449	GEN 18:24	Fa’anra bay wugem e girdi’ u lan e re binaw nem ndarir ngongliyed e kireb, ma ka ga ra kirebnag e re binaw nem ni ga’ngin? Dab mu tay ndab mu kirebnag ni fan e ngam ayuweg e pogofan rok e re wugem i girdi’ nem?
467	GEN 19:9	Me lungurad, “Mu chuw u kanawo’ romad, ya gab milekag ni mub ngaray! I gur mini’ ni ngamog ngomad e tin nggu rin’ed? Dakumur ning e kanawo’ ngomad, ya rigu rin’ed e ngongol ngom ni kab gel e kireb riy ko ngongol ni nggu ngongliyed ngorow.” Miyad tay e mathur ngak Lot, miyad yan ko mab ni ngar t’ared.
478	GEN 19:20	Ga be guy e re binaw ni ba’aram ni ba’achig? Ba chugur nrayag ni gu thap ngay. Kam guy ni bochi binaw nib achig. Mpageg nggu wan ngay mu gu fos.”
505	GEN 20:9	Me pining Abimelek Abraham nge fith ngak ni ga’ar, “Be mang e kafin mu rin’ ngodow? Mang kireb e kug rin’ ngom ni kam girengiy e biney e riya’ nga dakennag nge nga daken gil’ilungug? Dariy be’ nrayag ni rin’ e n’en ni kam rin’ ngog.
1004	GEN 34:23	Gathi aram e rayag ngodad gubin e gamanman rorad nge urngin e tirorad ban’en? Ere nge m’ag u wan’dad me yag ni ngad pired u ta’bang.”
1895	EXO 14:5	Fa’an nnog ngak Farao ni pilung nu Egypt nike mil piyu Israel, ma aram me thiliyeg Farao nge pi tolang rok lanin’rad u murung’agen piyu Israel, me lungurad, “Be mang e kad rin’ed? Kad paged piyu Israel kar milgad ndab kur manged sib rodad!”
1901	EXO 14:11	Me lungurad ngak Moses, “Bochan e dariy e taliw ko yam’ u Egypt ma aram fan ni kam fekmad i yib ngaray nga daken e ted ni desert ni nggu m’ad? A mu guy e n’en ni kam rin’ ngomad ni bochan e kam fekmad nga wuru’ yu Egypt!
4120	NUM 14:11	Me ga’ar SOMOL ngak Moses, “Uw n’umngin nap’an ni nge par e pi girdi’ ney ni yad be darifan nigeg? Uw n’umngin nap’an ni ngu’ur pired ndaburad ni nge pagan’rad ngog, ni yugu aram rogon nike pire’ bogi maang’ang ni kug ngongliy u fithik’rad?
4470	NUM 24:23	Me weliy Balaam e re yi’iy ni ba’aray: “Mini’ e pi girdi’ nem ni yad be mu’ulung ko lel’och?
5435	DEU 20:6	Bay bigmed u roy ni kaf ni mu’ i yung bangi woldug rok ni grape, ma dawori yag ni nge t’ar wom’ngin? Fa’anra bay, ma nge sul nga tabnaw rok. Ya ra dangay, ma fa’anra yim’ ko mael, ma yug be’ e ra felan’ ko wayin nra yib riy.
5985	JOS 7:7	Me ga’ar Joshua, “SOMOL nib Th’abi Tolang! Mangfan ni mu fekmad nggu th’abed fare lul’ ni Jordan nga ba’ney? Mog, bochan e ngam pi’mad ngak e pi Amorite, ngar thanged owchemad? Mangfan ni yug da gu pired u ba’nem e Jordan?
6669	JDG 6:13	Me ga’ar Gideon ngak, “Siro’, rayag ni gu fith ngom e re bugithin ni ba’aray? Fa’anra bay SOMOL romad me ere mangfan urngin e pi gafgow ney nike yib ngomad? Mang e ke rin’ urngin fa pin’en ni bfel’ nma weliy pi chitamangimad murung’agen ngomad ni i rin’ SOMOL, ni murung’agen rogon ni fekrad nga wuru’ yu Egypt? I SOMOL e ke pagmad. Ke n’agmad nga pa’ piyu Midian.”
