45	GEN 2:14	Ma pa’ ni gaman e dalip ngay e Tigris fithingan, ni yan ko ngek u Assyria. Ma pa’ ni aningeg e Eufrates fithingan.
48	GEN 2:17	ma kemus ni fare ke gek’iy nma tamilangnag an’uy ko tin ni bfel’ nge tin kireb e dab mu koy. Thangri dab mu koy wom’ngin. Ya rofen ni ga ra kay e ga ra yim’.”
78	GEN 3:22	Ma aram me ga’ar SOMOL ni Got, “Girdi’ e chiney e ke bod bagamad, ya kenang e n’en ni bfel’ nge n’en nib kireb. Thingar ri dab ni pag nge kay wom’ngin fare ke gek’iy nma pi’ e yafos, ya ra par ni dabki yim’.”
102	GEN 4:22	Me gargel Zillah ni Tubal Kain, ni ir e mang chitamngin urngin e pi’in yad ma maruwel ko wasey ma yad ma ngongliy ban’en ko wasey ni bronze nge iron. Mi Naamah e be’ ni bpin ni walagen Tubal Kain.
128	GEN 5:22	Tomuren ni kan gargeleg Methuselah miki par Enok nib fos ni 300 e duw ngi i liyor ngak Got miki fakay boch e bitir.
136	GEN 5:30	Tomuren ni kan gargeleg Noah miki par Lamek nib fos ni 595 e duw. Miki fakay boch e bitir
190	GEN 8:6	Tomuren aningeg e ragag e rran me bing Noah fare winda
213	GEN 9:7	“Thingar mu diyen gad nge yo’or pifakmed, ya nge yo’or e pi’in owchemed ngar pired u gubin yang u daken e fayleng.”
234	GEN 9:28	Tomuren ni tharey e ran e fayleng, me par Noah nib fos ni 350 e duw,
237	GEN 10:2	Pi pumo’on ni pifak Jafeth e Gomer, Mogog, Madai, Javan, Tubal, Meshek nge Tiras e yad e pi chitamngin e pi ganong ntunguy fithingirad ngay.
238	GEN 10:3	Pi pumo’on ni pifak Gomer e yad e girdi’ ni owchen fa yuke girdi’ nu Ashkenaz, Rifath ngu Togarmah.
278	GEN 11:11	Tomuren ni kan gargeleg Arpakshad miki par Shem nib fos ni 500 e duw, miki fakay boch e bitir.
291	GEN 11:24	Ma nap’an ni gaman rliw’ nge mereb e duw rok Nahor, min gargeleg bochi pagel ni fak ni Terah;
292	GEN 11:25	tomuren ni kan gargeleg Terah miki par Nahor nib fos ni 119 e duw, miki fakay boch e bitir.
293	GEN 11:26	Ma nap’an nike pag medlip i ragag e duw rok Terah, min gargeleg boch e bitir ngak ni aram Abram, Nahor nge Haran.
294	GEN 11:27	Ba’aray e pi cha’ ni owchen Terah: Terah e chitamngin Abram nge Nahor nge Haran. Mi Haran e chitamngin Lot,
298	GEN 11:31	Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,
299	GEN 11:32	me yim’ Terah u rom nike gaman 205 e duw rok.
307	GEN 12:8	Tomuren e binem, me yan u rom ngalan e yimuch ko fare burey ni bay ko ngek ko binaw nu Bethel, me n’uf e pi tent rok u thilin yu Bethel ngu Ai, ni ba’ yu Bethel ko ngal ma bay yu Ai ko ngek. Miki ubung reb e altar u rom nge tayfan SOMOL me meybil ngak.
333	GEN 13:14	Tomuren nike chuw Lot me ga’ar SOMOL ngak Abram, “Ngam par uwur ngam fal’eg i yaliy urngin yang;
338	GEN 14:1	Amrafel ni Pilung nu Shinar, nge Ariok ni Pilung nu Ellasar, nge Kedorlaomer ni Pilung nu Elam, nge Tidal ni Pilung nu Goyim
346	GEN 14:9	ngak Kedorlaomer nu Elam, nge Tidal nu Goyim, nge Amrafel nu Shinar, nge Ariok nu Ellasar, ni aram e lal e pilung nike togopluw ngak aningeg.
