57	GEN 3:1	Ma porchoyog e ir e th’abi llowan’ ko sabanban u fithik’ e gamanman ni SOMOL ni Got e ke sunumeg. Me fith fare porchoyog ngak fare pin ni ga’ar, “Rriyul’ ni yog Got ngomew ni dab mu koyew wom’ngin urngin e gek’iy ni bay ko gi woldug ney?”
65	GEN 3:9	Me pining SOMOL ni Got fare mo’on ni ga’ar, “Gabayu uw?”
67	GEN 3:11	Me fith Got ngak ni ga’ar, “Mini’ e keyog ngom ni ga bay u tamilang? Mog, kam koy wom’ngin fare ke gek’iy ni gog ngom ni dab mu koy?”
89	GEN 4:9	Me fith SOMOL Kain ni ga’ar, “Bu uw Abel ni walagem?” Me fulweg ni ga’ar, “Da gu nang. I gag e matanag rok walageg?”
369	GEN 15:8	Machane me ga’ar Abram, “SOMOL rog ni Got, ra di’in mu gu nang ni bay gu tafnay?”
390	GEN 16:8	me ga’ar fare engel, “Hagar, ni sib rok Sarai, kamub u uw, ma uw e ga be sor ngay?” Me fulweg ni ga’ar, “Gu be mil rok Sarai ni ug pigpig ngak.”
395	GEN 16:13	Me fith Hagar u wan’ ni ga’ar, “Gur cha’ney ni kug guy e irera’ fa’anem nma guyeg?” Ma aram me tunguy fithingan SOMOL ni ga’ar, “Ba Got ni Ma Guy.”
415	GEN 17:17	Me ragbug Abraham me yip’ owchen nga but’, machane me minmin ya fa’ani leamnag me ga’ar u wan’, “Gur ku rayag ni nge fakay be’ nib mo’on nike gaman 100 e duw yangren bbitir? Gur ku rayag ni nge gargeleg Sarah bbitir ni aram rogon nike mereb i ragag e duw yangren?”
455	GEN 18:30	Me ga’ar Abraham, “SOMOL, wenig ngom, dab mu puwan’, ya ngkug non bayay. Ma fa’anra kemus ni guyey?” Me ga’ar, “Dab gu kirebnag ni fa’anra gu pir’eg guyey.”
456	GEN 18:31	Me ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. Fa’an mang e kemus ni reliw’ e ga ra pir’eg ndarir ngongliyed e kireb?” Me ga’ar, “Fa’an gu ra pir’eg reliw’ ma dab gu kirebnag e re binaw nem.”
506	GEN 20:10	Mangfan ni kam yodor?”
543	GEN 21:29	me fith Abimelek ngak ni ga’ar, “Mangfan e medlip nir e saf ni kamfael nga bang?”
555	GEN 22:7	Me ga’ar Isak, “Chitamag!” Me fulweg ni ga’ar, “Fakag, be mang?” Me fith Isak ni ga’ar, “Kug guy ni bay e kol nge l’ud, machane bu uw e saf ni nge mang maligach?”
597	GEN 24:5	Me ga’ar fare tapigpig, “Ma fa’anra dabi digey e re pin nem e tabinaw rok nge un ngog ko biney e nam, mrayag ni gu pi’ fakam nge sul ko re nam ni ba’aram ni ir e mub riy ngaray?”
615	GEN 24:23	Me fith ni ga’ar, “I mini’ e chitamam? Mog, bay e singgil u naun rok e chitamam nrayag ni gu pired e pi pumo’on ney riy e nep’ ney?”
650	GEN 24:58	Ma aram mi yow pining Rebekah nge lungurow ngak, “Mog, gab adag ni ngam un ngak e re mo’on ney?” Me ga’ar, “Nggu’un ngak.”
