231	GEN 9:25	me ga’ar: “Nge bucheg Got wa’athan Kanaan! Bayi par ni ir e sib rok e gali pumo’on ni walagen.”
233	GEN 9:27	Nge ayuweg Got Jafeth nge yo’or owchen! Ma pi’in ni owchen e ngu’ur pired e tirok Shem e girdi’ u ta’bang. Mi Kanaan e bayi mang sib rok Jafeth.”
450	GEN 18:25	Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”
465	GEN 19:7	Me ga’ar ngorad, “Pi tafager rog, ri gu be wenig ngomed ndab mu ngongliyed e binir e ngongol nib kireb!
467	GEN 19:9	Me lungurad, “Mu chuw u kanawo’ romad, ya gab milekag ni mub ngaray! I gur mini’ ni ngamog ngomad e tin nggu rin’ed? Dakumur ning e kanawo’ ngomad, ya rigu rin’ed e ngongol ngom ni kab gel e kireb riy ko ngongol ni nggu ngongliyed ngorow.” Miyad tay e mathur ngak Lot, miyad yan ko mab ni ngar t’ared.
473	GEN 19:15	Ma nap’an ni be puf e woch, me tay fa gal engel e gur ngak Lot ni lungurow, “Mu gur nigem! Mu fek e bpin rom nge fa gali ppin ni fakam ngam chuwgad u roy, nge siy i un e pogofan romed ko re binaw ney ni ngan kirebnag.”
475	GEN 19:17	Nap’an nra pow’iyew yad nga wuru’ fare binaw, me ga’ar bagayow fa gal engel ngorad, “Mmilgad ngam ayuweged e pogofan romed! Dab mu sapgad nga tomur ma dab mu talgad u lan e loway. Mmilgad nga daken e burey, nge dab mm’ad.”
480	GEN 19:22	Mu gur nigem! Mmil! Dariy ban’en nrayag ni gu rin’ nge mada’ ko ngiyal’ ni kam tawgad ngaram.” Bochan e yog Lot ni ba’achig, ma aram min tunguy fithingan e re binaw nem ni Zoar.
500	GEN 20:4	Machane dawori yan Abimelek nga to’oben Sarah, me ere ga’ar, “SOMOL, i gag e bfel’ e rog! Ere ga ra li’eg nge girdi’ rog?
598	GEN 24:6	Me ga’ar Abraham, “Ngam guy rogon ndab mu pi’ fakag nge sul ngaram!
902	GEN 31:28	Mus ni nggu pi’ e falen’ ngak gal fakag nge pifakrow mug fingichiyrad u m’on ni ngam marod ma dam pageg nggu rin. Ran’nir ni ka mu rin’ e rib kireb!
938	GEN 32:10	Me meybil Jakob ni ga’ar, “Got rok e tutuw rog i Abraham ma Got rok e chitamag i Isak, mu rung’ag lamag! SOMOL, i lungum ngog, Mu sul ko nam rom nge girdi’ rom, ma bay gu ayuwegnem nge yal’uw urngin u puluwom.
1114	GEN 37:30	Me sul ngak pi walagen me ga’ar ngorad, “Fa’anem i Josef e de moy u lan fare low! Ere mang e nggu rin’?”
1212	GEN 41:16	Me fulweg Josef ni ga’ar, “Gathi gag! I Got e bayi dag ngom e tin ni bfel’.”
1385	GEN 45:26	Miyad ga’ar ngak, “Kabfos Josef! I ir e be gagiyegnag yu Egypt ni ga’ngin!” Me gin Jakob ngay, ma de riyul’ u wan’ e tin karogned.
1387	GEN 45:28	Me ga’ar, “Fakag i Josef e kabfos! Kemus tabon laniyan’ug! Thingar gu wan ngug guy u m’on ni nggum’.”
1418	GEN 46:31	Me ga’ar Josef ngak pi walagen ni pumo’on nge girdi’en e tabinaw rok e chitamngin, “Thingar gu wan gguy Farao nge lungug ngak, ‘Pi walageg ni pumo’on ni girdi’en e tabinaw rok e chitamag ni ur pired u Kanaan e karbad ngog!
