71	GEN 3:15	I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”
147	GEN 6:9	Ba’aray e pi’in ni owchen Noah: dalip e pagel ni fak ni immoy, ni Shem nge Ham nge Jafeth. Noah e be’ nib mo’on ni bfel’ ni kemus ni ir e immoy ni kabfel’ u wan’ Got e ngiyal’nem; i par ni bay Got rok.
318	GEN 12:19	Mangfan ni lungum e be’ ni bpin ni walagem, kug fek ni nge mang bpin rog? Ba’aray le’engim; mfek ngam chuwgow!”
325	GEN 13:6	Binaw ni bay e pan riy ni tagil’ e abich rok e gamanman e dabi gaman e gamanman rorow riy ni fa’ani yow ra par u ta’bang; ya ra bagayow ma ke yo’or i yo’or e tirok e gamanman.
413	GEN 17:15	Me ga’ar Got ngak Abraham, “Dab kum pining Sarai ngak le’engim; ya ke par fithingan e chiney ni Sarah.
477	GEN 19:19	Mu telim, ri ba ga’ ba ayuw ni kam pi’ ngog; kammagaer ni kam ayuweg e pogofan rog. Machane pi burey e ri kab mal’af; ra dawor gu taw ngaram me taw e re riya’ nir ngog, nggum’ ni dawor gu taw ngaram.
576	GEN 23:4	“I gag e gub milekag ni gu be par u fithik’med; mu pi’ed bang e binaw ngog nggu chuw’iy nge yag ni gu chubgiliy le’engig riy.”
653	GEN 24:61	Me fal’eg Rebekah rogon nge pi’in rugod ni yad ma ayuweg miyad af nga daken fapi kamel ngar uned ngak fapi pumo’on; ni aram e ke un ngak fare tapigpig rok Abraham.
842	GEN 30:11	Me ga’ar Leah, “Bfel’ wa’athag; me tunguy fithingan ni Gad.
879	GEN 31:5	Me ga’ar ngorow, “Kug guy ni chitamangimew e gathi kargon nib gol ngog ni bod ko som’on; machane Got rok e chitamag e bay ni be un ngog.
909	GEN 31:35	Me ga’ar Rachel ngak e chitmangin, “Chitmag, dab mu puwan’ ngog ya dabi bung rogog ning gu sakiy u p’eowchem; ya gub pal.” Miki gaweg Laban fapi liyos ni thothupen e tabnaw rok made pir’eg.
995	GEN 34:14	Roged nra ga’argad, “Dabiyag ni nggu paged walagmad nge figirngiy be’ ni pumo’on ndawor ni maad’adnag; binem e ra ma’nag famad.
1011	GEN 34:30	Me ga’ar Jakob ngak Simeon nge Levi, “Kam tew e oloboch nga puluwog; ni aram e bayi dabuyeg piyu Kanaan, nge Perizzites, nge gubin e girdi’ ko re binaw ney. Ma gadad buchu’uw; mra chey ni ta’reb lungrad ni ngar togopluwgad ngar chamgad ngog, ma ga’ngin e re ke girdi’ rodad ney nra math owcharad.”
1189	GEN 40:16	Fa’ani guy fa’anem ni pilungen e lum flowa ni fan fare lik’ay ni kanog e bfel’, me ga’ar ngak Josef, “Ku er rogon gag ni kug lik’ay; ni bay dalip i dug u daken lolugeg.
1368	GEN 45:9	“Ere mu gurgad ngam sulod ngak e chitamag nge lungumed ngak, ba’aray e thin rok fakam i Josef: ‘Got e ke teg ni gag e gu be gagiyegnag yu Egypt ni ga’ngin; mu gur nigem nga mub ngog.
1379	GEN 45:20	Ma dabi magafan’rad ni ngar paged e tin bay rorad ban’en; ya gin nth’abi fel’ ko nam nu Egypt e bay ni pi’ ngorad.”
1436	GEN 47:15	Ma nap’an ni m’ay e salpiy rok e girdi’ nu Egypt nge girdi’ nu Kanaan me yib i ga’ar urngin e girdi’ nu Egypt ngak Josef, “Mpi’ e ggan ngomad! Dab mu pagmad nggu m’ad; mu rin’ ban’en! Ya kem’ay urngin e salpiy romad.”
