26	GEN 1:26	Me ga’ar Got, “Aram e chiney e ngad ngongliyed e girdi’; girdi’ e bay ra boded gadad miyad bod ya’adad. Ma girdi’ e nge suwey e nig, nge arche’, nge gamanman nib mongmor, nge urngin e gamanman ni malboch, ni tin gagang’ nge tin b’achig.”
28	GEN 1:28	me tow’ath nagrow ko re bugithin ni ba’aray ni yog ni ga’ar, “Mu diyen gow nge yo’or pifakmew, nge wear e pi’in owchemew nga gubin yang u fayleng ngar pired riy miyad suwey. Nggu ta’mew ni gimew e ngam suweyew e nig, nge arche’, nge urngin e gamanman ni malboch, ni tin gagang’ nge tin b’achig.”
54	GEN 2:23	Me ga’ar fare pumo’on, “Ka fini yag be’ ni ta’reb rogomow — ni yil rok e ni fek ko yil rog, ma ufin u dow e ni fek ko ufin u dowag. ‘Bpin’ e fithingan ni bochan e ni fek u fithik’ fare pumo’on.”
336	GEN 13:17	Ere mu fal’eg rogom ngam lekag daken e re nam ney, ya aram e nggu pi’ ngom ni ga’ngin.”
362	GEN 15:1	Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”
388	GEN 16:6	Me fulweg Abram ni ga’ar, “Kefel’, re bpin nem e gur e bay u tan pa’am ya ir e sib rom; mu rin’ ngak e tin ga ba’adag.” Ma aram me tabab Sarai i gafgownag Hagar, me mil Hagar.
450	GEN 18:25	Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”
475	GEN 19:17	Nap’an nra pow’iyew yad nga wuru’ fare binaw, me ga’ar bagayow fa gal engel ngorad, “Mmilgad ngam ayuweged e pogofan romed! Dab mu sapgad nga tomur ma dab mu talgad u lan e loway. Mmilgad nga daken e burey, nge dab mm’ad.”
540	GEN 21:26	Me ga’ar Abimelek, “Dagnang ko mini’ e rin’ e bin, ya dawor nog ngog murung’agen, ma fin irera’ e som’on ni kug rung’ag.”
559	GEN 22:11	Machane me non fare engel rok SOMOL ngak u tharmiy ni ga’ar, “Abraham, Abraham!” Me ga’ar Abraham, “Gu ba’aray.”
611	GEN 24:19	Ma fa’ani mu’ ko mu’un ran, me ga’ar Rebekah, “Bay ku gu fek e ran i yib nge unum e kamel rom ni urngin ni yad ba’adag.”
692	GEN 25:33	Me ga’ar Jakob, “Som’on e ngamog ngog u p’eowchen Got ni ngam pi’ ngog mat’awum.” Ma aram me yog Esau u p’eowchen Got ngak Jakob nike pi’ ngak mat’wun ni bay rok ni fan e ir e nganni’, ni aram e ke pi’ ni puluwon fapi ggan.
702	GEN 26:9	Me mulwol Abimelek ni nge yan Isak i guy me ga’ar ngak, “Ere iraram le’engim! Mangfan ni mog ni ireram walagem?” Me fulweg Isak ni ga’ar, “Gu leamnag ni yira thang e fan rog ni fa’anra gog ni ir le’engig.”
722	GEN 26:29	ni dab mu chamgad ngomad ni bod gamad ni da gurin’ed ban’en ngomed nib kireb. Ya gamad ba gol ngom mug paged gur ngam man u fithik’ e gapas. Rib gagiyal e chiney ni SOMOL e ke fal’eg wa’atham.”
748	GEN 27:20	Me ga’ar Isak, “Fakag, uw rogon ma ga pir’eg e gamanman ni er feni machreg?” Me ga’ar Jakob, “I SOMOL ni Got rom e ke ayuwegneg kug pir’eg.”
