5	GEN 1:5	me tunguy fithingan e tamilang ni “Rran”, me tunguy fithingan e lumor ni “Nep’.” Me chuw e nep’, me yani kadbul — ni aram e bin som’on e rran.
8	GEN 1:8	me tunguy fithingan e palpal th’ib ni “Lanelang”. Me chuw e nep’, me yani kadbul — ni aram e bin l’agruw e rran.
12	GEN 1:12	Ma aram me tugul urngin mit e woldug u daken e but’, ni tin ma yib wom’ngin ni bod wom’ngin e grain nge tin ma yib wom’ngin ni bay e awoch u fithik’. Me par Got nge guy e tin ke ngongliy ma bfel’ u wan’.
13	GEN 1:13	Me chuw e binem e nep’, me ni kadbul — ni aram e bin dalip e rran.
14	GEN 1:14	Me non Got ni ga’ar, “Nge sum nga lanelang e pin’en ni be gal ra’en ni nge ki’eg e rran ko nep’, ma nge dag e ngiyal’ nma tabab e pi rran riy, nge pi duw, nge yu ngiyal’ nma thil e yafang;
18	GEN 1:18	ni ngar gagiyeg niged e rran nge nep’, miyad ki’eg e tamilang ko lumor. Me par Got nge guy e n’en ke ngongliy ma bfel’ u wan’.
19	GEN 1:19	Me chuw e binem e nep’, me ni kadbul — ni aram e bin aningeg e rran.
23	GEN 1:23	Me chuw e binem e nep’, me ni kadbul — ni aram e bin lal e rran.
26	GEN 1:26	Me ga’ar Got, “Aram e chiney e ngad ngongliyed e girdi’; girdi’ e bay ra boded gadad miyad bod ya’adad. Ma girdi’ e nge suwey e nig, nge arche’, nge gamanman nib mongmor, nge urngin e gamanman ni malboch, ni tin gagang’ nge tin b’achig.”
28	GEN 1:28	me tow’ath nagrow ko re bugithin ni ba’aray ni yog ni ga’ar, “Mu diyen gow nge yo’or pifakmew, nge wear e pi’in owchemew nga gubin yang u fayleng ngar pired riy miyad suwey. Nggu ta’mew ni gimew e ngam suweyew e nig, nge arche’, nge urngin e gamanman ni malboch, ni tin gagang’ nge tin b’achig.”
31	GEN 1:31	Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.
51	GEN 2:20	Me tunguy fare mo’on fithingan urngin e gamanman nib mongmor, nge urngin e arche’, nge urngin e gamanman ni malboch; machane dariy reb nra bung ni nge cheg ngak nge ayuweg.
59	GEN 3:3	ma kemus ni fare ke gek’iy ni bay u lulukngun e gi woldug ney e dab gu wew wom’ngin. I ga’ar Got e dab gu wew wom’ngin e re ke gek’iy nem, ara gu mathgow ngay; ya fa’an gamow ra rin’, ma gamow ra yim’.”
75	GEN 3:19	Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”
84	GEN 4:4	Me munmun me fek Abel e bin som’on i pifak e saf rok nge li’, me pi’ e yungin felel’ riy ni maligach. Me SOMOL e fel’ Abel nge maligach rok u wan’,
87	GEN 4:7	Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak.”
88	GEN 4:8	Me ga’ar Kain ngak Abel ni walagen, “Mu un ngog nga darow nga milay’.” Fa’anra tawgow nga milay’, me cheal Kain ngak walagen nge li’ ngem’.
90	GEN 4:10	Me ga’ar SOMOL, “Mang ni kam ngongliy e binir e pa’ ni rib gel e kireb riy? Racha’en walagem e be tolul ngog u fithik’ e but’, ni bod ba lam ni be pong ni ngan fulweg taban e kireb ni kan rin’ ngak.
97	GEN 4:17	Me par Kain nge le’engin, me diyen le’engin, nge gargeleg bochi pagel min tunguy fithingan ni Enok. Me yan i ngongliy bangi ban’en nge ngal’ ni reb e binaw ni ba ga’, me tunguy yu Enok ngay, ni ngachalen fachi cha’ ni fak.
