70	GEN 3:14	Me ga’ar SOMOL ni Got ngak fare porchoyog, “Ngug gechig nigem ni fan e tin kam rin’; go’ gur e nge par u dakenam e re buch wa’athan ni ba’aray: Aram e chiney i yan ngaram e bay um sirgig u but’ i yan ni yinam e ga be yan ngay, ma ab e bayi mang ggan ngom.
103	GEN 4:23	Me non Lamek ngak gal le’engin ni ga’ar, “Adah nge Zillah, mu telmew ngog: Kug li’ be’ ni kab pagel kem’ ni bochan e i pirdi’iyeg.
147	GEN 6:9	Ba’aray e pi’in ni owchen Noah: dalip e pagel ni fak ni immoy, ni Shem nge Ham nge Jafeth. Noah e be’ nib mo’on ni bfel’ ni kemus ni ir e immoy ni kabfel’ u wan’ Got e ngiyal’nem; i par ni bay Got rok.
210	GEN 9:4	Ri ta’a ban’en e bay ndab mu koyed: ufin ni ba’ e racha’ u fithik’, ya racha’ e bay e yafos u fithik’.
231	GEN 9:25	me ga’ar: “Nge bucheg Got wa’athan Kanaan! Bayi par ni ir e sib rok e gali pumo’on ni walagen.”
232	GEN 9:26	Miki ga’ar: “Ke sorok SOMOL, ni Got rok Shem. Bayi par Kanaan ni ir e sib rok Shem.
260	GEN 10:25	L’agruw e pagel ni fak Eber: Reb e ni tunguy Peleg ngak ni bochan e ngiyal’nem e yibe ki’eg e girdi’ u fayleng; ma bagyow e ni tunguy fithingan ni Joktan.
294	GEN 11:27	Ba’aray e pi cha’ ni owchen Terah: Terah e chitamngin Abram nge Nahor nge Haran. Mi Haran e chitamngin Lot,
402	GEN 17:4	“Ba’aray fare m’ag ni bay gu tay u thildow: nggog ngom ni gur e bayi mmang chitamngin bo’or e nam.
418	GEN 17:20	Kam wenig ngog ni nggu yoror rok Ishmael, ba’aray e n’en ni bay gu rin’: bay gu ayuweg nggu pi’ e bitir ngak ni pire’ nge girdi’ ni owchen ni pire’. Bayi par ni ir e chitamngin ragag nge l’agruw i pilung, ma pi’in owchen e bay gu gagiyeg nagrad ngar manged girdi’en reb e nam ni ba ga’.
568	GEN 22:20	Fa’ani ta’boch me nang Abraham ni Milkah e ke diyennag meruk e bitir ku Nahor ni walagen:
664	GEN 25:5	Me thum’nag Abraham ngak Isak urngin e tin nib mil suwon ngak:
672	GEN 25:13	irera’ e pi pagal, ni fak Ishmael ni tabab ko bin nganni’ nge mada’ ko bin wen: Nebaioth, Kedar, Adbeel, Mibsam,
755	GEN 27:27	Ma fa’ani chugur ni nge faray owchen, me farabon Isak bon e mad rok, ma aram me yibilay ni ga’ar: “Bon downgin fakag e bfel’ ni bod bon bangi woldug ni SOMOL e be ayuweg.
767	GEN 27:39	Me ga’ar Isak ngak: “Dabi yib e wa’angachal u tharmiy ni fan ngom, Ma dariy bang e flang rom nib yong’ol.
858	GEN 30:27	Me fulweg Laban ni ga’ar, “Siro’ ngom, ba’aray ban’en ni nggog ngom: kug nang u rogon e tin kan thagthagnag ngog ni Got e ke fal’eg wa’athag ni bocham.
