5	GEN 1:5	me tunguy fithingan e tamilang ni “Rran”, me tunguy fithingan e lumor ni “Nep’.” Me chuw e nep’, me yani kadbul — ni aram e bin som’on e rran.
9	GEN 1:9	Me non Got ni ga’ar, “Ran ni bay u tan e palpal th’ib e nge mukun nga ta’bang nge yib i m’ug e binaw” — me yodorom.
47	GEN 2:16	Me ga’ar ngak fare mo’on, “Ra um koy wom’ngin urngin e gek’iy ni bay ko re gi woldug ney,
57	GEN 3:1	Ma porchoyog e ir e th’abi llowan’ ko sabanban u fithik’ e gamanman ni SOMOL ni Got e ke sunumeg. Me fith fare porchoyog ngak fare pin ni ga’ar, “Rriyul’ ni yog Got ngomew ni dab mu koyew wom’ngin urngin e gek’iy ni bay ko gi woldug ney?”
80	GEN 3:24	Nga ba’ ni ngek ko fa gi woldug me tay e kerubim nge bangi saydon ni be daramram ni urngin yang ni be cheal ngay. Ran’ey e nge tay e girdi’ u urel nge dabi chugur be’ ko fare ke gek’iy nma pi’ e yafos.
90	GEN 4:10	Me ga’ar SOMOL, “Mang ni kam ngongliy e binir e pa’ ni rib gel e kireb riy? Racha’en walagem e be tolul ngog u fithik’ e but’, ni bod ba lam ni be pong ni ngan fulweg taban e kireb ni kan rin’ ngak.
135	GEN 5:29	me ga’ar, “Re tir ney e ra pi’ e toffan nga urngin e maruwel nib gel ni gadad be tay; ya bucheg SOMOL wa’athan e re but’ ney”; ma aram me tunguy fithingan ni Noah.
139	GEN 6:1	Re ngiyal’ i n’em e ke yo’or e girdi’ nga gubin yang u fayleng, ma yibe gargeleg e ppin.
142	GEN 6:4	Re ngiyal’ i n’em nge nga tomur riy e immoy e girdi’ ni n’un’uw ma tagyet u fayleng ni yad fa pi’in pifak fapi ppin nge pi chon e tharmiy. Yad e pi’in ur gelgad ko mael ma ba gilbuguwanrad kakrom.
162	GEN 7:2	Ra bmit e gamanman ni kug duwgiliy ni ngu’un pi’ ni maligach ni aram e gamanman nrayag ni ngan longuy, ma medlip e pumo’on nge medlip e ppin e ngam fek ni nge un ngom, ma gamanman ni kug duwgiliy ndab un pi’ ni maligach e kemus ni ta’reb e pumo’on nge ta’reb e bpin e ngam fek nge un ngom.
175	GEN 7:15	Reb e pumo’on nge reb e bpin u bmit nge bmit urngin ban’en nib fos nra uned ngak Noah ngalan fare barkow,
210	GEN 9:4	Ri ta’a ban’en e bay ndab mu koyed: ufin ni ba’ e racha’ u fithik’, ya racha’ e bay e yafos u fithik’.
236	GEN 10:1	Ba’aray e pi cha’ ni owchen Shem, Ham, nge Jafeth ni pifak Noah ni pumo’on. Ra fakyed boch e bitir ni pumo’on u tomuren fare sugbur ni tharey e fayleng.
238	GEN 10:3	Pi pumo’on ni pifak Gomer e yad e girdi’ ni owchen fa yuke girdi’ nu Ashkenaz, Rifath ngu Togarmah.
239	GEN 10:4	Ma pi pumo’on ni pifak Javan e yad e girdi’ ni owchen fa yuke girdi’ nu Elishah, Spain, Syprus ngu Rhodes;
242	GEN 10:7	Pi’in owchen Kash e yad e girdi’ nu Seba, Havilah, Sabtah, Raamah ngu Sabteka. Pi’in owchen Raamah e yad e girdi’ nu Sheba ngu Dedan.
246	GEN 10:11	Me chuw u rom nge yan nga Assyria me yan i ngongliy e binaw nu Niniveh, Rehoboth Ir, Kalah,
247	GEN 10:12	ngu Resen ni bay u thilin yu Niniveh nge yu Kalah ni ireram fare binaw nib gilbugwan.
260	GEN 10:25	L’agruw e pagel ni fak Eber: Reb e ni tunguy Peleg ngak ni bochan e ngiyal’nem e yibe ki’eg e girdi’ u fayleng; ma bagyow e ni tunguy fithingan ni Joktan.
