231	GEN 9:25	me ga’ar: “Nge bucheg Got wa’athan Kanaan! Bayi par ni ir e sib rok e gali pumo’on ni walagen.”
233	GEN 9:27	Nge ayuweg Got Jafeth nge yo’or owchen! Ma pi’in ni owchen e ngu’ur pired e tirok Shem e girdi’ u ta’bang. Mi Kanaan e bayi mang sib rok Jafeth.”
244	GEN 10:9	Bochan e fal’egwa’ath rok SOMOL ngak, me par nri kub cheag ko mokol gamanman, aram fan ni tabanathin u langan e girdi’ ni yad ma ga’ar, “I SOMOL e nge ayuwegnem ngam mang be’ nib cheag ko mokol gamanman ni bod Nimrod!”
318	GEN 12:19	Mangfan ni lungum e be’ ni bpin ni walagem, kug fek ni nge mang bpin rog? Ba’aray le’engim; mfek ngam chuwgow!”
450	GEN 18:25	Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”
465	GEN 19:7	Me ga’ar ngorad, “Pi tafager rog, ri gu be wenig ngomed ndab mu ngongliyed e binir e ngongol nib kireb!
467	GEN 19:9	Me lungurad, “Mu chuw u kanawo’ romad, ya gab milekag ni mub ngaray! I gur mini’ ni ngamog ngomad e tin nggu rin’ed? Dakumur ning e kanawo’ ngomad, ya rigu rin’ed e ngongol ngom ni kab gel e kireb riy ko ngongol ni nggu ngongliyed ngorow.” Miyad tay e mathur ngak Lot, miyad yan ko mab ni ngar t’ared.
473	GEN 19:15	Ma nap’an ni be puf e woch, me tay fa gal engel e gur ngak Lot ni lungurow, “Mu gur nigem! Mu fek e bpin rom nge fa gali ppin ni fakam ngam chuwgad u roy, nge siy i un e pogofan romed ko re binaw ney ni ngan kirebnag.”
475	GEN 19:17	Nap’an nra pow’iyew yad nga wuru’ fare binaw, me ga’ar bagayow fa gal engel ngorad, “Mmilgad ngam ayuweged e pogofan romed! Dab mu sapgad nga tomur ma dab mu talgad u lan e loway. Mmilgad nga daken e burey, nge dab mm’ad.”
480	GEN 19:22	Mu gur nigem! Mmil! Dariy ban’en nrayag ni gu rin’ nge mada’ ko ngiyal’ ni kam tawgad ngaram.” Bochan e yog Lot ni ba’achig, ma aram min tunguy fithingan e re binaw nem ni Zoar.
500	GEN 20:4	Machane dawori yan Abimelek nga to’oben Sarah, me ere ga’ar, “SOMOL, i gag e bfel’ e rog! Ere ga ra li’eg nge girdi’ rog?
549	GEN 22:1	Me munmun me sikengnag Got Abraham; i ga’ar, “Abraham!” Me fulweg Abraham ni ga’ar, “Gu be motoyil ngom.”
555	GEN 22:7	Me ga’ar Isak, “Chitamag!” Me fulweg ni ga’ar, “Fakag, be mang?” Me fith Isak ni ga’ar, “Kug guy ni bay e kol nge l’ud, machane bu uw e saf ni nge mang maligach?”
559	GEN 22:11	Machane me non fare engel rok SOMOL ngak u tharmiy ni ga’ar, “Abraham, Abraham!” Me ga’ar Abraham, “Gu ba’aray.”
598	GEN 24:6	Me ga’ar Abraham, “Ngam guy rogon ndab mu pi’ fakag nge sul ngaram!
702	GEN 26:9	Me mulwol Abimelek ni nge yan Isak i guy me ga’ar ngak, “Ere iraram le’engim! Mangfan ni mog ni ireram walagem?” Me fulweg Isak ni ga’ar, “Gu leamnag ni yira thang e fan rog ni fa’anra gog ni ir le’engig.”
729	GEN 27:1	Ma ke pilibthir Isak, nike malmit. Me l’oeg e thin nge yan ngak Esau ni bin nib ilal ko fa gali pagel ni fak, me yib me ga’ar ngak, “Fakag!” Me fulweg ni ga’ar, “Gub aray.”
