42	GEN 2:11	Fithingan e pa’ ni som’on ko yu pa’ i lul’ nem e Pishon; ireram e pa’ ni yan nge liyeg e nam nu Havilah.
138	GEN 5:32	Ma fa’an ni gaman 500 e duw rok Noah, me fakay dalip i pagel, ni aram Shem, Ham nge Jafeth.
147	GEN 6:9	Ba’aray e pi’in ni owchen Noah: dalip e pagel ni fak ni immoy, ni Shem nge Ham nge Jafeth. Noah e be’ nib mo’on ni bfel’ ni kemus ni ir e immoy ni kabfel’ u wan’ Got e ngiyal’nem; i par ni bay Got rok.
173	GEN 7:13	Ma ka chirofen nem, me yan Noah nge le’engin, nge fa dalip i pagel ni fakrow, ni aram Shem nge Ham nge Jafeth, nge pi le’engirad ngalan fare barkow.
224	GEN 9:18	Fapi pumo’on ni fak Noah ni rabad u lan fare barkow nga but’ e aram Shem nge Ham nge Jafeth (Ham e chitamngin Kanaan).
228	GEN 9:22	I Ham, ni chitamngin Kanaan, e fa’ani guy e chitamngin ni dariy e mad u daken, me yan nge weliy ngak fa gali pumo’on ni walagen.
236	GEN 10:1	Ba’aray e pi cha’ ni owchen Shem, Ham, nge Jafeth ni pifak Noah ni pumo’on. Ra fakyed boch e bitir ni pumo’on u tomuren fare sugbur ni tharey e fayleng.
241	GEN 10:6	Pifak Ham ni pumo’on e Kash, Egypt, Lybia nge Kanaan, irera’ e pi ngachal nni tunguy ko pi ganong ni yib ni owcharad.
242	GEN 10:7	Pi’in owchen Kash e yad e girdi’ nu Seba, Havilah, Sabtah, Raamah ngu Sabteka. Pi’in owchen Raamah e yad e girdi’ nu Sheba ngu Dedan.
250	GEN 10:15	I Kanaan e chitamngin Sidon ni ir e bin nganni’ i fak, nge Heth,
252	GEN 10:17	Hivites, Arkites, Sinites,
253	GEN 10:18	Arvadites, Zemarites nge Hamathites. Pi ganong rok Kanaan ney e garer i yan
255	GEN 10:20	Irera’ e pi’in owchen Ham nra bagyad ma nam rok nge ganong rok nge birok e thin.
256	GEN 10:21	Shem ni nganni’ rok Jafeth ni walagen, e ir e chitamngin urngin e Hebrew.
258	GEN 10:23	Ma pi’in owchen Aram e yad piyu Uz, Hul, Gether, ngu Meshek.
261	GEN 10:26	Ma pi’in owchen Joktan e yad e girdi’ nu Almodad, Shelef, Hazarmaveth, Jerah,
262	GEN 10:27	Hadoram, Uzal, Diklah,
264	GEN 10:29	Ofir, Havilah, ngu Jobab. Yad urngin nrabad rok Joktan.
293	GEN 11:26	Ma nap’an nike pag medlip i ragag e duw rok Terah, min gargeleg boch e bitir ngak ni aram Abram, Nahor nge Haran.
294	GEN 11:27	Ba’aray e pi cha’ ni owchen Terah: Terah e chitamngin Abram nge Nahor nge Haran. Mi Haran e chitamngin Lot,
295	GEN 11:28	mi Haran e yim’ ko re binaw ni ba’aram ni ilal riy, ni aram yu Ur ni bay u lan e nam nu Babylonia, ko ngiyal’ ndawori yim’ e chitamngin.
296	GEN 11:29	Me le’ay Abram Sarai, me le’ay Nahor Milkah, ni be’ ni bpin ni fak Haran, ni Haran e ir e chitamngin Iskah.
298	GEN 11:31	Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,
303	GEN 12:4	Nap’an ni gaman medlip i ragag nge lal e duw yangren Abram, me chuw ko fare binaw nu Haran, ni bod rogon ni yog SOMOL ngak ni nge rin’; me un Lot ngak.
