10	GEN 1:10	Me tunguy e binaw ni “But’,” ma ran nike mukun nga ta’bang e tunguy ni “Day.” Me par nge guy e n’en ke ngongliy ma bfel’ u wan’.
49	GEN 2:18	Me ga’ar SOMOL ni Got, “De fel’ ni nge par fare mo’on ni go ir. Bay gu ngongliy be’ ni nge chagil ngak ngi i ayuweg.”
58	GEN 3:2	Me fulweg fare pin ni ga’ar, “Demturug e re ke gek’iy ni bay ko gi woldug ney ma gamow ra kay wom’ngin,
60	GEN 3:4	Me fulweg fare porchoyog ni ga’ar, “De riyul’ e re bugithin nir; ya gathi gimew ra yim’.
89	GEN 4:9	Me fith SOMOL Kain ni ga’ar, “Bu uw Abel ni walagem?” Me fulweg ni ga’ar, “Da gu nang. I gag e matanag rok walageg?”
95	GEN 4:15	Machane me fulweg SOMOL ngak ni ga’ar, “Danga’. Fa’anra li’em be’ ngamum’ ma medlip e pogofan ni yira thang ni nge yan nga puluwon.” Me tay SOMOL e pow nga daken Kain ni be ning chiylen ngak e en nra mada’nag ni dabi li’ ngem’.
141	GEN 6:3	Me ga’ar SOMOL, “Dab gu tay e girdi’ ngar pired ni yad bfos ndariy n’umngin nap’an, ya dowrad e ra yim’. Chiney i yan nga m’on e dab kur pired ni yad bfos nge pag 120 e duw yangarrad.”
205	GEN 8:21	Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.
225	GEN 9:19	Dalip i pumo’on ney ni fak Noah e yad e chitamngin urngin e girdi’ nu fayleng.
242	GEN 10:7	Pi’in owchen Kash e yad e girdi’ nu Seba, Havilah, Sabtah, Raamah ngu Sabteka. Pi’in owchen Raamah e yad e girdi’ nu Sheba ngu Dedan.
245	GEN 10:10	Mu’un yu Babylon ko gin ni i gagiyegnag ni som’on nge yu Erek ngu Akkad. Dalip yang i n’ey e bay u lan yu Babylonia.
262	GEN 10:27	Hadoram, Uzal, Diklah,
273	GEN 11:6	me ga’ar, “Picha’ ney e yad ta’ab girdi’ ma ta’reb e thin rorad, ma aray e kar tabolngin niged e tin ngar ngongliyed. Dabi n’uw nap’an me yag rorad ni yug tin yad ba’adag miyad ngongliy.
274	GEN 11:7	Darod nga but’ ngad athkuyed e thin rorad nge bagayad ma dabki nangfan e thin ni be yog bagayad.”
340	GEN 14:3	Lal i pilung ney e ra chaggad miyad ulunguy e salthaw rorad ngalan e Loway u Siddim, ni aram yu Dead Sea e chiney.
351	GEN 14:14	Fa’ani rung’ag Abram ni ka ni kol Lot ni fak be’ ni walagen, me kunuy e pumo’on ni be par rok ni pi’in nib yul’yul’, mranod ra gaman gad 318 u gubin, miyad lol’oeg fapi pilung ngar mada’gad nga Dan.
352	GEN 14:15	Me ruw raba’nag e girdi’ rok u rom ngar pired ni kar ruw ulunggad, miyad cham ngak fapi pilung nge salthaw rorad ni nep’ ngar gelgad ngorad. Miyad lol’oegrad ngar mada’gad nga Hobah, ni bay nga lel’och u Damaskus,
361	GEN 14:24	Dariy ban’en ni nggu fek rom nggu fanay. Kemus ni tin ke kay e tirog e girdi’ e kemang birog e f’oth, machane pi’in gamad nga baraba’, ni Aner nge Eshkol nge Mamre e ngar feked e f’oth rorad.”