1436	GEN 47:15	Ma nap’an ni m’ay e salpiy rok e girdi’ nu Egypt nge girdi’ nu Kanaan me yib i ga’ar urngin e girdi’ nu Egypt ngak Josef, “Mpi’ e ggan ngomad! Dab mu pagmad nggu m’ad; mu rin’ ban’en! Ya kem’ay urngin e salpiy romad.”
1478	GEN 49:4	Ga bod e ran ni sugubur nge wagey nga daken e binaw, machane dab mpar ni gur e th’abi ga’ fam, ni bochan e kam pirew reb e ppin rog. Kam alitnag e k’iniy ni gil’ e chitamam!
1641	EXO 5:8	Machane ku urngin e rengnga ni ur ngongliyed ko som’on e ku aram oren ni yad ra ngongliy, dab rlich niged. Dakrir gaman gad ko maruwel, aram fan ni yu guyad be yog ngog ni nggu pagrad ngranod ra pi’ed e maligach ngak e Got rorad!
1649	EXO 5:16	Dakunir pi’ e pan ni mlik ngomad, ma yibe yog ngomad ni ngkug ngongliyed e rengnga! Yibe toymad ni kireb rok e tirom e girdi’.”
1788	EXO 10:10	Me ga’ar Farao ngorow, “I SOMOL e nge ayuwegmed! Ya dab gu pagmed ngam feked e ppin romed nge pifakmed ngam marod! Ya ke gagiyel ni gimed be makathnag ban’en ni nge togopluw ngomad.
1807	EXO 10:29	Me ga’ar Moses, “Ke par riy ni bod ni kamog! Dabki sabol owchedow bayay.”
1901	EXO 14:11	Me lungurad ngak Moses, “Bochan e dariy e taliw ko yam’ u Egypt ma aram fan ni kam fekmad i yib ngaray nga daken e ted ni desert ni nggu m’ad? A mu guy e n’en ni kam rin’ ngomad ni bochan e kam fekmad nga wuru’ yu Egypt!
1903	EXO 14:13	Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”
2000	EXO 17:16	Me ga’ar, “Ngan tining ngalang e flak rok SOMOL! Ya SOMOL e bayi cham ngak yu Amalek u reb e mfen ngu reb.”
2010	EXO 18:10	Me ga’ar Jethro, “Ngu’un pining e sorok ngak SOMOL, ya ir e en nike chuwegmed u pa’ Farao ni pilung nge piyu Egypt! Ngu’un pining e sorok ngak SOMOL ya ir e ke chuweg e girdi’ rok ko sib ni ur ted!
2470	EXO 32:31	Me sul Moses ngak SOMOL, me ga’ar ngak, “Ke ngongliy piyu Israel reb e denen nrib gel e kireb riy! Kar ngongliyed ba got ko gol ku’ur tedfan.
3733	NUM 3:40	Me ga’ar SOMOL ngak Moses, “Gubin e pumo’on ni pifak yu Israel e bmil farad ngog. Ngam fal’eg babyoren fithingan urngin e tin nib nganni’ e pumo’on nu Israel, nike gaman ta’reb e pul yangren ngalang. Ma munliw rorad e urngin e pi Levite ni kug mel’eg ni nge milsuwon ngog! I Gag SOMOL! Kug duwgiliy e yu ran’ i gamanman ko pi Levite ni nge yin’ luwan urngin e tin nganni’ ko yu ran’ i gamanman.”
4029	NUM 11:4	Pi’in gathi yad piyu Israel nra uned ngorad u Egypt e yad be yim’ ni bochan e ufin, miki un piyu Israel ko gun’gun’ ni be lungurad, “Manga yigi yag e ufin ngodad ngad ked!