862	GEN 30:31	Me ga’ar Laban, “Mang e nggu pi’ ni puluwom?” Me fulweg Jakob, “De m’ag u wan’ug ni ngam pi’ puluwog. Ya bay kug ul ul ngay nggu ayweg e gamanman rom ni fa’anra m’ag u wan’um e rebug i thin ni ba’aray:
1043	GEN 36:2	I le’engiy Esau be’ ni bpin nu Kanaan: ni Adah ni fak Elon nib Hittite; nge Oholibamah, ni be’ ni bpin ni fak Anah nib mo’on ni chitmangin e Zibeon nib Hivite;
1051	GEN 36:10	I Adah ni le’engin Esau e ta’reb e bitir ni pagel ni diyannag ni fak Esau, ni Elifaz, ma Elifaz e diyannag lal e pagel: Teman, Omar, Zefo, Gatam, nge Kenaz. Ma Timna ni ku reb i le’engin, e ku ra diyen nagew ta’reb e pagel ni Amalek. Basemath ni ku reb i le’engin Esau e ki diyannag ta’reb e pagel ngak Esau, ni Reuel, me Reuel e fakay aningeg e pagel: Nahath, Zerah, Shammah, nge Mizzah.
1055	GEN 36:14	Oholibamah ni ku reb i le’engin Esau e diyannag dalip e pagel: Jeush, Jalam, nge Korah, ni re bpin ney e chitamngin e Anah nib mo’on ni fak Zibeon.
1056	GEN 36:15	Irera’ e pi ganong ni yib rok Esau. Fa bin ni nganni’ e pagel ni fak Esau ni Elifaz e ir e chitamngin e tin ba’aray e ganong: ni Teman, Omar, Zefo, Kenaz,
1058	GEN 36:17	Reuel ni fak Esau e ir e chitamngin e tin ba’aray e ganong: Nahath, Zerah, Shammah, nge Mizzah. Picha’ ney e yad owchen Basemath ni le’engin Esau.
1059	GEN 36:18	Tin ba’aray e ganong e rsumgad rok Esau nge Oholibamah ni le’engin, ni be’ ni bpin ni fak Anah: I Jeush, Jalam, nge Korah.
1061	GEN 36:20	Pi’in nri girdi’en e binaw nu Edom e yad yuke girdi’ ni rsumgad rok pifak Seir, ni be’ ko fare ke girdi’ ni Horite: ni irara’ fapi ganong ni Lotan, Shobal, Zibeon, Anah, Dishon, Ezer, nge Dishan.
1070	GEN 36:29	Irera’ e pi ganong ko girdi’ ni Horite u lan e binaw nu Edom: Lotan, Shobal, Zibeon, Anah, Dishon, Ezer, nge Dishan.
1072	GEN 36:31	U m’on ni daworisum reb e pilung ni nge yog e thin u lan yu Israel, ma ba’aray e pi pilung ni ur gagiyeg niged e binaw nu Edom: Bala nib pagel ni fak Beor ko binaw nu Dinhabah Jobab nib pagel ni fak Zerah ko binaw nu Bozrah Husham ko nug nu Teman Hadad nib pagel ni fak Bedad ko binaw nu Avith (i gel rok pi Midanite ko mael u lan e nam nu Moab) Samlah ko binaw nu Masrekah Shaul ko binaw nu Rehoboth-u daken-fare Lul’ Baal Hanan nib pagel ni fak Achbor Hadad ko binaw nu Pau (le’engin e Mehetabel, ni be’ ni bpin ni fak Matred ma tutuw rok Mezahab)
1081	GEN 36:40	Esau e ir e chitamngin e tin ba’aray e ganong nu Edom: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, nge Iram. Ra reb e pi ganong ney ma fithngan e ku er fithngan e binaw nma par riy.
1145	GEN 38:25	Ma nap’an e yibe fek i yib, me pi’ fare bpin e thin nge yan ko fare pumo’on ni chitmangin figirngin ni be ga’ar: “I gag e kug diyan rok be’ nib pumo’on nib milfan e pin’ey ngak. Ere mu changar ngay ngam guy ko mini’ e fen ere hang ney ni bay gafan nge re sog ney.”