363	GEN 15:2	Machane me ga’ar Abram, “SOMOL ni Got, uw rogon ni ngam fal’eg wa’athag, ni dariy e bitir ni fakag? Cha’ nra gum’ me mil suwon urngin ban’en rog ngak e Eliezer nu Damaskus.
364	GEN 15:3	Dawor mu pi’ e bitir ngog, e re bagayad e pi’in ni sib rog e bay gum’ me mil suwon urngin ban’en rog ngak.”
413	GEN 17:15	Me ga’ar Got ngak Abraham, “Dab kum pining Sarai ngak le’engim; ya ke par fithingan e chiney ni Sarah.
440	GEN 18:15	Me ga’ar Sarah, “Da gu minmin.” I mithag ni bochan e ke tamdag. Me fulweg SOMOL ni ga’ar, “Kam minmin.”
442	GEN 18:17	Me ga’ar SOMOL u wan’, “Dabiyag ni gu mithag rok Abraham e n’en ni bay gu rin’.
449	GEN 18:24	Fa’anra bay wugem e girdi’ u lan e re binaw nem ndarir ngongliyed e kireb, ma ka ga ra kirebnag e re binaw nem ni ga’ngin? Dab mu tay ndab mu kirebnag ni fan e ngam ayuweg e pogofan rok e re wugem i girdi’ nem?
450	GEN 18:25	Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”
453	GEN 18:28	Sana kemus ni aningeg i ragag nge lal e girdi’ ndarir ngongliyed e kireb ma gathi wugem. Ere ga ra kirebnag e re binaw nem ni bochan e lal e girdi’ nde gaman ko fare mathe’eg?” Me ga’ar SOMOL, “Dab gu kirebnag e re binaw nem ni fa’anra gu pir’eg aningeg i ragag nge lal e girdi’ ni bay u lan ndarir ngongliyed e kireb.”
455	GEN 18:30	Me ga’ar Abraham, “SOMOL, wenig ngom, dab mu puwan’, ya ngkug non bayay. Ma fa’anra kemus ni guyey?” Me ga’ar, “Dab gu kirebnag ni fa’anra gu pir’eg guyey.”
460	GEN 19:2	me ga’ar, “Gub aray ni nggu pigpig ngomew, wenig ngomew mu unew ngog ngdarod nga tabinaw rog. Rayag ni ngam maluk nigew e rifrif u aymew mi gimew par u tabinaw rog e nep’ ney, me kadbul ni kam odgow mi gimew yan.” Machane me lungurow, “Danga’, bay gu pirew u roy u tagil’ e mu’ulung ko binaw e nep’ ney.”
462	GEN 19:4	Dawori mol fa gali milekag, me yin’ e pumo’on nu Sodom fare naun nga longob, ni urngin e pumo’on ko re binaw nem nrabad ngaram, ni tin pagel nge tin nike pilibthir.
467	GEN 19:9	Me lungurad, “Mu chuw u kanawo’ romad, ya gab milekag ni mub ngaray! I gur mini’ ni ngamog ngomad e tin nggu rin’ed? Dakumur ning e kanawo’ ngomad, ya rigu rin’ed e ngongol ngom ni kab gel e kireb riy ko ngongol ni nggu ngongliyed ngorow.” Miyad tay e mathur ngak Lot, miyad yan ko mab ni ngar t’ared.
475	GEN 19:17	Nap’an nra pow’iyew yad nga wuru’ fare binaw, me ga’ar bagayow fa gal engel ngorad, “Mmilgad ngam ayuweged e pogofan romed! Dab mu sapgad nga tomur ma dab mu talgad u lan e loway. Mmilgad nga daken e burey, nge dab mm’ad.”
476	GEN 19:18	Machane me ga’ar Lot, “Danga’; wenig ngom.
480	GEN 19:22	Mu gur nigem! Mmil! Dariy ban’en nrayag ni gu rin’ nge mada’ ko ngiyal’ ni kam tawgad ngaram.” Bochan e yog Lot ni ba’achig, ma aram min tunguy fithingan e re binaw nem ni Zoar.
