3	GEN 1:3	Me non Got ni ga’ar, “Nge tamilang” — me tamilang.
5	GEN 1:5	me tunguy fithingan e tamilang ni “Rran”, me tunguy fithingan e lumor ni “Nep’.” Me chuw e nep’, me yani kadbul — ni aram e bin som’on e rran.
8	GEN 1:8	me tunguy fithingan e palpal th’ib ni “Lanelang”. Me chuw e nep’, me yani kadbul — ni aram e bin l’agruw e rran.
9	GEN 1:9	Me non Got ni ga’ar, “Ran ni bay u tan e palpal th’ib e nge mukun nga ta’bang nge yib i m’ug e binaw” — me yodorom.
11	GEN 1:11	Me non ni ga’ar, “But’ e nge tugul urngin mit e woldug nga daken, ni tin nge yib wom’ngin ni bod wom’ngin e grain nge tin nge yib wom’ngin ni bay e awoch u fithik’” — me yodorom.
13	GEN 1:13	Me chuw e binem e nep’, me ni kadbul — ni aram e bin dalip e rran.
15	GEN 1:15	bay i gal ram’erad u lanelang ngu’ur pi’ed e tamilang nga fayleng” — me yodorom.
19	GEN 1:19	Me chuw e binem e nep’, me ni kadbul — ni aram e bin aningeg e rran.
20	GEN 1:20	Me non Got ni ga’ar, “Nge yib bo’or mit ban’en nib fos nga fithik’ e day nge ran, ma ngi i changeg e arche’ u fithik’ e nifeng” — me yodorom.
23	GEN 1:23	Me chuw e binem e nep’, me ni kadbul — ni aram e bin lal e rran.
24	GEN 1:24	Me non Got ni ga’ar, “But’ e nge yib urngin mit e gamanman nib mongmor nga dakean nge urngin mit e gamanman ni malboch, ni tin nib ga’ nge tin nib achig” — me yodorom.
30	GEN 1:30	machane urngin e tin gagang’ nge tin b’achig e gamanman ni malboch, nge urngin e arche’ e nggu pi’ ngorad e woldug nib galunglung ni ir e nge mang ggan ngorad” — me yodorom.
31	GEN 1:31	Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.
54	GEN 2:23	Me ga’ar fare pumo’on, “Ka fini yag be’ ni ta’reb rogomow — ni yil rok e ni fek ko yil rog, ma ufin u dow e ni fek ko ufin u dowag. ‘Bpin’ e fithingan ni bochan e ni fek u fithik’ fare pumo’on.”
437	GEN 18:12	Me minmin Sarah rok nike ga’ar u wan’, “Chiney e kari gu pilibthir ndabkiyag ni gu diyennag e bitir, gur ngku gu pirew e pumo’on rog ni bod ni ku gub rugod? — ya ku er rogon ni figirngig e ke pilibthir.”
564	GEN 22:16	“Nggog bbugithin ngom ni bay gu rin’ ni fithingag e nggu micheg ngay i Gag SOMOL e gu be non — nri bay gu fal’eg wa’atham, ni bochan e fakam ni kari maagirag rom e da mu tel rog,
587	GEN 23:15	“Siro’, gi but’ nem e aningeg mir’ay yang e silber puluwon — ma mang e binem nga thildow? Mu chubguliy le’engim riy.”
588	GEN 23:16	Me pining Abraham e kefel’ ngay, me thabthabelnag fare math’eg ni fa’an keyog Efron ke rung’ag fapi girdi’ — ni aningeg mir’ay yang e silber, nrogon ko thabthabel ni yima fanay ko falchuway’.
1196	GEN 40:23	Machane fa’anem nma pu’og e wayin ngalan e kap rok Farao e daki leamnag Josef — ke pag talin murung’agen.
1597	EXO 3:17	Ma kug turguy ni nggu fekrad nga wuru’ yu Egypt, ni ireram e gin yibe gafgow nagrad riy, nggu fekrad nga ba nam nib madnom ma ba yong’ol e but’ riy — ni fare nam rok yu Kanaan, ngu Hitt, ngu Amor, ngu Periz, ngu Hiv, nge yu Jebus.