304	GEN 12:5	Me fek Abram Sarai ni le’engin, nge Lot ni fak be’ nib mo’on ni walagen, nge urngin ban’en ni immoy rorad nge urngin e sib ni yag ngorad u Haran, ma aram miyad yan ni yad be nameg e nam nu Kanaan. Fa’anra tawgad nga Kanaan,
337	GEN 13:18	Ma aram me pug Abram e pi tent rok nge yan i par nga bang nib chugur ko fa yu ke gek’iy ni oak ni bay u Mamre ni bangi n’en ni bay u Hebron, mu rom e ubung ba altar riy ni fan ngak SOMOL.
342	GEN 14:5	Me yan ngalan e bin ragag nge aningeg e duw me yib Kedorlaomer nge pi pilung ni kar chaggad ngak nge salthaw rorad ngar gelgad ngak piyu Refaim ni bay u lan yu Ashterothkarnaim, nge piyu Zuzim ni bay u lan yu Ham, nge piyu Emim ni bay u daken bangi binaw nib tagapas ni kanog yu Kiriathaim ngay,
343	GEN 14:6	nge girdi’ ni kanog e Horite ngorad ni yad ma par u daken e burey i yan u Seir nge yan i mada’ nga El-paran, ni bay ko gin ni tabab fa gi ted ni desert riy.
344	GEN 14:7	Miyad cheal ngar sulod nga Kadesh (ara Alublub ko Pufthin), miyad kol e nam rok e girdi’ ni kanog e Amalekite ngorad ni ga’ngin, nge girdi’ ni kanog e Amorite ngorad ni yad ma par u lan yu Hazazon-tamar.
350	GEN 14:13	Machane bay be’ nib mo’on ni thay me yib i yog ngak Abram ni ba Hebrew nma par nib chugur nga yu ke gek’iy ni oak ni fi’in Mamre, ma cha’nem e ba Amorite, nib mo’on ni walagen Eshkol nge Aner, ni yad Abram nga baraba’.
352	GEN 14:15	Me ruw raba’nag e girdi’ rok u rom ngar pired ni kar ruw ulunggad, miyad cham ngak fapi pilung nge salthaw rorad ni nep’ ngar gelgad ngorad. Miyad lol’oegrad ngar mada’gad nga Hobah, ni bay nga lel’och u Damaskus,
381	GEN 15:20	nge Hittite, nge Perizzite, nge Refaim,
383	GEN 16:1	Ma le’engin Abram ni aram Sarai e dawori diyennag e bitir ni fak Abram. Machane bay be’ ni bpin ni sib rok Sarai ni Hagar fithingan, ni re pin nem e be’ nu Egypt.
385	GEN 16:3	Ma aram me pi’ Sarai Hagar ni sib rok ni be’ u Egypt ngak Abram ni nge mang bpin rok. (Nrin’ e re bugithin ney nga tomuren nike par Abram u Kanaan ni nga ragag e duw.)
386	GEN 16:4	Ma nap’an ni par Abram nge Hagar, me diyen Hagar. Ma fa’ani pir’eg Hagar rok nike diyen, me darifannag Sarai.
387	GEN 16:5	Ma aram me ga’ar Sarai ngak Abram, “Ren’ey ni be changar Hagar ngog nga but’ e gur e kireb rom. I gag e gu pi’ e sib rog ngom, ma ka nap’an ni pir’eg rok nike diyen ma aram e be changar ngog nga but’. I SOMOL e bayi turguy e arodow ni ir e bfel’.”
388	GEN 16:6	Me fulweg Abram ni ga’ar, “Kefel’, re bpin nem e gur e bay u tan pa’am ya ir e sib rom; mu rin’ ngak e tin ga ba’adag.” Ma aram me tabab Sarai i gafgownag Hagar, me mil Hagar.
389	GEN 16:7	Me m’ug fare engel rok SOMOL ngak Hagar ko fare alublub ni bay u lan e ted ni desert, ma re alublub nem e bay u to’oben e wo’ ni yan ko binaw nu Shur,
390	GEN 16:8	me ga’ar fare engel, “Hagar, ni sib rok Sarai, kamub u uw, ma uw e ga be sor ngay?” Me fulweg ni ga’ar, “Gu be mil rok Sarai ni ug pigpig ngak.”