6758	JDG 9:2	ni ngar fithed e pumo’on nu Shekem ni nge lungurad, “Bin bu uw e gimed ba’adag? Gimed ba’adag ni nge par fa medlip i ragag e pumo’on ni pifak Gideon ni yad e ngu’ur gagiyeg niged gimed, fa ta’abe’ e nge gagiyeg nagmed? Dab mu paged talin ni gag e gadad ta’ab ufin ma gadad ta’ab racha’.”
6825	JDG 10:12	Sidonia, Amalek, nge piyu Maon, mi gimed yor ngog. Are di’in, da gu ayuwegmed u pa’rad?
6866	JDG 11:35	Ma nap’an ni guy fa chipin, me guchthuy e mad rok ni gelngin e kireban’ rok me ga’ar, “Ah, fakag! Karim kirebnag lanin’ug! Mangfan nri gur e ngam k’aring e amith nga lanin’ug? Kug ngongliy ba m’ag ni kug micheg ngak SOMOL, ni dabkiyag ni nggu sulweg!”
6966	JDG 16:15	Me ga’ar Delilah ngak, “Uw rogon ni ga be yog ni gab adageg, ma gathi er rogon u wun’um? Nga dalip yay ni kam aliliy nigeg, ma kadawor mu weliy ngog ko mangfan ni er fanam gel.”
7120	JDG 21:16	Ma aram me ga’ar e pi tayugang’ ko fare mu’ulung, “Dakriy e ppin u lan fare ganong rok Benjamin. Mang e thingar drin’ed me yag e ppin ni nge le’engiy e tin kabay e pumo’on?
7222	1SA 1:8	Me ga’ar Elkanah ni figirngin ngak, “Hannah, mang ni ga be yor? Mang ndab mu koy ban’en? Mang ni gubin ngiyal’ ni ga be par nib kireban’um? Mog, kabfel’ ragag e pumo’on ni ga ra fakay ngog?”
7265	1SA 2:23	Ma aram me ga’ar ngorow, “Mangfan ni gimew be rin’ e pi n’ir? Gubin e girdi’ ni yad be yog ngog murung’agen e pi kireb ni gimew be ngongliy.
7824	1SA 23:11	Ere mog, ra pi’eg e pi girdi’ ney nu Keilah ngalan pa’ Saul? Mog, rriyul’ nra yib Saul, ni bod ni kug rung’ag? SOMOL, ni Got nu Israel, gu be wenig ngom ni ngam fulweg lungug!” Me fulweg SOMOL ni ga’ar, “Ra yib Saul.”
7874	1SA 25:10	mfin ni fulweg Nabal ni ga’ar, “I David? I mini’ e cha’anir? Ri dawor gu rung’ag ban’en ni murung’agen! Biney e rran e ke sug e re nam ney ko pi sib ni kar milgad rok e pi masta rorad!
8536	2SA 19:23	Me ga’ar David ngak Abishai nge Joab ni walagen Abishai, “Mini’ e ke fith ngomew lanin’mew? Mognew, gimew be finey ni ngam fekew gag ko kireb? I gag e en ni pilung u Israel e chiney, ere dariy be’ u Israel ni ngan li’ e daba’.”
9356	1KI 18:12	Fa’anra gu wan me yib SOMOL nge fekem ngabang ndariy be’ ni manang, me di’in? Fa gu wan gog ngak Ahab ni ga bay u roy me yib ma de piri’egem, ma nge thang e pogofan rog. Dab mpag talin ni ug par ni bay madgun SOMOL u wun’ug ma gub yul’yul’ ngak ni ka nap’an ni gub bitir ke mada’ ko chiney.
9483	1KI 21:29	“Kam guy nga rogon nike sobut’nag Ahab ir u p’eowcheg? Bochan e ke yodoro’, ma aram e dab kug girengiy e riya’ nga daken u nap’an e yafos rok; machane ba pagel ni fak e bay gu girengiy e riya’ nga daken e tabnaw rok u nap’an e par rok ko biney e tamilang.”
