2	GEN 1:2	ma fayleng e dawori sum ma dariy ya’an. Ma day ni bay u gubin yang e ba upong ko rumug, ma Kan Nthothup rok Got e ke gapopow nga daken e day.
44	GEN 2:13	Ma fithingan e pa’ ni migid ko yu pa’ i lul’ nem e Gihon; i yan nge liyeg e nam nu Kush.
54	GEN 2:23	Me ga’ar fare pumo’on, “Ka fini yag be’ ni ta’reb rogomow — ni yil rok e ni fek ko yil rog, ma ufin u dow e ni fek ko ufin u dowag. ‘Bpin’ e fithingan ni bochan e ni fek u fithik’ fare pumo’on.”
73	GEN 3:17	Me ga’ar ngak fare mo’on, “Kamfol rok le’engim kam koy wom’ngin fare ke gek’iy ni gog ngom ni dab mu koy. Ere bochan e tin kamrin’ ma aram e nge kireb e but’. Ma n’umngin nap’an e yafos rom ni bay um muruwliy e but’ nib gel nge yag ni pi’ e ggan ngom nib gaman,
81	GEN 4:1	Me par Adam nge le’engin, me diyen le’engin. Me gargeleg bochi pagel me ga’ar, “I SOMOL e ayuw rok make yag bochi pagel gufakay.” Me tunguy Kain ngak.
82	GEN 4:2	Me migid me gargeleg Abel ni walagen Kain. Me par Abel ni ir reb e tachugol saf, ma Kain e par ni ir be’ nib tawoldug.
83	GEN 4:3	Me munmun me fek Kain boch e tin kefel’ ko woldug rok me pi’ ni maligach ngak SOMOL.
85	GEN 4:5	ma de fel’ Kain nge maligach rok u wan’. Me ri damumuw Kain nge thilpariy owchen.
86	GEN 4:6	Me ga’ar SOMOL ngak Kain, “Mang ni kam damumuw? Mang ni kam thilpariy owchem?
88	GEN 4:8	Me ga’ar Kain ngak Abel ni walagen, “Mu un ngog nga darow nga milay’.” Fa’anra tawgow nga milay’, me cheal Kain ngak walagen nge li’ ngem’.
89	GEN 4:9	Me fith SOMOL Kain ni ga’ar, “Bu uw Abel ni walagem?” Me fulweg ni ga’ar, “Da gu nang. I gag e matanag rok walageg?”
91	GEN 4:11	Kan tem nib buch wa’atham ni dabkiyag ni ngam wolduguy e but’. Ya ke wanum racha’en walagem nga fithik’ ni gowa i fal l’ugun ni nge unum ko fangiyal’ nim thang e fan rok walagem.
93	GEN 4:13	Me ga’ar Kain ngak SOMOL, “Biney e gechig ni kam pi’ e kayigi gel ngog.
95	GEN 4:15	Machane me fulweg SOMOL ngak ni ga’ar, “Danga’. Fa’anra li’em be’ ngamum’ ma medlip e pogofan ni yira thang ni nge yan nga puluwon.” Me tay SOMOL e pow nga daken Kain ni be ning chiylen ngak e en nra mada’nag ni dabi li’ ngem’.
96	GEN 4:16	Me chuw Kain rok SOMOL nge yan i par nga bangi nam ni Nod fithingan, ni bay ko ngek u Eden.
97	GEN 4:17	Me par Kain nge le’engin, me diyen le’engin, nge gargeleg bochi pagel min tunguy fithingan ni Enok. Me yan i ngongliy bangi ban’en nge ngal’ ni reb e binaw ni ba ga’, me tunguy yu Enok ngay, ni ngachalen fachi cha’ ni fak.
102	GEN 4:22	Me gargel Zillah ni Tubal Kain, ni ir e mang chitamngin urngin e pi’in yad ma maruwel ko wasey ma yad ma ngongliy ban’en ko wasey ni bronze nge iron. Mi Naamah e be’ ni bpin ni walagen Tubal Kain.
103	GEN 4:23	Me non Lamek ngak gal le’engin ni ga’ar, “Adah nge Zillah, mu telmew ngog: Kug li’ be’ ni kab pagel kem’ ni bochan e i pirdi’iyeg.
