269	GEN 11:2	Ma nap’an nranod i yan u lane ngek, miyad yib nga bangi tafel’fel’ nib ga’ yang ni bay u lan yu Babylonia, ni aram e gin nra pired riy.
439	GEN 18:14	Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”
474	GEN 19:16	Me yo’oran’ Lot. Machane aram rogon ma be runguy SOMOL Lot; ma aram me kol fa gali pumo’on pa’ Lot, nge bpin rok nge fa gali ppin ni fak ngar pow’iyew yad nga wuru’ fare binaw, miyow pagrad u rom.
509	GEN 20:13	Na’pan ni l’oegeg Got u tafen e chitamag ni nggu wan nga boch e binaw u bang, mu gog ko bpin rog, ni lungug, ‘Rogon ni ngam dag fanam yul’yul’ ngog e ngu u mog ngak gubin e girdi’ ni walageg gur.’”
537	GEN 21:23	Ere mmicheg bugithin ngog e chiney u p’eowchen Got, ni dab’um ban nigeg, nge pifakag, nge pifak pafakag. Ug par ni gu byul’yul’ ngom, ere ngam micheg ngog ni kagra yul’yul’ ngog ma ngkum yul’yul’ nga lungun e re nam ney ni ga be par riy ni gathi ga be’ riy.”
619	GEN 24:27	ni ga’ar, “SOMOL, ke sorom, i gur fare Got rok e masta rog i Abraham, i gur e ri gab yul’yul’ ya kam tay nga tagil’ e tin mog ngak e masta rog ni bay mu rin’. I SOMOL e ke pow’iyeg nga tafen fare mo’on ni walagen e masta rog.”
631	GEN 24:39	Me lungug ngak e masta rog, ‘Ma fa’anra dabi ga’aran’ ni nge un ngog?’
924	GEN 31:50	Miki ul ul ngay ni ga’ar, “Fa’anra dab um t’ufeg e gali ppin ni fakag ney, fa mu le’engiy yug boch e ppin, ni yug aram rogon ni da’an gu nang ban’en riy, ma dab i m’ay u wun’um’ ni be guy dow Got.
939	GEN 32:11	I gag e tapigpig rom e dariy rogog nga urngin e runguy nge yul’yul’ rom ni kam dag ngog. Gu th’ab e lul’ ni Jordan nga baraba’ ndariy ta’a ban’en rog, ya kemus ni sog rog e bay u pa’ag, ma chiney e kug sul ni l’agruw ulung e girdi’ nge gamanman nike un ngog.
988	GEN 34:7	ma aram e ngiyal’ nike taw fapi pagel ni fak Jakob ni karbad ko fa yung i flang. Ma fa’an rrung’aged e n’en’ nike buch, mri dada’ lanin’rad ngay ma kri kireb u lanin’rad nike rin’ Shekem ban’en ni aram rogon nib yaba’ ngak piyu Israel ko ran’em ni kan kol fak Jakob ni bpin u yargal.
1146	GEN 38:26	Me poy Judah fa pin’en me ga’ar, “Ir e bfel’ e rok. I gag e dag yul’yul’ ko tin gu micheg ngak ni nggu pi’ fare pagel ni fakag i Shelah nge figirngiy.” Ma aram e daki moleg Judah bayay fare bpin.
1215	GEN 41:19	Miki yib medlip i garbaw u lan fare lul’ ngalang ni yad ba yaf nib mug’mug’ yilrad. Ma bmanan’ug ya’arad ndawor gguy e garbaw u lan yu Egypt ni aram rogon.
1450	GEN 47:29	Fa’ani chugur ni nge yim’, me pi’ e thin nge yan ngak Josef nge yib me ga’ar ngak, “Wenig ngom, mmicheg bbugithin ngog u mit Got; mu tay pa’am nga tan eg ngam mmicheg ngog ni bay mpar ni gab yul’yul’ ma ga rin’ ngog e tin ni bfel’, ndab mu k’eygeg u Egypt.
1493	GEN 49:19	“Mi Gad e bay yib baraba’ i moro’ro’ i cham ngak, Machane bayi cham ngorad nge lol’oegrad.
1661	EXO 6:5	Chiney e kug rung’ag e gel’gel’ ni be tay piyu Israel, ni piyu Egypt e kar ted yad ni sib, ma ku gu manang e m’ag ni kug ngongliy u thilmad.