107	GEN 5:1	Irera’ fithingan e pi’in owchen Adam nni yoloy. (Nap’an ni sunmeg Got e girdi’, me ngongliyrad ni bod ya’an.
145	GEN 6:7	Me ga’ar, “Bay gu thang owchen urngin e girdi’ ni kug sunumeg, ndemturug e gin’en ni yad bay riy. Ma bay kug thang owchen urngin e gamanman nge urngin e arche’, ya kug kolngan’ug ni kug sunumegrad.”
155	GEN 6:17	Ya bay gu pi’ e ran nge yib nga daken e fayleng ni nge thang mit urngin ban’en nib fos. Ma urngin ban’en ni bay u daken e fayleng ni bay yim’,
164	GEN 7:4	Ya ka medlip e rran mu gu pi’ e n’uw nge yib nga daken e fayleng ni bayi par ni nge aw ni aningeg i ragag e rran nge nep’, ni fan e nge thang mit urngin e pin’en nib fos ni kug sunumeg.”
168	GEN 7:8	Fapi gamanman nike duwgiliy Got ni ngu’un pi’ ni maligach nge gamanman nike duwgiliy Got ndab un pi’ ni maligach, nge arche’, nge gamanman ni ba’achig
171	GEN 7:11	Nap’an ni gaman 600 e duw yangren Noah, ko chirofen ni ragag nge medlip fen e pul ko bin l’agruw e pul, ma urngin e alublub ni yib ko ran nu tanebut’ u fithik’ e fayleng e mab nib tomgin, me aw e n’uw ni ba ga’,
181	GEN 7:21	Ma urngin ban’en nib fos ni bay u daken e fayleng e ra m’ad, ni arche’, nge urngin mit e gamanman nge urngin e girdi’.
183	GEN 7:23	Me thang SOMOL owchen urngin ban’en nib fos ni bay u daken e fayleng, ni girdi’, nge urngin mit e gamanman nge arche’. Kemus ni pi’in nda nthang owcherad e Noah nge pi’in yad bay u lan fare barkow.
189	GEN 8:5	Ma aram e ka be mam’ fare ran i yan nga but’, me chirofen ni bin som’on e rran ko bin ragag e pul, me m’ug p’ebugul e pi burey.
203	GEN 8:19	Ma urngin e gamanman nge arche’, nranod nga wuru’ e barkow ni yad yu ulung ni bmit ngabang ma bmit ngabang.
205	GEN 8:21	Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.
210	GEN 9:4	Ri ta’a ban’en e bay ndab mu koyed: ufin ni ba’ e racha’ u fithik’, ya racha’ e bay e yafos u fithik’.
211	GEN 9:5	Ma fa’anra thang be’ e pogofan rok be’, ma yira gechignag. Ma re gamanman nra li’ be’ nge yim’, e bay gu thang e fan rok ni gechig rok.
216	GEN 9:10	nge ngak urngin e pin’en nib fos ni bay romed, ni arche’, nge gamanman, ni urngin ban’en ni yib ko fare barkow nga but’.
272	GEN 11:5	Me yib SOMOL nga but’ nge yib i guy fare binaw ni pire’ e naun riy nge fare wulyang nike ngongliy fapi girdi’,
301	GEN 12:2	Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.
335	GEN 13:16	Ma bay gu pi’ e pi’in owchem ni pire’ nib pire’, ndariy be’ nrayag rok ni the’egrad ni yad gubin, ni ta’reb rogon ko nge the’eg be’ urngin e fiyath ni bay u daken e fayleng.
356	GEN 14:19	me yibilay ni ba’aray e thin ni yog, “I Got ni Th’abi Tolang, me ir e ngongliy e tharmiy nge but’, e nge fal’eg wa’athan Abram.
359	GEN 14:22	Machane me ga’ar Abram, “Ri gu be yog ngom u p’eowchen SOMOL, ni ir fare Got ni Th’abi Tolang, ni ir e sunumeg e tharmiy nge but’,
361	GEN 14:24	Dariy ban’en ni nggu fek rom nggu fanay. Kemus ni tin ke kay e tirog e girdi’ e kemang birog e f’oth, machane pi’in gamad nga baraba’, ni Aner nge Eshkol nge Mamre e ngar feked e f’oth rorad.”