657	GEN 24:65	me fith ngak fare tapigpig rok Abraham ni ga’ar, “I mini’ e re mo’on ni ba’aram u daken e flang ni be yib i yib ngodad?” Me fulweg fare tapigpig ni ga’ar, “Ir e masta rog.” Me fek Rebekah bangi mad nma upunguy owchen ngay nge upunguy owchen.
681	GEN 25:22	I diyen nib athlog ma kayow bay u mayal ma yow ma wagey ngorow, me ga’ar fa en ni chitiningirow, “Mang nike buch e biney rog?” Me yan i meybil ni be de’eriy SOMOL.
691	GEN 25:32	Me ga’ar Esau, “Kefel’ ya ke chugur ni nggum’; susun e be mang e ren’en ni bfel’ nra rin’ mat’awug ngog?”
702	GEN 26:9	Me mulwol Abimelek ni nge yan Isak i guy me ga’ar ngak, “Ere iraram le’engim! Mangfan ni mog ni ireram walagem?” Me fulweg Isak ni ga’ar, “Gu leamnag ni yira thang e fan rog ni fa’anra gog ni ir le’engig.”
720	GEN 26:27	Me ere fithrad Isak, “Mang ni kafin mubad ni ngam guyedgag, ya som’on faram ma dubmedgag, me gimed chuwegeg?”
746	GEN 27:18	Me yan Jakob ngak e chitamngin me ga’ar ngak, “Chitamag!” Me fulweg ni ga’ar, “I gur e bin ngan ko fa gali pumo’on ni fakag?”
748	GEN 27:20	Me ga’ar Isak, “Fakag, uw rogon ma ga pir’eg e gamanman ni er feni machreg?” Me ga’ar Jakob, “I SOMOL ni Got rom e ke ayuwegneg kug pir’eg.”
749	GEN 27:21	Me ga’ar Isak ngak Jakob, “Wenig ngom, mu chugur ngara’ nggu math nga dowam. Mog, ri gur Esau ni fakag?”
752	GEN 27:24	machane me fith ngak ni ga’ar, “Mog, ri gur Esau ni fakag?” Me fulweg Jakob ni ga’ar, “I gag.”
764	GEN 27:36	Me ga’ar Esau, “Ke gaman e l’agruw yay ko yaney nike ban nigeg. Arfan ngay ni fithingan e Jakob. Ke fek mat’awug ni bay rog ni bochan e gag e gub nganni’, ke chiney ma ke fek e meybil ni gag e ngan tay ngog. Ere dakuriy reb e meybil ni kam tay ni ngam yibilayeg ngay?”
765	GEN 27:37	Me ga’ar Isak ngak Esau, “Kug mu’ i yibilay ni nge par ni ir e masta rom, ma kug yibilay ni urngin e tirok e girdi’ ni ngar pired ni tapigpig rok. Ma kug yibilay ni nge yag e grain nge wayin ngak. Ere be mang e kabay ni gu ra pi’ ngom, i gur fakag?”
766	GEN 27:38	Me par Esau ngi i wenig ngak e chitamngin ni be ga’ar, “Mog, kari mus ni ta’reb e meybil ni bay rom?” Me ga’ar, “Chitamag, kum yibilayeg,” me pag laman ngalang nge yor.
800	GEN 29:4	Me fith Jakob ngorad ni ga’ar, “Pi tafager, u uw e kambad riy?” Me lungurad, “Kugbad u Haran.”
801	GEN 29:5	Me fithrad ni ga’ar, “Gimed manang Laban ni be’ nib mo’on ni fak Nahor?” Me lungurad, “Gamad manang.”
803	GEN 29:7	Me ga’ar Jakob, “Chiney e kab tamilang, dawori taw ngal’an ni ngan fek e yu ran’ i saf ney nga taferad, mang ndab mu pi’ed e ran ngar unumed mi gimed fulwegrad ngar ked e pan?”