1934	EXO 15:13	Mu par ni gab yul’yul’ ko tin ni mmicheg, ya mu gafaliy e pi girdi’ ni mu lagrad ko gafgow; gelngim e mu pow’iyrad ngay nga tafnam nib thothup.
1956	EXO 16:8	Me ga’ar Moses, “I SOMOL e bayi pi’ e ufin ngam ked ko blayal’, me pi’ e ggan ni urngin ni gimed ba’adag ko kadbul, ya ke rung’ag gelngin e thin ni kamogned nib togopluw ngak. Gun’gun’ ni gimed be tay ngomow, e bin rriyul’ riy e SOMOL e gimed be gun’gun’ nib togopluw ngak.”
1960	EXO 16:12	“Kug rung’ag e gun’gun’ ni be tay piyu Israel; nge lungum ngorad, ‘Ra yan ni nge aw e lumor ma bayi yag ngomed e ufin ni ngam ked, ma kadbul e bayi yag ngomed urngin e ggan ni ngam ked. Ma aram e bay mu nanged ni Gag SOMOL e Got romed.’”
1987	EXO 17:3	Machane kari gel e belel ngak e girdi’, mu ur gun’gun’ niged Moses. I lungurad ngak, “Mangfan ni mfekmad nga wuru’ yu Egypt? Bochan e ngam li’mad nriyul’ ko belel, nge pifakmad, nge gamanman romad?”
2008	EXO 18:8	Ma aram me weliy Moses ngak Jethro urngin e tin ke rin’ SOMOL ngak Farao nge girdi’ nu Egypt ni bochan e nge ayuweg e pogofan rok piyu Israel. Miki weliy ngak murung’agen e pin’en nib mo’maw’ nra mada’ niged piyu Israel u kanawo’ nge rogon ni ayuwegrad SOMOL nde buch ban’en rorad.
2022	EXO 18:22	Ma ga pagrad ngu’ur pithiged e oloboch u puluwon e girdi’ ni gubin ngiyal’. Yu pa’ i oloboch nib ga’ ma ba mo’maw’ e ngar feked i yib ngom, machane yad e ngar pithiged urngin e yoch pa’ i oloboch. Ya ngar uned ngom i chibiy gilbam nge mom ngom.
2946	LEV 8:28	Ma aram me fek Moses fapi ggan ni bay u pa’rad nge urfiy u daken fare altar, u daken fare maligach ni mo’oruf, ni aram fare maligach ni fen e pigpig ko fapi prist nma yiblayrad. Ran’ey e ba maligach ni ggan, ma bon e m’aguwan’ SOMOL.
2997	LEV 10:19	Me fulweg Aron ngak Moses ni ga’ar, “Fa’anra guway fare maligach ni fan ko denen e daba, ma gur ra m’aguwan’ SOMOL? Girdi’ e yad be fek i yib e maligach ni fan ko denen rorad ngak SOMOL e daba’, nge maligach rorad ni mo’oruf, machane ku be buch e pin’ey rog.”
3129	LEV 14:17	Me fek boch ko fapi gapgep ni bay u lan pa’ nge boch u rachaen fare fak e saf nge achey nga ba’ ni mat’aw i yuwantel, nge nga ba’ ni mat’aw i bugul ni ga’ i pa’, nge nga ba’ ni mat’aw’ i bugul ni ga’ u ay facha’ ni ir e ngan duwgiliy nike be’ech.
3395	LEV 22:25	Dab mu pi’ed e maligach ni ggan ni yug ba gamanman ni kan fek rok be’ u reb e nam. Ba gamanman ni aray rogon e ba kireb ma dab ni fanay ni maligach ya dabi fel’uwan’ SOMOL.”
3416	LEV 23:13	Mi gimed chagiy aningeg e pawn e flour ngay ni kan athkuy e gapgep ko olive ngay nge mang ggan ni maligach. Bon e re maligach ney e ba m’aguwan’ SOMOL. Ma ngkum uneged reb e quart e wayin ngay ngam pi’ed ni maligach.
3421	LEV 23:18	Ma nge yigey yu Israel medlip e saf ni ta’reb e duw yangarrad ko fapi flowa, nge reb e garbaw ni pumo’on, nge l’agruw e kaming, ndariy reb ni bay bang u downgin nib kireb nib maligach ni mo’oruf ngak SOMOL, nike un e maligach ni grain nge wayin ngay. Bon e re maligach ney e ba m’aguwan’ SOMOL.