1871	EXO 13:3	Me ga’ar Moses ngak fapi girdi’, “Ngam ted u wun’med e rofen ney — irera’ e rofen nim chuwgad u lan yu Egypt ko gin um sibgad riy. Ya re rran ney e maruwel SOMOL nga gelngin nib gel nge fekmed nga wuru’ fare binaw. Dab mu koyed e flowa ni bay e is riy.
2062	EXO 20:10	machane bin medlip e rran e rran ko toffan ni kan ognag ngog. Re rran nem e dariy be’ nra maruwel — ni gur, nge pifakam, nge pi sib rom, nge gamanman rom, ma ku arita’ e girdi’ nu bang nma par u lan e binaw romed.
2107	EXO 21:29	Machane fa’anra re garbaw ni pumo’on nem e ba tamacham ngak e girdi’ ma ke yo’or yay ni kanog ngak e en ni fak, machane dar yin’ nga chumol — ma aram e fa’anra li’ be ni bpin ara be’ ni pumo’on nge yim’, ma yira malangnag nge yim’, mu ku yira thang e fan rok e en ni fak.
2406	EXO 30:23	“Mu fek e tin nthabi fel’ ko spices— ragag nge l’agruw e pawn e myrrh nib ranran, nge nel’ pawn e cinnamon ni bfel’ bon, nge nel’ e pawn e cane nrib fel’ bon,
2417	EXO 30:34	Me ga’ar SOMOL ngak Moses, “Mu fek e pin’en ni ba’aray ni falel’ bon ni ta’reb oren bmit nge bmit — ni aram e stacte, nge onycha, nge galbanum, nge frankincense.
2424	EXO 31:3	kug sugnag e cha’nem ko fare gelngin rog. Kug pi’ e tamilangan’ ngak, nge llowan’, nge gubin mit e salap ko ngongol bogi ban’en ni bfel’ ya’an —
2551	EXO 35:19	nge fapi mad rok e prist nrib gamog ni nga ron’ed u nnap’an ni ngar pigpiggad u lan fa Gin nib Thothup — fapi mad nib tabgul ni fan ngak Aron ni prist nge pifak ni pumo’on.”
2706	EXO 39:41	nge fapi madan e prist nrib gamog ni ngu’ur chuwgad ngay u lan e Gin ni ba Thothup — nge fapi mad nib tabgul rok Aron ni prist nge pi pumo’on ni fak.
3380	LEV 22:10	“Kemus ni be’ nreb i girdi’en e tabnaw ko prist e ra kay boch fare maligach nib tabgul; ma dariy yug be’ nra kay boch — ku ra be’ nma par rok e prist ara ma maruwel rok e prist ma dabi kay.
3999	NUM 10:10	Ma ku er rogon e pi madnom ko felfelan’ — u ngilan’ e Madnom ko M’ug e Pul nge ku boch e madnom romed ko liyor — ma ngam thoyed fa gali yabul ko ngiyal’ ni ngam pi’ed e maligach romed ni mo’oruf nge maligach nma gapaseg thilin Got nge girdi’. Ma aram e gu ra ayuwegmed. I Gag SOMOL ni Got romed.”
4205	NUM 16:10	Ke taymed nge urngin e tin kabay e Levite nike ga’ famed — ma chiney e ki gimed be guy rogon ni ngkum feked fare liw ko prist!
4358	NUM 21:17	Aram e ngiyal’ ni yin’ e girdi’ nu Israel e re tang ni ba’aray: “Luwed mu pi’ e ran; Ma bay gun’ed tangin —
4723	NUM 32:3	“Re gin’ney nike ayweg SOMOL yu Israel kar pired ngay — ni pi binaw nu Ataroth, Dibon, Jazer, Nimrah, Heshbon, Elealeh, Sibmah, Nebo, ngu Beon — e bfel’ ko chugol gamanman, ma gamad e bo’or e gamanman romad.