811	GEN 29:15	Me ga’ar Laban ngak Jakob, “Be’ rog gur, machane dab mmaruwel rog ndariy puluwom. Uw urngin puluwom ni ga ba’adag ni nggu pi’ ngom?”
821	GEN 29:25	Ma fa’ani reb e rran riy ni kadbul me pir’eg Jakob ni Leah e ka ni pi’ ngak. Me ga’ar ngak Laban, “Mang ni kam rin’ e biney e pa’ ngog? Kug maruwel rom ni bochan e nge yog Rachel ngog. Ere mang ni kam ban nigeg?”
862	GEN 30:31	Me ga’ar Laban, “Mang e nggu pi’ ni puluwom?” Me fulweg Jakob, “De m’ag u wan’ug ni ngam pi’ puluwog. Ya bay kug ul ul ngay nggu ayweg e gamanman rom ni fa’anra m’ag u wan’um e rebug i thin ni ba’aray:
904	GEN 31:30	Kug nang ni kam chuw ni bochan e karmum’ ni bochan ni ngam sul nga tafnam, ma mangfan ni kam iring e pi liyos ni thothupen e tabnaw rog?”
956	GEN 32:28	Me ga’ar fare mo’on, “Mini’ fithingam?” Me ga’ar, “Jakob.”
958	GEN 32:30	Me ga’ar Jakob, “Wenig ngom, mog fithingam ngog.” Me ga’ar, “Mang ni ga be fith fithingag?” Ma aram me tay fa’anem Jakob ni ngi i fel’ wa’athan.
966	GEN 33:5	Fa’ani sap Esau ni guy fapi ppin nge bitir, me fith ni ga’ar, “Mini’ e pi cha’nir ni kambad?” Me ga’ar Jakob, “Pi cha’ney e bitir nike runguyeg Got ke pi’ ngog.”
969	GEN 33:8	Me ga’ar Esau, “Ma fa tinem e girdi’ ni kug mada’gad mang farad?” Me ga’ar Jakob, “Farad e bochan e ngam runguyeg.”
1094	GEN 37:10	I weliy e lik’ay rok ngak e chitamngin nge ngak pi walagen, me puwan’ e chitamngin ngak ni ga’ar, “Be mang lik’ay e bin? Ga be finey ni chitinam, nge pi walagem ni pumo’on nge gag e bay gu bad gu siro’gad ngom?”
1099	GEN 37:15	me yib be’ nib mo’on i pir’eg ni be yan u daken e pi flang i yan, me ga’ar ngak Josef, “Mang e ga be gay?”
1136	GEN 38:16	Me sor i yan ngak fare pin nga barba’ e kanawo’ me ga’ar ngak, “A mog, uw urngin puluwom ni ga ma fek?” (Denang ni aram fare bpin rok fak.) Me ga’ar fare bpin, “Mang e gara pi ngog?”
1138	GEN 38:18	Me fith fare pumo’on, “Mang e nggu pi’ ngom ni mich ko thin rodow?” Me fulweg fare bpin ni ga’ar, “Ngam pi e hang rom nib mu’un gufan ngay nge re sog ni be’er u pa’am ni ga be fek.” Me pi’ fa pin’em ngak. Aram miyow par, me yib i diyen Tamar.
1159	GEN 39:9	Ba ga’ lungug u lan e re naun ney ni ta’reb rogog ngak, ma dariy ban’en nike tel ndawori pag fan ngog, kemus ni le’engin, ni gur, e dawori pag fam ngog. Ere uw rogon ni nggu ngongliy e binir e ngongol nib kireb nib denen nib togopluw ngak Got?”
1234	GEN 41:38	me ga’ar Farao ngorad, “U uw e gomanga gadad ra pir’eg reb e mo’on riy ni bod e cha’ney, ni bay gelngin Got rok?”