1185	GEN 40:12	Me ga’ar Josef, “Ba’aray fan: fa dalip pa’ i pa’ngin e aram e dalip i rran.
1191	GEN 40:18	Me ga’ar Josef, “Ba’aray fan: dalip i dug nir e dalip i rran.
1224	GEN 41:28	Bod rogon ni kugog ngom: ke dag Got ngom e n’en ni bay rin’.
1268	GEN 42:15	Ba’aray rogon ni ngan sikeng nagmed: nggu micheg u fithingan Farao ndab ni pagmed ngam sulod ni fa’anra dabi yib e bin th’abi bitir i walagmed ngaray.
1271	GEN 42:18	Me gaman e dalip fen riy me ga’ar Josef ngorad, “I gag be’ ni bay madgun Got u wun’ug, ere bay gu ayweg e pogofan romed ni dabi thay ni fa’an gimed ra rin’ e re bugithin ni ba’aray:
1286	GEN 42:33	Me ga’ar e re mo’on nem, ‘Ba’aray rogon mu gu nang ni gimed be yog e tin riyul’: nge par bigimed rog u roy; mi gimed fek e grain ni nge kay girdi’en e tabinaw romed ni karm’ad ko uyongol, mi gimed yan.
1302	GEN 43:11	Me ga’ar Israel ni chitamangirad ngorad, “Fa’anra er rogon, me ere nge par riy ni arrogon, ba’aray e n’en ni ngam rin’ed: Mfeked e tin th’abi fel’ ban’en ni bay ko nam rodad ngam ted nga tutuw romed nge mang tow’ath romed ngak governor, ni aram e bochu’uw e florida, nge buchu’uw e honey, nge spices, nge wom’ngin e pistachio nge keal.
1368	GEN 45:9	“Ere mu gurgad ngam sulod ngak e chitamag nge lungumed ngak, ba’aray e thin rok fakam i Josef: ‘Got e ke teg ni gag e gu be gagiyegnag yu Egypt ni ga’ngin; mu gur nigem nga mub ngog.
1396	GEN 46:9	nge pi pumo’on ni pifak Ruben: Hanok, Pallu, Hezron, nge Karmi.
1397	GEN 46:10	Nge Simeon nge pifak ni pumo’on: Jemuel, Jamin, Ohad, Jakin, Zohar nge Shaul, ni fak row be’ ni bpin nu Kanaan.
1398	GEN 46:11	Nge Levi nge pifak ni pumo’on: Gershon, Kohath nge Merari.
1399	GEN 46:12	Nge Judah nge pifak ni pumo’on: Shelah, Perez nge Zerah. (Fagal ni baaram e bitir rok Judah, ni Er nge Onan e karm’ow u Kanaan.) Ma pumo’on ni fak Perez e Hezron nge Hamul.
1400	GEN 46:13	Nge Issakar nge pifak ni pumo’on: Tola, Puah, Jashub nge Shimron.
1401	GEN 46:14	Nge Zebulun nge pifak ni pumo’on: Sered, Elon nge Jahleel.
1403	GEN 46:16	Gad nge pifak ni pumo’on: Zefon, Haggi, Shuni, Ezbon, Eri, Arod nge Areli.
1404	GEN 46:17	Asher nge pifak ni pumo’on: Imnah, Ishvah, Ishvi, Beriah nge Serah ni walagrad ni bpin. Ma fak Beriah ni pumo’on e Heber nge Malkiel.
1406	GEN 46:19	Le’engin Jakob ni Rachel e diyannag l’agruw e pumo’on: Josef nge Benjamin.
1411	GEN 46:24	Naftali nge pifak ni pumo’on: ni Jahzeel, Guni, Jezer nge Shillem.
1467	GEN 48:15	Ma aram me fal’eg wa’athan Josef ni ga’ar: “I Got e ngi i fal’eg wa’athan e gali pagel ney, ni fare Got ni i par e chitamag i Abraham nge Isak u p’eowchen. I Got, ni i pow’iyeg i yib ke mada’ ko bin daba’ e rran e ngi i fal’eg wa’athrow.