392	GEN 16:10	Miki ga’ar ngak Hagar, “Bay gu pi’ ngom owchem ni pire’ ni pire’ ndabiyag ni ngan the’egrad.
395	GEN 16:13	Me fith Hagar u wan’ ni ga’ar, “Gur cha’ney ni kug guy e irera’ fa’anem nma guyeg?” Ma aram me tunguy fithingan SOMOL ni ga’ar, “Ba Got ni Ma Guy.”
397	GEN 16:15	Me gargeleg Hagar fachi pagel ni fak Abram, me tunguy Abram fithingan ni Ishmael.
523	GEN 21:9	Me reb e rran ni changar Sarah me guy Ishmael, ni fak Hagar ni fare Egyptian, ni yow be fefal Isak ni fak.
526	GEN 21:12	Machane me ga’ar Got ngak Abraham, “Dabi magafan’um ngak e re pagel nem nge Hagar ni sib rom. Mu rin’ e tin keyog Sarah ngom, ya fa pi’in owchem ni gu micheg ni bay gu pi’ ngom e Isak e bay rabad rok.
528	GEN 21:14	Ri kakadbul u reb e rran riy me pi’ Abraham boch e ggan ngak Hagar nge ba tafen e ran nike suguy ko ran. Me tay fare tir nga daken keru’ Hagar me yog ngorow ni ngranow. Me chuw Hagar u rom mi i yan u daken e ted u Beer-sheba.
531	GEN 21:17	Me rung’ag Got laman fare pagel ni be yor, me non fare engel rok Got u tharmiy ngak Hagar ni ga’ar, “Hagar, mang e ke magafan’um ngay? Dab mu rus. Ya Got e ke rung’ag laman fare pagel ni be yor.
533	GEN 21:19	Me gagiyegnag Got Hagar me guy ba luwed. Me yan i suguy fare tafen e ran ni bay rok nge sug me pi’ boch ngak fare pagel.
570	GEN 22:22	nge Chesed, Hazo, Pildash, Jidlaf, nge Bethuel,
574	GEN 23:2	Me yim’ u Hebron u lan yu Kanaan, me kireban’ Abraham me mowawnag.
575	GEN 23:3	Me pag fare pin rok u rom u but’ nike yim’, me yan ngak e pi Hittites me ga’ar ngorad,
582	GEN 23:10	Efron e bpar nga but’ u fithik’ boch e Hittites ko gin ni yima mu’ulung riy u langan e garog ko re binaw nem; me i fulweg lungun Abraham ni be rung’ag fapi girdi’ u rom,
584	GEN 23:12	Miki siro’ Abraham ngak fapi Hittites
590	GEN 23:18	Go’ kenang urngin e Hittites ni urmed ko mu’ulung ni gin’em e ke milsuwon ngak Abraham.
592	GEN 23:20	Ere fare flang ni immoy nib milsuwon ngak e pi Hittites, nge fare yiy ni bay u daken, e ke tafnay Abraham ni ngi i gum’eyag riy.
663	GEN 25:4	Ma pagel ni fak Midian e Efah, Efer, Honoch, Abida nge Eldaah. Yad urngin u gubin ni yad e pi’in owchen Keturah.
668	GEN 25:9	Me k’eyag Isak nge Ishmael Abraham ni chitmangrow u lan e yiy nu Makpelah, u daken e flang rok Ephron ni fak Zohar nib Hittite, ni bay ngalan e ngak u Memre.
669	GEN 25:10	Ireram fare flang ni chuw’iy Abraham rok e Hittite; Abraham nge le’engin i Sarah e ni k’eyag row u rom.
671	GEN 25:12	Ismael, ni fak Hagar nu Egypt ni sib rok Sarah, e ndiyennag rok Abraham,
674	GEN 25:15	Hadad, Tema, Jetur, Nafish nge Kedamah.
677	GEN 25:18	Me par e pi’in owchen Ishmael u bang i binaw ni bay u thilin yu Havilan nge Shur, ni bay ko ngek u Egypt ni kanawo’ nga Assyria. Kar pired ni yad bpalog rok e tin ba’aram e girdi’ ni ku yad owchen Abraham.
