4	GEN 1:4	Me par nge guy ma bfel’ u wan’. Ma aram me ki’eg e tamilang rok e lumor;
10	GEN 1:10	Me tunguy e binaw ni “But’,” ma ran nike mukun nga ta’bang e tunguy ni “Day.” Me par nge guy e n’en ke ngongliy ma bfel’ u wan’.
12	GEN 1:12	Ma aram me tugul urngin mit e woldug u daken e but’, ni tin ma yib wom’ngin ni bod wom’ngin e grain nge tin ma yib wom’ngin ni bay e awoch u fithik’. Me par Got nge guy e tin ke ngongliy ma bfel’ u wan’.
18	GEN 1:18	ni ngar gagiyeg niged e rran nge nep’, miyad ki’eg e tamilang ko lumor. Me par Got nge guy e n’en ke ngongliy ma bfel’ u wan’.
21	GEN 1:21	Ara’ rogon ni sunumeg Got e nig nib pag ga’ngin nge urngin mit e nig nge pin’en nib fos ni bay u fithik’ e day nge ran, nge urngin mit e arche’. Me par nge guy e n’en ke ngongliy ma bfel’ u wan’.
25	GEN 1:25	Ara’ rogon ni sunumeg urngin mit e gamanman nib mongmor nge urngin mit e gamanman ni malboch, ni tin gagang’ nge tin b’achig. Me par nge guy e n’en ke ngongliy ma bfel’ u wan’.
31	GEN 1:31	Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.
37	GEN 2:6	machane yug aram rogon ni dariy e n’uw, me yib e ran u fithik’ e but’ ngalang nge tarannag e but’ ni polo’.
60	GEN 3:4	Me fulweg fare porchoyog ni ga’ar, “De riyul’ e re bugithin nir; ya gathi gimew ra yim’.
73	GEN 3:17	Me ga’ar ngak fare mo’on, “Kamfol rok le’engim kam koy wom’ngin fare ke gek’iy ni gog ngom ni dab mu koy. Ere bochan e tin kamrin’ ma aram e nge kireb e but’. Ma n’umngin nap’an e yafos rom ni bay um muruwliy e but’ nib gel nge yag ni pi’ e ggan ngom nib gaman,
76	GEN 3:20	Adam e tunguy fithingan le’engin ni Eva, ni bochan e ir e chitiningin urngin e girdi’.
85	GEN 4:5	ma de fel’ Kain nge maligach rok u wan’. Me ri damumuw Kain nge thilpariy owchen.
88	GEN 4:8	Me ga’ar Kain ngak Abel ni walagen, “Mu un ngog nga darow nga milay’.” Fa’anra tawgow nga milay’, me cheal Kain ngak walagen nge li’ ngem’.
91	GEN 4:11	Kan tem nib buch wa’atham ni dabkiyag ni ngam wolduguy e but’. Ya ke wanum racha’en walagem nga fithik’ ni gowa i fal l’ugun ni nge unum ko fangiyal’ nim thang e fan rok walagem.
95	GEN 4:15	Machane me fulweg SOMOL ngak ni ga’ar, “Danga’. Fa’anra li’em be’ ngamum’ ma medlip e pogofan ni yira thang ni nge yan nga puluwon.” Me tay SOMOL e pow nga daken Kain ni be ning chiylen ngak e en nra mada’nag ni dabi li’ ngem’.
141	GEN 6:3	Me ga’ar SOMOL, “Dab gu tay e girdi’ ngar pired ni yad bfos ndariy n’umngin nap’an, ya dowrad e ra yim’. Chiney i yan nga m’on e dab kur pired ni yad bfos nge pag 120 e duw yangarrad.”
146	GEN 6:8	Machane SOMOL e bfel’ Noah u wan’.
151	GEN 6:13	Me ga’ar Got ngak Noah, “Kug turguy u wun’ug ni nggu thang owchen urngin e girdi’. Bay gu thang owcherad, ya re fayleng ney e ke sug ko ngongol rorad nib kireb.
157	GEN 6:19	ma nge un ngom reb e pumo’on nge reb e ppin u urngin mit e gamanman, nge dab ra uned ko yam’.
158	GEN 6:20	Lal’agruw u urngin mit e arche’ ngu urngin mit e gamanman ni tin ba ga’ nge tin ba’achig ni go’ bay ranod ngalan e re barkow nem, nge dab ra uned ko yam’.