1260	GEN 42:7	Ma fa’ani guy Josef fapi pumo’on ni walagen me poyrad, machane me dake susun e de nang owcherad. Me yog e thin ngorad nib gel ni ga’ar, “U uw e kambad riy ngaray?” Me lungurad, “Kugbad u Kanaan ngaray ni nggu chuw’iyed e ggan.”
1281	GEN 42:28	Me ga’ar ngak pi walagen, “Kan fulweg e salpiy rog ngog. Ba’aray u lan e tutuw rog.” Me ri yib e marus ngorad nib gel, mra bagayad me changar ngak bagayad me lungurad, “Mang e biney nike ngongliy Got ngodad?”
1298	GEN 43:7	Me lungurad, “Re mo’on nem e i fith murung’agmad nge girdi’ nu tabinaw romad ni ga’ar, ‘Kabfos e chitamangimed? Kabay reb e pumo’on ni walagmed?’ Ere dabisiy ni nggu pi’ed e fulweg ko pi de’er rok. U rogon ma gamad nang nra yog ngomad ni nggu feked walagmad nge un ngomad?”
1318	GEN 43:27	Me fith ngorad ko bay e liliy rorad fa dariy, me mu’ me ga’ar, “Ke uw rogon salpen e chitamangimed nike pilibthir, ni ir faram e mu weliyed murung’agen ngog? Kabay ndawori yim’ ma dariy e liliy rok?”
1362	GEN 45:3	Me ga’ar Josef ngak pi walagen, “I gag Josef. Kabfos e chitamag fa?” Me par pi walagen ni kar rusgad ngak nde yag ni ngar fulweged lungun.
1424	GEN 47:3	Me ga’ar Farao ngorad, “Mang e maruwel romed?” Me lungurad, “Gamad ma gafaliy e saf ni bod ni i rin’ pichitamngimad ni kab kakrom i yib.
1429	GEN 47:8	Me ga’ar Farao ngak. “Ke in e duw yangrem?”
1460	GEN 48:8	Fa’ani guy Israel fa gali pagel ni fak Josef, me ga’ar ngak, “I mini’ e gali pagel ney?”
1562	EXO 2:7	Me fith fachi pin ni walagen fare tir fare pin ni fak Farao ni ga’ar ngak, “Dab gu wan gu pining reb e bpin ni Hebrew ni ba’ logowen thuthun nge ayuwegnem ngi i pi’ e thuth ko re tir nir?”
1573	EXO 2:18	Fa’anra sulod ngak e chitamangirad i Ruel, me fithrad ni ga’ar, “Mangfan ni kam sulod e daba’ ni gimed ba papey?”
1591	EXO 3:11	Machane me ga’ar Moses ngak Got, “I gag mini’ ni nggu wan ngak Farao nggu fek piyu Israel nga wuru’ yu Egypt?”
1593	EXO 3:13	Machane me ga’ar Moses ngak Got, “Gu ra yan gu weliy ngak piyu Israel ni lungug ngorad, ‘Got rok pi chitamangimed e ke l’ogeg ni nggub ngomed,’ ma yad ra fitheg ni lungurad, ‘I mini’ fithingan?’ Ma aram e mang e gu ra yog ngorad?”
1638	EXO 5:5	Gimed e pi girdi’ nir e kam yo’orgad ngak piyu Egypt. Ere gimew be finey ni ngam talegewyad ko maruwel rorad?”
1647	EXO 5:14	Fapi cha’ nu Egypt ni yad ma gelnag e thin ngak piyu Israel ngar maruwelgad nib gel e ra toyed e girdi’ nu Israel ni yad ba ga’ u taban e maruwel, miyad fith ngorad ni lungurad, “Mangfan romed e pi girdi’ nir nda mu ngongliyed e rengnga e daba’ nta’reb urngin ko rengnga ni um ngongliyed kafaram?”
1686	EXO 6:30	Machane me ga’ar Moses, “Ga manang ni gag reb e girdi’ nri da gu nang rogon e welthin; ere ra di’in me motoyil fare pilung?”