1475	GEN 49:1	Me pi’ Jakob e thin nge yan ngak fapi pumo’on ni fak ni be ga’ar, “Mmu’ulunggad, nggog ngomed e n’en ni bayi yib ngomed ko tin kabay e rran nga m’on:
1511	GEN 50:4	Fa’ani m’ay e ngiyal’ ni nga ni yornag e chitamngin, me ga’ar Josef ngak e pi’in ni tolang ni yad bay nga tan pa’ Farao, “Wenig ngomed, mu feked e re bugithin ni ba’aray i yan ngak Farao ni nge lungumed:
1523	GEN 50:16	Ma aram miyad pi’ bbugithin nge yan ngak Josef ni lungurad, “Ba’aray bbugithin ni weliy e chitamam ngomad u m’on ndawori aw e fan rok ni ga’ar:
1594	EXO 3:14	Me ga’ar Got, “I Gag e en ni Gag. Arrogon ni thingar mog ngorad: ‘Fa’anem ni yima pining ni GAG e ir e ke l’ogeg ni nggub ngomed.’
1828	EXO 12:11	Ba’aray rogon ni ngam longuyed: ngam longuyed ni kam m’aged e leed romed nga lukngumed, ma kam chuwgad nga sus romed, ma bay e sog romed u pa’med; thingar mu longuyed ni gimed ba gur. Ya mur ko madnom ni Paluk’af ni fan ngak SOMOL.
1860	EXO 12:43	Me ga’ar SOMOL ngak Moses nge Aron, “Ireray e pi gafal ko Paluk’af: Pi’in gathiyad piyu Israel e dab ra uned i kay boch e ggan ko Paluk’af,
1922	EXO 15:1	Me yin’ Moses nge piyu Israel e re tang ni ba’aray ngak SOMOL: “Nggu tangnag SOMOL, ya gel nike tay e rib sorok riy; ke yin’ fapi os nge pi’in ni kar afgad nga daken nga maday.
1964	EXO 16:16	I SOMOL e ba’aray e tin keyog ni ngam rin’ed: ra bigimed ma nge kunuy nap’an l’agruw e quart riy. Ra be’ ma nge fek nap’an urngin e girdi’ ni be par u lan e birok e tent.”
2030	EXO 19:3	Me yan Moses nga daken e burey ni ngar mada’gow Got. Me non SOMOL u daken e burey nga but’ ngak Moses ni ga’ar, “Mog ngak piyu Israel, ni aram e pi’in owchen Jakob:
2079	EXO 21:1	“Mu pi’ e pi motochiyel ni ba’aray ngak piyu Israel:
2199	EXO 25:3	Pin’ey ni ngan ognag e: gol, silber, nge wasey ni bronze;
2360	EXO 29:23	Fare dug i flowa nni ognag ngog, e ngam fek reb e lof u bmit ngu bmit: reb e flowa ni kan ngongliy ko gapgep ni olive nge reb ndariy e gapgep ni olive riy nge reb ni bod ba kek ni ba gilgith.
2427	EXO 31:6	Kug mel’eg Oholiab nib mo’on ni fak Ahisamak, ni be’ ko fare ganong rok Dan, ni ngar maruwel gow Bezalel u ta’bang. Ma kug pi’ e salap ngak boch e pumo’on nrayag e maruwel rorad, ya nge yag nra muruwliyed gubin e tin kugog ni ngan mu’nag:
2533	EXO 35:1	Me kunuy Moses gubin fapi girdi’ nu Israel nga ta’bang me ga’ar ngorad, “Ba’aray e pin’en keyog SOMOL ni ngam rin’ed:
2536	EXO 35:4	Me ga’ar Moses ko girdi’ nu Israel, “Ba’aray e tin keyog SOMOL ni ngan rin’:
2542	EXO 35:10	“Gimed gubin e pumo’on ni bay e salap romed e ngam ngongliyed urngin e tin keyog SOMOL ni ngan ngongliy:
2621	EXO 37:16	I ngongliy urngin tatalin fare tebel ko gol ni go’ gol: plet riy, kap riy, pi rume’ riy nge yochi dabiy ni fen, ni ngu’un fanay ko wayin ni maligach.