160	GEN 6:22	Me rin’ Noah urngin e tin ni yog Got ngak ni nge rin’.
165	GEN 7:5	Me rin’ Noah urngin e tin keyog SOMOL ngak ni nge rin’.
172	GEN 7:12	me aw e n’uw nga daken e fayleng ni aningeg i ragag e rran nge nep’.
174	GEN 7:14	Me un urngin mit e gamanman ni malboch ngorad, nge gamanman nib mongmor, nge gamanman nib achig, nge urngin mit e arche’.
181	GEN 7:21	Ma urngin ban’en nib fos ni bay u daken e fayleng e ra m’ad, ni arche’, nge urngin mit e gamanman nge urngin e girdi’.
183	GEN 7:23	Me thang SOMOL owchen urngin ban’en nib fos ni bay u daken e fayleng, ni girdi’, nge urngin mit e gamanman nge arche’. Kemus ni pi’in nda nthang owcherad e Noah nge pi’in yad bay u lan fare barkow.
185	GEN 8:1	Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.
191	GEN 8:7	me pag ba arche’ ni raven nge yan. Me chachangeg nge yan i mada’ ko ngiyal’ nike chuw e ran u daken e but’.
195	GEN 8:11	Me gonowrug me sul ngak Noah, ni bay ba gaf i yuwan e olive u l’ugun ni kab mirerey. Ma aram me nang Noah nike yan e ran nga but’.
197	GEN 8:13	Nap’an ni gaman e 601 e duw yangren Noah, ko bin m’on e rran ko bin som’on e pul, ma aram e kari chuw e ran u daken e but’. Ma nap’an ni chuweg Noah e chigiy u daken fare barkow nge changar nga wean me guy nike mlik’ daken e but’.
198	GEN 8:14	Me chirofen ni rliw’ nge medlip fen e pul ko bin l’agruw e pul, ma kari mlik’ e but’.
210	GEN 9:4	Ri ta’a ban’en e bay ndab mu koyed: ufin ni ba’ e racha’ u fithik’, ya racha’ e bay e yafos u fithik’.
216	GEN 9:10	nge ngak urngin e pin’en nib fos ni bay romed, ni arche’, nge gamanman, ni urngin ban’en ni yib ko fare barkow nga but’.
301	GEN 12:2	Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.
309	GEN 12:10	Machane bay ba uyngol u Kanaan nrib gel, ma aram me yan Abram u rom ngalan e yimuch nge mada’ nga Egypt, me par u rom boch ngiyal’.
350	GEN 14:13	Machane bay be’ nib mo’on ni thay me yib i yog ngak Abram ni ba Hebrew nma par nib chugur nga yu ke gek’iy ni oak ni fi’in Mamre, ma cha’nem e ba Amorite, nib mo’on ni walagen Eshkol nge Aner, ni yad Abram nga baraba’.
353	GEN 14:16	miyad fulweg urngin e chugum ni kan fek. Miki fulweg Abram i Lot, ni be’ rok, nge chugum rok, nge pi’in ni ppin nge tin kabay e girdi’.
371	GEN 15:10	Me fek Abram urngin e pi gamanman nem i yib ngak Got, mra reb me sey nge ruw raba’, ra baraba’ me tay nga to’oben baraba’ me k’afeg ni l’agruw thal; machane de sey fa gal arche’.
387	GEN 16:5	Ma aram me ga’ar Sarai ngak Abram, “Ren’ey ni be changar Hagar ngog nga but’ e gur e kireb rom. I gag e gu pi’ e sib rog ngom, ma ka nap’an ni pir’eg rok nike diyen ma aram e be changar ngog nga but’. I SOMOL e bayi turguy e arodow ni ir e bfel’.”
418	GEN 17:20	Kam wenig ngog ni nggu yoror rok Ishmael, ba’aray e n’en ni bay gu rin’: bay gu ayuweg nggu pi’ e bitir ngak ni pire’ nge girdi’ ni owchen ni pire’. Bayi par ni ir e chitamngin ragag nge l’agruw i pilung, ma pi’in owchen e bay gu gagiyeg nagrad ngar manged girdi’en reb e nam ni ba ga’.
442	GEN 18:17	Me ga’ar SOMOL u wan’, “Dabiyag ni gu mithag rok Abraham e n’en ni bay gu rin’.
446	GEN 18:21	Thingar gu wan ngaram nga p’ening ngug guy ko tin kanog ngog nib togopluw ngorad e riyul’ fa de riyul’. Bay gu wan mu gu nang.”