355	GEN 14:18	Me Melkizedek, ni ir e pilung nu Salem ma ku ir e Prist ni Th’abi Ga, e fek e flowa nge wayin i yib ngak Abram,
356	GEN 14:19	me yibilay ni ba’aray e thin ni yog, “I Got ni Th’abi Tolang, me ir e ngongliy e tharmiy nge but’, e nge fal’eg wa’athan Abram.
357	GEN 14:20	I Got ni Th’abi Tolang e nga ni pining e sorok ngak, ya ir e ke ayuwegnem kam gel ngak e pi to’ogor rom ko mael.” Me fek Abram ragag e pasent u urngin e tin ni fek u fithik’ e mael nge pi’ ngak Melkizedek.
359	GEN 14:22	Machane me ga’ar Abram, “Ri gu be yog ngom u p’eowchen SOMOL, ni ir fare Got ni Th’abi Tolang, ni ir e sunumeg e tharmiy nge but’,
362	GEN 15:1	Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”
446	GEN 18:21	Thingar gu wan ngaram nga p’ening ngug guy ko tin kanog ngog nib togopluw ngorad e riyul’ fa de riyul’. Bay gu wan mu gu nang.”
450	GEN 18:25	Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”
501	GEN 20:5	Ya ku Abraham ma keyog ni re pin ney e walagen ma ku arrogon ni be yog e re pin ney ni yow walag. Tin kug rin’ e ba tamilang u wun’ug, ni dariy ban’en ni kug rin’ nib kireb.”
546	GEN 21:32	Tomuren ni kar ngongliyew e re m’ag nem u Beersheba, me sul Abimelek nge Fikol nga Filistia.
572	GEN 22:24	Reumah ni reb e bpin rok Nahor ni ir e diyennag Tebah, Gaham, Tahash nge Maakah.
596	GEN 24:4	Thingar mu sul ko nam rog ngam fek reb e bpin u rom nge le’engiy Isak ni fakag, ni ngam fek u fithik’ e tirog e girdi’.”
670	GEN 25:11	Tomuren nike yim’ Abraham, me fal’eg Got wa’athan Isak ni fak Abraham, nima par u charen fare “Luwed rok Fa’nnem ni be Par Nib Fos Ma Be Guyeg.”
674	GEN 25:15	Hadad, Tema, Jetur, Nafish nge Kedamah.
714	GEN 26:21	Miki fu’og e pi tapigpig rok Isak reb e luwed. Mukun tugthin ni bochan e binem e luwed, miki tunguy Isak fithngan ni “Togopluw.”
847	GEN 30:16	Ma fa’ani sul Jakob u milay’ nike blayal’, me yan Leah i guy me ga’ar ngak, “Thingar mmol rog e nep’ ney, ya kug fek e mandrakes rok fakag kug pi’ ni puluwom.” Mi yow par e nep’ nem.
856	GEN 30:25	Tomuren ni kan gargeleg Josef, me ga’ar Jakob ngak Laban, “Mu pageg nggu wan, nge yag ni gu sul nga tabinaw rog.
861	GEN 30:30	Tin immoy rom nib lich e nap’an ni gub mri yo’or, ma ke fal’eg SOMOL wa’atham ni bochag. Are chiney e ke taw nga nap’an ni gag e nggu leamnag rogon e tabnaw rog.”
937	GEN 32:9	Tafinaynag ni ga’ar, “Fa’anra yib Esau ncham ngak e bin ni bay nga m’on e ulung, ma sana rayag ni nge mil e bin tomur e ulung.”
949	GEN 32:21	Thangri lungumed ngak, ‘Tapigpig rom i Jakob e be yib ni be lekmad.’” I ga’ar Jakob u wan’, “Tow’ath rok ni kug pi’ ke m’on rog e ra fal’eg laniyan’, ma nap’an ni gamow ra mada’, ma dabisiy nra n’ag fan u wan’ e kireb ni gu rin’ ngak.”
1008	GEN 34:27	Tomuren fare cham me yib boch i pifak Jakob ni pumo’on ngar giliw naged fare binaw ni yad be filbeyen walagrad ni bpin ni kan dariy fannag.
1051	GEN 36:10	I Adah ni le’engin Esau e ta’reb e bitir ni pagel ni diyannag ni fak Esau, ni Elifaz, ma Elifaz e diyannag lal e pagel: Teman, Omar, Zefo, Gatam, nge Kenaz. Ma Timna ni ku reb i le’engin, e ku ra diyen nagew ta’reb e pagel ni Amalek. Basemath ni ku reb i le’engin Esau e ki diyannag ta’reb e pagel ngak Esau, ni Reuel, me Reuel e fakay aningeg e pagel: Nahath, Zerah, Shammah, nge Mizzah.