1785	EXO 10:7	Me ga’ar fapi tolang ni bay u tan pa’ Farao ngak Farao, “Uw n’umngin nap’an ni nge par e re mo’on ney ngi i gafgow nagdad? Mu pagrad ngranod ngar meybilgad ngak SOMOL ni Got rorad. Damur guy nike kireb e nam nu Egypt?”
1786	EXO 10:8	Mi ni yan ni fek Moses nge Aron ngarbow ngak Farao, me ga’ar ngorow, “Rayag ni ngam marod ngam meybilgad ngak SOMOL ni Got romed. Machane chon mini’ e nge yan?”
1945	EXO 15:24	Mu ur gun’gun’gad nib togopluw ngak Moses, miyad fith ngak ni lungurad, “Mang e nggu unumed?”
1955	EXO 16:7	Kadbul e bay mu guyed ramaen e muluplup’ rok SOMOL. Ya ke rung’ag e thin ni gimed be yog nib togopluw ngak. Gamow mini’ ni ngam nonod nib togopluw ngomow?”
1986	EXO 17:2	Miyad welthin nib togopluw ngak Moses ni be lungurad, “Mpi’ e ran ngomad nggu unumed.” Me fulweg Moses ni ga’ar, “Mang ni gimed be togopluw ngog? Mang ni gimed be sikengnag SOMOL?”
1987	EXO 17:3	Machane kari gel e belel ngak e girdi’, mu ur gun’gun’ niged Moses. I lungurad ngak, “Mangfan ni mfekmad nga wuru’ yu Egypt? Bochan e ngam li’mad nriyul’ ko belel, nge pifakmad, nge gamanman romad?”
1991	EXO 17:7	Min tunguy fithingan e gin’em ni Massah nge Meribah, ni bochan e i togopluw piyu Israel, ni aram e kar sikeng niged SOMOL ko fa ngiyal’ nra fithed ni lungurad, “Gur bay SOMOL rodad fa de moy?”
2460	EXO 32:21	Me ga’ar ngak Aron, “Mang e ke rin’ e pi girdi’ ney ngom kam waliyrad kar ngongliyed e biney e denen nrib kireb?”
3973	NUM 9:7	me lungurad, “Gamad ba ta’ay ni bochan e kug mathgad ko yam’, machane mangfan nda ni unegmad ngak e tin kabay yu Israel nggu pi’ed e maligach romad ngak SOMOL?”
4047	NUM 11:22	Yira li’ e garbaw nge saf ma gur yad ra gaman riy? Gur yad ra gaman u urngin e nig ni bay u maday?”
4068	NUM 12:8	Gu ma non ngak ni gamow ba sabol, thin ni gu ma yog ngak e rib tamilang, ya dagur non ngak u fithik’ e salipow; mus nga fog nike guy! Ere di’in me math’ daguwen romew ngam welthingow nib togopluw ngak e tapigpig rog i Moses?”
4112	NUM 14:3	Mangfan ni nge fekdad SOMOL i yan ngalan e re nam nem? Ya yira li’dad u fithik’ e mael, min fek pi le’engidad nge pi fakdad. Gathi kabfel’ ni gadad ra sul nga Egypt?”
4198	NUM 16:3	Ra mo’olunggad nga p’eowchen Moses nge Aron me lungurad ngorow, “Kaygi pagrogon e n’en ni kam rin’ew! Gubin e girdi’ nu Israel nib mil farad ngak SOMOL, ma bay SOMOL rodad ni gadad gubin. Moses, ere mangfan ni kam tolang nigem ngalang rok ga’ngin yu Israel ni girdi’en SOMOL?”
4322	NUM 20:10	Miyow ulunguy Aron yu Israel ni urngin nga m’on ko fare war, me ga’ar Moses, “Gimed e pi tatogopluw nir, mu telmed! Mogned, gimed be leamnag ni nggu fekew e ran ko re war ney ngam unumed?”