505	GEN 20:9	Me pining Abimelek Abraham nge fith ngak ni ga’ar, “Be mang e kafin mu rin’ ngodow? Mang kireb e kug rin’ ngom ni kam girengiy e biney e riya’ nga dakennag nge nga daken gil’ilungug? Dariy be’ nrayag ni rin’ e n’en ni kam rin’ ngog.
526	GEN 21:12	Machane me ga’ar Got ngak Abraham, “Dabi magafan’um ngak e re pagel nem nge Hagar ni sib rom. Mu rin’ e tin keyog Sarah ngom, ya fa pi’in owchem ni gu micheg ni bay gu pi’ ngom e Isak e bay rabad rok.
530	GEN 21:16	me yan rok nga orel ni gonap’an 100 e yard me yan i par nga but’. Me ga’ar u wan’, “Dabiyag ni gu yaliy e re tir ney nge yim’.” Nap’an ni kabay u rom nib par nga but’ me tabab fare tir ko meyor.
531	GEN 21:17	Me rung’ag Got laman fare pagel ni be yor, me non fare engel rok Got u tharmiy ngak Hagar ni ga’ar, “Hagar, mang e ke magafan’um ngay? Dab mu rus. Ya Got e ke rung’ag laman fare pagel ni be yor.
540	GEN 21:26	Me ga’ar Abimelek, “Dagnang ko mini’ e rin’ e bin, ya dawor nog ngog murung’agen, ma fin irera’ e som’on ni kug rung’ag.”
560	GEN 22:12	Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”
600	GEN 24:8	Machane fa’anra dabun e re pin nem ni nge un ngom, ma aram e re bugithin ney ni kam micheg ni ngam rin’ e dakriy u dakenam. Demturug rogon, ma thingar dab mu fulweg fakag ngaram.”
629	GEN 24:37	I yog ngog ni nggu micheg ngak u p’eowchen Got ni nggu fol ko tin nike yog ngog ni nggu rin’ ni ga’ar, ‘Dab mu fek reb e bpin u fithik’ e ppin ko re nam ney nu Kanaan, ni ir e gu be par riy, nge le’engiy fakag.
637	GEN 24:45	Dawor gu mu’ ko meybil u lanin’ug, me yib Rebekah nike yin’ e rume’ rok nga daken pon, me yan ko re luwed nem ni nge l’ing e ran. Me lungug ngak, ‘Wenig ngom, mu pi’ e ran nggu unum.’
648	GEN 24:56	Machane me ga’ar, “Dab mu telew gag. SOMOL e ke ayuwegneg ko milekag rog ke yan i aw nga rogon; ere mpagew gag nggu sul ko masta rog.”
662	GEN 25:3	Jokshan e chitmangin Sheba nge Dedan. Ma pi’in owchen Dedan e Asshurim, Letushim nge Leummim.
673	GEN 25:14	Mishma, Dumah, Massa,
695	GEN 26:2	Me yib i m’ug SOMOL ngak Isak me ga’ar, “Dabman’ nga Egypt; mu par ko gi but’ ney, ko gin bay gog ngom ni ngam par riy.
700	GEN 26:7	Ma nap’an ni fith e pi pumo’on nu rom murung’agen e bpin rok, me yog ni re bpin nem e walagen. De yog ni iraram le’engin ya be rus nri cheal e pi pumo’on nem ngar li’ed ngar feked Rebekah, ni le’engin nrib pidorang.
717	GEN 26:24	Ma fa’ani nep’ riy me yib i m’ug SOMOL ngak me ga’ar, “I Gag e Got rok e chitmam i Abraham. Dab mu tamdag; ya gu bay rom. Bay ug tow’ath nigem mug yo’ornag e pi’in bayib ni owchem, ni bochan e arrogon ni gumcheg ngak Abraham ni tapigpig rog.”