285	GEN 11:18	Ma nap’an ni gaman guyey e duw rok Peleg, min gargeleg bochi pagel ni fak ni Reu;
286	GEN 11:19	tomuren ni kan gargeleg Reu miki par Peleg nib fos ni 209 e duw, miki fakay boch e bitir.
287	GEN 11:20	Ma nap’an ni gaman guyey nge l’anguw e duw rok Reu, min gargeleg bochi pagel ni fak ni Serug;
288	GEN 11:21	tomuren ni kan gargeleg Serug miki par Reu nib fos ni 207 e duw, miki fakay boch e bitir.
305	GEN 12:6	me milekag Abram nge yib i mada’ ko fa gin’en ni bay fare ke gek’iy ni oak riy u Moreh u lan e binaw nu Shekem. (Re ngiyal’ i n’em e ka be par e girdi’ ni kanog e Kanaanite ngorad u lan e re nam nem.)
311	GEN 12:12	Ra guyem e girdi’ nu Egypt, mra lungurad, Re pin nem e le’engin Abram. Ma aram e yad ra thang e fan rog ni fan e ngar feked gur.
326	GEN 13:7	Ere i malu’ag thin e pi’in yad ma gafaliy e gamanman rok Abram nge pi’in yad ma gafaliy e gamanman rok Lot. (Re ngiyal’ i n’em e ka be par e girdi’ ko gi nam nem ni kanog e Kanaanite nge Perizzite ngorad.)
342	GEN 14:5	Me yan ngalan e bin ragag nge aningeg e duw me yib Kedorlaomer nge pi pilung ni kar chaggad ngak nge salthaw rorad ngar gelgad ngak piyu Refaim ni bay u lan yu Ashterothkarnaim, nge piyu Zuzim ni bay u lan yu Ham, nge piyu Emim ni bay u daken bangi binaw nib tagapas ni kanog yu Kiriathaim ngay,
359	GEN 14:22	Machane me ga’ar Abram, “Ri gu be yog ngom u p’eowchen SOMOL, ni ir fare Got ni Th’abi Tolang, ni ir e sunumeg e tharmiy nge but’,
365	GEN 15:4	Me rung’ag bayay laman SOMOL ni be ga’ar ngak, “Re sib rom nir e ga ra yim’ ma gathi ir e ra mil suwon urngin ban’en rom ngak; ya be’ nib mo’on nri fakam e ir e bayi mil suwon ngak.”
381	GEN 15:20	nge Hittite, nge Perizzite, nge Refaim,
387	GEN 16:5	Ma aram me ga’ar Sarai ngak Abram, “Ren’ey ni be changar Hagar ngog nga but’ e gur e kireb rom. I gag e gu pi’ e sib rog ngom, ma ka nap’an ni pir’eg rok nike diyen ma aram e be changar ngog nga but’. I SOMOL e bayi turguy e arodow ni ir e bfel’.”
399	GEN 17:1	Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.
411	GEN 17:13	Ra be’ ma thingar ni maad’ad ngak, ren’ey e bayi mang ba pow u dowmed ni be dag ni m’ag u thilig nge gimed e dabi m’ay bi’id.
445	GEN 18:20	Me ga’ar SOMOL ngak Abraham, “Rib kireb e tin kanog ngog nib togopluw ngak yu Sodom nge yu Gomorrah, denen ni yad be rin’ e ke pag rogon.
450	GEN 18:25	Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”
460	GEN 19:2	me ga’ar, “Gub aray ni nggu pigpig ngomew, wenig ngomew mu unew ngog ngdarod nga tabinaw rog. Rayag ni ngam maluk nigew e rifrif u aymew mi gimew par u tabinaw rog e nep’ ney, me kadbul ni kam odgow mi gimew yan.” Machane me lungurow, “Danga’, bay gu pirew u roy u tagil’ e mu’ulung ko binaw e nep’ ney.”
485	GEN 19:27	Ri kab kadbul u reb e rran riy me gurnag Abraham ir ko fa gin’em ni sak’iy riy u p’eowchen SOMOL.
508	GEN 20:12	Riyul’ nre pin nir e walageg. Ya ta’reb e chitamangimow mab thil e chitiningimow, mug le’engiy.
509	GEN 20:13	Na’pan ni l’oegeg Got u tafen e chitamag ni nggu wan nga boch e binaw u bang, mu gog ko bpin rog, ni lungug, ‘Rogon ni ngam dag fanam yul’yul’ ngog e ngu u mog ngak gubin e girdi’ ni walageg gur.’”