459	GEN 19:1	Fa’ani yib fa gali engel ngalan e binaw nu Sodom nike blayal’, ma bay Lot nike par nga but’ u to’oben e garog ko fare binaw, ko gin ni tagil’ e mu’ulung rok e girdi’. Ma fa’ani guy row Lot, me sak’iy nge yan ngorow. Me yan i ragbug u p’eowcherow nike yan i yip’ owchen nga but’,
464	GEN 19:6	Me yan Lot nga wean me ning e mab nga keru’.
489	GEN 19:31	Me ga’ar e bin ba ilal ko fa gali ppin ni fak Lot ngak e bin bitir, “Be pilibthir e chitamangidow, ma dakuriy e pumo’on u roy u fayleng ni gadow ra figirngiy ngad diyen nigew e bitir ni bod ni yima rin’.
503	GEN 20:7	Ere chiney, e ngam fulweg e re pin nir ko pumo’on rok. Ya re pumo’on nir e ba profet ma bayi meybil nigem ndab mum’. Fa’anra dab mu fulweg, ma nggog ngom ni gur nge girdi’ rom e gimed ra yim’.”
518	GEN 21:4	ma nap’an ni nga meruk e rran yangren, me maad’adnag Abraham fachi tir ni bod ni yog e motochiyel rok Moses, ni bod rogon nike yog Got ngak ni nge rin’.
522	GEN 21:8	Me ilal e re tir nem, ma chirofen nda kun duruw’iy ko thuth e ngongliy Abraham ba mur ni ba ga’.
530	GEN 21:16	me yan rok nga orel ni gonap’an 100 e yard me yan i par nga but’. Me ga’ar u wan’, “Dabiyag ni gu yaliy e re tir ney nge yim’.” Nap’an ni kabay u rom nib par nga but’ me tabab fare tir ko meyor.
532	GEN 21:18	Mu sak’iy, ngam man mu fek ma ga fal’eg laniyan’. Ya pi’in bay rabad ni owchen e bay gu ngongliyrad ngar manged girdi’en reb e nam ni ba ga’.”
536	GEN 21:22	Ngiyal’nem me yan Abimelek nike un Fikol ngak ni be’ nib tolang ko salthaw rok, me ga’ar ngak Abraham, “I Got e bay rom ko urngin e tin ga be rin’.
556	GEN 22:8	Me fulweg Abraham ni ga’ar, “Fakag, i Got e bayi pi’.” Ma aram miyow yan ni yow be yan u but’.
588	GEN 23:16	Me pining Abraham e kefel’ ngay, me thabthabelnag fare math’eg ni fa’an keyog Efron ke rung’ag fapi girdi’ — ni aningeg mir’ay yang e silber, nrogon ko thabthabel ni yima fanay ko falchuway’.
593	GEN 24:1	Re ngiyal’ i n’ey e ke pilibthir Abraham, mi SOMOL e ke fal’eg wa’athan ko urngin ban’en ni i rin’.
601	GEN 24:9	Ma aram me tay fare tapigpig baraba’ i pa’ nga tan ay Abraham ni masta rok, me micheg ngak ni bayi rin’ e n’en nike wenignag Abraham ngak ni nge rin’.
614	GEN 24:22	Fa’ani pi’ e ran ngak e kamel nge mu’, me fek fare mo’on ba luwaw nib gol nib tolang puluwon nge tay nga p’ethungun, nge l’agruw gaf i bachal ni gol ma baga’ nge yuy’ nga pa’.
619	GEN 24:27	ni ga’ar, “SOMOL, ke sorom, i gur fare Got rok e masta rog i Abraham, i gur e ri gab yul’yul’ ya kam tay nga tagil’ e tin mog ngak e masta rog ni bay mu rin’. I SOMOL e ke pow’iyeg nga tafen fare mo’on ni walagen e masta rog.”
620	GEN 24:28	Me mil fare rugod i yan nga tafen e chitiningin nge weliy ngak urngin ban’en nike rin’.
639	GEN 24:47	Me lungug ngak, ‘I mini’ e chitamam?’ Me ga’ar, ‘Fak Bethuel gag, mi Bethuel e be’ ni fak Nahor nge Milkah.’ Ma aram mu gu tay fare luwaw nga p’ethungun mu gu yuy’ fa yu gaf i bachal nga pa’.
642	GEN 24:50	Me fulweg Laban nge Bethuel ni lungurow, “Re bugithin ney e ke yib rok SOMOL, ere gathi gamow e nggu duwgiliyew e tin ngan rin’.
652	GEN 24:60	Miyad yibilay Rebekah ni lungurad, “I gur walagmad e ngam mang chitiningin bo’or e biyu’ e girdi’. Ma pi’in ni owchem e ngar gelgad ngak e pi to’ogor rorad ngar feked e pi binaw rorad.”