1056	GEN 36:15	Irera’ e pi ganong ni yib rok Esau. Fa bin ni nganni’ e pagel ni fak Esau ni Elifaz e ir e chitamngin e tin ba’aray e ganong: ni Teman, Omar, Zefo, Kenaz,
1059	GEN 36:18	Tin ba’aray e ganong e rsumgad rok Esau nge Oholibamah ni le’engin, ni be’ ni bpin ni fak Anah: I Jeush, Jalam, nge Korah.
1063	GEN 36:22	I Lotan e ir e chitamngin l’agrow ke girdi’ ni Hori nge Heman. (Lotan e bay walagen ni bpin ni Timna.)
1072	GEN 36:31	U m’on ni daworisum reb e pilung ni nge yog e thin u lan yu Israel, ma ba’aray e pi pilung ni ur gagiyeg niged e binaw nu Edom: Bala nib pagel ni fak Beor ko binaw nu Dinhabah Jobab nib pagel ni fak Zerah ko binaw nu Bozrah Husham ko nug nu Teman Hadad nib pagel ni fak Bedad ko binaw nu Avith (i gel rok pi Midanite ko mael u lan e nam nu Moab) Samlah ko binaw nu Masrekah Shaul ko binaw nu Rehoboth-u daken-fare Lul’ Baal Hanan nib pagel ni fak Achbor Hadad ko binaw nu Pau (le’engin e Mehetabel, ni be’ ni bpin ni fak Matred ma tutuw rok Mezahab)
1081	GEN 36:40	Esau e ir e chitamngin e tin ba’aray e ganong nu Edom: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, nge Iram. Ra reb e pi ganong ney ma fithngan e ku er fithngan e binaw nma par riy.
1126	GEN 38:6	I Judah e fek reb e bpin ni Tamar fithingan nge le’engiy Er ni bin nganni’ i fak.
1131	GEN 38:11	Aram me ga’ar Judah ngak Tamar ni le’engin fak, “Mu sul nga tafen e chitmam ngam par ni gab muchugbil nge taw ko ngiyal’ nike ilal Shelah ni fakag.” Keyog ni ara’ rogon ni bochan e ke rusnag nri kun thang e fan rok Shelah, ni bod rogon fa gal pumo’on ni walagen, ma aram me sul Tamar nga tafen.
1132	GEN 38:12	Me munmun me yim’ le’engin Judah. Nap’an ni mu’ ko mowaw, miyow yan Hirah ni fager rok ni be’ nu Adullem nga Timnah, ni gin ni yima th’ab bunu’en e saf rok riy.
1133	GEN 38:13	Me yog be’ ngak Tamar nike yib facha’ ni chitamngin fare pumo’on rok ni nge yan nga Timnah ni nge th’ab bunu’en e saf rok.
1134	GEN 38:14	Me thilyeg Tamar e mad rok nge chuweg fare mad u daken ni i chuw ngay ni mad ko ppin nike yim’ figirngin, me upnguy bang i mad nga owchen. Me yan i par nga langan e garog nga Enaim, ni kanawo’ nga Timnah. Ya manang rok, ni ngiyal’nem e fa’anem i Shelah ni wen u fak Judah e ke pumo’on, ma dawor ni pithig e thin ngorow ni ngar mabgolgow.
1138	GEN 38:18	Me fith fare pumo’on, “Mang e nggu pi’ ngom ni mich ko thin rodow?” Me fulweg fare bpin ni ga’ar, “Ngam pi e hang rom nib mu’un gufan ngay nge re sog ni be’er u pa’am ni ga be fek.” Me pi’ fa pin’em ngak. Aram miyow par, me yib i diyen Tamar.
1139	GEN 38:19	Me sul Tamar nga tabnaw, me luf fagi mad ni i upnguy nga owchen, me yin’ madan e ppin ni keyim figirngirad nga daken bayay.
1144	GEN 38:24	Gonap’an dalip e pul nga tomuren me ga’ar be’ ngak Judah, “Fare bpin i Tamar ni i le’engiy fakam e ki i ngongol ni bod e bpin nib gathar, ya chiney e ke diyan u muchugbil.” Me pi’ Judah e thin nge yan ni be ga’ar, “Ngan fek e re bpin nir nga wuru’ e binaw ngan orfeg nge yim.”