4981	DEU 3:4	Ma ku aram e ngiyal’ nda koled urngin e pi yochi binaw rok — dariy ta’reb e binaw rok nda paged. Nel’ i ragag u gubin e binaw nda koled — ni aram e ga’ngin yang yu Argob, ni gin i gagiyeg Og ni Pilung riy.
4996	DEU 3:19	Kemus ni pi le’engimed, pi fakmed, nge yu ran’ i gamanman romed — ya gumnang ni bo’or yu ran’ i gamanman romed — yad e ngar pired ko yochi binaw ney ni kug pi’ ngomed.
5069	DEU 5:14	ma bin medlip e rran e yaran e toffan ni kam ogniged ngog. Rofen nem e dariy be’ ni nge maruwel — ni gimed, pifakmed, sib romed, gamanman romed, nge ku girdi’ nu bang nma par u lan e nam romed. Pi sib romed e thingar ra toffan gad ni bod gimed.
5318	DEU 14:26	Mi gimed chuw’iy demturug ban’en ni gimed ba’adag ko fare salpiy — ufin e garbaw, ara ufin e saf, ara wayin, ara tin yira chingaw ngay, mu rom u p’eowchen SOMOL ni Got romed e gimed nge chon e tabnaw romed e ngam abichgad mi gimed felfelan’ u ta’bang.
5335	DEU 15:14	Mu pi’ ngak boch nib yo’or ko tin ke fal’eg SOMOL wa’atham riy — saf, grain, nge wayin.
5347	DEU 16:3	Dab mu ked e flowa ni kan lith ni bay e is riy u nap’an e abich romed ko Paluk’af, medlip e rran ni ngam ked e flowa ni kan lith ni aray rogon, bod ni um rin’ed fa ngiyal’ ni mu chuwgad u Egypt ni aram feni gur. Mu ked e re flowa ney — ni bay u nog fithingan ni flowa ko pi’in nra gafgowgad — ya gubin e rran u lane yafos romed ma ngi i yib ngan’med e rofen ni mu chuwgad u Egypt, ni fare nam ni um gafgowgad riy.
5643	DEU 28:30	“Bay ni duwgliy be’ ni bpin ni ngam mabgolgow — machane yug reb e pumo’on e ra le’engiy fare pin. Bay mu toy ba naun, machane dariy bi’id ni ga ra par riy. Bay mu yung bangi milay’ ni grape, machane dariy bi’id ni ga ra kay wom’ngin.
5661	DEU 28:48	Aram fan ni bay mu pigpiggad ngak e to’ogor romed ni bayi pi’rad SOMOL ngar togopluwgad ngomed. Bay yib e bilig nge balel ngomed, ma bay mu pired u tamilang ndariy e mad u dakenmed — urngin ban’en mri bayi t’uf romed. Bayi gafgow nagmed SOMOL nib gel ngarim bilged t’ay e gafgow.
5691	DEU 29:9	“Daba’ e gimed be sak’iy u mit SOMOL ni Got romed, ni gimed gubin — nge pi tayugang’ nge pi ga’ ko salthaw, nge pi pumo’on,
6040	JOS 9:1	Gel ni tay yu Israel e go’ nang gubin e pilung ni yad bay ko ngal u Jordan — u lan e pi burey, nga enggin e burey, nge ga’ngin dapel’ay u Mediterranean i yan nga Lebanon; ni aram e pilung nu Hit, Amor, Kanaan, Periz, Hiv, nge Jebus.
6113	JOS 11:4	Marbad nike un urngin e salthaw rorad — barba’ i salthaw nib yo’or girdi’en, ya ta’reb urngirad ko yan’ nu dap’elay. Ma ku errogon e os nge chariot ni yo’or.