9486	1KI 22:3	Me fith Ahab e pi tolang ni yad bay u tan pa’ ni ga’ar, “Mangfan ndawor da guyed rogon ni ngad fulweged ngodad fare binaw nu Ramoth u lan e nug nu Gilead ni fek e pilung nu Syria u pa’dad? Ya tafedad!”
9699	2KI 6:21	Ma fa’ani guyrad e pilung nu Israel, me ga’ar ngak Elisa, “Mog, nge di’in? Nggu li’rad?”
9714	2KI 7:3	Aningeg i pumo’on ni yad ba daraw e yad bay u wuru’ e garog ko binaw, me lungurad, “Mangfan ni ngad pired u roy nge mada’ ko ngiyal’ ni ngad m’ad?
9771	2KI 9:11	Me sul Jehu ngak fa pi’in yad ni pi tolang ko salthaw, miyad fith ni lungurad, “Mog kabfel’ rogon urngin ban’en? Mang e ba’adag fare mo’on nib aliliy ni ngam rin’?” Me fulweg Jehu ni ga’ar, “Gimed manang ko mang e ba’adag.”
9806	2KI 10:9	Me kadbul me yan ko fare garog me ga’ar ngak fapi girdi’ ni yad bay u rom, “I gag e cha’ ni gu makath nib togopluw ngak Joram ni Pilung mug thang e fan rok; gathi gimed e kireb romed e binem. Machane mini’ e ke thang e fan rok e picha’ney?
10055	2KI 18:27	Me ga’ar fare pilungen e salthaw nu Assyria, “Gimed be finey ma yigo’ gimed nge pilung romed e ke l’ogeg e pilung nu Assyria ni nggog e pi thin ney ngam rung’aged? Dangay, ya ngku gu weliy ngak e girdi’ ni kar pired nga but’ u daken e yoror ko binaw, ni yad bod gimed nike mudugil ni bay ra ked t’ayrad miyad unum e garmam’ rorad.”
10951	1CH 21:12	Uyngol ni dalip e duw, fa dalip e pul ni ngu’um mil rok e yu raba’ i salthaw ni to’ogor rom; fa dalip e rran ni nge cham SOMOL ngom ko saydon rok me pi’ ba misilpig nga daken e nam rom; me maruwel nga reb e engel rok nge fek e yam’ nga daken yu Israel ni ga’ngin? Mang e fulweg ni nggu pi’ ngak SOMOL?”
11463	2CH 13:5	Dam nanged ni SOMOL ni Got rok yu Israel, e ngongliy ba m’ag u thilrow David ndabi math bi’id, ni pi’ SOMOL ngak nge pi’in owchen ni yad e ngu’ur pilunggad u ga’ngin yu Israel ni dariy n’umngin nap’an?
11894	2CH 32:14	Wi’in e kay gi pi’ reb e got rok reb e pi nam nem e ayuw ngorad u pa’mad? Ere mang e ke yib ngan’med ni ka mu leam niged nra aywegmed e got romed?
12252	EZR 9:10	Got, me’ere chiney, mang e ku rayag ni nggogned nga tomuren urngin e tin’ey? Ya kug pi’ed keru’mad bayay ko tin mog ngomad
12314	NEH 2:2	me fitheg ni ga’ar, “Mangfan nike kireban’um? Dariy e m’ar rom, machane ke kireban’um.” Mu ggin ko ren’em ni yog
12988	JOB 6:6	Machane mini’ e ma kay e ggan, ni dariy e sol riy? Mang e re lamen ni bay ko fak e nimen ndariy luk’an?
13008	JOB 6:26	Gimed be leamnag ni tin gu be yog e dariyfan kemus nnifeng; me ere mangfan ni gimed be fulweg lungug nike mulan’ug?
13119	JOB 11:7	Mog, rayag rom ni ngam pir’eg e tirok Got ban’en nib to’ar? Rayag ni ngam pir’eg e gin ni mus gelngin e en ni Gubin ma Rayag Rok riy?