658	GEN 24:66	Me weliy fare tapigpig ngak Isak urngin e tin nike rin’.
659	GEN 24:67	Me fek Isak Rebekah i yan ngalan e tent ni i par Sarah ni chitiningin riy, ma aram me par Rebekah ni kemang le’engin Isak. Isak e rib t’uf Rebekah rok, aram me achig boch e kirban’ rok ngak e chitiningin nike yim’.
693	GEN 25:34	Me pi’ Jakob ngak e flowa nge mame nike lith. Me abich nge garbod, nge mu’ me yan. Kari mus e n’en nrib ga’fan u lanyan’ Esau, re mat’wun nem ni ir e ba nganni’.
698	GEN 26:5	Gu ra tow’ath nigem ni bochan e fol Abraham rog, ma i tay e mtochiyel rog nge thin rog u gil’.
710	GEN 26:17	Ma aram me chuw Isak nge yan i n’uf e tent rok ngalane loway u Gerar, ni aram e gin ni i par riy bochngiyal’.
723	GEN 26:30	Me fal’eg Isak bochi abich ni fan ngorad, miyad abich ma yad be garbad’.
730	GEN 27:2	Me ga’ar Isak, “Kam gu’ ni kug pilibthir ni sana dabki n’uw nap’an mu gum’.
735	GEN 27:7	Mfek ba gamanman i yib ngog, ma ga lith ni fan ngog. Ya nggu way nge mu’, mu gu yibilayem ngak SOMOL u m’on ndawor gum’.
756	GEN 27:28	I Got e nge pi’ e wa’angachal nu tharmiy ngom, me yong’olnag e milay’ rom, me pi’ ngom e grain nge wayin ni pire’.
785	GEN 28:11	Me taw nga bangi n’en me par riy, ya ke aw e yal’. Me pag ir nga but’ nge teyey’ ngab malang.
786	GEN 28:12	Me lik’ay nike guy ba tawo’ ni yan u but’ nge mada’ nga lanelang. Ma be yan e pi engel rok Got riy ngalang ma yad be yib riy nga but’.
787	GEN 28:13	Me guy SOMOL nib sak’iy u to’oben. Me ga’ar ngak Jakob, “I Gag SOMOL, ni Got rok Abraham nge Isak. Bay gu pi’ ngom nge pi’in owchem e re nam ney ni kam pagem riy nga but’.
807	GEN 29:11	Ma aram me faray owchen fare pin, me yornag e felfelan’.
851	GEN 30:20	Me ga’ar, “I Got e ke pi’ ba tow’ath ngog nrib fel’. Bay gu fel’ e chiney u wan’ figirngig, ya nga nel’ e pumo’on ni kug gargeleg ni fak”; me tunguy fithingan ni Zebulun.
882	GEN 31:8	Ngiyal i n’en nma yog Laban ngog nma ga’ar, ‘Kaming nib wupwupnun’ e nge mang puluwom,’ ma urngin yu ran’ i gamanman e yad ra gargel mab wupwupnun’. Ma nap’an nra ga’ar, ‘Pi kaming nib myoyol e aram puluwom,’ ma urngin e yu ran’ i gamanman e ra gargel ma ba myoyol.
906	GEN 31:32	Ma fa’an gara pir’eg be’ uroy ni bay e liyos ni thothupen e tabnaw rom rok, ma thingar ni li’ ngem’. Mu sapnag e tin nib milfan ngom, ngam fek e tirom, uroy u mit e girdi’ rodow ni yad e mich riy.” Jakob e de nang nike iring Rachael e pi liyos ni thothupen Laban.
914	GEN 31:40	Ba gel ba gafgow ni ug tay ni rran ko gowal nge ulum nnep’. Ni mus ko mol mada i yag.
936	GEN 32:8	Me par Jakob ni kari rus ma be wagagey laniyan’. Me ruw raba’nag e girdi’ ni yad be un ngak, ma ku er i tay e saf rok nge kaming, nge garbaw, nge kamel ngar pired ni yad ruw ulung.
951	GEN 32:23	Re nep’ i n’em e od Jakob, me fek fa gali ppin ni le’engin, nge fa gali ppin ni sib, nge fa ragag nge ta’reb i bitir ni fak ngar th’abed fare lul’ ni Jabbok fithingan nga baraba’ ko gin ni yima thum’ riy nga baraba’.
952	GEN 32:24	Ma nap’an ni thapegrad nga baraba’, miki pi’ urngin e tin bay rok ban’en ngan thapeg nga baraba’ fare lul’.
971	GEN 33:10	Me ga’ar Jakob, “Wenig ngom, fa’anra kam runguyeg me ere mfek e tow’ath rom ni kug pi’. Ya owchem ni kug guy e gowa kug guy owchen Got, ya ri gab gol ngog.