757	GEN 27:29	Ma pi nam e ngar manged tapigpig rom, ma girdi’en e pi nam e ngu’ur siro’gad ngom. Ma ga par ni gur e masta rok e girdi’ rom, mi i siro’ ngom e pi’in ni owchen e chitinam. Ma pi’in yad ra yibilayem ni nge buch wa’atham, e nge buch wa’athrad, ma pi’in yad ra yibilayem ni nge fel’ wa’atham, e nge fel’ wa’athrad.”
761	GEN 27:33	Ma aram me t’on Isak nreb me fith ni ga’ar, “I mini’ fa’anem nike li’ ba gamanman ke ngongliy rogon ke fek i yib ngog ni nggu way? Ya ka fini gu mu’ i kay ma kam taw. Ere kug yibilay, ma ke par riy ni aram rogon ndariy n’umngin nap’an.”
814	GEN 29:18	Ma ba’adag Jakob Rachel, me ga’ar Jakob, “Bay gu maruwel rom ni medlip e duw, ma ga pi’ Rachel ni bin bitir e bpin ni fakam nggu le’engiy.”
817	GEN 29:21	Me ga’ar Jakob ngak Laban, “Ke taw ko fa ngiyal’ ni mog ngog; ere mpi’ fare pin ni fakam ngog nggu le’ay.”
898	GEN 31:24	Mra nep’ nem me yib i m’ug Got ngak Laban u malik’ay me ga’ar ngak, “Mguy rogon ni dab mu k’aring e murus ngak Jakob u ban’en.”
970	GEN 33:9	Machane me ga’ar Esau, “Walageg, ba gaman e tin bay rog ban’en, mu tay rom e tin bay rom ban’en.”
985	GEN 34:4	Me yan i yog ko chitmangin ni Hamor ni be ga’ar, “Gub adag ni ngam fek Dinah nggu le’engiy.”
993	GEN 34:12	Mogned ngog ko mang e gimed ba’adag ni nge yag ngomed, mi gimed tay puluwon e re pin nir ni rogon tolngin ni gimed be leamnag, ma demturug ko mang e gimed ra yog mu gu ra pi’, ni fa’an gimed ra pi’ e re pin nir nggu le’engiy.”
1004	GEN 34:23	Gathi aram e rayag ngodad gubin e gamanman rorad nge urngin e tirorad ban’en? Ere nge m’ag u wan’dad me yag ni ngad pired u ta’bang.”
1119	GEN 37:35	Me yib urngin pifak ni pumo’on nge ppin ngak ni ngar fal’eged laniyan’, machane dabun ni ngan fal’eg laniyan’, me ga’ar, “Bay ug par ni be kireban’ug ngak fakag nge mada’ ko ngiyal’ ni bay gum’ mu gu wan ngak ko binem e tamilang ni tafen e pi’in ni karm’ad.” Ma aram mi i par ni be kireban’ ma be yornag Josef ni fak.
1143	GEN 38:23	Me ga’ar Judah, “Ngan pag fa pin’em nge par rok. Ya dubdow nra minmin e girdi’ ngodow. Ya kug guy rogon ni ngan pi’ puluwon, ma be’er nida mu pir’eg.”
1168	GEN 39:18	Machane fa’an gu tolul, me mil nga wean me pag wuru’ e mad rok u to’obeg.”
1181	GEN 40:8	Me lungurow, “Ra bagamow ma ke lik’ay, machane dariy be’ u roy nrayag ni nge weliy fan e lik’ay.” Me ga’ar Josef, “I Got e ma tamilang nigey u fan e lik’ay. Mu weliyew e lik’ay romow ngog.”
1237	GEN 41:41	Miki ga’ar Farao ngak Josef, “Kam guy, chiney e kug duwgiliyem ni gur e kam mang governor ko nam nu Egypt ni ga’ngin.”