727	GEN 26:34	Nap’an aningeg i ragag e duw rok Esau, me leengiy l’agruw e ppin nu Hittite, ni aram e Judith ni fak Beeri nge Basemath ni fak Elon.
771	GEN 27:43	Fakag, mu rin’ e tin nggog. Mu fal’eg rogom ngam mil ngak walageg i Laban ni bay u Haran.
774	GEN 27:46	Me ga’ar Rebekah ngak Isak, “Ke ngochngochan’ug ma ke chalbag ko fapi ppin rok Esau ni bogi ppin u boch e nam. Fa’an ku ra le’engiy Jakob reb e bpin ni girdi’en e re nam ney ni kanog e Hittite ngorad, ma kabfel’ ni ngum’.”
784	GEN 28:10	Me chuw Jakob u Beersheba nge yan nga Haran.
800	GEN 29:4	Me fith Jakob ngorad ni ga’ar, “Pi tafager, u uw e kambad riy?” Me lungurad, “Kugbad u Haran.”
980	GEN 33:19	Me chuw’iy e re gi flang nem rok e pi’in owchen Hamor, ni chitamngin Shekem, ni 100 yang e silber e pi’ ni puluwon.
983	GEN 34:2	Nap’an ni guy Shechem, nib pagel ni fak Hamor ni ir e ba ga’ lungun ko Hivite, Dinah me yan i kol nge moleg u gelngin.
985	GEN 34:4	Me yan i yog ko chitmangin ni Hamor ni be ga’ar, “Gub adag ni ngam fek Dinah nggu le’engiy.”
987	GEN 34:6	Me yan Hamor ni chitamngin Shekem nge yan i non ngak Jakob,
989	GEN 34:8	Me ga’ar Hamor ngak Jakob, “I Shekem ni fakag e ke par fakam nga taban lanyan’; are wenig ngom mu pag nge le’engiy fakam.
994	GEN 34:13	Ma fapi pagel ni fak Jakob e ra lifithed l’ugunrad ngak Shekem nge Hamor ni chitamngin, ni bochan Dinah ni walagrad ni kan dariy fannag.
999	GEN 34:18	Me mat’aw u wan’ Hamor nge Shekem e tin karogned,
1001	GEN 34:20	Me yan Hamor nge Shekem ni fak ko gin’en ni yima mu’ulung riy u langan e garog ko fare binaw mi yow non ko pumo’on ko fare binaw nra ga’ar gow,
1005	GEN 34:24	Gubin girdi’en fare binaw ni ta’reban’rad ngak Hamor nge Shekem ko n’en ni yow be yog, ma aram e gubin e pumo’on u lan fare binaw nni maad’ad nagrad.
1007	GEN 34:26	nib mu’un Hamor nge Shekem ni fak ngay. Ma aram miyow fek Dinah u naun rok Shekem ngranod.
1039	GEN 35:27	Me yan Jakob ngak Isak ni chitmangin nga Memre, u charen yu Hebron, ni aram e gin i par Abraham nge Isak riy.
1043	GEN 36:2	I le’engiy Esau be’ ni bpin nu Kanaan: ni Adah ni fak Elon nib Hittite; nge Oholibamah, ni be’ ni bpin ni fak Anah nib mo’on ni chitmangin e Zibeon nib Hivite;
1061	GEN 36:20	Pi’in nri girdi’en e binaw nu Edom e yad yuke girdi’ ni rsumgad rok pifak Seir, ni be’ ko fare ke girdi’ ni Horite: ni irara’ fapi ganong ni Lotan, Shobal, Zibeon, Anah, Dishon, Ezer, nge Dishan.
1063	GEN 36:22	I Lotan e ir e chitamngin l’agrow ke girdi’ ni Hori nge Heman. (Lotan e bay walagen ni bpin ni Timna.)
1066	GEN 36:25	I Anah e ir e chitamngin Dishon, me Dishon e chitamngin e yuke girdi’ ni Hemdan, Eshban, Ithran, nge Cheran. Anah e ki immoy be’ ni bpin ni fak ni Oholibamah.