525	GEN 21:11	Ri gafgow laniyan’ Abraham riy, ya Ishmael e kub pagel ni fak.
528	GEN 21:14	Ri kakadbul u reb e rran riy me pi’ Abraham boch e ggan ngak Hagar nge ba tafen e ran nike suguy ko ran. Me tay fare tir nga daken keru’ Hagar me yog ngorow ni ngranow. Me chuw Hagar u rom mi i yan u daken e ted u Beer-sheba.
571	GEN 22:23	ni chitamngin Rebeka. Milkah e diyennag e re meruk i pumo’on ney rok Nahor, ni walagen Abraham.
572	GEN 22:24	Reumah ni reb e bpin rok Nahor ni ir e diyennag Tebah, Gaham, Tahash nge Maakah.
593	GEN 24:1	Re ngiyal’ i n’ey e ke pilibthir Abraham, mi SOMOL e ke fal’eg wa’athan ko urngin ban’en ni i rin’.
607	GEN 24:15	Ka dawori mu’ ko meybil, me taw Rebekah ni bay e rume’ rok u pon. Ir be’ ni bpin ni fak Bethuel, mi Bethuel e be’ nib mo’on ni fak Milkah, mi Milkah e le’engin Nahor ni ba pumo’on ni walagen Abraham.
611	GEN 24:19	Ma fa’ani mu’ ko mu’un ran, me ga’ar Rebekah, “Bay ku gu fek e ran i yib nge unum e kamel rom ni urngin ni yad ba’adag.”
621	GEN 24:29	Me Laban, ni be’ nib mo’on ni walagen Rebekah e mil nga wean nge yan ko fare luwed ko gin ni bay fare mo’on riy.
625	GEN 24:33	Fa’an nni fek e ggan i yib ngorad, me ga’ar fare mo’on, “Ra gu weliy e tin kugub ni nggu weliy nge mu’ ma aram e fin gu ra abich.” Me ga’ar Laban, “Mu welthin.”
635	GEN 24:43	Gub aray ko re luwed ney. Ra yib reb e rugod ngaray ni nge fek e ran, ma bay gu de’eriy ni nge pi’ boche ran u rume’ rok nggu unum.
637	GEN 24:45	Dawor gu mu’ ko meybil u lanin’ug, me yib Rebekah nike yin’ e rume’ rok nga daken pon, me yan ko re luwed nem ni nge l’ing e ran. Me lungug ngak, ‘Wenig ngom, mu pi’ e ran nggu unum.’
642	GEN 24:50	Me fulweg Laban nge Bethuel ni lungurow, “Re bugithin ney e ke yib rok SOMOL, ere gathi gamow e nggu duwgiliyew e tin ngan rin’.
643	GEN 24:51	Ba’aray Rebekah; mfek ngam marow nge le’ay e cha’ ni be’er ni fak e masta rom, ni bod rogon nike yog SOMOL.”
645	GEN 24:53	Me fek e silber nge gol nge nunuw nib tolang puluwon, nge mad nge pi’ ngak Rebekah. Miki pi’ boch e tow’ath nib tolang puluwon ngak fare pumo’on ni walagen Rebekah nge ngak e chitiningin Rebekah.
647	GEN 24:55	Me ga’ar e chitiningin Rebekah nge fare pumo’on ni walagen, “Mpag e re rugod ney nge par romad ta’reb e wik ara ragag e rran mfini un ngom.”
649	GEN 24:57	Mi yow fulweg ni lungurow, “Nggu piningew Rebekah ngad nanged e tin nge yog.”
650	GEN 24:58	Ma aram mi yow pining Rebekah nge lungurow ngak, “Mog, gab adag ni ngam un ngak e re mo’on ney?” Me ga’ar, “Nggu’un ngak.”
651	GEN 24:59	Ma aram miyad pag Rebekah ni walagrad nge be’ ni bpin ni tapigpig rok ngar unew ko fare tapigpig rok Abraham nge fapi pumo’on.
652	GEN 24:60	Miyad yibilay Rebekah ni lungurad, “I gur walagmad e ngam mang chitiningin bo’or e biyu’ e girdi’. Ma pi’in ni owchem e ngar gelgad ngak e pi to’ogor rorad ngar feked e pi binaw rorad.”