371	GEN 15:10	Me fek Abram urngin e pi gamanman nem i yib ngak Got, mra reb me sey nge ruw raba’, ra baraba’ me tay nga to’oben baraba’ me k’afeg ni l’agruw thal; machane de sey fa gal arche’.
372	GEN 15:11	Me yib e arche’ ni vulture ko fapi gamanman nike li’, me tulufrad Abram.
373	GEN 15:12	Ma nap’an ni be yan ni nge aw e yal’, me mol Abram, me yib e tamdag ngak nib gel.
378	GEN 15:17	Ma fa’ani aw e yal’ nike nep’, me m’ug ba tafen e nifiy ni bod ya’an ba th’ib ni be yib e ath u langgin, me m’ug ba mol’ ni be daramram ni be yan u thilin fa yu raba’ i gamanman.
394	GEN 16:12	Machane chi cha’nem ni fakam e bay i par ni bod ba dongki ni malboch; bayi par ni be togopluw ngak urngin e girdi’, ma urngin e girdi’ ni bay ur pired ni yad be togopluw ngak. Bayi chuw u fithik’ urngin girdi’en nge yan i par ngabang ni go’ ir.”
401	GEN 17:3	Me ragbug Abram nge yan i yip’ owchen nga but’, me ga’ar Got,
407	GEN 17:9	Me ga’ar Got ngak Abraham, “Ku er rogon gur nthingar mu turguy u wun’um ni ngam tay e re m’ag ney u thildow nga tagil’, ni gur nge pi’in bay rabad ni owchem ko tin bay yib e mfen.
415	GEN 17:17	Me ragbug Abraham me yip’ owchen nga but’, machane me minmin ya fa’ani leamnag me ga’ar u wan’, “Gur ku rayag ni nge fakay be’ nib mo’on nike gaman 100 e duw yangren bbitir? Gur ku rayag ni nge gargeleg Sarah bbitir ni aram rogon nike mereb i ragag e duw yangren?”
427	GEN 18:2	me pug owchen ngalang me guy dalip i pumo’on ni yad ba sak’iy. Ma fa’ani guyrad, me mil u langan e mab ko tent rok nge yan ni ngar mada’gad. Me yan i ragbug nge yan i yip’ owchen nga but’,
437	GEN 18:12	Me minmin Sarah rok nike ga’ar u wan’, “Chiney e kari gu pilibthir ndabkiyag ni gu diyennag e bitir, gur ngku gu pirew e pumo’on rog ni bod ni ku gub rugod? — ya ku er rogon ni figirngig e ke pilibthir.”
442	GEN 18:17	Me ga’ar SOMOL u wan’, “Dabiyag ni gu mithag rok Abraham e n’en ni bay gu rin’.
452	GEN 18:27	Miki ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. I gag e kemus ni gub girdi’, dariy mat’awug ni nggog ban’en.
455	GEN 18:30	Me ga’ar Abraham, “SOMOL, wenig ngom, dab mu puwan’, ya ngkug non bayay. Ma fa’anra kemus ni guyey?” Me ga’ar, “Dab gu kirebnag ni fa’anra gu pir’eg guyey.”
457	GEN 18:32	Me ga’ar Abraham, “SOMOL, wenig ngom, dab mu puwan’, ya ngkug non ta’ab yay. Ma fa’anra kemus ni ragag e ga ra pir’eg?” Me ga’ar, “Fa’anra bay ragag ma dab gu kirebnag.”
459	GEN 19:1	Fa’ani yib fa gali engel ngalan e binaw nu Sodom nike blayal’, ma bay Lot nike par nga but’ u to’oben e garog ko fare binaw, ko gin ni tagil’ e mu’ulung rok e girdi’. Ma fa’ani guy row Lot, me sak’iy nge yan ngorow. Me yan i ragbug u p’eowcherow nike yan i yip’ owchen nga but’,
486	GEN 19:28	Me changar nga daken e binaw nu Sodom ngu Gomorrah, nge re loway nem ni polo’, me guy e ath ni be yib u but’ ngalang, ni bod rogon ba tafen e nifiy ni ba ga’ ni be yib e ath riy ngalang.