1205	GEN 41:9	Ma aram me ga’ar fa’anem nma pu’og e wayin nga kap rok Farao, “Thingar gu weliy ngom e daba’ ni kug rin’ ban’en nde fel’.
1231	GEN 41:35	Thingar ra kunuyed urngin e ggan u lan e pi duw ni ba’aram ni bfel’ ni bay yib. Ma thingar ra maruwelgad u tan e thin rom ngar kunuyed e grain ni nge mang ggan u lan e pi binaw i yan, miyad tay e matanag riy.
1273	GEN 42:20	Thingar mfeked i yib ngog e bin th’abi bitir i walagmed ni pumo’on, ni nge mang mich riy nriyul’ e tin kam weliyed ngog, ma aram e dab ni thang e pogofan romed.” Me lungurad, “Kefel’.”
1387	GEN 45:28	Me ga’ar, “Fakag i Josef e kabfos! Kemus tabon laniyan’ug! Thingar gu wan ngug guy u m’on ni nggum’.”
1400	GEN 46:13	Nge Issakar nge pifak ni pumo’on: Tola, Puah, Jashub nge Shimron.
1418	GEN 46:31	Me ga’ar Josef ngak pi walagen ni pumo’on nge girdi’en e tabinaw rok e chitamngin, “Thingar gu wan gguy Farao nge lungug ngak, ‘Pi walageg ni pumo’on ni girdi’en e tabinaw rok e chitamag ni ur pired u Kanaan e karbad ngog!
1498	GEN 49:24	Machane gat’ing rok e ba mayluy, Ma ruw raba’ i pa’ nni ngongliy nib gel U gelngin fare Got rok Jakob ni Gubin Ma Rayag rok. Ni aram fare Tagafaliy e saf, ma Ir e Yoror rok yu Israel.
1499	GEN 49:25	Ayuw nma yib ngom e yib rok fare Got Nma liyor e chitamam ngak, Ni yib rok Got Th’abi Gel Gelngin. Got e bayi fal’eg wa’atham ko n’uw nge yupa’ i lul’ u but’ Bayi fal’eg wa’atham Nge yo’ornag e pi’in owchem.
1522	GEN 50:15	Tomuren nike yim’ e chitamngirad me ga’ar fapi pumo’on ni walagen Josef, “Fa’anra ka be fanenikaydad Josef, ma ke finey ni nge fulweg ngodad taban urngin e kireb nda ngongliyed ngak, ma mang e ngad rin’ed?”
1539	EXO 1:6	Tomuren ni yim’ Josef nge fapi pumo’on ni walagen, nge gubin e girdi’ ko binem e mfen,
1738	EXO 8:23	Thingar gu milekaggad ni dalip e rran i yan ngalan e ted ni desert nggu pi’ed e maligach ngak SOMOL ni ir e Got romad, ni bod rogon nike yog ngomad ni nggu rin’ed.”
1827	EXO 12:10	Thingar dab mu ted boch riy nge af ko kadbul; ya fa’anra magey boch riy, ma thingar ni urfiy.
1831	EXO 12:14	Re rran nem e nge par ni puguran ngomed; thingar um madnom niged ni gimed be tayfan SOMOL. Thingar mu madnom niged ni gubin e mfen ni nge par nib madnom ndab ni pag.”
1835	EXO 12:18	Thingar mu koyed e flowa ni dariy e is riy ko nep’ ko chirofen ni ragag nge aningeg fen e pul ko bin m’on e pul nge yan i mada’ ko nep’ ko chirofen ni reliw’ nge ta’reb fen e pul.
1837	EXO 12:20	Thingar dab mu koyed e flowa ni bay e is riy; gimed gubin nthingar mu koyed e flowa ndariy e is riy.”
1841	EXO 12:24	Thingar mu folgad ko pi motochiyel ney, ni gimed nge pifakmed ma nge par riy ni aray rogon i yan ni dariy n’umngin nap’an.
1875	EXO 13:7	Thingar dab mu koyed e flowa ni kan ngongliy ni bay e is riy u lan e medlip i rran nem; ma thangri dabi par u lan e binaw romed e is ara flowa ni bay e is riy.
1938	EXO 15:17	Bay mu fekrad i yan ngam man mu tayrad ko burey rom, ni fa gin’em ni gur, SOMOL, e mu mel’eg ni tabnaw rom, ni fare Tempel ni ri gur e mu toy.