734	GEN 27:6	me ga’ar Rebekah ngak Jakob, “Dawori n’uw nap’an ni kug rung’ag e thin nike yog e chitamam ngak Esau nike ga’ar,
767	GEN 27:39	Me ga’ar Isak ngak: “Dabi yib e wa’angachal u tharmiy ni fan ngom, Ma dariy bang e flang rom nib yong’ol.
769	GEN 27:41	Me fanenikay Esau Jakob, ni bochan e ke fal’eg e chitamngin wa’athan, me yog u wan’ ni ga’ar, “Dabki n’uw nap’an mi ni mowawnag e chitamag nike yim’; ma aram e bay gu thang e fan rok Jakob.”
775	GEN 28:1	Me pining Isak Jakob nge welthin ngak ni bfel’, ni ga’ar ngak, “Dab mu le’engiy reb e bpin nu Kanaan.
789	GEN 28:15	Dab mu pag talin, ni bay ug un ngom ngu’ug yoror rom ko yungi n’en ni ga be yan riy, ma bay gu fulwegnem ko re nam ney. Dab gu pagem nge mada’ ko ngiyal’ ni kug ngongliy urngin e tin kugog ngom ni bay gu rin’.”
791	GEN 28:17	Me tamdag, me ga’ar, “Rib kandugwen e gin’ey! Dabisiy ni naun rok Got ma garog nga tharmiy.”
802	GEN 29:6	Me fith ni ga’ar, “De m’ar?” Me lungurad, “De m’ar. Mu sap, ke yib Rachel ni be’ ni bpin ni fak nike un nga ba ran’ i saf ni fak e chitamngin.”
804	GEN 29:8	Me lungurad, “Dabiyag ni gu dorgad, ya ra mu’ulung urngin e yu ran’ i saf ngara’ min chuweg e re gaf i malang ney; ma aram mfin gu pi’ed e ran ngorad.”
833	GEN 30:2	Me puwan’ Jakob ngak Rachel ni ga’ar, “Dabiyag ni nggu wan nga luwan Got. Ir e en ni be tem ndamur diyen.”
837	GEN 30:6	Me ga’ar Rachel, “I Got e ke rin’ ngog e tin nib mat’aw. Ke rung’ag e meybil rog, ke pi’ reb e pagel gu fakay”, me tunguy fithingan ni Dan.
846	GEN 30:15	Me ga’ar Leah, “Dawori fel’ u wun’um ni kam tel figirngig rog? Ma ga be guy rogon e chiney ni ngam fek e mandrakes rok fakag.” Me ga’ar Rachel, “Fa’an ga ra pi’ e mandrakes rok fakam ngog, ma rayag ni ngam mol rok Jakob e nep’ ney.”
852	GEN 30:21	Me tomur me gargeleg bochi pin, me tunguy fithingan ni Dinah.
862	GEN 30:31	Me ga’ar Laban, “Mang e nggu pi’ ni puluwom?” Me fulweg Jakob, “De m’ag u wan’ug ni ngam pi’ puluwog. Ya bay kug ul ul ngay nggu ayweg e gamanman rom ni fa’anra m’ag u wan’um e rebug i thin ni ba’aray:
888	GEN 31:14	Me fulweg Rachel nge Leah ngak Jakob ni yow be ga’ar, “Dariy ban’en nike magay rok e chitamangimow nra mang gayog romow.
913	GEN 31:39	Gubin ngiyal nra li’ e gamanman ni malboch reb e saf rom, ma gag e ma aw ni nggu pi’ puluwon. Dagur ma fek i yib ngom, nggu dag ni gathi gag e kireb rog. Ma gabe gelnag lungum ni nggu pi’ puluwon e tin ni yibe iring nnep’ nge rran.
926	GEN 31:52	Re ulung i malang ney, nge fare war e nge par ni ngi i puguran fare tha’ u thildow. Dab guthum’ nga barba’ ni nggu cham ngom, ma dab mu th’um nga barba’ riy ni ngam cham ngog.
957	GEN 32:29	Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.
982	GEN 34:1	Reb e rran, e Dinah ni bochi pin ni fak Jakob nge Leah, e yan ni nge mda’nag boch e ppin nu Kanaan.
983	GEN 34:2	Nap’an ni guy Shechem, nib pagel ni fak Hamor ni ir e ba ga’ lungun ko Hivite, Dinah me yan i kol nge moleg u gelngin.