487	GEN 19:29	Machane fa’ani kirebnag Got e gali binaw nem ni bay u lan fare loway, ma bay Abraham u wan’, ma aram me pag Lot nge mil nde buch ban’en rok.
499	GEN 20:3	Fa’an i reb e nep’ me yib i m’ug Got u malik’ay ngak Abimelek me ga’ar, “Ga ra yim’, ni bochan e re pin nir ni kam fek; yab mabgol.”
530	GEN 21:16	me yan rok nga orel ni gonap’an 100 e yard me yan i par nga but’. Me ga’ar u wan’, “Dabiyag ni gu yaliy e re tir ney nge yim’.” Nap’an ni kabay u rom nib par nga but’ me tabab fare tir ko meyor.
551	GEN 22:3	Me reb e rran riy nri kakadbul me fal’eg Abraham rogon e dongki rok, me fek Isak nge l’agruw e tapigpig rok ngranod. Me th’ab e l’ud nge fek ni fan ko fare maligach ni ngan pi’, miyad sor ko fa gin’en nike yog Got murung’agen ngak.
562	GEN 22:14	Me tunguy Abraham fithingan e gin’em ni “SOMOL e ma pi’.” I mus ko daba’ nma ga’ar e girdi’, “Ma pi’ SOMOL u daken e burey rok.”
575	GEN 23:3	Me pag fare pin rok u rom u but’ nike yim’, me yan ngak e pi Hittites me ga’ar ngorad,
585	GEN 23:13	me non ngak Efron ni nge rung’ag gubin e girdi’, “Wenig ma siro’ ngom, mtoyil. Bay gu chuw’iy e re gi flang nem ni ga’ngin. Nge magan’um ngay ngam fek puluwon, ya nggu chubguliy le’engig u rom.”
595	GEN 24:3	Gu ba’adag ni ngamog ngog u p’eowchen SOMOL, ni ir e Got nu tharmiy ngu but’, ndab mu fek be’ u roy u Kanaan, ko gin ni gu be par riy, ni nge le’ay fakag.
606	GEN 24:14	Ma bayi lungug ngak bagyad, ‘Wenig ngom, mu sobut’eg e rume’ rom buchu’uw ngam pi’ boch e ran gu unum.’ Ma fa’anra ga’ar, ‘Mu unum, ma bay kug pi’ e ran i unum e kamel rom,’ ma aram e ir e cha’ ni kam turguy ni nge le’engiy e tapigpig rom i Isak. Fa’anra yodoro’, ma aram e kug nang ni kam tay nga tagil’ e tin mog ngak e masta rog.”
614	GEN 24:22	Fa’ani pi’ e ran ngak e kamel nge mu’, me fek fare mo’on ba luwaw nib gol nib tolang puluwon nge tay nga p’ethungun, nge l’agruw gaf i bachal ni gol ma baga’ nge yuy’ nga pa’.
632	GEN 24:40	Me ga’ar ngog, ‘I SOMOL ni ir e gu be fol rok ni gubin ngiyal’, e bayi pi’ e engel rok nge un ngom me ayuwegnem nge yag. Ngam fek be’ ni bpin u fithik’ girdi’en e tabinaw rok e chitamag nge le’engiy fakag.
634	GEN 24:42	“Ere fa’an gub ko fare luwed e daba’, mu gu meybil ni lungug, ‘SOMOL, ni gur e Got rok e masta rog i Abraham, wenig ngom, mu ayuwegneg nge yag e tin gu be muruwliy.
641	GEN 24:49	Ere fa’anra ngamu rin’ew e tin mat’owmew ngak e masta rog, me ere kammagaer gow mognew ngog; ma fa’anra danga’, mi gimew yog nrogon mu gu duwgiliy e tin nggu rin’.”
656	GEN 24:64	Me gu’ Rebekah Isak. Me yib u daken e kamel rok nga but’,
692	GEN 25:33	Me ga’ar Jakob, “Som’on e ngamog ngog u p’eowchen Got ni ngam pi’ ngog mat’awum.” Ma aram me yog Esau u p’eowchen Got ngak Jakob nike pi’ ngak mat’wun ni bay rok ni fan e ir e nganni’, ni aram e ke pi’ ni puluwon fapi ggan.