1391	GEN 46:4	Bay gu un ngom nga Egypt, ma bay gu fulweg e pi’in owchem ngaray. Mra taw nga nap’an ni nga mum’ ma bay Josef u to’obem.”
1501	GEN 49:27	“I Benjamin e bod ba gamanman ni wolf nma thang e pogofan; Kadbul e ma languy e n’en nike li’, Ma blayal’ me pag e f’oth nga k’on.”
1524	GEN 50:17	Mogned ngak Josef ni be lungug, ‘Gu be wenig ngom ni ngam n’ag fan u wun’um e tin nib kireb ni ngongliy pi walagem ngom.’ Ere wenig ngom, mu n’ag fan u wun’um e kireb ni gamad e pi tapigpig ko Got rok e chitamam e kug rin’ed.” Fa’an nog e re bugithin ney ngak Josef, me tabab Josef ko meyor.
1549	EXO 1:16	I ga’ar ngorow, “Gimew ra ayuweg e ppin ni Hebrew ko ngiyal’ ni ngar gargelgad, ma fa’anra ba pumo’on e bitir, mi gimew thang e fan rok, ma fa’anra bpin, ma dab mu li’ew.”
1620	EXO 4:18	Me sul Moses ngak Jethro, ni chitamngin le’engin, me ga’ar ngak, “Wenig ngom, mpageg nggu sul ngak pi girdi’eg ni yad bay u Egypt ngguy ko ka yad bay fa karm’ad.” Me fingichiy Jethro Moses.
1621	EXO 4:19	Me ga’ar SOMOL ngak Moses u Midian, “Mu sul e chiney nga Egypt; ya urngin fapi cha’ nra fineyed ni ngar li’ed gur e karm’ad.”
1715	EXO 7:29	Ma bay ur oggad nga dakenam, nge girdi’ rom, nge nga daken gubin e pi tolang ni yad bay u tan pa’am.”
1727	EXO 8:12	Me ga’ar SOMOL ngak Moses, “Mog ngak Aron, ni nge toy e sog rom nga daken e but’, me pig e fiyath nge ngal’ ni yochi lal u daken e nam u Egypt ni ga’ngin.”
1738	EXO 8:23	Thingar gu milekaggad ni dalip e rran i yan ngalan e ted ni desert nggu pi’ed e maligach ngak SOMOL ni ir e Got romad, ni bod rogon nike yog ngomad ni nggu rin’ed.”
1773	EXO 9:30	Ya gu manang ni gur nge pi tolang rom ni bay u tan pa’am e dawori yib madgun SOMOL ni Got u wun’med.”
1789	EXO 10:11	Danga’! Kemus ni gimed e pumo’on e ngam marod ngam meybilgad ngak SOMOL, ni fa’anra ireyer e tin gimed ba’adag.” Min chuwegrow u p’eowchen Farao.
1850	EXO 12:33	Me tay piyu Egypt e gur ngak piyu Israel ni ngar gurgad ngar chuwgad u Egypt; ya lungurad, “Fa’anra dab mu chuwgad ma gamad gubin ni bay gu m’ad.”
1866	EXO 12:49	Re motochiyel ney e ta’reb rogon ngak e pi’in ni gargelegrad u Israel nge pi’in nu bang ni yad be par u fithik’med.”
1904	EXO 14:14	I SOMOL e bayi cham ni pa’med; dariy bochi ban’en ni ngam rin’ed.”
1915	EXO 14:25	I taleg e tayapyap ko chariot rorad ngi i mo’maw rogon e yan rorad, me ga’ar piyu Egypt, “Ngad milgad rok piyu Israel, ya be cham SOMOL ngodad ni pa’rad.”
1939	EXO 15:18	I gur, SOMOL, e pilung ndariy n’umngin nap’an.”
1998	EXO 17:14	Me ga’ar SOMOL ngak Moses, “Mu yoloy e ran’ey nga babyor nge par ndab ni pag talin, ma gog ngak Joshua ni bay gu gagiyegnag yu Amalek ngar pired nike math murung’agrad.”