653	GEN 24:61	Me fal’eg Rebekah rogon nge pi’in rugod ni yad ma ayuweg miyad af nga daken fapi kamel ngar uned ngak fapi pumo’on; ni aram e ke un ngak fare tapigpig rok Abraham.
654	GEN 24:62	Ma ke yib Isak nga daken e ted ko fare luwed ni kanog fithingan ni “Luwed Rok Fa’anem ni be Par Nib Fos Ma Be Guyeg,” mma par u ba’ ni yimuch u Kanaan.
656	GEN 24:64	Me gu’ Rebekah Isak. Me yib u daken e kamel rok nga but’,
657	GEN 24:65	me fith ngak fare tapigpig rok Abraham ni ga’ar, “I mini’ e re mo’on ni ba’aram u daken e flang ni be yib i yib ngodad?” Me fulweg fare tapigpig ni ga’ar, “Ir e masta rog.” Me fek Rebekah bangi mad nma upunguy owchen ngay nge upunguy owchen.
659	GEN 24:67	Me fek Isak Rebekah i yan ngalan e tent ni i par Sarah ni chitiningin riy, ma aram me par Rebekah ni kemang le’engin Isak. Isak e rib t’uf Rebekah rok, aram me achig boch e kirban’ rok ngak e chitiningin nike yim’.
679	GEN 25:20	Isak e aningeg i ragag e duw yangren mi yow mabgol Rebekah, ni be’ ni bpin ni fak Bethuel, (ni ir reb fapi girdi’ ni kanog e Aramean ngorad, ni yad ma par u Mesopotamia) ma walagen Laban.
680	GEN 25:21	Ma de diyen le’engin Isak, ma aram me meybil Isak ngak SOMOL ni fan ngak le’engin. Me diyen Rebekah, ni aram taban e meybil rok Isak nike fulweg SOMOL.
687	GEN 25:28	Mi Isak e ba t’uf Esau rok, ni bochan e ba’adag ni be longuy e gamanman ni be li’ Esau, machane Rebekah e ba t’uf Jakob rok.
688	GEN 25:29	Reb e rran ni be lith Jakob e sup ko mame, me sul Esau ko mokol gamanman, ma kri yim’ ko bilig
700	GEN 26:7	Ma nap’an ni fith e pi pumo’on nu rom murung’agen e bpin rok, me yog ni re bpin nem e walagen. De yog ni iraram le’engin ya be rus nri cheal e pi pumo’on nem ngar li’ed ngar feked Rebekah, ni le’engin nrib pidorang.
701	GEN 26:8	Nap’an nike par Isak u rom ke n’uw nap’an boch, me reb e rran me sap Abimelek ni Pilung u winda rok nga but’ me guy Isak nge Rebekah ni yow be ngongol ni rogon e mabgol.
713	GEN 26:20	Pi tagafal saf u Gerar e ra malu’agthin gad e girdi ni magfaliy e saf rok Isak ni murung’agen fare luwed ni yad be ga’ar, “Re ran ney e fanmad.” Ma aram me tunguy Isak fithingan fare luwed ni “Malu’agthin.”
722	GEN 26:29	ni dab mu chamgad ngomad ni bod gamad ni da gurin’ed ban’en ngomed nib kireb. Ya gamad ba gol ngom mug paged gur ngam man u fithik’ e gapas. Rib gagiyal e chiney ni SOMOL e ke fal’eg wa’atham.”
725	GEN 26:32	Kre rran nem me yib e pi tapigpig rok Isak nga rogned ngak murung’agen fare luwed ni kar kired. Ra ga’argad ngak, “Kug patgad ko ran.”
728	GEN 26:35	Miyow gathay lanyan’ Isak nge Rebekah ndaki ayal e par rorow.
733	GEN 27:5	Ma be motoyil Rebekah ko ngiyal’ ni be welthin Isak ngak Esau ni fak. Fa’ani yan Esau nga daken e flang ko mokol gamanman,
734	GEN 27:6	me ga’ar Rebekah ngak Jakob, “Dawori n’uw nap’an ni kug rung’ag e thin nike yog e chitamam ngak Esau nike ga’ar,
742	GEN 27:14	Me yan i fek fa gali gamanman i yib ngak Rebekah, me lith Rebekah e ggan ni ba’adag e chitamngin fare pagel.
