakone'e ña: ―‍Kakan xini Juan tee skuandute ñayii ma ―‍kúu ña jiña'a ña.
24513	MRK 6:37	Kovaa Jesús ma, ni ndakone'e ya: ―‍Jin kua'a maa ni ja jin kaa i ―‍kúu ya jiña'a ya. Te ni ka ndakone'e de: ―‍¿Kúni ni ja jin koo sa jin kuaan sa uu cientu denario xtatila, sukan‑va'a jin kua'a o ja jin kaa i? ―‍ka kuu de ka jiña'a de.
24514	MRK 6:38	Jesús ma, jiña'a ya: ―‍¿Na saa xtatila ka neva'a ni? Kuán koo ni kuán koto ni ―‍kúu ya jiña'a ya. Te nuu ni ka jini de ma, te ka jiña'a de: ―‍U'un xtatila ji'in uu‑ni tiaka iyo ―‍ka kuu de ka jiña'a de.
24541	MRK 7:9	Te jiña'a tna ya: ―‍¿Ka jani ini ni ja va'a‑ni ja ka jatanuu ni sukan ka sa'a maa ni a, te ka xtandiyo ni ja ni tatnuni Su'si ma?
24549	MRK 7:17	Te nuu ni xndoo Jesús ma ñayii ma te ni kivi ya ini ve'e ma, te ka jikan‑tnu'u tee ka ndikin ya ma: ―‍¿Nawa kúu ja ni kaxtnu'u ni ma? ―‍ka kuu de ka jiña'a de.
24550	MRK 7:18	Te jiña'a ya: ―‍¿Te ni ndijin ñatuu ni ka jaku'ni ini ni? ¿Te ñatuu ka jaku'ni ini ni ja masu ja jaa o ma kúu ja sa'a siin ña'a i nuu Su'si ma?
24573	MRK 8:4	Te tee ka ndikin ya ma, ni ka ndakone'e de: ―‍¿Naxe kuu jin kua'a o ja jin kaa ñayii a? Te vitna ja masu nawa iyo kuiti nuu ka iyo o a ―‍ka kuu de ka jiña'a de.
24574	MRK 8:5	Te Jesús ma, ni jikan‑tnu'u ya: ―‍¿Na saa xtatila ka neva'a ni? ―‍kúu ya jiña'a ya. ―‍Uja ―‍ka kuu de ka jiña'a de.
24590	MRK 8:21	Te jiña'a ya: ―‍¿Te ñatuu jin jaku'ni‑ka ini ni? ―‍kúu ya jiña'a ya.
24596	MRK 8:27	Sani te kua'an Jesús ma ji'in tee ka ndikin ya ma ichi ñuu Cesarea ma ja iyo i ñuu Filipo ma, te ichi kua'an ya ji'in de ma, te ni jikan‑tnu'u ya: ―‍¿Na in kúu sa, ka ka'an ñayii ma? ―‍kúu ya jiña'a ya.
24617	MRK 9:10	Chukan kúu ja ni ka yo na'a vava'a de tnu'u ni ka'an ya ma, visi ni ka yo jikan‑tnu'u tna'a de: ―‍¿Nawa kúni ka'an ja ndateku de ma? ―‍ka kuu de ka ka'an de.
24623	MRK 9:16	Te ni jikan‑tnu'u ya: ―‍¿Nawa kúu ja ka tetna'a ni ji'in tee jiña? ―‍kúu ya jiña'a ya.
24628	MRK 9:21	Jesús ma, ni jikan‑tnu'u ya yuva i ma: ―‍¿Ndende kii ni keja'a i ndó'o i sa'a? Te yuva i ma, ni ndakone'e de: ―‍Onde nuu luluu i ma.
24640	MRK 9:33	Te nuu ni ka kenda koo de ji'in ya ñuu Capernaum ma, nuu jâ ka iyo de ji'in ya ini ve'e ma, te ni jikan‑tnu'u Jesús ma: ―‍¿Nawa kúu ja ka tetna'a ni ichi ve koo o ma? ―‍kúu ya jiña'a ya.
24660	MRK 10:3	Te Jesús ma, ni ndakone'e ya: ―‍¿Naxe ni tatnuni Moisés ma nuu ni? ―‍kúu ya jiña'a ya.
24683	MRK 10:26	Nuu ni ka jiniso'o de sukan ma, te ni ka sa'vi xeen‑nka ini de, te ka jikan‑tnu'u tna'a de: ―‍¿Na in kuu ndani'i ta'vi, ja sukan? ―‍ka kuu de ka ka'an de.
24693	MRK 10:36	Te jiña'a maa Jesús ma: ―‍¿Nawa kúu ja ka kuni ni ja sa'a sa? ―‍kúu ya jiña'a ya.
24708	MRK 10:51	Te Jesús ma, jikan‑tnu'u ya de: ―‍¿Nawa kúni ni ja sa'a sa ja kuu ni? ―‍kúu ya jiña'a ya. Te tee kuaa ma, ni ndakone'e de: ―‍Teskua'a, kúni sa ja kuu ndakonde'ya sa ―‍kúu de jiña'a de.