2011	EXO 18:11	Kugnang e chiney ni fare SOMOL e ri kab ga’ ngak urngin e pi got, ya nap’an ni be gafgownag e girdi’ nu Egypt piyu Israel miyad be changar ngorad nga but’ me rin’ ban’en ni ara’rogon.”
2181	EXO 24:3	Me yan Moses nge weliy ngak e girdi’ urngin e tin ngan rin’, nge urngin e pi motochiyel rok SOMOL. Me fulweg urngin e girdi’ nta’abyay ni lungurad, “Bay gu rin’ed gubin e tin keyog SOMOL ni nggu rin’ed.”
2404	EXO 30:21	Thingar ra maluk niged pa’rad nge rifrifen ayrad, ya nge dab ra m’ad. Nge par e ren’ey nib gam’ing ni ngu’ur rin’ed nge pi’in owcherad ni dariy n’umngin nap’an.”
2452	EXO 32:13	Mu leamnag fapi tapigpig rom i Abraham, Isak, nge Jakob. Mu leamnag fare michmich ni mu tay ngorad ni bay mu pi’ ngorad e pi’in owcharad ni bod feni yo’or e t’uf u lanelang, ma bay mu pi’ ngak e pi’in owcherad e re nam ney ni ga’ngin ni ngar tafned ni dariy n’umngin nap’an.”
2477	EXO 33:3	Ngam marod nga ba nam ni pire’ ban’en riy ma ba yong’ol e but’ riy. Machane gathi bay gu un ngomed, ya gimed girdi’en ba nam ni gimed ba gelan’, ma richey mu gu li’med u kanawo’ ngam m’ad.”
2491	EXO 33:17	Me ga’ar SOMOL ngak Moses, “Bay gu rin’ ni bod ni kamog, ya gu manangem ni bfel’ rogon ma gab fel’ u wun’ug.”
2506	EXO 34:9	Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”
2551	EXO 35:19	nge fapi mad rok e prist nrib gamog ni nga ron’ed u nnap’an ni ngar pigpiggad u lan fa Gin nib Thothup — fapi mad nib tabgul ni fan ngak Aron ni prist nge pifak ni pumo’on.”
3658	NUM 1:53	Machane pi girdi’ ko ganong rok Levi e yad ra n’uf e pi Tent rorad nib liyeg fare Tent rog ngu’ur matnagiyed, ya nge dabi chugur yug be’ ngay ya ri mang tapgin e damumuw rog ni nge aw ngak yu Israel ni ga’ngin.”
3796	NUM 5:3	Miyad chuweg urngin pi girdi’ ney ni yad ba ta’ay, ya nge dab ra ta’ay niged e gin ni yibe par riy, ni gin’en ni gu ma par riy u fithik’ pi girdi’eg.”
3862	NUM 7:11	me ga’ar SOMOL ngak Moses, “Mog ngorad ngar pi’ed e tow’ath rorad nra reb e rran u lan fa ragag nge l’agruw i rran ni ngan madnomnag fare altar riy, me bagyad fapi tayugang’ me pi’ e tirok e tow’ath.”
3942	NUM 8:2	“Mog ngak Aron ni nge ayliy fa medlip i magal ni ngi i mat nga m’on.”
4072	NUM 12:12	Dab mu pag Miriam nge bod ban’en nni gargeleg nib yam’ ni balay i yang e kan languy kem’ay.”
4109	NUM 13:33	ma kug guyed fapi girdi’ ni n’un’uw u rom, ni yad fapi cha’ ni owchen Anak. Ma rogon ya’amad u cherrad e gowa yochi asmen’ing ni pa’chichig.”