6125	JOS 11:16	Me kol Joshua urngin fapi binaw — ni go’ burey nge binaw u enggin e burey, ni tin bay ko lel’och nge yimuch, nge urngin e yang e binaw u Goshen nge fa gi dep’eted nib mlik ni bay ko yimuch riy, ni kub mu’un fare Loway ni Jordan ngay.
6130	JOS 11:21	Ngiyal’ney e yan Joshua nge thang mit fapi girdi’ ni yad n’unuw ma tagyet ni kanog e Anakim ngorad ni yad ma par u daken e ted — u Hebron, ngu Debir, ngu Anab, nge urngin e pi binaw u daken e ted nu Judah ngu Israel. Me thang Joshua owcharad ni yad gubin me gathay e pi binaw rorad.
6156	JOS 12:24	ngu Tirzah — guyey nge ta’reb e pilung u gubin.
6186	JOS 13:30	Re gin’em ni taferad e yan nge mada’ nga Mahanaim nib mu’un ga’ngin yang yu Bashan ngay — nge ga’ngin yang e gin ma gagiyegnag Og ni Pilung nu Bashan, ma ku errogon gubin fa nel’ i ragag e pi binaw nu Jair ni bay u lan yu Bashan.
6218	JOS 15:14	Me tuluf Kaleb e pi’in owchen Anak ngar chuwgad u lan fare binaw — ni aram fa yuke girdi’ rok Sheshai, nge Ahiman, nge Talmai.
6774	JDG 9:18	Machane ke taw ko bin daba’ e rran ma kam chelgad kam togopluwgad ngak girdi’en e tabinaw rok e chitamag. Kam li’ed fapi pumo’on ni pifak — ni yad medlip i ragag ni kam li’ed yad u daken ta’ab malang, ma kam feked Abimelek, ni fakrow be’ ni bpin ni tapigpig rok kam ted ni ir e pilung nu Shekem, ni bochan e be’ ni girdi’ romed.
7067	JDG 20:11	Are urngin fapi pumo’on nu Israel nra mu’ulunggad ni bochan ta’ab n’en — ngar chamgad ko fachi binaw.
7102	JDG 20:46	Rofen nem e 25,000 e pi Benjamin u gubin nthang e pogofan rorad — yad gubin ma bogi salthaw nib muthan’rad.
7104	JDG 20:48	Me cheal piyu Israel ngar sulod ngak e Benjamin ngar thanged e fan rorad ni yad gubin ni — pumo’on, ppin, nge bitir, ma errogon e gamanman. Ma ku ra urfiyed urngin e yuchi binaw ko gin’em.
7366	1SA 7:12	Me fek Samuel ba malang nge suweg u thilin yu Mizpah nge yu Shen, me ga’ar, “I SOMOL e ke ayuwegdad i yib ke mada’ ko chiney” — ma aram e tunguy fithingan ni “Malangen e Ayuw.”
7413	1SA 9:20	Ma fapi dongki nike gaman dalip e rran ni karanod ngabang e dab mu rus nigew, ya kan piri’egrad. Machane mini’ e en nrib magan’ piyu Israel ngak? I gur — gur nge girdi’en e tabinaw rok e chitamam.”
7784	1SA 21:10	Me fulweg Ahimelek ni ga’ar, “Bay e saydon rok Goliath ni fare Filistine, ni facha’ nim li’ nge yim’ u lan e loway u Elah; bay u roy ni kan bachiy nga bangi mad u fon fare mad ni Efod. Fa’anra ga ba’adag, mag fek — kari mus e re talin e cham ni bay u roy.” Me ga’ar David, “Mu pi’ ngog, ya dariy bang e saydon u bang ni bod feni fel’ e gin!”
7808	1SA 22:18	Ma aram me ga’ar Saul ngak Doeg, “Mu thang e fan rorad!” — me thang Doeg e fan rorad ni yad gubin. Rofen nem e thang e fan rok meruk i ragag nge lal e prist ni kar tayon’ed e mad ni efod.