24714	MRK 11:5	Te ñayii ka iyo ma, ka jikan‑tnu'u i: ―‍¿Nawa ka sa'a ni? ¿Nava'a ka ndaji ni burru a? ―‍ka kuu i ka jiña'a i.
24737	MRK 11:28	Te ka jikan‑tnu'u de ya: ―‍¿Na in ni tatnuni ja sa'a ni sukan? ¿Xi na in ni ka'an ja kuu sa'a ni sukan? ―‍ka kuu de ka jiña'a de.
24758	MRK 12:16	Te ni ka wa'a de, te Jesús ma, jiña'a ya: ―‍¿Na in xi‑yunuu ndenee a, te na in nani sukan ndee a? ―‍kúu ya jiña'a ya. Te ni ka ndakone'e de: ―‍Yunuu tee nani César, tee tátnuni ñuu Roma ma, kúu ―‍ka kuu de ka jiña'a de.
24770	MRK 12:28	In tee skua'a tnu'u ni kaxtnu'u Moisés ma, ni jiniso'o de ja ka tetna'a Jesús ma ji'in tee ka kuu saduceo ma, te ni jini de ja va'a‑ni ni ndakone'e Jesús ma, te ni jan tu'va de ya, te ni jikan‑tnu'u de: ―‍¿Nde tnu'u ni tatnuni Su'si ma kúu ja kanuu xeen‑ka ma? ―‍kúu de jiña'a de.
24777	MRK 12:35	Jesús ma, yikuu ya káxtnu'u ya na in kúu ya ma ini veñu'u ka'nu ma, te jikan‑tnu'u ya nuu ñayii ma: ―‍¿Te nava'a ka ka'an tee ka skua'a tnu'u ni kaxtnu'u Moisés ma ja Sa'ya tata David ma kúu Cristo iya ni tetniñu Su'si ma?
24835	MRK 14:12	Kivi ni keja'a viko ka jaa i xtatila ñatuu na levadura yi'i ma, kivi ka ja'ni i in ndikachi jaa ja ka ndakua'a i nuu Su'si ma ja ka ndakune'e i kivi ni ka ndayaa i nuu ñayii ñuu Egipto ma ja kúu i Viko Pascua ma, te tee ka ndikin Jesús ma, ka jikan‑tnu'u de ya: ―‍¿Ndenu kúni ni ja jin koo sa jin satu'va sa ja jin kuxini o Viko Pascua a? ―‍ka kuu de ka jiña'a de.
24842	MRK 14:19	Te ni ka kuxii ini de, te ni ka keja'a ndi‑in ndi‑in de ka jikan‑tnu'u de ya: ―‍¿Saña kúu? ―‍ka kuu de ka jiña'a de.
24864	MRK 14:41	Te nuu ni ndakokuiñi ya ja ku‑uni jichi ma, te jiña'a ya: ―‍¿Ka yikuu‑ka ndijin ka kixi ni? ¿Ka ndatatu ni? Jâ ni kuu‑ni chi jâ ni kenda ora ja saña ja kúu sa iya vee ñayivi ñuu ñayivi a chi jin ke'en‑su'va ña'a i, te jin kunda'a ña'a tee ka ndiso kuechi ma.
24883	MRK 14:60	Sani te maa tee tatnuni nuu sutu ma, ni ndokuiñi de ne'un ndaka de ma, te ni jikan‑tnu'u de Jesús ma: ―‍¿Ñatuu nawa ndákone'e ni? ¿Nawa kúu ja ka ka'an ñayii a ja kuu ni a? ―‍kúu de jiña'a de.
24884	MRK 14:61	Kovaa Jesús ma chi ni jasiyu'u ya, ni ñatuu nawa ni ndakone'e ya nuu tee tátnuni nuu sutu ma. Te maa tee tátnuni nuu sutu ma, ni ndakan‑tnu'u tuku de ya: ―‍¿Ndijin kúu Cristo Sa'ya Su'si iya iyo ja jin ndachiñu'u o ma? ―‍kúu de jiña'a de.
24886	MRK 14:63	Sani te tee tátnuni nuu sutu ma, ni kachi de sa'ma de ma, ja káxtnu'u de ja ni ndakiti xeen ini de, te jiña'a de: ―‍¿Naku jin nduku‑ka o ñayii jin ndaka'an nawa ni yo sa'a de a?
24897	MRK 15:2	Pilato ma, ni jikan‑tnu'u de ya: ―‍¿Ndijin kúu rey tátnuni nuu ñayii judío a? ―‍kúu de jiña'a de. Te ni ndakone'e Jesús ma: ―‍Maa ni ká'an ―‍kúu ya jiña'a ya.
24899	MRK 15:4	te Pilato ma, ni jikan‑tnu'u de ya in‑ka jichi: ―‍¿Ñatuu nawa ká'an ni? Te kua'a xeen ja ka xtekuechi ña'a i a ―‍kúu de jiña'a de ya.