743	GEN 27:15	Me fek Rebekah e bin th’abi fel’ e mad rok Esau, ni be cha’riy Rebekah u naun, nge yin’ nga daken Jakob.
745	GEN 27:17	Me pi’ Rebekah fapi ggan ni bfel’ lamen nge flowa nike lith ngak Jakob.
770	GEN 27:42	Machane me rung’ag Rebekah murung’agen e n’en ke tanomnag Esau, me l’oeg e thin nga ni yan ni pining Jakob nge yib me ga’ar ngak, “Mmotoyil ngog, i Esau ni walagem e ke leamnag ni nge fulweg ngom e kireb ni kam rin’ ngak ni nge thang e fan rom.
774	GEN 27:46	Me ga’ar Rebekah ngak Isak, “Ke ngochngochan’ug ma ke chalbag ko fapi ppin rok Esau ni bogi ppin u boch e nam. Fa’an ku ra le’engiy Jakob reb e bpin ni girdi’en e re nam ney ni kanog e Hittite ngorad, ma kabfel’ ni ngum’.”
777	GEN 28:3	I Got ni Gubin ma Rayag Rok e nge fal’eg wa’atham ko mabgol rom nge pi’ ngom e bitir ni pire’, ngam mang chitamngin bo’or e nam.
779	GEN 28:5	Me l’oeg Isak Jakob nge yan nga Mesopotamia ngak Laban, ni be’ nib mo’on ni fak Bethuel ni ir reb fapi girdi’ ni yima yog e Aramean ngorad. Laban e walagen Rebekah, ni chitiningin Jakob nge Esau.
791	GEN 28:17	Me tamdag, me ga’ar, “Rib kandugwen e gin’ey! Dabisiy ni naun rok Got ma garog nga tharmiy.”
793	GEN 28:19	Me tunguy fithingan e gin’em ni Bethel. (Re binaw nem e immoy fithingan ni Luz ko som’on.)
796	GEN 28:22	Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”
802	GEN 29:6	Me fith ni ga’ar, “De m’ar?” Me lungurad, “De m’ar. Mu sap, ke yib Rachel ni be’ ni bpin ni fak nike un nga ba ran’ i saf ni fak e chitamngin.”
805	GEN 29:9	Nap’an ni ka be non Jakob ngorad, me taw Rachel nike fek fa ran’ i saf rok e chitamngin. Ir e ma gafaliy e saf rok e chitamngin.
806	GEN 29:10	Fa’ani guy Jakob Rachel ni karbad fa ran’ i saf ni fak Laban ni walagen e chitiningin, me yan ko fare luwed, nge pug fare gaf i malang, me pi’ e ran ngak fapi saf.
808	GEN 29:12	Me weliy ngak Rachel ni ga’ar, “Fak Rebekah gag ma be’ rog e chitamam.” Me mil Rachel nge yan ni nge weliy ngak e chitamngin.
809	GEN 29:13	Ma fa’ani rung’ag Laban murung’agen Jakob ni fak Rebekah ni walagen, me mil i yib ni ngar mada’gow, me yib i gumuchmuch ngak nge faray owchen, me fek i yib ngalan e naun rok. Me weliy Jakob ngak Laban salpen ni urngin.
812	GEN 29:16	Ma l’agruw e ppin ni bay ni fak Laban; bin ilal e Leah, ma bin bitir e Rachel.
813	GEN 29:17	Mi Leah e gathi rib pidorang; mi Rachel e rib fel’ i tay kenggin ma ba pidorang.
814	GEN 29:18	Ma ba’adag Jakob Rachel, me ga’ar Jakob, “Bay gu maruwel rom ni medlip e duw, ma ga pi’ Rachel ni bin bitir e bpin ni fakam nggu le’engiy.”
816	GEN 29:20	Me maruwel Jakob ni medlip e duw ni bochan Rachel, me finey nsusun e ri in e rran, ni bochan e ri ba’adag Rachel.
819	GEN 29:23	Machane re nep’ i n’em, me fek Laban Leah i yan ngak Jakob, me pag Rachel, me par Jakob nge Leah nrogon e mabgol. (
821	GEN 29:25	Ma fa’ani reb e rran riy ni kadbul me pir’eg Jakob ni Leah e ka ni pi’ ngak. Me ga’ar ngak Laban, “Mang ni kam rin’ e biney e pa’ ngog? Kug maruwel rom ni bochan e nge yog Rachel ngog. Ere mang ni kam ban nigeg?”