104	GEN 4:24	Fa’anra medlip e pogofan e yira thang ni ngan falbiyen Kain, ma gag e medlipi ragag nge medlip e yira thang ni fa’anra li’eg be’ nggum’.”
105	GEN 4:25	Miki par Adam nge le’engin bayay, min gargeleg bochi pagel. Me ga’ar le’engin, “Ke pi’ Got ngog e re tir ney nib pumo’on ni nge yan nga luwan Abel, ni fa’ani Kain e li’ ngem’”; me tunguy fithingan ni Seth.
115	GEN 5:9	Nap’an ni gaman mereb i ragag e duw rok Enosh, min gargeleg bochi pagel ni fak ni Kenan,
116	GEN 5:10	tomuren ni kan gargeleg Kenan. Miki par Enosh nib fos nge yan i gaman 815 e duw. Miki fakay boch e bitir
118	GEN 5:12	Nap’an ni gaman medlip i ragag e duw rok Kenan, min gargeleg bochi pagel ni fak ni Mahalalel,
119	GEN 5:13	tomuren ni kan gargeleg Mahalalel miki par Kenan nib fos nge yan i gaman 840 e duw. Miki fakay boch e bitir
151	GEN 6:13	Me ga’ar Got ngak Noah, “Kug turguy u wun’ug ni nggu thang owchen urngin e girdi’. Bay gu thang owcherad, ya re fayleng ney e ke sug ko ngongol rorad nib kireb.
183	GEN 7:23	Me thang SOMOL owchen urngin ban’en nib fos ni bay u daken e fayleng, ni girdi’, nge urngin mit e gamanman nge arche’. Kemus ni pi’in nda nthang owcherad e Noah nge pi’in yad bay u lan fare barkow.
224	GEN 9:18	Fapi pumo’on ni fak Noah ni rabad u lan fare barkow nga but’ e aram Shem nge Ham nge Jafeth (Ham e chitamngin Kanaan).
228	GEN 9:22	I Ham, ni chitamngin Kanaan, e fa’ani guy e chitamngin ni dariy e mad u daken, me yan nge weliy ngak fa gali pumo’on ni walagen.
231	GEN 9:25	me ga’ar: “Nge bucheg Got wa’athan Kanaan! Bayi par ni ir e sib rok e gali pumo’on ni walagen.”
232	GEN 9:26	Miki ga’ar: “Ke sorok SOMOL, ni Got rok Shem. Bayi par Kanaan ni ir e sib rok Shem.
233	GEN 9:27	Nge ayuweg Got Jafeth nge yo’or owchen! Ma pi’in ni owchen e ngu’ur pired e tirok Shem e girdi’ u ta’bang. Mi Kanaan e bayi mang sib rok Jafeth.”
241	GEN 10:6	Pifak Ham ni pumo’on e Kash, Egypt, Lybia nge Kanaan, irera’ e pi ngachal nni tunguy ko pi ganong ni yib ni owcharad.
242	GEN 10:7	Pi’in owchen Kash e yad e girdi’ nu Seba, Havilah, Sabtah, Raamah ngu Sabteka. Pi’in owchen Raamah e yad e girdi’ nu Sheba ngu Dedan.
243	GEN 10:8	Min gargeleg be’ nib pagel ni fak Kush ni Nimrod fithingan me yan i par ni ir e bin th’abi som’on e girdi’ u fayleng nib falu’ ni i mael ngi i kol boch e nam.