7889	1SA 25:25	Wenig ngom, dab mu telim ngak Nabal, ya ir e dariy ban’en ni bfel’ ngay! I ir e ri de thilthil nge fan fithingan — ni balyang! Siro’, da ugmoy u rom ko ngiyal’ ni taw e pi tapigpig rom.
7916	1SA 26:8	Me ga’ar Abishai ngak David, “Ke tay Got e en to’ogor rom ngalan pa’am e nep’ ney. Ere mpaggeg nggu rugoy e sarey rok ngak, nggu michgiy u but’ nri ta’abyay — dabiman e l’agruw yay ni nggu rugoy!”
7920	1SA 26:12	Ma aram me fek David fare sarey nge fare tafen e ran u charen lolugen Saul, mranow Abishai. Dariy be’ ni guy fa nang e n’en ke buch ma ku dariy be’ ni od — yad gubin ni go’ yad bmol, ni bochan e SOMOL e ke k’aring bang i chuchuw ngorad nib gel.
8108	2SA 3:24	Ma aram me yan Joab ngak fare pilung me ga’ar ngak, “Fin mang e kam rin’? Ke yib Abner ngom — mangfan ni kam pag ke yan ni aram rogon?
8223	2SA 8:11	Me pi’ David ni Pilung fapi tow’ath ni ngan fanay ko liyor ngak SOMOL, nib mu’un e pi silber nge gol nni fek ko pi nam ni i gel ngay —
8224	2SA 8:12	pi nam nu Edom, Moab, Ammon, Filistia, ngu Amalek — nge ku boch fa pin’en ni fek rok Hadadezer.
8350	2SA 13:30	Kurom u kanawo’ ni yad beyib i yib nga tabnaw, min ga’ar ngak David: “Ke li’ Absalom urngin fapi pumo’on ni pifakam karm’ad — dakuriy bagyad niki magey!”
8575	2SA 20:18	Me ga’ar fare pin, “Kakrom e yima ga’ar, ‘Mman ngam nang e fulweg ko de’er rom u lan fare binaw nu Abel” — ma ri aramrogon niy marin’.
8790	1KI 2:17	Me fulweg fare mo’on, ni ga’ar, “Wenig ngom mu ning ngak Solomon ni Pilung — gu manang ndabi siyegem — ni nge pi’ Abishag, ni fare rugod nu Shunem nggu le’engiy.”
8988	1KI 7:51	Nap’an ni mu’nag Solomon ni Pilung urngin e maruwel ko fare Tempel, me tay ngalan fapi senggil ni tafen e chugum urngin e tin nike ognag e chitamngin i David ngak SOMOL— silber, gol nge ku boch ban’en.
9034	1KI 8:46	“Ma fa’anra denen e tirom e girdi’ nib togopluw ngom ma dariy be’ ni der denen — ma ga damumuw ngorad ngam pag e pi to’ogor rorad ngar gelgad ngorad ko mael mi ni fekrad nga reb e nam ni yad ba kalbus, ma yugu demturug feni orel,
9553	2KI 1:16	me ga’ar ngak, “Ba’aray e n’en ni be yog SOMOL: ‘Bochan e kam l’oeg e pi tamal’og ni ngranod ra fithed laniyan’ Baalzebub, ni fare got nu Ekron — ni gowa dariy e got u lan yu Israel ni ngam fith lanyan’ — dab kum fos; bay mum’!’”
9647	2KI 4:40	Ma aram minib ni ngal’weg fare stew ni nge kay fapi pumo’on, ma yugu nap’an e rri’ed lamen miyad non nib tomgin ngak Elisa nra ga’argad, “Ba yub!” — ma dakiyag i kay rorad.
9824	2KI 10:27	Ere ra gathayed fa ley i duga’ nib thothup nge fare tempel, mar ted fare tempel nike mang ba kolosis — ku aram rogon ke mada’ ko daba’.