4385	NUM 22:9	Me yib Got i fith Balaam ni ga’ar, “Mini’ e pi pumo’on nir ni kar pired rom?”
4404	NUM 22:28	Me gagiyegnag SOMOL fare dongki nge welthin ni bod ba girdi’, me ga’ar ngak Balaam, “Be mang e ren’en nib kireb ni kug rin’ ngom? Mangfan ni nga dalip yay ni kam toyeg?”
4406	NUM 22:30	Me ga’ar fare dongki, “Mog, gathi gag fare dongki rom ni ga ma af nga daken ni n’umngin nap’an e yafos rom ke mada’ ko chiney? Mog, ka’a gu rin’ e bine’ e pa’ ngom?” Me ga’ar Balaam, “Danga’.”
4443	NUM 23:26	Me fulweg Balaam ni ga’ar, “Gathi gog ngom faram nthingar gu rin’ urngin e tin keyog SOMOL ngog?”
5949	JOS 5:13	Nap’an ni chugur Joshua nga Jeriko, ma yigi da’da’ nike guy be’ ni pumo’on nib sak’iy nga m’on rok, ni bay ba saydon u pa’. Me yan Joshua ngak nge fith ni ga’ar, “Gur reb e salthaw romad ara gur e to’ogor romad?”
5987	JOS 7:9	Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”
6047	JOS 9:8	Miyad ga’ar ngak Joshua, “Gamad e ngu pigpiggad rom.” Me fithrad Joshua ni ga’ar, “Gimed chon mini’? Ma uw e kambad riy?”
6512	JDG 1:1	Nga tomuren nike yim’ Joshua me fith e girdi’ nu Israel SOMOL ni lungurad, “Bin ngan ko pi ganong romad e ir e som’on ni nge yan ko mael ngak piyu Kanaan?”
6722	JDG 8:1	Me ga’ar e pumo’on nu Efraim ngak Gideon, “Mang ni mman ni ngam cham ngak piyu Midian ma da mpiningmad? Mang ni kamyodor nagmad?” Ba gel e gun’gun’ nra ted ni bochan e ren’em.
6724	JDG 8:3	U daken gelngin Got ma kam li’ed fa gal ga’ nu Midian karm’ow, i Oreb nge Zeeb. Mang e kug rin’ nra pulweg e biney?” Fa’ani yog e re bugithin ney, me m’ay e damumuw rorad.
6838	JDG 11:7	Machane me fulweg Jefthah ni ga’ar, “Um fanenikayedgag nib gel kam tulfedgag ni nggu chuw u tafen e chitamag. Ere mangfan ni kafniyib e magawon ngomed ma kambad ngog?”
6843	JDG 11:12	Ma aram me l’oeg Jefthah e pi tamal’og ngak e pilung nu Ammon ngar ga’argad ngak, “Mang e n’en ni ga be togopluwnag ngomad? Mangfan ni kam mael ko nam romad?”
6874	JDG 12:3	Nap’an ni gguy ndab mu ayuwgad, mu gu pagfan e fan rog nggu th’ab e mathil ngug cham ngorad, me gel nageg SOMOL ngorad: Ere mangfan ni kambad e chiney ni cham ngog?”
6876	JDG 12:5	Rogon ni yira ayweg ni dabi mil piyu Efraim, e piyu Gilead e ngar koled yuyang ko fare lul’ ni Jordan nrayag i th’ab e lul’ riy. Ma nap’an nra yib reb e girdi’ nu Efraim ni be guy rogon ni nge mil nge th’ab e lul’ nga barba’, me fith e pi pumo’on nu Gilead ni lungurad ngak, “Gur be’ nu Efraim?” Ma fa’anra ga’ar, “Danga’,”
6897	JDG 13:11	Me sak’iy Manoah nge lek le’engin ngranow. Me yan ngak fare mo’on me fith ngak ni ga’ar, “Mog, i gur fare mo’on ni fa’an um welthin ngak e bpin rog?” Me ga’ar, “I gag.”