1440	GEN 47:19	Dab mu pagmad nggu m’ad; mu rin’ ban’en! Mu chuw’iymad nge yungi binaw romad ngam pi’ puluwon ni ggan. Bay gu pired ni gamad e sib rok Farao, me tafnay e yungi binaw romad. Mpi’ awochngin e woldug ngomad nge ayuwegmad nge dab kug m’ad ko uyongol me siyki par e yungi binaw romad ndab kun wolduguy.”
1480	GEN 49:6	Dab gu un ngorow ko thin nib mith ni yow ma puruy’nag; dab gu mang reb i girdi’en e mu’ulung rorow, ni bochan e yow ra damumuw mi yow thang e fan rok e girdi’, ma yow ma marwothnag e garbaw nib gosgos u wan’row.
1595	EXO 3:15	Mog ngak piyu Israel ni Gag, fare SOMOL, ni fare Got ko pi chitamangirad, ni Got rok Abraham, Isak, nge Jakob, e ku gu l’ogem ngorad. Ireray fithingag ni bay i par ndariy n’umngin nap’an; tin bay fini i yib e mfen e irera’ e re ngachal ni bay ur pininged ngog.
1828	EXO 12:11	Ba’aray rogon ni ngam longuyed: ngam longuyed ni kam m’aged e leed romed nga lukngumed, ma kam chuwgad nga sus romed, ma bay e sog romed u pa’med; thingar mu longuyed ni gimed ba gur. Ya mur ko madnom ni Paluk’af ni fan ngak SOMOL.
1904	EXO 14:14	I SOMOL e bayi cham ni pa’med; dariy bochi ban’en ni ngam rin’ed.”
1926	EXO 15:5	Ke thareyrad e day nib dib’ag; ra ligilgad nga’ar ni bod ba malang.
1930	EXO 15:9	Me ga’ar e to’ogor, ‘Nggu lol’ograd nggu kolrad; mu gu tay e f’oth ko machaf rorad nggu fek gubin e tin gu ba’adag; bay gu girengiy e saydon rog nggu fek urngin e tin ni bay rorad.’
1946	EXO 15:25	Me meybil Moses ngak SOMOL ni be non ngak nri aram rogon u ngorongoren, me fal SOMOL owchen Moses nga ba ley i gek’iy; me fek Moses fare ley i gek’iy nge yin’ nga fithik’ e ran, me thil fare ran nge fel’ lamen. Me pi’ SOMOL e motochiyel ngorad ni ngar folgad riy, mu rom e ki sikeng nagrad riy.
2071	EXO 20:19	Me lungurad ngak Moses, “I gur e ngam non ngomad nggu rung’aged; ya fa’anra nge non Got ngomad, ma nggu m’ad nriyul’.”
2135	EXO 22:20	“Dab mu gafgow niged ara kireb pa’med nga ba milekag ni be par u fithik’med; ya gimed e ku’um moyed ni gimed bogi milekag u lan fare nam nu Egypt.
2180	EXO 24:2	Kemus ni gur e ga ra yib nga to’obeg; ma dariy bagyad e pi’in kar uned ngom nra yib nga to’obeg, ma tin ke magey e girdi’ e dab ra uned nga daken e burey.”
2185	EXO 24:7	Me fek fare ke babyor ni babyoren fare m’ag u thilin Got nge piyu Israel nge be’eg ngak piyu Israel ni ba ga’ laman, me ga’ar piyu Israel, “Bay gu rin’ed urngin e tin keyog SOMOL ni nggu rin’ed; bay gu folgad rok.”
2310	EXO 28:16	Regi mad nem e ngan t’ar u lukngun ni ta’reb ga’ngin rdan nge n’umngin; ni mereb e inch n’umngin ma ku mereb e inch radan.
2457	EXO 32:18	Me ga’ar Moses, “Gathi aram rogon lingan e garus ni ka ni gel fa lingan e yor ni kan me’waer; ya laman e tang.”