2637	EXO 38:3	Miki ngongliy urngin tatalin fare altar: bogi th’ib, nge bogi sebel, nge bogi dabiy, nge bogi fok nib ga’, nge yu raba’ ban’en ni fen e fek nifiy. Urngin e pi tatalin e altar ney me ngongoliy ko bronze.
2675	EXO 39:10	Ra gabdiyed aningeg thal i malang nib tolang puluwon nga daken fare gi mad: thal ni som’on e reb e malang ni ruby, topaz, nge garnet;
2695	EXO 39:30	Ra ngongliyed ba madalia ko gol, mi ni ker yu bugithin nga daken ni be ga’ar: “Kan ognag ngak SOMOL.”
2782	LEV 3:3	miyad pi’ e yungin ba’aray ko fare gamanman ni ba ggan ni maligach ngak SOMOL: ni aram e gubin e mam riy nib ing gil’iggan,
2788	LEV 3:9	miyad pi’ e yungin ba’aray ko fare gamanman ni ba ggan ni maligach ngak SOMOL: urnging e mam riy nib mu’un e tin nth’ab u lan keru’ nib migid ko niw u keru’, nge gubin e mam nib ing gil’iggan,
2793	LEV 3:14	miyad ognag e yungin ba’aray ko fare gamanman ni ba ggan ni maligach ngak SOMOL: urngin e mam riy nib ing gil’iggan,
2883	LEV 7:3	Ma urngin e mam riy ni yira luf ngan pi ni maligach u daken e altar: mam u p’ebuk, nge mam nib ing gil’iggan,
2887	LEV 7:7	Bay ta’reb e gafal ni ir e ngan fana’ ko fa gal maligach ni aram e maligach ko denen nge maligach ko mthang malfith: ufin fare gamanman e ba milfan ngak fare prist ni pi’ fare maligach u daken e altar.
2892	LEV 7:12	Fa’anra pi’ be’ ba maligach ni fen e ogmagaer ngak Got, ma thingar ki chagiy ngay reb e gamanman ni maligach, nge ba flowa ni dariy e is riy: ni demturug ko lof nib dib’ag nni ngongliy ko flour ni kan athkuy e gapgep ni olive ngay ara kek nib gilgith ni kan achay e gapgep ni olive ngay ara kek nni ngongliy ko flour ni kan athkuy ko gapgep ni olive.
3011	LEV 11:13	Ma tin ba’aray u fithik’ e arche’ e dab mu ked ya ba ta’ay, ni aram e arche’ ni: eagle, vulture, osprey,
3027	LEV 11:29	Ba’aray e pi graraw nra ta’ay nagmed u roy u fayleng: weasel, boro’, nge galuf,
3140	LEV 14:28	Ma ku arrogon fare gapgep ni ku ra achey boch ko fa yungi n’en u dow facha’ nike thiy e racha’ ngay: u ba’ ni mat’aw i yuwantel, nge ba’ ni mat’aw i bugul ni ga’ u pa’, nge ba’ ni mat’aw i bugul ni ga’ u ay.
3258	LEV 18:6	Miki pi’ SOMOL e tin ba’aray e gafal: Dab mu pirew be’ ni gimew tabnaw.
3294	LEV 19:12	Dab mmicheged ban’en nga fithingag ni fa’anra damur leam niged ni nge par ni bod ni kamogned: ya aram e gimed be darifannag fithingag. I Gag e SOMOL ni Got romed.