984	GEN 34:3	Me pir’eg rok ni ba’adag Dinah ma ke t’uf rok me guy rogon ni ngki magan’ Dinah ngak.
985	GEN 34:4	Me yan i yog ko chitmangin ni Hamor ni be ga’ar, “Gub adag ni ngam fek Dinah nggu le’engiy.”
986	GEN 34:5	Me rung’ag Jakob ni kan m’aynag fan Dinah ni fak, ma ngiyal’in’em e fapi pagel ni fak e yad bay ko gin bay e gamanman rok riy, ere de rin’ ban’en ngay nge taw nga nap’an ni kar sulod nga tabinaw.
992	GEN 34:11	Me ga’ar Shekem ngak e chitmangin Dinah nge pi walagen ni pumo’on, “Wenig ngomed, mu faned lanin’ug, ma demturug e n’en ni gimed ba’adag mug ra pi’ ngomed.
994	GEN 34:13	Ma fapi pagel ni fak Jakob e ra lifithed l’ugunrad ngak Shekem nge Hamor ni chitamngin, ni bochan Dinah ni walagrad ni kan dariy fannag.
995	GEN 34:14	Roged nra ga’argad, “Dabiyag ni nggu paged walagmad nge figirngiy be’ ni pumo’on ndawor ni maad’adnag; binem e ra ma’nag famad.
1006	GEN 34:25	Dalip e rran nga tom’ren, ma kab m’ar fapi pumo’on ko fare maad’ad ni kan tay ngorad, ma l’agruw ni’ ni fak Jakob, ni Simeon nge Levi, ni walagen Dinah, e ra fekew e saydon rorow nib smamith, ngranow ngalan fare binaw ngar li’ew urngin e pumo’on riy,
1007	GEN 34:26	nib mu’un Hamor nge Shekem ni fak ngay. Ma aram miyow fek Dinah u naun rok Shekem ngranod.
1012	GEN 34:31	Miyow fulweg, “Dabiyag ni nggu pagew walagmow ni bpin ngan dariy fannag ni bod be’ ni bpin ni ba gathar.”
1020	GEN 35:8	Yarif rok Rebekah ni Deborah e yim’ min k’eyag ngatan bake gek’iy ni oak ko yumuch u Bethel. Ma aram min tunguy fithngan ni “Oak ko miyor.”
1037	GEN 35:25	Ma pagel ni fakrow Bilhah ni yarif rok Rachel e Dan nge Naftali.
1061	GEN 36:20	Pi’in nri girdi’en e binaw nu Edom e yad yuke girdi’ ni rsumgad rok pifak Seir, ni be’ ko fare ke girdi’ ni Horite: ni irara’ fapi ganong ni Lotan, Shobal, Zibeon, Anah, Dishon, Ezer, nge Dishan.
1066	GEN 36:25	I Anah e ir e chitamngin Dishon, me Dishon e chitamngin e yuke girdi’ ni Hemdan, Eshban, Ithran, nge Cheran. Anah e ki immoy be’ ni bpin ni fak ni Oholibamah.
1069	GEN 36:28	Ma Dishan e ir e chitamngin e gal ke girdi’ ni Uz nge Aran.
1070	GEN 36:29	Irera’ e pi ganong ko girdi’ ni Horite u lan e binaw nu Edom: Lotan, Shobal, Zibeon, Anah, Dishon, Ezer, nge Dishan.
1072	GEN 36:31	U m’on ni daworisum reb e pilung ni nge yog e thin u lan yu Israel, ma ba’aray e pi pilung ni ur gagiyeg niged e binaw nu Edom: Bala nib pagel ni fak Beor ko binaw nu Dinhabah Jobab nib pagel ni fak Zerah ko binaw nu Bozrah Husham ko nug nu Teman Hadad nib pagel ni fak Bedad ko binaw nu Avith (i gel rok pi Midanite ko mael u lan e nam nu Moab) Samlah ko binaw nu Masrekah Shaul ko binaw nu Rehoboth-u daken-fare Lul’ Baal Hanan nib pagel ni fak Achbor Hadad ko binaw nu Pau (le’engin e Mehetabel, ni be’ ni bpin ni fak Matred ma tutuw rok Mezahab)
1101	GEN 37:17	Me ga’ar fare mo’on ngak, “Kar chuwgad u roy; ma kug rung’ag rorad ni yad be yog ni ngranod nga Dothan.” Ma aram me lek Josef fa pi’in walagean me yan i piri’egrad nga Dothan.