9830	2KI 10:33	ko ngek ko fare lul’ ni Jordan, me yan ko yimuch nge taw ko fachi binaw nu Aroer u charen e Lul’ ni Arnon — re gin’ey e ba mu’un e binaw nu Gilead ngu Bashan ngay, ni aram e gin nma par fapi ganong rok Gad, Ruben, nge Ba’ Ni Ngek e Manasseh riy.
9842	2KI 11:9	Me fol fapi tolang ko tin keyog Jehoyada mar feked e pi salthaw rorad i yib ngak — tin yad be n’en ni ngar talgad ko maruwel ko Sabbath nge tin be n’en ni nge yan ko maruwel.
10115	2KI 20:13	Me pining Hezekiah e magaer ngak fapi tamol’og me dag feni fel’ rogon ngorad — pi silber rok nge gol, nge spice nge florida, nge urngin e pi talin e mael rok. Dariy ban’en u lane pi senggil nma cha’riy e chugum rok riy fa bang u lan e gin ni be gagiyegnag ni de dag ngorad.
10261	1CH 1:5	Pi pumo’on ni pifak Jafeth — e Gomer, Magog, Madai, Javan, Tubal, Meshek, nge Tiras — ni yad e chitamngin e pi ganong ntunguy fithingrad ngorad.
10264	1CH 1:8	Ma pi pumo’on ni pifak Ham — e Kush, Egypt, Libya, nge Kanaan — yad e chitamngin e pi ganong ntunguy fithingrad ngorad.
10269	1CH 1:13	Pi pumo’on ni pifak Kanaan — e Sidon e ba nganni’, nge Heth — ni yow e chitamngin e pi ganong ntunguy fithingrow ngorad.
10273	1CH 1:17	Pi pumo’on ni pifak Shem — e Elam, Asshur, Arpakshad, Lud, Aram, Uz, Hul, Gether, nge Meshek — yad e chitamngin e pi genong ntunguy fithingrad ngorad.
10748	1CH 12:24	Nap’an ni immoy David u Hebron, ma bo’or e salthaw ni kan fonow nagrad ko mael nra manged ko fa raba’ i salthaw rok ni ngar ayuweged nge mang pilung nge yan nga luwan Saul, ni bod nike micheg SOMOL. Ba’aray urngirad u reb e ganong ngu reb: Judah: 6,800 e pumo’on ni bay rorad talin e cham ni bfel’ rogon, kar feked e shield nge sarey; Simeon: 7,100 e pumo’on ni kan fonow nagrad ko mael ni bfel’ rogon; Levi: 4,600 e pumo’on; Pi gachalpen Jehoyada ni be’ ni owchen Aron: 3,700 e pumo’on; Pi girdi’en Zadok ni be’ ni kab pagel nib bung ko cham: rliw’ nge l’agruw e pi tagafaliy e salthaw; Benjamin (ganong rok Saul): 3,000 e pumo’on (bo’or e girdi’ rok Benjamin nra pired ni kayad ba yul’yul’ ngak Saul); Efraim: 20,800 e pumo’on nib gilbugwarad u fithik’ fa yuke girdi’ rorad; Ba’ ni Ngal e Manasseh: 18,000 e pumo’on nni mel’egrad ni ngranod ra guyed rogon nge mang David e pilung; Issakar: 200 e tolang ko salthaw, nib mu’un e pi salthaw ngay ni yad ma gafaliyrad (pi tolang ko salthaw ney e yad manang e n’en nthangri rin’ yu Israel nge ngiyal’ nib manigil ni ngan rin’ riy); Zebulun: 50,000 e salthaw ni yad ba yul’yul’ mab pagan’uy ngorad ni kar fal’eged rograd ko cham, ma kan fonow nagrad u rogon e cham ko gubin mit talin e cham; Naftali: 1,000 e pi tolang nge cheag 37,000 e salthaw ngay ni bay e yungi shield nge sarey rorad; Dan: 28,600 e salthaw ni kan mu’ i fonow nagrad; Asher: 40,000 e salthaw ni kar fal’eged rogorad ni fan ko mael; Pi ganong u ba’ ni Ngek e Jordan — Ruben, Gad, nge ba’ ni Ngek e Manasseh: 120,000 e salthaw ni kan fonow nagrad u rogon e cham ko gubin mit e talin e cham.