246	GEN 10:11	Me chuw u rom nge yan nga Assyria me yan i ngongliy e binaw nu Niniveh, Rehoboth Ir, Kalah,
247	GEN 10:12	ngu Resen ni bay u thilin yu Niniveh nge yu Kalah ni ireram fare binaw nib gilbugwan.
249	GEN 10:14	Pathrus, Kasluh, ngu Crete, ni yad e sum owchen e Filistine rorad.
250	GEN 10:15	I Kanaan e chitamngin Sidon ni ir e bin nganni’ i fak, nge Heth,
253	GEN 10:18	Arvadites, Zemarites nge Hamathites. Pi ganong rok Kanaan ney e garer i yan
298	GEN 11:31	Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,
304	GEN 12:5	Me fek Abram Sarai ni le’engin, nge Lot ni fak be’ nib mo’on ni walagen, nge urngin ban’en ni immoy rorad nge urngin e sib ni yag ngorad u Haran, ma aram miyad yan ni yad be nameg e nam nu Kanaan. Fa’anra tawgad nga Kanaan,
305	GEN 12:6	me milekag Abram nge yib i mada’ ko fa gin’en ni bay fare ke gek’iy ni oak riy u Moreh u lan e binaw nu Shekem. (Re ngiyal’ i n’em e ka be par e girdi’ ni kanog e Kanaanite ngorad u lan e re nam nem.)
308	GEN 12:9	Ma aram me yan u bang nga bang ni be sor i yan ko yimuch nu Kanaan.
309	GEN 12:10	Machane bay ba uyngol u Kanaan nrib gel, ma aram me yan Abram u rom ngalan e yimuch nge mada’ nga Egypt, me par u rom boch ngiyal’.
326	GEN 13:7	Ere i malu’ag thin e pi’in yad ma gafaliy e gamanman rok Abram nge pi’in yad ma gafaliy e gamanman rok Lot. (Re ngiyal’ i n’em e ka be par e girdi’ ko gi nam nem ni kanog e Kanaanite nge Perizzite ngorad.)
331	GEN 13:12	Me par Abram u lan e nam nu Kanaan, me yan i par Lot nga thilin fapi binaw ni bay u lan fare loway me n’uf e pi tent rok nib chugur ko binaw nu Sodom,
338	GEN 14:1	Amrafel ni Pilung nu Shinar, nge Ariok ni Pilung nu Ellasar, nge Kedorlaomer ni Pilung nu Elam, nge Tidal ni Pilung nu Goyim
341	GEN 14:4	Ya yad be par u tan pa’ Kedorlaomer nike gaman ragag nge l’agruw e duw nap’an, machane fa’an ni yan ngalan e bin ragag nge dalip e duw miyad togopluw ngak.
342	GEN 14:5	Me yan ngalan e bin ragag nge aningeg e duw me yib Kedorlaomer nge pi pilung ni kar chaggad ngak nge salthaw rorad ngar gelgad ngak piyu Refaim ni bay u lan yu Ashterothkarnaim, nge piyu Zuzim ni bay u lan yu Ham, nge piyu Emim ni bay u daken bangi binaw nib tagapas ni kanog yu Kiriathaim ngay,
344	GEN 14:7	Miyad cheal ngar sulod nga Kadesh (ara Alublub ko Pufthin), miyad kol e nam rok e girdi’ ni kanog e Amalekite ngorad ni ga’ngin, nge girdi’ ni kanog e Amorite ngorad ni yad ma par u lan yu Hazazon-tamar.
346	GEN 14:9	ngak Kedorlaomer nu Elam, nge Tidal nu Goyim, nge Amrafel nu Shinar, nge Ariok nu Ellasar, ni aram e lal e pilung nike togopluw ngak aningeg.
354	GEN 14:17	Fa’ani sul Abram nike gel ngak Kedorlaomer nge tin ba’aram e pilung ni yad, me yan e pilung nu Sodom i sonnag ngalan e Loway u Shaveh (ni ku yima yog fithingan ni Loway rok e Pilung).
361	GEN 14:24	Dariy ban’en ni nggu fek rom nggu fanay. Kemus ni tin ke kay e tirog e girdi’ e kemang birog e f’oth, machane pi’in gamad nga baraba’, ni Aner nge Eshkol nge Mamre e ngar feked e f’oth rorad.”
380	GEN 15:19	nib mu’un e yungi binaw ni tafen fapi girdi’ ni kanog e Kenite ngorad, nge Kenizzite, nge Kadmonite,
382	GEN 15:21	nge Amorite, nge Kanaanite, nge Girgashite, nge Jebusite.”
385	GEN 16:3	Ma aram me pi’ Sarai Hagar ni sib rok ni be’ u Egypt ngak Abram ni nge mang bpin rok. (Nrin’ e re bugithin ney nga tomuren nike par Abram u Kanaan ni nga ragag e duw.)