2545	EXO 35:13	nge fare tebel, nge mat’ riy, nge gubin mam’en; nge fare flowa ni kan ognag ngak Got;
2546	EXO 35:14	nge fare tagil’ e magal nge mam’en; nge fapi magal nge gapgep ni ngan fanay ngay;
2548	EXO 35:16	nge fare altar ni yima urfiy e pi maligach ni mo’oruf u daken, nge fare gi waya riy nni ngongliy ko bronze, nge mat’ riy, nge gubin mam’en; nge fare raba’ i dabiy ni yima luknag pa’ay nge rifrifen ey riy, nge ayal riy;
2952	LEV 8:34	Tin kug rin’ed e daba’ e SOMOL e keyog ngomad ni nggu rin’ed; ni bochan e nge chuw e denen romed.
2987	LEV 10:9	“I gur nge fapi pumo’on ni fakam e nap’an ni gimed ra unum e wayin ara ban’en ni yima ching ngay ma dab kumbad ngalan fare Tent u p’eowcheg; ya fa’an gimed ra rin’, ma gimed ra yim’. Ren’ey e nge par nib motochiyel rok e pi’in owchamed e chiney i yan nga ram.
3002	LEV 11:4	machane thingar dab mu longuyed e kamel, rockbadger, ara rabbit. Thingar mu ted e mitney e gamanman nib ta’ay; yad ma kunuy garad ngalan k’anganrad, ma de dar buguli ayrad.
3005	LEV 11:7	Ma dab mu longuyed e babiy. Thingar mu ted nib ta’ay; ya ba madar buguli ay ma der ma kunuy gan ngalan k’angan fini yengyeng.
3033	LEV 11:35	Demturug ban’en nra mul reb fa pin’en nike yim’ nga daken ma ra ta’ay; ra ba stof fa ba oven ma ngan blig.
3059	LEV 13:6	Fare prist e ku ra yib i guy facha’ u nap’an nike gaman fa medlip i rran, ma fa’anra fare m’ar u dow e da ki gagyel ra’en, ma dakir ga’ i yan, ma nge yog ni fa’anem e daki ta’ay; ya kemus nib malad. Ma facha’ e nge luknag e mad rok ma aram e daki ta’ay.
3061	LEV 13:8	Ma fare prist e nge guy facha’ bayay, ma fa’anra fare m’ar u dow e ke garar’, ma nge yog ni fa’anem e ke ta’ay; ya m’ar ko dowef ni ubchiya’.
3064	LEV 13:11	ma aram bm’ar ko dowef ni dabki chuw. Ma fare prist e nge yog ni fa’anem e ke ta’ay; ni dakriy fan ni ngan ki’eg ko girdi’ nga orel, ni bochan e ke par nib ta’ay.
3075	LEV 13:22	Ma fa’anra ra be ga’ e fath riy i yan, ma nge yog e prist ni fa’anem e ke ta’ay; ya ke m’ar.
3087	LEV 13:34	Ma rofen nra gaman e medlip fen ngay miki guy fare prist fagi malad, ma fa’anra dawori ga’ ara chur lanmit nga’ar, ma fare prist nge yog ni facha’ e daki ta’ay; me luknag facha’ e mad rok, ma aram e daki ta’ay.
3108	LEV 13:55	Ma aram e thingar ki guy, ma fa’anra fare pthethaw e de thil ra’en, ni yug aram rogon ni de garar, ma ngki par nib ta’ay; thingar mu ufiy fare n’en, ni demturug ko bay fare pthethaw u m’on ko fare n’en fa tomur riy.
3263	LEV 18:11	Dab mu pirew be’ ni bpin ni kemus ni chitmangmew fa chitininginmew e ba ta’reb; ya ir be’ ni bpin ni walagem.
3272	LEV 18:20	Dab mu pirew le’engin yug reb e pumo’on; ya ga ra ta’ay.
3274	LEV 18:22	Dariy be’ nib pumo’on ni ngar pirew reb e pumo’on; rib fananikay Got e binem.
3333	LEV 20:14	Fa’anra le’engiy be’ nib mo’on be’ ni bpin nge chitinngin fare pin, ma yad gubin ni yira urfiyrad ngarm’ad ni bochan e rib kireb e tin kar rin’en; mitney e ngongol e thingar dab ni pag nge buch u fithik’med.