11149	1CH 28:1	David ni Pilung e pining gubin fapi tolang nu Israel ngar mu’ulunggad nga Jerusalem. Ere gubin e pi tayugang’ ko pi ganong, nge pi tolang ni yad ma tay murung’agen e maruwel u gil’ilungun e en pilung, nge pi mitethin ko yuke girdi’, nge pi’in yad ma gonpiy rogon e binaw nge yu ran’ i gamanman nib milfan ngak e en pilung nge fapi pagel ni fak — gubin e pi ga’ u lan fare naun rok e pilung, nge pi’in gireng ko salthaw, nge pi pumo’on nib ga’farad e go’ ra mu’ulunggad ngalan yu Jerusalem.
11171	1CH 29:2	Karimus rogog i t’ar madlin urngin ban’en ni fan ko fare Tempel — gol, silber, bronze, wasey, ren, nge malang nib tolang pulwon nge tin kan th’ab ni nge mang nunuw, nge tin ngan fal’eg ya’an ban’en riy, nge malang ni marble ni yo’or.
11323	2CH 6:36	“Nap’an nra denen e girdi’ rom nib togopluw ngom — ya dariy be’ ndar ma denen — ma ga pagrad nge gel e pi to’ogor rorad ngorad ni bochan e damumuw rom mi ni fekrad ni kalbus nga yug reb e nam, ni yug aram rogon nib mal’af e re nam nem,
11364	2CH 8:13	I pi’ e pi maligach ni mo’oruf nrogon ni bay ko Motochiyel rok Moses ni fan ko yu rran nib thothup: pi Sabbath, nge pi Madnom ko M’ug e Pul, nge fa dalip i madnom ni gubin e duw — fare Madnom ko Flowa Ndariy e Is Riy, nge Madnom ko T’ar Wom’ngin e Woldug, nge fare Madnom ko Nochi Naun.
11393	2CH 9:24	Ra bagyad me fek e pi tow’ath i yib ngak Solomon — tin nni ngongliy ko silber nge gol, nge mad nib n’uw, nge pi talin e cham, nge spice, nge os, nge mule. Ren’ey e un rin’ u reb e duw ngu reb.
11475	2CH 13:17	Abijah nge fare raba’ i salthaw rok e ra li’ed piyu Israel ngar waergad — baley u reb e million e salthaw ni th’abi cheag nu Israel nli’rad ngarm’ad.
11603	2CH 20:11	Irera’ rogon ni ngar fulweged taban ngomad — karbad ni ngar tulfed gamad nga wuru’ e re nam ney ni kam pi’ ngomad.
11651	2CH 22:2	Ahaziah e mang pilung ni rliw’ nge l’agruw e duw yangren, me gagiyeg u Jerusalem ni ta’reb e duw. I Ahaziah e ki falwok ko n’en ni i rin’ e tabnaw rok Ahab ni Pilung, ma fithingan e chitiningin e Athaliah, ni be’ ni bpin ni fak Ahab ni Pilung ma tutuw rok Omri ni be’ nu Israel — ma re chitiningin nem e waliy nga fithik’ e denen.
11857	2CH 30:25	Ere gubin e girdi’ nra felfelan’gad — girdi’ nu Judah, prist, yu Levi, girdi’ ni karbad u lan e lel’och, nge girdi’ nu boch e nam ni yad ma par u Israel ngu Judah.
11932	2CH 33:19	Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.