4037	NUM 11:12	Gathi gag e gu sunumegrad ara gu gargelegrad! Ere mang ni kamog ngog ni nggu dinobiyrad ni bod be’ ni bpin ni be tathuthnag pifak mu gu fekrad i yan ko fare nam ni gur e mmicheg ngak pi chitamangirad ni kakrom ni bay mpi’ ngorad?
4039	NUM 11:14	Dabiyag ni nge mil fan e pi girdi’ ney ngog ni urngin, ya ban’en ni kayigi gel e mo’maw’ riy ngog!
4066	NUM 12:6	Me ga’ar SOMOL, “Mu telmew ko tin ni nggog! Ra bay e profet u fithik’med ma gu ma piliyeg e changar rorad ngar nanged gag, fa gu non ngorad u malik’ay.
4068	NUM 12:8	Gu ma non ngak ni gamow ba sabol, thin ni gu ma yog ngak e rib tamilang, ya dagur non ngak u fithik’ e salipow; mus nga fog nike guy! Ere di’in me math’ daguwen romew ngam welthingow nib togopluw ngak e tapigpig rog i Moses?”
4143	NUM 14:34	Aningeg i ragag e duw ni bay i aw e gechig ngomed ni bochan e denen romed, ra reb e duw ma puluwon reb fa aningeg i ragag i rran ni um lekged e re nam nem. Ma aram e bay mu nanged e tin nra yib ngak e en nra pi’ keru’ ngog!
4150	NUM 14:41	Me ga’ar Moses, “Ere mangfan ni nge dab kum folgad rok SOMOL e chiney? Ya dabiyag ni ngam bunggad ngabang!
4203	NUM 16:8	Miki ul ul Moses ko thin rok ngak Korah. “Mmotoyilgad gimed e pi Levite!
4205	NUM 16:10	Ke taymed nge urngin e tin kabay e Levite nike ga’ famed — ma chiney e ki gimed be guy rogon ni ngkum feked fare liw ko prist!
4207	NUM 16:12	Me l’oeg Moses e pong nge yan ngak Dathan nge Abiram, machane me lungrow, “Dab gu bow!
4229	NUM 16:34	Ma urngin e girdi’ nu Israel ni urmed u rom e ra milgad nnap’an nrung’aged lungun fapi girdi’ nra yorgad. Me tolul piyu Israel ni be lungurad, “Da milgad! Ya richey miki ful’dad e but’!”
4241	NUM 17:11	me ga’ar Moses ngak Aron, “Mu fek fa raba’ i n’en rom ni fen e fek nifiy ngam af e nifiy u daken e altar nga langgin, ma ga af boch e incense nga langgin. Ma ga papey nigem ngam fek i yan ngak e pi girdi’ nem ngam fal’eg bangbengin e machalbog ni fan ngorad. Mu pay nigem! Ya ke pu’og SOMOL e damumuw rok ke tabab e liliy ni yibe yim’ riy.”
4253	NUM 17:23	Me reb e rran riy nnap’an ni yan Moses ngalan fare Tent, me guy ni ley rok Aron e sog, ni pow ko birok Levi e ganong e ke for mal’gun. Ke k’uf ke puf e floras riy, ma ke yib wom’ngin ni keal nike lol!
4257	NUM 17:27	Me ga’ar fapi girdi’ nu Israel ngak Moses, “Ere kug musgad u roy!
4322	NUM 20:10	Miyow ulunguy Aron yu Israel ni urngin nga m’on ko fare war, me ga’ar Moses, “Gimed e pi tatogopluw nir, mu telmed! Mogned, gimed be leamnag ni nggu fekew e ran ko re war ney ngam unumed?”
4330	NUM 20:18	Me fulweg piyu Edom ni lungurad, “Dab gu paged gimed ngam bad ngam marod u lan e nam romad! Fa’an gimed ra yib ma gamad ra m’ag e mael ngomed.”
4368	NUM 21:27	Aramfan ni yon’ fapi girdi’ nma tung tang e tang ni ga’ar, “Moy nga Heshbon, ko binaw rok Sihon ni Pilung! Gamad ba’adag ni ngan fal’eg bayay ngki sul nga rogon.