3519	LEV 25:49	fa reb e pumo’on ni walagen e chitamngin are chitiningin, fa reb e bitir rok be’ ni walagen e chitamngin ara chitiningin, ara yug reb i girdi’en nib chugur ngak e rayag ni chuw’iy facha’ bayay nge sul’. Fa’anra ir rok e ke gaman e salpiy nike maruwliy, ma rayag ni nge chuw’iy’ mat’wun bayay.
3520	LEV 25:50	Fa en ni nge pi’ ir nchuway’ nge en ni nge chuw’iy e thingar ra weliyew, ma thingar ra the’egew urngin e duw ni nge tabab ko ngiyal’ nike pi’ ir nchuway’ nge mada’ ko fare Duwan e Felfelan’ nra be’ ma nge sul e tirok ngak ma thangri ta’areban’ row nga puluwon fa’anem ko ngiyal’ ni ngan pag nge yan ni bod rogon puluwon reb e girdi’en e maruwel.
3799	NUM 5:6	e pin’en ni ba’aray ni nge rin’ e girdi’ nu Israel. Nap’an nra dabki yul’yul’ be’ ngak SOMOL nge rin’ ban’en nib kireb ngak be’,
3805	NUM 5:12	ni nge weliy rogon e pin’en ni ba’aray ngak yu Israel. Fa’anra yo’or’an be’ nib pumo’on rok le’engin ni gomanga de yul’yul’ ngak kar pirew yug reb e pumo’on, ma dabyag ni ngri micheg, ya dariy e mich riy, ma dan kol nike rin’. Fa en ni figirngin e kay gi yo’or lanyan’ rok le’engin ni yug aramrogon ndawor ra pirew yug reb e pumo’on,
4026	NUM 11:1	Me tabab piyu Israel i gun’gun’ ngak SOMOL ni bochan e gafgow ni yad be tay. Fa’ani rung’ag SOMOL me damumuw, me pag e nifiy nga fithik’ rad nge urfiy e gin ni be par yu Israel riy ni kirebnag taban u baley.
4029	NUM 11:4	Pi’in gathi yad piyu Israel nra uned ngorad u Egypt e yad be yim’ ni bochan e ufin, miki un piyu Israel ko gun’gun’ ni be lungurad, “Manga yigi yag e ufin ngodad ngad ked!
4039	NUM 11:14	Dabiyag ni nge mil fan e pi girdi’ ney ngog ni urngin, ya ban’en ni kayigi gel e mo’maw’ riy ngog!
4063	NUM 12:3	Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.
4133	NUM 14:24	Machane tapigpig rog i Kaleb e ba thil e birok e leam ma ke par nib yul’yul’ ngog, ere bay gu fek i yan ngalan e re nam nem nike yan i lekag, ma pi’in owchen e bay ra tafned,
4136	NUM 14:27	“Pi girdi’ ney nib kireb e uw n’umngin nap’an ni ngar pired ni yad be non nib togopluw ngog? Kug rung’ag e gun’gun’ ni be tay piyu Israel nib togopluw ngog.
4138	NUM 14:29	Bay mm’ad, ma dowef romed e bayi wer u daken e re ted ney i yan. Dariy bigimed nike pag reliw’ e duw yangren nra yan ngalan e re nam nem ni bochan e gun’gun’ ni um ted nib togopluw ngog.
4145	NUM 14:36	Ragag fapi pumo’on nranod ngar lekged fare nam miyad sul nga rogned thin nde fel’ ni yad tapgin ni gun’gun’ e girdi’ nib togopluw ngak SOMOL.
4181	NUM 15:27	Fa’anra ta’abe’ e ke denen ni kal riy, ma nge pi’ ba kaming ni bpin nike gaman e ta’reb e duw yangren nib maligach ni fan ko denen rok.
4217	NUM 16:22	Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”
4250	NUM 17:20	Ma re mo’on ni kug turguy e ra for mal’gun e ley rok e sog. Aray rogon ni nggu taleg e pi girdi’ ney nu Israel ni kar pired ni yad be gun’gun’ nigem.”
4456	NUM 24:9	Yu Israel e bod ba layon nib gel; ra be mol ma dariy be’ nra ga’aran’ ni nge pug. En nra fal’eg wa’athan yu Israel e ra fel’ wa’athan, ma en nra bucheg wa’athan yu Israel e ra buch wa’athan.”