746	GEN 27:18	Me yan Jakob ngak e chitamngin me ga’ar ngak, “Chitamag!” Me fulweg ni ga’ar, “I gur e bin ngan ko fa gali pumo’on ni fakag?”
762	GEN 27:34	Fa’ani rung’ag Esau ni aram rogon, me pag laman ngalang nge yor me ga’ar, “Chitamag, kum yibilayeg!”
791	GEN 28:17	Me tamdag, me ga’ar, “Rib kandugwen e gin’ey! Dabisiy ni naun rok Got ma garog nga tharmiy.”
844	GEN 30:13	me ga’ar Leah, “Kar gu felan’! Chiney e bayi yog e pi’in ni ppin ni kug felan’”; ma aram me tunguy fithingan fachi pagel ni Asher.
885	GEN 31:11	Ma aram me non ba engel rok Got ngog u malk’ay ni ga’ar, ‘Jakob!’ mug fulweg, ‘Gu ba’aray.’
902	GEN 31:28	Mus ni nggu pi’ e falen’ ngak gal fakag nge pifakrow mug fingichiyrad u m’on ni ngam marod ma dam pageg nggu rin. Ran’nir ni ka mu rin’ e rib kireb!
938	GEN 32:10	Me meybil Jakob ni ga’ar, “Got rok e tutuw rog i Abraham ma Got rok e chitamag i Isak, mu rung’ag lamag! SOMOL, i lungum ngog, Mu sul ko nam rom nge girdi’ rom, ma bay gu ayuwegnem nge yal’uw urngin u puluwom.
1114	GEN 37:30	Me sul ngak pi walagen me ga’ar ngorad, “Fa’anem i Josef e de moy u lan fare low! Ere mang e nggu rin’?”
1117	GEN 37:33	Me poy Israel ni ireram fare mad, me ga’ar, “Ir e fen. Ba gamanman ni malboch e ke li’. Fakag i Josef e kan popof!”
1149	GEN 38:29	Machane me girengiy fare tir pa’ nge fulweg, me mang en ni ba’aram ni walagen e ir e aw ni som’on. Ma aram me ga’ar fare yarif, “Ara’ rogon ni kam for nga tamilang!” Me’ere ntunguy fithingan fachi pagel ni Perez.
1164	GEN 39:14	me pining fapi pumo’on ni yad ma maruwel u naun rok me ga’ar ngorad, “Mu sapgad ko re mad ni ba’aray! Figirngig e fek fare Hebrew i yib nga naun romow ma chiney e be darifan nagmow. Ke yib ngalan e singgil rog keb i wenig ngog ni nggu pirew, machane mu gu tolul ni kari musmus ga’ngin lungug.
1212	GEN 41:16	Me fulweg Josef ni ga’ar, “Gathi gag! I Got e bayi dag ngom e tin ni bfel’.”
1239	GEN 41:43	Me pi’ e bin l’agruw e chariot ngak ni fen e en ni migid ngak e pilung ni nge yan riy, ma ke m’on e matanag rok ni be tayfan ni be tolul ni be ga’ar, “Mbinged e kanawo’!” Josef e ni duwgiliy ni ir e governor u ga’ngin e nam nu Egypt.
1265	GEN 42:12	Me ga’ar Josef ngorad, “Danga’! Kambad ni ngam guyed e gin’en nib me’waer e nam romad riy.”
1289	GEN 42:36	Me ga’ar e chitamangirad i Jakob ngorad, “Bay mpagedgag ndariy e bitir rog. Ya ke yan Josef; ma ke yan Simeon; ma chiney e gimed be finey ni ngam feked Benjamin rog. I gag e gu ra gafgow!”
1330	GEN 44:5	Mangfan ni kam iringed fare kap nib silber? Re kap ney e ma unum e masta rog ban’en riy, me ir e ma maruwel ngay nge yog e n’en ni bay yib i m’ug. Rib kireb e ren’ey ni kam ngongliyed!’”
1342	GEN 44:17	Me ga’ar Josef, “Danga’! Dab gu rin’ e bin. Kemus ni en ni ka ni pir’eg fare kap ni bay rok e ir e nge mang sib rog. Mi gimed sul ngak e chitamangimed ndab nrin’ ban’en ngomed.”
1385	GEN 45:26	Miyad ga’ar ngak, “Kabfos Josef! I ir e be gagiyegnag yu Egypt ni ga’ngin!” Me gin Jakob ngay, ma de riyul’ u wan’ e tin karogned.