735	GEN 27:7	Mfek ba gamanman i yib ngog, ma ga lith ni fan ngog. Ya nggu way nge mu’, mu gu yibilayem ngak SOMOL u m’on ndawor gum’.
764	GEN 27:36	Me ga’ar Esau, “Ke gaman e l’agruw yay ko yaney nike ban nigeg. Arfan ngay ni fithingan e Jakob. Ke fek mat’awug ni bay rog ni bochan e gag e gub nganni’, ke chiney ma ke fek e meybil ni gag e ngan tay ngog. Ere dakuriy reb e meybil ni kam tay ni ngam yibilayeg ngay?”
775	GEN 28:1	Me pining Isak Jakob nge welthin ngak ni bfel’, ni ga’ar ngak, “Dab mu le’engiy reb e bpin nu Kanaan.
777	GEN 28:3	I Got ni Gubin ma Rayag Rok e nge fal’eg wa’atham ko mabgol rom nge pi’ ngom e bitir ni pire’, ngam mang chitamngin bo’or e nam.
847	GEN 30:16	Ma fa’ani sul Jakob u milay’ nike blayal’, me yan Leah i guy me ga’ar ngak, “Thingar mmol rog e nep’ ney, ya kug fek e mandrakes rok fakag kug pi’ ni puluwom.” Mi yow par e nep’ nem.
886	GEN 31:12	Me ga’ar, ‘Amchangar, urngin e kaming ni pumo’on ni yad be cheag ko tin ni ppin e yad ba myolyol, nge wupwupnun’, ma bochiyad e ba gagang’ e wech u downgin. I gag e kug yodroynag ya kug guy urngin e tin be rin’ Laban ngom.
889	GEN 31:15	Rogon e ngongol rok ngomow e gowa gamow l’agruw ni’ u bang. Ke pi’ mow ni chuway’, ma chiney e ke wereg gubin e salpiy nni pi’ ngak ni puluwmow.
917	GEN 31:43	Me fulweg Laban ngak Jakob ni ga’ar, “Gali ppin ney e fakag; ma bitir rorow e bmilfan ngog nge pi gamanman rorow. Bin riyul’, e urngin e tin gabe guy uroy e bmilfan ngog. Ma irera’ ni dakriy ban’en nrayag ni nggu rin’ ngay miki par rog gal fakag nge pifak row.
949	GEN 32:21	Thangri lungumed ngak, ‘Tapigpig rom i Jakob e be yib ni be lekmad.’” I ga’ar Jakob u wan’, “Tow’ath rok ni kug pi’ ke m’on rog e ra fal’eg laniyan’, ma nap’an ni gamow ra mada’, ma dabisiy nra n’ag fan u wan’ e kireb ni gu rin’ ngak.”
950	GEN 32:22	Me m’on e pi tow’ath nem nike pi’, me par e re nep’ i n’em u rom.
952	GEN 32:24	Ma nap’an ni thapegrad nga baraba’, miki pi’ urngin e tin bay rok ban’en ngan thapeg nga baraba’ fare lul’.
957	GEN 32:29	Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.
993	GEN 34:12	Mogned ngog ko mang e gimed ba’adag ni nge yag ngomed, mi gimed tay puluwon e re pin nir ni rogon tolngin ni gimed be leamnag, ma demturug ko mang e gimed ra yog mu gu ra pi’, ni fa’an gimed ra pi’ e re pin nir nggu le’engiy.”
1013	GEN 35:1	Me ga’ar Got ngak Jakob, “Man nga Bethel ni kachine’, ngam par u rom. Ngam toy ba altar u rom ni fanag, gag fare Got ni gu m’ug ngom u nap’an ni ga be mil rok Esau ni walagem.”