388	GEN 16:6	Me fulweg Abram ni ga’ar, “Kefel’, re bpin nem e gur e bay u tan pa’am ya ir e sib rom; mu rin’ ngak e tin ga ba’adag.” Ma aram me tabab Sarai i gafgownag Hagar, me mil Hagar.
393	GEN 16:11	Ke chugur ni ngam gargeleg bochi pagel, ma ngam tunguy fithingan ni Ishmael, I SOMOL e ke rung’ag lamam u fithik’ e gafgow nike yib ngom.
396	GEN 16:14	Aram fan nma yog e girdi’ fithingan fare luwed ni bay u thilin yu Kadesh nge yu Bered ni “Luwed rok Fa’anem ni be Par Nib Fos Ma Be Guyeg.”
406	GEN 17:8	Bay gu pi’ ngom nge ngak e pi’in owchem e re nam ney ni ga be par riy e chiney ni gab milekag. Ma nam nu Kanaan ni ga’ngin e bayi par ni tafnam ndariy n’umngin nap’an, ma bay gu par ni gag e Got rok e pi’in owchem.”
407	GEN 17:9	Me ga’ar Got ngak Abraham, “Ku er rogon gur nthingar mu turguy u wun’um ni ngam tay e re m’ag ney u thildow nga tagil’, ni gur nge pi’in bay rabad ni owchem ko tin bay yib e mfen.
418	GEN 17:20	Kam wenig ngog ni nggu yoror rok Ishmael, ba’aray e n’en ni bay gu rin’: bay gu ayuweg nggu pi’ e bitir ngak ni pire’ nge girdi’ ni owchen ni pire’. Bayi par ni ir e chitamngin ragag nge l’agruw i pilung, ma pi’in owchen e bay gu gagiyeg nagrad ngar manged girdi’en reb e nam ni ba ga’.
421	GEN 17:23	Ka chirofen nem me maad’adnag Abraham i Ishmael ni bochi pagel ni fak nge urngin e pumo’on ni sib rok, ni pi’in nni gargelegrad u tabinaw rok nge pi’in ni chuw’iyrad, ni urngin e pumo’on ni bay u lan e tabinaw rok, ni bod rogon nike weliy Got ngak.
428	GEN 18:3	me ga’ar, “Ku gub ni nggu pigpig ngomed, wenig ngomed dab mmarod u to’oben e tabinaw rog ndab mu talgad nga tabinaw rog. I gag e tapigpig romed.
430	GEN 18:5	Bay gu fek e ggan i yib ngomed; ya ra pi’ gelngimed ngam ul’ulgad ko milekag romed. Kambad nga tafnag, ere gub aray ni nggu pigpig ngomed.” Miyad fulweg ni lungurad, “Kefel’, mu rin’ ni bod ni kamog.”
440	GEN 18:15	Me ga’ar Sarah, “Da gu minmin.” I mithag ni bochan e ke tamdag. Me fulweg SOMOL ni ga’ar, “Kam minmin.”
444	GEN 18:19	Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”
470	GEN 19:12	Me fith fa gali pumo’on ngak Lot ni lungurow, “Kabay be’ rom ngabang u roy? Mu fek pifakam ni pumo’on nge ppin mra bay be’ ni girdi’ rom u lan binaw ma ga fek ngam chuweg u roy,
478	GEN 19:20	Ga be guy e re binaw ni ba’aram ni ba’achig? Ba chugur nrayag ni gu thap ngay. Kam guy ni bochi binaw nib achig. Mpageg nggu wan ngay mu gu fos.”
497	GEN 20:1	I chuw Abraham u Mamre nge yan ko lay ni yimuch u Kanaan nge yan ni par nga thilin yu Kadesh ngu Shur. Nap’an ni be par u Gerar, me bingiyal’
507	GEN 20:11	Me fulweg Abraham ngak ni ga’ar, “Kug rin’ ni bochane ug leamnag ndariy be’ nma liyor ngak Got u roy ma yira li’eg ngan fek le’engig.
520	GEN 21:6	Me ga’ar Sarah, “Ke pi’ Got e felfelan’ ngog nge minmin. Urngin e girdi’ ni yad ra rung’ag murung’agen e yad ra un ngog ko minmin.”