3467	LEV 24:20	Ra t’ar be’ reb e yil rok be’, ma ku reb i yilen e yira t’ar; fa’anra luf barba’ i lanmit be’, ma ku barba’ i lanmit e yira luf; fa’anra t’ar reb i nguwelen be’, ma ku reb i nguwelen e yira t’ar. Demturug e mit i maad’ad nra tay ngak reb e girdi’ ma ku yira rin’ ngak.
3534	LEV 26:9	Bay gu fal’eg wa’athmed nge yib fakmed nib yo’or; bay gu tay u gil tin gog ni gu ra rin’ ngomed ko fare m’ag ni gu ngongliy u thildad.
3705	NUM 3:12	“Fa pi Levite e ke milfarad ngog e chiney. Nap’an nug thang e fan rok urngin e tin nganni’ u pifak yu Egypt, mug tabgul nagrad nike milfan ngog e tin nganni’ i pifak yu Israel ni pumo’on ko pi tabnaw i yan nge tin nganni’ u pifak e gamanman. Ma chiney e ke yan e ganong rok Levi nga luwan e tin nib nganni’ u pifak yu Israel ni pumo’on; bay ra pired nib milfarad ngog. I Gag SOMOL.”
3863	NUM 7:12	Ba’aray yarmen e maligach nra pi’ed: Rran Ganong Mitethin som’on Judah Nahshon nib mo’on ni fak Amminadab l’agruw Issakar Nethanel nib mo’on ni fak Zuar dalip Zebulun Eliab nib mo’on ni fak Helon aningeg Ruben Elizur nib mo’on ni fak Shedeur lal Simeon Shelumiel nib mo’on ni fak Zurishaddai nel’ Gad Eliasaf nib mo’on ni fak Deuel medlip Efraim Elishama nib mo’on ni fak Ammihud meruk Manasseh Gamaliel nib mo’on ni fak Pedahzur mereb Benjamin Abidan nib mo’on ni fak Gideoni ragag Dan Ahiezer nib mo’on ni fak Ammishaddai ragag nge ta’reb Asher Pagiel nib mo’on ni fak Okran ragag nge l’agruw Naftali Ahira nib mo’on ni fak Enan Fapi maligach nra feked i yib e go’ ta’reb rogon: bochi dabiy nib silber ni malngin e wugem e ounce nge bochi taray nib silber ni malngin e guyey e ounce, ni bod rogon ni kan turguy e ngiyal’nem, galin’em ni l’agruw e ba sug ko flour ni kan aruy ko gapgep ni fen e maligach ni grain; nge barba’ i plet nib gol ni malngin e aningeg e ounce, nib sug ko incense, nge reb e fak e garbaw ni pumo’on, nge reb e saf ni pumo’on, nge reb e saf ni ta’reb e duw yangren, ni fen fare maligach ni mo’oruf; nge reb e kaming ni fen fare maligach ko denen; nge l’agruw e garbaw ni pumo’on, nge lal e saf ni pumo’on, nge lal e kaming, nge lal e pifak e saf ni ta’reb e duw yangarad, ni fen fare maligach nma gapaseg thilin Got nge girdi’.
3952	NUM 8:12	Me tay e pi Levite rifrifen pa’rad nga daken lolugen fa gal garbaw ni pumo’on; reb e ngan pi’ nib maligach ni fan ko denen ma reb e nge mang ba maligach ni mo’oruf, ni aram bangbengin ni nge machalbog e pi Levite.
3988	NUM 9:22	Demturug ko l’agruw e rran, fa reb e pul, ara reb e duw, ma n’umngin nap’an ni be par fa gi manileng u daken fare Tent ma aram e ka be par piyu Israel ko fa gin’em; machane nap’an nra muf ngalang miyad milekag.
4107	NUM 13:31	Machane fapi girdi’ nra uned ngak Kaleb nga ranod e lungurad, “Dabiyag ni ngad m’aged e mael ngorad ya gadad bme’ewaer; ya ba gel e mal’af riy ni yad ba gel ngodad.”
4259	NUM 18:1	Me ga’ar SOMOL ngak Aron, “I gur, nge fapi pumo’on ni fakam nge pi Levite e dabisiy ni ngam gafgowgad u wenigan demturug ban’en nib kireb nra buch nib l’ag rogon ko pigpig romed u langgin e Tent u p’eowcheg; machane gur nge pi pumo’on ni fakam e kemus ni gimed ra gafgow u wanagen e kireb ko maruwel romed ni pigpig ni prist.