3364	LEV 21:18	Dariy be’ nib mo’on ni bay bochiyang u downgin nib kireb nrayag ni pi’ e maligach: ni en nib malmit, fa ba mugutgut, fa ba kireb bang u dow, fa bay bang u dow nde sum;
3574	LEV 27:3	rogon ni kan duwgiliy: •Be’ ni pumo’on ni duw rok e rliw’ nge mada’ ko nel’ i ragag: wugem yang e silber •Be’ ni bpin nike pi’lal: guyey yang e silber •Be’ ni pagel ni lal e duw rok nge mada’ ko rliw’: rliw’ yang e silber •Be’ ni bpin ni kab bitir: ragag yang e silber •Bochi pagel ni dawori gaman lal e duw rok: lal yang e silber •Bochi bulyel: dalip yang e silber •Be’ ni pumo’on ni gonap’an nel’ i ragag e duw rok: ragag nge lal yang e silber •Be’ ni bpin ni gonap’an nel’ i ragag e duw rok: ragag yang e silber
3610	NUM 1:5	Irera’ e pi pumo’on, ni mitethin u lan e pi ganong rorad, ni kan mel’egrad ko mitney e maruwel: Ganong Mitethin ko yuke girdi’ Ruben Elizur nib mo’on ni fak Shedeur Simeon Shelumiel nib mo’on ni fak Zurishaddai Judah Nahshon nib mo’on ni fak Amminadab Issakar Nethanel nib mo’on ni fak Zuar Zebulun Eliab nib mo’on ni fak Helon Efraim Elishama nib mo’on ni fak Ammihud Manasseh Gamaliel nib mo’on ni fak Pedahzur Benjamin Abidan nib mo’on ni fak Gideoni Dan Ahiezer mo’on ni fak Ammishaddai Asher Pagiel nib mo’on ni fak Okran Gad Eliasaf nib mo’on ni fak Deuel Naftali Ahira nib mo’on ni fak Enan
3625	NUM 1:20	Pi’in pumo’on ni rliw’ e duw rorad ngalang nrayag ni ngar uned ko mael e ni ngongliy babyorenrad nrogon fithingrad ko yuke girdi’ nge tabnaw nrabad riy, ni tabab ko fare ganong rok Ruben, ni bin nth’abi nganni’ e pumo’on u fak Jakob. Urunginrad u gubin e ba’aray: Ganong Urngin e girdi’ Ruben 46,500 Simeon 59,300 Gad 45,650 Judah 74,600 Issakar 54,400 Zebulun 57,400 Efraim 40,500 Manasseh 32,200 Benjamin 35,400 Dan 62,700 Asher 41,500 Naftali 53,400 Urnginrad u gubin: 603,550
3662	NUM 2:3	Ba’ ni ngek ko fare Tent, e nge n’uf e ba’ rok Judah e girdi’ e pi Tent rorad riy u tan e gi rorad e flak, u tan lungun e en mitethin, ni bod ni ba’aray: Ganong Mitethin Urngin e girdi’ Judah Nahshon nib mo’on ni fak Amminadab 74,600 Issakar Nethanel nib mo’on ni fak Zuar 54,400 Zebulun Eliab nib mo’on ni fak Helon 57,400 Urnginrad u gubin: 186,400 Ba’ rok Judah e girdi’ e yad e ngar m’oned.
3669	NUM 2:10	Mu ba’ ni yimuch ko fare Tent, e nge n’uf e ba’ rok Ruben e girdi’ e pi Tent rorad riy u tan e gi rorad e flak, u tan lungun e en ni mitethin, ni bod ni ba’aray: Ganong Mitethin Urngin e girdi’ Ruben Elizur nib mo’on ni fak Shedeur 46,500 Simeon Shelumiel nib mo’on ni fak Zurishaddai 59,300 Gad Eliasaf nib mo’on ni fak Deuel 45,650 Urnginrad u gubin: 151,450 Ba’ rok Ruben e girdi’ e yad e migid ni ngranod.