538	GEN 21:24	Me ga’ar Abraham, “Kug micheg.”
555	GEN 22:7	Me ga’ar Isak, “Chitamag!” Me fulweg ni ga’ar, “Fakag, be mang?” Me fith Isak ni ga’ar, “Kug guy ni bay e kol nge l’ud, machane bu uw e saf ni nge mang maligach?”
560	GEN 22:12	Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”
569	GEN 22:21	I Uz e ir e bin nganni’ me Buz e ba pagel ni walagen, Kemuel e chitamngin Aram,
574	GEN 23:2	Me yim’ u Hebron u lan yu Kanaan, me kireban’ Abraham me mowawnag.
591	GEN 23:19	Ma aram me chubgiliy Abraham Sarah ni le’engin ngalan fare yiy u lan fagi flang nu Kanaan.
595	GEN 24:3	Gu ba’adag ni ngamog ngog u p’eowchen SOMOL, ni ir e Got nu tharmiy ngu but’, ndab mu fek be’ u roy u Kanaan, ko gin ni gu be par riy, ni nge le’ay fakag.
607	GEN 24:15	Ka dawori mu’ ko meybil, me taw Rebekah ni bay e rume’ rok u pon. Ir be’ ni bpin ni fak Bethuel, mi Bethuel e be’ nib mo’on ni fak Milkah, mi Milkah e le’engin Nahor ni ba pumo’on ni walagen Abraham.
627	GEN 24:35	I SOMOL e kari fal’eg wa’athan e masta rog ke tay ni be’ ni bfel’ rogon. Ke pi’ ngak yu ran’ i saf nge kaming, nge garbaw, nge silber, nge gol, nge sib ni pumo’on nge ppin, nge kamel, nge dongki.
629	GEN 24:37	I yog ngog ni nggu micheg ngak u p’eowchen Got ni nggu fol ko tin nike yog ngog ni nggu rin’ ni ga’ar, ‘Dab mu fek reb e bpin u fithik’ e ppin ko re nam ney nu Kanaan, ni ir e gu be par riy, nge le’engiy fakag.
654	GEN 24:62	Ma ke yib Isak nga daken e ted ko fare luwed ni kanog fithingan ni “Luwed Rok Fa’anem ni be Par Nib Fos Ma Be Guyeg,” mma par u ba’ ni yimuch u Kanaan.
660	GEN 25:1	Miki le’engiy Abraham reb e bpin, ni Keturah fithingan.
663	GEN 25:4	Ma pagel ni fak Midian e Efah, Efer, Honoch, Abida nge Eldaah. Yad urngin u gubin ni yad e pi’in owchen Keturah.
672	GEN 25:13	irera’ e pi pagal, ni fak Ishmael ni tabab ko bin nganni’ nge mada’ ko bin wen: Nebaioth, Kedar, Adbeel, Mibsam,
674	GEN 25:15	Hadad, Tema, Jetur, Nafish nge Kedamah.
677	GEN 25:18	Me par e pi’in owchen Ishmael u bang i binaw ni bay u thilin yu Havilan nge Shur, ni bay ko ngek u Egypt ni kanawo’ nga Assyria. Kar pired ni yad bpalog rok e tin ba’aram e girdi’ ni ku yad owchen Abraham.
689	GEN 25:30	me ga’ar ngak Jakob, “Ku gum’ ko bilig; mpi’ buchuuw e pi n’ir nib row nggu way.” (Aram fan ntunguy Edom ngak.)
691	GEN 25:32	Me ga’ar Esau, “Kefel’ ya ke chugur ni nggum’; susun e be mang e ren’en ni bfel’ nra rin’ mat’awug ngog?”
693	GEN 25:34	Me pi’ Jakob ngak e flowa nge mame nike lith. Me abich nge garbod, nge mu’ me yan. Kari mus e n’en nrib ga’fan u lanyan’ Esau, re mat’wun nem ni ir e ba nganni’.
725	GEN 26:32	Kre rran nem me yib e pi tapigpig rok Isak nga rogned ngak murung’agen fare luwed ni kar kired. Ra ga’argad ngak, “Kug patgad ko ran.”