4312	NUM 19:22	En nib ta’ay e demturug ko mang e ra math ngay mra ta’ay; ma cha’ nra math nga ban’en ni kemath fa’anem ngay e ra par nib ta’ay nge mada’ ko blayal’.”
4545	NUM 26:54	Yungi binaw nib ga’ yang e nge fanay e pi ganong nib yo’or girdi’en, ma yungin ba’chig e binaw e nge fanay e pi ganong nib lich girdi’en; ra reb e pi ganong nem ma nge yag ngak e binaw nib m’ag ga’ngin nga urngirad.
4743	NUM 32:23	Ma fa’anra da mu ted u gil’ e n’en ni kam og niged, ma nggog ngomed e chiney ni bay um denengad nib togopluw ngak SOMOL. Dabi maruwar u wun’med; ni yira gechig nagmed ni bochan e denen romed.
5076	DEU 5:21	“‘Dab mu chogownag le’engin be’ nib mo’on; dab mu chogownag e naun rok, fa binaw rok, fa sib rok, fa garbaw rok, fa gamanman rok ni dongki, fa demturug ban’en nib milfan ngak.
5101	DEU 6:13	Kemus ni SOMOL ni Got romed e ngu’um pired ni bay madgun u wun’med; kemus ni ir e ngu’um liyorgad ngak, ma kemus ni go’ fithingan e ngam mowgad ngay.
5145	DEU 8:6	Ere ngu’um folgad ko tin keyog SOMOL ngomed ni ngu’um rin’ed, um folgad ko pi motochiyel rok mu um pired ni bay madgun u wun’med;
5198	DEU 10:10	“Gu par u daken e burey ni aningeg i ragag e rran nge nep’ ni bod ni gu rin’ ko som’on; ki rung’ag SOMOL e meybil rog e yanem, me magan’ ngay ni dabki thang owchemed.
5220	DEU 11:10	Fare nam ni aram e ngam marod nga langgin ngam pired riy e de bod e but’ nu Egypt, ni gin um pired riy ni som’on. U Egypt e gimed ra yung e grain ma ngam maruwelgad nib gel ngu’um taran niged e yungi n’em;
5274	DEU 13:1	“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.
5323	DEU 15:2	Ba’aray rogon ni ngan rin’. En ke pi’ e salpiy ni malfith ngak reb e girdi’ nu Israel e nge pag fare malfith; dabki guy rogon ni nge fulweg fare salpiy rok fa’anem; ni bochan e SOMOL e ir rok e keyog nike math fare malfith.
5356	DEU 16:12	Ngi i par u wun’med ni ngu’um folgad ko pin’en ni kan ta’chiylen; dab mu paged talin ni um sibgad u lan yu Egypt.
5641	DEU 28:28	Bayi taymed SOMOL ngari man laniyan’med; bayi pagmed ngam ma’ewgad me ma’thuk lanin’med.
5729	DEU 30:19	Kug pining e tharmiy nge fayleng ni ngar mangew mich romed e daba’, ya kug tay nga puluwmed e yafos nge yam’, fel’wa’athan nge buchwa’athan; ni gimed e ngam mel’eged. Mmileg’ed e yafos.
5737	DEU 31:7	Me pining Moses Joshua me ga’ar ngak u p’eowchen urngin e girdi’ nu Israel, “Mu par ni ga ba muduwgil ni dabi marweran’um; ya gur e ngam gafaliy e pi girdi’ ney ngam marod ngalan e re nam nem ni SOMOL e micheg ngak pi chitamangirad.
5774	DEU 32:14	Pi garbaw nge kaming rorad e u ra pi’ed e milik nib yo’or; tirorad e saf nge kaming nge garbaw e th’abi fel’ ni immoy, ma ku er i tay e wheat nge wayin rorad.
5785	DEU 32:25	Mael e bayi li’ e girdi’ ngarm’ad u lan e yupa’ i kanawo’; marus ni tinowey e bayi aw ngalan e pi tabnaw. Pagel nge rugod e bay ram’ad; mus ko bitir ni kabran nge pilibthir ni dariy bagyad nra magach.