1974	EXO 16:26	Thingar mu kunuyed ni nel’ e rran, machane chirofen nra gaman e medlip ngay, ni aram e rofen ni Sabbath e dab ni pir’eg e ggan.”
2015	EXO 18:15	Me fulweg Moses ni ga’ar, “Thingar gu rin’ e ren’ey ya be yib e girdi’ ngog ni ngar nanged e n’en nib magan’ Got ngay.
2037	EXO 19:10	Me ga’ar SOMOL ngak Moses, “Mman ngak e girdi’ ngamog ngorad ngar be’ech nigedyad e daba’ nge gabul ni fan ko liyor. Thingar ra maluk niged e mad rorad,
2039	EXO 19:12	Thingar mu tay e mathil nib liyeg e re burey nem ko gin ni nge mus e girdi’ ngay, ma gog ngorad ni dab ranod nga daken e re burey nem fa ra chugurgad ngay. Ya en nra math ko fare burey e yira li’ nge yim’;
2061	EXO 20:9	Thingar mmuruwliyed urngin e maruwel romed u lan nel’ e rran,
2116	EXO 22:1	Thangri fulweg labgen e tin ke iring. Ma fa’anra dariy ban’en rok nrayag ni nge tay nga luwan ma ir e yira pi’ nchuway’ nge mang sib nge yan nga luwan e n’en ke iring. Demturug ko mang gamanman e ke iring, ko ba garbaw, dongki, ara ba saf ni fa’an yira pir’eg ni kabfos u fithik’ e tin nib milfan ngak, ma nge fulweg labgen fare gamanman ni l’agruw e nge tay nga luwan. “Fa’anra ni pir’eg ba mororo’ nike sifthiy e naun nnep’ ke yan nga langgin min li’ nge yim’, ma en ni li’ nge yim’ e de buch e rok ko mthang pogofan nike tay. Machane fa’anra buch ni rran, ma facha’ nike thang e pogofan e bbuch e rok ko mathang pogofan ni tay.
2160	EXO 23:15	Thingar mu ayweged e Madnom ko Flowa Ndariy e Is Riy; ni bod rogon ni gog ngomed, ni ngam ked e flowa ndariy e is riy u lan medlip e rran ko fangiyal ni kan turguy u lan e pul ni Abib, ya aram e re pul ni mu chuwgad u lan yu Egypt. Dariy be’ ni nge yib nga p’eowcheg ni nge liyor ngog ni dariy ban’en u pa’ ni nge pi’ ni maligach.
2161	EXO 23:16	Mu madnom niged e Madnom ko T’ar Wom’ngin e Woldug ko ngiyal’ ni kam tababgad i t’ar wom’ngin e woldug romed. “Mu madnom niged e Madnom ko Nochi Na’un, ko ngiyal’ ni gimed ra kunuy wom’ngin e woldug romed.
2188	EXO 24:10	miyad guy fare Got rok piyu Israel. Tan e rifrif u ay e ba’ ban’en riy ni bod ba wo’ nni gad ko malang ni sapphire, ni ra’en e bod feni mak’ef lanelang.
2203	EXO 25:7	nge malang ni carnelian nge ku boch e churwo’ nib tolang puluwon ni ngan gabdiy ko fare efod u daken ngorngoren e mad ko fare Prist ni Th’abi Ga’.
2204	EXO 25:8	Ma pi girdi’ nir e thingar ra ngongliyed ba Tent nib thothup ni tagal’ig, ya nge yag ni ug par u fithik’rad.
2237	EXO 26:1	“Mu kum ngongliyed langgin e Tent rog nib Thothup nga ragag yang i mad ni linen nib wech nni uneg bunu’en e saf ngan lifith nga fithik’, ni kan k’ad nib ra’en mak’ef, purple, nge row. Mi gimed sisyunag ya’an bogi kerubim nga daken.
2243	EXO 26:7	“Mu ngongliyed ba upong ko Tent ni ragag nge ta’reb yang e mad ni ngan lifith ko bunu’en e kaming.
2245	EXO 26:9	Mu puthuyed lal yang nga ta’bang nga mup’ed nge yag bang riy nib ga’. Ma fa nel’ yang nike magey e ngkum puthuyed nga mup’ed nge par ni ta’bang nib ga’. Ma fagi mad u taban ni gamen e nel’ ngay e ngan t’ar u lukngun min paluweg ko mab ko Tent.