1105	GEN 37:21	Me rung’ag Ruben e tin karogned me guy rogon ni nge ayuweg Josef u pa’rad. Me ga’ar Ruben ngorad, “Dab da thanged e pogofan rok.
1106	GEN 37:22	Dab mu li’ed ngem’. Mon’ed ngalan e re low ney u roy u daken e ted, machane dab mu maad’adgad ngak.” I yog ni aram rogon ya be leamnag ni nge ayuweg u pa’rad me guy rogon nge pi’ nge sul ngak e chitamngin.
1136	GEN 38:16	Me sor i yan ngak fare pin nga barba’ e kanawo’ me ga’ar ngak, “A mog, uw urngin puluwom ni ga ma fek?” (Denang ni aram fare bpin rok fak.) Me ga’ar fare bpin, “Mang e gara pi ngog?”
1141	GEN 38:21	Me fith boch e pumo’on nu Enaim ni ga’ar, “Bu uw fare bpin nma pi’ ir ni chuway’ ni immoy u roy u charen e kanawo’?” Miyad ga’ar, “Dariy reb e bpin u roy nma pi’ ir ni chuway.”
1142	GEN 38:22	Me sul ngak Judah me ga’ar ngak, “Dag pir’eg fare bpin. Ma pumo’on u rom e yad be yog ni dariy reb e bpin u rom nma pi’ ir ni chuway’.”
1158	GEN 39:8	Me siyeg Josef fare pin me ga’ar ngak, “Dakuriy ban’en u roy u naun ni be magafan’ e masta rog ngay, ni bochan e gu bay u roy. Ya urngin ban’en ni bay rok e gag e ke pag fan ngog.
1246	GEN 41:50	Dawori taw fare uyongol, ma ke gargeleg Asenath l’agruw i pagel ni fak Josef.
1263	GEN 42:10	Me lungurad, “Danga’, kugbad ni gamad e tapigpig rom, ni nggu chuw’iyed e ggan.
1265	GEN 42:12	Me ga’ar Josef ngorad, “Danga’! Kambad ni ngam guyed e gin’en nib me’waer e nam romad riy.”
1291	GEN 42:38	Machane me ga’ar Jakob, “Dabiyag ni nge un fakag ngomed; ya ke yim’ walagen, ke yan i par ni go ir e kabay rog. Ma richey me buch ban’en rok u kanawo’. Kari gu pilibthir ndabkiyag ni gu ra athamgiliy e kireban’ ni gimed ra fek i yib ngog; ya mmudugil nra li’eg nggum’.”
1313	GEN 43:22	Ma ku er rogon ni kug feked e salpiy ni nggu chuw’iyed boch e ggan ngay. Da gu nanged e en ni fulweg e salpiy romad ngalan e tutuw romad.”
1314	GEN 43:23	Me ga’ar fare tapigpig, “Dabi magafan’med, ma dab mu tamdaggad. Ya Got, ni fare Got rok e chitamangimed, e ir e ke tay e salpiy ngalan e tutuw romed ni fan ngomed. Ya salpiy ni mpi’ed nga puluwon e ggan ko som’on e kug fek.” Me fek fare tapigpig Simeon i yib ngorad.
1320	GEN 43:29	Ma fa’ani guy Josef Benjamin, ni aram e cha’ ni yow nga yal, me ga’ar, “Dabisiy ni cha’ney e ir e th’abi bitir romed, ni ir fa’anem ni mu weliyed murung’agen ngog.” Me ga’ar ngak, “Fakag, I Got e ngi i ayuwegnem.”