1387	GEN 45:28	Me ga’ar, “Fakag i Josef e kabfos! Kemus tabon laniyan’ug! Thingar gu wan ngug guy u m’on ni nggum’.”
1418	GEN 46:31	Me ga’ar Josef ngak pi walagen ni pumo’on nge girdi’en e tabinaw rok e chitamngin, “Thingar gu wan gguy Farao nge lungug ngak, ‘Pi walageg ni pumo’on ni girdi’en e tabinaw rok e chitamag ni ur pired u Kanaan e karbad ngog!
1436	GEN 47:15	Ma nap’an ni m’ay e salpiy rok e girdi’ nu Egypt nge girdi’ nu Kanaan me yib i ga’ar urngin e girdi’ nu Egypt ngak Josef, “Mpi’ e ggan ngomad! Dab mu pagmad nggu m’ad; mu rin’ ban’en! Ya kem’ay urngin e salpiy romad.”
1440	GEN 47:19	Dab mu pagmad nggu m’ad; mu rin’ ban’en! Mu chuw’iymad nge yungi binaw romad ngam pi’ puluwon ni ggan. Bay gu pired ni gamad e sib rok Farao, me tafnay e yungi binaw romad. Mpi’ awochngin e woldug ngomad nge ayuwegmad nge dab kug m’ad ko uyongol me siyki par e yungi binaw romad ndab kun wolduguy.”
1478	GEN 49:4	Ga bod e ran ni sugubur nge wagey nga daken e binaw, machane dab mpar ni gur e th’abi ga’ fam, ni bochan e kam pirew reb e ppin rog. Kam alitnag e k’iniy ni gil’ e chitamam!
1584	EXO 3:4	Ma fa’ani guy SOMOL ni be chugur Moses i yib, me non Got ngak u fithik’ i ran’ fachi ke gek’iy ni ga’ar. “Moses, Moses!” Me ga’ar Moses, “Gub aray.”
1641	EXO 5:8	Machane ku urngin e rengnga ni ur ngongliyed ko som’on e ku aram oren ni yad ra ngongliy, dab rlich niged. Dakrir gaman gad ko maruwel, aram fan ni yu guyad be yog ngog ni nggu pagrad ngranod ra pi’ed e maligach ngak e Got rorad!
1649	EXO 5:16	Dakunir pi’ e pan ni mlik ngomad, ma yibe yog ngomad ni ngkug ngongliyed e rengnga! Yibe toymad ni kireb rok e tirom e girdi’.”
1656	EXO 5:23	Ya ka nap’an ni gub gu weliy e thin rom ngak Farao, ma ka aram e tabab i gafgownag e girdi’ rom. Ma dariy ban’en ni kam rin’ ni ngam ayuwegrad!”
1788	EXO 10:10	Me ga’ar Farao ngorow, “I SOMOL e nge ayuwegmed! Ya dab gu pagmed ngam feked e ppin romed nge pifakmed ngam marod! Ya ke gagiyel ni gimed be makathnag ban’en ni nge togopluw ngomad.
1789	EXO 10:11	Danga’! Kemus ni gimed e pumo’on e ngam marod ngam meybilgad ngak SOMOL, ni fa’anra ireyer e tin gimed ba’adag.” Min chuwegrow u p’eowchen Farao.
1806	EXO 10:28	Me ga’ar ngak Moses, “Mu chuw u p’eowcheg! Ngam guy rogon ndabki sabol owchedow bayay, ya chirofen ni ga ra rin’ e ngan li’em ngamum’.”
1807	EXO 10:29	Me ga’ar Moses, “Ke par riy ni bod ni kamog! Dabki sabol owchedow bayay.”
1895	EXO 14:5	Fa’an nnog ngak Farao ni pilung nu Egypt nike mil piyu Israel, ma aram me thiliyeg Farao nge pi tolang rok lanin’rad u murung’agen piyu Israel, me lungurad, “Be mang e kad rin’ed? Kad paged piyu Israel kar milgad ndab kur manged sib rodad!”
1901	EXO 14:11	Me lungurad ngak Moses, “Bochan e dariy e taliw ko yam’ u Egypt ma aram fan ni kam fekmad i yib ngaray nga daken e ted ni desert ni nggu m’ad? A mu guy e n’en ni kam rin’ ngomad ni bochan e kam fekmad nga wuru’ yu Egypt!