6898	JDG 13:12	Ma aram me ga’ar Manoah, “Nap’an nra yib i m’ug nib riyul’ e tin kamog, ma mang e n’en thangri rin’ fachi pagel? Ma uw rogon pangin thangri par ko yafos rok?”
6927	JDG 14:16	Me yan le’engin Samson ngak Samson ni be yor me ga’ar ngak, “Da gu t’uf rom! Ya gu manang ndabumgag! Kamog ba salipow ngak e pi tafager rog, ma damog fan ngog!” Me ga’ar Samson ngak, “Mu sap, mus ngak e chitamag nge chitinag ma dawor gu weliy fan ngorow. Ere mang ni nggu weliy fan ngom?”
6929	JDG 14:18	Me chirofen ni gaman e medlip ngay ndawori yan i mol Samson, me ga’ar e pagel ko fare binaw ngak, “Mang e ren’en ni susun e kabgel e athibthib riy ko honey? Ma mang e kabgel ngak ba layon?” Me fulweg Samson ni ga’ar, “Fa’an mang e da mfeked e garbaw rog ngi i girengiy e kuwa romed, ma dawor mu nanged e chiney fan fare salipow.”
6941	JDG 15:10	Me fith e pumo’on nu Judah ngorad ni lungurad, “Mangfan ni kam m’aged e mael ngomad?” Miyad fulweg ni lungurad, “Kugbad ni nggu koled Samson nggu feked, ma gamad rin’ ngak e tin ke rin’ ngomad.”
6942	JDG 15:11	Me yan dalip biyu’ e pumo’on nu Judah ko fare yiy ni bay u taban fa gi rech u Etam, me lungurad ngak Samson, “Da mu nang ni piyu Filistia e yad e yad be gagiyeg nagdad? Ere mang e kam rin’ ngodad?” Me fulweg ni ga’ar, “Kug rin’ ngorad e n’en ni kar rin’ed ngog.”
6949	JDG 15:18	Me yib e belel nib gel ngak Samson, me pining fithingan SOMOL me ga’ar, “Kam gagiyegnag kug gel ko mael; ere nggum’ nriyul’ e chiney ko belel me koleg e pi Filistine ni dar nanged Got?”
6991	JDG 17:9	Me fith Mikah ngak ni ga’ar, “U uw e ka mub riy?” Me fulweg ni ga’ar, “I gag e gu be’ nu Levi u Bethlehem u lan yu Judah. Gu be sapnag bang ni nggu par riy.”
6998	JDG 18:3	Nap’an ni yad bay u rom, miyad poy rogon ni be non fare pagel ni be’ u Levi, mranod ngak ngar fithed ni lungurad, “Mang e ga be rin’ u roy? Mini’ e ke fekem i yib ngaray?”
7019	JDG 18:24	Me fulweg Mikah ni ga’ar, “Mang e ga be yog ni be lungum e, ‘Mang e ke buch rog?’ Kam feked e prist rog nge pi got ni kug ngongliy, kammarod! Mang e kabay rog?”
7036	JDG 19:10	Machane fare mo’on e daki m’agan’ ngay ni ngki par reb e nep’ u rom, ma aram me yan fare pumo’on nge fare pin rok, nike un fare sib ngorow nge l’agruw i dongki ni bay e saddle u daken keru’row. Ke blayal’ e rofen nem ma karbad i yib nga charen yu Jebus (ni aram yu, Jerusalem), aram me ga’ar fare tapigpig ngak e masta rok, “Mangfan ni dab da talgad ngad pired e re nep’ ney u lan e re binaw nu Jebus ney?”
7043	JDG 19:17	Me guy fare pilibthir fare milekag u lulukngun fare binaw me fith ni ga’ar, “Kamub u uw? Ma ga be sor ngan?”