3677	NUM 2:18	Mu ba’ ni ngal ko fare Tent, e nge n’uf e ba’ rok Efraim e girdi’ e pi Tent rorad riy, u tan lungun e en ni mitethin rorad, ni bod ni ba’aray: Ganong Mitethin Urngin e girdi’ Efraim Elishama nib mo’on ni fak Ammihud 40,500 Manasseh Gamaliel nib mo’on ni fak Pedahzur 32,200 Benjamin Abidan nib mo’on ni fak Gideoni 35,400 Urnginrad u gubin: 108,100 Ba’ rok Efraim e girdi’ e yad e ngar migidgad ko ganong rok Ruben.
3684	NUM 2:25	Mu ba’ ni lel’och ko fare Tent, e nge n’uf e ba’ rok Dan e girdi’ e pi Tent rorad riy, u tan lungun e en mitethin, ni bod ni ba’aray: Ganong Mitethin Urngin e girdi’ Dan Ahiezer nib mo’on ni fak Ammishaddai 62,700 Asher Pagiel nib mo’on ni fak Okran 41,500 Naftali Ahira nib mo’on ni fak Enan 53,400 Urnginrad u gubin: 157,600 Ba’ rok Dan e girdi’ e yad e tomur ni ngranod.
3695	NUM 3:2	Imoy aningeg i pumo’on ni fak Aron: Nadab e bin nganni’, nge yib Abihu, nge yib Eleazar, me Ithamar e th’abi bitir.
3710	NUM 3:17	Irera’ e pi pumo’on ni fak Levi nge fithingrad: Gershon, Kohath nge Merari.
3712	NUM 3:19	Ma pifak Kohath ni pumo’on nge fithingrad: Amram, Izhar, Hebron nge Uzziel ni aram ngachlen e yu kaen nem e girdi’.
3713	NUM 3:20	Ma pifak Merari ni pumo’on: Mahli nge Mushi. Yad e pichitamngin e pi tabnaw ni aram rogon fithingrad.
3758	NUM 4:14	Miyad tay nga daken fare altar urngin e tatalin e maruwel riy: yu raba’ i fen e fek nifiy, nge bogi lam, nge bogi sebel, nge yu raba’ i taray. Ma aram miyad upunguy nga bang i keru’ e gamanman ni bfel’, miyad yip’ e mat’ riy ngay.
3768	NUM 4:24	Maruwel rorad e pin’en ni ba’aray ni ngu’ur feked:
3778	NUM 4:34	I Moses nge Aron nge pi tayugang’ nu Israel e ra folgad rok SOMOL ngar the’eged e girdi’ ko fa dalip ke girdi’ ni bay u lan fare ganong ko Levite, ni fare ke girdi’ rok Kohath, nge Gershon, nge Merari. Ra the’eged e yuke girdi’ nge tabnaw, mar fal’eged babyoren fithingan urngin e pumo’on ni guyey e duw yangren nge mada’ ko wugem nrayag ni ngar maruwelgad u lan fare Tent u p’eowchen SOMOL, ni bod ni ba’aray: Yu ke girdi’ Urngin e girdi’ Kohath 2,750 Gershon 2,630 Merari 3,200 Urngirad u gubin: 8,580
3812	NUM 5:19	Ma aram me yog fare prist ngak fare pin ni nge un ngak nga rognew e pin’en ni ba’aray ni yibe micheg u fithingan Got: “Fa’anra dawor mu pirew be’ ni gathi mabgol rom, ma dabiyib fare buch wa’athan nma yib ko re ran ney ngom.
3838	NUM 6:14	ngam pi’ ngak SOMOL dalip i gamanman ndariy bochiyang u downgirad nib kireb: ba pifak e saf nib pumo’on nta’reb e duw yangren ni nge mang maligach ni mo’oruf, nge ba fak e saf ni bpin ni ku ta’reb e duw yangren ni nge mang ba maligach ni fan ko denen, nge ba saf ni pumo’on ni nge mang maligach nma gapaseg thilin Got nge girdi’.