4483	NUM 25:11	“Bochan e n’en nike rin’ Finehas, ma kem’aynag e damumuw rog ngak e girdi’ nu Israel. Ya deyag rok ni k’adan’ ko tayfan ni yibe tay ngak yug reb e got ni gathi gag, aramfan ni da gu thang owcharad u fithik’ e damumuw rog.
4485	NUM 25:13	Ni ir nge pi’in bay yib ni owchen e ke duwgil ni yad e prist ndariy n’umngin nap’an, ni bochan e de k’adan’ ko togopluw ni yibe tay ngog, ni aram fan ni kan n’agfan e denen ko girdi’.”
4494	NUM 26:3	Ma aram me non Moses nge Eleazar ni prist ngak e girdi’ u lan e tafel’fel’ u Moab u charen e lul’ nu Jordan ni bay yu Jeriko nga barba’ riy nra ga’argow,
4554	NUM 26:63	Irera’ e picha’ ni yoloy Moses nge Eleazar ni prist fithingrad nga babyor u nap’an ni yow be mathe’eg girdi’ u Israel ko fa gi tafel’fel’ u Moab u charen e Lul’ nu Jordan ni bay yu Jeriko nga barba’.
4570	NUM 27:14	ya gimew l’agruw nda mfolgow ko tin gog u daken e ted u Zin. Fa ngiyal’nem ni i gun’gun’ yu Israel nib togopluw ngog u Meribah mi gimew siyeg ni ngam dagew u p’eowcherad nib pagan’mew nga gelngig nib thothup.” (Meribah e fare alublub ni bay u Kadesh u daken e ted nu Zin.)
4678	NUM 31:12	ngar feked i yan ngak Moses nge Eleazar nge girdi’en yu Israel, ni yad bay ko tafel’fel’ u Moab u puluwon yu Jeriko nga barba e lul’ u Jordan.
4682	NUM 31:16	Gimed manang ni ppin e i fol ko n’en ni i yog Balaam u Peor ngar waliyed e girdi’ ndaki yul’yul’ ngak SOMOL. Ni aram e ren’en ni girengiy e liliy nga daken e girdi’ rok SOMOL.
4732	NUM 32:12	Ni urngin e girdi’ nib mu’un ko ran’ey, kemus ni Kaleb ni be’ nib mo’on ni fak Jefunneh ni reb e Kenizzite nge Joshua nib mo’on ni fak Nun; yow e ra pirew ni yow ba yul’yul’ ngak SOMOL.
4848	NUM 35:1	U lan e tafelf’el’ u Moab, u cheren e Jordan ni ba’ yu Jeriko nga barba’ riy, e ga’ar SOMOL riy ngak Moses,
4877	NUM 35:30	Be’ ni kan oloboch ngak nike li’ be’ ke yim’ e rayag ni ngan duwgiliy nib buch e rok min li’ nge yim’ ni kemus fa’anra micheg l’agruw fa dalip e girdi’; ma dab ni fanay ni fa’anra ta’abe’ e nge micheg nib buch e rok fa en ke cham.
4894	NUM 36:13	Irera’ e pi gafal nge pi gam’ing ni pi’ SOMOL ngak yu Israel u daken Moses u lan e tafel’fel’ u Moab u charen e lul’ nu Jordan ni bay’ yu Jeriko nga barba’ riy.
4928	DEU 1:34	“Me rung’ag SOMOL e gun’gun’ ni um ted me yib e damumuw ngak, mri micheg ni ga’ar,
4930	DEU 1:36	Kemus ni yi go’ Kaleb nib mo’on ni fak Jefunneh e ra thap ngaram. Ya ke par nib yul’yul’ ngog. Ere bay gu pi’ ngak Kaleb nge pi’in owchen fare nam nike lekag.’
5010	DEU 4:4	Machane gimed e pi’in ni mu pared nigmed ba yul’yul’ ngak SOMOL ni Got romed e kigmed ba fos e daba’.
5103	DEU 6:15	Ya fa’an gimed ra rin’, ma damumuw rok SOMOL e ra yib ngomed ni bod ba daramram nib gel nge thirifmed u but’, ya SOMOL ni Got romed, ni ir e bay romed e dabiyag ni nge k’adan’ ni fa’an gimed ra togopluwnag reb e got ngak.