4370	NUM 21:29	Gafgow gimed e girdi’ nu Moab; gimed e pi’in gimed be tayfan Kemosh e kam awgad nga fithik’ e kireb! Fare got romed e ke pag e pumo’on kar malethaygad, ma pi’in ni ppin e kar manged kalbus ko pilung nu Amor.
4392	NUM 22:16	Miyad yan ngak Balaam ngar weliyed e thin rok Balak ngak ni lungurad, “Wenig ngom, dab mu siyeg ni nga mub!
4405	NUM 22:29	Me ga’ar Balaam, “Bochan e ga be darifan nigeg! Fa’an mang e bay ba saydon rog ma kug thang e pogofan rom.”
4458	NUM 24:11	Ere mu sul nga tafnam! Kug micheg ngom ni bay gu pi’ puluwom nib tolang, ma SOMOL e de pagem ni ngam rin’ e tin ku gu ning ngom, are dab ni pi’ puluwom.”
5003	DEU 3:26	“Machane bochmed e pi girdi’ nir me damumuw SOMOL ngog ma daki motoyil ngog. Ya ga’ar, ‘Ka yag! Dab kum sul bayay u daken e pi thin ney!
5015	DEU 4:9	Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed
5079	DEU 5:24	me lungurad, ‘I SOMOL ni Got rodad e ke dag ngodad feni gel nge feni sorok nap’an nda rung’aged laman nike non u fithik’ fare nifiy! Daba’ e kadguyed nrayag ni ngki par be’ ni kabfos, ni yug aram rogon nike non Got ngak.
5092	DEU 6:4	“Gimed e girdi’ nu Israel, mmotoyilgad! Fare SOMOL ni Got rodad e kemus e ta’are Got nib riyul’.
5160	DEU 9:1	“Mu telmed yu Israel! Daba’ e ngam th’abed e lul’ ni Jordan nga ba’nem ngam marod mu tafned fare but’ nib milfan nga bogi nam ni yad ba gel ngomed. Pi binaw rorad e ba ga’ ma bay e yoror riy nib liyeg nib tun ko manileng.
5283	DEU 13:10	Ngan thang e fan rorad! Gimed e som’on ni nga mu paged e malang ngorad, mfini pag e girdi’ e malang ngorad.
5432	DEU 20:3	‘Pumo’on nu Israel, mmotoyilgad! Daba’ e ngam marod ko mael. Dab mu rusgad ngak e to’ogor romed, fa mulan’med, fa wagagey lanin’med.
5568	DEU 25:19	Ere nap’an ni bayi pi’ SOMOL ni Got romed fare nam ngomed, me gagiyegnag ni dabki bucheg e pi to’ogor romed ban’en romed, ni yug aram rogon ni yad ma par ni yad ba liyegmed, nopa’med ni gimed ra thang e pogofan rok e pi Amalekite ni yad gubin, ya ngar mathgad u wan’ e girdi’. Dab mu paged talin!
5862	JOS 1:9	Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”
5870	JOS 1:17	Bay ug folgad rom ni bod rogon ni ug folgad rok Moses ni gubin ngiyal’ ni fa’anra i un e SOMOL rom i Got ngom ni bod ni i un ngak Moses!
5884	JOS 2:13	Michegew ngog ni gimew ra ayuweg e pogofan ko chitamag nge chitinag, nge pi walageg ni pumo’on nge ppin, nge gathon e tabnaw rorad! Dab mu pagew gamad ngan thang e pogofan romad!”
5885	JOS 2:14	Me ga’ar fa gali mo’on ngak, “Gamow ra pi’ e pogofan romow ngalon e pogofan romed! Fa’anra dabmog e n’en ni kug bownag, ma gamow ra tay u tagil’ e tin ku gognew ngom ko ngiyal’ nra pi’ SOMOL e re nam ney ngomad.”