4277	NUM 18:19	“Gubin e tin nib mal’eag e f’oth ni be pi’ yu Israel ngog e go’ kug pi’ ngom nge pifakam ni pumo’on nge ppin. Ku gu micheg e ran’ey ngom nge pi’in ni owchem, ni dabi thil bi’id.”
4380	NUM 22:4	Piyu Moab e lungurad ngak e pi’in yad ma yog e thin rok piyu Midian, “Pi girdi’ nem ni aram farad yo’or e dabi n’uw nap’an miyad kirebnag urngin ban’en ni bay u to’obdad, ni bod ba garbaw ni kay e pan u bang nge mu’nag.” Me l’oeg Balak ni Pilung
4382	NUM 22:6	Yad bo’or ngomad, ere moy ngam yibil ngam bucheg wa’athrad, ma aram e sana rayag ni gu gelgad ngorad ma gamad tulufrad ngar chuwgad ko nam romad. Gu manang ni pi’in ga ra yibilay ni nge fel’ wa’athrad e ra fel’ wa’athrad, ma pi’in ga ra bucheg wa’athrad e ra buch wa’athrad.”
4388	NUM 22:12	Me ga’ar Got ngak Balaam, “Dab mu’un ngak e pi pumo’on nir, ma dab mu bucheg wa’athan e girdi’ nu Israel, ya kug fal’eg wa’athrad.”
4421	NUM 23:4	me yib Got ngar mada’gow. Me ga’ar Balaam ngak, “Medlip e altar ni kug ubung nra reb ma kug maligachnag u daken reb e garbaw ni pumo’on nge reb e saf ni pumo’on.”
4427	NUM 23:10	Pi’in owchen yu Israel e yad bod e fiyath, yad pire’ ndabiyag i the’egrad. Mu pag nggu museg e pi rran rog ni bod reb e girdi’ rok Got; Mu pag nggum’ u fithik’ e gapas ni bod rogon e pi’in yad mmat’aw.”
4428	NUM 23:11	Me ga’ar Balak ngak Balaam, “Be mang e biney ni kam rin’ ngog? Kug piningem ngaray ni fan e ngam yibil ngam bucheg wa’athan e pi to’ogor rog, ma n’en ni kam rin’ e kam fal’eg wa’athrad.”
4430	NUM 23:13	Me ga’ar Balak ngak Balaam, “Mu un ngog ngdarow ngabang ni ga ra par riy ma kemus ni boch piyu Israel e ga ra guyrad. U rom e ngam yibil riy ngam bucheg wa’athrad.”
4456	NUM 24:9	Yu Israel e bod ba layon nib gel; ra be mol ma dariy be’ nra ga’aran’ ni nge pug. En nra fal’eg wa’athan yu Israel e ra fel’ wa’athan, ma en nra bucheg wa’athan yu Israel e ra buch wa’athan.”
4547	NUM 26:56	Binaw ni nge milfan ngorad ni ngan f’oth e nge m’ag nga oren e tin nib yo’or e girdi’ riy nge tin nde yo’or.”
4577	NUM 27:21	Bay i toer ngak Eleazar ni prist, mi Eleazar e bay i maruwel ko fare Urim nge Thummim. Ara’ rogon ni bay i pow’iy Eleazar Joshua nge urngin e girdi’ nu Israel u urngin e tin bay ur rin’ed.”
4744	NUM 32:24	Ere mu fal’egged e pi binaw romed nge pi chumol ko saf romed, machane ngam rin’ed e n’en ni kam og naged ni ngam rin’ed.”
5046	DEU 4:40	Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”
5193	DEU 10:5	mu gu cheal nggu log u daken fare burey nga but’. Mu gu tay ni ruw yang ngalan fare kahol ni kug ngongliy ni bod rogon ni yog SOMOL ngog, ni kabay u rom ni ka’aram nap’an.” (
5681	DEU 28:68	Bayi fulwegmed SOMOL u barkow nga Egypt, ni yug aram rogon nike ga’ar dakuriy rogon miki gimed sul e ngaram bayay. Mu rom e bay um guyed rogon ni ngam pi’ed gimed nchuway’ ngak e pi to’ogor romed ni aram e ngam manged sib rorad. Machane dariy ta’abe’ nra m’agan’ ngay ni nge chuw’iymed.”