5113	DEU 6:25	Fa’an gadad ra yul’yul’ ngu’ud folgad u gubin e tin keyog Got ngodad ni ngad rin’ed, ma gadad ra fel’ u wan’.’
5141	DEU 8:2	Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.
5155	DEU 8:16	u rom u daken e ted e pi’ e manna ngu’um ked, ni ba ggan ndawori kay e chitamangimed ni kakrom bi’id. I pi’ bogi n’en nib mo’maw’ nge yib ngomed ni nge sikeng nagmed, ya nge yan i tomur me yu’nag e tin bfel’ ngomed.
5157	DEU 8:18	Dab mu paged talin ni SOMOL ni Got romed e ir e be pi’ gelngimed be yo’or ban’en romed. Be rin’ ni ara’ rogon, ni bochan e ka daba’ ma ku be par nib yul’yul’ ko fare m’ag ni ngongliy u thilrad e chitamangimed ni kakrom.
5208	DEU 10:20	Ngu’um pired ni bay madgun SOMOL ni Got romed u wun’med ma kemus ni ir e ngu’um liyorgad ngak. Ma gimed be par ni gimed ba yul’yul’ ngak ma kemus ni fithingan e ngu’um micheged bbugithin ngay.
5232	DEU 11:22	“Ngu’um folgad ma gimed be yul’yul’ ko urngin e tin kug ta’chiylen ngomed: Nge t’uf romed SOMOL ni Got romed, mi gimed rin’ urngin e tin keyog ni ngan rin’, mi gimed yul’yul’ ngak.
5278	DEU 13:5	Mu leked SOMOL ni Got romed mi i par madgun u wun’med. Mu ted nga tagil’ e tin keyog ni ngu’um rin’ed, mi gimed fol u lungun, mu’um pigpiggad ngak mi gimed par ni gimed ba yul’yul’ ngak.
5325	DEU 15:4	“I SOMOL ni Got romed e bayi fal’eg wa’athmed u lan fare nam ni nge pi’ ngomed. Dariy ta’abe’ u fithik’ e pi girdi’ romed nra gafgow
5330	DEU 15:9	Dab mu siyeged ni ngam pi’ed ban’en ngak ni malfith, ni bochan e ke chugur ko fare duw nra math e malfith riy. Dab mu paged ba leam ni aray feni kireb nge aw nga laniyan’med. Ya fa’an gimed ra siyeg ni ngam pi’ed’ e malfith ngak, mra yor ngalang ngak SOMOL nib togopluw ngom, mra mang gur e buch e rom.
5363	DEU 16:19	Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.
5372	DEU 17:6	Machane, rayag ni ngan thang e pogofan rok ni fa’anra l’agruw fa bo’or ko l’agruw e girdi’ nra micheg nike rin’ facha’ e kireb. Dab ni thang e pogofan rok facha’ ni fa’anra kemus ni ta’abe’ e micheg e tin ke rin’.
5374	DEU 17:8	“Fa’anra bay yu pa’ e oloboch ni kay gi mo’maw’ ngak e pi tapuf oloboch u lan binaw ni ngar pithged, ni bod e yu pa’ i oloboch u mat’wey ko binaw, ara maad’ad ni kantay ku be’, ara pi oloboch ni kan thang e pogofan ku be’ nderyag i ki’eg ko ni kal riy ara ni leamnag. Re yodro’ ban’en, ma ngan yan ko fa ta’gin’en tagil’ e liyor ni SOMOL ni Got romed e turguy,
5385	DEU 17:19	Mi i tay e re ke babyor ney u charen, ngi i be’eg u n’umngin nap’an e yafos rok. Ya nge yag ni i par madgun SOMOL u wan’, mi i yul’yul’ ngi i fol u gubin e tin kanog riy ni ngan rin’.
5397	DEU 18:11	ara ra fanayed falayin e fl’egyan’ fa adag; ara pong thagith.
5399	DEU 18:13	Ngu’um pired ni gimed ba yul’yul’ ngak SOMOL.”
5575	DEU 26:7	Ma gamad wenig ngak SOMOL ni Got rok epi chitamangimad ni kakrom ni nge ayuwegmad. Me rung’ag lammad, me guy e gafgow ni yibe tay ngomad, nge pin’en nib mo’maw’ ni be yib ngomad, nge maruwel nib gel ni yibe pi’ ngomad gamad be gafgow riy.