13172	JOB 13:15	Ke mulan’ug ko gubin, are fa’anra thang Got e fan rog ma ridi’in? Nggu wan gu weliy lanin’ug ngak.
13181	JOB 13:24	Mang ni ka mu fek owchem rog? Mang ni ka mu teg ni gowa gu ba to’ogor?
13245	JOB 16:3	Ngam welthingad i yan ndab kum talgad bi’id? Gubin ngiyal’ ma der aw e thin u puluwomed nga but’?
13284	JOB 18:4	Ga be gelnag e gafgow rom ko damumuw ni ga be tay’. Gur, yira chuw u daken e fayleng ni bochan e kam damumuw? Gur, bayi mithmitheg Got e burey ni bochan e nge fal’eg lanin’um?
13704	JOB 34:17	Mog, ga be turguy e kireb nga daken Got nib mat’aw? Ga be leamnag ni ir e dabun e tin nib mat’aw?
13802	JOB 38:5	Mini’ e duwgiliy ga’ngin e fayleng ni nge yan i par? Mini’ e gad e fol ngay? Go’ ga manang murung’agen e pin’ey?
13825	JOB 38:28	Gur bay e chitamngin e n’uw nge wa’angachal?
13830	JOB 38:33	Mog, ga manang e pi motochiyel ni be gagiyegnag lanelang ma gur rayag ni ngam fanay ko tin nu fayleng ban’en?
13831	JOB 38:34	Rayag ni ngam tolul ngamog ko pi manileng miyad maluk nigem ko n’uw?
13857	JOB 39:19	Mog, i gur e mu pi’ gelngin e pi os me gur e mu tay fapi piy nma gafgaf u daken belel’ugunrad?
13858	JOB 39:20	Mog, i gur e mu tayrad ni ngu’ur tim’oggad ni bod e asmen’ing ma be rus e girdi’ nga lingan p’ethungrad?
13892	JOB 40:24	I mini’ e rayag rok ni nge ma’ewnag nge kol? Ara mini’ e rayag rok ni nge ngongliy e wup nge l’eg p’ethungun?
13896	JOB 40:28	Gur ra ngongliy ba tha’ u thilmew nge micheg ni bayi pigpig ngom ndariy n’umngin nap’an?
14096	PSA 14:4	Me fith SOMOL ni ga’ar, “Gur dar nanged? Gur urngin e pi cha’ney ni yad be ngongliy e kireb e de tamilangan’rad? Kar pired yad be leag u fithik’ e yargel e tirok e girdi’ rog, ma darir meybilgad ngog.”
14222	PSA 22:2	Got rog, Got rog, mang ni kam n’igeg? Kari gu wenig ngom u fithik’ e gel’gel’ ni ngam ayuwegneg, ma ka dawori taw e ayuw rom ngog!
14583	PSA 42:3	Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?
14586	PSA 42:6	Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.
14592	PSA 42:12	Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.
14597	PSA 43:5	Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.
14760	PSA 53:5	Me fith Got ni ga’ar, “Gur, dar nanged? Gur pi chan’ey ni yad be ngongliy e kireb e de tamilngan’rad? Kar pired ni yad be mororo’ ko tirog e girdi’ u fithik’ e yargal, ma dariy bangiyal’ ni yad ma meybil ngog.”
14823	PSA 58:2	Gimed e pi tagagiyeg, kay gu mu turguyed ban’en nib mat’aw? Ba mat’aw rogon ni gimed be pithig e oloboch rok e girdi’?
14863	PSA 60:12	Got rriyul ni karim n’agmad? Mog, dab kum un ngak e pi salthaw romad ko mael?
14878	PSA 62:4	Bu uw n’umngin nap’an ni ngkum chamgad ngak be’ nike bod feni waer ba yoror nike m’ing?
15104	PSA 74:1	A Got, mangfan ni kam n’agmad ni aray rogon? Mog, yug ra um par ni gab damumuw ko girdi’ rom ni dariy n’umngin nap’an?
15114	PSA 74:11	Mangfan ni kam siyeg ni ngam aywegmad? Mangfan ni kam m’ag pa’am nga ker’um?
15159	PSA 77:9	Gur, aram e ke tal ni dabki t’ufegdad? Gur, aram e ke m’ayfan e n’en ni micheg nra rin’?
15248	PSA 79:5	SOMOL, ga ra par ni gab damumuw ngomad ni dariy n’umngin nap’an? Ra par e damumuw rom ni be yik’ ni bod ba nifiy ni dabital?