1102	GEN 37:18	Fa’anra guyed nga orel ndawori chugur ngorad, miyad t’ar liybean ngar turguyed ni ngar li’ed ngem’,
1119	GEN 37:35	Me yib urngin pifak ni pumo’on nge ppin ngak ni ngar fal’eged laniyan’, machane dabun ni ngan fal’eg laniyan’, me ga’ar, “Bay ug par ni be kireban’ug ngak fakag nge mada’ ko ngiyal’ ni bay gum’ mu gu wan ngak ko binem e tamilang ni tafen e pi’in ni karm’ad.” Ma aram mi i par ni be kireban’ ma be yornag Josef ni fak.
1128	GEN 38:8	Ere ga’ar Judah ngak Onan ni walagen Er, “Man ngam munfangich rok fare pagel ni walagem nike yim’, ngam pirew fare pin rok, ya nge yag ni for owchen walagem.”
1135	GEN 38:15	Ma nap’an ni sap Judah ni guy fare pin, me leamnag ni be’ ni bpin nma pi’ ir ni chuway’, ni bochan e ke upnguy owchen.
1186	GEN 40:13	Ka dalip e rran me chuwegem Farao u kalbus me n’ag fan e kireb rom u wan’, me fulwegem ko maruwel rom; bay um pi’ ngak Farao e kap rok ni bod rogon ni um rin’ faram ko fa ngiyal’nem ni um pu’og e wayin nga kap rok.
1189	GEN 40:16	Fa’ani guy fa’anem ni pilungen e lum flowa ni fan fare lik’ay ni kanog e bfel’, me ga’ar ngak Josef, “Ku er rogon gag ni kug lik’ay; ni bay dalip i dug u daken lolugeg.
1204	GEN 41:8	Ma fa’ani kadbul me par nike magafan’, me l’oeg e thin nge yan ngak urngin e pi tamerong nge pi’in ni gonop u Egypt ni ngarbad ngak. Me weliy ngorad e lik’ay rok, machane dariy bagayad ni yag rok ni nge weliy fan ngak.
1226	GEN 41:30	Me mu’, me yib medlip e duw ni uyongol e bay riy, ma urngin fapi duw ni bfel’ ni immoy e bay ni pag talin u Egypt; ya re uyongol nem e bayi kirebnag e nam nu Egypt.
1233	GEN 41:37	Me fel’ u wan’ Farao nge pi’in ntolang e tin nike yog Josef ni ngan rin’,
1252	GEN 41:56	Ma nap’an ni garer e uyongol u daken e re nam nem, me bing Josef urngin e naun ni kan cha’riy e grain ngay me pi’ e grain ngak piyu Egypt ni chuway’, ya re ngiyal’ i n’em e kari gel e uyongol u daken e nam nu Egypt.
1257	GEN 42:4	Ma de pi’ Jakob Benjamin nge un ko yan, ya be rusnag nrichey min li’ ngem’, ya Benjamin e yow Josef nga yal.
1269	GEN 42:16	Mol’oged bigimed nge yan i fek ngaray. Ma pi aromed ni bayi par e bay ni tay e matanag ni nge matanagiyrad nge yan i mada’ ko ngiyal’ ni bay nnang e tin riyul’. Ya fa’anra danga’, me ere rogon feni mich ni bay Farao nib fos, e aram feni riyul’ ni gimed e damit.”
1272	GEN 42:19	Fa’anra gimed be yog e tin riyul’, me ere ta’ab gimed e nge par u kalbus u lan fare naun ni kan taymed riy; mi gimed fek e grain ni kam chuw’iyed ngam sulod nga tafenmed, ya ke yim’ e girdi’ romed ko uyongol.
1284	GEN 42:31	Ma gamad yog ngak ni gamad be yog e tin riyul’, ni gathi gamad e damit.
1334	GEN 44:9	Fa’an ga ra pir’eg rok bagamad min li’ ngem’, ma pi aromad nike par e ngar manged sib rom.”
1345	GEN 44:20	Me lungumad ngom, er rogon, bay be’ ni chitamangimad nike pilibthir, nge be’ nib mo’on ni walagmad ni ir e bbitir romad, nni gargeleg ngak e chitamangimad ko ngiyal’ nike pilibthir. Ma be’ nib mo’on ni walagen e ke yim’, ma kemus ni ir e kabay ni fak e chitiningin; ma rib t’uf rok e chitamngin.