5842	DEU 34:1	Me chuw Moses ko tafel’fel’ u Moab nge farthag ko Burey ni Nebo, me yan u rom nge p’ebgul e Burey ni Pisgah ko ngek u Jeriko, ni aram e gin ni dag SOMOL ngak riy ga’ngin yang fare nam ni tabab ko nug nu Gilead nge mada’ ko fachi binaw nu Dan ko lel’och;
5857	JOS 1:4	Ma mathil romed e yan i mus ko fa gi ted ni desert ni bay u lan e yimuch me yan i mada’ ko fapi Burey nu Lebanon ni bay ngalan e lel’och; me tabab ko fare lul’ ni ba ga’ ni Eufrates fithingan ni bay ko ngek, nge ga’ngin yang e nam rok e pi Hittite nge yib i mus ko fare gi Day ni Mediterranean ni bay ko ngal.
5899	JOS 3:4	Ma aram e bay mu nanged e gin ngam sorgad ngay, ya dawor mu uned ngaray. Machane dab mu chugurgad ko fare Kahol ko M’ag; ngu’um leked ni gonap’an e baley e mayl e bay u thilmed nge fare Kahol.”
5957	JOS 6:6	Me pining Joshua fapi prist, nge weliy ngorad ni ga’ar, “Mfeked fare Kahol ko M’ag; me yan medlip i gimed nga m’on riy, ni yad be fek e yabul ni gagey ko saf ni pumo’on.”
5977	JOS 6:26	Me ning Joshua chiylen ngak e girdi’ e ngiyal’nem ni ga’ar, “En nra guy rogon ni nge fulweg e re binaw nu Jeriko ney nga rogon e ra bucheg SOMOL wa’athan. En nra tabab i muruwliy e ra yim’ e bin th’abi ilal i fak ni pumo’on; ma en nra ubung e garog riy e ra yim’ e bin th’abi bitir i fak.”
6436	JOS 22:8	ni ga’ar ngorad, “Mu sulod nga tabnaw romed ni kari fel’ rogmed, nike yo’or e garbaw romed, nge silber, nge gol, nge bronze, nge wasey, nge mad ni yo’or; mu f’othed rok pi walagmed e pin’en ni kam feked ko pi to’ogor romed.”
6717	JDG 7:21	Ma yugu ra be’ me sak’iy u tagil’ ni kar longobiyed e re gin’em; me mil e salthaw rok piyu Midian ni gubin ni yad be tolul.
7130	RUT 1:1	Pi rran nem ni pi’in tapuf oloboch e be gagiyegnag yu Israel e yib ba uyongol ko re nam nem. Mu Bethlehem, ni bay u lan e nam nu Judah, e yan be’ nib mo’on riy ko nam nu Moab ni nge par u rom ni bay n’umngin nap’an; me un le’engin nge l’agruw i pumo’on ni fak ngak ngranod.
7145	RUT 1:16	Machane me fulweg Ruth ni ga’ar, “Dab mu wenig ngog ni nggu pagem; ma dab mu guy rogon ni nge dab ku gu un ngom! Ya demturug e gin’en ni ga ra yan ngay, ma gu ra un ngom; ma demturug e gin’en ni ga ra par riy, ma gu ra un riy ko par. Girdi’ rom e bayi mang girdi’eg; ma Got rom e bayi mang Got rog.
7192	RUT 3:18	Me ga’ar Naomi ngak, “Fakag, mu gumaen’ nigem nge mada’ ko ngiyal’ nike tamilang urngin ban’en; ya Boaz e gathi bayi toffan e daba’ nge yan i mada’ ko ngiyal’ nike mu’ i muruwliy rok e pi thin ney.”
7198	RUT 4:6	Me fulweg fare mo’on ni ga’ar, “Fa’anra er rogon me ere dab kug maruwel nga mat’awug ni nggu chuw’iy e re gi binaw nam, ya tirog e bitir e davi mang gayog rorad. Gur e ngam chuw’iy; mi gag e kabfel’ ni dab gu chuw’iy.”
7205	RUT 4:13	Me fek Boaz Ruth nga tabinaw rok ni aram e ke mang le’engin; miyow par me ayuweg SOMOL Ruth nge diyen, me gargel nib pumo’on.