15339	PSA 85:6	Mog, ngam par ni gab damumuw ngomad ni dariy n’umngin nap’an? Mog, nge par e damumuw rom ni dabi chuw bi’id?
15382	PSA 88:11	Mog, ga ma ngongliy e maang’ang ni fan ko pi’in karm’ad? Gur, yad ma suwon ngalang ngar pininged e sorok ngom?
15386	PSA 88:15	SOMOL, mangfan ni ga be n’igeg? Mangfan ni ga be mithag owchem rog?
15437	PSA 89:47	SOMOL, uw n’umngin nap’an ni ngam mithagem, dariy n’umngin nap’an? Uw n’umngin nap’an ni nge yik’ e damumuw rom ni bod e nifiy?
15500	PSA 94:3	Bu uw n’umngin nap’an ni ngi i felan’ e pi’in kireb? SOMOL, bu uw n’umngin nap’an?
15506	PSA 94:9	Got e ngongliy teldad, ere der rung’ag ban’en? Ma ir e ke sunumiy lan owchey, ere der guy ban’en?
15821	PSA 108:12	Rriyul’ ni kam n’agmad? Mog, dab kum un ngak e salthaw romad ko mael?
16171	PSA 124:1	Fa’an mang e da i moy SOMOL u ba’ rodad ma gadad ra di’in? Israel, mu pi’ e fulweg riy!
16599	PRO 5:12	ma bay mu ga’ar, “Mang ni da’ug fol? Mangfan ni dagpag be’ nge yal’uwegneg?
17149	PRO 23:35	Ma bayi lungum, “Sana kan toy ban’en ngog, sana kan li’eg, machane da kug nang. Mang ndabiyag ni nge tamilangan’ug? Thingar gu wan ngkug unum e rrum bayay.”
17255	PRO 27:16	Uw rogon ni ngam taleg ni dabki non? Ka am taleg e nifeng, ara mu gogoy e gapgep ngalan pa’am?
17388	ECC 1:3	U nap’an e yafos rom e ka mu parnag e maruwel, ni maruwel nib gel, ma mang gam’ingin ni nge yib i m’ug?
17499	ECC 6:12	Bu uw rogon me nang be’ e n’en nib th’abi fel’ ngodad ko chi yafos rodad ney nib ngoch, ma ba m’ayfan, ni ba yafos ni be thimur ni bod fon ban’en. Uw rogon ma gadad nang ko mang e bayi buch u fayleng u tomuren ni kadm’ad?
17516	ECC 7:17	Machane ku dabi pag fanam kireb fa mu thum’ ngaru’ ko balyang, mangfan ni ngamum’ u m’on ni dawor i taw nga nap’an?
17736	ISA 1:12	Mini’ e keyog ngomed ni ngam feked urngin e pin’ey i yib ngog ko ngiyal’ ni gimed be yib nga p’eowcheg? Mini’ e keyog ngomed ni ngu’um mot’ed lan e Tempel rog?
18279	ISA 29:16	Ka ra tibuliyed gubin ban’en. Bin ngan e ba ga’ fan, facha’ nma ma’ th’ib ara fare gi but’ nth’ib? Rayag rok ban’en ni gur e mu ngongliy ni nge ga’ar ngom, “Gathi gur e mu ngongliyeg.” Ara ga’ar, “I gur e damur nang ko mang e ga be rin’.”
18504	ISA 40:14	Gur mini’ e ke yan Got ngak ni fan e nge nang ban’en me tamilangan’ riy me fil ngak rogon i ngongliy ban’en?
18511	ISA 40:21	Mogned, dawor mu nanged? Dawor mu rung’aged? Dawor nog ngomed kakrom? Dawor mu rung’aged rogon e fayleng ni sum?
18518	ISA 40:28	Da mu nang? Dawor mu rung’ag? I SOMOL e ir fare Got ni bay i par ndariy n’umngin nap’an; ir e sunumiy e fayleng ni ga’ngin. Dar ma yib e magaer ngak ma dar m’ay gelngin. Dariy be’ ni manang e leam rok.