1903	EXO 14:13	Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”
2000	EXO 17:16	Me ga’ar, “Ngan tining ngalang e flak rok SOMOL! Ya SOMOL e bayi cham ngak yu Amalek u reb e mfen ngu reb.”
2010	EXO 18:10	Me ga’ar Jethro, “Ngu’un pining e sorok ngak SOMOL, ya ir e en nike chuwegmed u pa’ Farao ni pilung nge piyu Egypt! Ngu’un pining e sorok ngak SOMOL ya ir e ke chuweg e girdi’ rok ko sib ni ur ted!
2465	EXO 32:26	Ma aram me sak’iy Moses nga langan e garog ko gin be par piyu Israel riy me tolul ni ga’ar, “Mini’ e bay u ba’ rok SOMOL? En ni bay u ba’ rok e nge yib ngog!” Me mukun gubin e pi Levite nga charen,
2470	EXO 32:31	Me sul Moses ngak SOMOL, me ga’ar ngak, “Ke ngongliy piyu Israel reb e denen nrib gel e kireb riy! Kar ngongliyed ba got ko gol ku’ur tedfan.
3098	LEV 13:45	Be’ ni bay e m’ar ko dowef ni ubchiya’ rok e thangari chuw nga mad nib mogmogchod, me pag ni dabki roway piyan lolgen, me upnguy e ley ni but’ i owchen, me tolulnag e “ta’ay, ta’ay!”
3733	NUM 3:40	Me ga’ar SOMOL ngak Moses, “Gubin e pumo’on ni pifak yu Israel e bmil farad ngog. Ngam fal’eg babyoren fithingan urngin e tin nib nganni’ e pumo’on nu Israel, nike gaman ta’reb e pul yangren ngalang. Ma munliw rorad e urngin e pi Levite ni kug mel’eg ni nge milsuwon ngog! I Gag SOMOL! Kug duwgiliy e yu ran’ i gamanman ko pi Levite ni nge yin’ luwan urngin e tin nganni’ ko yu ran’ i gamanman.”
4024	NUM 10:35	Ma nap’an ni yira fek fare Kahol ko M’ag nni yan, me ga’ar Moses, “SOMOL, mu’un ngomad ngam wereg e pi to’ogor rom, ma ga gagiyegnag e pi’in ni fanenikarad gur ngar milgad!”
4029	NUM 11:4	Pi’in gathi yad piyu Israel nra uned ngorad u Egypt e yad be yim’ ni bochan e ufin, miki un piyu Israel ko gun’gun’ ni be lungurad, “Manga yigi yag e ufin ngodad ngad ked!
4037	NUM 11:12	Gathi gag e gu sunumegrad ara gu gargelegrad! Ere mang ni kamog ngog ni nggu dinobiyrad ni bod be’ ni bpin ni be tathuthnag pifak mu gu fekrad i yan ko fare nam ni gur e mmicheg ngak pi chitamangirad ni kakrom ni bay mpi’ ngorad?
4039	NUM 11:14	Dabiyag ni nge mil fan e pi girdi’ ney ngog ni urngin, ya ban’en ni kayigi gel e mo’maw’ riy ngog!
4048	NUM 11:23	Me fulweg SOMOL ni ga’ar, “Gur bay ban’en ndabiyag rog? Daba’ e bay mu guy ko ra yib i m’ug nib riyul’ e tin kugog ngom fa dangay!”
4053	NUM 11:28	Joshua ni fak Nun ni i ayuweg Moses ko ngiyal’ ni kab pagel ke mada’ ko ngiyal’nem e ga’ar ngak Moses, “Masta, mu talegrow!”
4065	NUM 12:5	me yib bangi manileng nga but’ nib suwon ni bay SOMOL u fithik’, me yib i par nga langan e mab ko fare Tent, me pong ni ga’ar, “Aron! Miriam!” Mi yow yan nga m’on.
4066	NUM 12:6	Me ga’ar SOMOL, “Mu telmew ko tin ni nggog! Ra bay e profet u fithik’med ma gu ma piliyeg e changar rorad ngar nanged gag, fa gu non ngorad u malik’ay.