5736	DEU 31:6	Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed.”
5759	DEU 31:29	Gu manang ni bay gum’ ma bay i gel e kireb romed ngam n’iged e pin’en ni kug fil ngomed. Ma bayi taw nga bangiyal’ ni bay mmachda’ niged e riya’, ni bochan e ka mu k’arnged e damumuw ngak SOMOL ya ka mu ngongliyed e tin ni yog ndab mu rin’ed.”
5900	JOS 3:5	Me ga’ar Joshua ngak piyu Israel, “Mu macholbog niged gimed, ya gabul e bayi ngongliy SOMOL e maang’ang u fithik’med.”
5908	JOS 3:13	Ma pi prist ni yad be mat’nag fare Kahol ko M’ag rok SOMOL ko fayleng ni ga’ngin e nap’an ni yad ra tay e rifrif rorad nga fithik’ e ran, me tal e ran ko fare lul’ ni Jordan ndabki yan, ma ran ni be yib u p’ebugul e lul’ e bayi mokun nga ta’bang.”
5936	JOS 4:24	Urngin e girdi’ nu fayleng e bay ra nanged gelngin SOMOL ni bochan e ren’ey, ma bay um tedfan SOMOL ni Got romed ndariy n’umngin nap’an.”
5938	JOS 5:2	Me ga’ar SOMOL ngak Joshua, “Mfek e malang nib el ngam ngongliy boch e yar riy ngam maad’adnag piyu Israel ko yay ni l’agruw.”
5957	JOS 6:6	Me pining Joshua fapi prist, nge weliy ngorad ni ga’ar, “Mfeked fare Kahol ko M’ag; me yan medlip i gimed nga m’on riy, ni yad be fek e yabul ni gagey ko saf ni pumo’on.”
6022	JOS 8:18	Me ga’ar SOMOL ngak Joshua, “Mu pulweg e sarey rom nga Ai; ya nggu pi’ nga pa’am.” Me rin’ Joshua nrogon ni kanog ngak,
6052	JOS 9:13	Nap’an ni gu suguyed e pi tutuw ko wayin romad, ma kab be’ech, ma am sap! Ya ke kaday. Mad romad nge sus e go’ ke kaday ko milekag nib n’uw.”
6291	JOS 17:14	Me ga’ar e pi’in owchen Josef ngak Joshua, “Mangfan ni kemus ni ta’bang ko fare gi binaw e kam pi’ ngomad ni nggu tafned? Gamad ba yo’or ni bochan e ke fal’eg SOMOL wa’athmad.”
6433	JOS 22:5	Nopa’med ni ngam folgad ko fare motochiyel ni pi’ Moses ngomed: nge t’uf SOMOL ni Got romed, mi gimed rin’ e tin nib mag’an ngay, mi gimed fol ko pi motochiyel rok, mi gimed par ni gimed ba yul’yul’ ngak, mi gimed pigpig ngak u polo’ i gumircha’med ngu polo’ i lanin’med.”
6457	JOS 22:29	Ri dabi chuchugur ni nggu togopluwgad ngak SOMOL ara gu digeyed ni dab kug falwokgad rok ni bochan e kug toyed altar ni ngan urfiy e maligach ni mo’oruf u daken ara fan ko grain ni ngu’un pi’ riy. Ma dab gu toyed yug reb e altar nib thil ko birok fare SOMOL ni Got rodad ni bay u mit fare Tent u p’eowchen.”