3839	NUM 6:15	Ma kag ra pi’ ni maligach ba dug i flowa ni kan lith ndariy e is riy: ni bogi lof nib dub’ag ni kan ngongliy ko flour ni kan athkuy e gapgep ni olive ngay nge yochi kek ni kan achey e gapgep ni olive nga daken, nge maligach ni grain nge wayin ni yigagen.
3847	NUM 6:23	ni nge non ngak Aron nge pifak ni pumo’on ni ngu’ur yibiliyed piyu Israel ni ba’aray rogon:
3854	NUM 7:3	e rfeked e pi maligach rorad i yib ngak SOMOL: ni nel’ e wagon nge ragag nge l’agruw e garbaw ni pumo’on, ra l’agruw i yad fapi tagugang’ ma reb e wagon, ma ra taabagayad ma reb e garbaw ni pumo’on. Nga tomuren ni kar pi’ed e pin’em,
3863	NUM 7:12	Ba’aray yarmen e maligach nra pi’ed: Rran Ganong Mitethin som’on Judah Nahshon nib mo’on ni fak Amminadab l’agruw Issakar Nethanel nib mo’on ni fak Zuar dalip Zebulun Eliab nib mo’on ni fak Helon aningeg Ruben Elizur nib mo’on ni fak Shedeur lal Simeon Shelumiel nib mo’on ni fak Zurishaddai nel’ Gad Eliasaf nib mo’on ni fak Deuel medlip Efraim Elishama nib mo’on ni fak Ammihud meruk Manasseh Gamaliel nib mo’on ni fak Pedahzur mereb Benjamin Abidan nib mo’on ni fak Gideoni ragag Dan Ahiezer nib mo’on ni fak Ammishaddai ragag nge ta’reb Asher Pagiel nib mo’on ni fak Okran ragag nge l’agruw Naftali Ahira nib mo’on ni fak Enan Fapi maligach nra feked i yib e go’ ta’reb rogon: bochi dabiy nib silber ni malngin e wugem e ounce nge bochi taray nib silber ni malngin e guyey e ounce, ni bod rogon ni kan turguy e ngiyal’nem, galin’em ni l’agruw e ba sug ko flour ni kan aruy ko gapgep ni fen e maligach ni grain; nge barba’ i plet nib gol ni malngin e aningeg e ounce, nib sug ko incense, nge reb e fak e garbaw ni pumo’on, nge reb e saf ni pumo’on, nge reb e saf ni ta’reb e duw yangren, ni fen fare maligach ni mo’oruf; nge reb e kaming ni fen fare maligach ko denen; nge l’agruw e garbaw ni pumo’on, nge lal e saf ni pumo’on, nge lal e kaming, nge lal e pifak e saf ni ta’reb e duw yangarad, ni fen fare maligach nma gapaseg thilin Got nge girdi’.
3935	NUM 7:84	Ba’aray urngin fapi maligach ni fek fa ragag nge l’agruw i mitethin i yib ni ngan fanay ko madnom ko fare altar ni ngan yiblay: •ragag nge l’agruw raba’ e dabiy ni silber, nge ragag nge l’agruw raba’ e taray ni silber, ni tomalngin e pin’ey u gubin e nel’ i ragag e pawn •ragag nge l’agruw raba’ e plet ni gol ni aningeg i ragag nge meruk e ounce tomalngin u gubin, nib sug ko incense •ragag nge l’agruw e garbaw ni pumo’on, nge ragag nge l’agruw e saf ni pumo’on, nge ragag nge l’agruw e pifak e saf ni ta’reb e duw yangarad, ni ku bmu’un fapi maligach ni grain ngay ni yigagen ni fen e pi maligach ni mo’oruf •ragag nge l’agruw e kaming ni maligach ni fan ko denen •rliw’ nge aningeg e garbaw ni pumo’on, nge nel’ i ragag e saf ni pumo’on, nge nel’ i ragag e kaming, nge nel’ i ragag e fak e saf nike gaman reb e duw yangarad, ni tiney e fen fare maligach nma gapaseg thilin Got nge girdi’.