5584	DEU 26:16	“I SOMOL ni Got romed e be yog ngomed ni ngu’um folgad u urngin e pi motochiyel rok; ere um folgad riy u fithik’ e yul’yul’ u polo’ i gum’ircha’med nge lanin’med.
5614	DEU 28:1	“Fa’an gimed ra fol rok SOMOL ni Got romed mi gimed yul’yul’ i ayuweg urngin e tin keyog ni ngam rin’ed ni kug weliy ngomed e daba’, mra taymed ni gimed e re nam nth’abi sorok u daken e fayleng.
5626	DEU 28:13	I SOMOL ni Got romed e bayi tay e nam romed ngi i gagiyegnag e pi nam ma gathi pi nam e ngu’ur gagiyeg niged gimed; gubin ngiyal’ ma bay um pired ni bfel’ rogomed ma dariy bi’id ni nge kireb rogomed ni fa’an gimed ra yul’yul’ ngu’um folgad u gubin e tin keyog SOMOL ni gu be yog ngomed e daba’.
5633	DEU 28:20	“Fa’anra um rin’ed e kireb mi gimed pi’ keru’med ngak SOMOL mra girengiy e riya’ nga dakenmed, me wagegey lanin’med ma tin ba mo’maw’ e bay i yib ngomed u gubin e tin gimed ra ngongliy, nge taw ko ngiyal’ ni yira thirifmed u but’ nib polo’ nib pey.
5642	DEU 28:29	Bay um gorbalgad ni rran ni bod be’ nib malmit, ma dabi yag ni ngam pir’eged e kanawo’ romed. Dariy ban’en ni gimed ra ngongliy nra fel’ rogomed riy. Yug bay um pired ni gubin ngiyal’ ma yi be gafgow nagmed, ma yi be moro’ro’ ngomed, ma dariy be’ nra ayuwegmed.
5681	DEU 28:68	Bayi fulwegmed SOMOL u barkow nga Egypt, ni yug aram rogon nike ga’ar dakuriy rogon miki gimed sul e ngaram bayay. Mu rom e bay um guyed rogon ni ngam pi’ed gimed nchuway’ ngak e pi to’ogor romed ni aram e ngam manged sib rorad. Machane dariy ta’abe’ nra m’agan’ ngay ni nge chuw’iymed.”
5686	DEU 29:4	Aningeg i ragag e duw ni pow’iymed SOMOL u daken fare gi ted ndar tugul ban’en riy; ma de mogchoth e mad u dakenmed, ma de math’math’ e sus u rifrifen aymed.
5721	DEU 30:11	“Re motochiyel ney ni nggu pi’ ngomed e daba’ e gathi ban’en nib mo’maw’ ara ban’en ni dab mu dadgad ngay.
5730	DEU 30:20	Nge t’uf romed SOMOL ni Got romed, nga um folgad rok ma gimed be par ni gimed ba yul’yul’ ngak, ni fan e gimed nge pi’in owchemed e nge yag ni mu pired nib n’uw nap’med u lan e re nam ni ba’aram ni micheg ngak pi chitamangimed ni kakrom ni bayi pi’ ngorad, ni aram Abraham nge Isak nge Jakob.”
5746	DEU 31:16	Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.
5764	DEU 32:4	“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.
5790	DEU 32:30	Mangfan nra ta’reb e biyu’ me gel ta’abe’ ngorad, ma ri l’agruw e girdi’ me gel ngak ragag i biyu’? I SOMOL ni Got rorad e ke pagrad; Got rorad ni ba’ gelngin nib gel e ke n’agrad.
5802	DEU 32:42	Pi gan e gat’ing rog e bay i lul’ racha’rad riy, ma saydon e bayi thang e pogofan rok urngin e pi’in ur togopluwgad ngog. Dariy ta’abe’ ni i cham ngog ni gu ra pag, mus ko pi’in kar maad’adgad nge pi’in kan kolrad ko mael ni yad ra yim’.’
5821	DEU 33:9	Yul’yul’ ni ur ted ngom e kab gel ko yul’yul’ ni ur ted ngak e gallabthir rorad, nge ngak pi walagrad ara pifakrad. Ur folgad ko thin rom ma ur pired ni yad ba yul’yul’ ko m’ag rom.