4068	NUM 12:8	Gu ma non ngak ni gamow ba sabol, thin ni gu ma yog ngak e rib tamilang, ya dagur non ngak u fithik’ e salipow; mus nga fog nike guy! Ere di’in me math’ daguwen romew ngam welthingow nib togopluw ngak e tapigpig rog i Moses?”
4073	NUM 12:13	Me pag Moses laman ngalang nge yor ngak SOMOL ni be ga’ar, “Got, mu golnag Miriam!”
4111	NUM 14:2	Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!
4113	NUM 14:4	Me lungurad, “Ngad dugliyed be’ nge mang ir e i yog e thin rodad ma gadad sul nga Egypt!”
4121	NUM 14:12	Bay gu pi’ e msilipig nib gel nge yib ngorad ngarm’ad riy, me gur e bay gu gagiyeg nigem nge yib owchem ngar manged girdi’en ba nam ni kab gel ma kab pire’ e girdi’ riy ngorad!”
4143	NUM 14:34	Aningeg i ragag e duw ni bay i aw e gechig ngomed ni bochan e denen romed, ra reb e duw ma puluwon reb fa aningeg i ragag i rran ni um lekged e re nam nem. Ma aram e bay mu nanged e tin nra yib ngak e en nra pi’ keru’ ngog!
4150	NUM 14:41	Me ga’ar Moses, “Ere mangfan ni nge dab kum folgad rok SOMOL e chiney? Ya dabiyag ni ngam bunggad ngabang!
4198	NUM 16:3	Ra mo’olunggad nga p’eowchen Moses nge Aron me lungurad ngorow, “Kaygi pagrogon e n’en ni kam rin’ew! Gubin e girdi’ nu Israel nib mil farad ngak SOMOL, ma bay SOMOL rodad ni gadad gubin. Moses, ere mangfan ni kam tolang nigem ngalang rok ga’ngin yu Israel ni girdi’en SOMOL?”
4201	NUM 16:6	Gabul ni kadbul me gur nge pi’in ni kar manged ngom e ngam feked yu raba’ i fen e fek nifiy ngam afed e nifiy nge incense nga langgin mi gimed fek i yan nga altar. Ma aram ma gadad guy ko mini’ e arodad nike mel’eg SOMOL. Gimed e pi Levite e kaygi pag rogon e n’en ni kam rin’ed!”
4203	NUM 16:8	Miki ul ul Moses ko thin rok ngak Korah. “Mmotoyilgad gimed e pi Levite!
4205	NUM 16:10	Ke taymed nge urngin e tin kabay e Levite nike ga’ famed — ma chiney e ki gimed be guy rogon ni ngkum feked fare liw ko prist!
4207	NUM 16:12	Me l’oeg Moses e pong nge yan ngak Dathan nge Abiram, machane me lungrow, “Dab gu bow!
4209	NUM 16:14	Ya gathi kam fekmad i yib ngabang i but’ nib yong’ol ara kam pi’ yuyang e flang ngomad nge woldug ni grape ni nggu fi’iyed. Ere mog, chiney e kag be guy rogon ni ngam ban nagmad? Dab gu bow!”
4229	NUM 16:34	Ma urngin e girdi’ nu Israel ni urmed u rom e ra milgad nnap’an nrung’aged lungun fapi girdi’ nra yorgad. Me tolul piyu Israel ni be lungurad, “Da milgad! Ya richey miki ful’dad e but’!”
4240	NUM 17:10	“Mchuwgow u to’oben e pi girdi’ ney, ya nggu thang e pogofan rorad ni kachingiyal’ ney!” Miyow siro’ ngak SOMOL nge math peri’row nga but’,
4241	NUM 17:11	me ga’ar Moses ngak Aron, “Mu fek fa raba’ i n’en rom ni fen e fek nifiy ngam af e nifiy u daken e altar nga langgin, ma ga af boch e incense nga langgin. Ma ga papey nigem ngam fek i yan ngak e pi girdi’ nem ngam fal’eg bangbengin e machalbog ni fan ngorad. Mu pay nigem! Ya ke pu’og SOMOL e damumuw rok ke tabab e liliy ni yibe yim’ riy.”
4253	NUM 17:23	Me reb e rran riy nnap’an ni yan Moses ngalan fare Tent, me guy ni ley rok Aron e sog, ni pow ko birok Levi e ganong e ke for mal’gun. Ke k’uf ke puf e floras riy, ma ke yib wom’ngin ni keal nike lol!