5953	JOS 6:2	Me ga’ar SOMOL ngak Joshua, “Mu telim! Yu Jeriko nge pilung riy nge pi salthaw ni bay riy ndarir rusgad e nggu pi’ nga pa’am.
5958	JOS 6:7	Me ga’ar ngak e girdi’, “Mmarod ngan yan! Mmarod ngu’um liyeged fare binaw, ni bay e pi salthaw nga m’on ko fare Kahol ko M’ag rok SOMOL.”
5967	JOS 6:16	Ma nap’an ni gaman e medlip yay ni kar liyeged nga tomuren nike thoy fapi prist fapi yabul, me ga’ar Joshua ngak fapi girdi’, “Mu tolulgad! I SOMOL e ke pi’ e re binaw ney ngomed.
5985	JOS 7:7	Me ga’ar Joshua, “SOMOL nib Th’abi Tolang! Mangfan ni mu fekmad nggu th’abed fare lul’ ni Jordan nga ba’ney? Mog, bochan e ngam pi’mad ngak e pi Amorite, ngar thanged owchemad? Mangfan ni yug da gu pired u ba’nem e Jordan?
5988	JOS 7:10	Me ga’ar SOMOL ngak Joshua, “Mu suwon! Mangfan ni ka mu pagem nga but’ ni arrogon?
5989	JOS 7:11	Ke denen yu Israel! Kar th’abed e tin gu tay chiylen ngorad ni ngar ayweged ndab ni rin’. Kar feked boch fa pin’en ni kugog nthingar ni kirebnag. Kar iringed e pin’em miyad ban u murung’agen, kar ted nga fithik’ e tin ferad ban’en.
5990	JOS 7:12	Irera’ fan ndabiyag ni nge cham piyu Israel ngak e pi to’ogor rorad. Ka ni tulufrad kar sulod ni bochan e yad rorad e aram e kan gechig nagrad ni ngan kireb nagrad! Dab kug par romed e chiney i yan ngaram, ya fin gimed ra kirebnag urngin e pi chugum ni gog ngomed ndab mu feked!
5991	JOS 7:13	Mu suwon ngalang! Mu machalbognag e pi girdi’ nir ngar fal’eged rogorad ni ngarbad nga p’eowcheg. Mog ngorad ni nge gabul ma kar fal’eged rogorad, ni bochan e Gag SOMOL ni Got rok yu Israel e ba’aray e n’en ni nggog: ‘Gimed yu Israel, bay u fithik’ e chugum romed bogi ban’en ni kugog ni ngam kireb naged! Dabiyag ni ngam gelgad ngak e pi to’ogor romed ni fa’anra dab mu chuweged e pin’ey u fithik’med!’
6052	JOS 9:13	Nap’an ni gu suguyed e pi tutuw ko wayin romad, ma kab be’ech, ma am sap! Ya ke kaday. Mad romad nge sus e go’ ke kaday ko milekag nib n’uw.”
6072	JOS 10:6	Me l’oeg e pumo’on nu Gibeon e thin nge yan ngak Joshua nga Gilgal ko gin be par piyu Israel riy ni be lungurad, “Dab mu pagmad! Mu gur nigem ngamub ngam ayuweg e pogofan romad! Ya urngin e pilung ni yad bay ko pi binaw ni bay ngalan e burey e kar pethgad ni ngar maelgad ngomad!”
6085	JOS 10:19	machane gimed e dab mu pired u rom. Mu leked fapi to’ogor u wuryal ngam oggad ngorad; dab mu pagedrad ngar thapgad nga langgin fapi binaw rorad! I SOMOL ni Got romed e ke ta’med ni ngam gelgad ngorad.”