5842	DEU 34:1	Me chuw Moses ko tafel’fel’ u Moab nge farthag ko Burey ni Nebo, me yan u rom nge p’ebgul e Burey ni Pisgah ko ngek u Jeriko, ni aram e gin ni dag SOMOL ngak riy ga’ngin yang fare nam ni tabab ko nug nu Gilead nge mada’ ko fachi binaw nu Dan ko lel’och;
5949	JOS 5:13	Nap’an ni chugur Joshua nga Jeriko, ma yigi da’da’ nike guy be’ ni pumo’on nib sak’iy nga m’on rok, ni bay ba saydon u pa’. Me yan Joshua ngak nge fith ni ga’ar, “Gur reb e salthaw romad ara gur e to’ogor romad?”
6094	JOS 10:28	I Joshua e cham nge kol yu Makkedah nge pilung riy ni krofen nem. Me thang e pogofan rok urngin e girdi’ u langgin fare binaw; dakriy ta’abe’ ni pag ni kabfos. Ma n’en ni rin’ ngak fare pilung nu Jeriko e ku aram e n’en ni rin’ ngak fare pilung nu Makkedah.
6103	JOS 10:37	ngar koled. Mar thanged e fan rok fare pilung nge gubin e girdi’ nu lan fare binaw ma ku’er i tay e pi yochi binaw nib chugur ngay. Me duwgiliy Joshua fare binaw ni ngan gathay nge aw ni dakuriy tulwen u but’, nri bod rogon ni kar rin’ned nga Eglon. Dariy ta’abe’ nra paged ni kabfos.
6106	JOS 10:40	Miki kol Joshua fare nam ni ga’ngin. Me gel ngak fapi pilung ko fapi binaw ni go’ burey, nge pi binaw nu sigre’en e burey ko ngek, nge binaw u enggin e burey ko ngal, ma ku er rogon e tin bay ko pi binaw ndariy e ran riy ni bay ko yimuch. Dariy ta’abe’ ni digey; gubin e girdi’ nni thang e fan rorad. Irera’ e n’en nike yog SOMOL ni Got rok yu Israel ni ngan rin’.
6433	JOS 22:5	Nopa’med ni ngam folgad ko fare motochiyel ni pi’ Moses ngomed: nge t’uf SOMOL ni Got romed, mi gimed rin’ e tin nib mag’an ngay, mi gimed fol ko pi motochiyel rok, mi gimed par ni gimed ba yul’yul’ ngak, mi gimed pigpig ngak u polo’ i gumircha’med ngu polo’ i lanin’med.”
6492	JOS 24:14	Ma aram me yog Joshua ngak e girdi’ ni ga’ar: “Mu liyorgad ku SOMOL, mi gimed fol rok, mi gimed par ni gimed ba yul’yul’ ngak ni gubin ngiyal’. Mu chuweged e pi got ni i tay pi chitamangimed farad u Mesopotamia ngu Egypt, ya kemus ni go’ SOMOL e ngu’um pigpiggad ngak.
6501	JOS 24:23	Me ga’ar, “Ere mu n’iged e pi got nu boch e nam ni bay romed, mi gimed yog ni ngu’um pired ni gimed ba yul’yul’ ngak SOMOL, ni ir e Got nu Israel.”
6525	JDG 1:14	Rofen ni yaran e m’agpa’ rorow me suruy Othniel Aksah ni nge ning bang i flang ngak e chitamngin. Me og Aksah u daken e dongki rok nga but’, me fith Kaleb ngak ko mang e ba’adag.
6598	JDG 3:28	Me ga’ar ngorad, “Mu lekedgag! I SOMOL e ke gel nagmed rok e pi to’ogor romed, ni piyu Moab.” Aram miyad lek Ehud nga tan e pe’ning ngar koled fa gin’en nma th’ab piyu Moab e lul’ ni Jordan riy nga barba’; dar paged ta’abe’ nge thap nga barba’.
6638	JDG 5:13	Ma aram e pi’in yad ba yul’yul’ e rabad nga pe’ning ngak e pi’in yad e gafal rorad; girdi’ rok SOMOL e rabad ngak ni kar fal’eged rogorad ko cham.
6672	JDG 6:16	Me filuweg SOMOL, “Rayag rom ya gu ra ayuwegnem. Bay mu pirdi’iy yu Midian nrib mom ni gowa ta’abe’ e kamcham ngak!”