6498	JOS 24:20	ni fa’an gimed ra pag SOMOL ngam pigpiggad ngak yugu boch e got u boch e nam, ma aram e ra pig i cheal ngomed nge gechig nagmed. Ma ra li’med ngam m’ad, ni yugu aram rogon ni i par ni be ngongliy e tin ni bfel’ ngomed ko som’on.”
6502	JOS 24:24	Me ga’ar piyu Israel ngak Joshua, “Bay ug pigpiggad ngak SOMOL ni ir e Got romad, mu ug folgad ko tin keyog ni nggu rin’ed.”
6670	JDG 6:14	Me yog SOMOL ngak e n’en nge rin’, ni ga’ar, “Mman ngari mus rogom riy ngam laeg yu Israel u pa’ yu Midian. I gag e kug l’oegem.”
6740	JDG 8:19	Me ga’ar Gideon, “Yad pi walageg ni pumo’on, nri pifak e chitinag. Kari gu micheg, ni fa’an mang e da mu li’ewrad, ma dab gu li’mew.”
6741	JDG 8:20	Me ga’ar ngak Jether, ni ir e bin th’abi ilal u fak ni pumo’on, “Mu sak’iy ngam li’row ngar m’ow.” Machane de girengiy fare pagel e saydon rok. Ya ke rus ni bochan e kab bitir.
6742	JDG 8:21	Me ga’ar Zebah nge Zalmunna ngak Gideon, “Moy, i gur e ngam li’mow. Pumo’on e nge ngongliy e maruwel ko pumo’on.” Ma aram me li’ Gideon Zebah nge Zalmunna, me fek e nunuw ni bay u belel’ugun e kamel rorow.
6810	JDG 9:54	Ma aram me gur nge pining be’ nib pagel ni ir e ma fek talin e cham rok nge ga’ar ngak, “Mu girengiy e saydon rom ngam li’eg nggum’. Ya dabnog ni be’ ni bpin e ke li’eg.” Ma aram me kuruf fare pagel e saydon ngak nge for u barba’ rok nge yim’.
6868	JDG 11:37	Machane me ning ngak e chitamngin ni ga’ar, “Mu rin’ e ta’abney ni fan ngog. Mu pageg nge yan rogog ngog ni l’agruw e pul, ya nge yag ni nggu’un ko pi tafger rog ngu’ug warod u fithik’ e burey ma gamad be yor nigeg ni thingar gum’ ni dawor gu nang e pumo’on.”
6905	JDG 13:19	Me fek Manoah fare pifak e kaming, nge boch e grain nge pi’ ni maligach u daken fare altar ni war, ni aram e ke pi’ ngak SOMOL, nma ngongliy e maang’ang.”
6909	JDG 13:23	Me ga’ar le’engin ngak, “Fa’an mang e finey SOMOL ni nge li’dow ngadm’ow, ma dabi fel’ u wan’ e tin kadpi’ew ni maligach; ma dabi dag ngodow urngin e pin’ey, ara weliy ngodow e tin ke weliy e ngiyal’ney.”
6913	JDG 14:2	Me sul nga tafen, me ga’ar ngak e chitamngin nge chitiningin, “Kug guy ba rugod u Timnah ni be’ nu Filistia. Marow mu ningew; ya gu ba’adag ni nggu le’engiy.”
6914	JDG 14:3	Machane me ga’ar e chitamngin nge chitiningin ngak, “Mangfan ni ngam man ko tinir e Filistine ni dar nanged Got ni ngam le’engiy bagyad? Mog, dabiyag ni ngam gay reb e rugod ko karodad e girdi’, u fithik’ e tirodad e girdi’?” Machane me ga’ar Samson ngak e chitamngin, “I ir e kug leamnag ni ngam marow mu ningew, ya gu ba’adag.”
6924	JDG 14:13	Ma fa’anra dabiyag me ere ngam pi’ed ngog guyey yang e mad ni wech nge guyey wu’ e mad ni bfel’!” Me lungurad ngak, “Mu weliy e salipow rom ngomad nggu rung’aged.”