6199	JOS 14:10	Machane chiney e amuguy. Ke gaman e aningeg i ragag nge lal e duw n’umngin nap’an ni yog SOMOL e ran’ey ngak Moses. Ngiyal’nem e nap’an ni ka be yan yu Israel u daken e desert, i SOMOL, e rogon ni micheg e ke teg ni kugub fos ke mada’ ko chiney. Mu changar ngog! Ke gaman e meruk i ragag nge lal e duw yangreg
6444	JOS 22:16	miyad non ni pa’ gubin e girdi’ rok SOMOL, nra ga’argad ngorad, “Mangfan ni kam rin’ed e re kireb ney nib togopluw ko fare Got nu Israel? Kam togopluwgad ngak SOMOL ko re altar ney ni kam toyed ni fan ngomed! Dakumur folwokgad rok!
6450	JOS 22:22	“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!
6494	JOS 24:16	Me fulweg e girdi’ ni lungurad, “Dariy e n’en nra rin’ ma gamad leamnag ni nggu paged SOMOL nggu pigpiggad ngak yugu boch e got!
6505	JOS 24:27	Me ga’ar ngak urngin piyu Israel, “Mu sapgad ko re malang ney! Bay i par ni ir e mich ko tin kadogned. Ke rung’ag urngin e thin nike weliy SOMOL ngodad. Ere bay i par ni ir e mich nib togopluw ngomed, nge ta’med ni dab mu togopluwgad ngak e Got romed.”
6549	JDG 2:2	Ma thingar dab mu ngongliyed e m’ag u thilmed e girdi’ ni yad be par u daken e re nam ney. Thingar mu buthuged e pi altar rorad. Machane dawor mu rin’ed e tin gog ngomed. Ka mu rin’ed e tin ba togopluw ngay!
6598	JDG 3:28	Me ga’ar ngorad, “Mu lekedgag! I SOMOL e ke gel nagmed rok e pi to’ogor romed, ni piyu Moab.” Aram miyad lek Ehud nga tan e pe’ning ngar koled fa gin’en nma th’ab piyu Moab e lul’ ni Jordan riy nga barba’; dar paged ta’abe’ nge thap nga barba’.
6627	JDG 5:2	Ke sorok SOMOL! Ya turguy piyu Israel u lanin’rad ni ngranod ko mael; ra be’ me ognag ir ni nge un ko mael nib felan’ ngay!
6628	JDG 5:3	Mu telmed, e pi pilung! Mu sapgad, e pi’in gimed ma gagiyegnag e girdi’! Ya nggu tang mu gu chubeg e musik ni fan ngak e Got rok piyu Israel, ni ir e SOMOL!
6634	JDG 5:9	Lanin’ug e bay rok e pi’in yad be tay murung’agen e salthaw nu Israel, ni bog ni’ nra og niged yad nib magan’rad ngay ni ngaru’ned ko mael. Ke sorok SOMOL!
6636	JDG 5:11	Mu telmed! Girdi’ ni pire’ nike mada’ lamrad ngalang u to’oben e pi luwed ni yad be weliy murung’agen e gel ni tay SOMOL ko pi mael, ni pi mael ni gel piyu Israel riy! Me thelep e girdi’ rok SOMOL ko pi binaw rorad nga pe’ning.
6637	JDG 5:12	Mm’on, Deborah, mm’on! Mu gafaliydad! Ngad tanggad! Nggu leked gur! Barak, ni ga be’ nib mo’on ni fak Abinoam, mman nga m’on, mu gafaliy e pi’in kam kol i yan ngabang!
6646	JDG 5:21	I sugbur e lul’ nu Kishon me fekrad e ran, ko gireng ko lul’ nu Kishon. Bay gu ayi salthaw, i yan nga m’on nib el mirin!
6656	JDG 5:31	SOMOL, mange yigi yim’ urngin e pi to’ogor rom ni aram rogon, machane pi’in gab t’uf rorad e nge gal rama’erad ni bod e yal’ ni be yib ngalang! Ma aram me yib e gapas nga daken e nam ni aningeg i ragag e duw.
6678	JDG 6:22	Me nang Gideon ni engel rok SOMOL e ke guy, me yog u fithik’ e marus ni ga’ar, “SOMOL ni Th’abi Tolang! Kug guy fare engel rom nga owcheg!”