1032	GEN 35:20	Me suweg Jakob reb e malang ngalang ni pugoran u rom, miki par ni pow ko malangne yam’ rok Rachel ke mada’ ko daba’.
1087	GEN 37:3	Israel e kab t’uf Josef rok ngak urngin e tin kabay e pumo’on ni pifak, ni bochan e ni gargeleg ngak nike pilbithir. Me ngongliy ba wuru’ e mad ni fen Josef nib n’uw pa’.
1104	GEN 37:20	Ngad li’ed ma gadad yin’ ngalan reb fapi low; ya rayag ni nga dogned ni ba gamanman ni malboch e ke li’. Ma aram ma gadad guy ko mang e bay yib ko pi lik’ay rok.”
1106	GEN 37:22	Dab mu li’ed ngem’. Mon’ed ngalan e re low ney u roy u daken e ted, machane dab mu maad’adgad ngak.” I yog ni aram rogon ya be leamnag ni nge ayuweg u pa’rad me guy rogon nge pi’ nge sul ngak e chitamngin.
1107	GEN 37:23	Fa’ani taw Josef ngak pi walagen, miyad luf fare mad rok u daken, nib mad nib n’uw ma ba n’uw pa’.
1111	GEN 37:27	Ngad pi’ed ngak e pi Ishmaelite ney nchuway’. Ya gadad ra rin’ ni aray rogon ma dab kud maad’adgad ngak; ya ir be’ ni walagdad, ni bang u dowdad ma gadad ta’ab racha’.” Me fel’ u wan’ pi walagen ni nge par ni aram rogon.
1117	GEN 37:33	Me poy Israel ni ireram fare mad, me ga’ar, “Ir e fen. Ba gamanman ni malboch e ke li’. Fakag i Josef e kan popof!”
1183	GEN 40:10	ni bay pa’ngin ndalip pa’. Ma nap’an ni yib yuwan, me yib e floras riy, me lol wom’ngin.
1199	GEN 41:3	Miki yib medlip e garbaw u lan fare lul’ ngalang nib m’ugm’ug yilrad ma ba manan’ug ya’arad. Rabad ra sak’iygad nga to’oben fa tinem e garbaw u charen e lul’.
1205	GEN 41:9	Ma aram me ga’ar fa’anem nma pu’og e wayin nga kap rok Farao, “Thingar gu weliy ngom e daba’ ni kug rin’ ban’en nde fel’.
1220	GEN 41:24	Ma fa yu punug i grain nib achig e ra ful’ed fa medlip punug nem nib gagang’. Kug weliy e re lik’ay ney ngak e pi’in ni tamerong, machane dariy bagayad nrayag rok ni nge weliy fan ngog.”
1221	GEN 41:25	Me ga’ar Josef ngak Farao, “Gali lik’ay nir e ta’reb fan; ke weliy Got ngom e n’en ni nge rin’.
1224	GEN 41:28	Bod rogon ni kugog ngom: ke dag Got ngom e n’en ni bay rin’.
1236	GEN 41:40	Bay gu tem ni gur e nge milfan e nam rog ngom, ma urngin e girdi’ ko nam rog ni gur e ngu’ur folgad ko pin’en ni ga be yog ni ngan rin’. Ma bay gu par ni kemus ni gag e gub tolang ngom ni bochan e gag e pilung.”
1259	GEN 42:6	Mi Josef, ni ir e governor u ga’ngin e nam nu Egypt, e i pi’ e grain nchuway’ ngak urngin e girdi’ nu fayleng. Ma aram me yib fapi pumo’on ni walagen Josef, marbad ra siro’gad ngak nge yan i math owcherad nga but’.
1269	GEN 42:16	Mol’oged bigimed nge yan i fek ngaray. Ma pi aromed ni bayi par e bay ni tay e matanag ni nge matanagiyrad nge yan i mada’ ko ngiyal’ ni bay nnang e tin riyul’. Ya fa’anra danga’, me ere rogon feni mich ni bay Farao nib fos, e aram feni riyul’ ni gimed e damit.”
1291	GEN 42:38	Machane me ga’ar Jakob, “Dabiyag ni nge un fakag ngomed; ya ke yim’ walagen, ke yan i par ni go ir e kabay rog. Ma richey me buch ban’en rok u kanawo’. Kari gu pilibthir ndabkiyag ni gu ra athamgiliy e kireban’ ni gimed ra fek i yib ngog; ya mmudugil nra li’eg nggum’.”
1317	GEN 43:26	Fa’ani yib Josef nga tabinaw, miyad fek fapi tow’ath i yib ngak ngalan e naun, marbad ra siro’gad ngak nge yan i math owcherad nga but’.