1070	GEN 36:29	Irera’ e pi ganong ko girdi’ ni Horite u lan e binaw nu Edom: Lotan, Shobal, Zibeon, Anah, Dishon, Ezer, nge Dishan.
1072	GEN 36:31	U m’on ni daworisum reb e pilung ni nge yog e thin u lan yu Israel, ma ba’aray e pi pilung ni ur gagiyeg niged e binaw nu Edom: Bala nib pagel ni fak Beor ko binaw nu Dinhabah Jobab nib pagel ni fak Zerah ko binaw nu Bozrah Husham ko nug nu Teman Hadad nib pagel ni fak Bedad ko binaw nu Avith (i gel rok pi Midanite ko mael u lan e nam nu Moab) Samlah ko binaw nu Masrekah Shaul ko binaw nu Rehoboth-u daken-fare Lul’ Baal Hanan nib pagel ni fak Achbor Hadad ko binaw nu Pau (le’engin e Mehetabel, ni be’ ni bpin ni fak Matred ma tutuw rok Mezahab)
1098	GEN 37:14	Me ga’ar e chitamngin ngak, “Mman, ngam guy pi walagem ngam nang salprad ma ga nang ko kabfel’ rogon e gamanman fa danga’; ma ga sul ngamog ngog.” Ma aram me l’oeg e chitamngin Josef u lan e loway u Hebron nge yan. Fa’an ni taw nga Shekem,
1121	GEN 38:1	Bangiyal’ ko ngiyal’nem me chuw Judah rok pi walagen ni pumo’on nge yan i par ngak be’ nib mo’on ni Hirah fithingan, ni be’ ko binaw nu Adullam.
1132	GEN 38:12	Me munmun me yim’ le’engin Judah. Nap’an ni mu’ ko mowaw, miyow yan Hirah ni fager rok ni be’ nu Adullem nga Timnah, ni gin ni yima th’ab bunu’en e saf rok riy.
1140	GEN 38:20	Me l’oeg Judah i Hirah ni fager rok ni nge fek e kaming nge yan i pi’ ko fare bpin me fulweg fa pin’em ni pi’ ni mich ko thin rorow, machane de pir’eg Hirah fare bpin.
1164	GEN 39:14	me pining fapi pumo’on ni yad ma maruwel u naun rok me ga’ar ngorad, “Mu sapgad ko re mad ni ba’aray! Figirngig e fek fare Hebrew i yib nga naun romow ma chiney e be darifan nagmow. Ke yib ngalan e singgil rog keb i wenig ngog ni nggu pirew, machane mu gu tolul ni kari musmus ga’ngin lungug.
1167	GEN 39:17	Miki weliy ngak fare bugithin ni ga’ar, “Fare sib ni ba Hebrew ni gur e mfek i yib ngaray e yib nga singgil rog nike finey ni nge darifan nigeg.
1188	GEN 40:15	Ya ni fekeg ko nam rok e Hebrew nda nnangeg, mu roy e da gu rin’ ban’en nib kireb riy ni gomanga ir tapgin ni ngan teg nga kalbus.”
1208	GEN 41:12	Ma bay ba pagel ni Hebrew romow, ni ir e sib rok e en ni kapten rok girdi’en e matanag, ma gamow weliy ngak e lik’ay romow. Me weliy fan ngomow, nra bagamow me weliy fan e birok e lik’ay ngak.
1323	GEN 43:32	Mi ni pi’ gan Josef nga reb e tebel ni go ir, mi ni pi’ gan pi walagen nga reb e tebel ni go’ yad; ma girdi’ nu Egypt nra uned ngak Josef ko abich e ni pi’ garad ngabang, ya yad be finey ni ban’en nib gel e tamra’ riy ni fa’an yad ra un ngak e girdi’ ni Hebrew ko abich.
1396	GEN 46:9	nge pi pumo’on ni pifak Ruben: Hanok, Pallu, Hezron, nge Karmi.
1399	GEN 46:12	Nge Judah nge pifak ni pumo’on: Shelah, Perez nge Zerah. (Fagal ni baaram e bitir rok Judah, ni Er nge Onan e karm’ow u Kanaan.) Ma pumo’on ni fak Perez e Hezron nge Hamul.