6710	JDG 7:14	Me fulweg fare fager rok ni ga’ar, “Ireyer e saydon rok Gideon, ni be’ nu Israel, ni fak Joash! Kemus fan! I Got e ke gagiyegnag ni nge gel ngodad piyu Midian nge salthaw rodad ni urngin!”
6711	JDG 7:15	Fa’ani rung’ag Gideon e re lik’ay nem nge fan, me ragbug nga but’ nge liyor ngak SOMOL. Me sul ko gin be par e salthaw nu Israel riy me ga’ar ngorad, “Mu odgad! I SOMOL e ke gagiyegnag ni ngam gelgad ngak e salthaw nu Midian!”
6763	JDG 9:7	Fa’ani rung’ag Jotham murung’agen, me yan i sak’iy nga p’ebugul e burey ni Gerizim, me tolul ngorad ni ga’ar, “Gimed e pumo’on nu Shekem, mu telmed ngog, me motoyil Got ngomed!
6784	JDG 9:28	Me ga’ar Gaal, “Gadad bmit i mang pumo’on u roy u Shekem? Mangfan ni gadad be pigpig ku Abimelek? Susuna ir mini? Fak Gideon! Ir e ma yog e n’en ni nge rin’ Zebul, me’ere gadad e mang ni ngad pigpiggad ngak? Mu yul’yul’gad ku Hamor, ni ir e sunmeg e biromed e genong.
6785	JDG 9:29	Gu be athpeg ni yug gog e thin ko pi girdi’ ney! Gu ra chuweg Abimelek! Gu ra ga’ar ngak, ‘Mu fal’eg rogon e salthaw rom ma gab nga wuru’ e binaw ngad chamgow!’”
6792	JDG 9:36	Me guyrad Gaal, me ga’ar ku Zebul, “Mu sap! Ba’aram e pumo’on ni yad be log nga but’ u dow e burey!” Me ga’ar Zebul, “Gathi girdi’ e ren’em. Pin’em e fon ban’en u dow e burey.”
6793	JDG 9:37	Miki ga’ar Gaal bayay, “Mu sap! Ba’aram bogni’ ni yad be log nga pe’ning, ma ku ba’aram ba ulung ni yad be yib u kanawo’ ni kar chuwgad ko fare ke gak’iy ni oak ko pi’in yad ma pig ngu’ur yi’iygad!”
6866	JDG 11:35	Ma nap’an ni guy fa chipin, me guchthuy e mad rok ni gelngin e kireban’ rok me ga’ar, “Ah, fakag! Karim kirebnag lanin’ug! Mangfan nri gur e ngam k’aring e amith nga lanin’ug? Kug ngongliy ba m’ag ni kug micheg ngak SOMOL, ni dabkiyag ni nggu sulweg!”
6927	JDG 14:16	Me yan le’engin Samson ngak Samson ni be yor me ga’ar ngak, “Da gu t’uf rom! Ya gu manang ndabumgag! Kamog ba salipow ngak e pi tafager rog, ma damog fan ngog!” Me ga’ar Samson ngak, “Mu sap, mus ngak e chitamag nge chitinag ma dawor gu weliy fan ngorow. Ere mang ni nggu weliy fan ngom?”
6938	JDG 15:7	Me ga’ar Samson ngorad, “Ara’ rogon e ngongol romed! Nggu micheg ngomed ndab gu tal nge yan i mada’ ko ngiyal’ ni kug fulweg taban ngomed!”
7004	JDG 18:9	Me lungurad, “Mired, ngdarod da maelgad ngak yu Laish. Kug guyed e re nam nem, ma rib manigil. Dab ku mu pired u roy ndariy ban’en ni gimed be rin’; mpapeygad! Mmarod nga langgin ngam koled!
7019	JDG 18:24	Me fulweg Mikah ni ga’ar, “Mang e ga be yog ni be lungum e, ‘Mang e ke buch rog?’ Kam feked e prist rog nge pi got ni kug ngongliy, kammarod! Mang e kabay rog?”