18570	ISA 42:20	Israel, pire’ ban’en ni kam guy, machane mang fan u wun’um? Bay telim ni ngam rung’ag ban’en ngay, machane ba mang e ka mu rung’ag?”
18573	ISA 42:23	Mini’ e aromed ni bayi motoyil ko pin’ey? Rayag ni ngam fal’eged e motoyil e chiney i yan ngaram?
18640	ISA 45:9	Rayag rok ba th’ib ni but’ ni nge tugthin ngak e cha’ ni ir e ngongliy, ni ba th’ib ni ta’reb rogon nga urngin e th’ib ni bay? Rayag rok e but’ ni th’ib ni nge fith ngak e en ni be ngongliy ko mang e be rin’ fa’anem? Rayag rok ba th’ib ni nge thibthibnag salapen pa’ e en ni ngongliy?
18733	ISA 50:1	Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.
18782	ISA 53:1	Me fulweg e girdi’ ni lungurad, “I mini’ e ra mich u wan’ e ren’en ni gadad ra weliy murung’agen e chiney? Mini’ e rayag ni guy pa’ SOMOL ni be maruwel u fithik’ e ren’ey?
18841	ISA 57:6	Gimed be fek e malang nib sapachpach downgin u lan e yochpa’ i lul’ ngu’um ted fan ni aram e pi got romed. Ma gimed ma pu’og e wayin mi gimed be pi e grain ni maligach romed ngorad. Gimed be leamnag ma bm’ag u wun’ug urngin e pinn’ir?
18846	ISA 57:11	I SOMOL e ga’ar, “Mini’ e tiney e got nike k’aring e marus ngomed, ni gimed be ban nigeg ma kug chuw u lanin’med? Fan ni dakmur liyorgad ngog e bochan e ke n’uw nap’an ni kug th’ab gulngag?
18966	ISA 64:11	SOMOL, der kireban’um ko pin’ey? Mog, dariy ban’en ni ngam rin’ ngay ma ngam pagmad ngu’ug gafgowgad nib pag rogon?
19048	JER 2:14	“I Israel e gathi ba sib; ya da ni gargelnag nib sib. Ere pi to’ogor rok e mangfan ni yad be gay ni ngar li’ed?
19110	JER 4:14	Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?
19149	JER 5:22	I gag e SOMOL, ere mangfan ni damur rus gad ngog? Mang ni damur t’on gad u p’eowcheg? Gu tay e yan’ ni aram e mathil ko day, ni ba mathil nib muduwgil ni dabi th’ab e day nga barba’. Ra i malach e day, machane dabyag ni nge th’ab nga barba’; ma ra mada’ lingan e n’ew ngalang ma dabyag ni nge pil nga barba.
19253	JER 9:8	Gur dab gu gechig nagrad ni fan e pin’ey? Gur dab gu falbayen ba nam ni aray rogon? I Gag SOMOL e gu be non.”
19319	JER 12:1	“SOMOL, fa’an gu ra tugthinnag e re pa’ i oloboch rog ney ngom, mra m’ug ni gur e ba sorom. Chiney e thingar gu fith ngom murung’agen e tin nib mat’aw. Mangfan ni pi’in kireb e ba yo’or ban’en rorad? Mangfan ni pi’in nde yul’yul’ e yad ba fla’ab?
19467	JER 18:14	Gur kay gi par fapi burey nu Lebanon nib tolang ma go’ war bingyal’ ndakuriy e ayis u p’ebugul? Gur ka’a yigi mlik’ e yu pa’ i lul’ ni yib u p’ebugul nga but’ nrib garbeb e ran riy?
19551	JER 22:28	Gu be ga’ar, “Gur i Jehoyakin ni Pilung e ke bod ba rume’ nike pil kan’ag ni dakriy be’ ni ba’adag? Gur arfan ni ka ni fek nge pifak ni kalbus nga ba nam ni dariy ban’en ni yad manang u murung’agen?”
20203	JER 49:7	Irera’ e n’en ni yog SOMOL ni Gubin ma Rayag Rok u murung’agen yu Edom: “Gur, girdi’ nu Edom e ke man lanin’rad? Gur, dakir yog e pi tafanow rorad e n’en ni ngar rin’ed? Gur, gubin e gonop rorad ma ke chuw?