4257	NUM 17:27	Me ga’ar fapi girdi’ nu Israel ngak Moses, “Ere kug musgad u roy!
4258	NUM 17:28	Fa’anra kemus ni yug ra chuchugur be’ nga tooben fare Tent ma thangri y’im, me’ere go’ gamad ba yam’ e chiney!”
4317	NUM 20:5	Mangfan ni mfekew gamad u Egypt i yib ko gin’ey nib kireb ni dariy ban’en riy? Dariy e grain u roy, nge fig, nge grapes, nge pomegranate. Mus ko ran ni ngan unum ma dariy!”
4322	NUM 20:10	Miyow ulunguy Aron yu Israel ni urngin nga m’on ko fare war, me ga’ar Moses, “Gimed e pi tatogopluw nir, mu telmed! Mogned, gimed be leamnag ni nggu fekew e ran ko re war ney ngam unumed?”
4330	NUM 20:18	Me fulweg piyu Edom ni lungurad, “Dab gu paged gimed ngam bad ngam marod u lan e nam romad! Fa’an gimed ra yib ma gamad ra m’ag e mael ngomed.”
4332	NUM 20:20	Miki ga’ar piyu Edom, “Dabiyag!” Me yib e salthaw rorad nib pire’ ni ngar maelgad ngak yu Israel.
4346	NUM 21:5	miyad non nib togopluw ngak Got nge Moses ni lungurad, “Mangfan ni mfekmad u Egypt ni nggu m’ad u roy u daken e re gi ted ney ndariy e ggan nge ran riy? Ya kar gu dabuyed e tiney e ggan ni gamad be kay!”
4368	NUM 21:27	Aramfan ni yon’ fapi girdi’ nma tung tang e tang ni ga’ar, “Moy nga Heshbon, ko binaw rok Sihon ni Pilung! Gamad ba’adag ni ngan fal’eg bayay ngki sul nga rogon.
4370	NUM 21:29	Gafgow gimed e girdi’ nu Moab; gimed e pi’in gimed be tayfan Kemosh e kam awgad nga fithik’ e kireb! Fare got romed e ke pag e pumo’on kar malethaygad, ma pi’in ni ppin e kar manged kalbus ko pilung nu Amor.
4392	NUM 22:16	Miyad yan ngak Balaam ngar weliyed e thin rok Balak ngak ni lungurad, “Wenig ngom, dab mu siyeg ni nga mub!
4405	NUM 22:29	Me ga’ar Balaam, “Bochan e ga be darifan nigeg! Fa’an mang e bay ba saydon rog ma kug thang e pogofan rom.”
4440	NUM 23:23	Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’
4442	NUM 23:25	Ma aram me ga’ar Balak ngak Balaam, “Kam siyeg ni ngam yibil nge buch wa’athan e girdi’ nu Israel, machane ku da mfal’eg wa’athrad!”
4458	NUM 24:11	Ere mu sul nga tafnam! Kug micheg ngom ni bay gu pi’ puluwom nib tolang, ma SOMOL e de pagem ni ngam rin’ e tin ku gu ning ngom, are dab ni pi’ puluwom.”
4905	DEU 1:11	Mang e yigi yo’or nagmed SOMOL ni Got rok e pi ga’ romed ni kakrom ngki mun bokun e biyu’ ngomed, me fal’eg wa’athmed, ni bod nike micheg nra rin’!
4922	DEU 1:28	Mangfan nthingar darod ngaram? Ni gadad be rus. Fapi pumo’on nda l’oegedyad e karogned ngodad ni pi girdi’ ni bay u rom e yad ba gel ma yad bn’uw ngodad. Ma pi binaw ni yad be par u langgin e go’ kan yororiy nrib tolang nga lanelang. Kar guyed e girdi’ u rom nib n’uw ma yad ba tagyet!’
5001	DEU 3:24	‘SOMOL ni Th’abi Tolang, kugnang ni kam tabab i dag ngog feni sorom nge feni gel gelngim. Ya dariy ba got u tharmiy fa but’ nrayag rok ni nge ngongliy e pi maang’ang ni kam rin’!
5003	DEU 3:26	“Machane bochmed e pi girdi’ nir me damumuw SOMOL ngog ma daki motoyil ngog. Ya ga’ar, ‘Ka yag! Dab kum sul bayay u daken e pi thin ney!