24904	MRK 15:9	Te jiña'a Pilato ma: ―‍¿Ka kuni ni ja xsiaa sa rey tátnuni nuu ñayii judío a? ―‍kúu de jiña'a de.
24907	MRK 15:12	Te jiña'a Pilato ma nuu ñayii ka kayu'u ma: ―‍¿Kovaa nawa ka kuni ni ja sa'a sa ji'in tee ka xnani ni rey tátnuni nuu ñayii judío a? ―‍kúu de jiña'a de.
24945	MRK 16:3	Te ka ndatnu'u tna'a ña: ―‍¿Na in xtandiyo yuu ndesi ye'e yavi nuu yinee Jesús ma, ja jin kivi koo o ma? ―‍ka kuu ña ka ndatnu'u ña.
24980	LUK 1:18	Zacarías ma, ni jikan‑tnu'u de ángel ma: ―‍¿Naxe kukanu ini sa ja ká'an ni a? Vaa saña chi in tee nija'nu kúu sa, te suni ñasi'i tna sa ma ―‍kúu de jiña'a de.
24996	LUK 1:34	María ma, ni jikan‑tnu'u i ángel ma: ―‍¿Naxe ko kuu ja ká'an ni a, te vitna ja masu na yii sa iyo? ―‍kúu i jiña'a i.
25028	LUK 1:66	Ndaka ñayii ka jiniso'o ma, ka jikan‑tnu'u tna'a i: ―‍¿Naxe ko kuu lulu yukan? ―‍ka kuu i ka ka'an i. Vaa ja ndaa ja tnu'u ndee tnu'u ndatnu Iya Tátnuni ma iyo ji'in i.
25104	LUK 3:10	Sani te ñayii ma, ni ka jikan‑tnu'u i: ―‍¿Te nú sukan, nawa jin sa'a sa? ―‍ka kuu i ka jiña'a i.
25154	LUK 4:22	Ndaka ñayii ma ka ka'an ja va'a ja kuu Jesús ma, te ni ka sa'vi‑nka ini i ndaka ja vii sa'a ya ma, te ka jikan‑tnu'u tna'a i: ―‍¿Masu tee ya'a kúu sa'ya José ma? ―‍ka kuu i ka ka'an i.
25168	LUK 4:36	Ndaka ñayii ma ni ka yu'u, te ka ka'an ndi‑in ndi‑in i: ―‍¿Na tnu'u kúu cha'a? Vaa tee ya'a chi ûni tátnuni de nuu tachi ma ja na jin ke koo i, te ka ke koo i ―‍ka kuu ñayii ma ka ka'an i.
25218	LUK 6:3	Jesús ma, ni ndakone'e ya: ―‍¿Ñatuu nama ni ka ka'vi ni ja ni sa'a David ma in jichi nuu ka kokon de ji'in tee ka ndikin tna'a ji'in de ma?
25254	LUK 6:39	Jesús ma, ni ka'an ya in tnu'u vijin ya'a: ―‍¿Naku xi kuu in tee kuaa ma, te skaka de in‑ka tee kuaa ma? Vaa ka jini o ja nú iyo in kava chi nduu de jin kê koo.
25288	LUK 7:24	Nuu kuan nu koo tee ni tetniñu Juan ma, Jesús ma, ni keja'a ya ká'an ya siki Juan ma nuu ñayii ma, te jiña'a ya: ―‍¿Naxe kaa tee ni ka ke koo ni, ka nde'ya ni nuu masu nawa iyo kuiti ma? ¿Sukan kúu in tnuyoo ja skanda kajin yi'i ma?
25313	LUK 7:49	Te ñayii ka iyo tna yukan, ni ka keja'a i ka jikan‑tnu'u tna'a i: ―‍¿Na in kúu tee ya'a, ja onde kuechi ñayii ma xnaa de? ―‍ka kuu i ka ka'an i.
25339	LUK 8:25	Sani te jiña'a ya nuu tee ka ndikin ya ma: ―‍¿Ñatuu jin kukanu ini‑ka ña'a ni? ―‍kúu ya jiña'a ya. Kovaa maa de chi ni ka yu'u de, te ni ka sa'vi‑nka ini de, te ka jikan‑tnu'u tna'a ndi‑in ndi‑in de: ―‍¿Na in kúu tee ya'a, ja tátnuni de nuu kajin yi'i a ji'in nuu ndute a, te ka kandija i a? ―‍ka kuu de ka ka'an de.
25344	LUK 8:30	Te Jesús ma, ni jikan‑tnu'u ya: ―‍¿Naxe nani ro? ―‍kúu ya jiña'a ya. Te ni ndakone'e tachi ma: ―‍Legión nani sa ―‍kúu i jiña'a i. Sa'a jiña'a i, vaa kuechi ja kua'a i ka kuu ja ka yinee ini de ma.