11979	2CH 35:8	Pi tolang rok e ku ra pi’ed pa’rad ni fan ngak e girdi’, nge prist, nge pi Levite. Nge pi tolang nib milfan fare Tempel ngorad — i Hilkiah, ni Tolang ko Prist, nge Zekariah, nge Jehiel — e ra pi’ed ngak e prist l’agruw e bbiyu’ nge n’el mir’ay e pifak e saf nge pifak e kaming nge dalip mir’ay e garbaw ni pumo’on ni fan ko maligach u nap’an fare madnom.
11980	2CH 35:9	Pi tayugang’ rok yu Levi e Konaniah, Shemayah nge Nethanel nib mo’on ni walagen, Hashabiah, Jeiel, nge Jozabad — e ra pi’ed pa’rad ni lal bbiyu’ pifak e saf nge pifak e kaming nge lal mir’ay e garbaw ni pumo’on ni fan ngak yu Levi ni ngar pi’ed ni maligach.
11997	2CH 35:26	Gubin e tin ni rin’ Josiah — feni yul’yul’ ngak SOMOL, nge rogon ni i fol ko fare Motochiyel,
11998	2CH 35:27	nge murung’agen ko tabolngin nge mada’ ko tungun — e go’ ka ni yoloy ngalan fare babyor ni Chepin e Pilung nu Israel ngu Judah.
12035	EZR 2:3	Parosh — 2,172 Shefatiah — 372 Arah — 775 Pahath Moab (pi’in owchen Jeshua nge Joab) — 2,812 Elam — 1,254 Zattu — 945 Zakkai — 760 Bani — 642 Bebai — 623 Azgad — 1,222 Adonikam — 666 Bigvai — 2,056 Adin — 454 Ater (ni ku yima yog Hezekiah ngak) — 98 Bezai — 323 Jorah — 112 Hashum — 223 Gibbar — 95
12053	EZR 2:21	Girdi’ ni i par e pi chitamangirad kakrom ko pi yochi binaw ni ba’aray ni ku ra sulod: Bethlehem — 123 Netophah — 56 Anathoth — 128 Azmaveth — 42 Kiriath Jearim, Chefirah, nge Beeroth — 743 Ramah ngu Geba — 621 Mikmash — 122 Bethel ngu Ai — 223 Nebo — 52 Magbish — 156 Fa binem e Elam — 1,254 Harim — 320 Lod, Hadid, ngu Ono — 725 Jeriko — 345 Senaah — 3,630
12068	EZR 2:36	Irera’ fithingan e yuke girdi’ ko prist nra sulod: Jedayah (pi’in owchen Jeshua) — 973 Immer — 1,052 Pashhur — 1,247 Harim — 1,017
12072	EZR 2:40	Yuke girdi’ ko Levite nra sulod: Jeshua nge Kadmiel (pi’in owchen Hodaviah) — 74 Girdi’en e tang u Tempel (pi’in owchen Asaf) — 128 Girdi’en e matnag u Tempel (pi’in owchen Shallum, Ater, Talmon, Akkub, Hatita nge Shobai) — 139
12096	EZR 2:64	Urngin u gubin e pi’in nra sulod — 42,360 Pi tapigpig rorad ni pumo’on nge ppin — 7,337 Pi girdi’en e musik ni pumo’on nge ppin — 200 Pi os — 736 Pi mule— 245 Pi kamel — 435 Pi dongki — 6,720
12183	EZR 7:5	nib mo’on ni fak Abishua, nib mo’on ni fak Finehas, nib mo’on ni fak Eleazar, nib mo’on ni fak Aron ni ir fare Prist ni Th’abi Ga’—
12232	EZR 8:26	Ba’aray e n’en ni gu pi’ ngorad: silber — rliw’ nge lal e ton 100 tatalin e maruwel nib silber — 150 e pawn gol — 7,500 e pawn rliw’ raba’ e dabiy nib gol — 270 e ounce l’agruw raba’ e dabiy ni bronze nrib fel’, ni ta’reb feni fel’ ko yu raba’ nib gol