7252	1SA 2:10	Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”
7483	1SA 12:21	Dab um leked e pi got ni go’ bogi ban’en; ya dabiyag ni ngar ayuweged gimed fa ra ayweged e pogofan romed, ni bochane gathiyad e bin rriyul’ e got.
7542	1SA 14:32	ma aram miyad mil i yan ko pin’en ni kar feked rok e pi to’ogor; miyad fek e saf, nge garbaw ni pumo’on, nge pifak e garbaw ngar li’ed u luwrad, miyad kay e ufin riy ni kabay e racha’ u fithik’.
7571	1SA 15:9	Ma de thang Saul nge salthaw rok e fan rok Agag, ma dar li’ed e tin th’abi fel’ e saf, nge garbaw, nge tin th’abi fel’ u pifak e garbaw, nge pifak e saf, nge tin ni bfel’ ban’en; machane ra kireb niged urngin e tin gathi rib fel’ nge tin ndariy fan.
7666	1SA 17:46	Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,
7700	1SA 18:22	Me yog Saul ngak e pi tolang ni yad bay u tan pa’ ni nge lungurad ngak David, “En ni pilung e ri gab fel’ u wan’ ma urngin e pi tolang ni bay u tan pa’ ni gabfel’ u wun’rad; ere ngiyal’ney e rib fel’ ni ngam leay fachi pin ni fak.”
7771	1SA 20:39	nder nang fan e pin’em; ma kemus ni Jonathan nge David e yow manang fan.
7953	1SA 28:8	Me piliyeg Saul ya’an; i yin’ e mad nga daken nib thil ya’an, ma fa’ani aw e lumor me un l’agruw e salthaw rok ngak ni ngranod ra guyed fare pin. Me ga’ar Saul ngak, “Mu fith e pi kan ngrogned ngom e n’en ni bayi buch ngamog ngog. Mu pining ya’an e re mo’on ni bay gog fithingan.”
7972	1SA 29:2	Ma fa lal i pilung nu Filistia e ranod ko mael ni bay e yu raba’ i salthaw rorad ni yu ra’ay nge yu bbiyu’ girdi’en; me yan David nge tirok e salthaw u tomur ni yad Akish ni Pilung.
8001	1SA 30:20	Miki fulweg urngin e yu ran’ i saf nge garbaw; me yan fapi salthaw rok ni yad be gafaliy fapi gamanman ni gubin ni bay nga m’on; me ga’ar e girdi’, “Pin’ey e bmilfan ngak David!”
8048	2SA 1:23	“Saul nge Jonathan e ri yow bfel’ ma yow ba t’uf; u ranow u ta’bang ko biney e tamilang, ma ku ra m’ow u ta’bang. Yow ba machreg ko arche’ ni eagle, ma yow ba gel ko layon!
8172	2SA 6:12	Me rung’ag David ni Pilung nike fal’eg Got rogon girdi’en e tabinaw rok Obed Edom nge urngin e tin bay rok ni bochan fare Kahol ko M’ag; ma aram me yan i fek u na’un rok Obed nge fek i yan nga Jerusalem, ni ba ga’ e madnom ntay ni fan ngay.
8293	2SA 12:4	Me yan i reb e rran me yib be’ nga tabinaw rok fa’anem ni pire’ ban’en rok ni nge guy. Ma fa’anem ni pire’ ban’en rok e dabun ni nge li’ reb e tirok e gamanman ngan ngongliy rogon ni fan ngak fa’anem; ma aram me yan i fek fare fak e saf ni fak fa’anem nrib gafgow nge yib i li’ nge ngongliy rogon ni fan ngak fa’anem nike yib nga tabinaw rok.”
8297	2SA 12:8	Kug pi’ ngom gil’ilungun ni ngam gagiyegnag nge pi le’engin; ma gu dugiliyem ni gur e ngam mang pilung rok piyu Israel nge yu Judah. Fa’an mang e de gaman e tiney, ma ruw yay e tiney ni ku ra mun ngay nggu pi’ ngom.
8300	2SA 12:11	Gu be micheg ngom ni bay gu gagiyegnag be’ u lan e tabinaw rom nge girengiy e gafgow nga dakenam. Bay mu guy ko ngiyal’ ni ba’aram ni bay gu fek pi le’engim rom nggu pi’rad ngak yugu reb e pumo’on; ma bay i molegrad ni rran.